Thursday, November 19, 2026
Thursday, November 19, 2026
Home Blog Page 1275

Klive Cartoon ಕಾವೇರಿ ಸಮಸ್ಯೆ: ಕಾರ್ಟೂನ್ ಕುಟುಕು

0

Klive Cartoon ಹೂಜಿಯ ತಳದಲ್ಲಿರುವ ಸ್ವಲ್ಪ ನೀರಿಗೆ ಹಕ್ಕಿಯೊಂದು ಶ್ರಮಪಟ್ಟು ಚಿಕ್ಕ ಚಿಕ್ಕ ಕಲ್ಲುಗಳನ್ನು ತಂದು ಹಾಕಿ ನೀರನ್ನು ಮೇಲಕ್ಕೆ ತಂದರೆ, ಆ ನೀರು ಬಾಯಾರಿ ಬಸವಳಿದ ಆ ಹಕ್ಕಿಯ ಮರಿಗಳ ಪಾಲಾಗದೆ ನೀರು ಕುಡಿದು ಸಮೃದ್ಧವಾಗಿರುವ ಮತ್ತೊಂದು ಹಕ್ಕಿಯ ಮರಿಗಳ ಪಾಲಾಗುತ್ತಿದೆ!!!!!!!!…

Klive Cartoon -ಸಾಂದರ್ಭಿಕ ವ್ಯಂಗ್ಯಚಿತ್ರ ಎಚ್. ಬಿ ಮಂಜುನಾಥ ದಾವಣಗೆರೆ.

Dr. Selvamani R ನೈಋತ್ಯ ಪದವೀಧರರ &‌ ನೈಋತ್ಯ ಶಿಕ್ಷಕರ ಕ್ಷೇತ್ರದ ಚುನಾವಣೆ:ಡಾ.ಆರ್.ಸೆಲ್ವಮಣಿ ಅವರಿಂದ ಪೂರ್ವಸಿದ್ಧತಾ ಸಭೆ

0

Dr. Selvamani R ಮುಂದಿನ ಕೆಲವು ತಿಂಗಳುಗಳಲ್ಲಿ ನಡೆಯಲಿರುವ ವಿಧಾನ ಪರಿಷತ್ ಕರ್ನಾಟಕ ನೈಋತ್ಯ ಪದವೀಧರರ ಕ್ಷೇತ್ರ ಹಾಗೂ ನೈಋತ್ಯ ಶಿಕ್ಷಕರ ಕ್ಷೇತ್ರದ ಚುನಾವಣೆಗೆ ಸಂಬoಧಿಸಿದoತೆ ಕ್ಷೇತ್ರದ ವ್ಯಾಪ್ತಿಯಲ್ಲಿ ಹೆಚ್ಚಿನ ಸಂಖ್ಯೆಯ ಅರ್ಹ ಪದವೀಧರರು ಹಾಗೂ ಶಿಕ್ಷಕರು ಮತದಾರರ ಪಟ್ಟಿಗೆ ಹೆಸರು ಸೇರ್ಪಡೆಗೊಳಿಸಿಕೊಳ್ಳುವಂತೆ ಜಿಲ್ಲಾಧಿಕಾರಿ ಡಾ. ಆರ್.ಸೆಲ್ವಮಣಿ ಅವರು ಕರೆ ನೀಡಿದರು.

ಅವರು ಇಂದು ತಮ್ಮ ಕಚೇರಿ ಸಭಾಂಗಣದಲ್ಲಿ ಕರ್ನಾಟಕ ನೈಋತ್ಯ ಪದವೀಧರರ ಕ್ಷೇತ್ರ ಹಾಗೂ ನೈಋತ್ಯ ಶಿಕ್ಷಕರ ಕ್ಷೇತ್ರದ ಚುನಾವಣೆಗೆ ಸಂಬoಧಿಸಿದoತೆ ಏರ್ಪಡಿಸಲಾಗಿದ್ದ ಎಲ್ಲಾ ರಾಜಕೀಯ ಪಕ್ಷಗಳ ಮುಖಂಡರ ಸಭೆಯ ಅಧ್ಯಕ್ಷತೆ ವಹಿಸಿ ಮಾತನಾಡುತ್ತಿದ್ದರು.

ಪ್ರಸಕ್ತ ಚುನಾವಣೆಯಲ್ಲಿ ಪ್ರಜ್ಞಾವಂತರಾದ ಪದವೀಧರರು ಹಾಗೂ ಶಿಕ್ಷಕರು ಮತ ಚಲಾವಣೆ ಮಾಡಬೇಕಾಗಿರುವುದರಿಂದ ಅರ್ಹರು ಹೆಚ್ಚಿನ ಸಂಖ್ಯೆಯಲ್ಲಿ ಮತದಾರರ ಪಟ್ಟಿಯಲ್ಲಿ ತಮ್ಮ ಹೆಸರನ್ನು ನೋಂದಾಯಿಸಿಕೊಳ್ಳುವ ಮೂಲಕ, ನಿಗಧಿಪಡಿಸಿದ ದಿನಾಂಕದoದು ತಮ್ಮ ಅಮೂಲ್ಯವಾದ ಮತವನ್ನು ಚಲಾಯಿಸಿ, ಪ್ರಜಾಪ್ರಭುತ್ವದ ಯಶಸ್ಸಿಗೆ ಸಹಕರಿಸುವಂತೆ ಮನವಿ ಮಾಡಿದರು.

ಪ್ರಸಕ್ತ ಅವಧಿಯಲ್ಲಿ ಹೊಸದಾಗಿ ಸುಮಾರು 1 ಲಕ್ಷ ಮತದಾರರನ್ನು ಪಟ್ಟಿಗೆ ಸೇರಿಸುವ ಉದ್ದೇಶ ಹೊಂದಲಾಗಿದೆ ಎಂದ ಅವರು, ಕಳೆದ ಸಾಲಿನಲ್ಲಿ ಅನೇಕ ಪ್ರಯತ್ನಗಳ ನಂತರ ಸುಮಾರು 27000 ಮತದಾರರನ್ನು ಮಾತ್ರ ನೋಂದಾಯಿಸಲಾಗಿತ್ತು.

ಅರ್ಹರು ಸ್ವಯಂ ಪ್ರೇರಿತರಾಗಿ ಹೆಸರನ್ನು ನೋಂದಾಯಿಸಿಕೊಳ್ಳಲು ಮುಂದಾಗುವoತೆ ಅವರು ಮನವಿ ಮಾಡಿದರು.

ಮತದಾರರ ಪಟ್ಟಿಗೆ ಹೆಸರನ್ನು ಸೇರ್ಪಡೆಗೊಳಿಸುವ ಸಂಬoಧ ಹೆಚ್ಚಿನ ಸಂಖ್ಯೆಯ ಪದವೀಧರರು ಇರುವ ವಿವಿಧ ಇಲಾಖೆಗಳು ಹಾಗೂ ಸಂಘ-ಸoಸ್ಥೆಗಳ ಮುಖ್ಯಸ್ಥರುಗಳಿಗೆ ಹಾಗೂ ಶಿಕ್ಷಕರಾಗಿ ಕಾರ್ಯನಿರ್ವಹಿಸುತ್ತಿರುವ ವಿವಿಧ ಶಿಕ್ಷಣ ಇಲಾಖೆಗಳ ಮುಖ್ಯಸ್ಥರ ಸಭೆ ಕರೆದು ಮಾಹಿತಿ ನೀಡಿ, ನಿಗಧಿತ ನಮೂನೆಯಲ್ಲಿ ನೋಂದಣಿಗೆ ಅರ್ಜಿಯನ್ನು ನೀಡಿ ಮಾಹಿತಿ ಪಡೆದುಕೊಳ್ಳುವಂತೆ ಸೂಚಿಸಲಾಗುವುದು. ಇದರಿಂದಾಗಿ ಹೆಚ್ಚಿನ ಸಂಖ್ಯೆಯ ಮತದಾರರು ಪಟ್ಟಿಗೆ ಸೇರ್ಪಡೆಗೊಳ್ಳುವ ಆಶಯವಿದೆ ಎಂದವರು ನುಡಿದರು.

ಈ ಚುನಾವಣೆಯ ನೋಂದಣಿ ಮತ್ತು ಮತದಾನಕ್ಕೆ ಸಂಬoಧಿಸಿದoತೆ ಎಲ್ಲಾ ರಾಜಕೀಯ ಪಕ್ಷಗಳ ಮುಖಂಡರು ತಮ್ಮ ಕಾರ್ಯಕ್ಷೇತ್ರದಲ್ಲಿ ಏಜೆಂಟರನ್ನು ನೇಮಿಸಿ, ಅರ್ಹ ಮತದಾರರನ್ನು ಗುರುತಿಸಿ, ನಿಗಧಿತ ನಮೂನೆಯಲ್ಲಿ ಅರ್ಜಿಯನ್ನು ಭರ್ತಿ ಮಾಡಿ, ಅಗತ್ಯ ದಾಖಲೆಗಳೊಂದಿಗೆ ಮತದಾರರ ಪಟ್ಟಿಗೆ ಹೆಸರನ್ನು ಸೇರ್ಪಡೆಗೊಳಿಸಲು ಸಹಕರಿಸುವಂತೆ ಜಿಲ್ಲಾಧಿಕಾರಿಗಳು ಮನವಿ ಮಾಡಿದರು.

ಈ ಚುನಾವಣೆಗೆ ಸಂಬoಧಿಸಿದoತೆ ಸಕಾಲದಲ್ಲಿ ನಿಯಮಾನುಸಾರ ನಡೆಸುವ ಪ್ರಕ್ರಿಯೆಗಳು ನಡೆಯುವಂತೆ ನೋಡಿಕೊಳ್ಳಲು ಜಿಲ್ಲೆಯಲ್ಲಿನ ಸ್ಥಳೀಯ ಸಂಸ್ಥೆಗಳ ಆಯುಕ್ತರು, ವಿಧಾನಸಭಾ ಹಾಗೂ ತಾಲೂಕುಗಳ ಮತದಾರರ ಸಹಾಯಕ ನೋಂದಣಾದಿಕಾರಿಗಳು, ಪತ್ರಾಂಕಿತ ಅಧಿಕಾರಿಗಳನ್ನು ನಿಯೋಜಿಸಿ, ಅವರಿಗೆ ಸೂಕ್ತ ತರಬೇತಿಯನ್ನು ನೀಡಲಾಗುವುದು ಎಂದರು.

Dr. Selvamani R ಭಾರತ ಚುನಾವಣಾ ಆಯೋಗದ ಸೂಚನೆಯಂತೆ ಮತದಾರರ ಪಟ್ಟಿಗೆ ಹೆಸರನ್ನು ಸೇರ್ಪಡೆಗೊಳಿಸಲು ಇದೇ ಮಾಹೆಯ 30 ರಂದು ಜಿಲ್ಲಾ ಚುನಾವಣಾಧಿಕಾರಿಗಳು ಪ್ರಕಟಣೆ ಹೊರಡಿಸಲಿದ್ದಾರೆ. ಪದವೀಧರರ ಹಾಗೂ ಶಿಕ್ಷಕರ ಕ್ಷೇತ್ರಗಳ ಅರ್ಹ ಮತದಾರರು ನವೆಂಬರ್ 6ರೊಳಗಾಗಿ ಹೆಸರನ್ನು ನೋಂದಾಯಿಸಿಕೊಳ್ಳಬೇಕು ಎಂದು ತಿಳಿಸಿರುವ ಅವರು, ಪದವೀಧರರ ಕ್ಷೇತ್ರಕ್ಕೆ ಹೆಸರು ನೋಂದಾಯಿಸುವವರು 2023ರ ನವೆಂಬರ್ 1ಕ್ಕೆ ಅನ್ವಯಗೊಳ್ಳುವಂತೆ ಮೂರು ವರ್ಷಗಳ ಹಿಂದಿನ ದಿನಾಂಕಕ್ಕೆ ಭಾರತದ ಸರಹದ್ದಿನಲ್ಲಿನ ಯಾವುದೇ ಅಂಗೀಕೃತ ವಿಶ್ವವಿದ್ಯಾಲಯದ ಪದವೀಧರರಾಗಿದ್ದು, ಕ್ಷೇತ್ರ ವ್ಯಾಪ್ತಿಯ ನಿವಾಸಿಯಾಗಿರಬೇಕು. ಪದವೀಧರರ ಕ್ಷೇತ್ರಕ್ಕೆ ನಿಗಧಿಪಡಿಸಿದ ಅರ್ಜಿ ನಮೂನೆ-18 ಪದವಿ ಪ್ರಮಾಣಪತ್ರ, ಸರ್ಕಾರಿ ಅಧಿಕಾರಿ ಅಥವಾ ಸಿಬ್ಬಂಧಿಯಾಗಿದ್ದಲ್ಲಿ ನಿಗಧಿಪಡಿಸಿದ ನಮೂನೆಯಲ್ಲಿ ದೃಢೀಕರಿಸಿದ ಮಾಹಿತಿ, ಮತದಾರರ ಗುರುತಿನ ಚೀಟಿ, ಪಡಿತರ ಚೀಟಿ, ಆಧಾರ್ ಸೇರಿದಮತೆ ಯಾವುದೇ ಸಾಮಾನ್ಯ ನಿವಾಸಿ ದಾಖಲೆಗಳನ್ನು ತಮ್ಮ ಇತ್ತೀಚಿನ ಭಾವಚಿತ್ರದೊಂದಿಗೆ ದೃಢೀಕರಿಸಿ, ತಾಲೂಕು, ಮಹಾನಗರಪಾಲಿಕೆ ಮತ್ತು ನಗರಸಭೆಗಳಲ್ಲಿ ತೆರೆಯಲಾದ ಕೌಂಟರುಗಳಲ್ಲಿ ಸಲ್ಲಿಸುವಂತೆ ಅವರು ಸೂಚಿಸಿದರು.

ಶಿಕ್ಷಕರ ಕ್ಷೇತ್ರದ ಮತದಾರರ ಪಟ್ಟಿಗೆ ಸೇರ್ಪಡೆಗೊಳಿಸಲಿಚ್ಚಿಸುವ ಶಿಕ್ಷಕರು 2023ರ ನವೆಂಬರ್ 1ಕ್ಕೆ ಅನ್ವಯಗೊಳ್ಳುವಂತೆ ಆರು ವರ್ಷಗಳ ಹಿಂದಿನ ದಿನಾಂಕಕ್ಕೆ ಅಂದರೆ, 2017ರ ಅಕ್ಟೋಬರ್ ನಂತರದಲ್ಲಿ ಮೂರು ವರ್ಷಗಳು ಶಿಕ್ಷಕರಾಗಿ ಕಾರ್ಯನಿರ್ವಹಿಸಿದ ಕುರಿತು ನಮೂನೆ-19ರ ಜೊತೆಗೆ ಸಕ್ಷಮ ಪ್ರಾಧಿಕಾರದಿಂದ ಪ್ರಮಾಣ ಪತ್ರ ಪಡೆದು, ಮತದಾರರ ಗುರುತಿನ ಚೀಟಿ, ಪಡಿತರ ಚೀಟಿ, ಆಧಾರ್ ಸೇರಿದಮತೆ ಯಾವುದೇ ಸಾಮಾನ್ಯ ನಿವಾಸಿ ದಾಖಲೆಗಳನ್ನು ತಮ್ಮ ಇತ್ತೀಚಿನ ಭಾವಚಿತ್ರದೊಂದಿಗೆ ದೃಢೀಕರಿಸಿ, ತಾಲೂಕು, ಮಹಾನಗರಪಾಲಿಕೆ ಮತ್ತು ನಗರಸಭೆಗಳಲ್ಲಿ ತೆರೆಯಲಾದ ಕೌಂಟರುಗಳಲ್ಲಿ ಸಲ್ಲಿಸಿ ಹೆಸರನ್ನು ನೋಂದಾಯಿಸಿಕೊಳ್ಳಬಹುದಾಗಿದೆ. ಎಂದವರು ತಿಳಿಸಿದರು.

ಈ ಚುನಾವಣೆ ಸಂಬoಧದ ಕುರಿತು ಅಗತ್ಯ ವಿಷಯಗಳನ್ನು ಚರ್ಚಿಸಲು ಮತ್ತೊಮ್ಮೆ ಸಭೆ ಕರೆದು ಸಮಾಲೋಚನೆ ನಡೆಸಲಾಗುವುದು ಎಂದು ಜಿಲ್ಲಾಧಿಕಾರಿ ಡಾ. ಆರ್.ಸೆಲ್ವಮಣಿ ಅವರು ತಿಳಿಸಿದರು.

ಸಭೆಯಲ್ಲಿ ಉಪಸ್ಥಿತರಿದ್ದ ರಾಜಕೀಯ ಪಕ್ಷಗಳ ಮುಖಂಡರು ಮಾತನಾಡಿ, ಮತದಾರರ ಯಾದಿಗೆ ಹೆಸರು ಸೇರ್ಪಡೆಗೊಳಿಸಲು ಏಕರೀತಿಯ ಅರ್ಜಿ ನಮೂನೆಗಳನ್ನು ಚುನಾವಣಾ ಶಾಖೆಯಿಂದಲೇ ನೀಡುವಂತೆ ಹಾಗೂ ಸಲ್ಲದ ಕಾರಣಕ್ಕಾಗಿ ಅರ್ಜಿಗಳನ್ನು ವಜಾಗೊಳಿಸದಂತೆ ಜಿಲ್ಲಾಧಿಕಾರಿಗಳಿಗೆ ಮನವಿ ಮಾಡಿದರು.

ಸಭೆಯಲ್ಲಿ ಅಪರ ಜಿಲ್ಲಾಧಿಕಾರಿ ಸಿದ್ದಲಿಂಗರೆಡ್ಡಿ ಸೇರಿದಂತೆ ಜಿಲ್ಲೆಯ ಎಲ್ಲಾ ರಾಜಕೀಯ ಪಕ್ಷಗಳ ಮುಖಂಡರು, ಸ್ಪರ್ಧಾಕಾಂಕ್ಷಿಗಳು ಹಾಗೂ ಜಿಲ್ಲಾ ಚುನಾವಣಾ ಶಾಖೆಯ ಅಧಿಕಾರಿ-ಸಿಬ್ಬಂಧಿಗಳು ಉಪಸ್ಥಿತರಿದ್ದರು.

Ganesh Chaturthi ಶಾಂತಿ ಸೌಹಾರ್ದತೆಯ ಸಂದೇಶದಿಂದ ಬಲಿಷ್ಠ ಸಮಾಜ -ಮೊಹ್ಮದ್ ತಾಹಿರ್ ಹುಸೇನ್

0

Ganesh Chaturthi ಹಬ್ಬ-ಉತ್ಸವಗಳು ಶಾಂತಿ-ಸೌಹಾರ್ದತೆಯ ಸಂದೇಶವನ್ನು ಬಿತ್ತಿದಾಗ ಉತ್ತಮ ಸಮಾಜ ಮತ್ತಷ್ಟು ಬಲಿಷ್ಟವಾಗುತ್ತದೆ ಎಂದು ಆನಂದಪುರದ ಹೆಡ್‌ಕಾನ್ಸ್ಟೇಬಲ್ ಮುಹಮ್ಮದ್ ತಾಹೀರ್ ಹುಸೇನ್ ಹೇಳಿದರು.

ಸೊರಬ ಪಟ್ಟಣದ ಶ್ರೀ ರಂಗನಾಥ ದೇವಸ್ಥಾನದ ಆವರಣದಲ್ಲಿ ತಾಲೂಕು ಗೋ ಸಂರಕ್ಷಣಾ ಹೋರಾಟ ಸಮಿತಿಯಿಂದ 18ನೇ ವರ್ಷದ ಗಣೇಶೋತ್ಸವ ಅಂಗವಾಗಿ ಹಮ್ಮಿಕೊಂಡ ಸಭಾ ಕಾರ್ಯಕ್ರಮದಲ್ಲಿ ಸನ್ಮಾನ ಸ್ವೀಕರಿಸಿ ಅವರು ಮಾತನಾಡಿದರು.

ಗೋ ಸಂರಕ್ಷಣಾ ಹೋರಾಟ ಸಮಿತಿಯವರು ಗೋವುಗಳ ರಕ್ಷಣೆಯಂತ ಕೆಲಸ ಮಾಡುತ್ತಿದ್ದಾರೆ.

ಗಣೇಶೋತ್ಸವದ ಸಂದರ್ಭದಲ್ಲಿ ತಮ್ಮನ್ನು ಗುರುತಿಸಿ ಸನ್ಮಾನಿಸುತ್ತಿರುವುದು ಸಂತಸ ತಂದಿದೆ. ಸರ್ಕಾರಿ ವೃತ್ತಿಯಲ್ಲಿ ಅನೇಕ ಒತ್ತಡಗಳು ಇರುತ್ತದೆ. ಪೊಲೀಸ್ ಇಲಾಖೆಯಲ್ಲಿ ಕರ್ತವ್ಯ ನಿರ್ವಹಿಸುವ ವೇಳೆಯಲ್ಲಿ ಅನೇಕ ಸವಾಲುಗಳು ಎದುರಾಗುತ್ತದೆ. ವೃತ್ತಿಗೆ ಸೇರ್ಪಡೆಯಾದ ದಿನದಿಂದ ಪ್ರಾಮಾಣಿಕವಾಗಿ ಕರ್ತವ್ಯ ನಿರ್ವಹಿಸಬೇಕು ಎಂಬ ಸಂಕಲ್ಪ ಮಾಡಿದ್ದೆನು. ಮುಂದೆಯೂ ಸಹ ಇದೇ ಹಾದಿಯಲ್ಲಿ ನಡೆಯುತ್ತೇನೆ ಎಂದರು.

ಅಧ್ಯಕ್ಷತೆ ವಹಿಸಿದ್ದ ಸಮಿತಿಯ ಅಧ್ಯಕ್ಷ ಜೆ.ಎಸ್. ಚಿದಾನಂದ ಗೌಡ ಮಾತನಾಡಿ, ಇತ್ತೀಚಿನ ದಿನಗಳಲ್ಲಿ ಗೋಪಾಲಕರ ಅಭಾವದಿಂದ ದೇಶೀಯ ತಳಿಗಳ ಸಂಖ್ಯೆ ಕ್ಷೀಣಿಸುತ್ತಿದೆ. ಗ್ರಾಮೀಣ ಭಾಗದಲ್ಲಿ ದೇಶೀಯ ತಳಿಯ ಗೋವುಗಳ ರಕ್ಷಣೆಗೆ ಗೋಪಾಲಕರ ಪಾತ್ರ ಮಹತ್ವದ್ದಾಗಿದೆ. ಈ ನಿಟ್ಟಿನಲ್ಲಿ ಸಮಿತಿಯಿಂದ ಪ್ರತಿ ವರ್ಷದ ಗಣೇಶೋತ್ಸವದ ಸಂದರ್ಭದಲ್ಲಿ ಗೋಪಾಲಕರನ್ನು ಗುರುತಿಸಿ ಗೌರವಿಸುವ ಕೆಲಸ ಮಾಡಲಾಗುತ್ತಿದೆ. ಈ ವರ್ಷದ ಉತ್ಸವದಲ್ಲಿ ವಿಶೇಷವಾಗಿ ವಿವಿಧ ಕ್ಷೇತ್ರಗಳಲ್ಲಿ ಸೇವೆ ಸಲ್ಲಿಸುತ್ತಿರುವವರನ್ನು ಸನ್ಮಾನಿಸಲಾಗುತ್ತಿದೆ ಎಂದರು.

ಸಮಿತಿಯ ಗೌರವಾಧ್ಯಕ್ಷ ಕೆ. ಪ್ರಭಾಕರ ರಾಯ್ಕರ್ ಮಾತನಾಡಿ, ಸರ್ಕಾರಿ ಇಲಾಖೆಯಲ್ಲಿ ಹಾಗೂ ಪೊಲೀಸ್ ಇಲಾಖೆಯಲ್ಲಿ ಕರ್ತವ್ಯ ನಿರ್ವಹಿಸುವ ವೇಳೆ ಪ್ರಾಮಾಣಿಕರು ಎನಿಸುವುದು ಸಮಾಜದಲ್ಲಿ ಕಷ್ಟಸಾಧ್ಯ. ಮುಹಮ್ಮದ್ ತಾಹೀರ್ ಅವರನ್ನು ಸಮಾಜವೇ ಉತ್ತಮ ವ್ಯಕ್ತಿ ಎಂದು ಗುರುತಿಸಿದೆ. ಸಮಾಜದಲ್ಲಿ ಸೇವೆ ಸಲ್ಲಿಸಲು ಅನೇಕ ಮಾರ್ಗಗಳಿವೆ. ಈ ನಿಟ್ಟಿನಲ್ಲಿ ಮಹೇಶ್ ಕಾಳೆ ಅವರು ಬಸ್ ಏಜೆಂಟ್ ಆಗಿ ಸುಮಾರು 43 ವರ್ಷಗಳಿಂದ ಹಾಗೂ ಸಹಕಾರಿ ಕ್ಷೇತ್ರದಲ್ಲಿಯೂ ಸಾರ್ವಜನಿಕರಿಗೆ ಸ್ಪಂದಿಸುತ್ತಾ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ನಮ್ಮ ಸಮಿತಿಯಿಂದ ಕಳೆದ 18 ವರ್ಷಗಳಿಂದ ಸಮಾಜಮುಖಿಯಾಗಿ ಜನ ಮತ್ತು ಜಾನುವಾರುಗಳ ಸೇವೆ ಮಾಡುತ್ತಾ ಬರುತ್ತಿರುವುದಾಗಿ ತಿಳಿಸಿದರು.

ಕಾರ್ಯಕ್ರಮದಲ್ಲಿ ಬಸ್ ಏಜೆಂಟ್ ಮಹೇಶ್ ಕಾಳೆ, ಗೋಪಾಲಕ ನಾಗರಾಜ ಹಳೇಸೊರಬ ಅವರನ್ನು ಸನ್ಮಾನಿಸಲಾಯಿತು.

Ganesh Chaturthi ವಿಶ್ವ ಹಿಂದೂ ಪರಿಷತ್ ತಾಲೂಕು ಅಧ್ಯಕ್ಷ ಎಂ.ಎಸ್. ಕಾಳಿಂಗರಾಜ್, ನಿವೃತ್ತ ಉಪತಹಶೀಲ್ದಾರ್ ಪ್ರಭಾಕರ್ ಗೋಖಲೆ, ಸಮಿತಿಯ ಪ್ರಧಾನ ಕಾರ್ಯದರ್ಶಿ ವೀರೇಂದ್ರಗೌಡ ಜೇಡಗೇರಿ, ಕಾರ್ಯದರ್ಶಿ ರಾಜೇಂದ್ರ ಜೈನ್, ಉಪಾಧ್ಯಕ್ಷ ಯು.ಎಸ್. ಶರತ್ ಸ್ವಾಮಿ, ಖಜಾಂಚಿ ದತ್ತಾತ್ರೇಯ, ಪ್ರಮುಖರಾದ ಎಂ.ಬಿ. ನಾಗರಾಜ, ಮಂಜುನಾಥ ಗುತ್ತಿ, ವಿಜಯಗೌಳಿ, ವಿ. ವೀರಭದ್ರ, ಶಿವಯೋಗಿ ಸ್ವಾಮಿ, ಅನೀಲ್, ನಮಾಮಿಇಂದ್ರ, ಅಭಿ ಹೊಯ್ಸಳ, ರಾಜಣ್ಣ, ಗಿರೀಶ್, ವಿನಯ್, ಸುರೇಶ್ ಗೌಡ ಕುಪ್ಪೆ, ಮುತ್ತು, ಸೇರಿದಂತೆ ಇತರರಿದ್ದರು.

Soil Modeling Workshop ಸಮಗ್ರ ಶಿಕ್ಷಣ & ಸಮತೋಲಿತ ವ್ಯಕ್ತಿತ್ವಕ್ಕೆ ಕಲೆ ಪ್ರೋತ್ಸಾಹಕರ-ರೋಶನ್ ಸಿಕ್ವೆರಾ

0

Soil Modeling Workshop ವಿದ್ಯಾರ್ಥಿಗಳಿಗೆ ಕಲಾತ್ಮಕ ಸಾಮರ್ಥ್ಯಗಳನ್ನು ಸಮೃದ್ಧಗೊಳಿಸುವುದರಲ್ಲಿ ಮತ್ತು ನಾವೀನ್ಯತೆಯನ್ನು ಪೋಷಿಸುವುದರಲ್ಲಿ ಮಣ್ಣಿನ ಮಾಡೆಲಿಂಗ್ ಕಾರ್ಯಾಗಾರ ಪ್ರಾಮುಖ್ಯತೆ ಹೊಂದಿದೆ ಎಂದು ಸೇಂಟ್ ಕ್ಸೇವಿಯರ್ ಶಾಲೆಯಲ್ಲಿ ಪ್ರಾಂಶುಪಾಲ ರೋಶನ್ ಸಿಕ್ವೇರಾ ಹೇಳಿದರು.

ಚಿಕ್ಕಮಗಳೂರು
ತಾಲ್ಲೂಕಿನ ಬೀಕನಹಳ್ಳಿ ಸಮೀಪದ ಸೇಂಟ್ ಕ್ಸೇವಿಯರ್ ಶಾಲೆಯಲ್ಲಿ ಪ್ರಥಮ ಬಾರಿಗೆ ಆಯೋಜಿಸಿದ್ದ ಮಣ್ಣಿನ ಮಾಡೆಲಿಂಗ್ ಕಾರ್ಯಾಗಾರವನ್ನು ಬುಧವಾರ ಚಾಲನೆ ಅವರು ಮಾತನಾಡಿ ಈ ಕಾರ್ಯಾಗಾರವು ವಿದ್ಯಾರ್ಥಿಗಳಿಗೆ ಕಲಾತ್ಮಕ ಪ್ರತಿಭೆಯನ್ನು ಪೋಷಿಸುವುದನ್ನು ಮತ್ತು ಸ್ವಯಂ ಅಭಿವ್ಯಕ್ತಿಗಾಗಿ ಅನನ್ಯ ವೇದಿಕೆಯನ್ನು ಒದಗಿಸುವುದನ್ನು ಗುರಿಯಾಗಿರಿಸಿದೆ ಎಂದರು.

ಸಮಗ್ರ ಶಿಕ್ಷಣದಲ್ಲಿ ಕಲೆಯ ಪಾತ್ರ ಮತ್ತು ಸಮತೋಲಿತ ವ್ಯಕ್ತಿತ್ವಕ್ಕೆ ಅದರ ಕೊಡುಗೆಯನ್ನು ಅವರು ಒತ್ತಿ ಹೇಳಿದರು.

ಕಾರ್ಯಾಗಾರವು ವಿದ್ಯಾರ್ಥಿಗಳಿಗೆ ಕೆತ್ತನೆ ಮತ್ತು ಮಣ್ಣಿನ ಆಕಾರ ನಿರ್ಮಾಣದಲ್ಲಿ ಕೈಗಾರಿಕ ಅನು ಭವವನ್ನು ಒದಗಿಸುವುದನ್ನು ಮತ್ತು ಅವರ ಸೃಜನಶೀಲ ಸಾಮರ್ಥ್ಯವನ್ನು ಅನ್ವೇಷಿಸಲು ಅನುವು ಮಾಡಿ ಕೊಡುತ್ತದೆ ಎಂದರು.

Soil Modeling Workshop ಕಾರ್ಯಾಗಾರವು ಕಲಾವನ್ನು ರಚಿಸುವುದಷ್ಟೇ ಅಲ್ಲ, ಸಮಸ್ಯೆ ಪರಿಹಾರ, ತಾಳ್ಮೆ ಮತ್ತು ಉತ್ತಮವಾದ ಕೌಶಲ್ಯಗಳಂತಹ ಅಭಿವೃದ್ಧಿಪಡಿಸುವುದರ ಬಗ್ಗೆ ಆಸಕ್ತಿ ಹೊಂದಿದೆ ಎಂದರು.
ಈ ಸಂದರ್ಭದಲ್ಲಿ ವಿಭಾಗದ ಮುಖ್ಯಸ್ಥರಾದ ರೇಶ್ಮಾ ಕ್ಯಾಸ್ಟೆಲಿನೊ, ಬಿ.ಜಿ.ಎಸ್. ಶಾಲೆಯ ಕಲಾ ಶಿಕ್ಷಕರಾದ ಭವಾನಿ, ಕಲಾವಿದರಾದ ವಂದನಾ, ಶಿವ, ಲೋಹಿತ್ ಕುಮಾರ್ ಮತ್ತಿತರರು ಭಾಗವಹಿಸಿದ್ದರು.

Women’s Reservation ಸಾರ್ವಜನಿಕ ಚುನಾವಣೆಯಲ್ಲೂ ಮಹಿಳೆಯರಿಗೆ ಒಳಮೀಸಲಾತಿಗೆ ಆಗ್ರಹ

0

Women’s Reservation ಕೇಂದ್ರ ಸರ್ಕಾರವು ದೇಶದ ಪ್ರತಿಯೊಂದು ಜನಾಂಗಕ್ಕೂ ಸರ್ವ ಸಮಾನವಾದ ಮಹಿಳಾ ಮೀಸಲಾತಿ ನಿಗಧಿಗೊಳಿಸಬೇಕು ಎಂದು ದಸಂಸ (ಪ್ರೊ.ಕೃಷ್ಣಪ್ಪ ಸ್ಥಾಪಿತ) ಜಿಲ್ಲಾ ಸಂಚಾ ಲಕ ಕಬ್ಬಿಕೆರೆ ಮೋಹನ್‌ಕುಮಾರ್ ಒತ್ತಾಯಿಸಿದ್ದಾರೆ.

ಈ ಸಂಬoಧ ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿರುವ ಅವರು ಕೇಂದ್ರ ಸರ್ಕಾರ ಮಹಿಳಾ ರಾಜಕಾರಣ ಮೀಸಲಾತಿ ಶೇ.35 ಜಾರಿಗೊಳಿಸಲು ಮುಂದಾಗಿದ್ದು ಇದರಿಂದ ಪ.ಜಾತಿ, ಪ.ಪಂಗಡ ಹಾಗೂ ಅಲ್ಪಸಂಖ್ಯಾತರು ಸೇರಿ ದಂತೆ ಎಲ್ಲಾ ಜನಾಂಗಕ್ಕೆ ಸಮಸ್ಯೆಯಾಗದಂತೆ ಸಮಾನವಾಗಿ ಮೀಸಲಾತಿ ವ್ಯವಸ್ಥೆ ಕಲ್ಪಿಸಬೇಕು ಎಂದಿದ್ದಾರೆ.

Women’s Reservation ದೇಶದ ಗ್ರಾಮ ಪಂಚಾಯಿತಿ, ತಾಲ್ಲೂಕು ಪಂಚಾಯಿತಿ, ಚಿಕ್ಕಮಗಳೂರು ಜಿಲ್ಲಾ ಪಂಚಾಯಿತಿ ಹಾಗೂ ನಗರಸಭೆ ನಡೆಯುವ ಚುನಾವಣಾ ಮಾದರಿಯಲ್ಲೇ ಲೋಕಸಭಾ ಹಾಗೂ ವಿಧಾನಸಭಾಕ್ಕೂ ಪ.ಜಾತಿ, ಪ.ಪಂಗಡ, ಬಿಸಿಎಂಎ, ಬಿಸಿಎಂಬಿ ಸೇರಿದಂತೆ ಸಾಮಾನ್ಯರಿಗೂ ಅನ್ವಯವಾಗುವಂತೆ ಮಹಿಳಾ ಮೀಸಲಾತಿಯನ್ನು ಜಾರಿಗೊಳಿಸಬೇಕು ಎಂದು ಒತ್ತಾಯಿಸಿದ್ದಾರೆ.

Dalit Conflict Committee ಸರ್ಕಾರಿ ಜಾಗದ ಒತ್ತುವರಿ ತೆರವಿಗೆ ಚಿಕ್ಕಮಗಳೂರು ದಸಂಸ ಒತ್ತಾಯ

0

Dalit Conflict Committee ಸರ್ಕಾರಿ ಜಾಗವನ್ನು ಅಕ್ರಮವಾಗಿ ಒತ್ತುವರಿ ಮಾಡಿರುವುದನ್ನು ಖುಲ್ಲಾ ಗೊಳಿಸಿ ಸಾರ್ವಜನಿಕ ಉಪಯೋಗಕ್ಕೆ ಬಳಕೆ ಮಾಡಬೇಕು ಎಂದು ದಲಿತ ಸಂಘರ್ಷ ಸಮಿತಿ ಜಿಲ್ಲಾಡಳಿತವನ್ನು ಒತ್ತಾಯಿಸಿದೆ.

ಈ ಸಂಬoಧ ಚಿಕ್ಕಮಗಳೂರು ಉಪವಿಭಾಗಾಧಿಕಾರಿ ಹೆಚ್.ಡಿ.ರಾಜೇಶ್ ಅವರಿಗೆ ದಸಂಸ ಮುಖಂಡರುಗಳು ಮಂಗಳವಾರ ಮನವಿ ತಾಲ್ಲೂಕಿನ ಅಂಬಳೆ ಹೋಬಳಿಯ ಕದ್ರಿಮಿದ್ರಿ ಗ್ರಾಮದ ಸರ್ವೆ ನಂ.273 ರಲ್ಲಿ ಅನಧಿಕೃತವಾಗಿ ಮನೆ ಹಾಗೂ ಒತ್ತುವರಿ ಮಾಡಿಕೊಂಡಿರುವ ಜಾಗವನ್ನು ಖುಲ್ಲಾಗೊಳಿಸಬೇಕು ಎಂದು ಆಗ್ರಹಿಸಿದರು.

ದಸಂಸ ಜಿಲ್ಲಾ ಪ್ರಧಾನ ಸಂಚಾಲಕ ಮರ್ಲೆ ಅಣ್ಣಯ್ಯ ಮಾತನಾಡಿ ರಾಂಪುರ ಗ್ರಾಮದ ಮಹಿಳೆಯೊಬ್ಬರು ಅನಧಿಕೃತವಾಗಿ 3 ಎಕರೆ ಜಾಗದಲ್ಲಿ ಮನೆ ಹಾಗೂ ಅನಧಿಕೃತವಾಗಿ ಸಾಗುವಳಿ ಮಾಡಿಕೊಂಡಿದ್ದು ಈ ಬಗ್ಗೆ 94 ಸಿಗೆ ಅರ್ಜಿ ಸಲ್ಲಿಸಿದ್ದು ಈ ಅರ್ಜಿಯು ವಜಾವಾಗಿರುತ್ತದೆ ಎಂದರು.

ಜಾಗ ತೆರವುಗೊಳಿಸುವ ಸಂಬoಧ ಅರಣ್ಯ ಇಲಾಖೆ ಹಾಗೂ ಕಂದಾಯ ಇಲಾಖೆ ಜಂಟಿ ಸರ್ವೆ ನಡೆಸಲು ಆದೇಶಿದೆ. ನಗರದಿಂದ ವ್ಯಾಪ್ತಿಯಲ್ಲಿ ಈ ಸರ್ವೆ ನಂಬರ್ ಇರುವುದರಿಂದ ಸಾಗುವಳಿ ಚೀಟಿ ನೀಡಲು ಬರುವು ದಿಲ್ಲ. ಈ ಬಗ್ಗೆ ತಹಶೀಲ್ದಾರ್ ಕ್ರಮ ಕೈಗೊಂಡಿದ್ದರೂ ಜಾಗ ಖುಲ್ಲಾಗೊಳಿಸಿಲ್ಲ ಎಂದರು.

ಈಗಾಗಲೇ ಗ್ರಾಮದ ಮಹಿಳೆಯ ಬಳಿ ವಾಸದ ಮನೆ, ಕುಟುಂಬದ ಮಕ್ಕಳು ಹಾಗೂ ಗಂಡನ ಹೆಸರಿನಲ್ಲಿ ಹಲವಾರು ನಿವೇಶನಗಳಿವೆ. ಇದಕ್ಕೆ ಸಂಬoಧಿಸಿದoತೆ ಹಿಂದಿನ ಬಾರಿ ದಸಂಸ ಮುಖಂಡರುಗಳು ತಹಶೀಲ್ದಾರ್ ಹಾಗೂ ಜಿಲ್ಲಾಧಿಕಾರಿಗಳಿಗೆ ಮನವಿ ಸಲ್ಲಿಸಲಾಗಿದೆ ಎಂದು ತಿಳಿಸಿದರು.

Dalit Conflict Committee ಸರ್ಕಾರಿ ಜಾಗವಾಗಿರುವ ಈ ಸರ್ವೆ ನಂಬರ್‌ನಲ್ಲಿ ಭೂ ಅಧಿನಿಯಮದ ಪ್ರಕಾರ ತೆರವುಗೊಳಿಸಿ ಸರ್ಕಾರದ ಯಾವುದಾದರೂ ಯೋಜನೆಗೆ ಬಳಸಿಕೊಳ್ಳಬೇಕು. ಈ ಕೂಡಲೇ ಜಾಗದ ವಿಚಾರವಾಗಿ ಜಿಲ್ಲಾಡಳಿತ ಕ್ರಮ ಕೈಗೊಳ್ಳದಿದ್ದ ಪಕ್ಷದಲ್ಲಿ ದಸಂಸ ವತಿಯಿಂದ ಮುಂದಿನ ದಿನಗಳಲ್ಲಿ ಉಗ್ರವಾದ ಹೋರಾಟ ನಡೆಸಬೇಕಾಗುತ್ತದೆ ಎಂದು ಎಚ್ಚರಿಸಿದರು.

ಈ ಸಂದರ್ಭದಲ್ಲಿ ದಸಂಸ ಜಿಲ್ಲಾ ಸಂಘಟನಾ ಸಂಚಾಲಕ ಮಹೇಂದ್ರ ಸ್ವಾಮಿ, ಮುಖಂಡರಾದ ಸುಂದ್ರೇಶ್, ಸ್ವಾಮಿ ಹಾಜರಿದ್ದರು.

Uttaradi Math ರಾಜ್ಯ & ರಾಜ ನಿಷ್ಠೆಗಳಿಗೆ ಮಹಾಭಾರತ ಗ್ರಂಥಮಾರ್ಗದರ್ಶಿ- ಶ್ರೀಸತ್ಯಾತ್ಮತೀರ್ಥರು

0

Uttaradi Math ರಾಜ್ಯನಿಷ್ಠೆ ಮತ್ತು ರಾಜನಿಷ್ಠೆಗಳು ಹೇಗೆ ಇರಬೇಕು ಎಂಬುದನ್ನು ಮಹಾಭಾರತ ಹೇಳುತ್ತದೆ ಎಂದು ಉತ್ತರಾದಿ ಮಠಾಧೀಶರಾದ ಶ್ರೀ ಸತ್ಯಾತ್ಮ ತೀರ್ಥ ಶ್ರೀಪಾದರು ಹೇಳಿದರು.

ಹೊಳೆಹೊನ್ನೂರಿನಲ್ಲಿ
ಮಂಗಳವಾರ ಸಂಜೆ ತಮ್ಮ 28ನೇ ಚಾತುರ್ಮಾಸ್ಯದ ಅಂಗವಾಗಿ ನಡೆದ ವಿದ್ವತ್ ಸಭೆಯಲ್ಲಿ ಶ್ರೀಪಾದಂಗಳವರು ಶ್ರೀ ಸತ್ಯಧರ್ಮ ತೀರ್ಥರ ವ್ಯಾಖ್ಯಾನಾಧಾರಿತ ಮಹಾಭಾರತ ವಿರಾಟ ಪರ್ವದ ಅನುಗ್ರಹ ಸಂದೇಶದ ನೀಡಿದರು.

ಕೆಲವರಿಗೆ ರಾಜ್ಯ ನಿಷ್ಠೆ ಇರತ್ತೆ ರಾಜ ನಿಷ್ಠೆ ಇರಲ್ಲ. ಮತ್ತೆ ಕೆಲವರಿಗೆ ರಾಜ ನಿಷ್ಠೆ ಇರುತ್ತದೆ ರಾಜ್ಯದ ಹಿತಚಿಂತನೆ ಇರುವುದಿಲ್ಲ. ತಾನು ನಂಬಿದ ರಾಜನನ್ನು, ನಾಯಕನನ್ನು ಸಂತೋಷಪಡಿಸುವ ಒಂದೇ ಗುರಿಯಲ್ಲಿ ರಾಜ್ಯಕ್ಕೆ ಅಹಿತಾವಾದರೂ ಅದನ್ನು ಸಹನೆ ಮಾಡುವ, ಉದಾಸೀನ ಮಾಡುವಂತಹ ಮಂದ ಬುದ್ಧಿಯವರು ಕೆಲವರು. ರಾಜ್ಯದ ಹಿತವನ್ನು ಮಾತ್ರ ತನ್ನ ಮನಸ್ಸಿನಲ್ಲಿ ಇಟ್ಟುಕೊಂಡು ತನ್ನಂತೆಯೇ ರಾಜ್ಯದ ಹಿತವನ್ನು ಬಯಸುವುದಕ್ಕೆ ಮುಖ್ಯ ಅಧಿಕಾರಿಯಾಗಿ ತನ್ನ ಪ್ರಾಣವನ್ನೂ ಅದಕ್ಕಾಗಿ ಮೀಸಲಿಟ್ಟಂತಹ ರಾಜರ ಬಗ್ಗೆ ನಿಷ್ಠೆಯನ್ನು ಇಟ್ಟುಕೊಳ್ಳದಂತಹ ಅಪರಿಪೂರ್ಣ ವಿವೇಕರು ಕೆಲವರು. ಮಹಾಭಾರತ ಎರಡನ್ನೂ ಸರಿದೂಗಿಸಿ ಎನ್ನುತ್ತದೆ ಎಂದರು.

Uttaradi Math ಪ್ರಾಮಾಣಿಕನಾದ, ಧಾರ್ಮಿಕನಾದ, ನಿಸ್ವಾರ್ಥದಿಂದ ಸೇವೆ ಮಾಡುವ, ದೇವರ ಭಕ್ತನಾದ, ಶುದ್ಧವಾದ ರಾಜನೀತಿಯನ್ನು ಪರಿಪಾಲನೆ ಮಾಡುವ ರಾಜನಿದ್ದರೆ ರಾಜನಿಷ್ಠೆ ಇಟ್ಟುಕೊಳ್ಳಬೇಕು. ಮನುಷ್ಯನಿಗೆ ನಾನೇಕೆ ದಾಸನಾಗಬೇಕು ಎಂಬ ಭಾವನೆಯಿಂದಲೇ ಇಂದು ವ್ಯವಸ್ಥೆ ತಲೆಕೆಳಗಾಗಿ ಹೋಗಿದೆ. ಇಲ್ಲಿ ಯಾರೂ ದೊಡ್ಡವರು, ಚಿಕ್ಕವರಲ್ಲ. ಯಾರೂ ಮೇಲು ಕೀಳಲ್ಲ. ಒಂದು ವ್ಯವಸ್ಥೆಯಲ್ಲಿ ಚೆನ್ನಾಗಿ ಇರಬೇಕಾದರೆ ಯರ‍್ಯಾರು ಯಾವ ಯಾವ ಜವಾಬ್ದಾರಿ ತೆಗೆದುಕೊಂಡಿದ್ದಾರೋ ಅವರು ಅದನ್ನು ನಿಭಾಯಿಸಬೇಕು ಎಂದಷ್ಟೇ ಇದರ ಅರ್ಥ. ಶಾಸ್ತ್ರವನ್ನು ಸರಿಯಾಗಿ ಅರ್ಥ ಮಾಡಿಕೊಳ್ಳಿ ಎಂದರು.

Women’s Reservation Bill ನಾರಿಶಕ್ತಿ ವಂದನ್… ಕನಸು ನನಸು

0

ಲೇ: ಎಚ್.ಕೆ.ವಿವೇಕಾನಂದ

Women’s Reservation Bill ಮಹಿಳಾ ಮೀಸಲಾತಿ ಮಸೂದೆ….

ನಾರಿ ಶಕ್ತಿ ವಂದನೆಯ ಅಧಿನಿಯಮ…

ಕಾನೂನಾತ್ಮಕ ಮಹಿಳಾ ಸಮಾನತೆಯತ್ತ ಮತ್ತೊಂದು ಹೆಜ್ಜೆ…….
12 ನೆಯ ಶತಮಾನದಲ್ಲಿ ಕರ್ನಾಟಕದ ವಚನಕಾರರ ಅನುಭವ ಮಂಟಪದ ಲಿಂಗ ಸಮಾನತೆ ಆಧಾರಿತ ಪ್ರಜಾಪ್ರಭುತ್ವದಾಶಯದ ಮುಂದುವರಿದ ಭಾಗ…..

ಈ ಮಸೂದೆಯ ಎರಡು ಮುಖಗಳು……

ಮಹಿಳಾ ಮೀಸಲಾತಿ ಮಸೂದೆ ಅಂಗೀಕಾರವಾಗಿ ಜಾರಿಯಾದರೆ ಭಾರತದ ಸಾಮಾಜಿಕ, ಆರ್ಥಿಕ ಮತ್ತು ರಾಜಕೀಯ ವ್ಯವಸ್ಥೆಯ ಮೇಲೆ ಯಾವ ರೀತಿಯ ಪರಿಣಾಮ ಬೀರಬಹುದು….

ಸುಮಾರು ‌40 ವರ್ಷಗಳಿಂದ ತೂಗುಯ್ಯಾಲೆಯಲ್ಲಿದ್ದ ಈ ಮಸೂದೆ ಈಗ ಜಾರಿಯಾಗುವ ಹಂತದಲ್ಲಿದೆ. ಇಷ್ಟು ಮಹತ್ವದ ಮಸೂದೆಯ ಪರಿಣಾಮ ತುಂಬಾ ತೀವ್ರಗತಿಯಲ್ಲಿರುತ್ತದೆ. ಭಾರತದ ಜನಸಂಖ್ಯೆಯ ಸುಮಾರು ಅರ್ಧದಷ್ಟು ಮಹಿಳೆಯರೇ ಇರುವುದರಿಂದ ಇದು ಅವರ ಮೇಲೆ ಪ್ರಭಾವ ಬೀರುತ್ತದೆ. ಆದರೆ ಇದರ ಸಂಪೂರ್ಣ ಪರಿಣಾಮ ಮತ್ತು ಫಲಿತಾಂಶ ಖಚಿತವಾಗಿ ವಿಮರ್ಶೆಗೆ ಸಿಗಲು ಕನಿಷ್ಠ 15/20 ವರ್ಷಗಳು ಬೇಕಾಗುತ್ತದೆ. ಆ ನಂತರವೇ ಇದು ಬೀರಿದ ಸಕಾರಾತ್ಮಕ ಮತ್ತು ನಕಾರಾತ್ಮಕ ಪರಿಣಾಮಗಳು ಸಾಮಾನ್ಯ ಜನರಿಗೂ ಗೋಚರಿಸುತ್ತದೆ…

ಈಗ ಹಿಂದಿನ ಅನುಭವದ ಆಧಾರದ ಮೇಲೆ ಮುಂದಿನ ಭವಿಷ್ಯವನ್ನು ಸಮಾಜಶಾಸ್ತ್ರೀಯ ಆಧಾರದ ಮೇಲೆ ಒಂದು ಅಂದಾಜು – ಊಹೆ – ಕಲ್ಪನೆ – ಸಾಂದರ್ಭಿಕ ಸನ್ನಿವೇಶಗಳು ಮತ್ತು ಅರಿವಿನ ಅಭಿಪ್ರಾಯ ವ್ಯಕ್ತಪಡಿಸಬಹುದು…

ಕರ್ನಾಟಕದ ವಿಧಾನಸಭೆಯ ಈಗಿನ ಶಾಸಕರ ಸಂಖ್ಯೆ 224.
ಅದರಲ್ಲಿ 10 ಜನ ಮಾತ್ರ ಮಹಿಳಾ ಶಾಸಕರು. ಈ ಮಸೂದೆ ಜಾರಿಯಾದರೆ ಕಡ್ಡಾಯವಾಗಿ ಮಹಿಳಾ ಶಾಸಕಿಯರ ಸಂಖ್ಯೆ ಸುಮಾರು 70 ಆಗುತ್ತದೆ….

ಭಾರತದ ಲೋಕಸಭೆಯ ಸಂಸದರ ಸಂಖ್ಯೆ 543.
ಈಗಿನ ಮಹಿಳಾ ಸದಸ್ಯರ ಸಂಖ್ಯೆ 78.
ಮಸೂದೆ ಜಾರಿಯಾದರೆ ಮಹಿಳಾ ಸಂಸದರ ಸಂಖ್ಯೆ ಸುಮಾರು 180 ಆಗುತ್ತದೆ…

ಇದು ಬಹುತೇಕ ಎಲ್ಲಾ ಚುನಾವಣಾ ಜನಪ್ರತಿನಿಧಿಗಳ ಆಯ್ಕೆಗೂ ಅನ್ವಯ.

ಒಂದು ದೊಡ್ಡ ಮಟ್ಟದ ಬದಲಾವಣೆ ಮಾತ್ರ ನಿಶ್ಚಿತ. ಅದರ ದಿಕ್ಕು ಮಾತ್ರ ಕಾದು ನೋಡಬೇಕಿದೆ….

ಭಾರತದ ಇತಿಹಾಸದಲ್ಲಿ ಜಾಗತೀಕರಣದ ನಂತರ ಅತ್ಯಂತ ಹೆಚ್ಚು ಲಾಭ ಪಡೆದು ಶಿಕ್ಷಣ ಉದ್ಯೋಗದಲ್ಲಿ ಕ್ರಾಂತಿಕಾರಿ ಬದಲಾವಣೆಯಾಗಿ ಸಾಕಷ್ಟು ಮಹಿಳೆಯರ ಆರ್ಥಿಕ ಸ್ವಾವಲಂಬನೆ ಸಾಧ್ಯವಾಯಿತು. ಶಾಲೆ ಬಸ್ಸು ರೈಲು ಹೋಟೆಲ್ ಥಿಯೇಟರ್ ಕಚೇರಿ ಮಾಧ್ಯಮ ಪಾರ್ಕ್ ಪ್ರವಾಸ ಸ್ಥಳಗಳು ಹೀಗೆ ಎಲ್ಲಾ ಕಡೆ ಪುರುಷರಷ್ಟೇ ಮಹಿಳೆಯರನ್ನು ನೇರವಾಗಿ ಕಾಣುವಂತಾಯಿತು. ವರದಕ್ಷಿಣೆ ಎಂಬ ಪೆಡಂಭೂತ ಸಾಕಷ್ಟು ಕಡಿಮೆಯಾಯಿತು. ಸಾಹಿತ್ಯ ಸಿನಿಮಾ ಧಾರವಾಹಿ ನಾಟಕ ಮುಂತಾದ ಮನರಂಜನಾ ಉದ್ಯಮದಲ್ಲಿ ಮಹಿಳೆಯರು ಪುರುಷರ ಮೇಲೆ ಮಾಡುವ ದೌರ್ಜನ್ಯವೇ ಹಾಸ್ಯದ ವಸ್ತುವಾಯಿತು. ಈಗ ಇದು ಇನ್ನೆಷ್ಟು ಮುಂದುವರಿಯಬಹುದು ಊಹಿಸಿ…….

ಈಗ ರಾಜಕೀಯವಾಗಿ ಮಹಿಳೆಯರಿಗೆ ಬಹುದೊಡ್ಡ ಬಾಗಿಲು ತೆರೆಯುತ್ತಿದೆ. ಪ್ರತ್ಯಕ್ಷವಾಗಿ ಸಾವಿರಾರು ಮಹಿಳೆಯರಿಗೆ ಅವಕಾಶ ಸಿಕ್ಕರೆ ಪರೋಕ್ಷವಾಗಿ ಅವರ ಬೆಂಬಲಿಗರಾಗಿ ಮತ್ತು ಆಕಾಂಕ್ಷಿಗಳಾಗಿ ಲಕ್ಷ – ಕೋಟಿ ಮಹಿಳೆಯರು ಈ ಕ್ಷೇತ್ರಕ್ಕೆ ಬರುತ್ತಾರೆ….

ಇದನ್ನು ಸರಿಯಾಗಿ ಉಪಯೋಗಿಸಿಕೊಳ್ಳುವವರು ಸ್ವಾವಲಂಬನೆಯನ್ನು ಮೀರಿ ಬಹು ಬೇಡಿಕೆಯ ವ್ಯಕ್ತಿಗಳಾಗಿ ಮಾರ್ಪಡುತ್ತಾರೆ. ಮುಕ್ತ ಸ್ಪರ್ಧೆ ಏರ್ಪಡುತ್ತದೆ…..

ಒಟ್ಟಿನಲ್ಲಿ ಮುಂದಿನ ದಿನಗಳು ಭಾರತದಲ್ಲಿ ಮಹಿಳಾ ಆಡಳಿತದ ಕೇಂದ್ರವಾಗುತ್ತದೆ. ಅದಕ್ಕೆ ಭಾರತದ ಎಲ್ಲಾ ಮಹಿಳೆಯರಿಗೆ ಅಭಿನಂದನೆಗಳು ಮತ್ತು ಶುಭಾಶಯಗಳು…..

ಬಾಲ್ಯ ವಿವಾಹ, ಸತಿ ಸಹಗಮನ, ವರದಕ್ಷಿಣೆ, ದೇವದಾಸಿ, ವೇಶ್ಯಾವಟಿಕೆ, ಲೈಂಗಿಕ ಕಿರುಕುಳ, ಅತ್ಯಾಚಾರ ಮುಂತಾದ ಅಮಾನುಷ ವ್ಯವಸ್ಥೆಯಲ್ಲಿ ಸಾವಿರಾರು ವರ್ಷಗಳಿಂದಲೂ ನಲುಗಿ ಶೋಷಣೆಗೆ ಒಳಗಾಗುತ್ತಿದ್ದವರು ಒಂದು ರೀತಿಯಲ್ಲಿ ನೆಮ್ಮದಿಯ ನಿಟ್ಟುಸಿರು ಬಿಡುಬಹುದು……

ತಾಯಿ ಸತ್ತಮೇಲೆ ತವರಿಗೆ ಎಂದು ಹೋಗಬಾರದವ್ವ, ಬಡತನದ ಮನೆಯೊಳಗೆ ಹೆಣ್ಣು ಹುಟ್ಟಬಾರದವ್ವ, ಕೊಟ್ಟ ಹೆಣ್ಣು ಕುಲಕ್ಕೆ ಹೊರಗೆ ಈ ರೀತಿಯ ಜಾನಪದ ಹಾಡುಗಳು ಇನ್ನು ಮುಂದೆ ಸೃಷ್ಟಿಯಾಗಲಾರವು ಎಂದು ಭಾವಿಸೋಣ…..

ಹಾಗೆಂದು ಇದರಿಂದ ಎಲ್ಲವೂ ಒಳ್ಳೆಯದೇ ಆಗುತ್ತದೆ ಎಂದು ಭಾವಿಸಬೇಡಿ. ಇದರ ದುಷ್ಪರಿಣಾಮಗಳು ಸಹ ಅಷ್ಟೇ ತೀವ್ರ ಪ್ರತಿಕ್ರಿಯಾ ರೂಪದಲ್ಲಿ ಪ್ರಕಟಗೊಳ್ಳುತ್ತವೆ…..

ಮುಖ್ಯವಾಗಿ ಭಾರತ ಪಾಶ್ಚಾತ್ಯ ಸಂಸ್ಕೃತಿಯಂತೆ ನಾಗರಿಕ ಸಮಾಜವಲ್ಲ. ಇಲ್ಲಿ ಸಂಸ್ಕೃತಿ ಮತ್ತು ಸಂಪ್ರದಾಯಗಳು ಮೇಲುಗೈ ಸಾಧಿಸಿದ ಸಾಂಸ್ಕೃತಿಕ ಸಮಾಜ. ಇಲ್ಲಿ ಮಹಿಳೆಯರು ಬಹಳಷ್ಟು ಶತಮಾನಗಳು ಬಹುತೇಕ ಗುಲಾಮರಂತೆ, ಜೀತದಾಳುಗಳಂತೆಯೇ ಬದುಕುತ್ತಿದ್ದರು. ಸ್ವಾತಂತ್ರ್ಯ ನಂತರ ಸಂವಿಧಾನಾತ್ಮಕ ಹಕ್ಕುಗಳಿಂದಾಗಿ ಎರಡನೇ ದರ್ಜೆಯ ಪ್ರಜೆಗಳಾಗಿ ಪರಿವರ್ತನೆ ಹೊಂದಿದರು. ಈಗ ಸಮಾನತೆಯ ಹಂತಕ್ಕೆ ತಲುಪಿದ್ದಾರೆ. ಮುಂದೆ ಪ್ರಬಲ ಶಕ್ತಿಯಾಗಬಹುದು. ಅದನ್ನು ಪುರುಷ ಸಮಾಜ ಹೇಗೆ ಸ್ವೀಕರಿಸುತ್ತದೆ ಎಂಬುದು ಒಂದು ಸವಾಲು….

ಈಗಾಗಲೇ ಶಿಥಿಲಾವಸ್ಥೆಯಲ್ಲಿರುವ ಕೌಟುಂಬಿಕ ವ್ಯವಸ್ಥೆ, ಮಕ್ಕಳ ಪಾಲನೆ ಪೋಷಣೆ, ಪೋಷಕರ ವೃದ್ಧಾಪ್ಯ, ವಿಚ್ಛೇದಿತರ ಏಕಾಂತ, ಆರೋಗ್ಯ, ಅಪಘಾತಗಳ ಪರಿಣಾಮ ಹೀಗೆ ಎಲ್ಲದರ ಮೂಲಾಧಾರವಾಗಿದ್ದ ಮಹಿಳೆ ಈಗ ಮತ್ತಷ್ಟು ವೇಗವಾಗಿ ಹೊರ ಪ್ರಪಂಚಕ್ಕೆ ಬಂದಾಗ ಆಗುವ ಪರಿಣಾಮಗಳನ್ನು ಈ ಸಮಾಜ ಎದುರಿಸಬೇಕಾಗುತ್ತದೆ. ಮುಖ್ಯವಾಗಿ ಮಕ್ಕಳ ಆರೈಕೆಗೆ ಸ್ವಲ್ಪ ತೊಂದರೆ ಆಗುವುದು ನಿಶ್ಚಿತ. ಪಾಶ್ಚಿಮಾತ್ಯರಲ್ಲಿ ಸಂಬಂಧಗಳ ನಿರ್ವಹಣೆ ಮತ್ತು ಒಟ್ಟು ಸಮಾಜದ ಪ್ರತಿಕ್ರಿಯೆ ಮಹಿಳಾ ಉದ್ಯೋಗಕ್ಕೆ ಪೂರಕವಾಗಿದೆ. ಇಲ್ಲಿ ಇನ್ನೂ ಆ ಹಂತ ತಲುಪಿಲ್ಲದ ಕಾರಣ ಮಕ್ಕಳು ಮಾನಸಿಕ ಒತ್ತಡಕ್ಕೆ ಒಳಗಾಗಬಹುದು…..

ರಾಜಕೀಯ ಆಡಳಿತಕ್ಕೆ ಗುಣಮಟ್ಟದ ಮಹಿಳೆಯರು ಪ್ರವೇಶಿಸಿದರೆ ಸಹನೀಯ. ಪುರುಷರಂತೆ ಅಷ್ಟೇನು ಗುಣಮಟ್ಟವಿಲ್ಲದ ಕೇವಲ ಜಾತಿ ಧರ್ಮ ಹಣಬಲ ತೋಳ್ಬಲ ಭಂಡತನ ವಾಕ್ಚಾತುರ್ಯವನ್ನೇ ಬಂಡವಾಳ ಮಾಡಿಕೊಂಡ ಮಹಿಳೆಯರು ಹೆಚ್ಚಾಗಿ ಪ್ರವೇಶಿಸಿದರೆ ಪರಿಣಾಮ ತುಂಬಾ ಕೆಟ್ಟದಾಗಬಹುದು. ಭಾರತೀಯ ಸಮಾಜದಲ್ಲಿ ಮೇಲ್ನೋಟಕ್ಕಾದರೂ ಇದ್ದ ಮಹಿಳೆಯರ ಮೇಲಿನ ಪೂಜನೀಯ ಭಾವನೆ ಕಡಿಮೆಯಾಗಬಹುದು ಧಾರವಾಹಿಗಳ ವಿಲನ್ ಪಾತ್ರಗಳಂತೆ….

ಅಕಾಡೆಮಿಕ್ ಶಿಕ್ಷಣಕ್ಕೆ ಹೊರತಾದ ಭಾರತದ ಇತಿಹಾಸ, ಸಂಸ್ಕೃತಿ, ಸಾಮಾಜಿಕ ವ್ಯವಸ್ಥೆ, ಧಾರ್ಮಿಕ ನಂಬಿಕೆ ಮುಂತಾದ ವಿಷಯಗಳಲ್ಲಿ ಹೆಚ್ಚಿನ ಸಾಮಾನ್ಯ ಮಹಿಳೆಯರ ಅಧ್ಯಯನ ಮತ್ತು ಚಿಂತನೆ ಕಡಿಮೆ ಇದೆ. ಅದನ್ನು ಹೆಚ್ಚು ಮಾಡಿದರೆ ಮಾತ್ರ ಪ್ರಗತಿಪರ ರಾಜಕೀಯ ಪ್ರವೇಶ ಉತ್ತಮ ಪರಿಣಾಮ ಬೀರುತ್ತದೆ. ಇಲ್ಲದಿದ್ದರೆ ಮಹಿಳೆಯರ ಸಾಂಪ್ರದಾಯಿಕ ಚಿಂತನಾಶೈಲಿ ರಾಜಕೀಯ ಭ್ರಷ್ಟಾಚಾರವನ್ನು ಹೆಚ್ಚು ಮಾಡಬಹುದು. ಸದ್ಯಕ್ಕೆ ಆ ಗುಣಮಟ್ಟದ ಸಾಮಾನ್ಯ ಮಹಿಳೆಯರ ಸಂಖ್ಯೆ ಕಡಿಮೆ ಇದೆ. ವಾದ ಮಾಡಲಿಕ್ಕಾಗಿ ಈ ಅಭಿಪ್ರಾಯ ತಪ್ಪು. ಪುರುಷರಿಗಿಂತ ಮಹಿಳೆಯರೇ ಹೆಚ್ಚು ಜ್ಞಾನ ಉಳ್ಳವರು ಎಂದು ಹೇಳಬಹುದು. ಕೆಲವು ಉದಾಹರಣೆ ಕೊಡಬಹುದು. ಆದರೆ ವಾಸ್ತವದಲ್ಲಿ ಅದು ನನ್ನ ಅನುಭವಕ್ಕೆ ಬಂದಿಲ್ಲ…..

ಬದಲಾವಣೆ ಜಗದ ನಿಯಮ. ಅದನ್ನು ಒಪ್ಪಿಕೊಳ್ಳಬೇಕು ಮತ್ತು ಸ್ವೀಕರಿಸಬೇಕು. ‌ಆದರೆ ಆ ಬದಲಾವಣೆ ಪ್ರಗತಿಪರವಾಗಿರಬೇಕು, ಜೀವಪರವಾಗಿರಬೇಕು ಮತ್ತು ಮಾನವ ಬದುಕಿನ ಗುಣಮಟ್ಟ ಹೆಚ್ಚಿಸುವಂತಿರಬೇಕು. ಇಲ್ಲದಿದ್ದರೆ ಬದಲಾವಣೆಗಳು ಸಮಾಜವನ್ನು ಮತ್ತಷ್ಟು ಅದೋಗತಿಗೆ ತೆಗೆದುಕೊಂಡು ಹೋಗಬಹುದು. ಮಹಿಳಾ ಮೀಸಲಾತಿ ಮಸೂದೆ ನಮ್ಮ ದೇಶದ ಸುಸ್ಥಿರ ಅಭಿವೃದ್ಧಿಯನ್ನು ಮತ್ತಷ್ಟು ಎತ್ತರಕ್ಕೆ ತೆಗೆದುಕೊಂಡು ಹೋಗಲಿ. ಭಾರತೀಯ ಮತ್ತು ಮಾನವೀಯ ಮೌಲ್ಯಗಳು ವಿಶ್ವಕ್ಕೆ ಮಾದರಿಯಾಗಲಿ, ಮಹಿಳಾ ರಾಜಕೀಯ ನೇತಾರರು ದಕ್ಷ ಮತ್ತು ಪ್ರಾಮಾಣಿಕವಾಗಿ ಕಾರ್ಯನಿರ್ವಹಿಸಲಿ ಎಂದು ಆಶಿಸುತ್ತಾ…….

ಎಲ್ಲಾ ಭಾರತೀಯ ಮಹಿಳೆಯರಿಗೆ ತುಂಬು ಹೃದಯದಿಂದ ಅಭಿನಂದನೆಗಳು. ‌ಈ ಮಸೂದೆಗೆ ನಮ್ಮ ಮನಃಪೂರ್ವಕ ಬೆಂಬಲವಿದೆ……

Women’s Reservation Bill ಪ್ರಬುದ್ಧ ಮನಸ್ಸು ಪ್ರಬುದ್ಧ ಸಮಾಜ,
ಜನರ ಜೀವನಮಟ್ಟ ಸುಧಾರಣೆಯ ಗುರಿಯೊಂದಿಗೆ,
ಮನಗಳಲ್ಲಿ – ಮನೆಗಳಲ್ಲಿ – ಮತಗಳಲ್ಲಿ ಪರಿವರ್ತನೆಗಾಗಿ,
ಮನಸ್ಸುಗಳ ಅಂತರಂಗದ ಚಳವಳಿ.

ಲೇಖನ:
ವಿವೇಕಾನಂದ ಎಚ್ . ಕೆ.

Department of School Education and Literacy ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಇಲಾಖೆಯಿಂದ ಎನ್.ಎಂ.ಎ.ಎಸ್‌.ಪರೀಕ್ಷೆಗೆ ಆಸಕ್ತ ವಿದ್ಯಾರ್ಥಿಗಳಿಂದ ಅರ್ಜಿ ಆಹ್ವಾನ

0

Department of School Education and Literacy ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಇಲಾಖೆಯು 2023-24ನೇ ಸಾಲಿಗೆ ಸೆಪ್ಟಂಬರ್ ನಿಂದ ಡಿಸೆಂಬರ್ ಮಾಹೆಯಲ್ಲಿ ಎನ್.ಎಂ.ಎ.ಎಸ್. ಪರೀಕ್ಷೆ ನಡೆಯಲಿದ್ದು, ಆಸಕ್ತ ವಿದ್ಯಾರ್ಥಿಗಳಿಂದ ಅರ್ಜಿ ಆಹ್ವಾನಿಸಲಾಗಿದೆ.

ಪರೀಕ್ಷೆಯು ಡಿ. 17ರಂದು ನಡೆಯಲಿದ್ದು, ಅರ್ಜಿಯನ್ನು ಆನ್‌ಲೈನ್ ಕೆ.ಎಸ್.ಇ.ಎ.ಬಿ. ವೆಬ್‌ಸೈಟಿನ ಎನ್.ಎಂ.ಎ.ಎಸ್. ಲಾಗಿನ್‌ನಲ್ಲಿ ಅ.4 ರೊಳಗಾಗಿ ಸಲ್ಲಿಸುವುದು. ಪರೀಕ್ಷೆಯು ಕನ್ನಡ, ಆಂಗ್ಲ, ಉರ್ದು, ಮರಾಠಿ, ತೆಲುಗು ಮಾಧ್ಯಮಗಳಲ್ಲಿ ಇದ್ದು, ಉತ್ತೀರ್ಣರಾದ ವಿದ್ಯಾರ್ಥಿಗಳಿಗೆ ಪ್ರತಿ ವರ್ಷ 12000/- ವಿದ್ಯಾರ್ಥಿವೇತನ  ನೀಡಲಾಗುತ್ತದೆ.  

ಸರ್ಕಾರಿ ಅನುದಾನಿತ ಹಾಗೂ ಸ್ಥಳೀಯ ಸಂಸ್ಥೆಗಳ ಶಾಲೆಗಳಲ್ಲಿ ೮ನೇ ತರಗತಿ ವ್ಯಾಸಂಗ ಮಾಡುತ್ತಿರಬೇಕು, 7ನೇ ತರಗತಿಯಲ್ಲಿ ಸಾಮಾನ್ಯ ವರ್ಗ ಹಾಗೂ ಇತರೆ ಹಿಂದುಳಿದ ವರ್ಗಗಳ ವಿದ್ಯಾರ್ಥಿಗಳು ಶೇ. 55 ಅಂಕಗಳನ್ನು ಗಳಿಸಿರಬೇಕು. ಪ.ಜಾ/ಪ.ಪಂ.ದ ವಿದ್ಯಾರ್ಥಿಗಳು ಶೇ.50 ಅಂಕ ಗಳಿಸಿರಬೇಕು.

ವಿದ್ಯಾರ್ಥಿಗಳ ಪೋಷಕರ ವಾರ್ಷಿಕ ವರಮಾನವು 3.5 ಲಕ್ಷ ಮೀರಿರಬಾರದು.

Department of School Education and Literacy ವಿದ್ಯಾರ್ಥಿ ವೇತನಕ್ಕೆ ಆಯ್ಕೆಯಾದ ವಿದ್ಯಾರ್ಥಿಗಳು 9,11 ಮತ್ತು 12ನೇ ತರಗತಿಗಳಲ್ಲಿ ಶೇ.55 ಹಾಗೂ 10ನೇ ತರಗತಿಯಲ್ಲಿ ಪ್ರಥಮ ಪ್ರಯತ್ನದಲ್ಲೇ ತೇರ್ಗಡೆ ಹೊಂದಿ ಶೇ. 60 ಅಂಕ ಗಳಿಸಬೇಕು. ಪ.ಜಾ/ಪ.ಪಂ.ಗಳ ವಿದ್ಯಾರ್ಥಿಗಳಿಗೆ ಶೇ. 5 ಅಂಕ ವಿನಾಯಿತಿಯಿರುತ್ತದೆ.

Department of Fisheries ಮೀನುಗಾರಿಕೆ ಸಲಕರಣೆ ಪಡೆಯಲು ಅರ್ಹ ಫಲಾನುಭವಿಗಳಿಂದ ಅರ್ಜಿ ಆಹ್ವಾನ

0

Department of Fisheries ಮೀನುಗಾರಿಕೆ ಇಲಾಖೆಯು 2023-24ನೇ ಸಾಲಿನ ಜಿಲ್ಲಾವಲಯ ಯೋಜನೆಯಡಿ ಮೀನುಗಾರಿಕೆ ಸಲಕರಣೆ ಕಿಟ್ / ಫೈಬರ್ ಗ್ಲಾಸ್ ಹರಿಗೋಲು ವಿತರಣೆ, ದ್ವಿಚಕ್ರ ವಾಹನ ಮತ್ತು ಐಸ್ ಬಾಕ್ಸ್ ಖರೀದಿಗೆ ಸಹಾಯಧನ ಇತ್ಯಾದಿ ಯೋಜನೆಗಳನ್ನು ಅನುಷ್ಟಾನಗೊಳಿಸುತ್ತಿದ್ದು, ಅರ್ಹ ಮೀನುಗಾರರಿಂದ ಅರ್ಜಿ ಆಹ್ವಾನಿಸಿದೆ.

ಆಸಕ್ತರು ಸಂಬoಧಪಟ್ಟ ತಾಲೂಕು ಮಟ್ಟದ ಕಚೇರಿಗಳನ್ನು ಸಂಪರ್ಕಿಸಿ ನೇರವಾಗಿ ಅರ್ಜಿ ಪಡೆದು ಅಥವಾ https://Shimoga.nic.in ಪೋರ್ಟಲ್ ಮೂಲಕ ದಿ:30-09-2023 ರೊಳಗಾಗಿ ಅಗತ್ಯ ದಾಖಲೆಗಳೊಂದಿಗೆ ಅರ್ಜಿ ಸಲ್ಲಿಸುವಂತೆ ಮೀನುಗಾರಿಕೆ ಉಪ ನಿರ್ದೇಶಕರು ಪ್ರಕಟಣೆಯಲ್ಲಿ ತಿಳಿಸಿರುತ್ತಾರೆ.

Department of Fisheries ಹೆಚ್ಚಿನ ಮಾಹಿತಿಗಾಗಿ ಇಲಾಖೆಯ ವೆಬ್‌ಸೈಟ್ ಅಥವಾ ಆಯಾ ತಾಲೂಕು ಮೀನುಗಾರಿಕೆ ಸಹಾಯಕ ನಿರ್ದೇಶಕರ ಮೊಬೈಲ್ ಸಂಖ್ಯೆ ಶಿವಮೊಗ್ಗ-9986040981, ಭದ್ರಾವತಿ-9743370815, ಶಿಕಾರಿಪುರ- 9535383449, ಸಾಗರ ಮತ್ತು ಸೊರಬ -9538044365, ತೀರ್ಥಹಳ್ಳಿ- 8655132428 ಗಳನ್ನು ಸಂಪರ್ಕಿಸಬಹುದು.