Thursday, November 19, 2026
Thursday, November 19, 2026
Home Blog Page 1250

World Mental Health Day ಮಾನಸಿಕ ಆರೋಗ್ಯ ಸಾರ್ವತ್ರಿಕ ಹಕ್ಕು- ಡಾ.ಕೆ.ಆರ್.ಶ್ರೀಧರ್

0

World Mental Health Day ಮಾನಸಿಕ ಆರೋಗ್ಯವನ್ನು ಬಹುತೇಕ ಎಲ್ಲರೂ ನಿರ್ಲಕ್ಷ್ಯ ಮಾಡುತ್ತಿದ್ದು, ಪ್ರತಿಯೊಬ್ಬರು ಮನಸ್ಸಿನ ಆರೋಗ್ಯ ಸದೃಢವಾಗಿ ಕಾಪಾಡಿಕೊಳ್ಳಲು ಮುಂದಾಗಬೇಕು. ಮಾನಸಿಕ ಆರೋಗ್ಯ ಕಾಯ್ದುಕೊಳ್ಳಲು ಪ್ರಾಮುಖ್ಯತೆ ನೀಡಬೇಕು ಎಂದು ರೋಟರಿ ಮಾಜಿ ಸಹಾಯಕ ಗವರ್ನರ್ ಜಿ.ವಿಜಯ್‌ಕುಮಾರ್ ಹೇಳಿದರು.

ರಾಜೇಂದ್ರ ನಗರದ ಅನಿಕೇತನ ಉದ್ಯಾನವನದಲ್ಲಿ ಸಾರ್ವಜನಿಕರಿಗೆ ಆಯೋಜಿಸಿದ್ದ ವಿಶ್ವ ಮಾನಸಿಕ ಆರೋಗ್ಯ ಜಾಗೃತಿ ಕಾರ್ಯಕ್ರಮ, ರಸಪ್ರಶ್ನೆ ಮತ್ತು ಪುಸ್ತಕ ಬಿಡುಗಡೆ ಸಮಾರಂಭ ಉದ್ಘಾಟಿಸಿ ಮಾತನಾಡಿದರು.

ದೇಹದ ಅಂಗಗಳ ಆರೋಗ್ಯ ಸರಿಯಿಟ್ಟುಕೊಳ್ಳುವುದು ಎಷ್ಟು ಮುಖ್ಯವೋ ಮನಸ್ಸಿನ ಆರೋಗ್ಯವು ಸಹ ಅಷ್ಟೇ ಮುಖ್ಯ. ಕುಟುಂಬದಲ್ಲಿ ಒಬ್ಬರು ಮಾನಸಿಕ ರೋಗಿ ಇದ್ದರೂ ಕುಟುಂಬದ ಚಿತ್ರಣವೇ ಬೇರೆ ಇರುತ್ತದೆ. ಮಾನಸಿಕ ಆರೋಗ್ಯಗಳಿಗೆ ಸಕಾಲದಲ್ಲಿ ಸೂಕ್ತ ಚಿಕಿತ್ಸೆ ಹಾಗೂ ಆಪ್ತ ಸಮಾಲೋಚನೆ ಮುಖ್ಯ ಎಂದು ತಿಳಿಸಿದರು.

ಇಂದು ಸಮಾಜದಲ್ಲಿ ಮಾನಸಿಕ ಕಾಯಿಲೆಯಿಂದ ಬಳಲುವರ ಸಂಖ್ಯೆ ಹೆಚ್ಚಾಗುತ್ತಿದೆ. ಪ್ರತಿಯೊಂದು ಕ್ಷೇತ್ರದಲ್ಲಿ ಜನರು ಒತ್ತಡದಿಂದ ಬದುಕುತ್ತಿದ್ದಾರೆ. ಮಾನಸಿಕ ಕಾಯಿಲೆ ಬರದ ಹಾಗೆ ನೋಡಿಕೊಳ್ಳಲು ಉತ್ತಮ ಜೀವನ ಶೈಲಿ, ಸಕಾರಾತ್ಮಕ ಮನೋಭಾವನೆ, ಯೋಗ, ಪ್ರಾಣಾಯಾಮ, ಧ್ಯಾನ ಅತ್ಯಂತ ಪರಿಣಾಮಕಾರಿಯಾಗಿ ಸಹಕಾರಿಯಾಗುತ್ತದೆ ಎಂದರು.

World Mental Health Day ಡಾ. ಕೆ.ಎಸ್.ಪವಿತ್ರ ಅವರ 56ನೇ ಕೃತಿ ಜೀವನ ಶೈಲಿ ಪುಸ್ತಕವನ್ನು ಕ್ಷೇಮ ಟ್ರಸ್ಟ್ ಅಧ್ಯಕ್ಷ ಡಾ. ಕೆ.ಆರ್.ಶ್ರೀಧರ್ ಲೋಕಾರ್ಪಣೆಗೊಳಿಸಿ ಮಾತನಾಡಿ, ಉತ್ತಮ ಪುಸ್ತಕಗಳು ಒಳ್ಳೆಯ ಅಭ್ಯಾಸಗಳು ಒಳ್ಳೆಯ ಸಂಗೀತವನ್ನು ಕೇಳುವುದರಿಂದ ಸದಾ ನಮ್ಮ ಮನಸ್ಸು ಉಲ್ಲ ಸಿತಗೊಳ್ಳುತ್ತದೆ. ಮಾನಸಿಕ ಆರೋಗ್ಯ ಸಾರ್ವತ್ರಿಕ ಮಾನವನ ಹಕ್ಕು ಆಗಿದೆ ಎಂದು ಹೇಳಿದರು.

ಸಾಮಾಜಿಕ ಜಾಲತಾಣ, ಟಿವಿ ಮಾಧ್ಯಮ, ತಂಬಾಕು ಮಧ್ಯಪಾನ ದುಶ್ಚಟಗಳಿಂದ ದೂರವಿರಬೇಕು. ಪ್ರಾರಂಭಿಕ ಹಂತದಲ್ಲಿ ಮಾನಸಿಕ ಕಾಯಿಲೆ ಗುರುತಿಸಿದರೆ ಗುಣಪಡಿಸಲು ಸಾಧ್ಯವಾಗಬಹುದು. ನಾವು ವಿಶ್ವ ಮಾನಸಿಕ ಆರೋಗ್ಯ ಕಾರ್ಯಕ್ರಮವನ್ನು ಬಡಾವಣೆಯ ಜನರಿಗೆ ಹೆಚ್ಚು ಹೆಚ್ಚು ತಲುಪಿಸುವುದರ ಮುಖಾಂತರ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುತ್ತಿದ್ದೇವೆ ಎಂದು ತಿಳಿಸಿದರು.

ಜ್ಞಾನದೀಪ ಶಾಲೆಯ ಉಪನ್ಯಾಸಕ ಮಲ್ಲಿಕಾರ್ಜುನ್ ಅವರು ಸಾರ್ವಜನಿಕರಿಗೆ ಮಾನಸಿಕ ಕಾಯಿಲೆ ಬಗ್ಗೆ ರಸಪ್ರಶ್ನೆಗಳನ್ನು ಕೇಳುವುದರ ಮುಖಾಂತರ ಅವರಿಗೆ ನಗದು ಬಹುಮಾನ ಹಾಗೂ ಪುಸ್ತಕಗಳನ್ನು ಕ್ಷೇಮ ಟ್ರಸ್ಟ್ ವತಿಯಿಂದ ವಿತರಿಸಿದರು.

ಇದೇ ಸಂದರ್ಭದಲ್ಲಿ ಡಾ. ಕೆ.ಎಸ್.ಶುಭ್ರತಾ ಅವರು ಮಾನಸಿಕ ಕಾಯಿಲೆ ಹಾಗೂ ಜೀವನ ಶೈಲಿಯ ಬಗ್ಗೆ ಮಾತನಾಡಿದರು. ರಾಜೇಂದ್ರ ನಗರದ ಕ್ಷೇಮಾಭಿವೃದ್ಧಿ ಸಂಘದ ಅಧ್ಯಕ್ಷ ಪ್ರೊ. ಜೆ.ಎಲ್.ಪದ್ಮನಾಭ ಅಧ್ಯಕ್ಷತೆ ವಹಿಸಿದ್ದರು. ಡಾ. ಕೆ.ಎಸ್.ಪವಿತ್ರಾ, ರೋಟರಿ ಶಿವಮೊಗ್ಗ ಪೂರ್ವ ಅಧ್ಯಕ್ಷ ಸತೀಶ್ ಚಂದ್ರ, ಸೂರ್ಯನಾರಾಯಣ ಮತ್ತಿತರರು ಉಪಸ್ಥಿತರಿದ್ದರು.

Israel war ಇಸ್ರೆಲ್ ಯುದ್ಧ ಸನ್ನಿವೇಶ- ಭದ್ರಾವತಿಯ ಲಾರೆನ್ನ್ ಸೇಫ್

0

Israel war ಇಸ್ರೇಲ್- ಪ್ಯಾಲಿಸ್ಟೈನ್ ನಡುವೆ ಯುದ್ಧ ನಡೆಯುತ್ತಿದೆ.

ಶಿವಮೊಗ್ಗ ಮೂಲದ ವ್ಯಕ್ತಿ
ಸದ್ಯಕ್ಕೆ ಇಸ್ರೇಲ್ ನಲ್ಲಿ ಲಾರೆನ್ಸ್ ಡಿಸೋಜಾ ಸೇಫ್ ಆಗಿದ್ದಾರೆ.

ಇವರು ಶಿವಮೊಗ್ಗದ ಭದ್ರಾವತಿಯ ಕಡದಕಟ್ಟೆ ನಿವಾಸಿಯಾಗಿದ್ದಾರೆ.

Israel war 12 ವರ್ಷಗಳಿಂದ ಇಸ್ರೇಲ್ ನಲ್ಲಿ ವಾಸವಾಗಿರುವ ಅವರು ವಯಸ್ಸಾದವರ ಕೇರ್ ಟೇಕಿಂಗ್ನಲ್ಲಿ ಕೆಲಸ ಮಾಡುತ್ತಿದ್ದಾರೆ.

CM Siddharamaih ಸಾರ್ವಜನಿಕ ಕಾರ್ಯಕ್ರಮ & ಮೆರವಣಿಗೆಗಳಲ್ಲಿ ಪಟಾಕಿ ಸ್ಫೋಟ ನಿಷೇಧ – ಸಿದ್ಧರಾಮಯ್ಯ

0

CM Siddharamaih ರಾಜಕೀಯ ಕಾರ್ಯಕ್ರಮಗಳು, ಸಾರ್ವಜನಿಕ ಮೆರವಣಿಗೆಗಳು ಹಾಗೂ ಮದುವೆ ಸಮಾರಂಭಗಳಲ್ಲಿ ಪಟಾಕಿ ನಿಷೇಧಿಸುವ ನಿಯಮ ರೂಪಿಸಿ, ಕಟ್ಟುನಿಟ್ಟಾಗಿ ಜಾರಿಗೊಳಿಸಲಾಗುವುದು. ಇದರ ಜೊತೆಗೆ
ಮಾನ್ಯ ಸುಪ್ರೀಂ ಕೋರ್ಟ್‌ನ ಆದೇಶದಂತೆ ಹಸಿರು ಪಟಾಕಿಗಳನ್ನು ಮಾತ್ರ ಮಾರಾಟ ಮಾಡಬೇಕು, ಸರ್ವೋಚ್ಚ ನ್ಯಾಯಾಲಯದ ಮಾರ್ಗಸೂಚಿಗಳನ್ನು ಉಲ್ಲಂಘಿಸುವವರ ಮೇಲೆ ಕಠಿಣ ಕ್ರಮ ಕೈಗೊಳ್ಳಲಾಗುವುದು ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ತಿಳಿಸಿದ್ದಾರೆ

Banasiri Vidyasamste ಮಾಳೂರು ಶಾಲೆಯ ಕು.ದಿಕ್ಷಿತ್ರಾಜ್ಯ ಮಟ್ಟದ ಚೆಸ್ ಪಂದ್ಯಾವಳಿಗೆ ಆಯ್ಕೆ

0

Banasiri Vidyasamste ಇತ್ತೀಚಿಗೆ ಬನಸಿರಿ ವಿದ್ಯಾಸಂಸ್ಥೆ, ಶಿಕಾರಿಪುರದಲ್ಲಿ ನಡೆದ 14 ವರ್ಷದ ಒಳಗಿನ ಬಾಲಕ- ಬಾಲಕಿಯರ ಜಿಲ್ಲಾ ಮಟ್ಟದ ಚೆಸ್ ಪಂದ್ಯಾಟದಲ್ಲಿ ತೀರ್ಥಹಳ್ಳಿ ತಾಲೂಕಿನ ಮಾಳೂರು ಕುವೆಂಪು ಮಾದರಿ ಸರ್ಕಾರಿ ಪ್ರಾಥಮಿಕ ಶಾಲೆಯ ವಿದ್ಯಾರ್ಥಿ ಕು. ದೀಕ್ಷಿತ್ ಇವರು
ಜಿಲ್ಲಾ ಮಟ್ಟದಲ್ಲಿ ಪ್ರಥಮ ಸ್ಥಾನ ಪಡೆದು ಬೆಂಗಳೂರು ವಿಭಾಗೀಯ ಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ,.

Banasiri Vidyasamste ಆಯ್ಕೆಯಾದ ಈ ವಿದ್ಯಾರ್ಥಿ ಬೆಂಗಳೂರು ವಿಭಾಗೀಯ ಮಟ್ಟದಲ್ಲೂ ಉತ್ತಮ ಆಟವಾಡಿ ಜಿಲ್ಲೆಗೆ ಹಾಗೂ ತೀರ್ಥಹಳ್ಳಿ ತಾಲೂಕಿಗೆ ಕೀರ್ತಿ ತರಲಿ ಎಂದು ಶಾಲಾ ಮುಖ್ಯ ಶಿಕ್ಷಕರು, ಎಸ್.ಡಿ.ಎಂ. ಸಿ ಅಧ್ಯಕ್ಷರು ಮತ್ತು ಸದಸ್ಯರು ಹಾಗೂ ಹಾಗೂ ಶಾಲಾ ಸಹ ಶಿಕ್ಷಕರ ವೃಂದ ಇವರಿಗೆ ಅಭಿನಂದನೆ ಸಲ್ಲಿಸಿ ಶುಭ ಹಾರೈಸಿದ್ದಾರೆ.

Akashavani Bhadravati ಭದ್ರಾವತಿ ಬಾನುಲಿಯಲ್ಲಿ ನವರಾತ್ರಿ ವಿಶೇಷ ಸರಣಿ ಆಲಿಸಿ

0

Akashavani Bhadravati ಈ ತಿಂಗಳ 15 ರಿಂದ 23ರ ವರೆಗೆ ಆಕಾಶವಾಣಿ ಭದ್ರಾವತಿ FM 103.5 & MW 675 KHz ತರಂಗಾಂತರದಲ್ಲಿ ನವರಾತ್ರಿ ಸಂದರ್ಭದಲ್ಲಿ ಪ್ರತಿದಿನ ಬೆಳಿಗ್ಗೆ 09:30ರಿಂದ 10ರವರೆಗೆ ಕರ್ನಾಟಕದ ಒಂಭತ್ತು ದೇವಿಯರ ಪರಿಚಯ ಆಯ ದೇವಾಲಯದ ಇತಿಹಾಸ ಮತ್ತು ಮಹತ್ವ ಕುರಿತು ವಿಶೇಷ ಪರಿಚಾಯತ್ಮಕ ಕಾರ್ಯಕ್ರಮ ಪ್ರಸಾರವಾಗಲಿದೆ.

ಬಾದಾಮಿ ಬನಶಂಕರಿ, ಹೊರನಾಡ ಅನ್ನಪೂರ್ಣೇಶ್ವರಿ, ಹಾಸನದ ಹಾಸನಾಂಬ, ಸಿಗಂದೂರಿನ ಚೌಡೇಶ್ವರಿ, ಕೊಲ್ಲೂರಿನ ಮೂಕಾಂಬಿಕೆ, ಸಿರ್ಸಿಯ ಮಾರಿಕಾಂಬಾ, ಕಟೀಲಿನ ದುರ್ಗಾಪರಮೇಶ್ವರಿ, ಶೃಂಗೇರಿಯ ಶಾರದಾಂಬೆ, ಮೈಸೂರಿನ ಚಾಮುಂಡೇಶ್ವರಿ ಕುರಿತ ವಿಶೇಷ ಕಾರ್ಯಕ್ರಮ ಪ್ರಸಾರವಾಗಲಿದೆ.

Akashavani Bhadravati ಈ ಕಾರ್ಯಕ್ರಮ ಭದ್ರಾವತಿ ಆಕಾಶವಾಣಿ FM103.5 ಹಾಗೂ MW 675 KHz ನಲ್ಲಿ ಹಾಗೂ ವಿಶ್ವದಾದ್ಯಂತ Prasarbharati ‘newsonair App ನಲ್ಲಿ ಭದ್ರಾವತಿ ಕೇಂದ್ರದ ಮೂಲಕ ಪ್ರಸಾರ ಸಮಯದಲ್ಲಿ ಕೇಳಬಹುದು ಹಾಗೂ ಪ್ರಸಾರ ನಂತರ Akashavani bhadravati YouTube ನಲ್ಲಿ ಕೇಳಬಹುದು
ಕೇಳುಗರು ಈ ಕುರಿತು ತಮ್ಮ ಅಭಿಪ್ರಾಯ ಅನಿಸಿಕೆಗಳನ್ನು ವಾಟ್ಸಾಪ್ ಸಂಖ್ಯೆ: 9481572600 ಮುಖಾಂತರ ಹಂಚಿಕೊಳ್ಳಬಹುದು

Chamber Of Commerce Shivamogga ಆಫ್ ಲೈನ್ ನಲ್ಲಿ ಗ್ರಾಹಕರು ನೇರ ಖರೀದಿ ಮಾಡಿದರೆ ಗುಣಮಟ್ಟದ ಖಾತ್ರಿ- ಎನ್.ಗೋಪಿನಾಥ್

0

Chamber Of Commerce Shivamogga ಗ್ರಾಹಕರು ನೇರವಾಗಿ ವ್ಯಾಪಾರ ವಹಿವಾಟು ನಡೆಸಿದಾಗ ಉತ್ತಮ ಬಾಂಧವ್ಯ ವೃದ್ಧಿ ಆಗುವ ಜತೆಯಲ್ಲಿ ವ್ಯಾಪಾರಸ್ಥರು ಒಳ್ಳೆಯ ಸೇವೆ ನೀಡಲು ಸಾಧ್ಯವಾಗುತ್ತದೆ ಎಂದು ಶಿವಮೊಗ್ಗ ಜಿಲ್ಲಾ ವಾಣಿಜ್ಯ ಮತ್ತು ಕೈಗಾರಿಕಾ ಸಂಘದ ಅಧ್ಯಕ್ಷ ಎನ್.ಗೋಪಿನಾಥ್ ಹೇಳಿದರು.

ಶಿವಮೊಗ್ಗ ಜಿಲ್ಲಾ ವಾಣಿಜ್ಯ ಮತ್ತು ಕೈಗಾರಿಕಾ ಸಂಘದ ಸಭಾಂಗಣದಲ್ಲಿ ಶ್ರೀನಿಧಿ ಸಿಲ್ಕ್ ಮತ್ತು ಟೆಕ್ಸ ಟೈಲ್ಸ್ಲ್ಸ್ ವತಿಯಿಂದ ಅಭಿಯಂತರು, ಗುತ್ತಿಗೆದಾರರು ಹಾಗೂ ಕಾರ್ಮಿಕರಿಗೆ ಆಯೋಜಿಸಿದ್ದ ರಿಯಾಯಿತಿ ಮೇಳ ಉದ್ಘಾಟಿಸಿ ಮಾತನಾಡಿದರು.

ತಂತ್ರಜ್ಞಾನ ಯುಗದಲ್ಲಿ ಆನ್‌ಲೈನ್ ಮಾರುಕಟ್ಟೆಯಲ್ಲಿ ವ್ಯಾಪಾರ ವಹಿವಾಟು ಹೆಚ್ಚು ನಡೆಯುತ್ತಿದ್ದು, ಆದರೆ ಗುಣಮಟ್ಟದ ಬಗ್ಗೆ ಸರಿಯಾಗಿ ಗ್ರಾಹಕರು ಅರ್ಥ ಮಾಡಿಕೊಳ್ಳಲು ಸಾಧ್ಯವಾಗುವುದಿಲ್ಲ. ಆಫ್ ಲೈನ್‌ನಲ್ಲಿ ಗ್ರಾಹಕರು ನೇರ ಖರೀದಿಗೆ ಮುಂದಾದಗ ಗುಣಮಟ್ಟದ ಖಾತ್ರಿ ಸಿಗುತ್ತದೆ ಎಂದು ತಿಳಿಸಿದರು.

ಶ್ರೀನಿಧಿ ಸಿಲ್ಕ್ ಮತ್ತು ಟೆಕ್ಸ್ ಟೈಲ್ಸ್ ಸಂಸ್ಥೆಯು ಸುದೀರ್ಘ ದಶಕಗಳ ಅವಧಿಯಿಂದ ವ್ಯಾಪಾರ ವಹಿವಾಟು ನಡೆಸಿಕೊಂಡು ಬಂದಿದ್ದು, ಉದ್ಯಮದ ಜತೆಯಲ್ಲಿ ಸಾಮಾಜಿಕ ಸೇವಾ ಕಾರ್ಯಕ್ರಮಗಳನ್ನು ವಿಶೇಷವಾಗಿ ಆಯೋಜಿಸಿಕೊಂಡು ಬರುತ್ತಿದೆ. ವಿಶೇಷ ರಿಯಾಯಿತಿ ಮೇಳ ಎಲ್ಲರಿಗೂ ಉಪಯೋಗ ಆಗಲಿ ಎಂದರು.

ಶ್ರೀನಿಧಿ ಸಿಲ್ಕ್ ಮತ್ತು ಟೆಕ್ಸ್ ಟೈಲ್ಸ್ ಸಂಸ್ಥೆಯ ಟಿ.ಆರ್.ಅಶ್ವತ್ಥ್ ನಾರಾಯಣಶೆಟ್ಟಿ ಮಾತನಾಡಿ, ಗ್ರಾಹಕರು ಆನ್‌ಲೈನ್‌ನಲ್ಲಿ ಖರೀದಿಸುವಾಗ ಬಟ್ಟೆಯ ಬಣ್ಣ, ಗುಣಮಟ್ಟ ತಿಳಿಯುವುದಿಲ್ಲ. ಆರ್ಡರ್ ತಲುಪಿದಾಗಲೇ ತಿಳಿಯುತ್ತದೆ. ಆದರೆ. ಸ್ಥಳೀಯವಾಗಿ ನೇರವಾಗಿ ಅಂಗಡಿಗಳಿಗೆ ಭೇಟಿ ಮಾಡಿ ಖರೀದಿ ಮಾಡಿದರೆ ಒಳ್ಳೆಯ ಉತ್ಪನ್ನಗಳು ನಮ್ಮದಾಗುತ್ತವೆ ಎಂದು ಹೇಳಿದರು.

Chamber Of Commerce Shivamogga ಶ್ರೀನಿಧಿ ಸಂಸ್ಥೆಯು ದಶಕಗಳಿಂದ ಶಿವಮೊಗ್ಗ ನಗರದಲ್ಲಿ ಉದ್ಯಮ ನಡೆಸುತ್ತಿದ್ದು, ವಿಶೇಷವಾಗಿ ಹಬ್ಬದ ಸಂದರ್ಭದಲ್ಲಿ ರಿ ಯಾಯತಿ ಮೇಳ ಹಮ್ಮಿಕೊಂಡಿದ್ದು, ಅಭಿಯಂತರು, ಗುತ್ತಿಗೆದಾರರು ಹಾಗೂ ಕಾರ್ಮಿಕರಿಗೆ ಉಪಯುಕ್ತವಾಗಲಿದೆ ಎಂದು ತಿಳಿಸಿದರು.

ಗುತ್ತಿಗೆದಾರ ಮಂಜುನಾಥ್ ಅವರು ಶ್ರೀನಿಧಿ ಸಿಲ್ಕ್ ಮತ್ತು ಟೆ ಕ್ಸ್ ಟೈಲ್ಸ್ ಸಂಸ್ಥೆಯು ಆಯೋಜಿಸಿರುವ ರಿಯಾಯತಿ ಮೇಳಕ್ಕೆ ಶುಭಹಾರೈಸಿದರು. ಶಿವಮೊಗ್ಗ ಜಿಲ್ಲಾ ವಾಣಿಜ್ಯ ಮತ್ತು ಕೈಗಾರಿಕಾ ಸಂಸ್ಥೆಯ ಕಾರ್ಯದರ್ಶಿ ವಸಂತ ಹೋಬಳಿದಾರ್, ಸಹ ಕಾರ್ಯದರ್ಶಿ ಜಿ.ವಿಜಯ್‌ಕುಮಾರ್, ಶ್ರೀನಿಧಿ ಸಂಸ್ಥೆಯ ವೆಂಕಟೇಶ್, ರಾಮಪ್ರಸಾದ್, ಚೇತನ್, ಬದ್ರೀನಾಥ್, ಮಂಜುನಾಥ್ ಮತ್ತಿತರರು ಉಪಸ್ಥಿತರಿದ್ದರು.

Klive News Special Article ಅಂಕಣ ಬರಹ

0

ನೇರ-ನುಡಿ
ಲೇ: ಪ್ರಭಾಕರ ಕಾರಂತ.
ಹೊಸಕೊಪ್ಪ ,
ಶೃಂಗೇರಿ.

Klive News Special Article ಉಕ್ರೇನ್ ಯುದ್ದದಿಂದ ತತ್ತರಿಸುತ್ತಿದ್ದ ವಿಶ್ವಕ್ಕೆ ಇಸ್ರೇಲ್ ಪ್ಯಾಲಸ್ಟೈನ್ ಯುದ್ದ ಇನ್ನಷ್ಟು ಸಂಕಟ ತರಲಿದೆ.ಗಾಜಾ ಪಟ್ಟಿಯ ಹಮಾಸ್ ಉಗ್ರರಿಗೆ ಇಸ್ರೇಲ್ ನೆರೆಹೊರೆಯ ಇಸ್ಲಾಂನ ಎಲ್ಲಾ ದೇಶಗಳ ಕುಮ್ಮಕ್ಕು ಇದ್ದೇ ಇದೆ.ಆಂತರಿಕ ಬಿನ್ನಾಭಿಪ್ರಾಯದಿಂದ ಸ್ವಲ್ಪ ಮೈಮರೆತಿದ್ದ ಇಸ್ರೇಲಿಗೆ ಉಗ್ರರು ದೊಡ್ಡ ಪೆಟ್ಟೇನೋ ನೀಡಿದ್ದಾರೆ.ಇಸ್ರೇಲಿಗೆ ನುಗ್ಗಿದ ಅವರು ರಾಕ್ಷಸರೂ ನಾಚುವಂತ ಕ್ರೌರ್ಯ ಮೆರೆದಿದ್ದಾರೆ. ಇಸ್ರೇಲ್ ಮಹಿಳೆಯರ ಮೇಲಿನ ಅವರ ದೌರ್ಜನ್ಯ ಈ ಪಶುಗಳು ನಾಗರೀಕ ಪ್ರಪಂಚದಲ್ಲಿರಲು ಯೋಗ್ಯರಲ್ಲ ಎಂದು ಸಿದ್ದ ಮಾಡಿದೆ.ಕತ್ತು ಕತ್ತರಿಸುವುದು ಈಗೀಗ ಹಿಂಸೆಯ ಸೌಮ್ಯ ರೂಪ ಎನಿಸುತ್ತಿದೆ.
ಈ ಹಿಂಸಾಚಾರ ನೋಡಿದ ಮೇಲೂ ಬೇರೆಡೆ ಇರಲಿ ಭಾರತದ ಅನೇಕ ರಾಜಕಾರಣಿಗಳು ಸಂಭ್ರಮ ಪಟ್ಟಿದ್ದಾರೆ.ಮಫ್ತಿ,ಓವೈಸಿ ಇಂತವರಿಗೆ ಹೃದಯ ಅರಳಿದೆ.
ಕಾಂಗ್ರೆಸ್ ಕಾರ್ಯಸಮಿತಿ ಹಿಂಸೆಯನ್ನು ಖಂಡಿಸುವ ಬದಲು ಪ್ಯಾಲಸ್ಥೀನಿಯನ್ ರ ಬದುಕುವ ಹಕ್ಕನ್ನು ಬೆಂಬಲಿಸದೆ.ಈ ಪಕ್ಷ ಸ್ವಾತಂತ್ರ್ಯ ಪೂರ್ವ ಮತ್ತು ನಂತರ ಮಾಡಿಕೊಂಡೇ ಬಂದ ತುಷ್ಟೀಕರಣ ನೀತಿಗೆ ದೇಶ ಬಹಳ ಬೆಲೆ ತೆತ್ತಿದೆ. ಈಗಲೂ ಅದರ ಏಕಪಕ್ಷೀಯ ನಿಲುವು ಗಾಭರಿ ಹುಟ್ಟಿಸುತ್ತದೆ.ಭಾರತದ ಇಸ್ಲಾಮೀಕರಣಕ್ಕೆ ಕಾಂಗ್ರೆಸ್ಸಿನ ಭದ್ದತೆ ಜಗಜ್ಜಾಹೀರಾಗುತ್ತಿದೆ.
10 ಕಿಮೀ ಅಗಲ ಮತ್ತು 41 ಕಿಮೀ ಉದ್ದದ ಗಾಜಾ ಪಟ್ಟಿ ಹಮಾಸ್ ಉಗ್ರರ ಆಡೊಂಬಲವಾಗಿದೆ. ಇಡೀ ಇಸ್ರೇಲ್ ತನ್ನದು ಎಂದು ಈ ಉಗ್ರರು ನಂಬುತ್ತಾರೆ.ವಿಶ್ವದ ಬಹುತೇಕ ಇಸ್ಲಾಂನ ಅನುಯಾಯಿಗಳೂ ಇದೇ ವಾದ ಮಾಡುತ್ತಾರೆ. ಇಸ್ಲಾಂನ ಹುಟ್ಟಿನ ಮೊದಲೇ ಯಹೂದಿಗಳ ತಾಯ್ನಾಡು ಅಲ್ಲಿದ್ದದ್ದನ್ನು ಇಸ್ಲಾಂನ ಅನುಯಾಯಿಗಳು ಮರೆತು ಬಿಡುತ್ತಾರೆ.ಇತಿಹಾಸ ತಮಗೆ ಬೇಕಾದಷ್ಟೇ ಹಿಂದಕ್ಕೆ ತೆಗೆದುಕೊಂಡು ಹೋಗುವ ಅವರು ಯಾವ ಮುಲಾಜೂ ಇಲ್ಲದೇ ಹಿಂಸೆಯ ಮೂಲಕ ಜಗತ್ತನ್ನೇ ಆಳಲು ಬಯಸುತ್ತಾರೆ.ಭಾರತವನ್ನೂ ಸಹ ಅವರು ಒಂದು ಕಾಲದ ತಮ್ಮ ದೇಶ ಎಂದೇ ಪರಿಗಣಿಸುತ್ತಾರೆ. ಸಾವಿರ ವರ್ಷ ತಮ್ಮದಾಗಿದ್ದ ದೇಶ ಇನ್ನೂ ತಮ್ಮದೇ ಆಗಬೇಕು ಎಂಬುದನ್ನು ಹುಟ್ಟಾದಾರಬ್ಯ ಮಕ್ಕಳ ಮನಸಲ್ಲಿ ತುಂಬಿಸಲಾಗುತ್ತದೆ. ದೇಶವೇ ಅವರದ್ದಾದ ಮೇಲೆ ರಾಮ ಜನ್ಮಭೂಮಿ, ಜ್ಞಾನವ್ಯಾಪಿ ಇವುಗಳ ಹಕ್ಕನ್ನು ಹೇಗೆ ತಾನೇ ಬಿಟ್ಟುಕೊಟ್ಟಾರು?.ಜಗತ್ತಲ್ಲಿ ತಮ್ಮ ಧರ್ಮ ಮಾತ್ರ ಇರಬೇಕು ಮತ್ತು ಕಾಫಿರರನ್ನು ಕೊಂದು ಹಾಕಬೇಕು ಎಂಬ ಮನಸ್ಥಿತಿಯನ್ನ ಬೆಳೆಸುವುದನ್ನ ಸೆಕ್ಯುಲರಿಸಮ್ ಹೆಸರಿನಲ್ಲಿ ಕಾಂಗ್ರೆಸ್ ಪೋಷಿಸಿಕೊಂಡೇ ಬಂದಿದ್ದು ಈಗಂತೂ ಅದು ಮುಲಾಜಿಲ್ಲದೇ ಅದನ್ನು ಸಾರಿದೆ.ಒಂದು ಕಡೆ ಜಾತಿ ಜನಗಣತಿ ಲೆಕ್ಕದಲ್ಲಿ ಹಿಂದೂ ಸಮಾಜ ಛಿದ್ರ ಮಾಡಿ ಅತ್ತ ಪ್ಯಾಲಸ್ಥೈನ್ ಹೆಸರಲ್ಲಿ ಮುಸ್ಲಿಮರ ಮತ ಗಟ್ಟಿ ಮಾಡಿಕೊಂಡು ರಾಹುಲ ಗಾಂಧಿಯವರ ಪಟ್ಟಾಭಿಷೇಕ ಮಾಡಲು ಕಾಂಗ್ರೆಸ್ ಮುಂದಾಗಿದೆ.ಸ್ವಾತಂತ್ರ್ಯ ಬಂದ ಅನೇಕ ದಶಕಗಳಿಂದ ಇಸ್ರೇಲೊಂದಿಗೆ ರಾಜತಾಂತ್ರಿಕ ಸಂಬಂಧ ಸಹ ಇಟ್ಟುಕೊಳ್ಳದ ಕಾಂಗ್ರೆಸ್ಸಿನ ನೀತಿ ಭಾರತದ ಮಟ್ಟಿಗೆ ವಿನಾಶಕಾರಿ ಎನಿಸಿದೆ.
Klive News Special Article ಇಸ್ರೇಲ್ ಮೇಲೆ ನಡೆದ ಭಯೋತ್ಪಾದಕ ದಾಳಿಯನ್ನು ಉಗ್ರ ಶಬ್ದಗಳಿಂದ ಖಂಡಿಸಿರುವ ಭಾರತ ಈ ಯುದ್ಧದಲ್ಲಿ ಅಮೆರಿಕ ಮತ್ತು ಯುರೋಪಿನ ಪರ ನಿಂತಿದೆ. ರಷ್ಯಾ ಉಕ್ರೇನ್ ಯುದ್ದದಲ್ಲಿ ತೆಗೆದುಕೊಂಡ ನಿರ್ಧಾರಕ್ಕಿಂತ ಇದು ಬೇರೆಯದೇ ಆಗಿದೆ.ಅದೇ ಇಸ್ಲಾಂನ ಉಗ್ರರಿಂದ ಭಾರತ ಸಹ ಅನೇಕ ದಶಕಗಳಿಂದ ಅಪಾಯ ಎದುರಿಸುತ್ತಿದ್ದು, ಇಸ್ರೇಲ್ ಎಲ್ಲಾ ಹಂತದಲ್ಲೂ ಭಾರತದ ಸನ್ಮಿತ್ರ ಎನಿಸಿರುವಾಗ ನಾವು ಸಂಕಟದ ಸಮಯದಲ್ಲಿ ಅವರ ಪರ ನಿಲ್ಲುವುದು ನ್ಯಾಯವೇ ಆಗಿದೆ.ರಾಷ್ಟ್ರೀಯ ಹಿತದ ವಿರುದ್ಧ ನಿಲ್ಲುವ ಕಾಂಗ್ರೆಸ್ ಈಗಲೂ ಅದನ್ನೇ ಮುಂದುವರೆಸಿದೆ.ಪಾಕಿಸ್ತಾನದ ನಿಲುವನ್ನೇ ಕಾಂಗ್ರೆಸ್ ಮತ್ತೆ ಬೆಂಬಲಿಸಿದೆ.ಮೌಲ್ವಿಗಳೂ,ಕಮ್ಯುನಿಷ್ಟರೂ,ತೃಣಮೂಲರೂ ಎಲ್ಲರದ್ದೂ ಒಂದೇ ನಿಲುವು!.ಭಯೋತ್ಪಾದಕರು ಮುಗ್ದರು.ಉಗ್ರರು ಮೂಲನಿವಾಸಿಗಳು. ಜಗತ್ತಿನ ಉಳಿವಿಗೆ ಇವರೇ ಬೇಕು!!.
ಮೋದಿಯವರು ಸೈನ್ಯ ನೇಮಕಾತಿಯಲ್ಲಿ ಅಗ್ನಿವೀರ್ ತಂದಿದ್ದೇ ಯುದ್ಧದ ಸನ್ನಿವೇಶದಲ್ಲಿ ಸೈನ್ಯ ತರಬೇತು ಪಡೆದ ಒಂದು ಪಡೆ ದೇಶದ ಎಲ್ಲೆಡೆ ಆಂತರಿಕ ಶತೃ ನಿಗ್ರಹಕ್ಕೆ ಇರಬೇಕು ಎಂಬ ಘನೋದ್ದೇಶದಿಂದ. ಆಗ ಕಾಂಗ್ರೆಸ್ಸಿನ ವಿರೋಧ ಸಹ ಇಂತಹ ಪಡೆ ತನ್ನ ಬ್ರದರ್ಸ್ ವಿರುದ್ಧ ಇರಬಾರದು ಎಂಬ ಕಾರಣಕ್ಕೆ.
ಇಸ್ರೇಲ್ ಸುತ್ತಲಿನ ಎಲ್ಲಾ ದೇಶಗಳೂ ಉಗ್ರ ಪರವೇ ಆಗಿವೆ.ಲೆಬಿನಾನ್ ಸೇರಿಸದಂತೆ ವಿವಿದ ದೇಶಗಳ ಸಂಯುಕ್ತ ಕಾರ್ಯಾಚರಣೆ ಮೊನ್ನೆಯ ದಾಳಿ ಅನಿಸದಿರುವುದಿಲ್ಲ.ಇಸ್ರೇಲ್ ನಿಂದ ಎರಡು ಸಾವಿರ ಕಿಮೀ ದೂರದಲ್ಲಿರುವ ಇರಾನ್ ಈ ದಾಳಿಗೆ ಸಹಯೋಗ ನೀಡಿದೆ.ಹಮಾಸ್ ಸುನ್ನಿ ಮುಸ್ಲಿಮರ ಉಗ್ರ ಸಂಘಟನೆ. ಇರಾನ್ ಶಿಯಾ ಮುಸ್ಲಿಮರ ದೇಶ.ಹೀಗಿದ್ದೂ ಇಸ್ರೇಲ್ ವಿಷಯ ಬಂದಾಗ ಈ ಬೇದಭಾವ ಮರೆತು ಬಿಡುತ್ತಾರೆ.ಇರಾನ್ ನಲ್ಲಿ ಆಯತುಲ್ಲಾ ಖೊಮೇನಿ ಯಂತ ಉಗ್ರವಾದಿ ಆಡಳಿತ ಬಂದಮೇಲೆ ಆ ದೇಶ ಸಂಪೂರ್ಣ ಕಟ್ಟರ್ ಪಂಕ್ತಿ ಕೈವಶವಾಗಿದೆ.
ಮಹತ್ವದ ಸಂಗತಿ ಎಂದರೆ ಯುಎಇ ಈ ಸಂದರ್ಭ ಉಗ್ರರ ವಿರುದ್ಧ ನಿಲುವು ತಾಳಿದೆ. ಸೌದಿ ಸಹ ಉಗ್ರರ ಪರ ನೇರ ನಿಲ್ಲಲು ಅನುಮಾನಿಸಿದೆ. ಈಜಿಪ್ಟ್,ಇಂಡೋನೇಷಿಯಾದ್ದೂ ಹೀಗೇ ನಿಲುವು.ಮುಸ್ಲಿಮ್ ಜಗತ್ತಿನಲ್ಲೂ ಉಗ್ರ ವಿರೋಧ ವ್ಯಕ್ತವಾಗಿರುವುದು ಆಶಾದಾಯಕ ಬೆಳವಣಿಗೆ.
ಇಸ್ರೇಲ್ ಕೆಣಕಿ ಹಮಾಸ್ ಬಹುದೊಡ್ಡ ತಪ್ಪು ಮಾಡಿದೆ.ಇಸ್ರೇಲ್ ಗಾಜಾ ಪಟ್ಟಿಯನ್ನು ತನ್ನ ವಶಕ್ಕೆ ಪಡೆಯಲಿದೆ.ಅಲ್ಲಿನ ಆಹಾರ, ನೀರು ಪೂರೈಕೆ ಸ್ಥಗಿತಗೊಳಿಸಿದೆ.ಚದುರ ಕಿಮೀ ಗೆ ಐದು ಸಾವಿರ ಜನಸಾಂದ್ರತೆ ಇರುವ ಆ ಪುಟ್ಟ ಪ್ರದಚಶದ 21 ಲಕ್ಷ ಜನರ ಬದುಕು ಬರ್ಬರ ಆಗಲಿದೆ. ಭಯೋತ್ಪಾದಕರಿಗೆ ಬೆಂಬಲಿಸಿದ ಪರಿಣಾಮ ಈಗ ಪಾಯಾಲಸ್ಥೈನ್ ಅನುಭವಿಸಲಿದೆ. ಇಸ್ರೇಲ್ ಜತೆ ಯುರೋಪ್ ಮತ್ತು ಅಮೆರಿಕ ಗಟ್ಟಿಯಾಗಿ ನಿಲ್ಲಲಿವೆ.ಆಗಲೇ ಅಮೆರಿಕ ಸೈನ್ಯ ಮತ್ತು ಯುದ್ಧ ಹಡಗು ವಿಮಾನ ಇಸ್ರೇಲಿಗಿ ಕಳಿಸಿದೆ.ಚೀನಾ ಮತ್ತು ರಷ್ಯ ಇಸ್ರೇಲಿನ ವಿರುದ್ದ ನೇರ ಬರುವ ಸಂಭಾವ್ಯತೆ ಕಡಿಮೆ .ಗಾಜಾ ಅಂತರರಾಷ್ಟ್ರೀಯ ನೇರವಿನಿಂದಲೇ ಬದುಕುತ್ತಿತ್ತು. ಅದನ್ನೀಗ ಯುರೋಪ್ ಸ್ಥಗಿತಗೊಳಿಸಿದೆ.

ಇಸ್ರೇಲ್ ನೀತಿ ಯಾವಾಗಲೂ ಸ್ಪಸ್ಟ.ತನ್ನ ಸುದ್ದಿಗೆ ಬಂದವರಿಗೆ ಅದು ಪಾಠ ಕಲಿಸಲಿದೆ. ಅಲ್ಲಿನ ಎಲ್ಲಾ ಯುವಕರೂ ಪ್ರೌಡರೂ ಮಿಲಿಟರಿ ತರಬೇತಿ ಪಡೆದವರೇ. ರಾಷ್ಟ್ರ ಗಂಢಾಂತರಕ್ಕೆ ಸಿಕ್ಕಾಗ ಇಡೀ ಇಸ್ರೇಲ್ ಯುದ್ಧಕ್ಕೆ ಹೊರಡುತ್ತದೆ. ತನ್ನ ಲಕ್ಷಾಂತರ ಸೈನಿಕರನ್ನು ಗಾಜಾ ಕ್ಕೆ ಇಸ್ರೇಲ್ ಕಳಿಸಲಿದೆ.ಉಗ್ರರ ಸಂಪೂರ್ಣ ನಾಶದ ಗುರಿ ಅದು ಹಾಕಿಕೊಂಡಿದೆ.ಸುತ್ತಲಿನ ಎಲ್ಲಾ ದೇಶ ಮುಗಿಬಿದ್ದರೂ ಎಲ್ಲರಿಗೂ ಪಾಠ ಕಲಿಸಲಿದೆ. ಇಸ್ರೇಲಿನಲ್ಲಿ ಯುದ್ಧ ಸಂಧರ್ಭ ಬಿನ್ನಾಭಿಪ್ರಾಯ ಇಲ್ಲವೇ ಇಲ್ಲ.ದೇಶ ತೆಗೆದುಕೊಂಡ ನಿಲುವಿನ ವಿರುದ್ಧ ಪ್ರತಿಪಕ್ಷಗಳು ನಿಲ್ಲುವುದೇ ಇಲ್ಲ.
ಈ ಉಗ್ರ ದಾಳಿ ಭಾರತಕ್ಕೂ ಒಂದು ಎಚ್ಚರಿಕೆ. ನಮ್ಮ ಮೇಲೆ ಒಂದೆಡೆ ಪಾಕಿಸ್ತಾನ ಮತ್ತೊಂದೆಡೆ ಚೀನಾ ಸಮರ ಸಜ್ಜಿತವಾಗಿವೆ. ನಾವು ಇದರ ಜೊತೆ ದೇಶದ ಒಳಗಿನ ರಾಷ್ಟ್ರ ದ್ರೋಹಿಗಳೊಂದಿಗೂ ಹೋರಾಟ ಮಾಡಬೇಕಾಗುತ್ತದೆ. ಇಲ್ಲಿನ ಅನ್ನ ತಿಂದೂ ಶತೃ ರಾಷ್ಟ್ರ ಇರುವ ಕಮ್ಯುನಿಷ್ಟರಿದ್ದಾರೆ,ಎಡಪಂಥೀಯ ಉಗ್ರರಿದ್ದಾರೆ, ಮುಸ್ಲಿಮ್ ಉಗ್ರರಿದ್ದಾರೆ,ಸಾಲದು ಎಂಬಂತೆ ಕಾಂಗ್ರೆಸ್ಸಿನ ನೇತೃತ್ವದ ಐಎನ್ ಡಿಎ ಕೂಟ ಇದೆ.ಅವರು ಸಾಕಿಟ್ಟ ಬುದ್ದಿ ಜೀವಿಗಳಿದ್ದಾರೆ, ಪ್ರಗತಿಪರರಿದ್ದಾರೆ, ಕೋಮುವಾದೀ ಉಗ್ರರಿದ್ದಾರೆ ಸಾಕು ನಾಯಿಗಳಂತೆ ಮಾಧ್ಯಮ ದವರಿದ್ದಾರೆ. ವಿಶ್ವದ ಯಾವದೇಶಕ್ಕೂ ಬಾಹ್ಯ ಶತೃಗಳನ್ನು ಬೆಂಬಲಿಸುವ ಆಂತರಿಕ ಶತೃಗಳು ಈ ಮಟ್ಟದಲ್ಲಿ ಇರಲಿಕ್ಕಿಲ್ಲ.
ನಮ್ಮ ದೇಶ ಒಡೆಯುವ ಮನಸ್ಥಿತಿ ಇರುವ ಖಾಲಿಸ್ಥಾನ್ ಉಗ್ರರು ಕೆನಡಾ ದಂತ ತಲೆತಿರುಕ ನಾಯಕತ್ವವಿರುವ ದೇಶಗಳ ಬೆಂಬಲದಿಂದ ಶಕ್ತಿಯುತ ಆಗುತ್ತಿರುವಾಗಲೇ ಈ ಸಂಕಷ್ಟ ಬಂದಿದೆ.ಜಾತಿ ಹೆಸರಲ್ಲಿ ಹಿಂದೂ ಒಡಕು ಮೂಡಿದರೆ, ಕಾಂಗ್ರೆಸ್ಸಿನ ಆಡಳಿತ ಬಂದರೆ ಭಾರತಕ್ಕೆ ಭವಿಷ್ಯ ಇಲ್ಲ ಎಂದು ಯಾರೂ ಹೇಳಬಹುದು.

CM Siddharamaih ರಾಜ್ಯಾದ್ಯಂತ ಪಟಾಕಿ ಮಾರಾಟ ಲೈಸನ್ಸ್ ನೀಡಿಕೆ ಮುಂಜಾಗ್ರತೆ ವಹಿಸಲು ಮುಖ್ಯ ಮಂತ್ರಿ ಸೂಚನೆ

0

CM Siddharamaih ಅತ್ತಿಬೆಲೆ ಪಟಾಕಿ ದುರಂತದ ಹಿನ್ನೆಲೆಯಲ್ಲಿ ಮುಖ್ಯಮಂತ್ರಿ ಸಿದ್ದರಾಮಯ್ಯನವರು ಇಂದು ಹಿರಿಯ ಅಧಿಕಾರಿಗೊಳೊಂದಿಗೆ ನಡೆಸಿದ ಸಭೆ ನಡೆಸಿದರು. ರಾಜ್ಯದಾದ್ಯಂತ ಪ್ರತಿಯೊಂದು ಲೈಸೆನ್ಸ್‌ದಾರರ ಸ್ಥಳ ಪರಿಶೀಲನೆ ನಡೆಸಿ, ಲೋಪಗಳಿದ್ದರೆ ನಿರ್ಧಾಕ್ಷಿಣ್ಯ ಕ್ರಮ ಕೈಗೊಳ್ಳಬೇಕು.
ಅತ್ತಿಬೆಲೆ ಪ್ರಕರಣದಲ್ಲಿ ತಹಶೀಲ್ದಾರ್, ಇನ್ಸ್ ಪೆಕ್ಟರ್ ಮತ್ತು ರೀಜನಲ್ ಫೈರ್ ಆಫೀಸರ್‌ಗಳನ್ನು ಅಮಾನತು ಮಾಡಬೇಕು ಎಂದು ತಿಳಿಸಿದರು.

ಸರ್ಕಾರ ಈ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿದ್ದು, ಅಧಿಕಾರಿಗಳು ಎಲ್ಲ ಮುನ್ನೆಚ್ಚರಿಕೆಯ ಕ್ರಮ ಕೈಗೊಳ್ಳಬೇಕು.
ಎಕ್ಸ್‌ಪ್ಲೋಸಿವ್‌ ಆಕ್ಟ್‌ ನಲ್ಲಿ ಲೈಸೆನ್ಸ್‌ ಕೊಡುವಾಗ ಅಧಿಕಾರಿಗಳು ಎಚ್ಚರಿಕೆ ವಹಿಸಬೇಕು. ಹದಿನಾಲ್ಕು ಜನರ ಜೀವ ಕಳೆದುಕೊಂಡಿದ್ದಕ್ಕೆ ಯಾರು ಹೊಣೆಗಾರರು? ಕಾಯ್ದೆ ಓದಿದ್ದೀರಾ? ಅವರು ಅದರಲ್ಲಿರುವ ಎಲ್ಲ ಮಾನದಂಡಗಳನ್ನು ಪೂರೈಸಿದ್ದಾರೆಯೇ ಎಂದು ನೋಡಬೇಕು. ತಳಹಂತದ ಅಧಿಕಾರಿಗಳು ಸಲ್ಲಿಸಿದ ವರದಿ ಸರಿಯಿದೆಯೇ ಎಂದು ಜಿಲ್ಲಾಧಿಕಾರಿಗಳು ಪರಿಶೀಲಿಸಬೇಕು ಎಂದರು.

ಎಲ್ಲ ಪಟಾಕಿ ಮಳಿಗೆಗಳ ಸುರಕ್ಷತೆಯನ್ನೂ ತಪಾಸಣೆ ಮಾಡಬೇಕು. ಇನ್ನು ಮುಂದೆ ಲೈಸನ್ಸ್‌ ನೀಡುವಾಗ ಜಿಲ್ಲಾಧಿಕಾರಿಗಳು, ಪೊಲೀಸ್‌ ಅಧೀಕ್ಷಕರು ಹಾಗೂ ಅಗ್ನಿಶಾಮಕ ದಳದ ಅಧಿಕಾರಿಗಳು ಸ್ಥಳ ಪರಿಶೀಲನೆ ನಡೆಸಬೇಕು.
ತಪಾಸಣಾ ವರದಿ ಸರಿಯಾಗಿದೆಯೇ ಎಂದು ಪರಿಶೀಲಿಸಿಯೇ ಲೈಸನ್ಸ್‌ ನೀಡುವ ಬಗ್ಗೆ ತೀರ್ಮಾನಿಸಬೇಕು. ಈ ಪ್ರಕರಣದಲ್ಲಿ ಗೋಡೌನ್‌ಗೆ ಅನುಮತಿ ನೀಡಿರಲಿಲ್ಲ. ಮಾರಾಟಕ್ಕೆ ಮಾತ್ರ ಅನುಮತಿ ನೀಡಲಾಗಿತ್ತು.
ರಾಜ್ಯದೆಲ್ಲೆಡೆ ತಪಾಸಣೆ ನಡೆಸಿ, ಸುರಕ್ಷತಾ ಕ್ರಮಗಳನ್ನು ಕೈಗೊಳ್ಳದ ಎಲ್ಲ ಗೋಡೌನ್‌ಗಳು ಹಾಗೂ ಮಳಿಗೆಗಳ ವಿರುದ್ಧ ಕ್ರಮ ಕೈಗೊಳ್ಳಬೇಕು, ಅವುಗಳ ಪರವಾನಗಿ ರದ್ದುಪಡಿಸಬೇಕು ಎಂದು ತಿಳಿಸಿದರು.

ಬೆಂಗಳೂರು ನಗರದಲ್ಲಿ ಎರಡು ರೀತಿಯ ಪರವಾನಗಿಗಳಿವೆ. ಶಾಶ್ವತ ಮಳಿಗೆಗಳು ಹಾಗೂ ತಾತ್ಕಾಲಿಕ ಮಳಿಗೆಗಳಿಗೆ ಪರವಾನಗಿ ನೀಡಲಾಗುತ್ತಿದೆ. ಬಿಬಿಎಂಪಿ, ವಿದ್ಯುತ್‌, ಅಗ್ನಿಶಾಮಕ, ಟ್ರಾಫಿಕ್‌ ಮತ್ತು ಕಾನೂನು-ಸುವ್ಯವಸ್ಥೇ ವಿಭಾಗದ ನಿರಾಕ್ಷೇಪಣಾ ಪತ್ರ ಪಡೆದು ಲೈಸನ್ಸ್‌ ನೀಡಲಾಗುತ್ತದೆ. ಇದು ಐದು ವರ್ಷಕ್ಕೊಮ್ಮೆ ನೀಡಲಾಗುತ್ತಿದೆ. ನವೀಕರಣಕ್ಕೆ ನಿರಾಕ್ಷೇಪಣಾ ಪತ್ರದ ಅಗತ್ಯವಿರುವುದಿಲ್ಲ. ಸ್ಫೋಟಕಗಳ ನಿಯಂತ್ರಕರು ನವೀಕರಿಸುತ್ತಾರೆ. ಈ ಕುರಿತು ನಿಯಮಾವಳಿಗಳ ತಿದ್ದುಪಡಿ ಅಗತ್ಯವಿದೆ. ಈ ಕುರಿತು ಕೇಂದ್ರ ಸರ್ಕಾರಕ್ಕೆ ಪತ್ರ ಬರೆಯಬೇಕು. ರಾಜ್ಯಕ್ಕೆ ಅನ್ವಯಿಸುವಂತೆ ನಿಯಮ ಬದಲಾವಣೆ ಆಗಬೇಕು.
ನಿಗದಿ ಮಾನದಂಡ ಪೂರೈಸದಿದ್ದರೂ, ತಪಾಸಣಾ ವರದಿ ನೀಡಿ ಶಿಫಾರಸು ಮಾಡಿದ ಸರ್ಕಲ್‌ ಇನ್ಸ್‌ಪೆಕ್ಟರ್‌, ತಹಸೀಲ್ದಾರ್‌, ಪ್ರಾದೇಶಿಕ ಅಗ್ನಿಶಾಮಕ ಅಧಿಕಾರಿಗಳನ್ನು ಅಮಾನತು ಮಾಡಬೇಕು ಎಂದು ಸೂಚಿಸಿದರು.

CM Siddharamaih ಅತ್ತಿಬೆಲೆ- ಹೊಸೂರು ಗಡಿ ಭಾಗದಲ್ಲಿ ಬರುವ ಪಟಾಕಿಗಳ ಕುರಿತು ತೀವ್ರ ನಿಗಾ ವಹಿಸಬೇಕು. ಈ ಕುರಿತು ನ್ಯಾಯಾಲಯಗಳ ಆದೇಶಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಲು ಎಲ್ಲ ರೀತಿಯ ಕ್ರಮ ಕೈಗೊಳ್ಳಬೇಕು. ಹಸಿರು ಪಟಾಕಿಗಳ ಮಾರಾಟವನ್ನೂ ಖಾತರಿಪಡಿಸಿಕೊಳ್ಳಿ ಎಂದರು.

Department of Skill Development ಶಿವಮೊಗ್ಗ ಸಂಸದರಿಂದ ಸ್ವ ನಿಧಿ ಸೆ ಸಮೃದ್ಧಿ ಕಾರ್ಯಕ್ರಮದ ಉದ್ಘಾಟನೆ

0

Department of Skill Development ಡೇ-ನಲ್ಮ್ ಯೋಜನೆ ಶಿವಮೊಗ್ಗ ಮಹಾನಗರ ಪಾಲಿಕೆ, ಶಿವಮೊಗ್ಗ, ಕೌಶಲ್ಯಾಭಿವೃದ್ಧಿ ಉದ್ದಮಶೀಲತೆ ಹಾಗೂ ಜೀವನೋಪಾಯ ಇಲಾಖೆ, ಹಾಗೂ ಭಾರತೀಯ ಸ್ಟೇಟ್ ಬ್ಯಾಂಕ್ ಪ್ರಾದೇಶಿಕ ಕಛೇರಿ, ಶಿವಮೊಗ್ಗ, ಇವರ ಸಹಯೋಗದಲ್ಲಿ ಪಿ.ಎಂ.ಸ್ವ-ನಿಧಿ ಕಿರು ಸಾಲ ಸೌಲಭ್ಯಕ್ಕೆ ದಿನಪತ್ರಿಕೆ ವಿತರಕರು ಮತ್ತು ಹಾಲು ವಿತರಕರಿಗೆ ಸಾಲ ಬಿಡುಗಡೆ ಮಾಡುವ ವಿಶೇಷ ಸಾಲ ಮೇಳಾ “ಮೇ ಬಿ ಡಿಜಿಟಲ್ ಮತ್ತು ಸ್ವ ನಿಧಿ ಸೇ ಸಮೃದ್ಧಿ ಕಾರ್ಯಕ್ರಮವವನ್ನು ಸಂಸದ ಬಿ.ವೈ.ರಾಘವೇಂದ್ರ ಉದ್ಘಾಟಿಸಿದರು.

Department of Skill Development ಶಾಸಕ ಎಸ್.ಎನ್.ಚನ್ನಬಸಪ್ಪ, ಶಿವಮೊಗ್ಗ ಮಹಾನಗರ ಪಾಲಿಕೆ ಮೇಯರ್ ಶಿವಕುಮಾರ್, ಉಪ ಮೇಯರ್ ಲಕ್ಷ್ಮೀ ಶಂಕರ್ ನಾಯ್ಕ್, ಮಹಾನಗರ ಪಾಲಿಕೆ ಆಯುಕ್ತ ಮಾಯಣ್ಣ ಗೌಡ, ಜಿಲ್ಲಾ ಕೌಶಲ್ಯಾಭಿವೃದ್ಧಿ ಅಧಿಕಾರಿ ಸುರೇಶ್, ಭಾರತೀಯ ಸ್ಟೇಟ್ ಬ್ಯಾಂಕ್ ಪ್ರಾದೇಶಿಕ ವ್ಯವಸ್ಥಾಪಕ ವಿಜಯ್ ಸಾಯಿ .ಒ, ವ್ಯವಸ್ಥಾಪಕ ಅಮರನಾಥ್, ಕೆನರಾ ಬ್ಯಾಂಕ್, ಜಿಲ್ಲಾ ಮಾರ್ಗದರ್ಶಿ ಬ್ಯಾಂಕ್, ಶಿವಮೊಗ್ಗ, ಡೇ-ನಲ್ಮ್ ಇಲಾಖೆಯ ರಾಜ್ಯ ಅಭಿಯಾನ ವ್ಯವಸ್ಥಾಪಕ ಜಿತೇಂದ್ರ ಕುಮಾರ್ ಮತ್ತು ಟಿ.ವಿ.ಸಿ. ಸಮಿತಿ ಸದಸ್ಯರುಗಳು, ಡೇ-ನಲ್ಮ್ ಸಿಎಒ ಅನುಪಮ, ಟಿ.ಆರ್., ಸಿಒ ರತ್ನಾಕರ್ ಹಾಗೂ ಆರೀಫ್, ಸಿಬ್ಬಂಧಿಗಳು ಹಾಜರಿದ್ದರು. 65 ದಿನಪತ್ರಿಕೆ ವಿತರಕರಿಗೆ ಸಾಲ ವಿತರಣೆ, ಮತ್ತು ಕ್ಯೂಆರ್ ಕೋಡ್ ನೀಡಲಾಯಿತು.

Kuvempu University ಗಣರಾಜ್ಯೋತ್ಸವ ಪಥಸಂಚಲನ ಆಯ್ಕೆಗೆ ಹೊರಟ ಕುವೆಂಪು ವಿವಿ ಎನ್ಎಸ್ಎಸ್ ತಂಡ

0

Kuvempu University ಕುವೆಂಪು ವಿಶ್ವವಿದ್ಯಾಲಯದಿಂದ ರಾಜ್ಯಮಟ್ಟದ ಗಣರಾಜ್ಯೋತ್ಸವ ಪಥ ಸಂಚಲನದಲ್ಲಿ ಭಾಗವಹಿಸಲು ಆಯ್ಕೆಗೆ ಹೊರಟಿರುವ ಸ್ವಯಂಸೇವಕರುಗಳಾದ ಓಂಕಾರ್ ಎಸ್. ಎಸ್, ಲಿಂಗರಾಜ್ ಎಂ.ಎಲ್, ಹರ್ಷವರ್ಧನ ಹೆಚ್. ಎಂ, ದರ್ಶನ್ ಕೆ ಇವರುಗಳಿಗೆ ಕುವೆಂಪು ವಿಶ್ವವಿದ್ಯಾಲಯದ ವತಿಯಿಂದ ಕುಲಪತಿಗಳಾದ ಪ್ರೊ, ವೆ೦ಕಟೇಶ್ ಮತ್ತು ಕುಲಸಚಿವರಾದ ಶ್ರೀ ಸ್ನೇಹಲ್ ಸುಧಾಕರ್ ಲೋಖ೦ಡೆ ಹಾಗೂ ಎನ್.ಎಸ್.ಎಸ್. ಕಾರ್ಯಕ್ರಮ ಸ೦ಯೋಜನಾಧಿಕಾರಿಗಳಾದ ಡಾ. ನಾಗರಾಜ ಪರಿಸರ ಇವರು ಶುಭ ಹಾರೈಕೆಗಳನ್ನು ತಿಳಿಸಿರುವರು.