Tuesday, November 17, 2026
Tuesday, November 17, 2026
Home Blog Page 1427

Mother’s Day ಅಮ್ಮ ನನ್ನ ಎದೆಯಾಳ ನೀನೆ…!

0

Mother’s Day ಇಂದು ವಿಶ್ವ ಅಮ್ಮಂದಿರ ದಿನ. ಅಮ್ಮನ ಮಮತೆಗೆ ಹೃದಯವೇ ಕನ್ನಡಿ. ಅಮ್ಮ ಎಂದರೆ ವ್ಯಕ್ತಿಯಲ್ಲ ಅದೊಂದು ವ್ಯಕ್ತಿತ್ವ. ಅಮ್ಮನ ಪ್ರೀತಿ ಎಲ್ಲ ಪ್ರೀತಿಯನ್ನು ಮೀರಿಸುವ ಅತ್ಯಮೂಲ್ಯ ಪ್ರೀತಿ. ಅಮ್ಮನ ಪ್ರೀತಿಯೇ ಹಾಗೆ…

ಮಗು ಗರ್ಭದಲ್ಲಿ ಇದ್ದಾಗಲೇ, ಆಕೆ ತನ್ನ ಮಗುವನ್ನ ಪ್ರೀತಿಸಲು ಆರಂಭಿಸುತ್ತಾಳೆ. ಆ ಮಗು ಬೆಳೆದು ದೊಡ್ಡವರಾದರೂ ಕೂಡ ಅವರ ಪ್ರತಿಯೊಂದು ಹೆಜ್ಜೆಯಲ್ಲಿ ಹುಮ್ಮಸ್ಸು ನೀಡಿ ಹಾರೈಸುತ್ತಾಳೆ.

ಅಮ್ಮನೇ ಹಾಗೆ ಮಮತಾ ಸ್ವರೂಪಿ. ಆಕೆಯ ಎದೆಯೊಳಗಿನ ಮಮತೆಯ ಚಿಲುಮೆ ಎಂದೂ ಆರೋದಿಲ್ಲ. ಪೀಳಿಗೆಯಿಂದ ಪೀಳಿಗೆ ಬದಲಾದರೂ ಅಮ್ಮ ಎನ್ನುವ ವ್ಯಕ್ತಿತ್ವ ಎಂದಿಗೂ ಬದಲಾಗುವುದಿಲ್ಲ. ಅಮ್ಮ ಎಂಬ ಶಬ್ದ ಅದು ಹೊರ ಹಾಕುವ ಭಾವನೆಗಳಿಗಿರುವ ಶಕ್ತಿ ಅಗಾಧ. ಪ್ರತಿಯೊಂದು ತಾಯಿ ಕೂಡ ಶ್ರೀಮಂತ, ಬಡವ ತಾಯಿಯಾದರು ಕೂಡ ತನ್ನ ಮಗುವನ್ನು ತನಗಿಂತಲೂ ಹೆಚ್ಚು ಪ್ರೀತಿಸುವ ಜೀವಿ.

ಆಪ್ಪನೆಂದರೆ ಆಕಾಶ ಎಂದರು ನಮ್ಮ ಕವಿಗಳೊಬ್ಬರು.
ನಾನು ಹೇಳುವೆ
ಅಮ್ಮನೆಂದರೆ
ಆಕಾಶದ ತಾರೆಗಳ
ಹೊಳಪನ್ನ
ನಮಗುಣ್ಣಿಸುವವಳು.
ಮತ್ತಷ್ಟೇ ಮಿರುಗುವ
ನಾಳೆಗಳ ಕಟ್ಟಿಕೊಡುವವಳು.
ಅಮ್ಮ ನಿನಗೆ
ಯಾರು ಸಾಟಿ.
Mother’s Day ಅಮ್ಮನಿಗೆ ಅಮ್ಮನೇ.

ಕೆ ಲೈವ್ ನ್ಯೂಸ್ ಬಳಗ ವತಿಯಿಂದ ಸಮಸ್ತ ತಾಯಿಯಂದಿರಿಗೆ ವಿಶ್ವ ಅಮ್ಮಂದಿರ ದಿನದ ಶುಭಾಶಯಗಳು…

2023 Election Result ಶ್ರೀಮತಿ ಶಾರದಾ ಪೂರ್ಯಾನಾಯ್ಕ್ ಗೆದ್ದ ಮತಗಳ ಅಂತರವೆಷ್ಟು?

0

2023 Election Result  ಶಿವಮೊಗ್ಗ ಗ್ರಾಮಾಂತರ ಕ್ಷೇತ್ರದ ಫಲಿತಾಂಶ ಹೊರಬಿದ್ದಿದೆ. ಈ ಫಲಿತಾಂಶದಲ್ಲಿ ಜೆಡಿಎಸ್ ಪಕ್ಷದ ಅಭ್ಯರ್ಥಿಯಾದ ಶಾರದಾ ಪೂರ್ಯ ನಾಯ್ಕ್ ಅವರು ಗೆಲುವು ಸಾಧಿಸಿದ್ದಾರೆ.

2023 Election Result  ಶಾರದಾ ಪೂರ್ಯ ನಾಯ್ಕ್ ಅವರು ಒಟ್ಟು 86,340 ಮತಗಳನ್ನ ಗಳಿಸಿದ್ದಾರೆ. ಇವರ ಪ್ರತಿಸ್ಪರ್ಧಿಯಾಗಿ ಬಿಜೆಪಿ ಅಭ್ಯರ್ಥಿ ಕೆ ಬಿ ಅಶೋಕ್ ನಾಯ್ಕ್ ಅವರು 71,198 ಮತಗಳನ್ನು ಗಳಿಸಿದ್ದಾರೆ. ಇವರಿಬ್ಬರ ನಡುವೆ 15,142 ಅಂತರದಲ್ಲಿ ಶಾರದಾ ಪೂರ್ಯ ನಾಯ್ಕ್ ಗೆಲುವನ್ನು ಸಾಧಿಸಿದ್ದಾರೆ.

Happy Mother’s Day 2023 ಅಮ್ಮ ದೇವರಿಗಿಂತ..?

0

Happy Mother’s Day 2023 ಸಮಸ್ತ ತಾಯಂದಿರಿಗೂ ಮತ್ತು ನಿಮಗೂ “ವಿಶ್ವ ಅಮ್ಮಂದಿರ ದಿನದ ಹಾರ್ದಿಕ ಶುಭಕಾಮನೆಗಳು”

ಇದು ಮಾತೆಯ ಭವ್ಯ ಮಹಿಮೆಯ ಮಾರ್ದನಿಸುವ ಕವಿತೆ. ಮಾತೃಪ್ರಭೆಯ ದಿವ್ಯ ಹೊಂಗಿರಣಗಳ ಬಿಂಬಿಸುವ ಭಾವಪ್ರಣತೆ. ಅಮ್ಮನೆಂಬ ಅಪೂರ್ವ ಜೀವಕ್ಕೆ, ಮುಕ್ಕೋಟಿ ದೇವತೆಗಳಿಗಿಂತ ಮಿಗಿಲಾದ ದೈವಕ್ಕೆ ಅಂತರಾಳದ ಅನಂತ ನಮನಗಳೊಂದಿಗೆ ಅರ್ಪಿಸಿದ ಅಕ್ಷರ ಪ್ರಣತೆ” – ಪ್ರೀತಿಯಿಂದ ಎ.ಎನ್.ರಮೇಶ್.ಗುಬ್ಬಿ.

ಅಮ್ಮ ದೇವರಿಗಿಂತ..?

ನವಮಾಸ ಒಡಲೊಳಗೆ ಹೊತ್ತವಳು
ನನ್ನ ಹುಟ್ಟಿಗಾಗಿ ಹಂಬಲಿಸಿ ತಪಿಸಿ
ನನಗಾಗಿ ಜೀವವನೇ ಪಣವಾಗಿಟ್ಟು
ಸಹಸ್ರ ನೋವ ಸಹಿಸಿ ಹೆತ್ತವಳು.
ನನಗಾಗಿ ಸತ್ತು ಸತ್ತು ಹುಟ್ಟಿದವಳು
ಅಮ್ಮ ದೇವರಿಗಿಂತ ಹೆಚ್ಚಂತೆ ಹೌದೆ.?

ಹೊತ್ತೊತ್ತಿಗೆ ತುತ್ತಿಟ್ಟು ಸಲಹಿದವಳು
ನನ್ನಯ ತೇಗು ತೃಪ್ತಿಯಲಿ ತನ್ನೆಲ್ಲಾ
ಹಸಿವು ಸಂಕಟ ಮರೆತು ನಕ್ಕವಳು
ಒಮ್ಮೊಮ್ಮೆ ದೇವರನೇ ಉಪವಾಸವಿಟ್ಟು
ನನ್ನುದರ ನರಳದಂತೆ ತಣಿಸಿದವಳು.!
ಅಮ್ಮ ದೇವರಿಗಿಂತ ಹೆಚ್ಚಂತೆ ಹೌದೆ.?

ನನಗೆ ಬಟ್ಟೆಯುಡಿಸಿ ಸಂಭ್ರಮಿಸಿದವಳು
ಬಣ್ಣ ಬಣ್ಣದ ವಸ್ತ್ರ ತೊಡಿಸಿದವಳು
ಬಗೆ ಬಗೆಯಾಗಿ ನನ್ನ ಸಿಂಗರಿಸಿದವಳು
ಕೃಷ್ಣನಾ ವೇಷ ಭೂಷಣಗಳ ಹಾಕಿ
ನನ್ನನ್ನೇ ದೇವರಾಗಿಸಿ ಬೀಗಿದವಳು
ಅಮ್ಮ ದೇವರಿಗಿಂತ ಹೆಚ್ಚಂತೆ ಹೌದೆ.?

ಮಳೆಗೆ ಸೆರಗು ಹೊದೆಸಿ ರಕ್ಷಿಸಿದವಳು
ಚಳಿಗೆ ಮಡಿಲೊಳಗಿಟ್ಟು ಪೊರೆದವಳು
ಗಾಳಿಗೆ ಎದೆಗವುಚಿಕೊಂಡು ನಿಂತವಳು
ಬೆಂಕಿ ಸೋಕದಂತೆ ನೋಡಿಕೊಂಡವಳು
ಕತ್ತಲಲಿ ಬೆಚ್ಚದಂತೆ ಇರುಳೆಲ್ಲ ಕಾದವಳು
ಅಮ್ಮ ದೇವರಿಗಿಂತ ಹೆಚ್ಚಂತೆ ಹೌದೆ.?

Happy Mother’s Day 2023 ಕೇಳುವುದಾದರೂ ಯಾರನ್ನು ಹೇಳಿ.?
ಅವಳನ್ನೇ ಕೇಳಿದರೆ “ಮುದ್ದು ಗೋಪಾಲ”
ಎಂದು ಬೊಚ್ಚು ಬಾಯಗಲಿಸಿ ನಗುತ್ತಾಳೆ
ಯಶೋಧೆ-ಕೃಷ್ಣರ ಚಿತ್ರ ತೋರಿಸುತ್ತಾಳೆ
ನಡುಗುವ ಕರಗಳಿಂದ ಶಿರ ನೇವರಿಸುತ್ತಾಳೆ
ನರನರದಲ್ಲು ಸಹಸ್ರ ವರ ಸ್ಫುರಿಸುತ್ತಾಳೆ.!

ಕವಿ: ಎ.ಎನ್.ರಮೇಶ್. ಗುಬ್ಬಿ.

Karnataka election news:  ಈಗ ಬಿಜೆಪಿ ದಕ್ಷಿಣ ಭಾರತ ಮುಕ್ತ- ಮಲ್ಲಿಕಾರ್ಜುನ ಖರ್ಗೆ

0

Karnataka election news:  ರಾಜ್ಯ ವಿಧಾನ ಸಭೆಗೆ ನಡೆದ ಚುನಾವಣೆಯಲ್ಲಿ ಕಾಂಗ್ರೆಸ್ ಜಯಭೇರಿ ಬಾರಿಸಿದೆ.
135 ಸ್ಥಾನಗಳನ್ನ ಗೆದ್ದಿದೆ. 66 ಸ್ಥಾನಗಳಿಗೆ ಬಿಜೆಪಿ ತೃಪ್ತಿಪಟ್ಟುಕೊಳ್ಳಬೇಕಾಗಿದೆ.
ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಕಚೇರಿಯಲ್ಲಿ ಮಾಧ್ಯಗೋಷ್ಠಿಯಲ್ಲಿ ಎಐಸಿಸಿ ಅಧ್ಯಕ್ಷ
ಹಿರಿಯ ಮಲ್ಲಿಕಾರ್ಜುನ ಖರ್ಗೆ ಸಿಹಿ ಹಂಚಿ ತಮ್ಮ ಸಂತೋಷ ಹಂಚಿಕೊಂಡರು.
ಈ ಮುಂಚರ ಬಿಜೆಪಿ ಪಕ್ಷದ ಮುಖಂಡರು ಕಾಂಗ್ರೆಸ್ ಮುಕ್ತ ಭಾರತ ಎಂದು ಹೇಳುತ್ತಿದ್ದರು. ಅದು ಸಾಧ್ಯವಾಗಲಿಲ್ಲ. ಈಗ ಬಿಜೆಪಿಯೇ ದಕ್ಷಿಣ ಭಾರತ ಮುಕ್ತವಾಗಿದೆ ಎಂದು ತಿಳಿಸಿದರು.
ಪ್ರಣಾಳಿಕೆಯಲ್ಲಿನ ಭರವಸೆಗಳನ್ನ ಸರ್ಕಾರ ರಚನೆಯಾದ ಕೂಡಲೇ ಜಾರಿಗೆ ತರುವ ಬಗ್ಗೆ ಗಮನಕೊಡಿ ಎಂದು ರಾಜ್ಯ ಕಾಂಗ್ರೆಸ್ ಪಕ್ಷಕ್ಕೆ ಸಲಹೆ ಮಾಡಿದರು.
ಮಾಜಿ ಮುಖ್ಯ ಮಂತ್ರಿ ಸಿದ್ದರಾಮಯ್ಯ ಅವರು ಕೊಟ್ಡಿರುವ ಭರವಸೆಗಳಲ್ಲಿ ಐದನ್ನು ಕ್ಯಾಬಿನೆಟ್ ರಚನೆಯಾದ ದಿನವೇ ಜಾರಿಗೆ ಆದೇಶ ಮಾಡುವುದಾಗಿ ಹೇಳಿದರು.
ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್

Karnataka election news: ಈ ಬಾರಿಚುನಾವಣೆಯ ಗೆಲುವು ಇಡೀ ಕರ್ನಾಟಕ ಜನತೆಯ ಗೆಲುವು.
ಭ್ರಷ್ಟಾಚಾರದ ವಿರುದ್ಧ ಜನಾಕ್ರೋಶವಿತ್ತು .
ಜನತೆ ಕಾಂಗ್ರೆಸ್ ಪಕ್ಷಕ್ಕೆ ಬಹುಮತ ನೀಡಿ ಆಶೀರ್ವದಿಸಿದೆ ಎಂದರು.
ರಾಜ್ಯ ಉಸ್ತುವಾರಿ ಸುರ್ಜೆವಾಲಾ ಅವರು ಸೋನಿಯಾ ಗಾಂಧಿ, ರಾಹುಲ್ ಗಾಂಧಿ,ಪ್ರಿಯಾಂಕ ವಾದ್ರಾ ಅವರಿಗೆ ವಿಶೇಷ ಕೃತಜ್ಞತೆ ಸಲ್ಲಿಸಿದರು.

Basavaraj Bommai ಸೋಲಿನ ಹೊಣೆ ನನ್ನದೆ- ಬಸವರಾಜ ಬೊಮ್ಮಾಯಿ

0

Basavaraj Bommai ಕರ್ನಾಟಕದ ಜನತೆಯ ತೀರ್ಪನ್ನು ಗೌರವಿಸಿ, ಮುಖ್ಯಮಂತ್ರಿ ಸ್ಥಾನಕ್ಕೆ ಉಸ್ತುವಾರಿ ಸೀಎಂ ಬಸವರಾಜ ಬೊಮ್ಮಾಯಿ ಅವರು ರಾಜೀನಾಮೆ ಸಲ್ಲಿಸಿದರು.
ಮುಖ್ಯಮಂತ್ರಿ ಅವಧಿಯಲ್ಲಿ ಸಹಕರಿಸಿದ ಪ್ರತಿಯೊಬ್ಬರಿಗೂ ಬೋಮ್ಮಾಯಿ ಅವರು ಹೃದಯಾಂತರಾಳದಿಂದ ಧನ್ಯವಾದಗಳನ್ನು ಸಲ್ಲಿಸಿದ್ದಾರೆ
Basavaraj Bommai ಮಾಧ್ಯಮಗಳಿಗೆ ಹೇಳಿಕೆ ನೀಡಿದ ಮಾಜಿ ಮುಖ್ಯಮಂತ್ರಿಗಳು‌ಸೋಲಿನ ಹೊಣೆ ನಾನೇ ಹೊತ್ತುಕೊಳ್ಳುತ್ತೇನೆ ಎಂದಿದ್ದಾರೆ.

Karnataka Assembly Election Results 2023 ಬಿಜೆಪಿ ಪಕ್ಷಕ್ಕೀಗ ಆತ್ಮಾವಲೋಕನಕ್ಕೆ ಸಮಯ

0

Karnataka Assembly Election Results 2023 ಪ್ರತಿ ಚುನಾವಣೆಯಲ್ಲಿ ಸೋಲು ಗೆಲುವು ಸಹಜ. ಕಳೆದ ವಿಧಾನಸಭಾ ಚುನಾವಣೆಯ ಲ್ಲಿ ಬಿಜೆಪಿ ಪಕ್ಷ ಗೆಲುವನ್ನು ಸಾಧಿಸಿತ್ತು. ಆದರೆ, ಈ ಬಾರಿ ಕಾಂಗ್ರೆಸ್ ಪಕ್ಷ ಜಯಭೇರಿ ಬಾರಿಸಿದೆ.

ಪ್ರತಿ ಚುನಾವಣೆಯಲ್ಲಿಯೂ ಹೊಸ ಹೊಸ ಪ್ರಯೋಗಗಳ ಮುಖಾಂತರ ಟ್ರೆಂಡ್ ಸೃಷ್ಟಿಸುತ್ತಿದ್ದಂತಹ ಬಿಜೆಪಿ ಈ ಬಾರಿ ವಿಧಾನಸಭಾ ಚುನಾವಣೆಗೆ ಬಳಸಿದ ಕೆಲವು ಪ್ರಯೋಗಗಳು ಕೈ ಹಿಡಿದಿಲ್ಲ.

ಈ ಬಾರಿ ಚುನಾವಣೆಯಲ್ಲಿ ಬಿಜೆಪಿ 75 ಹೊಸ ಮುಖಗಳಿಗೆ ಅವಕಾಶಗಳನ್ನು ನೀಡಿತ್ತು. ಈ ಮುಖಾಂತರ ಹೊಸ ತಂಡವನ್ನು ರೂಪಿಸಲು ಒಂದು ಸಾಹಸಕ್ಕೆ ಕೈ ಹಾಕಿತ್ತು. ಆದರೆ ಈ ಪೈಕಿಯಲ್ಲಿ 13 ಜನ ಮಾತ್ರ ಗೆಲುವನ್ನು ಸಾಧಿಸಿದ್ದಾರೆ.

ಶ್ರೀ. ಕೆ ಎಸ್ ಈಶ್ವರಪ್ಪ ಪ್ರತಿನಿಧಿಸುತ್ತಿದ್ದಂತಹ ಶಿವಮೊಗ್ಗ ಕ್ಷೇತ್ರದಿಂದ ಚೆನ್ನಬಸಪ್ಪ ಅವರನ್ನು ಚುನಾವಣೆಯಲ್ಲಿ ಬಿಜೆಪಿ ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ದರು. ಈ ಪ್ರಯೋಗ ಫಲ ಲಭಿಸಿದೆ. ಆದರೆ ಬಹುಪಾಲು ಹೊಸ ಮುಖಗಳನ್ನು ಪರಿಚಯಿಸಿದ್ದರಿಂದ ಪಕ್ಷಕ್ಕೆ ಭಾರಿ ಹಿನ್ನಡೆ ಉಂಟು ಮಾಡಿದೆ.

ಇನ್ನೊಂದು ಕಡೆ ಕರಾವಳಿಯಲ್ಲಿ ಬಿಜೆಪಿಯ ಸಂಘಟನಾತ್ಮಕ ಕೇಂದ್ರವೆಂದೇ ಪ್ರಸಿದ್ಧಿ ಪಡೆದ ಪುತ್ತೂರಿನ ಕ್ಷೇತ್ರದಲ್ಲಿ ಕಮಲ ಪಕ್ಷ ಮುದುಡಿದೆ.

ಈ ಹಿಂದೆ ರಾಜಕೀಯ ಪಕ್ಷವು ಸಾಮಾಜಿಕ ಜಾಲತಾಣವನ್ನು ಗರಿಷ್ಠ ಪ್ರಮಾಣದಲ್ಲಿ ಹೇಗೆಲ್ಲಾ ಬಳಸಬಹುದು ಎಂಬುದಕ್ಕೆ ಬಿಜೆಪಿ ಮಾದರಿ ಎಂಬಂತಿತ್ತು. ರಾಜ್ಯದಲ್ಲಿ ಹಿಂದಿನ ಚುನಾವಣೆಗಳಲ್ಲಿಯೂ ಅದನ್ನು ಸಾಬೀತುಪಡಿಸಿತ್ತು. ಈ ಚುನಾವಣೆಯಲ್ಲಿ ಸಾಮಾಜಿಕ ಜಾಲತಾಣವನ್ನು ಕಾಂಗ್ರೆಸ್ ಲೀಲಾಜಾಲವಾಗಿ ಬಳಸಿಕೊಂಡು ಪಕ್ಷದ ಪರ ಅಲೆ ಸೃಷ್ಟಿಸಿಕೊಳ್ಳಲು ಯಶಸ್ವಿಯಾಗಿರುವುದು ವಿಶೇಷವೇ ಸರಿ.

ಪೇ ಸಿಎಂ ಎಂಬ ಅಭಿಯಾನ ಕಾಂಗ್ರೆಸ್ ಆರಂಭಿಸಿ, ನಿರೀಕ್ಷೆಗೂ ಮೀರಿ ಯಶಸ್ಸನ್ನ ಕಂಡಿದೆ.

Karnataka Assembly Election Results 2023 ಮಾಧ್ಯಮಗಳಲ್ಲಿ 40% ಸರ್ಕಾರದ ವಿರುದ್ಧ ಅನೇಕ ಜಾಹೀರಾತುಗಳ ಸೃಷ್ಟಿಯಾಗಿ ದ್ದವು. ಬಿಜೆಪಿ ಸರ್ಕಾರದ ಅನೇಕ ವೈಫಲ್ಯಗಳ ಬಗ್ಗೆ ದಿನನಿತ್ಯವೂ ಹಲವಾರು ಪೋಸ್ಟ್ ಗಳ ಮುಖಾಂತರ ಜನರಿಗೆ ಮನನ ಮಾಡಿಕೊಡುವ ಪ್ರಯತ್ನವನ್ನು ಕಾಂಗ್ರೆಸ್ ಪರಿಣಾಮಕಾರಿಯಾಗಿ ನಿರ್ವಹಿಸುತ್ತಲೇ ಬಂತು. ಈ ಎಲ್ಲಾ ಅಂಶಗಳು ನೆಟ್ಟಿಗರ ಮೇಲೆ ಪರಿಣಾಮವನ್ನು ಬೀರಿತು. ಆದ್ದರಿಂದ ಈ ಬಾರಿ ಕಮಲ ರಾಜ್ಯದಲ್ಲಿ ಮುದುಡಿರಬಹುದು ಎಂಬುದು ಕೆಲವರ ಪ್ರಶ್ನೆ… ಬಿಜೆಪಿ ಪಕ್ಷದ ಕೆಲವೊಂದು ಎಡವಟ್ಟುಗಳಿಂದಲೇ ಈ ಬಾರಿ ಗೆಲುವಿನ ಪತಾಕೆ ಹಾರಿಸಲು ಹಿಂದೆಟು ಹಾಕಿದೆ.

Thirthahalli Election Result 2023 ಐದನೇ ಬಾರಿಗೆ ಶಾಸಕರಾಗುವ ಅದೃಷ್ಟ ಪಡೆದ ಆರಗ ಜ್ಞಾನೇಂದ್ರ

0

Thirthahalli Election Result 2023 ತೀರ್ಥಹಳ್ಳಿ ವಿಧಾನಸಭಾ ಕ್ಷೇತ್ರದ ಚುನಾವಣಾ ಅಭ್ಯರ್ಥಿಗಳಾಗಿ ಬಿಜೆಪಿ ಪಕ್ಷದಿಂದ ಆರಗ ಜ್ಞಾನೇಂದ್ರ, ಕಾಂಗ್ರೆಸ್ ಪಕ್ಷದಿಂದ ಕಿಮ್ಮನೆ ರತ್ನಾಕರವರು ಚುನಾವಣಾ ಕಣದಲ್ಲಿ ಸ್ಪರ್ಧಿಸಿದ್ದರು.

ಇವರಲ್ಲಿ ಗೆಲುವು ಯಾರ ಕೈ ಸೇರುತ್ತದೆ ಎಂಬುವುದು ಮತದಾರರಲ್ಲಿ ಕುತೂಹಲವನ್ನು ಕೆರಳಿಸಿತ್ತು. ಇಬ್ಬರೂ ಸಹ ಚುನಾವಣಾ ಕಣದಲ್ಲಿ ಉತ್ತಮ ಪೈಪೋಟಿ ನೀಡಿದ್ದರು. ಕೊನೆಗೆ ವಿಧಾನಸಭಾ ಚುನಾವಣೆಯಲ್ಲಿ ಆರಗ ಜ್ಞಾನೇಂದ್ರ ಅವರು 84,563 ಮತ ಗಳಿಸಿದ್ದಾರೆ. ಎದುರಾಳಿ ಕಾಂಗ್ರೆಸ್ ಕಿಮ್ಮನೆ ರತ್ನಾಕರ್ ಅವರನ್ನು 12,241 ಮತಗಳ ಅಂತರದಲ್ಲಿ ಸೋಲಿಸಿ, ಗೆಲುವು ಪಡೆದಿದ್ದಾರೆ.

ತೀರ್ಥಹಳ್ಳಿ ಕ್ಷೇತ್ರದ ಸತತ 10ನೇ ಬಾರಿಗೆ ವಿಧಾನಸಭಾ ಚುನಾವಣೆ ಗೆ ಸ್ಪರ್ಧಿಸುವ ಮುಖಾಂತರ ರಾಜ್ಯ ರಾಜಕಾರಣದಲ್ಲಿ ಇತಿಹಾಸ ಸೃಷ್ಟಿಸಿದ ಆರೋಗ್ಯ ಜ್ಞಾನೇಂದ್ರ ಅವರು 5ನೇ ಬಾರಿ ಶಾಸಕರಾಗಿ ಆಯ್ಕೆಯಾಗಿದ್ದಾರೆ.

1983ರಲ್ಲಿ ತಮ್ಮ ಬಾರಿಗೆ ಸ್ಪರ್ಧಿಸಿದ ಆರಗ ಜ್ಞಾನೇಂದ್ರರವರು ಸುಮಾರು 40 ವರ್ಷ ವಿಧಾನಸಭೆ ಚುನಾವಣೆಯನ್ನು ಎದುರಿಸುತ್ತಿದ್ದಾರೆ.

Thirthahalli Election Result 2023 ಈ ಬಾರಿಯ ವಿಧಾನಸಭಾ ಚುನಾವಣೆಯಲ್ಲಿ ಭರ್ಜರಿ ಗೆಲುವನ್ನು ಸಾಧಿಸುವ ಮೂಲಕ ಮತ್ತೊಮ್ಮೆ ಗೆಲುವಿನ ಮೆಟ್ಟಿಲನ್ನು ಏರಿದ್ದಾರೆ.

ಈ ಗೆಲುವಿನ ವಿಜಯೋತ್ಸವವನ್ನು ಕಾರ್ಯಕರ್ತರು ಮೆರವಣಿಗೆಯನ್ನು ಮಾಡುವ ಮುಖಾಂತರ ಗೆಲುವಿನ ಹರ್ಷವನ್ನು ವ್ಯಕ್ತಪಡಿಸಿದರು. ಪಟಾಕಿ ಸಿಡಿಸಿ ಕಾರ್ಯಕರ್ತರು ಕುಣಿದು ಕುಪ್ಪಳಿಸಿದರು.

Shivamogga Rural Assembly Election Results 2023 ಜನರ ನಂಬಿಕೆಗೆ ದ್ರೋಹ ಮಾಡದೇ ಅಭಿವೃದ್ದಿಗೆ ಪ್ರಾಮಾಣಿಕವಾಗಿ ಶ್ರಮಿಸುವೆ- ಶಾರದಾ ಪೂರ್ಯಾನಾಯ್ಕ್

0

Shivamogga Rural Assembly Election Results 2023 ಶಿವಮೊಗ್ಗ ಗ್ರಾಮಾಂತರ ಕ್ಷೇತ್ರದ ಜನರು ನೀಡಿದ ಪ್ರೀತಿ ಮತ್ತು ವಿಶ್ವಾಸಕ್ಕೆ ನಾನು ಸದಾ ಚಿರಋಣಿ ಎಂದು ಶಿವಮೊಗ್ಗ ಗ್ರಾಮಾಂತರ ಕ್ಷೇತ್ರದಿಂದ ಆಯ್ಕೆಯಾದ ಶಾರದಾ
ಪೂರ್ಯಾನಾಯ್ಕ್ ಅವರು ಹೇಳಿದ್ದಾರೆ.

ಶಿವಮೊಗ್ಗ ಗ್ರಾಮಾಂತರ ಕ್ಷೇತ್ರದಿಂದ ಆಯ್ಕೆಯಾದ ಶಾರದಾ ಪೂರಿಯ ನಾಯ್ಕ ಅವರು ಗೆಲುವಿನ ಸಂಭ್ರಮವನ್ನು ಹಂಚಿಕೊಂಡರು.

ಚುನಾವಣಾ ಪೂರ್ವದಲ್ಲಿ ಗ್ರಾಮಾಂತರ ಕ್ಷೇತ್ರಾದ್ಯಂತ ಸಂಚರಿಸಿ ಮತದಾರರಲ್ಲಿ ಮಾಡಿಕೊಂಡ ಮನವಿ ಜನರ ಮನ ಮುಟ್ಟಿದೆ. ಪಕ್ಷದ ಕಾರ್ಯಕರ್ತರು ಹಾಗೂ ಅಭಿಮಾನಿಗಳು ಸ್ವಯಂ ಪ್ರೇರಿತರಾಗಿ ಪ್ರಚಾರ ಕಾರ್ಯದಲ್ಲಿ ತೊಡಗಿಸಿಕೊಂಡು ಪಕ್ಷದ ಪರವಾಗಿ ಅವಿರತವಾಗಿ ಶ್ರಮಿಸಿದ ಪರಿಣಾಮ ನಮಗೆ ಜಯ ಸಿಕ್ಕಿದೆ. ಕ್ಷೇತ್ರ ಜನರು ಬೆಂಬಲ ನೀಡಿದ್ದು ಅವರು ನನ್ನ ಮೇಲೆ ಇಟ್ಟಿರುವ ನಂಬಿಕೆಗೆ ದ್ರೋಹ ಮಾಡದೆ ಪ್ರಾಮಾಣಿಕವಾಗಿ ಅಭಿವೃದ್ಧಿಗೆ ಶ್ರಮಿಸುತ್ತೇನೆ ಎಂದರು.

Shivamogga Rural Assembly Election Results 2023 ಶಿವಮೊಗ್ಗ ಗ್ರಾಮಾಂತರ ಕ್ಷೇತ್ರದ ಫಲಿತಾಂಶ ಹೊರಬೀಳುತ್ತಿದ್ದಂತೆಯೇ ಜೆಡಿಎಸ್ ಕಾರ್ಯಕರ್ತರು ಹಾಗೂ ಶಾರದ ಪೂರ್ಯಾನಾಯ್ಕ್ ಅವರನ್ನು ಅವರ ಅಭಿಮಾನಿಗಳು ಕ್ಷೇತ್ರಾದ್ಯಂತ ವಿಜಯೋತ್ಸವವನ್ನು ಆಚರಿಸಿದರು.

H Halappa Harathalu ಸೋಲಿನಲ್ಲಿ ಜನರ ತಪ್ಪನ್ನ ಹುಡುಕಬಾರದುಅವರನ್ನ ಗೌರವಿಸಬೇಕು-ಹರತಾಳು ಹಾಲಪ್ಪ

0

H Halappa Harathalu ರಾಜ್ಯಾದ್ಯಂತ ಪಕ್ಷ ಸೋತಿರುವ ಈ ಸಮಯದಲ್ಲಿ ಕಾರ್ಯಕರ್ತರು ಧೃತಿಗೆಡಬಾರದು. ಸೋಲನ್ನು ಸವಾಲಾಗಿ ಸ್ವೀಕರಿಸೋಣ ಎಂದು ಸಾಗರ ಕ್ಷೇತ್ರದ ಪರಾಜಿತ ಅಭ್ಯರ್ಥಿ ಹರತಾಳು ಹಾಲಪ್ಪ ಅವರು ಹೇಳಿದರು.

ಸಾಗರದಲ್ಲಿ ಬಿಜೆಪಿ ಕಚೇರಿಯಲ್ಲಿ ಆಯೋಜಿಸಿದ್ದ ಮತದಾರರು, ಕಾರ್ಯಕರ್ತರಿಗೆ ಅಭಿನಂದನಾ ಸಮಾರಂಭದಲ್ಲಿ ಮಾತನಾಡಿದರು. ಸಮಾಧಾನವಾಗಿ ಸ್ವೀಕರಿಸಬೇಕು. ಅಂಬೇಡ್ಕರ್, ಪ್ರಧಾನಿಯಾಗಿದ್ದಂತಹ ವಾಜಪೇಯಿ, ನಮ್ಮ ನಾಯಕರಾದ ಬಂಗಾರಪ್ಪ, ಯಡಿಯೂರಪ್ಪ, ಕಾಗೋಡು ತಿಮ್ಮಪ್ಪ, ದೇವೇಗೌಡ ರು, ಈಶ್ವರಪ್ಪ ಈ ಮೊದಲಾದ ದಿಗ್ಗಜರೆಲ್ಲರೂ ಚುನಾವಣೆಯಲ್ಲಿ ಸೋಲನ್ನ ಅನುಭವಿಸಿದ್ದರೂ ಜನರೊಂದಿಗೆ ಇದ್ದು ಹೋರಾಡಿದವರು. ಆದ್ದರಿಂದ ಜನರ ತೀರ್ಪನ್ನು ಗೌರವಿಸೋಣ ಎಂದು ತಿಳಿಸಿದರು.

H Halappa Harathalu ಎದುರಾಳಿಗಳ ಪ್ರಚೋದನೆಗೆ ತಲೆಕೆಡಿಸಿಕೊಳ್ಳಬೇಡಿ. ಸಮಾಧಾನದಿಂದ ವ್ಯವಹರಿಸಿ. ಜೊತೆಯಲ್ಲಿ ಸೋಲಿನಲ್ಲಿ ಜನರ ತಪ್ಪನ್ನು ಹುಡುಕಬಾರದು. ಅವರನ್ನ ಗೌರವಿಸಬೇಕು. ಬಿಜೆಪಿಗೆ 72,000 ಮತ ನೀಡಿದ ಮತದಾರರಿಗೆ ಅಭಿನಂದನೆ. ಕ್ಷೇತ್ರದ ಮತದಾರರು 5 ವರ್ಷದ ಅವಧಿಯಲ್ಲಿ ಕೆಲಸ ಮಾಡಲು ಅವಕಾಶ ನೀಡಿದ್ದರು. ನನ್ನ ಕೈಲಾದಷ್ಟು ಅಭಿವೃದ್ಧಿ ಮಾಡಿದ್ದೇನೆ. ಚುನಾವಣೆಯಲ್ಲಿ ಸೋತಿರುವುದಕ್ಕೆ ಪಲಾಯನ ಮಾಡುವ ಪ್ರಶ್ನೆಯೇ ಇಲ್ಲ. ಸೋತವರು ಸಹನೆಯಿಂದ ಇರಬೇಕು. ಪ್ರಜಾಪ್ರಭುತ್ವ ವ್ಯವಸ್ಥೆಯಲ್ಲಿ ಸೋಲು ಗೆಲುವು ಸಹಜ ಎಂದು ಹೇಳಿದರು.

Karnataka Elections 2023 ಪಕ್ಷ ಬದಲಿಸಿದ ಶೆಟ್ಟರ್ ಗೆ ಪಾಠ ಕಲಿಸಿದ ಮತದಾರರು

0

Karnataka Elections 2023 ಬಿಜೆಪಿಯಿಂದ ಕಾಂಗ್ರೆಸ್ ಗೆ ಪಕ್ಷಾಂತರಗೊಂಡಿದ್ದ ಜಗದೀಶ್ ಶೆಟ್ಟರ್ ಅವರು ಸೋಲನಪ್ಪಿದ್ದಾರೆ.

ಇವರ ಪ್ರತಿಸ್ಪರ್ತಿ ಬಿಜೆಪಿ ಅಭ್ಯರ್ಥಿ ಮಹೇಶ್ ಟೆಂಗಿ ನಕಾಯಿ ಸುಮಾರು 35 ಕ್ಕೂ ಸಾವಿರ ಮತಗಳ ಅಂತರದಲ್ಲಿ ಗೆಲುವು ಸಾಧಿಸಿದ್ದಾರೆ. ತಮ್ಮನ್ನು ಸರಿಯಾಗಿ ನಡೆಸಿಕೊಂಡಿಲ್ಲ. ಕೊನೆಗಳಿಗೆ ಪಕ್ಷ ಬದಲಿಸಿದ ಮಾಜಿ ಸಿಎಂ ಜಗದೀಶ್ ಶೆಟ್ಟರ್ ಅವರು ಸೋಲನ್ನ ಅನುಭವಿಸಿದ್ದಾರೆ.

Karnataka Elections 2023 ಹುಬ್ಬಳ್ಳಿ -ಧಾರವಾಡ ಕೇಂದ್ರ ಕ್ಷೇತ್ರವು ಧಾರವಾಡ ಜಿಲ್ಲೆಯ ಮಾತ್ರವಲ್ಲದೆ ಕರ್ನಾಟಕದ ಪ್ರಮುಖ ಕ್ಷೇತ್ರಗಳಲ್ಲಿ ಒಂದಾಗಿದೆ. ಮಾಜಿ ಮುಖ್ಯಮಂತ್ರಿ ಜಗದೀಶ್ ಶೆಟ್ಟರ್ ಇಲ್ಲಿ ಸತತವಾಗಿ ಆಯ್ಕೆಯಾಗುತ್ತಲೇ ಬಂದಿದ್ದಾರೆ. 2018ರಲ್ಲಿ ಜಗದೀಶ್ ಶೆಟ್ಟರ್ ಅವರು ಬಿಜೆಪಿಯಿಂದ ಸ್ಪರ್ಧಿಸಿದ್ದರು. ಜಯ ಕೂಡ ಗಳಿಸಿದ್ರು. ಆದರೆ ಈ ಬಾರಿ ಬಿಜೆಪಿ ಪಕ್ಷದಿಂದ ಟಿಕೆಟ್ ದೊರೆತಿಲ್ಲವೆಂದು ಕಾಂಗ್ರೆಸ್ಗೆ ಪಕ್ಷಾಂತರ ಮಾಡಿದ್ದರಿಂದ ಈ ಬಾರಿ ಸೋಲನ್ನು ಅನುಭವಿಸಿದ್ದಾರೆ.