Blood Donation  ಎಲ್ಲ ದಾನಗಳಿಗಿಂತ ರಕ್ತದಾನ ಶ್ರೇಷ್ಠ ಕೆಲಸವಾಗಿದ್ದು, ರಕ್ತದಾನ ಮಾಡುವುದರಿಂದ ಜೀವ ಉಳಿಸುವ ಮಹತ್ತರ ಕಾರ್ಯದಲ್ಲಿ ಸೇವೆ ಸಲ್ಲಿಸಿದಂತಾಗುತ್ತದೆ. ಕಾಲ ಕಾಲಕ್ಕೆ ರಕ್ತದಾನದ ಅಭ್ಯಾಸ ಮಾಡಿಕೊಳ್ಳುವುದರಿಂದ ಉತ್ತಮ ಆರೋಗ್ಯ ಕಾಪಾಡಿಕೊಳ್ಳಬಹುದು ಎಂದು ಮೆಗ್ಗಾನ್ ಭೋದನಾ ಜಿಲ್ಲಾ ಆಸ್ಪತ್ರೆಯ ರಕ್ತಕೇಂದ್ರದ ವೈದ್ಯೆ ಡಾ. ವೀಣಾ ಹೇಮಂತ್ ಹೇಳಿದರು.

ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆ ಪ್ರಯುಕ್ತ ಜಿಲ್ಲಾ ಒಕ್ಕಲಿಗರ ವೇದಿಕೆ ವತಿಯಿಂದ ಪಂಪಾ ಶಿವಮೊಗ್ಗ ನಗರದಲ್ಲಿ ಆಯೋಜಿಸಿದ್ದ ಬೃಹತ್ ರಕ್ತದಾನ ಶಿಬಿರ ಹಾಗೂ ನೇತ್ರದಾನ ಶಿಬಿರಕ್ಕೆ ಚಾಲನೆ ನೀಡಿ ಮಾತನಾಡಿದರು.
ರಕ್ತದಾನ ಮಾಡುವುದರಿಂದ ದೇಹದಲ್ಲಿ ಕೊಬ್ಬಿನಾಂಶ ಕಡಿಮೆಯಾಗಿ ಉತ್ತಮ ಆರೋಗ್ಯ ಹೊಂದಲು ಸಹಕಾರಿ ಆಗುತ್ತದೆ. ರಕ್ತದಾನದಿಂದ ಹೃದಯಾಘಾತ ಸಂಭವ ಕಡಿಮೆ ಹಾಗೂ ದೇಹದಲ್ಲಿ ಹೊಸ ರಕ್ತ ಉತ್ಪತ್ತಿಯಾಗುತ್ತದೆ. ಇತರರ ಜೀವ ಉಳಿಸಲು ಸಾಧ್ಯವಾಗುತ್ತದೆ ಎಂದು ತಿಳಿಸಿದರು.

ಶಿವಮೊಗ್ಗ ಜಿಲ್ಲಾ ಒಕ್ಕಲಿಗರ ಮಹಿಳಾ ವೇದಿಕೆ ಅಧ್ಯಕ್ಷೆ ಸುಪ್ರಿಯಾ ರಾಮಪ್ಪ ಮಾತನಾಡಿ, ಪ್ರತಿಯೊಬ್ಬರು ನೇತ್ರದಾನ ಮಾಡುವ ಸಂಕಲ್ಪ ಮಾಡಬೇಕು. ಇದರಿಂದ ಇನ್ನೊಬ್ಬರ ಬದುಕಿಗೆ ಬೆಳಕು ನೀಡಲು ಸಾಧ್ಯವಾಗುತ್ತದೆ ಎಂದು ಹೇಳಿದರು.

Blood Donation  ರೋಟರಿ ಮಾಜಿ ಸಹಾಯಕ ಗವರ್ನರ್ ಜಿ.ವಿಜಯ್‌ಕುಮಾರ್ ಮಾತನಾಡಿ, ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆಯನ್ನು ನೇತ್ರದಾನ ಮತ್ತು ರಕ್ತದಾನದ ಜಾಗೃತಿ ಮೂಡಿಸುವ ಮೂಲಕ ಆಚರಿಸುತ್ತಿರುವುದು ಅತ್ಯಂತ ಅಭಿನಂದನೀಯ. ಯುವಜನತೆ ಕಾಲ ಕಾಲಕ್ಕೆ ರಕ್ತದಾನ ಮಾಡಬೇಕು ಎಂದು ತಿಳಿಸಿದರು.

ಕಾರ್ಯದರ್ಶಿ ರಚನಾ ಸಂತೋಷ್, ಖಜಾಂಚಿ ಮಹಿಮಾ ಪ್ರಶಾಂತ್, ಗೌರವಾಧ್ಯಕ್ಷೆ ಅಂಜು ಸುರೇಶ್, ಶೃತಿ ಗೌತಮ್, ಅರ್ಚನಾ, ಸಿಂಧು ಕಿಶೋರ್, ಕಾವ್ಯಾ ಸತೀಶ್, ಜ್ಯೋತಿ ಸುಬ್ಬೇಗೌಡ, ಸುರಭಿ, ಶೈಲಾ ವಾಸುದೇವ್, ಛಾಯಾ ಜಯಂತ್, ರಚನಾ ಪ್ರೀತಮ್, ರಂಜಿತಾ ಆದಿತ್ಯ ಮತ್ತಿತರರು ಉಪಸ್ಥಿತರಿದ್ದರು. 50ಕ್ಕೂ ಹೆಚ್ಚು ಯೂನಿಟ್ ರಕ್ತದಾನ ಮಾಡಲಾಯಿತು.

Book Your Advertisement Now.
Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

Raghavendra Tirtha ಕಲ್ಪವೃಕ್ಷ ಎಂದರೆ ಒಂದು ಕಡೆ ಇದ್ದು ನಮಗೆ ಬೇಕಾದ್ದನ್ನ ನೀಡುವ ಅನುಪಮ ಶಕ್ತಿಯುಳ್ಳದ್ದು. ಕಾಮಧೇನು ಅಷ್ಟೆ ಬಯಸಿದ್ದನ್ನು
ಕೊಡುವಂಥದ್ದು.

ಕಲಿಯುಗದಲ್ಲಿ
ಶ್ರೀರಾಘವೇಂದ್ರ ಸ್ವಾಮಿಗಳನ್ನ ಕಲ್ಪವೃಕ್ಷ ಮತ್ತು ಕಾಮದೇನು ಅಂತ
ಕರೆಯಲಾಗುತ್ತದೆ. ರಾಯರು ಜಾತಿಮತ ಪಂಥ ಮೀರಿ ಎಲ್ಲ ಭಕ್ತರನ್ನೂ ಅನುಗ್ರಹಿಸಿತ್ತಾರೆ ಎಂದು
ಮಂತ್ರಾಲಯ ಶ್ರೀರಾಘವೇಂದ್ರ ಸ್ವಾಮಿಗಳ ಮಠದ ಪೀಠಾಧಿಪತಿ ಶ್ರೀಸುಬುಧೇಂದ್ರ ತೀರ್ಥರು ನುಡಿದ್ದಿದ್ದಾರೆ.

ಶ್ರೀಪಾದಂಗಳವರು ಶಿವಮೊಗ್ಗ ಬೊಮ್ಮನಕಟ್ಟೆ ಬಡಾವಣೆಯಲ್ಲಿ‌
ಕಟ್ಟಿರುವ ನೂತನ ಮಂದಿರದಲ್ಲಿ
ಶ್ರೀರಾಘವೇಂದ್ರ ಸ್ವಾಮಿಗಳ ಮೃತ್ತಿಕಾ ಬೃಂದಾವನ ಪ್ರತಿಷ್ಠಾಪನಾ ಮುನ್ನಾದಿನ ಆಶೀರ್ವಚನ ನೀಡಿದರು.

ನೆರೆ ರಾಜ್ಯದಲ್ಲಿದ್ದರೂ ಕರ್ನಾಟಕ ಸರ್ಕಾರವು ಮಂತ್ರಾಲಯದ ಅಭಿವೃದ್ಧಿಗೆ ಪರೋಕ್ಷ ನೆರವು ನೀಡುತ್ತಿದೆ. ಶ್ರೀ ಯಡಿಯೂರಪ್ಪ ನವರು ಮುಖ್ಯಮಂತ್ರಿಗಳಾಗಿದ್ದಾಗಿನ ಅವಧಿಯಲ್ಲಿ ಹನ್ನೆರಡು ಕೋಟಿ ರೂಪಾಯಿಗಳ ನೆರವು ನೀಡಿದ್ದನ್ನ
ಶ್ರೀಗಳು ಸ್ಮರಿಸಿದರು.

ಪ್ರಸ್ತುತ ಶಿವಮೊಗ್ಗದಲ್ಲಿ ಶ್ರೀರಾಯರ ಮಠ ನಿರ್ಮಾಣ
ಈಗ್ಯೆ ಹಿಂದಿನ ಯತಿವರ್ಯರೂ ಮತ್ತು ತಮಗೆ ಪೀಠ ನೀಡಿದ ಹಿರಿಯ ಗುರುಗಳೂ ಆಗಿದ್ದ ಶ್ರೀ ಸುಯತೀಂದ್ರ ತೀರ್ಥರ ಅಪೇಕ್ಷೆಯಾಗಿತ್ತು. ಜನನಾಯಕ ಈಶ್ವರಪ್ಪನವರಲ್ಲಿ ಹಿರಿಯ ಗುರುಗಳೇ ತಮ್ಮ ಇಚ್ವಚೆ ವ್ಯಕ್ತಪಡಿಸಿದ್ದರು.ಯೋಗಾಯೋಗ ಕೂಡಿ ಈಗ ಬೊಮ್ಮನಕಟ್ಟೆಯಲ್ಲಿ ಭವ್ಯ ಮಠ ನಿರ್ಮಾಣವಾಗಿದೆ.

ಶಾಸಕ ಈಶ್ವರಪ್ಪನವರದ್ದು ಮಠ ನಿರ್ಮಾಣಕಾರ್ಯದಲ್ಲಿ ಗಣನೀಯ ಕೊಡುಗೆ ಇದೆ. ಜೊತೆಗೆ ಅಸಂಖ್ಯ ಭಕ್ತರೂ ಕೂಡ ರಜತ ಕವಚ, ಪೂಜಾ ಪರಿಕರಗಳು ಹೀಗೆ ಅನೇಕರಿಂದ ಇಲ್ಲಿನ ಭವ್ಯ ಮಠ ತಲೆಯೆತ್ತಿ ನಿಂತಿದೆ. ಶಿವಮೊಗ್ಗದ ಎಲ್ಲ ಸಮಾಜ ಬಾಂಧವರು ಇಂದಿನ ಸಮಾರಂಭದಲ್ಲಿ ಉಪಸ್ಥಿತರಿರುವುದು ತಮಗೆ ಸಂತೋಷ ತಂದಿದೆ. ಹಿಂದೂ ಸಮಾಜ ಹೀಗೆ ಒಗ್ಗಟ್ಟಿನಿಂದ ಮುಂದುವರೆಯಬೇಕಿದೆ ಎಂದು ಶ್ರೀ ಸುಬುಧೇಂದ್ರ ತೀರ್ಥರು ಅಭಿಪ್ರಾಯ ಪಟ್ಟರು.

ಸ್ವಾಗತ ಸಮಿತಿ ಅಧ್ಯಕ್ಷ ಶಾಸಕ‌‌ ಕೆ.ಎಸ್. ಈಶರಪ್ಪನವರು ಮಾತನಾಡಿ
ಹಿಂದೂ ಸಮಾಜದ ಏಕತೆಗೆ ಶ್ರಮಿಸುತ್ತಿರುವ ಮಂತ್ರಾಲಯದ ಇಂದಿನ ಶ್ರೀಸುಬುಧೇಂದ್ರ ಸ್ವಾಮಿಗಳು ಬೇರೆಯವರಿಗೆ ಮಾದರಿಯಾಗಿದ್ದಾರೆ. ಹಿಂದೆ ಶಂಕುಸ್ಥಾಪನೆಗೆ ಬಂದಾಗ ಶಿವಮೊಗ್ಗದ ಹರಿಜನ ಕೇರಿಗೆ ಮೊದಲು ಭೇಟಿ ನೀಡಿದ್ದರು.‌

ಇಡೀ ಕೇರಿಕೇರಿಯೇ ರಂಗೋಲಿಯಿಂದ ತುಂಬಿತ್ತು. ಅಲ್ಲಿ ಜನ ಅಷ್ಟು ಸಂಭ್ರಮ ಪಟ್ಟರು.ಅಲ್ಲಿನ
ವೃದ್ಧೆಯೊಬ್ಬರು ತುಳಸಿಮಾಲೆಯನ್ನ
ಗುರುಗಳ ಪಾದಕ್ಕೆ ಅರ್ಪಿಸಿ ಗುರುಗಳನ್ನು ಬಾಚಿತಬ್ಬಿಕೊಂಡರು ಎಂದು. ಆ ಭಕ್ತೆಯ ಭಕ್ತಿ ಪರಾಕಾಷ್ಠೆಯನ್ನ ತಾವು ಕಣ್ಣಾರೆ
ಕಂಡಿದ್ದನ್ನ ವರ್ಣಿಸಿದರು.

ಶಾಸಕ ಈಶ್ವರಪ್ಪನವರು ಪ್ರಸ್ತುತ ಬೊಮ್ಮನಕಟ್ಟೆ ಪ್ರದೇಶಕ್ಕೆ ಇನ್ನುಮುಂದೆ ಶ್ರೀರಾಘವೇಂದ್ರ ನಗರ ಎಂದು ನಾಮಕರಣ ಮಾಡಲು ಸೂಕ್ತ ಕ್ರಮಕೈಗೊಳ್ಳವುದಾಗಿ ತಿಳಿಸಿದರು.

ನಿಕಟಪೂರ್ವ ಮುಖ್ಯಮಂತ್ರಿ ಬಿ .ಎಸ್.ಯಡಿಯೂರಪ್ಪನವರು
ಮಾತನಾಡಿ ಶ್ರೀರಾಯರ ಮಹಿಮೆ ಮತ್ತು ಪವಾಡಗಳನ್ನ ಕೊಂಡಾಡಿದರು.

Raghavendra Tirtha ಸಾರ್ವಜನಿಕ ಸಮಾರಂಭದಲ್ಲಿ ನಾಗರಿಕರ ಪರವಾಗಿ ಶ್ರೀ ಸುಬುಧೇಂದ್ರ ತೀರ್ಥರಿಗೆ ಗೌರವ ಅರ್ಪಿಸಲಾಯಿತು.
ಮೊದಲಿಗೆ ಶ್ರೀಗಳ ಪುರಪ್ರವೇಶ ಶೋಭಾಯಾತ್ರೆ ವೈಭವಯುತವಾಗಿತ್ತು.
ವಿನೋಬಾನಗರದ ಆಂಜನೇಯ ದ್ವಾರದಿಂದ ಬೊಮ್ಮನಕಟ್ಟೆಯ ವರೆಗೆ ವಿದ್ಯುದ್ದೀಪಾಲಂಕೃತ ರಥದಲ್ಲಿ ಶ್ರೀಸುಬುಧೇಂದ್ರ ತೀರ್ಥರನ್ನ ಕರೆತರಲಾಯಿತು. ಶಿವಮೊಗ್ಗ ಮತ್ತು ಸುತ್ತಲ ಪ್ರದೇಶದ ಸಾವಿರಾರು ಭಕ್ರರು ಭಜನೆ,ಸ್ತೋತ್ರ, ಗಾಯನಗಳಿಂದ ಶೋಭಾಯಾತ್ರೆಗೆ ಮೆರುಗು ತುಂಬಿದರು.

ಕೆ. ಈ ಕಾಂತೇಶ್ ಅವರು ಎಲ್ಲರಿಗೂ ಸ್ವಾಗತ ಕೋರಿದರು. ಶ್ರೀಗಂಧ ಸಂಸ್ಥೆಯ ಶ್ರೀನಾಥ್ ನಗರ ಗದ್ದೆ ಕಾರ್ಯಕ್ರಮವನ್ನು ನಿರೂಪಿಸಿದರು.

Book Your Advertisement Now.
Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

Klive Article  ಭೂವರಾಹ (ವಾದಿರಾಜರ ಜನ್ಮನಾಮ)ಹುಟ್ಟಿದ್ದು ಭೂವರಾಹದೇವರ ಅನುಗ್ರಹದಿಂದ.
ಸಂತಾನವಿಲ್ಲದ ಹೂವಿನಕೆರೆಯಲ್ಲಿದ್ದ ಶ್ರೀರಾಮಾಚಾರ್ಯರು ಮತ್ತುಗೌರಿದೇವಿ ದಂಪತಿಗಳು ಕುಂಭಾಶಿಯಲ್ಲಿ ಚಾತುರ್ಮಾಸ ವ್ರತಕ್ಕೆ ಕುಳಿತಿದ್ದ ಯತಿಗಳಾದ ಶ್ರಿವಾಗೀಶತೀರ್ಥರ ದರ್ಶನಮಾಡಿ ಅವರ ಆಶೀರ್ವಾದ
ಪಡೆದು ಭೂವರಾಹ ದೇವರ ಅನುಗ್ರಹದಿಂದ ಪುತ್ರಸಂತಾನ ವಾಗುತ್ತದೆ.

ಮಗು ಹುಟ್ಟುವ ಮೊದಲೇಶ್ರೀವಾಗೀಶತೀರ್ಥರಿಗೂ ಮತ್ತು ರಾಮಾಚಾರ್ಯ ದಂಪತಿಗಳಿಗೂ ಒಪ್ಪಂದವಾಗಿರುತ್ತದೆ.ಏನೆಂದರೆ ಮಗು ಮನೆಯ ಹೊರಗೆ ಹುಟ್ಟಿದರೆ ಮಠದ ಆಸ್ತಿ,ಎಂದರೆ ಮಗುವನ್ನು ಭೂವರಾಹದೇವರ ಸೇವೆಗಾಗಿ ಮಠಕ್ಕೆ ಕೊಡಬೇಕು.ಮನೆಯ ಒಳಗೆ ಹುಟ್ಟಿದರೆ ತಂದೆತಾಯಿಗಳ ಆಸ್ತಿ ಎಂದು.

ಮನುಷ್ಯ ಬಯಸುವುದು ಒಂದಾದರೆ ದೈವೇಚ್ಛೆಯೇ ಬೇರೆಯಾಗಿರುತ್ತೆ.
ಒಂದು ದಿನ ಸಾಧನೆ ದ್ವಾದಶಿ ಬೆಳಿಗ್ಗೆಯೇ ಪಾರಣೆ
ಬಂದಿರುತ್ತೆ.ರಾಮಾಚಾರ್ಯರು ದೇವರಪೂಜೆ
ಮುಗಿಸಿ ಊಟಕ್ಕೆ ಕುಳಿತಿರುತ್ತಾರೆ.ಪತ್ನಿ ಗೌರೀದೇವಿ
ಯಜಮಾನರಿಗೆ ಬಡಿಸುತ್ತಿದ್ದಾರೆ.ಆಗ ಅವರ ಮನೆಯ ಪಕ್ಕದಲ್ಲಿದ್ದ ಗದ್ದೆಗೆ ನಾಲ್ಕಾರು ದನಗಳು
ಬೆಳೆದ ಪೈರನ್ನು ತಿನ್ನಲು ಬಂದಿರುತ್ತವೆ.ಇದನ್ನು
ನೋಡಿದ ತುಂಬು ಗರ್ಭಿಣಿ ಗೌರೀದೇವಿಯವರು
ಗದ್ದೆಗೆ ನುಗ್ಗಿದ ದನ ಓಡಿಸಲು ಹೊರಗೆ ಬರುತ್ತಾರೆ.
ದನ ಓಡಿಸಲಿಕ್ಕೆ ಬಂದವರಿಗೆ ಗದ್ದೆಯಲ್ಲೇ ಪ್ರಸವ ವೇದನೆ ಶುರುವಾಗಿ ಅಲ್ಲೇ ಒಂದು ಮರದ ಕೆಳಗೆ
ಮುದ್ದಾದ ಗಂಡುಮಗುವಿನ ಜನನವಾಗುತ್ತೆ.
ಒಪ್ಪಂದದ ಪ್ರಕಾರ ತಂದೆತಾಯಿಯರು ಮಗುವನ್ನು ತಂದು ಮಠದಲ್ಲಿ ಶ್ರೀಗಳವರಿಗೆ ಒಪ್ಪಿಸುತ್ತಾರೆ.

ಶ್ರೀಗಳವರು ಮಗುವಿಗೆ ಆಶೀರ್ವಾದಮಾಡಿ
ಭೂವರಾಹ ನೆಂದು ನಾಮಕರಣ ವಾಗುತ್ತದೆ.
ಮುಂದೆ ಬಾಲಕ ಭೂವರಾಹನಿಗೆ ಕಾಲಕಾಲಕ್ಕೆ
ಚೌಲ,ಉಪನಯನ ಸಂಸ್ಕಾರಗಳು ನಡೆದವು.
ಶ್ರೀವಾಗೀಶತೀರ್ಥರಿಂದ ಹಯಗ್ರೀವ ಮಂತ್ರೋಪದೇಶವನ್ನು ಪಡೆದು ಕಠಿಣ ತಪಶ್ಚರ್ಯದಿಂದ ಸಿದ್ಧಿಯನ್ನು ಪಡೆಯುತ್ತಾನೆ.
ಬಾಲಕನಾಗಿರುವಾಗಲೇ ವೈರಾಗ್ಯದ ಕಡೆಗೆ ಒಲವು
ಹೊಂದಿರುತ್ತಾನೆ ಭೂವರಾಹ.
ಶ್ರೀವಾಗೀಶತೀರ್ಥರುತಮ್ಮಉತ್ತರಾಧಿಕಾರಿ
ಯಾಗಲು ಭೂವರಾಹ ನೇ ಸೂಕ್ತ ವ್ಯಕ್ತಿ ಎಂದು ತೀರ್ಮಾನಿಸಿ ಭೂವರಾಹನಿಗೆ ಸನ್ಯಾಸ ದೀಕ್ಷೆ ಬೋಧಿಸಿ “ವಾದಿರಾಜತೀರ್ಥ”ರೆಂದು ನಾಮಕರಣ ಮಾಡುತ್ತಾರೆ.ಗುರುಗಳಾದ ಶ್ರೀವಾಗೀಶತೀರ್ಥರು
ಬೃಂದಾವನಸ್ಥರಾದ ಮೇಲೆ ವಾದಿರಾಜರು ವೇದಾಂತ ಶಾಸ್ತ್ರ ಅಧ್ಯಯನಕ್ಕಾಗಿ ಶ್ರೀವ್ಯಾಸರಾಯ ಗುರುಗಳ ಬಳಿಗೆ ಬರುತ್ತಾರೆ.
ಇಲ್ಲಿ ಇವರಿಗೆ ಶ್ರೀವಿಜಯೀಂದ್ರತೀರ್ಥರು ಸಹಪಾಠಿಯಾಗಿ ಸಿಗುತ್ತಾರೆ.ವಿಜಯನಗರದ ಅರಸನಾಗಿದ್ದ ಕೃಷ್ಣದೇವರಾಯ ಇವರ ಪಾಂಡಿತ್ಯಕ್ಕೆ ಗೌರವಿಸಿ “ಪ್ರಸಂಗಾ
ಭರಣ ತೀರ್ಥ”ರು ಎಂಬ ಬಿರುದನ್ನು ನೀಡಿ ಸನ್ಮಾನಿಸುತ್ತಾನೆ.
ವ್ಯಾಸರಾಯ ಗುರುಗಳಿಂದ ವಿದ್ಯಾಭ್ಯಾಸ ಮುಗಿಸಿ
ಹೊರಡುವಾಗ ಗುರುಗಳಿಂದ ವ್ಯಾಸಮುಷ್ಟಿಯನ್ನು
ಪಾರಿತೋಷಕವಾಗಿ ಪಡೆದು ಉಡುಪಿಗೆ ಮರಳುತ್ತಾರೆ.
ಉಡುಪಿಯಲ್ಲಿ ಮಧ್ವಾಚಾರ್ಯರು ಪ್ರತಿಷ್ಠಾಪಿಸಿದ ಶ್ರೀಕೃಷ್ಣನ ಪೂಜೆಯನ್ನು 2 ತಿಂಗಳಿಂದ ಎರಡುವರ್ಷಕ್ಕೆ ವಿಸ್ತರಿಸಿದರು.
ಶ್ರೀವಾದಿರಾಜರು ತಾವು ರಚಿಸಿದ ಅಸಂಖ್ಯಾತ
ಕೀರ್ತನೆಗಳಷ್ಟೇ ಅಲ್ಲದೆ ಸಾಹಿತ್ಯರಚನೆಯಲ್ಲಿಯೂ
ಪ್ರಸಿದ್ಧರಾಗಿದ್ದಾರೆ.ಇಡೀ ಭರತ ಖಂಡವನ್ನು 4
ಬಾರಿ ಸಂಚರಿಸಿ ಪ್ರಪ್ರಥಮ ಪ್ರವಾಸ ಸಾಹಿತ್ಯ
ವೆನ್ನ ಬಹುದಾದ ತೀರ್ಥಪ್ರಬಂಧ ಎನ್ನುವ ಕೃತಿ
ರಚಿಸಿದರು.ರುಕ್ಮಿಣೀಶವಿಜಯ,ಸ್ವಪ್ನವೃಂದಾವನಾಖ್ಯಾನ,ಯುಕ್ತಿ ಮಲ್ಲಿಕ ಎನ್ನುವ ಕೃತಿಗಳನ್ನು ರಚಿಸಿದ್ದಾರೆ.ಲಕ್ಷ್ಮೀಶೋಭಾನೆ ಎನ್ನುವ ಪದ್ಯದ ಧಾಟಿಯಲ್ಲಿರುವ ಕೃತಿ ಮೇರು ಕೃತಿಯಾಗಿದೆ.
ಶ್ರೀವಾದಿರಾಜ ಸ್ವಾಮಿಗಳವರು ಒಂದು ಸಾರಿ ತಿರುಪತಿಗೆ ಶ್ರೀನಿವಾಸನ ದರ್ಶನಕ್ಕೆಂದು ಶಿಷ್ಯರೊಟ್ಟಿಗೆ ಹೋಗುತ್ತಾರೆ.ಅವರಿಗೆ ಸ್ವಾಮಿಯ ಬೆಟ್ಟಹತ್ತಲು ಹೋದಾಗ ಬೆಟ್ಟವು ಸಾಲಿಗ್ರಾಮ ಶಿಲೆಯಂತೆ ಕಂಡು ಪಾದದಿಂದ ಹತ್ತದೇ ತಮ್ಮ ಮೊಳಕಾಲುಗಳಿಂದ ಬೆಟ್ಟವನ್ನು ಹತ್ತಿ ಶ್ರೀನಿವಾಸದೇವರದರ್ಶನಮಾಡುತ್ತಾರೆ.ಶ್ರೀನಿವಾಸದೇವರಿಗೆ ಸಾಲಿಗ್ರಾಮದ ಹಾರವನ್ನು ಅರ್ಪಿಸಿ ಅನುಗ್ರಹ ಪಡೆಯುತ್ತಾರೆ.
ಐದು ಬಾರಿ ಪರ್ಯಾಯ ಪೀಠವನ್ನಲಂಕರಿಸಿದ
ಯತಿವರೇಣ್ಯರು.120 ವರ್ಷಗಳ ಕಾಲ ತುಂಬು
Klive Article  ಸಾರ್ಥಕ ಜೀವನ ನಡೆಸಿದ ಮಹಾನುಭಾವರು.
ಇವರು ಪೂಜಿಸಿದ ಶ್ರೀರಮಾತ್ರಿವಿಕ್ರಮ ದೇವರ
ಸನ್ನಿಧಿ,ಮತ್ತು ಇವರ ಶಿಷ್ಯರಾದ ಶ್ರೀಭೂತರಾಜರ
ದಿವ್ಯಸನ್ನಿಧಾನವೂ ಸೋಂದಾಕ್ಷೇತ್ರದಲ್ಲಿ ಇರುತ್ತದೆ.
ಶ್ರೀವಾದಿರಾಜರು ಸಶರೀರರಾಗಿ ಕ್ರಿಶ 1600 ಫಾಲ್ಗುಣ ಬಹುಳ ತೃತೀಯ ದಂದು ಸೋಂದಾ ಕ್ಷೇತ್ರದಲ್ಲಿ ಬೃಂದಾವನ ಪ್ರವೇಶಮಾಡಿದರು.

ಶ್ರೀಗಳವರ ಆರಾಧನೆಯಂದು ಭಕ್ತಿಯಿಂದ ಅವರ ಸ್ಮರಣೆಮಾಡಿ ನಮನಗಳನ್ನು ಸಲ್ಲಿಸಿ ಧನ್ಯರಾಗೋಣ.

ಲೇ: ಎನ್.ಜಯಭೀಮ ಜೊಯಿಸ್. ಶಿವಮೊಗ್ಗ

Book Your Advertisement Now.
Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

Scouts and Guides ಶಿವಮೊಗ್ಗ: ಸ್ಕೌಟ್ಸ್ ಮತ್ತು ಗೈಡ್ಸ್ ಸಂಸ್ಥೆಯು ಶಿಸ್ತಿನ ಸಂಸ್ಥೆಯಾಗಿದ್ದು, ಮಕ್ಕಳಿಗೆ ಶಿಸ್ತನ್ನು ಕಲಿಸುತ್ತದೆ. ಮಕ್ಕಳಲ್ಲಿ ಹುದುಗಿರುವ ಪ್ರತಿಭೆಯನ್ನು ಹೊರ ತೆಗೆಯುವಲ್ಲಿ ಸಂಸ್ಥೆಯ ಮುಖ್ಯ ಪಾತ್ರವಾಗಿದೆ ಎಂದು ತೀರ್ಥಹಳ್ಳಿ ಪಟ್ಟಣ ಪಂಚಾಯಿತಿ ಅಧ್ಯಕ್ಷೆ ಸುಶೀಲಾ ಶೆಟ್ಟಿ ಹೇಳಿದರು.

ಭಾರತ್ ಸ್ಕೌಟ್ಸ್ ಮತ್ತು ಗೈಡ್ಸ್ ತೀರ್ಥಹಳ್ಳಿ ಸ್ಥಳೀಯ ಸಂಸ್ಥೆಯ ಸ್ಕೌಟ್ಸ್ ಮತ್ತು ಗೈಡ್ಸ್, ರ‍್ಯಾಲಿ ಹಾಗೂ ಅಭಿನಂದನಾ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿ, ಇತ್ತೀಚೆಗೆ ನಡೆದ ಅಂತರಾಷ್ಟ್ರೀಯ ಸಾಂಸ್ಕೃತಿಕ ಜಾಂಬೂರಿಯಲ್ಲಿ ತೀರ್ಥಹಳ್ಳಿ ತಾಲ್ಲೂಕಿನ ಮಕ್ಕಳು ಭಾಗವಹಿಸಿ ತೀರ್ಥಹಳ್ಳಿಗೆ ಒಳ್ಳೆ ಹೆಸರನ್ನು ತಂದುಕೊಟ್ಟಿದ್ದಾರೆ. ಇದರಿಂದ ನಮ್ಮ ತಾಲ್ಲೂಕಿನಲ್ಲಿ ಹೆಚ್ಚು ಹೆಚ್ಚು ಸ್ಕೌಟ್ಸ್ ಮತ್ತು ಗೈಡ್ಸ್ ಆರಂಭಿಸಲು ಸಾಧ್ಯವಾಯಿತು ಎಂದು ತಿಳಿಸಿದರು.

ಪಟ್ಟಣ ಪಂಚಾಯತಿ ಮುಖ್ಯಾಧಿಕಾರಿ ಕುರಿಯಕೋಸ್ ಸಿ ಮಾತನಾಡಿ, ಶಿಕ್ಷಣ ಪಡೆಯುವುದು ಪ್ರತಿಯೊಬ್ಬರ ಹಕ್ಕು. ಕೇವಲ ಪಠ್ಯ ಪುಸ್ತಕದಿಂದ ಸಂಪೂರ್ಣ ಕಲಿಕೆ ಸಾಧ್ಯವಿಲ್ಲ ಪಠ್ಯೇತರ ಚಟುವಟಿಕೆಗಳಲ್ಲು ಮಗು ಮುಂದಿರಬೇಕು. ಸ್ಕೌಟ್ಸ್ ಮತ್ತು ಗೈಡ್ಸ್ ಮಕ್ಕಳು ಉತ್ತಮ ಸೇವೆ ಸಲ್ಲಿಸುತ್ತಿರುವುದರಿಂದ ಮಕ್ಕಳಲ್ಲಿ ಸಂಘಟನಾ ಮನೋಭಾವ, ಶಿಸ್ತು, ಸಂಯಮ ಮತ್ತು ಆತ್ಮವಿಶ್ವಾಸವನ್ನು ಬೆಳೆಸಿ ಸಮಾಜದ ಉತ್ತಮ ಪ್ರಜೆಗಳನ್ನು ನಿರ್ಮಾಣ ಮಾಡುವಲ್ಲಿ ಶ್ರಮ ವಹಿಸುತ್ತಿರುವುದು ಶ್ಲಾಘನಿಯ ಎಂದರು.

ಜಿಲ್ಲಾ ಆಯುಕ್ತರಾದ ಕೆ.ಪಿ.ಬಿಂದುಕುಮಾರ ಹಾಗೂ ಶಕುಂತಲಾ ಚಂದ್ರಶೇಖರ್, ಅಕ್ಷರದಾಸೋಹ ತಾಲ್ಲೂಕಾಧಿಕಾರಿ ಪ್ರವೀಣ್ ಅವರು ಮಕ್ಕಳಿಗೆ ಶುಭಕೋರಿದರು.

ಕ್ಷೇತ್ರ ಶಿಕ್ಷಣಾಧಿಕಾರಿ ಆನಂದಕುಮಾರ್ ಮಾತನಾಡಿ, ಮಕ್ಕಳಲ್ಲಿ ವಿನಯ, ಶಿಸ್ತು ಮತ್ತು ಸಹೋದರತ್ವ ಪುಸ್ತಕ ಓದುವುದರಿಂದ ಬರುವುದಿಲ್ಲ. ಮಕ್ಕಳು ಸಮಾಜದಲ್ಲಿ ಬೆರೆಯಬೇಕು ಒಳಿತು ಕೆಡುಕುಗಳನ್ನು ಅವಲೋಕಿಸಬೇಕು. ಸರಿಯಾದ ಮಾರ್ಗದಲ್ಲಿ ನಡೆದು ಸಮಾಜವನ್ನು ಸರಿಯಾದ ಮಾರ್ಗದಲ್ಲಿ ನಡೆಸುವಂತಾಗಬೇಕು ಎಂದರು.

ಎಲ್.ಎ.ಕಾರ್ಯದರ್ಶಿ ಎ.ಎಸ್.ಮಂಜುನಾಥ, ಸುಜಾತಾ, ಎ.ಎಸ್.ಒ.ಸಿ ಭಾರತಿ ಡಾಯಸ್, ಉಪಾಧ್ಯಕ್ಷ ಪ್ರಭಾವತಿ ಶ್ಯಾಮಣ್ಣ, ಜಿಲ್ಲಾ ಕಾರ್ಯದರ್ಶಿ ಹೆಚ್.ಪರಮೇಶ್ವರ್, ಸಹಕಾರ್ಯದರ್ಶಿ ವೈ.ಆರ್.ವೀರೇಶಪ್ಪ, ಎಡಿಸಿಗಳಾದ ಜಸ್ಸಿಬಾಯಿ, ಎ.ಎಂ.ಗಿರೀಶ, ರತ್ನಾಕರ, ಪಿಆರ್‌ಒ ವಿಜಯಕುಮಾರ, ಶಿವಶಂಕರ, ಬಿಇಒ ಕಚೇರಿಯ ಸಿಬ್ಬಂದಿ, ತಾಲೂಕಿನ ವಿವಿಧ ಶಾಲೆಯ 250 ಸ್ಕೌಟ್ಸ್ ಗೈಡ್ಸ್ ಗಳು ಭಾಗವಹಿಸಿದ್ದರು.

Book Your Advertisement Now.
Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

Environmentalists  ಶಿವಮೊಗ್ಗ ನಗರದ ಶ್ವಾಸಕೋಶದಂತಿರುವ ಅಂತರ್ಜಲ ಹಾಗೂ ಜೀವವೈವಿಧ್ಯತೆಗೆ ಜೀವನಾಡಿಯಾಗಿರುವ ಏಕೈಕ ರಾಗಿಗುಡ್ಡಕ್ಕೆ ಗಂಡಾಂತರ ಮತ್ತು ಕುತ್ತು ಬಂದೊದಗಿದೆ.

ರಾಗಿಗುಡ್ಡ ಉಳಿಸುವುದು ಶಿವಮೊಗ್ಗದ ಪ್ರತಿಯೊಬ್ಬ ನಾಗರಿಕರ ಜವಾಬ್ದಾರಿ ಹಾಗೂ ಕರ್ತವ್ಯ ಕೂಡ,

“Environmentalists ರಾಗಿಗುಡ್ಡ ಉಳಿಸಿ ಆಂದೋಲನ “ಕುರಿತು ಪೂರ್ವಭಾವಿ ಸಭೆಯನ್ನು ದಿನಾಂಕ 11,03, 2023,ರ ಶನಿವಾರ ನವ್ಯಶ್ರೀ ಅನ್ನಪೂರ್ಣ ಸಭಾಂಗಣದಲ್ಲಿ ಸಂಜೆ 5:30ಕ್ಕೆ ಪೂರ್ವಭಾವಿ ಸಭೆಯನ್ನು ಕರೆಯಲಾಗಿದೆ ನಗರದ ಎಲ್ಲಾ ಪರಿಸರಾಸಕ್ತರು ಆಗಮಿಸಬೇಕೆಂದು ಈ ಮೂಲಕ ಕೋರಲಾಗಿದೆ.

Book Your Advertisement Now.
Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

International Women’s Day ಮಹಿಳೆ ಕೇವಲ ಅಡುಗೆ ಮನೆಯಲ್ಲಿ ಸೀಮಿತರಾಗಿರದೇ ಇಂದು ಎಲ್ಲಾ ಕ್ಷೇತ್ರಗಳಲ್ಲಿ ಅಪ್ರತಿಮೆ ಸಾಧನೆ ಮಾಡಿ ಯಶಸ್ಸು ಗಳಿಸುವ ಮೂಲಕ ಗಂಡಿನ ಸರಿಸಮಾನವಾಗಿ ಬೆಳೆಯುತ್ತಿದ್ದಾರೆ ಎಂದು ಜಿಲ್ಲಾ ಕಾರಾಗೃಹ ಅಧೀಕ್ಷಕ ಶ್ರೀಶೈಲಾ ಎಸ್.ಮೇಟಿ ಅವರು ಹೇಳಿದರು.

ಚಿಕ್ಕಮಗಳೂರು ನಗರ ಹೊರವಲಯದ ಜಿಲ್ಲಾ ಕಾರಾಗೃಹದಲ್ಲಿ ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆ ಕಾರ್ಯಕ್ರಮವನ್ನು
ಉದ್ಘಾಟಿಸಿ ಅವರು ಮಾತನಾಡುತ್ತಿದ್ದರು.

ಮಹಿಳೆಯು ದೇಶದ ಪ್ರಧಾನಿ, ರಾಷ್ಟ್ರಪತಿಯಾಗಿ ಕಾರ್ಯನಿರ್ವಹಿಸಿ ಉತ್ತಮ ಯಶಸ್ಸನ್ನು ಗಳಿಸಿದ್ದಾರೆ.

ಕಾರಾಗೃಹದ ಇಲಾಖೆಯಲ್ಲಿ ಕಾರ್ಯನಿರ್ವಹಿಸುವ ಜೊತೆಗೆ ತಮ್ಮ ಸಾಂಸರಿಕ ಜೀವನದಲ್ಲಿ ಗಂಡ, ಮಕ್ಕಳೊಂದಿಗೆ ಉತ್ತಮ ಬಾಂಧವ್ಯ ಹೊಂದಿ ಎರಡಲ್ಲೂ ವೃತ್ತಿಯನ್ನು ಶಕ್ತಿಯುತವಾಗಿ ನಿಭಾಯಿಸುತ್ತಿದ್ದಾರೆ ಎಂದು ಬಣ್ಣಿಸಿದರು.

ಪ್ರತಿಯೊಬ್ಬರ ಗಂಡಿನ ಜೀವನದಲ್ಲಿ ಹೆಣ್ಣು ತಾಯಿಯಾಗಿ, ತಂಗಿಯಾಗಿ, ಅಕ್ಕನಾಗಿ, ಮಡದಿಯಾಗಿ, ಸ್ನೇಹಿತೆಯಾಗಿ ಪ್ರಮುಖ ಪಾತ್ರವನ್ನು ವಹಿಸುತ್ತಿದ್ದಾರೆ. ಜೊತೆಗೆ ಸಕುಟುಂಬದ ಸಂಪೂರ್ಣ ಜವಾಬ್ದಾರಿಯನ್ನು ನಿಭಾಯಿಸುವ ಮೂಲಕ ಗಂಡಿನ ಯಶಸ್ಸಿಗೆ ಕಾರಣರಾಗಿದ್ದಾರೆ ಎಂದು ತಿಳಿಸಿದರು.

International Women’s Day ಜೈಲರ್ ಎಂ.ಕೆ.ನೆಲಧರಿ ಮಾತನಾಡಿ ಮಹಿಳೆಯು ಸಂಸಾರ ಜೀವನದಲ್ಲಿ ಗಂಡನ ಜೊತೆ ಸಹಪಾಠಿಯಾಗಿ ನಿಲ್ಲುವ ಪರಿಣಾಮವೇ ಇಂದು ಅತಿಎತ್ತರಕ್ಕೆ ಗಂಡ ಮತ್ತು ಮಕ್ಕಳು ಬೆಳೆಯಲು ಸಾಧ್ಯ. ತನ್ನ ಸುಖವನ್ನು ಮಕ್ಕಳು ಗಂಡಿನಿಗೆ ಸೀಮಿತಗೊಳಿಸಿ ಮಹಾತ್ಯಾಗಿಯಾಗಿದ್ದಾರೆ ಎಂದು ವಿವರಿಸಿದರು.

ಈ ಸಂದರ್ಭದಲ್ಲಿ ಕಾರಾಗೃಹ ಇಲಾಖೆಯ ಸಹಾಯಕ ಜೈಲರ್‌ಗಳಾದ ಅಲೀಮುದ್ದಿನ್, ಬೊಂಗಾಳೆ, ಮುಖ್ಯ ಮಹಿಳಾ ಪೇದೆ ಉಷಾ ಮತ್ತಿತರರು ಉಪಸ್ಥಿತರಿದ್ದರು.

Book Your Advertisement Now.
Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

JDS ಚಿಕ್ಕಮಗಳೂರು, ತಾಲ್ಲೂಕಿನ ಮಲ್ಲೇನಹಳ್ಳಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಭಕ್ತರಹಳ್ಳಿ ಗ್ರಾಮದಲ್ಲಿ ಬಿಜೆಪಿ ಕಾರ್ಯಕರ್ತರು ಯುಗಾದಿ ಹಬ್ಬದ ಪ್ರಯುಕ್ತ ಸೀರೆ ವಿತರಿಸಿದ್ದು, ಅಲ್ಲಿನ ಗ್ರಾಮಸ್ಥರು ಸೀರೆಯನ್ನು ಸುಡುವ ಮೂಲಕ ಆಕ್ರೋಶ ವ್ಯಕ್ತಪಡಿಸಿ ಬಿಜೆಪಿಯನ್ನು ತಿರಸ್ಕರಿಸಿದ್ದಾರೆ ಎಂದು ಜೆಡಿಎಸ್ ನಗರ ಮಹಾಪ್ರಧಾನ ಕಾರ್ಯದರ್ಶಿ ಸಿ.ಕೆ.ಮೂರ್ತಿ ಹೇಳಿದ್ದಾರೆ.

ಈ ಸಂಬಂಧ ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿರುವ ಅವರು ಹಣದ ಮೂಲಕ ಚುನಾವಣೆ ಎದುರಿಸಲು ಸಜ್ಜಾಗಿರುವ ಬಿಜೆಪಿಯನ್ನು ಜಿಲ್ಲೆಯ ಜನತೆ ಈ ಬಾರಿ ತಿರಸ್ಕರಿಸಲು ಮುಂದಾಗಿದ್ದಾರೆ. ಸತತವಾಗಿ 20 ವರ್ಷಗಳ ಕಾಲ ಶಾಸಕರಾಗಿ ಕಾರ್ಯನಿರ್ವಹಿಸಿದ್ದರೂ ಕೂಡಾ ಅಭಿವೃದ್ದಿ ಕಾರ್ಯ ಮರೀಚಿಕೆಯಾಗಿದೆ ಎಂದು ಆರೋಪಿಸಿದ್ದಾರೆ.

ಶಾಸಕ ಸಿ.ಟಿ.ರವಿ ಅವರು ಪ್ರಸ್ತುತ ಆತ್ಮವಿಮರ್ಶೆ ಮಾಡಿಕೊಳ್ಳಬೇಕು. ಕ್ಷೇತ್ರವನ್ನು ಇಷ್ಟು ದಿನಗಳ ಆಳಿದ ಶಾಸಕರು ಮಾದರಿ ಕ್ಷೇತ್ರವನ್ನಾಗಿ ರೂಪಿಸಿಲ್ಲ. ಕೇವಲ ಚುನಾವಣೆ ಸಮೀಪಿಸುತ್ತಿರುವ ವೇಳೆಯಲ್ಲಿ ಸೀರೆ, ಹಣ, ಹೆಂಡದ ಮೂಲಕ ಚುನಾವಣೆ ಎದುರಿಸಲು ಸಾಧ್ಯ ಎಂಬುವ ಮನಸ್ಥಿತಿಯನ್ನು ತಕ್ಷಣವೇ ಬದಲಾಯಿಸಿಕೊಳ್ಳಿ ಎಂದು ತಿಳಿಸಿದ್ದಾರೆ.

JDS ಈ ಬಾರಿ ಕ್ಷೇತ್ರದಲ್ಲಿ ಮತದಾರರು ಯಾವುದೇ ಆಮಿಷಕ್ಕೊಳಗಾಗದೇ ಚುನಾವಣೆ ಎದುರಿಸಲು ಸಿದ್ದರಾಗಿದ್ದಾರೆ. ಪ್ರತಿ ಬಾರಿಯು ಮೋದಿ, ಯಡಿಯೂರಪ್ಪ ಹಾಗೂ ಹಿಂದುತ್ವದ ಹೆಸರಿನಲ್ಲಿ ಚುನಾವಣೆ ಎದುರಿಸುವುದನ್ನು ಮೊದಲು ನಿಲ್ಲಿಸಬೇಕು. ಶಾಸಕರು ಅಭಿವೃದ್ದಿ ವಿಚಾರದಲ್ಲಿ ಉತ್ತಮ ಕಾರ್ಯನಿರ್ವಹಿಸಿದ್ದರೆ ಜನತೆ ತಾವಾಗಿಯೇ ಮತ ನೀಡುತ್ತಾರೆ. ಅಭಿವೃದ್ದಿ ಶೂನ್ಯವಾಗಿರುವ ಹಿನ್ನೆಲೆಯಲ್ಲಿ ಕ್ಷೇತ್ರದ ಜನತೆ ಈ ಬಾರಿ ಬಿಜೆಪಿಯನ್ನು ತಿರಸ್ಕರಿಸಿ ಜೆಡಿಎಸ್‌ನತ್ತ ಒಲವು ಹೊಂದಲಿದ್ದಾರೆ ಎಂದಿದ್ದಾರೆ.

ರಾಜ್ಯ ಹಾಗೂ ಜಿಲ್ಲೆಯಲ್ಲಿ ಹೆಚ್.ಡಿ.ಕುಮಾರಸ್ವಾಮಿಯವರ ಅಧಿಕಾರಾವಧಿಯಲ್ಲಿ ಕೈಗೊಂಡ ಅಭಿವೃದ್ದಿ ಯನ್ನು ಜನತೆ ಮನಸ್ಸಿನಲ್ಲಿಟ್ಟುಕೊಂಡು ಮುಂದೆ ಜೆಡಿಎಸ್‌ಗೆ ಬೆಂಬಲ ಸೂಚಿಸಲಿದ್ದಾರೆ. ಇನ್ನೂ ಮುಂದಾದರೆ ಶಾಸಕರು ಇರುವಷ್ಟು ದಿನಗಳ ಕಾಲ ಯಾವುದೇ ಧೀಮಂತ ನಾಯಕರನ್ನು ಟೀಕಿಸುವುದು ಬಿಟ್ಟು ಕ್ಷೇತ್ರದಲ್ಲಿ ಅಭಿವೃದ್ದಿ ಕಾರ್ಯಗಳ ಬಗ್ಗೆ ಚಿಂತಿಸಿ ಎಂದು ಹೇಳಿದ್ದಾರೆ.

Book Your Advertisement Now.
Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

Health Inspection Camp ಉಡುಪಿ ಪ್ರಸಾದ್ ನೇತ್ರಾಲಯ, ಸೂಪರ್ ಸ್ಪೆಷಾಲಿಟಿ ಕಣ್ಣಿನ ಆಸ್ಪತ್ರೆ, ಎಎಪಿ ಜಿಲ್ಲಾ ಘಟಕ, ನೇಚರ್ ಕನ್ಸರ್‌ವೇಷನ್ ಟ್ರಸ್ಟ್ ಬಿಕ್ಕೇಮನೆ ಇವರ ಸಂಯುಕ್ತಾಶ್ರಯದಲ್ಲಿ ಚಿಕ್ಕಮಗಳೂರು ತಾಲ್ಲೂಕಿನ ಚಿಕ್ಕಗೌಜ ಗ್ರಾಮದ ಕನಕ ಸಮುದಾಯ ಭವನದಲ್ಲಿ ಮಾ.12 ರಂದು ಬೆಳಿಗ್ಗೆ 10 ರಿಂದ ಮಧ್ಯಾಹ್ನ 1.30ರವರೆಗೆ ಉಚಿತ ನೇತ್ರಾ, ಕಿವಿ, ಮೂಗು, ಗಂಟಲು ಹಾಗೂ ದಂತ ಕ್ಷಯ ತಪಾಸಣಾ ಶಿಬಿರವನ್ನು ಆಯೋಜಿಸಲಾಗಿದೆ.

ಶಿಬಿರದಲ್ಲಿ ನೇತ್ರ ತಜ್ಞ ಡಾ. ಪ್ರಮೋದ್ ಪಾಂಡುರಂಗ ತಪಾಸಣೆ ನಡೆಸಲಿದ್ದಾರೆ. ಶಿಬಿರಕ್ಕೆ ಆಗಮಿಸುವ ವ್ಯಕ್ತಿಗಳು ಗುರುತಿನ ಚೀಟಿ ಕಡ್ಡಾಯವಾಗಿ ತರತಕ್ಕದ್ದು. ಕಾರ್ಯಕ್ರಮದಲ್ಲಿ ಚಿಕ್ಕಗೌಜ ಗ್ರಾ.ಪಂ. ಅಧ್ಯಕ್ಷರು ಹಾಗೂ ಸದಸ್ಯರುಗಳು ಭಾಗವಹಿಸಲಿದ್ದಾರೆ,

Health Inspection Camp ಹೆಚ್ಚಿನ ಮಾಹಿತಿಗಾಗಿ ಮೊಬೈಲ್ 7065015858, 9448186237 ಸಂಖ್ಯೆಯನ್ನು ಸಂಪರ್ಕಿಸ ಬಹುದಾಗಿದೆ ಎಂದು ಎಎಪಿ ರಾಜ್ಯ ಸಹ ಕಾರ್ಯದರ್ಶಿ ಡಾ. ಕೆ.ಸುಂದರಗೌಡ ತಿಳಿಸಿದ್ದಾರೆ.

Book Your Advertisement Now.
Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

Thirthahalli : ದೇವಸ್ಥಾನಗಳ ಸಂರಕ್ಷಣೆ ಮಾಡುವುದು ಹಾಗೂ ಪೂಜಾ ವಿಧಿ ವಿಧಾನಗಳು ನಿರಂತರವಾಗಿ ನಡೆಯುವಂತೆ ಮಾಡುವುದು ನಮ್ಮೆಲ್ಲರ ಕರ್ತವ್ಯ. ಭಗವಂತ ಪ್ರಸನ್ನವಾಗಿದ್ದರೆ ನಮ್ಮೆಲ್ಲರ ಶ್ರೇಯಸ್ಸು ಎಂದು ಶೃಂಗೇರಿ ಶಾರದಾಪೀಠದ ಜಗದ್ಗುರು ಶ್ರೀ ವಿಧುಶೇಖರ ಭಾರತೀ ಸ್ವಾಮೀಜಿ ಹೇಳಿದರು.

ತೀರ್ಥಹಳ್ಳಿ ತಾಲೂಕಿನ ತೀರ್ಥಮತ್ತೂರು ಅಂಚೆ ವ್ಯಾಪ್ತಿಯ ಕೊಡಿಗೆಬೈಲು ದೇವಾಲೇಕೊಪ್ಪದಲ್ಲಿರುವ ಶ್ರೀ ಮಲ್ಲಿಕಾರ್ಜುನ ಸ್ವಾಮಿ ದೇವಸ್ಥಾನದ ನೂತನ ಶಿಲಾಮಯ ಗರ್ಭಗುಡಿಯ ಪುನರ್ ಪ್ರತಿಷ್ಠಾಪನಾ ಮತ್ತು ಮಹಾಕುಂಭಾಭಿಷೇಕ ಮಹೋತ್ಸವ ಕಾರ್ಯಕ್ರಮದಲ್ಲಿ ಸಾನ್ನಿಧ್ಯ ವಹಿಸಿ ಆಶೀರ್ವಚನ ನೀಡಿದರು.

ಒಳ್ಳೆಯ ಕೆಲಸಗಳು ಮಾಡುವುದೇ ಧರ್ಮ, ಪಾಪದ ಕೆಲಸಗಳನ್ನು ಮಾಡಿದರೆ ಅಧರ್ಮ ಅನುಸರಿಸಿದಂತೆ ಆಗುತ್ತದೆ. ಧರ್ಮ ಅಧರ್ಮದ ಫಲಗಳು ನಮ್ಮ ಬದುಕಿನಲ್ಲಿ ಎದುರಾಗುತ್ತವೆ. ನಾವು ಮಾಡಿದ ಒಳ್ಳೆಯ ಕೆಲಸಗಳೇ ನಮಗೆ ಉತ್ತಮ ಫಲವನ್ನು ಸಿಗುವಂತೆ ಮಾಡುತ್ತವೆ. ಜೀವನದಲ್ಲಿ ಕಷ್ಟಕರ ಸನ್ನಿವೇಶದಿಂದ ಪಾರಾದ ಸಂದರ್ಭದಲ್ಲಿ ಅನುಭವಿಸುವ ಆಶ್ಚರ್ಯಕರ ಸಂಗತಿಯೇ ನಾವು ಮಾಡಿದ ಧರ್ಮಕಾರ್ಯಗಳ ಫಲ ಎಂದು ತಿಳಿಸಿದರು.

ಸಂಪೂರ್ಣ ಶಿಥಿಲಾವಸ್ಥೆ ತಲುಪಿದ್ದ ಶ್ರೀ ಮಲ್ಲಿಕಾರ್ಜುನ ಸ್ವಾಮಿ ದೇವಸ್ಥಾನ ಅತ್ಯಂತ ಸುಂದರವಾಗಿ ನಿರ್ಮಾಣಗೊಂಡಿದೆ. ಭಕ್ತರ ಫಲ ಸಿದ್ಧಿಸುವ ಧಾರ್ಮಿಕ ಕೇಂದ್ರವಾಗಿ ರೂಪುಗೊಂಡಿದೆ. ನಿರಂತರ ಪೂಜಾ ವಿಧಿ ವಿಧಾನಗಳು ನಡೆಯುವಂತೆ ಆಗಬೇಕು ಎಂದರು.

ಪುನರ್ ಪ್ರತಿಷ್ಠಾಪನೆ ಹಿನ್ನೆಲೆಯಲ್ಲಿ ಬುಧವಾರದಿಂದಲೇ ಧಾರ್ಮಿಕ ಪೂಜಾ ವಿಧಿ ವಿಧಾನ ಆರಂಭಗೊಂಡಿದೆ.3 ದಿನಗಳ ಕಾರ್ಯಕ್ರಮಗಳು ನಡೆಯಲಿವೆ. 2ನೇ ದಿನವಾದ ಗುರುವಾರ ಶೃಂಗೇರಿ ಜಗದ್ಗುರುಗಳ ಸಾನ್ನಿಧ್ಯದಲ್ಲಿ ಧಾರ್ಮಿಕ ಕಾರ್ಯಕ್ರಮಗಳು ನಡೆದವು.

ಭಕ್ತಾಧಿಗಳಿಗೆ 3 ದಿನ ಬೆಳಗ್ಗೆ, ಮಧ್ಯಾಹ್ನ ಹಾಗೂ ಸಂಜೆ ಅನ್ನ ಸಂತರ್ಪಣೆಗೆ ವ್ಯವಸ್ಥೆ ಮಾಡಲಾಗಿದೆ.

ಕಾರ್ಯಕ್ರಮದಲ್ಲಿ ಶ್ರೀ ಮಲ್ಲಿಕಾರ್ಜುನ ಸ್ವಾಮಿ ದೇವಸ್ಥಾನದ ಜೀಣೋದ್ಧಾರ ಸಮಿತಿ ಹಾಗೂ ದೇವಾಲಯ ಸಮಿತಿಯ ಪದಾಧಿಕಾರಿಗಳು ಹಾಗೂ ಗ್ರಾಮಸ್ಥರು ಹಾಜರಿದ್ದರು.

ಶೃಂಗೇರಿ ಶ್ರೀಗಳಿಂದ ಫಲಮಂತ್ರಾಕ್ಷತೆ
ಗುರುವಾರ ಬೆಳಗಿನ ಜಾವದಿಂದಲೇ ಶ್ರೀ ಮಲ್ಲಿಕಾರ್ಜುನ ಸ್ವಾಮಿ, ಮತ್ತು ಪರಿವಾರ ದೇವರುಗಳ ಪುನಃ ಪ್ರತಿಷ್ಠಾಪನಾ, ಅಷ್ಟಬಂಧ ಸಂಯೋಜನೆ, ಪ್ರತಿಷ್ಠಾ ಹೋಮ, ಜೀವಕುಂಭ ಸ್ಥಾಪನಾ, ಪ್ರಾಣಪ್ರತಿಷ್ಠೆ, ತತ್ವಕಲಶಾಭಿಷೇಕ, ಪಂಚವಿಂಶತಿ, ದ್ರವ್ಯಕಲಶಾಧಿವಾಸ ಪೂಜೆ ಹೋಮ ನಡೆಯಿತು. ಬೆಳಗ್ಗೆ 11ಕ್ಕೆ ಶೃಂಗೇರಿ ಶ್ರೀಗಳನ್ನು ಪೂರ್ಣಕುಂಭ ಸ್ವಾಗತದೊಂದಿಗೆ ಬರಮಾಡಿಕೊಳ್ಳಲಾಯಿತು.

Thirthahalli ವಿವಿಧ ವಾದ್ಯ ತಂಡಗಳು ಪಾಲ್ಗೊಂಡಿದ್ದವು. ಶೃಂಗೇರಿ ಶಾರದಾಪೀಠದ ಜಗದ್ಗುರು ಶ್ರೀ ವಿಧುಶೇಖರ ಭಾರತೀ ಸ್ವಾಮೀಜಿಗಳ ಅಮೃತಹಸ್ತದಿಂದ ಶ್ರೀ ಮಲ್ಲಿಕಾರ್ಜುನ ಸ್ವಾಮಿ ಮತ್ತು ಪರಿವಾರ ದೇವರುಗಳ ಪುನರ್ ಪ್ರತಿಷ್ಠಾಪನಾ, ಮಹಾಕುಂಭಾಭಿಷೇಕ ಸೇರಿದಂತೆ ಧಾರ್ಮಿಕ ಕಾರ್ಯಗಳು ನಡೆದವು. ನಂತರ ಸಭಾ ಕಾರ್ಯಕ್ರಮದಲ್ಲಿ ಜಗದ್ಗುರುಗಳಿಗೆ ಫಲ ಸಮರ್ಪಣೆ ಹಾಗೂ ಶ್ರೀಗಳು ಭಕ್ತರಿಗೆ ಫಲ ಮಂತ್ರಾಕ್ಷತೆ ನೀಡಿದರು.

ತೀರ್ಥಹಳ್ಳಿ ತಾಲೂಕಿನ ತೀರ್ಥಮತ್ತೂರು ಅಂಚೆ ವ್ಯಾಪ್ತಿಯ ಕೊಡಿಗೆಬೈಲು ದೇವಾಲೇಕೊಪ್ಪದಲ್ಲಿರುವ ಶ್ರೀ ಮಲ್ಲಿಕಾರ್ಜುನ ಸ್ವಾಮಿ ದೇವಸ್ಥಾನದ ನೂತನ ಶಿಲಾಮಯ ಗರ್ಭಗುಡಿಯ ಪುನರ್ ಪ್ರತಿಷ್ಠಾಪನಾ ಮತ್ತು ಮಹಾಕುಂಭಾಭಿಷೇಕ ಮಹೋತ್ಸವ ಕಾರ್ಯಕ್ರಮ ಪ್ರಯುಕ್ತ ಮಾ. 10ರ ಬೆಳಗ್ಗೆ 9.45ಕ್ಕೆ ಮೇಷ ಲಗ್ನದಲ್ಲಿ ನಾಗ ಪ್ರತಿಷ್ಠಾಪನೆ ಕಲಶಾಭಿಷೇಕ, ಮಲ್ಲಿಕಾರ್ಜುನ ದೇವರಿಗೆ ಶತರುದ್ರಾಭಿಷೇಕ, ಮಹಾಪೂಜೆ ಹಾಗೂ ಮಹಾಪ್ರಸಾದ ವಿನಿಯೋಗ ಇರಲಿದೆ. ಮಾ. 10ರ ಸಂಜೆ 7ಕ್ಕೆ ರೂಪಕಲಾ ಕುಂದಾಪುರ ಬಾಲಕೃಷ್ಣ ಪೈ ( ಕುಳ್ಳಪ್ಪು ) ಅರ್ಪಿಸುವ “ಮೂರು ಮುತ್ತು” ಕಲಾವಿದರಿಂದ ಹಾಸ್ಯ ನಗೆ ನಾಟಕ ನಡೆಯಲಿದೆ. 

Book Your Advertisement Now.
Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.