Wednesday, November 18, 2026
Wednesday, November 18, 2026
Home Blog Page 969

DIPR Karnataka ಸಾರ್ವಜನಿಕರೇ ಜೋಕೆ! ತಾಪಮಾನ ಏರುವಿಕೆ

0

DIPR Karnataka ದಿನದಿಂದ ದಿನಕ್ಕೆ ಬೇಸಿಗೆಯ ತಾಪ ಏರುತ್ತಿದ್ದು, ಇದು ಆರೋಗ್ಯದ ಮೇಲೂ ಪ್ರಭಾವ ಬೀರುತ್ತಿದೆ. ಅತಿ ಸುಸ್ತು, ತಲೆಸುತ್ತಿನಂತಹ ಲಕ್ಷಣಗಳಿಗೆ ಎಲ್ಲಾ ವಯೋಮಾನದವರು ಒಳಗಾಗುತ್ತಿದ್ದಾರೆ.

ಅಧಿಕ ತಾಪವು ನಿರ್ಜಲೀಕರಣದಂತಹ ಸಮಸ್ಯೆ ಉಂಟು ಮಾಡುತ್ತದೆ ಎಂದು ಕರ್ನಾಟಕ ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆ ತಿಳಿಸಿದೆ.

DIPR Karnataka ಇದನ್ನು ನಿರ್ಲಕ್ಷಿಸಿದರೆ ಹಲವು ಆರೋಗ್ಯ ಸಮಸ್ಯೆಗಳನ್ನು ಉಂಟು ಮಾಡಬಹುದು. ದೇಹದ ರಕ್ತ ಪರಿಚಲನೆಯಲ್ಲಿ ವ್ಯತ್ಯಾಸವಾಗಿ ಹೃದಯಾಘಾತ, ಸ್ಟ್ರೋಕ್‌ನಂತಹ ಸಮಸ್ಯೆಗಳಿಗೆ ತುತ್ತಾಗಬಹುದು. ಆದ್ದರಿಂದ ಬಿಸಿಲ ಸಂಬಂಧಿ ದೇಹದಲ್ಲಾಗುವ ಸಣ್ಣ ಸಮಸ್ಯೆಗಳನ್ನು ನಿರ್ಲಕ್ಷಿಸಬೇಡಿ ಎಂದು ಎಚ್ಚರಿಕೆ ನೀಡಿದೆ

Hartalu Halappa ಆನೆ ತುಳಿತಕ್ಕೆ ಸಿಕ್ಕ ಮೃತನ ಕುಟುಂಬಕ್ಕೆ ಸಾಂತ್ವನ ಹೇಳಿದ ಹರತಾಳು ಹಾಲಪ್ಪ

0

Hartalu Halappa ರಿಪ್ಪನ್‌ಪೇಟೆಯಬಸವಾಪುರ ಗ್ರಾಮದಲ್ಲಿ ಕಾಡಾನೆ ದಾಳಿಯಿಂದ ಮೃತಪಟ್ಟ ರೈತ ತಿಮ್ಮಪ್ಪ ಮನೆಗೆ ಮಾಜಿ ಸಚಿವ ಹರತಾಳು ಹಾಲಪ್ಪ ಭೇಟಿ ನೀಡಿ ತಿಮ್ಮಪ್ಪನವರ ಪತ್ನಿ ಹಾಗೂ ಪುತ್ರನಿಗೆ ಸಾಂತ್ವನ ಹೇಳಿದರು.

ರಿಪ್ಪನ್ ಪೇಟೆ ಪಟ್ಟಣದ ಬಿಜೆಪಿ ಕಚೇರಿಯಲ್ಲಿ ಸುದ್ದಿಗೋಷ್ಠಿ ಯಲ್ಲಿ ಮಾತನಾಡಿದ ಅವರು ಆನೆ ದಾಳಿಗೆ ಒಳಗಾದ ರೈತ ತಿಮ್ಮಪ್ಪ ಕುಟುಂಬಕ್ಕೆ 24 ಗಂಟೆಯೊಳಗೆ 15 ಲಕ್ಷ ಪರಿಹಾರ ನೀಡಬೇಕು. ಇಲ್ಲದಿದ್ದರೆ ಸರ್ಕಾರ ಹಾಗೂ ಅರಣ್ಯ ಇಲಾಖೆಯ ಅಧಿಕಾರಿಗಳ ವಿರುದ್ಧ ಉಗ್ರ ಪ್ರತಿಭಟನೆ ನಡೆಸಲಾಗುವುದು ಎಂದರು.

ಅರಣ್ಯ ಇಲಾಖೆಯ ಅಧಿಕಾರಿಗಳು ಇಲ್ಲ ಸಲ್ಲದ ಕಥೆ ಹೇಳಿದರೇ ಸುಮ್ಮನಿರಲು ಸಾಧ್ಯವಿಲ್ಲ, ಶನಿವಾರ ಸಂಜೆಯೊಳಗೆ ಸೂಕ್ತ ಪರಿಹಾರ ಘೋಷಿಸಬೇಕು ಇಲ್ಲದಿದ್ದರೇ ಹೋರಾಟ ಅನಿವಾರ್ಯಗುತ್ತದೆ, ಅರಣ್ಯ ಇಲಾಖೆಯ ವಿರುದ್ದ ನಮಗೆ ಹೋರಾಟ ಹೊಸದೇನಲ್ಲ ಹಿಂದೆ ಇಲಾಖೆಯ ದಬ್ಬಾಳಿಕೆಗೆ ಮಸರೂರು ಗ್ರಾಮದಲ್ಲಿ ಮೃತಪಟ್ಟ ರೈತನಿಗೆ ಪರಿಹಾರವನ್ನು ಹೋರಾಟದ ಮೂಲಕವೇ ಪಡೆದುಕೊಳ್ಳಲಾಯಿತು ಹಾಗೇಯೆ ರೈತ ತಿಮ್ಮಪ್ಪನ ಕುಟುಂಬಕ್ಕೂ ನ್ಯಾಯ ಒದಗಿಸುವ ಕೆಲಸ ಮಾಡುತ್ತೇವೆ ಎಂದರು.

Hartalu Halappa ಕೆಲವು ದಿನಗಳ ಹಿಂದೆ ಕರ್ನಾಟಕದ ಆನೆ ಕೇರಳದಲ್ಲಿ ರೈತನೊಬ್ಬನನ್ನು ಸಾಯಿಸಿದ್ದಕ್ಕೆ ಕೂಡಲೇ ಪರಿಹಾರ ಕೊಟ್ಟಿದ್ದರು ಅದೇ ಪ್ರಕಾರ ಬಸವಾಪುರದ ರೈತನ ಕುಟುಂಬಕ್ಕೂ ನಾಳೆ ಸಂಜೆಯೊಳಗೆ 15 ಲಕ್ಷ ಪರಿಹಾರ ನೀಡಬೇಕು,ರೈತ ತಿಮ್ಮಪ್ಪ ತನ್ನ ತೋಟದ ಪಕ್ಕದಲ್ಲಿನ ಕಾಡಿಗೆ ದರಗಲು ತರಲು ಹೋಗಿದ್ದಾನೆಯೇ ಹೊರತು ಕೊಡಲಿ ಹಿಡಿದು ಮರ ಕಡಿಯಲು ಹೋಗಿರಲಿಲ್ಲ ಅರಣ್ಯ ಇಲಾಖೆಯವರು ಏನಾದರೂ ಕಥೆ ಕಟ್ಟಿದರೆ ಸಹಿಸಲು ಸಾಧ್ಯವಿಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಈ ಸಂಧರ್ಭದಲ್ಲಿ ತಾಪಂ ಮಾಜಿ ಅಧ್ಯಕ್ಷ ವೀರೇಶ್ ಆಲುವಳ್ಳಿ , ಮಹಾಶಕ್ತಿ ಕೇಂದ್ರದ ಅಧ್ಯಕ್ಷ ಸತೀಶ್ , ಮುಖಂಡರುಗಳಾದ ಎಂ ಬಿ ಮಂಜುನಾಥ್ , ಆರ್ ಟಿ ಗೋಪಾಲ್ , ಸುಂದರೇಶ್ , ಸುಧೀಂದ್ರ ಪೂಜಾರಿ ,ನಾಗಾರ್ಜುನ ಸ್ವಾಮಿ, ತಾಲೂಕ್ ಜೆಡಿಎಸ್ ಅಧ್ಯಕ್ಷ ಎನ್ ವರ್ತೇಶ್ ಹಾಗೂ ಇನ್ನಿತರರಿದ್ದರು.

Lok Sabha Election ಮತದಾನದ ಹಿಂದಿನ ದಿನ ಮುದ್ರಣ ಮಾಧ್ಯಮ ಜಾಹೀರಾತು ಪ್ರಕಟಿಸುವಲ್ಲಿ ಆಯೋಗದ ನಿಯಮಾವಳಿ

0

Lok Sabha Election ಶಿವಮೊಗ್ಗ ಜಿಲ್ಲೆಯಲ್ಲಿ ಲೋಕಸಭಾ ಚುನಾವಣೆಯ ಮತದಾನವು ಮೇ 07 ರಂದು ನಡೆಯಲಿದ್ದು ಮತದಾನದ ದಿನ ಮತ್ತು ಮತದಾನದ ಹಿಂದಿನ ದಿನ ಅಭ್ಯರ್ಥಿಗಳು/ಸಂಸ್ಥೆಗಳು ಅಥವಾ ಯಾವುದೇ ವ್ಯಕ್ತಿಯು ಮುದ್ರಣ ಮಾಧ್ಯಮದಲ್ಲಿ ಯಾವುದೇ ರೀತಿಯ ರಾಜಕೀಯ ಜಾಹೀರಾತು ಪ್ರಕಟಿಸಬೇಕಾದರೆ ಸದರಿ ಜಾಹೀರಾತಿಗೆ ಜಿಲ್ಲಾ ಮಟ್ಟದ ಮಾಧ್ಯಮ ಪ್ರಮಾಣೀಕರಣ ಹಾಗೂ ಕಣ್ಗಾವಲು ಸಮಿತಿಯ(ಎಂಸಿಎಂಸಿ) ಕಡೆಯಿಂದ ಪೂರ್ವಾನುಮತಿ ಪಡೆಯುವುದು ಕಡ್ಡಾಯವಾಗಿದೆ.

ಚುನಾವಣೆಯ ಕಡೆಯ ಹಂತದಲ್ಲಿ ಆಕ್ಷೇಪಾರ್ಹ ಮತ್ತು ತಪ್ಪುದಾರಿಗೆಳೆಯುವ ಜಾಹಿರಾತುಗಳನ್ನು ಪ್ರಕಟಿಸಿದಲ್ಲಿ ಚುನಾವಣಾ ಪ್ರಕ್ರಿಯೆಯನ್ನು ಹದಗೆಡಿಸುವ ಸಂಭವ ಇರುವ ಕಾರಣ ಮುದ್ರಣ ಮಾಧ್ಯಮಗಳಲ್ಲಿ ಚುನಾವಣಾ ಜಾಹೀರಾತು ಪ್ರಕಟಿಸಲು ಬಯಸುವ ಅಭ್ಯರ್ಥಿಗಳು ಜಾಹಿರಾತು ಪ್ರಕಟಿಸುವ ಎರಡು ದಿನಗಳ ಮುಂಚಿತವಾಗಿ ಎಂಸಿಎಂಸಿ ಗೆ ಅರ್ಜಿ ಸಲ್ಲಿಸಬೇಕು.

ಮೇ 06 ಮತ್ತು 07 ರಂದು ಮುದ್ರಣ ಮಾಧ್ಯಮಗಳಲ್ಲಿ ಜಾಹೀರಾತು ಪ್ರಕಟಿಸಬೇಕಾದರೆ ಸದರಿ ಜಾಹೀರಾತಿನ ಎರಡು ಸ್ವಯಂ ದೃಢೀಕೃತ ಪ್ರತಿಗಳೊಂದಿಗೆ ನಿಗದಿತ ಅರ್ಜಿ ನಮೂನೆಯಲ್ಲಿ ಜಾಹಿರಾತು ಪ್ರಕಟಿಸುವ 2 ದಿನ ಮುಂಚಿತವಾಗಿ ಪೂರ್ವಾನುಮತಿ ಪಡೆಯಲು ಮಾಧ್ಯಮ ಪ್ರಮಾಣೀಕರಣ ಹಾಗೂ ಕಣ್ಗಾವಲು ಸಮಿತಿ(ಎಂಸಿಎಂಸಿ)ಗೆ ಅರ್ಜಿ ಸಲ್ಲಿಸಬೇಕು.

ಚುನಾವಣೆಗೆ ಸಂಬಂಧಿಸಿದಂತೆ ಯಾವುದೇ ರೀತಿಯ ಜಾಹೀರಾತುಗಳನ್ನು ಪ್ರಕಟಿಸಲು ಎಂಸಿಎಂಸಿ ಕಡೆಯಿಂದ ಪೂರ್ವಾನುಮತಿ ಪಡೆಯದ ಅಭ್ಯರ್ಥಿಗಳ ಜಾಹೀರಾತುಗಳನ್ನು ಸ್ಥಳೀಯ, ಜಿಲ್ಲಾ, ರಾಜ್ಯ ಹಾಗೂ ರಾಷ್ಟ್ರಮಟ್ಟದ ದಿನಪತ್ರಿಕೆಗಳು ಪ್ರಕಟಿಸಬಾರದು ಎಂದು ಚುನಾವಣಾ ಆಯೋಗ ತಿಳಿಸಿದೆ.

ಪೂರ್ವಾನುಮತಿಗೆ ಅರ್ಜಿ ಲಭ್ಯ:

Lok Sabha Election ಮೇ 06 ಮತ್ತು 07 ರಂದು ಮುದ್ರಣ ಮಾಧ್ಯಮದಲ್ಲಿ ಚುನಾವಣಾ ಜಾಹಿರಾತು ಪ್ರಕಟಿಸಲು ಅಗತ್ಯವಿರುವ ನಿಗದಿತ ನಮೂನೆಯ ಅರ್ಜಿಗಳು ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆಯ ಕಚೇರಿ, ಸರ್ ಎಂ.ವಿ. ರಸ್ತೆ, ಶಿವಮೊಗ್ಗ ಈ ಕಚೇರಿಯಿಂದ ಪಡೆಯಬಹುದು.

Yoga ಮೇ 22 ರಿಂದ ಜೂನ್ 2 ರವರೆಗೆ ಮಲ್ಲಾಡಿಹಳ್ಳಿಯಲ್ಲಿ ಪಾತಂಜಲ ಮೂಲ ಯೋಗ ತರಬೇತಿ ಶಿಬಿರ

0

Yoga ಮಲ್ಲಾಡಿಹಳ್ಳಿಯಲ್ಲಿ ಮೇ 22-05-2024 ರಿಂದ 2-06-2024 ರವರೆಗೆ ಯೋಗಾಚಾರ್ಯ, ತಿರುಕ ನಾಮಾಂಕಿತ, ಅಭಿನವ ಧನ್ವಂತರಿ ಪರಮಪೂಜ್ಯ ಶ್ರೀ ರಾಘವೇಂದ್ರ ಸ್ವಾಮೀಜಿಯವರ ಕೃಪಾಶೀರ್ವಾದದ ಪಾತಂಜಲ ಮೂಲಯೋಗ ತರಬೇತಿ ಶಿಬಿರ ನಡೆಯಲಿದೆ.
ಆಶ್ರಮದ ಸುಂದರ ವಾತಾವರಣದಲ್ಲಿ ವಸತಿಯುತ ಶಿಬಿರ.
ಬೆಳಿಗ್ಗೆ 6.00ಗಂಟೆಗೆ ಯೋಗಾಭ್ಯಾಸದ ಕಲಿಕೆಯ ಮೂಲಕ ಪ್ರಾರಂಭವಾಗುವ ದಿನಚರಿ ರಾತ್ರಿ 8.00ಗಂಟೆಯವರೆಗೆ ವಿವಿಧ ತರಬೇತಿಗಳೊಂದಿಗೆ ನಡೆಯುತ್ತದೆ.

ಪ್ರತಿನಿತ್ಯ ಯೋಗತಜ್ಞರಿಂದ ಶ್ರೀ ರಾಘವೇಂದ್ರ ಸ್ಬಾಮೀಜಿಯವರ ಮಾದರಿಯಲ್ಲಿ ಪ್ರಾಯೋಗಿಕ ಮತ್ತು ಭೌದ್ಧಿಕ ತರಗತಿಗಳು.
ವಿಶೇಷ ಉಪನ್ಯಾಸಕರುಗಳಿಂದ ಬೆಳಿಗ್ಗೆ 10.30 ರಿಂದ 1.00 ರವರೆಗೆ ಯೋಗ ವಿಷಯದ ಬಗ್ಗೆ ಉಪನ್ಯಾಸ ನಡೆಯಲಿದೆ.

ಶಿಬಿರಕ್ಕೆ ಭಾಗವಹಿಸಿದ ಎಲ್ಲರಿಗೂ ವೈದ್ಯಕೀಯ ತಪಾಸಣೆ ಮತ್ತು ಸೂಕ್ತ ಪರಿಹಾರ ಮಾರ್ಗಸೂಚಿ.
ಸ್ತ್ರೀ ಪುರುಷರಿಗೆ ಪ್ರತ್ಯೇಕ ವಸತಿ ಸೌಲಭ್ಯ.
ಪ್ರತಿನಿತ್ಯ ಸಾಯಂಕಾಲ ಅಂಗಮರ್ದನ ತರಗತಿ ಜೊತೆಯಲ್ಲಿ ವೈದ್ಯರ ಮಾರ್ಗದರ್ಶನ ದಲ್ಲಿ ತಯಾರಿಸಿದ ವಿಶೇಷ ಕಷಾಯ.
ಬೆಳಿಗ್ಗೆ ಉಪಾಹಾರ, ಮಧ್ಯಾಹ್ನ ಮತ್ತು ರಾತ್ರಿ ಸಾತ್ವಿಕ ಭೋಜನ.

ಶಿಬಿರದಲ್ಲಿ ಭಾಗವಹಿಸಿದ ಪ್ರತಿಯೊಬ್ಬರಿಗೂ ಟಿ-ಷರ್ಟ್, ಯೋಗಪುಸ್ತಕಗಳು, ಕ್ರಿಯಾ ವಸ್ತುಗಳು ಹಾಗೂ ಕೊನೆಯಲ್ಲಿ ಸರ್ಟಿಫಿಕೇಟ್ ಕೊಡಲಾಗುವುದು.

ಒಟ್ಟು ಶಿಬಿರ ಶುಲ್ಕ : 5500/-ರೂ.
ಶಿಬಿರದಲ್ಲಿ ಭಾಗವಹಿಸುವವರು, ಯೋಗಮ್ಯಾಟ್, ಮೇಲು ಹೊದಿಕೆ ತರುವುದು.
ಶಿಬಿರಾರ್ಥಿಗಳು ಬೆಲೆ ಬಾಳುವ ಸಾಮಾಗ್ರಿಗಳನ್ನು ತರಬಾರದು. ಸರಳ ಉಡುಪುಗಳನ್ನು ಮಾತ್ರ ತರುವುದು.
ಷುಗರ್,ಬಿ.ಪಿ., ಇತರೆ ಕಾಯಿಲೆಗಳಿಗೆ ಸೂಕ್ತ ಆಸನಗಳ ಮಾರ್ಗದರ್ಶನ.
ಸೂರ್ಯನಮಸ್ಕಾರದ ಜೊತೆಗೆ ಪೂಜ್ಯ ಶ್ರೀ ರಾಘವೇಂದ್ರ ಸ್ವಾಮೀಜಿ ರಚಿತ ಗುರುನಮಸ್ಕಾರದ ಅಭ್ಯಾಸ ಬೋಧನೆ.

Yoga ಗಂಭೀರವಾದ ಕಾಯಿಲೆ ಇರುವವರು ಶಿಬಿರದ ಮೇಲ್ವಿಚಾರಕರಿಗೆ ಮೊದಲೇ ಮಾಹಿತಿ ನೀಡಬೇಕು.
ಶಿಬಿರಕ್ಕೆ ಬರುವಾಗ ಆಧಾರ್ ಕಾರ್ಡ್ ಮತ್ತು ಒಂದು ಪಾಸ್ ಪೋರ್ಟ್ ಸೈಜಿನ ಫೋಟೋ ತರವುದು.
ಮೇ 12 ರೊಳಗಾಗಿ ತಮ್ಮ ಹೆಸರುಗಳನ್ನು ನೊಂದಾಯಿಸಬೇಕು.
ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ*
9448233921 ಸಂತೋಷ್ ಕುಮಾರ್
9972443134-ಕಿರಣ್ ಬಿ.ಪಿ
9980620938-ರಾಘವೇಂದ್ರ ಅವರನ್ನು ಸಂಪರ್ಕಿಸಬಹುದಾಗಿದೆ.

Dr. L.C. Sumitra ಪ್ರಭಾಕರ ಕಾರಂತರ” ಮುಳುಗಡೆ ಒಡಲಾಳ” ಪುಸ್ತಕದ ಬಗ್ಗೆ ಲೇಖಕಿ ಡಾ.ಎಲ್.ಸಿ ಸುಮಿತ್ರಾ ಅವರ ಮನದಾಳದ ಸ್ಪಂದನ

0

Dr. L.C. Sumitra ತೀರ್ಥಹಳ್ಳಿಯ ಲೇಖಕಿ ತಮ್ಮ ಕೃತಿಗಳಿಂದ ಸಾಹಿತ್ಯಲೋಕದಲ್ಲಿ ಹೆಸರು ಗಳಿಸಿರುವ ಎಲ್.ಸಿ.ಸುಮಿತ್ರ ಮುಳುಗಡೆ ಒಡಲಾಳವನ್ನು ಸೂಕ್ಷ್ಮವಾಗಿ ಅವಲೋಕಿಸಿದ್ದಾರೆ. ಮುಳುಗಡೆಯವರ ಕುರಿತು ಸಹಾನುಭೂತಿ ಇರುವ ಸುಮಿತ್ರರವರ ಸ್ಪಂದನೆಗೆ ಅನಂತ ಕೃತಜ್ಞತೆಗಳು. ಸುಮಿತ್ರ ತೀರ್ಥಹಳ್ಳಿಯ ತುಂಗಾ ಕಾಲೇಜಿನ ಪ್ರಾಚಾರ್ಯರಾಗಿ ನಿವೃತ್ತರಾದವರು. ಆ ತಾಲೂಕಿನ ಸಾಹಿತ್ಯ ಸಮ್ಮೇಳನ ಅಧ್ಯಕ್ಷರಾದವರು. ಕುವೆಂಪುರವರ ಕೃತಿಗಳನ್ನು ಅಮೂಲಾಗ್ರ ಓದಿ ಅರ್ಥ ಮಾಡಿಕೊಂಡವರು. ತೇಜಸ್ವಿಯವರ ಪತ್ನಿ ರಾಜೇಶ್ವರಿ ತೇಜಸ್ವಿ ಆತ್ಮಕಥನ ಬರೆಯಲು ಜತೆ ನಿಂತು ಪ್ರೋತ್ಸಾಹಿಸಿದವರು. ಅವರ ಅವಲೋಕನ ನನ್ನ ಪುಸ್ತಕಕ್ಕೆ ಒಂದು ಪ್ರಶಸ್ತಿ ಎಂದೇ ಭಾವಿಸುವೆ.

ಮುಳುಗಡೆ ಯ ಒಡಲಾಳ.
ಪ್ರಭಾಕರ ಕಾರಂತ ಆವರ ಅನುಭವ ಕಥನ, ಅಥವ ನೆನಪಿನ ಚಿತ್ರಗಳು. ವಾರಾಹಿ ನದಿಗೆ ಮಾನಿ ಎಂಬಲ್ಲಿ ಡ್ಯಾಂ ಕಟ್ಟಿದಾಗ ಮೊದಲ ಹಂತದಲ್ಲಿ ಮುಳುಗಿದ ನಾದಗಂಟಿ, ಹೊಳೆ ಗದ್ದೆ, ಗುಬ್ಬಿಗ, ಮೊದಲಾದ ಊರುಗಳಲ್ಲಿ ಪ್ರಭಾಕರ ಕಾರಂತ ಹುಟ್ಟಿ ಬೆಳೆದ ಮರಸೂರು ಸೇರಿತ್ತು. ಪಶ್ಚಿಮ ಘಟ್ಟದ ಅಮೂಲ್ಯ ಕಾಡು ಕೃಷಿಭೂಮಿ ಊರುಗಳು ಸೇರಿ ಐವತ್ತು ಸಾವಿರ ಎಕರೆ ಭೂ ಪ್ರದೇಶ ಮುಳುಗಿ ಹೋಯ್ತು. ಹಲವರ ಬದುಕೇ ಮುಳುಗಿತು.
Dr. L.C. Sumitra ಪ್ರಭಾಕರ ಕಾರಂತ ರ ಈ ಪುಸ್ತಕ ಓದಲು ಪ್ರಾರಂಭಿಸಿದಾಗ ನನಗೆ ವಾರಾಹಿ ಯೋಜನೆ ಪ್ರಾರಂಭ ಆಗುವಾಗ ನಾನು ಕಾಲೇಜ್ ಸಹಪಾಠಿಗಳ ಜತೆ ಕುಂಚಿಕಲ್ ಅಬ್ಬಿ ಜಲಪಾತ ನೋಡಲು ಹೋದ ನೆನಪಾಯ್ತು. ನಾನು ಎರಡನೇ ಪೀ ಯು ಸಿ ಲಿದ್ದೆ. ಫೈನಲ್ ಬಿ ಏ ವಿದ್ಯಾರ್ಥಿಗಳು ನಮ್ಮ ಮೇಡಂ T R ಪದ್ಮಿನಿ ಅವರ್ ಜತೆ ಹೊರಟಾಗ ನಾವೂ ಅವರ ಜತೆ ಹೋಗಿದ್ದೆವು. ಕಾಡು ದಾರಿಯಲ್ಲಿ ಬಸ್ ಇಳಿದು ಐದಾರು ಕೀ ಮೀ ನಡೆದು ನದೀ ದಾಟಿ ಇನ್ನೊಂದು ಬದಿ ಹೋಗಿ ಜಲಪಾತ ನೋಡಬೇಕಿತ್ತು. ನಾವು ನಡೆದು ಹೋದ ದಾರಿ ಗದ್ದೆ ಕೋಗಿನಪ ಕ್ಕದಲ್ಲಿ ಹಾದು ಕಾಡೊಳಗೆ ಹೋಗಿತ್ತು .ಗದ್ದೆ ಗಳ ಆಚೆ ಫೈನಲ್ ಬೀ ಏ ಹುಡುಗನೊಬ್ಬನ ಮನೆ ಇತ್ತು. ಅವನೇ ಗೈಡ್ ಒಬ್ಬನನ್ನು ಕರೆ ತಂದಿದ್ದ. ಕೆಲವು ಹುಡುಗರು ಸಹಪಾಠಿಯ ಮನೆಗೆ ಹೋಗಿ ಕಾಫಿ ತಿಂಡಿ ಮಾಡಿ ಬಂದರು. ನಾವು ಹೊಗುವ ದಟ್ಟ ಕಾಡಿನ ದಾರಿಯಲ್ಲಿ ಉರುಳಿ ಬಿದ್ದ ಒಂದು ಮರ ನೂರಡಿ ಉದ್ದದ ಕಾಂಡ ಹೂಂದಿತ್ತು. ಒಂದಡಿ ಅಗಲದ ಕಾಡು ಅಣಬೆ ಗಳು ಆ ಮರದ ಕಾಂಡದ ಮೇಲೆ ಬೆಳೆದಿದ್ದವು. ಕೆಲವು ಒಣಗಿದ ಅಣಬೆ ತಂದು ಬಣ್ಣ ಹಚ್ಚಿ ಬಹಳ ಕಾಲ ಇಟ್ಟಿದ್ದೆ. ಅವು ದೊಡ್ಡ ದಾಸವಾಳ ದ ಹೂಗಳ ತರಹ ಇದ್ದವು.

ನದಿಯಲ್ಲಿ ಮಾರ್ಚ ತಿಂಗಳಲ್ಲಿ ನೀರಿನ ಹರಿವು ಚೆನ್ನಾಗಿಯೇ ಇತ್ತು. ಒಂದು ಜಾಗದಲಿ ದಾಟಲಾಗದೆ ಎರಡು ಮರದ ತುಂಡುಗಳನ್ನು ಬಂಡೆಯಿಂದ ಬಂಡೆಗೆ ಹಾಕಿ ಸಾರದಂತೆ ಮಾಡಿ ದಾಟಬೇಕಾಯ್ತು. ಜೋಗ ಜಲಪಾತ ಕ್ಕಿಂತ ಎತ್ತರದ ಜಲಪಾತ ವನ್ನು ನೋಡಿದ್ದೆವು. ಇನ್ನೂ ಸರ್ವೇ ಆಗುತ್ತಿತ್ತು. ಕಾಡು ಕಡಿಯುವ ಕೆಲಸ.ಪ್ರಾರಂಭ ವಾಗಿತ್ತು. ಅದೆಲ್ಲ ವೂ ಒಂದು ಚಲನ ಚಿತ್ರ ದ ತುಣುಕಿನಂತೆ ನೆನಪಿನಲ್ಲಿದೆ. ಆಮೇಲೆ ಡ್ಯಾಂ ನಿರ್ಮಾಣ ದ ಕೆಲಸ ಗಾರರು ಇಂಜಿನೀಯರ್ ಗಳಿಗೆ ವಸತಿ ನಿರ್ಮಾಣ ವಾಗುತ್ತಿತ್ತು. ನಾನು ಓದು ಮುಗಿಸಿ ಅದ್ಯಾಪಕಿಯಾಗಿ ಸೇರಿದ್ದ ಕೆಲವು ವರ್ಷಗಳ ನಂತರ k p c ಕಾಲೋನಿ ಯಿಂದ ಒಂದು ಬಸ್ ತೀರ್ಥಹಳ್ಳಿ ಯ ಸ್ಕೂಲ್ ಕಾಲೇಜ್ ಗಳಿಗೆ ಮಾಸ್ತಿಕಟ್ಟೆ ಯಿಂದ ವಿದ್ಯಾರ್ಥಿಗಳನ್ನು ಕರೆದು ಕೊಂಡು ಬರುತ್ತಿತ್ತು. ನಮ್ಮ ಕಾಲೇಜ್ ಗೂ ವಿದ್ಯಾರ್ಥಿಗಳು ಬರುತ್ತಿದ್ದರು. ಡ್ಯಾಂ ನಿರ್ಮಾಣ ಕಾಮಗಾರಿ ಮುಗಿದು ಎಂಜಿನಿಯರ್ ಗಳು ಬೇರೆಡೆಗೆ ಹೋದರು. ವಿದ್ಯುತ್ ತಯಾರಿಕೆ ಕೆಲಸದವರು ಘಟ್ಟ ದ ಕೆಳಗೆ ಹೊಸಂಗಡಿಗೆ ಹೋದರು. ಚಕ್ರ ನಗರ ನಿರ್ಮಾಣ ವಾದ ರೀತಿಯಲ್ಲೇ ಅಳಿಸಿಯು ಹೋಯ್ತು.
ಈ ನಡುವೆ ಡ್ಯಾಂ ನ ಹಿನ್ನೀರಿನಲ್ಲಿ ಮುಳುಗಿದ 25/30 ಕೀ ಮೀ ವ್ಯಾಪ್ತಿಯ ಊರು ಜನರ ಕತೆ ಏನಾಯ್ತು ಅನ್ನುವದೇ ಮುಳುಗಡೆಯ ಒಡಲಾಳ ಪುಸ್ತಕದ ನೋವಿನ ಕಥೆ .
ಪುಸ್ತಕ ಆರು ಭಾಗಗಳಲ್ಲಿ ಹರಡಿಕೊಂಡಿದೆ.ಮೊದಲ ಅಧ್ಯಾಯ 1)ಮುಳುಗುವ ಮುನ್ನ.
2)ಹೋರಾಟಕ್ಕೂ ಮುನ್ನ.
3)ಹೋರಾಟ ದ ನೆನಪು.
4) ಸಂಸಾರದ ಕಥೆಗಳು
5)ಮರೆಯಲಾಗದವರು.
6)ಮುಗಿಸುವ ಮುನ್ನ.
ಮೊದಲ ಅಧ್ಯಾಯದಲ್ಲಿ ನೆಮ್ಮದಿಯಾಗಿ ರುವ ಪಶ್ಚಿಮ ಘಟ್ಟದ ನಡುವಿನ ಹಳ್ಳಿ ಯೊಂದರ ಚಿತ್ರ. ಕಳೆದ ಶತಮಾನದ ಎಪ್ಪತ್ತರ ದಶಕದ ಬದುಕು. 1975 ರವೇಳೆಗೆ ಡ್ಯಾಂ ನಿರ್ಮಾಣ ಕಾಮಗಾರಿ ಆರಂಭ ವಾದಾಗ ತಮ್ಮ ಬದುಕು ಮುಳುಗಿ ಹೋಗುವ ಚಿತ್ರ ಸ್ಪಷ್ಟವಾಗಿ ಹೋರಾಟ ಒಂದು ಕಣ್ಣು ತೆರೆಯುತ್ತದೆ. ಮುಗ್ಧ ರೈತರಿಗೆ, ಹಕ್ಕು ಪತ್ರ ಸರಿ ಇಲ್ಲ ಎಂದು ಕೆಲವರಿಗೆ ಸರಿಯಾದ ಪರಿಹಾರ ಸಿಗದೇ ಹೋಯ್ತು. ನಮ್ಮ ಸಮಾಜ ದ ಲ್ಲಿ ಕಡೆಗಣಿಸಲ್ಪಟ್ಟ ವ್ಯಕ್ತಿ ಅಂದರೆ ಅದು ಕೃಷಿಕ. ಮುಳುಗಡೆ ಪರಿಹಾರ ನಿಗದಿ ಪಡಿಸಲು, ಹಣ ಕೊಡಲು ಕಚೇರಿಗಳು ತೆರೆದವು. ಉರಿಯುವ ಮನೆಗಳ.ಹಿರಿದಂತೆ ರೈತರ ಹಣ ಲೂಟಿ ಆಯ್ತು. ಕಾನೂನು, ಗೊತ್ತಿದ್ದು, ಪ್ರಭಾವಿಗಳಾಗಿದ್ದವರು ಪರಿಹಾರದ ಹಣ ಪಡೆದು ಬೇರೆಡೆ ತೋಟ ಗದ್ದೆ ಕೊಂಡು ನೆಲೆ ಕಂಡುಕೊಂಡರು .ಆದರೆ ಸರಿಯಾದ ಪರಿಹಾರ ಸಿಗದೇ, ಜಮೀನು ಸಿಗದೇ, ಸಿಕ್ಕ ಹಣ ವ್ಯಾಪಾರ ದ ಲ್ಲಿ ತೊಡಗಿಸಿ ಕಳೆದು ಕೊಂಡು ಅತಂತ್ರ ರಾದವರು ಹಲವರು. ಪ್ರಭಾಕರ ಕಾರಂತ ತಾವೇ ಸಂತ್ರಸ್ತ ರೈತ ರಾದುದರಿಂದ ಸ್ವಂತ ಅನುಭವ ವನ್ನು ಪರಿಣಾಮಕಾರಿ ಆಗಿ ನಿರೂಪಿಸಿದ್ದಾರೆ. ಸಮಸ್ಯೆ ಎದುರಿಸುತ್ತಿದ್ದ ಊರಿನ ಕೆಲವರಿಗೆ ಸಹಾಯ ಮಾಡಿದ್ದಾರೆ.
ಶರಾವತಿಯ ಮುಳುಗಡೆ ಕುರಿತು ಒಂದೆರಡು ಕಾದಂಬರಿ ಗಳು ಬಂದಿವೆ. ಮತ್ತೆ ಆ ಪುಸ್ತಕ ಗಳು ಹೊರಗಿನಿಂದ ನೋಡಿ ಬರೆದವು. ಅನುಭವ ಕಥನ ಗಳಲ್ಲ. ಸ್ವಂತ ಅನುಭವ ನಿರೂಪಣೆ ಯ ಈ ಪುಸ್ತಕ ದ ಮಹತ್ವ ಹೆಚ್ಚು.
ಊರು ಮುಳುಗಿ ಲೇಖಕರು ಶೃಂಗೇರಿಯ ಬಳಿ ಹೊಸಕೊಪ್ಪ ಎಂಬ ಊರಿನಲ್ಲಿ ನೆಲೆಸಿ ನಾಲ್ಕು ದಶಕ ಗಳ ನಂತರ ಈ ಪುಸ್ತಕ ಬರೆದಿದ್ದಾರೆ. ಕೆಲವರ ಜಮೀನು ಮುಳುಗಡೆ ಆಗದೆ ದ್ವೀಪ ದಂತೆ ಆದಾಗ ಅವರು ಅಲ್ಲೇ ಉಳಿದರು.
ಲೇಖಕರ ಮನೆ ಮರಸೂರು ಜತೆಗೆ ಅಜ್ಜನ ಮನೆ, ಹುಲಿಕಲ್ ಕೂಡ ಮುಳುಗಿತು. “ಮನುಷ್ಯರಿಗೆ ಬರುವಂತೆ ಊರಿಗೂ ಏರಿಳಿತ ಇದೆಯಾ ಹುಲಿಕಲ್ ಮುಳುಗಿ ಹಂಚಿನ ಕಾರ್ಖಾನೆ ಸುತ್ತ ಹುಟ್ಟಿದ್ದ ಊರು ನಾಶವಾಗಿದೆ ಪಕ್ಕದಲ್ಲಿ ಹೊಸ ಊರು ಉದ್ಭವವಾಗಿದೆ ಊರುಗಳು ಹುಟ್ಟಿ ಸಾಯುವುದನ್ನು ನಾವು ನೋಡಿದಂತಾಯಿತು”.
“ಹುಲಿಕಲ್ ನನ್ನ ಅಜ್ಜನ ಮನೆ ಅಲ್ಲೇ ನಾನು ಹುಟ್ಟಿದ್ದು ಹೆಂಡತಿಯ ಮನೆಯೂ ಅದೇ ಆ ಮನೆ ಕೀಳುವಾಗ ನಾನು ಅಲ್ಲಿದ್ದೆ .ಆಗಲೇ ದೇವಸ್ಥಾನವನ್ನು ಕೀಳುತ್ತಿದ್ದರು. ಒಂದು ರೀತಿಯಲ್ಲಿ ಎಲ್ಲದಕ್ಕೂ ಸಾಕ್ಷಿಯಾದ ನತದೃಷ್ಟ ನಾನು .ಮುಳುಗಡೆಯ ಬಂಧುಗಳಿಗೆ ಅನೇಕರಿಗೆ ಬಾಲ್ಯ ಕಳೆದ ಅಜ್ಜನ ಮನೆ ಕಡೆಗೆ ಪತ್ನಿಯ ಮನೆಯಾದರೂ ಉಳಿದಿದ್ದರೆ ನನಗೆ ಏನೂ ಉಳಿಯಲಿಲ್ಲ .ಮರಸೂರು ಇಲ್ಲ ಹುಲಿಕಲ್ ಸಹ ಇಲ್ಲ ಎಲ್ಲಾ ಜಲಾವೃತವಾಗಿದೆ.” ಇದನ್ನು ಓದುವಾಗ ಬೃಹತ್ ಜಲವಿದ್ಯುತ್ ಯೋಜನೆ ಗಳ ವಿನಾಶದ ತೀವ್ರತೆ ಅರಿವಾಗುತ್ತದೆ.
ನೀರು ನಿಂತು ಜನ ಊರು ತೊರೆಯುವ ಸಂದರ್ಭ ವಿಷಾದ ಭರಿತ ವಾಗಿದೆ. “1988 ಮಳೆಗಾಲ ನೀರು ನಿಲ್ಲಿಸುತ್ತೇವೆ ಎಂದು ಎಲ್ಲರಿಗೂ ನೋಟಿಸ್ ನೀಡತೊಡಗಿದರು ವಾಸ್ತವವಾಗಿ ಭೂಗರ್ಭ ವಿದ್ಯುತ್ ಆಗಾರ ಸಿದ್ಧವಾಗಿರಲಿಲ್ಲ ಆದರೂ ಜನರನ್ನು ಊರು ಬಿಡಿಸಲು ನಿರ್ಧರಿಸಲಾಗಿತ್ತು ಅವಶ್ಯಕತೆ ಇಲ್ಲದಿದ್ದರೂ ನೀರು ನಿಲ್ಲಿಸಿ ಮುಳುಗಿಸುವುದು ಖಚಿತವಾದಾಗ ಒಂದು ಹೊಸ ಉದ್ಯಮವೇ ತಲೆಯೆತ್ತಿತು ಅಡಿಕೆ ಸಿಂಗಾರದ ಗುತ್ತಿಗೆ ವಹಿಸಿಕೊಳ್ಳುವವರು ಅವರ ತೋಟದ ಸಿಂಗಾರ ಗುತ್ತಿಗೆ ವಹಿಸಿಕೊಂಡು ಅದನ್ನು ಕೀಳತೊಡಗಿದರು ತೋಟ ನೆಟ್ಟು ಬೆಳೆಸಿದ ಹಿರಿಯರ ಅನೇಕರು ಬೇಡ ಅಂದರೂ ಅವರ ಮಕ್ಕಳೇ ಸಿಂಗಾರ ಮಾರಲು ಮುಂದಾದರು ಇದೊಂದು ಸಾಮೂಹಿಕ ಅತ್ಯಾಚಾರದಂತಹ ವಿದ್ರಾವಕ ದೃಶ್ಯ ಕಡೆಗೆ ನಡೆದಿತ್ತು ಮತ್ತು ಭೀಕರ ಅಡಿಕೆ ಮರಗಳನ್ನು ಕಡಿದು ಸಾಗಿಸುವ ಮತ್ತೊಂದು ವ್ಯಾಪಾರ ಆರಂಭವಾಯಿತು. ಹಸಿರಿನಿಂದ ತುಂಬಿದ್ದ ಭೂಮಿಯಲ್ಲಿ ಬೆತ್ತಲೆ ಪ್ರಪಂಚ ಸೃಷ್ಟಿಯಾಯಿತು. ಹೀಗೂ ಮುಳುಗುವಾಗ ಸಿಕ್ಕಷ್ಟು ಸಿಗಲಿ ಎಂದು ಬಯಸುವುದು ಸಹಜ ಸತ್ತವರು ತಾಯಿಯಾದರೂ ಅವರ ಮೈ ಮೇಲಿನ ಆಭರಣ ಕಿತ್ತುಕೊಳ್ಳುವ ನಾವು ಅಡಿಕೆ ಮರಕ್ಕೆ ಕರುಣೆ ತೋರುವುದು ಉಂಟೆ.”.ಊರು ಬಿಡುವಾಗ ಐವತ್ತು ದಾಟಿದ ಯಾರ ಮುಖದಲ್ಲಿಯೂ ಗೆಲುವು ಇರಲಿಲ್ಲ.
ಇಡೀ ಪುಸ್ತಕ ವೆ ಈ ತರಹ ವಿವರಗಳಿಂದ ತುಂಬಿ ಹೋಗಿದೆ.ಊರವರ ಬಂಧುಗಳ ಸಂಸಾರದ ಕಥೆ ಗಳು ಎಲ್ಲ ಮಕ್ಕಳೂ ಮತ್ತು ಮನೆ ಯ ಜನರ ಹೆಸರಿನ ವಿವರಗಳಿವೆ. ಆಗಿನ ಹಳ್ಳಿಗಳ ಬದುಕೇ ಹಾಗಿರುತ್ತಿತ್ತು..ಸುತ್ತ ಹತ್ತಾರು ಕೆ ಮೀ ಅಲ್ಲದೆ ನಮ್ಮ ತಾಲ್ಲೂಕಿನ ಎಲ್ಲ ರ ಪರಿಚಯ ಇರುತ್ತಿತ್ತು.ಅವರ ಕಷ್ಟ ಸುಖಗಳು ತಿಳಿದಿರುತ್ತಿದ್ದವು. (ಈಗ ಸಂಪೂರ್ಣ ಬದಲಾಗಿದೆ. ಒಂದೇ ಊರಿನ ಇಬ್ಬರು ವಿದ್ಯಾರ್ಥಿ ಗಳಲ್ಲಿ ಒಬ್ಬ ನಾಲ್ಕೈದು ದಿನಗಳಿಂದ ಕಾಲೇಜ್ ಗೆ ಬರದಿದ್ದರೆ ಆ ಇನ್ನೊಬ್ಬ ನನ್ನು ಕೇಳಿದರೆ ಅವರ ಮನೆ ನಮ್ಮನೆ ಯಿಂದ ಅರ್ಧ ಮೈಲಿ ದೂರ ಮೇಡಂ ನನಗೆ ಗೊತ್ತಿಲ್ಲ ಎಂಬ ಉತ್ತರ.)
ನೀರು ನಿಂತು ಎಲ್ಲ ಮುಳುಗಿದ ಮೇಲೆ ಲೇಖಕರು ಊರಿಗೆ ಹೋದಾಗ ಒಮ್ಮೆ ಹಿಂದೆ ದೋಣಿ ನಡೆಸುತ್ತಿದ್ದ ರಾಮೇಗೌಡರ ಸಹಾಯದಿಂದ ತಮ್ಮ ಊರು ಇದ್ದ ಜಾಗ ನೋಡಲು ಹೋಗುತ್ತಾರೆ. ಮಲಗೋ ಡು , ಸೊರೆಗ ದ್ದೆ ,ಐದು ಬಳ್ಳಿ, ಯಾವ ಊರು ಗೊತ್ತಾಗ ಲಿಲ್ಲ. ಎಲ್ಲ ನೀರು ಮಯ. ದೊಡ್ಡಿನ ಮನೆ ಶಾಲೆ ಕಿತ್ತರು ಕಾಣಿಸುತ್ತಿತ್ತು. ಈ ಶಾಲೆಯಲ್ಲಿ ನಾಲ್ಕನೇ ತರಗತಿ ವರೆಗೆ ಓದಿ ದ ಅಕ್ಕ ಎರಡು ಕಾದಂಬರಿ, ಕತೆ,ಕವನ, ಪ್ರಬಂಧ ಸಂಕಲನ ಪ್ರಕಟಿಸಿ ಸಾಹಿತಿ ಅನಿಸಿದ್ದಾಳೆ. ಏಳರ ವರೆಗೆ ಇಲ್ಲಿ ಓದಿದ ತಮ್ಮ ಅಮೆರಿಕದಲ್ಲಿ ವಿಜ್ಞಾನಿ ಆಗಿದ್ದಾನೆ.ಈ ಎಲ್ಲ ನೆನಪಿನಿಂದ ಭಾವುಕ ರಾದ ಇವರನ್ನು ನೋಡಿ.ದೋಣಿ ನಡೆಸುವ ರಾಮೇಗೌಡರು ನಿಮ್ಮನ್ನಾ ಗಿದ್ದಕ್ಕೆ ಕರೆ ತಂದೆ.ಇಲ್ದಿದ್ರೆ ಬರುತ್ತಲೇ ಇರಲಿಲ್ಲ.ಸತ್ತವರು ಹಿಂತಿರುಗಿ ಬರುತ್ತಾರಾ. ,ಅಂದರು. ಈ ಭಾಗ ಓದುವಾಗ ನಾನು ಭಾವುಕ ಳಾದೆ.
ಭೂಗರ್ಭ ವಿದ್ಯುದಾಗಾರ ನೋಡಲು ಹೋದಾಗ ಅದನ್ನು ಉದ್ಘಾಟಿಸಿ ದ ವಿವರ,ಫೋಟೋಗಳು ಇದ್ದವು. 1990 ನಲ್ಲಿ v p ಸಿಂಗ್ ಯೋಜನೆಯನ್ನು ರಾಷ್ಟ್ರಕ್ಕೆ ಸಮರ್ಪಿಸುವಾಗ ಒಬ್ಬ ನಾದರೂ ಸಂತ್ರಸ್ತ ರೈತ ಅಲ್ಲಿರಲಿಲ್ಲ. ಅವರ ತ್ಯಾಗ ನೆನಪು ಮಾಡಿಕೊಳ್ಳು ವ ಕನಿಷ್ಟ ಸೌಜನ್ಯ ವನ್ನು ಯಾರೂ ತೋರಲಿಲ್ಲ.ಯೋಜನೆ ಯ ಮಾದರಿ ಇದೆ. ಎಷ್ಟು ಜಾಗ ಮುಳುಗಿತು, ಎಷ್ಟು ಜನ ಸಂತ್ರಸ್ತರು ಯಾವ ವಿವರ ಗಳು ಇಲ್ಲ.ಎಂದು ಲೇಖಕರು ವಿಷಾದಿಸುತ್ತಾರೆ. ಲೇಖಕ ರು ಉಲ್ಲೇಖಿಸಿ ದ ಹೆಸರುಗಳಲ್ಲಿ ನನ್ನ ಬಂಧುಗಳು ಇದ್ದಾರೆ. ನನ್ನ ಮೊದಲ ತಮ್ಮ ನ ಹೆಂಡತಿಯ ಊರು ಮೊದಲ ಹಂತದಲ್ಲಿ ಮುಳುಗಿದ ಹೊಳೇಗದ್ದೆ. ( ಡಾ. H d ಚಂದ್ರಪ್ಪ ಗೌಡರ ಊರು. ತಮ್ಮ ಮುಳುಗಿ ಹೋದ ಊರಿನ ಕುರಿತು ನೆನಪಿನ ಊರು ಪುಸ್ತಕ ಬರೆದಿದ್ದಾರೆ). ಎರಡನೇ ತಮ್ಮ ನ ಹೆಂಡತಿ ಯ ತಾಯಿ ಯ ಮನೆ ನಾಡ ಗಂಟಿ. ಅದೂ ಮೊದಲೇ ಮುಳುಗಿತು.
ಇಲ್ಲಿ ಇರುವುದೆಲ್ಲ ವಿಷಾದ ದ ಕಥೆಯೇ. ಕೊನೆಗೆ ಲೇಖಕರು ಹಲವು ತಲೆ ಮಾರು ಗಳ ನಂತರ ವಿದೇಶ ನಲ್ಲಿ ನೆಲೆಸಿದ್ದ ಕುಟುಂಬ ದ ಯುವಕ ಮರಳಿ ಬಂದ ಕಾಲಕ್ಕೆ ಸೋಲರ್ ವಿದ್ಯುತ್ ಎಲ್ಲ ಕಡೆ ಬಳಕೆ ಆಗಿ ವಾರಾಹಿ ಡ್ಯಾಂ ಒಡೆದು ಹಾಕಿ ನದಿ ಮೊದಲಿನಂತೆ ಹರಿಯುತ್ತಿತ್ತು. ಮುಳುಗಡೆ ಜಾಗದಲ್ಲಿ ಕಾಡು ಬೆಳೆದಿತ್ತು ಎಂಬ ಸದಾಶಯ ದೊಂದಿಗೆ ಮುಗಿಸುತ್ತಾರೆ.
ಒಂದು ಇತಿಹಾಸದ ದಾಖಲೆ ಆಗ ಬಲ್ಲ ಪುಸ್ತಕ ಬರೆದಿದ್ದಕ್ಕಾಗಿ ಪ್ರಭಾಕರ್ ಅವರಿಗೆ ಅಭಿನಂದನೆ ಗಳು ಮತ್ತು ಧನ್ಯವಾದಗಳು.
ಈ ಪುಸ್ತಕ ದ ಎಲ್ಲ ಅಧ್ಯಾಯ ಗಳು ಮಹತ್ವದವು. ನಮ್ಮ ಇಂದಿನ ಪೀಳಿಗೆ ಯ ಮಕ್ಕಳು ಅಗತ್ಯವಾಗಿ ಓದಬೇಕು. ವಿಫಲ ಯೋಜನೆಗಳಿಂದ ಬಹು ವಿಧದ ಹಾನಿಯನ್ನು ಮಾಡುವ ಅಧಿ ಕಾರೀ ವರ್ಗ ,ರಾಜಕಾರಿಣಿಗ ಳೂ ಈ ಪುಸ್ತಕ ಓದಬೇಕು.
ಎತ್ತಿನ ಹೊಳೆ ಯೋಜನೆ ಯಂತಹ ಅನಾಹುತ ಗಳು ಮತ್ತೆ ಆಗಬಾರದು.

Prajwal Revanna ಪ್ರಜ್ವಲ್ ಪ್ರಕರಣ: ಅಶ್ಲೀಲ ವಿಡಿಯೊ ತುಣುಕುಗಳನ್ನ ಆರ್ ಟಿ ಪಿ ಗಾಗಿ ಬಿತ್ತರಿಸುವ ಮಾಧ್ಯಮಗಳಿಗೆ ಕಡಿವಾಣ ಹಾಕಲು ಮನವಿ

0

Prajwal Revanna ಹಾಸನದ ಸಂಸದರಾದ ಪ್ರಜ್ವಲ್ ರೇವಣ್ಣನವರಿಗೆ ಸಂಬಂಧಿಸಿದ ಅಶ್ಲೀಲ ವಿಡಿಯೋ ಇರುವ ಪೆನ್‌ಡ್ರೈವ್ ಪ್ರಕರಣವು ಮನುಷ್ಯ ಬದುಕಿನ ಮೇಲಿನ ವಿಕೃತಕಾರಿ ಸೆಕ್ಸ್ ಭಯೋತ್ಪಾದನೆ ಘಟನೆಯಾಗಿರುವುದರಿಂದ ? ದಿ ಗ್ಲೋಬಲ್ ಹ್ಯೂಮನ್ ರೈಟ್ಸ್ ಫೋರಂ? ಸಂಸ್ಥೆಯು ಶಿವಮೊಗ್ಗ ಜಿಲ್ಲಾಧಿಕಾರಿಗಳ ಮೂಲಕ ಅಧ್ಯಕ್ಷರು, ಮಾನವ ಹಕ್ಕುಗಳ ಆಯೋಗ, ಹಾಗೂ ಮುಖ್ಯಮಂತ್ರಿಗಳು ಹಾಗೂ ಮುಖ್ಯ ಕಾರ್ಯದರ್ಶಿಗಳವರಿಗೆ ಪ್ರತ್ಯೇಕ ದೂರು ಮನವಿಯನ್ನು ನೀಡಿತು.

ದಿ ಗ್ಲೋಬಲ್ ಹ್ಯೂಮನ್ ರೈಟ್ಸ್ ಫೋರಂ? ಸಂಸ್ಥೆಯು ನೀಡಿದ ಮನವಿಯಲ್ಲಿ ಅಶ್ಲೀಲ ವಿಡಿಯೋ ಇರುವ ಪೆನ್‌ಡ್ರೈವ್ ಪ್ರಕರಣದಲ್ಲಿ ಹಾಸನ ಸಂಸದ ಪ್ರಜ್ವಲ್ ರೇವಣ್ಣನವರನ್ನು ಉನ್ನತ ಮಟ್ಟದ ತನಿಖೆಗೆ ಒಳಪಡಿಸಬೇಕು ಹಾಗೂ ಈ ಪ್ರಕರಣದಲ್ಲಿರುವ ನೂರಾರು ಸಂತ್ರಸ್ಥೆಯರಿಗೆ ಸೂಕ್ತ ಪೊಲೀಸ್, ಸಾಮಾಜಿಕ ಭದ್ರತೆ ನೀಡಬೇಕು, ಮೊಬೈಲ್‌ನಲ್ಲಿದ್ದ 2800ಕ್ಕೂ ಹೆಚ್ಚು ಅಶ್ಲೀಲ ವೀಡಿಯೋ ತುಣುಕುಗಳನ್ನು ರಾತ್ರೋರಾತ್ರಿ ಸಾವಿರಾರು ಪೆನ್ ಡ್ರೈವ್‌ನಲ್ಲಿ ಡೌನ್‌ಲೋಡ್ ಮಾಡಿ ಹಂಚಿಕೆ ಮಾಡಿರುವ ಕಿಡಿಗೇಡಿಗಳ ಮೇಲೆ ಕಾನೂನು ರಿತ್ಯಾ ಪ್ರಕರಣ ದಾಖಲಿಸಿ ತನಿಖಿಸಬೇಕು ಎಂದು ಆಗ್ರಹಿಸಿದೆ.

ಈ ಪ್ರಕರಣದ ಸುದ್ದಿಯನ್ನು ಟಿಆರ್‌ಪಿಗಾಗಿ (ಟೆಲಿವಿಷನ್ ರೇಟಿಂಗ್ ಪಾಯಿಂಟ್) ಯಥಾವತ್ತಾಗಿ ಬಿತ್ತರಿಸುತ್ತಿರುವ ಸುದ್ದಿವಾಹಿನಿ, ಸಾಮಾಜಿಕ ಜಾಲತಾಣಗಳ ಮೇಲೆ ಕಡಿವಾಣವಾಕಬೇಕು. ಇದೊಂದು ಮಹಿಳಾ ಗೌರವ ಪ್ರಧಾನವಾದ ದೇಶದಲ್ಲಿ ಮೊಟ್ಟ ಮೊದಲನೆ ಭಾರಿಗೆ ಮಹಿಳೆಯರನ್ನು ಈ ರೀತಿಯಾಗಿ ತನ್ನ ಕಾಮತೃಷೆಗೆ ಬಳಸಿಕೊಂಡ ಪ್ರಕರಣವಾಗಿದ್ದು ಯಾವ ಉದ್ದೇಶಕ್ಕಾಗಿ ಇದನ್ನು ಚಿತ್ರಿಕರಿಸಿಕೊಂಡಿದ್ದರು. ಎನ್ನುವುದರ ಬಗ್ಗೆಯ ಸೂಕ್ತ ತನಿಖೆಗೊಳಪಡಿಸಬೇಕು.

Prajwal Revanna 2023ರ ಸಾಲಿನಿಂದಲೂ ಈ ಪ್ರಕರಣದ ಬಗ್ಗೆ ನಾಗರೀಕ ವಲಯದಲ್ಲಿ ಸುದ್ದಿಗಳಿದ್ದರು ಹಾಸನದ ಜಿಲ್ಲಾ ರಕ್ಷಣಾಧಿಕಾರಿಗಳವರು ತಾತ್ಸಾರತೆ ಹೊಂದಿರುವುದು ಅನುಮಾನಕ್ಕೆಡೆ ಮಾಡಿಕೊಟ್ಟಿರುವುದರಿಂದ ಇವರನ್ನು ಕೂಡ ಈ ಪ್ರಕರಣದಲ್ಲಿ ತನಿಖಿಸಬೇಕು, ಇದೊಂದು ಮನುಷ್ಯ ಬದುಕಿನ ಮೇಲಿನ ವಿಕೃತಕಾರಿ ಸೆಕ್ಸ್ ಭಯೋತ್ಪಾದನೆಯಾಗಿರುವುದರಿಂದ ಇದನ್ನು ಗಂಭೀರತೆಯಾಗಿ ಪರಿಗಣಿಸಿ ಸೂಕ್ತ ಕ್ರಮಕ್ಕೆ ಖುದ್ದು ಮಾನವ ಹಕ್ಕುಗಳ ಆಯೋಗ ಕೇಸು ದಾಖಲಿಸಿಕೊಳ್ಳಬೇಕು ಹಾಗೂ ಹಾಗೂ ರಾಜ್ಯ ಪೊಲೀಸ್ ಮಹಾನಿರ್ದೇಶಕರಿಗೆ ಈ ಪ್ರಕರಣವನ್ನು ದಾಖಲಿಸಿಕೊಂಡು ತನಿಖಿಸಲು ಆದೇಶಿಸಬೇಕೆಂದು ತಿಳಿಸಿದೆ.

ಈ ದೂರು ಮನವಿಯ ಸಂದರ್ಭದಲ್ಲಿ ಅಧ್ಯಕ್ಷರಾದ ಜ್ಯೋತಿ ಅರಳಪ್ಪ, ಗೌರವ ಅಧ್ಯಕ್ಷರಾದ ಮುಕ್ತಿಯಾರ್ ಅಹ್ಮದ್, ಉಪಾಧ್ಯಕ್ಷರಾದ ಕೆ.ಎಸ್ ಶಶಿ, ಪ್ರಧಾನ ಕಾರ್ಯದರ್ಶಿಗಳಾದ ಗಾರಾ.ಶ್ರೀನಿವಾಸ್ ಸಹ ಕಾರ್ಯದರ್ಶಿ ಚಿರಂಜೀವಿ ಬಾಬು ಹಾಗೂ ನಿರ್ಧೇಶಕರುಗಳಾದ ಸ್ವಪ್ನ ಸಂತೋಷ್ ಗೌಡ, ಮಮತಾ ಶಿವಣ್ಣ, ರುದ್ರೇಶ್ ಯಾದವ್, ಪರಮೇಶ್ವರ್, ಎಲ್,ಕೆ, ಚಂದ್ರಹಾಸ್ ಎನ್ ರಾಯ್ಕರ್, ಅನೀಲ್ ಕುಮಾರ್‌ರವರುಗಳು ಉಪಸ್ಥಿತರಿದ್ದರು

B.S.Yediyurappa ಬೈಂದೂರು ಕ್ಷೇತ್ರದ ಒಂದೇ ಕಡೆ ರಾಘವೇಂದ್ರಗೆ ಒಂದು ಲಕ್ಷ‌ ಮತ‌ ಲೀಡ್- ಯಡಿಯೂರಪ್ಪ

0

B.S.Yediyurappa ಶಿವಮೊಗ್ಗದಲ್ಲಿ ಮಾಜಿ ಮುಖ್ಯಮಂತ್ರಿ ಬಿ. ಎಸ್. ಯಡಿಯೂರಪ್ಪನವರು ಪ್ರಜ್ವಲ್ ರೇವಣ್ಣ ವಿದೇಶಕ್ಕೆ ತಪ್ಪಿಸಿಕೊಂಡಿರಿವುದಕ್ಕೆ ಕೇಂದ್ರ ಸರ್ಕಾರವೇ ಕಾರಣ ಎಂಬ ಕಾಂಗ್ರೆಸ್ ಆರೋಪ ವಿಚಾರ ಕುರಿತು ಮಾತನಾಡಿದರು.

ಈ ಬಗ್ಗೆ ನಾನೂ ಯಾವುದೇ ಪ್ರತಿಕ್ರಿಯೇ ನೀಡಲ್ಲ.
ಶಿವಮೊಗ್ಗದ ಚುನಾವಣೆಯಲ್ಲಿ ಬೈಂದೂರಿನಲ್ಲೇ ಒಂದೇ ಕಡೆ ಒಂದು ಲಕ್ಷ ಲೀಡ್ ಸಿಗಲಿದೆ.
ವಾತಾವರಣ ತುಂಬಾ ಚನ್ನಾಗಿದೆ.ಬೈಂದೂರಿನಲ್ಲಿ ನಾಯಕರು ಒಂದು ಲಕ್ಷ ಲೀಡ್ ನೀಡುತ್ತೇವೆ ಎಂದು ಹೇಳಿದ್ದಾರೆ.

ಎರಡರಿಂದ ಮೂರು ಲಕ್ಷ ಅಂತರದಲ್ಲಿ ಶಿವಮೊಗ್ಗ ಗೆಲ್ಲುತ್ತೇವೆ.ರಾಜ್ಯದಲ್ಲಿ 28 ಕ್ಕೆ 28 ಸ್ಥಾನವನ್ನು ಗೆಲ್ಲುತ್ತೇವೆ.
ಮುಂದೆ ಏನು ವ್ಯತ್ಯಾಸ ಆಗುತ್ತದೆ ನೋಡೋಣಾ ಎಂದರು.

B.S.Yediyurappa ನೇಹ ಪ್ರಕರಣ ಲವ್ ಜಿಹಾದ್ ಎಂಬ ಅಮೀತ್ ಷಾ ಹೇಳಿಕೆ ವಿಚಾರದ ಕುರಿತು ಮಾತನಾಡಿ,
ಈ ಬಗ್ಗೆ ನಾನೂ ಯಾವದೇ ಪ್ರತಿಕ್ರಿಯೆ ನೀಡಲ್ಲ ಎಂದು ತಿಳಿಸಿದರು ‌

Mallikarjun Kharge ಶಿವಮೊಗ್ಗ ಅಲ್ಲಮಪ್ರಭು ಮೈದಾನದಲ್ಲಿ ಕಾಂಗ್ರೆಸ್ ಸಮಾವೇಶ: ಸ್ಟಾರ್ ಪ್ರಚಾರಕರ ಅಬ್ಬರದ ಚುನಾವಣಾ ಪ್ರಚಾರ

0

 Mallikarjun Kharge ಶಿವಮೊಗ್ಗದಲ್ಲಿ ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ್ ಖರ್ಗೆ ಅವರು ಮಾತನಾಡಿ,ಸಿಎಂ, ಡಿಸಿಎಂ ಸೇರಿ ರಾಜ್ಯದಲ್ಲಿ ಐದು ಗ್ಯಾರಂಟಿ ಗಳನ್ನು ಕೊಟ್ಟಿದ್ದಾರೆ.
ರಾಹುಲ್ ಗಾಂಧಿ ಯವರು ರಾಷ್ಟ್ರ ಮಟ್ಟದಲ್ಲಿ ಮೈತ್ರಿ ನಾಯಕರು ಸೇರಿ, ನ್ಯಾಯ ಯೋಜನೆ ಗಳನ್ನು ಹೇಳಿದ್ದಾರೆ.
ನಾವು ಅಧಿಕಾರಕ್ಕೆ ಬಂದರೆ ಆ ಯೋಜನೆ ಗಳನ್ನು ಜಾರಿಗೆ ತಂದೆ ತರುತ್ತೇವೆ ಎಂದರು.

ಮಹಿಳೆಯರಿಗೆ ಪ್ರತಿ ವರ್ಷ 1 ಲಕ್ಷ ಹಣವನ್ನು ಹಾಕುತ್ತೇವೆ.
ಮಹಾಲಕ್ಷ್ಮಿ ಯೋಜನೆ ಯನ್ನು ಕೊಡ್ತಿದ್ದೇವೆ.ಯುವಕರಿಗೆ 1 ಲಕ್ಷ ಹಣ ಕೊಟ್ಟು, ಟ್ರೈನಿಂಗ್ ಕೊಟ್ಟು, ನೌಕರರನ್ನಾಗಿ ಮಾಡ್ತೀವಿ.
ಮತ್ತೊಂದು ರೈತರ ಸಾಲ ಮನ್ನಾ ಮಾಡುತ್ತೇವೆ ಎಂದು ತಿಳಿಸಿದರು.

ಶಿವಮೊಗ್ಗ ಬುದ್ದಿ ವಂತರ ಜಿಲ್ಲೆ, ಇಡೀ ರಾಜ್ಯದ ಜನರು ಶಿವಮೊಗ್ಗದ ಕಡೆ ನೋಡ್ತಾರೆ.
ಇಲ್ಲಿ ಭೂ ಸುಧಾರಣೆ ಕಾನೂನು ಹೋರಾಟ ನಡೆದಿತ್ತು.
ಭೂಸುಧಾರಣೆ ಕಾನೂನಿಂದ ಸಾಕಷ್ಟು ಜನರಿಗೆ ಅನುಕೂಲ ಆಗಿದೆ.ಭೂಮಿ ಕಸಿದುಕೊಳ್ತಾರೆ, ಮಂಗಳ ಸೂತ್ರ ಕಸಿದುಕೊಳ್ತಾರೆ ಅಂತಾರೆ.ಆದರೆ ನಾವು ಯಾರು ಆ ರೀತಿ ಮಾಡೋದಿಲ್ಲ.
ನಾವು ಬಡವರ ಪರ ಇದ್ದೇವೆ, ಹೋರಾಟ ಮಾಡ್ತೀವಿ ಎಂದರು.

Mallikarjun Kharge ರಾಹುಲ್ ಗಾಂಧಿ ಮೇಲೆ ಹತ್ತಾರು ಕೇಸ್ ಗಳನ್ನು ಹಾಕಿದ್ದಾರೆ.ಇದಕ್ಕೆಲ್ಲಾ‌ ನಾವು ಹೆದರೋದಿಲ್ಲ.ದೇಶದಲ್ಲಿ ಪ್ರಜಾಪ್ರಭುತ್ವ ಉಳಿಯಬೇಕು.
ಬಾಬಾ ಸಾಹೇಬ್ ಅಂಬೇಡ್ಕರ್ ಸಂವಿಧಾನ ರಕ್ಷಣೆ ಮಾಡಬೇಕು.
ಅದಕ್ಕಾಗಿ ಕಾಂಗ್ರೆಸ್ ಚಿಹ್ನೆಗೆ ಮತ ನೀಡಿ ಎಂದು ಖರ್ಗೆ ಮನವಿ ಮಾಡಿದರು.

B.S.Yediyurappa ಹೆಲಿಪ್ಯಾಡ್ ನಲ್ಲಿ ‘ಸಿಂಗಂ’ ಜೊತೆ ಸೆಲ್ಫಿಗೆ ಮುಗಿಬಿದ್ದ ಅಭಿಮಾನಿಗಳು

0

B.S.Yediyurappa ಶಿವಮೊಗ್ಗದ ಸರ್ಕಿಟ್ ಹೌಸ್ ಬಳಿ ಇರುವ ಹೆಲಿಪ್ಯಾಡ್ ಗೆ ಚಾಪರ್ ಮೂಲಕ ಮಾಜಿ ಮುಖ್ಯಮಂತ್ರಿ ಯಡಿಯೂರಪ್ಪ ಹಾಗೂ ತಮಿಳುನಾಡು ಬಿಜೆಪಿ ರಾಜ್ಯಧ್ಯಕ್ಷ ಅಣ್ಣಾಮಲೈ ಆಗಮಿಸಿದರು.

ಶಿವಮೊಗ್ಗದಲ್ಲಿ ಮಾಜಿ ಮುಖ್ಯಮಂತ್ರಿ ಯಡಿಯೂರಪ್ಪ ನವರನ್ನು ಬಿಟ್ಟು ಅಣ್ಣಾಮಲೈ ಹುಬ್ಬಳ್ಳಿ ಗೆ ಹೊರಟರು.

ಅಣ್ಣಾಮಲೈ ಜೊತೆ ಸೆಲ್ಫಿಗಾಗಿ ಕಾರ್ಯಕರ್ತರು ಮುಗಿಬಿದ್ದಿದ್ದರು.

Kannada Sahitya Parishath ಮೇ5, ಸಾಹಿತ್ಯಗ್ರಾಮದಲ್ಲಿ ಕಸಾಪ 110 ನೇ ಸಂಸ್ಥಾಪನಾ ದಿನಾಚರಣೆ- ಡಿ.ಮಂಜುನಾಥ್

0

Kannada Sahitya Parishath ಕನ್ನಡ ಸಾಹಿತ್ಯ ಪರಿಷತ್ತು ಮೇ 5 ನೆಯ ಭಾನುವಾರ ಸಂಜೆ 6 ಕ್ಕೆ 110ನೇಯ ಸಂಸ್ಥಾಪನಾ ದಿನಾಚರಣೆ ಕಾರ್ಯಕ್ರಮ ಏರ್ಪಡಿಸಲಾಗಿದೆ ಎಂದು ಕಸಾಪ ಜಿಲ್ಲಾ ಅಧ್ಯಕ್ಷರಾದ ಡಿ. ಮಂಜುನಾಥ ಅವರು ತಿಳಿಸಿದ್ದಾರೆ.

Kannada Sahitya Parishath ಕಸಾಪ ಸಂಸ್ಥಾಪನೆಯ ಪ್ರಯುಕ್ತ ಹಿರಿಯ ಸದಸ್ಯರಿಗೆ ಅಭಿನಂದನೆ, ಮತದಾನ ಜಾಗೃತಿ ಕುರಿತು ಕವಿಗಳಿಂದ ಕವನ ವಾಚನ, ಗಾಯಕರಿಂದ ಕನ್ನಡ ಗೀತೆಗಳ ಹಾಡು ಸೇರಿದಂತೆ ವಿಶೇಷ ಉಪನ್ಯಾಸ ಕಾರ್ಯಕ್ರಮ ರೂಪಿಸಲಾಗಿದೆ. ಕಸಾಪ ಸದಸ್ಯರು, ಕನ್ನಡ ಮನಸ್ಸುಗಳು ಕಾರ್ಯಕ್ರಮ ದಲ್ಲಿ ಭಾಗವಹಿಸಲು ಡಿ. ಮಂಜುನಾಥ ವಿನಂತಿ ಮಾಡಿದ್ದಾರೆ.