Thursday, November 19, 2026
Thursday, November 19, 2026
Home Blog Page 1096

Kayaka Ratna Award ಶಿವಮೊಗ್ಗ ಜಿಲ್ಲೆಯ ಕೆ.ಜಿ.ಶ್ರೀಧರ್ ಪಾಟೀಲರಿಗೆ ಕಾಯಕ ರತ್ನ ಶ್ರೀ ಶಿವಕುಮಾರ ಸ್ವಾಮಿ ಪ್ರಶಸ್ತಿ

0

Kayaka Ratna Award ಭದ್ರಾವತಿ ತಾಲೂಕು ಹನುಮಂತಾಪುರ ಗ್ರಾಮದ ಕೆ.ಜಿ.ಫಾರಂ ವಾಸಿ ತಾಲೂಕು ತರಳಬಾಳು ಯುವ ವೇದಿಕೆ ಅಧ್ಯಕ್ಷರಾದ ಕೆ.ಜಿ.ಶ್ರೀಧರ್ ಪಾಟೀಲ ಅವರನ್ನು ಕಾಯಕರತ್ನ ಶ್ರೀ ಶಿವಕುಮಾರ್ ಸ್ವಾಮಿ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.

ತುಮಕೂರಿನ ನಡೆದಾಡುವ ದೇವರು ಸೇವಾ ಟ್ರಸ್ಟ್ ವತಿಯಿಂದ ಬೆಂಗಳೂರಿನಲ್ಲಿ ಕನ್ನಡ ಸಾಹಿತ್ಯ ಪರಿಷತ್ ಶ್ರೀಕೃಷ್ಣರಾಜ ಸಭಾಂಗಣದಲ್ಲಿ ಭಾನುವಾರ ಏರ್ಪಡಿಸಿದ್ದ ಕರ್ನಾಟಕರತ್ನ ಪರಮಪೂಜ್ಯ ಡಾ.ಶಿವಕುಮಾರ್ ಮಹಾಸ್ವಾಮಿ ಅವರ 5ನೇ ವರ್ಷದ ಪುಣ್ಯಸ್ಮರಣೆ ಕರ‍್ಯಕ್ರಮದಲ್ಲಿ ಪ್ರಶಸ್ತಿ ಪ್ರಧಾನ ಮಾಡಲಾಯಿತು.

Kayaka Ratna Award ತಾಲೂಕು ತರಳಬಾಳು ಯುವ ವೇದಿಕೆ, ಕೈಮರ ಗ್ರಾಮದ ಡಾ.ಪುನೀತ್ ರಾಜಕುಮಾರ್ ಅಪ್ಪು ಅಭಿಮಾನಿ ಬಳಗದ ಅಧ್ಯಕ್ಷರು, ಸರ್ವೋದಯ ನಗರ ಲಯನ್ಸ್ ಕ್ಲಬ್ ಮಾಜಿ ಅಧ್ಯಕ್ಷರು, ಡಿಸ್ಟಿಕ್ ಚೇರ್ ಪರ್ಸನ್ ಆಗಿ ಹಲವಾರು ಸಮಾಜಮುಖಿ ಕರ‍್ಯದಲ್ಲಿ ನಿಸ್ವಾರ್ಥ ಸೇವೆ ಗುರುತಿಸಿ ಪ್ರಶಸ್ತಿಗೆ ಪಾತ್ರರಾಗಿದ್ದಾರೆ. ಕೆ.ಜಿ.ಫಾರಂನ ಕೆ.ಜಿ.ಜಗದೀಶ್ ಹಾಗೂ ಕಾಂತಮ್ಮ ದಂಪತಿ ಪುತ್ರರಾಗಿದ್ದಾರೆ.

Grama One ಜಿಲ್ಲೆಯಲ್ಲಿನ ಗ್ರಾಮ ಒನ್ ಕೇಂದ್ರಗಳಲ್ಲಿ ಖಾಲಿಯಿರುವ ಹುದ್ದೆಗಳಿಗೆ ನೇಮಕಾತಿಗೆ ಅರ್ಜಿ ಆಹ್ವಾನ

0

Grama One ಶಿವಮೊಗ್ಗ ಜಿಲ್ಲೆಯಲ್ಲಿ ಗ್ರಾಮ ಒನ್ ಕೇಂದ್ರಗಳಿಲ್ಲಿ ಖಾಲಿ ಇರುವ ಹುದ್ದೆಗಳಿಗೆ ಸೇವೆ ನೀಡಲು ಆಸಕ್ತಿ ಇರುವ ಅಭ್ಯರ್ಥಿಗಳಿಂದ ಆನ್‍ಲೈನ್ ಮೂಲಕ ಅರ್ಜಿ ಆಹ್ವಾನಿಸಲಾಗಿದೆ.

ಗ್ರಾಮ ಒನ್ ಯೋಜನೆ ಸರ್ಕಾರದ ಮಹತ್ವಕಾಂಕ್ಷಿಯ ಯೋಜನೆಯಾಗಿದ್ದು ಗ್ರಾಮೀಣ ಜನತೆಗೆ ವಿವಿಧ ಸೇವೆಗಳನ್ನು ಒದಗಿಸಲು ಏಕಗವಾಕ್ಷಿ ವ್ಯವಸ್ಥೆಯಾಗಿ ಕಾರ್ಯನಿರ್ವಹಿಸುತ್ತಿದೆ. ಸರ್ಕಾರಿ ಸೇವೆಗಳನ್ನು ಪಡೆಯಲು ಗ್ರಾಮೀಣ ಭಾಗದ ಜನರ ಅಲೆದಾಟ ತಪ್ಪಿಸುವ ನಿಟ್ಟಿನಲ್ಲಿ ಗ್ರಾಮ ಮಟ್ಟದಲ್ಲಿ ಆರಂಭಗೊಂಡ ಗ್ರಾಮ ಒನ್ ಯೋಜನೆಯು ಶಿವಮೊಗ್ಗ ಜಿಲ್ಲೆಯಲ್ಲಿ ಉತ್ತಮವಾಗಿ ಸ್ಪಂದನೆ ವ್ಯಕ್ತವಾಗುತ್ತಿದೆ.

Grama One ಈ ಯೋಜನೆಗೆ ಸಂಬಂಧಿಸಿದಂತೆ ಶಿವಮೊಗ್ಗ ಜಿಲ್ಲೆಯಲ್ಲಿ ಶಿವಮೊಗ್ಗ ಜಿಲ್ಲೆಯ ಭ್ರದ್ರಾವತಿ ತಾಲೂಕಿನ ಕೊಮ್ಮನಹಳ್ಳಿ -1, ಹೊಸನಗರ ತಾಲೂಕಿನ ತಿರ್ನಿವೆ -1, ಬೆಳ್ಳೂರು -1, ಸಾಗರ ತಾಲೂಕಿನ ತಳವಾಟ-1 ಮಾಳ್ವೆ- 1 ಚೆನ್ನಗೊಂಡ -1, ಕುದರೂರು -1, ಶಿಕಾರಿಪುರ ತಾಲೂಕಿನ ಅಂಬಾರಗೊಪ್ಪ -1 , ಶಿವಮೊಗ್ಗ ತಾಲೂಕಿನ ಗಾಜನೂರು-1, ಸೊರಬ ತಾಲೂಕಿನ- ಮುದ್ದಿದೊಡ್ಡಿಕೊಪ್ಪ-1 , ತೀರ್ಥಹಳ್ಳಿ ತಾಲ್ಲೂಕಿನ ಬಸವಾನಿ-1 ಆಗುಂಬೆ-1 ಹುದ್ದೆ ಖಾಲಿ ಇದ್ದು ಆಸಕ್ತರು ವೆಬ್‍ಸೈಟ್ https:/www.Karnatakaone.gov.in/Public/GramaOneFranchiseeTerms ನಲ್ಲಿ ದಿನಾಂಕ: 02-02-2024 ರಿಂದ 15-02-2024 ರವರೆಗೆ ಅರ್ಜಿ ಸಲ್ಲಿಸಬಹುದು ಎಂದು ಅಪರ ಜಿಲ್ಲಾಧಿಕಾರಿ ಸಿದ್ದಲಿಂಗ ರೆಡ್ಡಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

Akashavani Bhadravathi ವಜ್ರ ಮಹೋತ್ಸವದ ಅಂಗಳದಲ್ಲಿ ಆಕಾಶವಾಣಿ ಭದ್ರಾವತಿ

0

Akashavani Bhadravathi ಭದ್ರಾವತಿ ಆಕಾಶವಾಣಿ ಕೇಂದ್ರ ಆರಂಭವಾಗಿ 59ವರ್ಷ ಮುಗಿದು ಇದೀಗ 60ನೇ ವರ್ಷಕ್ಕೆ ಕಾಲಿಡುತ್ತಿದೆ. ಈ ವಜ್ರ ಮಹೋತ್ಸವದ ಆರಂಭಕ್ಕೆ
ಚಾಲನೆಕೊಡುವ 59ನೇ ವಾರ್ಷಿಕೋತ್ಸವ ಈ ತಿಂಗಳ 7ರಂದು, ಬುಧವಾರ ಬೆಳಿಗ್ಗೆ 11 ಗಂಟೆಯಿ0ದ 12ಗಂಟೆಯವರೆಗೆ ನಡೆಯಲಿದೆ.

ಆಕಾಶವಾಣಿ ಭದ್ರಾವತಿಯ (ಕಾಗದನಗರ) ಆವರಣದಲ್ಲಿ ಕೇಳುಗರೊಂದಿಗೆ ವಜ್ರಮಹೋತ್ಸವ ಆರಂಭದ ಸಂಭ್ರಮಾಚರಣೆಗೆ ಮುನ್ನುಡಿ ಹಾಕುವ
ವಿಶೇಷ ಕಾರ್ಯಕ್ರಮವನ್ನು ನೇರಪ್ರಸಾರದೊಂದಿಗೆ ಆಯೋಜಿಸಲಾಗಿದೆ.

ಈ ಸಂಭ್ರಮಕ್ಕೆ ಮುನ್ನುಡಿ ಹಾಡಲು ಕೇಳುಗರ ಆಗಮನವನ್ನು
ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯಕ್ರಮದಲ್ಲಿ ಕುವೆಂಪು ವಿಶ್ವವಿದ್ಯಾಲಯದ ಸಹಯೋಗದೊಂದಿಗೆ ವಿಶ್ವಜ್ಞಾನಿ ಡಾ. ಬಿ.ಆರ್.ಅಂಬೇಡ್ಕರ್ ಅವರ
ಕುರಿತು ಪ್ರಸಾರವಾದ ಉಪನ್ಯಾಸ ಸರಣಿಯ ಪ್ರಶ್ನೆಗೆ ಸರಿ ಉತ್ತರ ನೀಡಿದ ಕೆಲ ಕೇಳುಗರಿಗೆ ಪ್ರಶಸ್ತಿಪತ್ರವನ್ನು ಕುವೆಂಪು ವಿ ವಿ ಯ ಕುಲಪತಿಗಳಾದ
ಪ್ರೊ.ಎಸ್. ವೆಂಕಟೇಶ ಅವರು ವಿತರಿಸಲಿದ್ದಾರೆ.

Akashavani Bhadravathi ವಜ್ರಮಹೋತ್ಸವ ವರ್ಷಾಚರಣೆಯ ಆರಂಭದ ಸಮಾರಂಭಕ್ಕೆ ತಮ್ಮ ಆಗಮನ ಹಾಗೂ ಉಪಸ್ಥಿತಿಯನ್ನು ಆಕಾಶವಾಣಿ
ಸಿಬ್ಬಂದಿವರ್ಗವು ಆದರದಿಂದ ಬಯಸುತ್ತಿದೆ.

B. Y. Vijayendra ಸಂವಿಧಾನ ಜಾರಿಗೆ ತರಲು ಭಾರತ ರತ್ನ ಅಂಬೇಡ್ಕರ್ ಪಾತ್ರ ಅತ್ಯಂತ ಪ್ರಾಮುಖ್ಯ- ಬಿ.ವೈ.ವಿಜಯೇಂದ್ರ

0

B. Y. Vijayendra ಜಗತ್ತಿನಲ್ಲೇ ಅತ್ಯಂತ ಶ್ರೇಷ್ಠ ಪ್ರಜಾಪ್ರಭುತ್ವವನ್ನು ಹೊಂದಿರುವ ದೇಶ ನಮ್ಮ ಭಾರತ ಎಂದು ಶಾಸಕರಾದ ಬಿ ವೈ ವಿಜಯೇಂದ್ರ ಅವರು ತಿಳಿಸಿದರು.

ಶಿಕಾರಿಪುರ ತಾಲೂಕಿನ ಮತ್ತಿಕೋಟೆ ಗ್ರಾಮದಲ್ಲಿ ಜಿಲ್ಲಾಡಳಿತ, ಜಿಲ್ಲಾ ಪಂಚಾಯತ್, ಸಮಾಜ ಕಲ್ಯಾಣ ಇಲಾಖೆ ,ವಿವಿಧ ಇಲಾಖೆಯ ಸಹಯೋಗದೊಂದಿಗೆ ಫೆ.04 ರಂದು ಆಯೋಜಿಸಲಾಗಿದ್ದ ಸಂವಿಧಾನ ಜಾಗೃತಿ ಜಾಥಾ ಕಾರ್ಯಕ್ರಮವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.

ಸಂವಿಧಾನಕ್ಕೆ ಅಡಿಪಾಯವನ್ನು ಹಾಕಿಕೊಟ್ಟವರು ಸಂವಿಧಾನ ರಚನಾ ಸಮಿತಿಯ ಅಧ್ಯಕ್ಷರಾಗಿದ್ದ
ಡಾ. ಬಿ ಆರ್ ಅಂಬೇಡ್ಕರ್‍ರವರು. ಇಡೀ ವಿಶ್ವದಲ್ಲಿಯೇ ಅತ್ಯಂತ ದೊಡ್ಡ ಪ್ರಜಾಪ್ರಭುತ್ವ ದೇಶ ನಮ್ಮದು. ಅತಿ ಹೆಚ್ಚು ಜನಸಂಖ್ಯೆ ಹೊಂದಿರುವ ನಮ್ಮಂತಹ ದೊಡ್ಡ ರಾಷ್ಟ್ರದಲ್ಲಿ ಪ್ರಜಾಪ್ರಭುತ್ವವನ್ನು ಯಶಸ್ವಿಯಾಗಿ ಜಾರಿಗೆ ತರಲು ಸಂವಿಧಾನ ಶಿಲ್ಪಿ, ಭಾರತ ರತ್ನ ಡಾ. ಬಿಆರ್ ಅಂಬೇಡ್ಕರ್ ಅವರ ಪಾತ್ರ ಅತ್ಯಂತ ಅಮೂಲ್ಯವಾಗಿದೆ ಅವರು ಹಾಕಿಕೊಟ್ಟ ಸಂವಿಧಾನದ ಅಡಿಯಲ್ಲಿ ನಾವೆಲ್ಲರೂ ಜೀವಿಸುತ್ತಿದ್ದೇವೆ.

ಶಾಸಕಾಂಗ, ಕಾಯಾರ್ಂಗ, ನ್ಯಾಯಾಂಗದ ಮೂಲಕ ಸಮಾಜದ ಕಟ್ಟ ಕಡೆಯ ವ್ಯಕ್ತಿಗೂ ಕೂಡ ಸಮಾನ ನ್ಯಾಯವನ್ನು ಒದಗಿಸುವ ಉದ್ದೇಶವನ್ನು ಸಂವಿಧಾನವು ಹೊಂದಿದೆ. ಈ ನಿಟ್ಟಿನಲ್ಲಿ ಸಂವಿಧಾನ ಜಾಗೃತಿ ಜಾಥಾ ರಥಯಾತ್ರೆ ಪ್ರತಿ ಹಳ್ಳಿ ಹಳ್ಳಿಗೂ ಸಂಚರಿಸಿ ಜಾಗೃತಿಯನ್ನು ಮೂಡಿಸಲಿದ್ದು ಅತಿ ಮುಖ್ಯವಾಗಿ ವಿದ್ಯಾರ್ಥಿಗಳು ಹಾಗೂ ಸಮಾಜದ ನಾಗರೀಕರು ಇದರ ಅರಿವನ್ನು ಪಡೆದುಕೊಳ್ಳುವುದು ಅತಿ ಅವಶ್ಯಕವಾಗಿದೆ ಎಂದರು.

B. Y. Vijayendra ಈ ಸಂದರ್ಭದಲ್ಲಿ ತಾಲೂಕ್ ಪಂಚಾಯತಿ ಕಾರ್ಯನಿರ್ವಹಣಾಧಿಕಾರಿ ಪರಮೇಶ್ವರ್, ಗ್ರಾಮ ಪಂಚಾಯತಿ ಅಧ್ಯಕ್ಷೆ ರಂಜಿತ, ಮುಖಂಡರಾದ ಹೆಚ್ ಟಿ ಬಳೆಗಾರ್, ಸಮಾಜ ಕಲ್ಯಾಣ ಇಲಾಖೆಯ ಅಧಿಕಾರಿಗಳು ಊರಿನ ಗ್ರಾಮಸ್ಥರು ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.

Constitution of India ಸೊರಬ & ಸಾಗರ ತಾಲ್ಲೂಕುಗಳಲ್ಲಿ ಯಶಸ್ವಿ ನಡೆದ ಸಂವಿಧಾನ ಜಾಗೃತಿ ಜಾಥಾ

0

Constitution of India ಸಂವಿಧಾನ 75 ನೇ ವರ್ಷಾಚರಣೆ ಪ್ರಯುಕ್ತ ರಾಜ್ಯಾದ್ಯಂತ ಸಂವಿಧಾನ ಜಾಗೃತಿ ಜಾಥಾ ಜ.26 ರಿಂದ ಒಂದು ತಿಂಗಳ‌ ಕಾಲ ಹಮ್ಮಿಕೊಳ್ಳಲಾಗಿದೆ.

ಶಾಂತಿ, ಸೌಹಾರ್ಧ, ಸಹಬಾಳ್ವೆ, ಸಮಾನತೆ, ಪ್ರಜಾಪ್ರಭುತ್ವ, ಒಕ್ಕೂಟ ಸರ್ಕಾರ ಹಾಗೂ ಸ್ವತಂತ್ರ ಭಾರತದ ಪರಿಕಲ್ಪನೆಯ ಸಂವಿಧಾನವು ಭಾರತೀಯರೆಲ್ಲರ ಹಕ್ಕುಗಳನ್ನು ಕಾಯ್ದಿರಿಸುತ್ತದೆ.

ಭಾರತದ ಪ್ರಜೆಗಳಾದ ನಾವು ಸಂವಿಧಾನವನ್ನು ತಿಳಿಯೋಣ, ಸಂವಿಧಾನವನ್ನು ಉಳಿಸೋಣ ಎಂಬ ಆಶಯದೊಂದಿಗೆ ಜಾಥಾ ಹಮ್ಮಿಕೊಳ್ಳಲಾಗಿದೆ.

ಇಂದು ಶಿವಮೊಗ್ಗ ಜಿಲ್ಲೆಯ ಸೊರಬ ತಾಲ್ಲೂಕಿನಕುಪ್ಪಗಡ್ಡೆ, ಇಂಡವಳ್ಳಿ ,ಗುಡವಿ ತವನಂದಿಯಲ್ಲಿ ತಹಶೀಲ್ದಾರರು ಹಾಗೂ ಎಲ್ಲಾ ಇಲಾಖೆಗಳ ಅಧಿಕಾರಿಗಳು ಹಾಗೂ ಸಿಬ್ಬಂದಿಗಳು, ನೋಡಲ್ ಅಧಿಕಾರಿಗಳು, ಮುಖ್ಯಾಧಿಕಾರಿಗಳು, ಸಹಾಯಕ ನಿರ್ದೇಶಕರು. ಸಮಾಜ ಕಲ್ಯಾಣ ಇಲಾಖೆ ಸೊರಬ ಹಾಗೂ ಸೊರಬ ಪಟ್ಟಣದ ಸಾರ್ವಜನಿಕರು, ಶಾಲಾ ಕಾಲೇಜುಗಳ ಮಕ್ಕಳು, ಶಿಕ್ಷಕರು, ಸಾರ್ವಜನಿಕರು ಸಂವಿಧಾನ ಜಾಥಾ ಮೆರವಣಿಗೆಯಲ್ಲಿ ಪಾಲ್ಗೊಂಡರು.

Constitution of India ಹಾಗೂ ಸಾಗರ ತಾಲ್ಲೂಕಿನ ಹೆಗ್ಗೋಡು ಗ್ರಾಮ ಪಂಚಾಯಿತಿ ಯಲ್ಲಿ ಸಂವಿಧಾನ ಜಾಥಾ ಕಾರ್ಯಕ್ರಮ ನಡೆಸಲಾಯಿತು.

Inner Wheel Club of Shimoga ಬಾಲ್ಯದಲ್ಲಿಯೇ ಹಲ್ಲುಗಳ ರಕ್ಷಣೆ ಬಗ್ಗೆ ಆಸಕ್ತಿ ವಹಿಸಿ- ಡಾ.ಜೀನತ್ ಅಂಬರೀನ್

0

Inner Wheel Club of Shimoga ಹಲ್ಲುಗಳ ಸಂರಕ್ಷಣೆ ಬಗ್ಗೆ ಕಾಳಜಿ ಅಗತ್ಯ, ಮುಖದ ಸೌಂದರ್ಯ ಹೆಚ್ಚಿಸಲು ಹಲ್ಲುಗಳು ಪ್ರಮುಖ ಕಾರಣ. ಬಾಲ್ಯದಲ್ಲಿ ಹಲ್ಲುಗಳ ಬಗ್ಗೆ ಹೆಚ್ಚಿನ ನಿಗಾ ವಹಿಸಬೇಕು ಎಂದು ಶರಾವತಿ ದಂತ ವೈದ್ಯಕೀಯ ಕಾಲೇಜಿನ ದಂತವಿಭಾಗದ ಮುಖ್ಯಸ್ಥೆ ಡಾ ಜೀನತ್ ಅಂಬರೀನ್ ಹೇಳಿದರು.

ಇನ್ನರ್ ವ್ಹೀಲ್ ಶಿವಮೊಗ್ಗ ಪೂರ್ವ ವತಿಯಿಂದ ಇಂಟರಾಕ್ಟ್ ಮಕ್ಕಳಿಗೆ, ಸಾರ್ವಜನಿಕರು, ಶಿಕ್ಷಕರಿಗೆ ಆಯೋಜಿಸಿದ್ದ ದಂತ ತಪಾಸಣಾ ಉಚಿತ ಶಿಬಿರ ಹಾಗೂ ದಂತ ಜಾಗೃತಿ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ಮನುಷ್ಯನು ಹಲ್ಲುಗಳ ಸ್ವಚ್ಛತೆ ಬಗ್ಗೆ ಪ್ರತಿ ನಿತ್ಯ ಪ್ರಾಮುಖ್ಯತೆ ನೀಡಬೇಕು. ಹಲ್ಲುಗಳ ಸಮಸ್ಯೆ ಕಂಡುಬoದಲ್ಲಿ ಕೂಡಲೇ ವೈದ್ಯರಿಂದ ಮಾರ್ಗದರ್ಶನ ಪಡೆಯಬೇಕು. ಅತಿಯಾದ ಚಾಕಲೇಟ್ ಸೇವನೆ ಒಳ್ಳೆಯದಲ್ಲ ಎಂದು ತಿಳಿಸಿದರು.

ರೋಟರಿ ಶಿವಮೊಗ್ಗ ಪೂರ್ವ ಅಧ್ಯಕ್ಷ ಸತೀಶ್ ಚಂದ್ರ ಮಾತನಾಡಿ, ಮಕ್ಕಳು ವಿದ್ಯಾಭ್ಯಾಸದ ಜತೆಯಲ್ಲಿ ಆರೋಗ್ಯ ಸದೃಢವಾಗಿಟ್ಟುಕೊಳ್ಳುವ ಬಗ್ಗೆಯೂ ಜಾಗೃತಿ ಹೊಂದಬೇಕು. ಹಲ್ಲುಗಳ ಸ್ವಚ್ಛತೆ ಕಾಪಾಡಿಕೊಳ್ಳಬೇಕು. ಉತ್ತಮ ಜೀವನ ಶೈಲಿ ರೂಢಿಸಿಕೊಳ್ಳಬೇಕು ಎಂದು ಸಲಹೆ ನೀಡಿದರು.
ರೋಟರಿ ಚಾರಿಟೇಬಲ್ ಟ್ರಸ್ಟ್ ಅಧ್ಯಕ್ಷ ಚಂದ್ರಶೇಖರಯ್ಯ ಮಾತನಾಡಿ, ಮಕ್ಕಳಿಗೆ ಹಲ್ಲುಗಳ ಸ್ವಚ್ಛತೆ ಬಗ್ಗೆ ಜಾಗೃತಿ ಮೂಡಿಸುವುದು ಒಳ್ಳೆಯದು. ಬಾಲ್ಯದಲ್ಲಿಯೇ ಆರೋಗ್ಯ ಜಾಗೃತಿ ಹೊಂದಿದಲ್ಲಿ ಮಕ್ಕಳ ಬೆಳವಣಿಗೆ ಚೆನ್ನಾಗಿರುತ್ತದೆ. ಇಂತಹ ತಪಾಸಣಾ ಶಿಬಿರಗಳು ಹೆಚ್ಚು ಹೆಚ್ಚು ನಡೆಯಬೇಕು ಎಂದು ಅನಿಸಿಕೆ ವ್ಯಕ್ತಪಡಿಸಿದರು.

Inner Wheel Club of Shimoga ಇನ್ನರ್‌ವ್ಹೀಲ್ ಶಿವಮೊಗ್ಗ ಪೂರ್ವ ಅಧ್ಯಕ್ಷೆ ಶ್ವೇತಾ ಆಶಿತ್, ರೋಟರಿ ಮಾಜಿ ಸಹಾಯಕ ಗವರ್ನರ್ ಜಿ.ವಿಜಯಕುಮಾರ್, ಟ್ರಸ್ಟ್ ಉಪಾಧ್ಯಕ್ಷ ಡಾ. ಪರಮೇಶ್ವರ ಶಿಗ್ಗಾವ್, ನಾಗವೇಣಿ.ಎಸ್.ಆರ್., ಶರಾವತಿ ದಂತ ವೈದ್ಯಕೀಯ ಕಾಲೇಜಿನ ಡಾ. ಮೇಘಶ್ಯಾಂ ಭಟ್, ಡಾ. ಅಲ್ವಿನ್ ಅಂತೋಣಿ, ಇನ್ನರ್‌ವ್ಹೀಲ್ ಮಾಜಿ ಅಧ್ಯಕ್ಷೆ ವೀಣಾ ಸುರೇಶ್, ಇಂಟರಾಕ್ಟ್ ಕ್ಲಬ್ ಅಧ್ಯಕ್ಷರು, ಕಾರ್ಯದರ್ಶಿ, ಪ್ರಾಚಾರ್ಯರು, ಶಿಕ್ಷಕರು ಉಪಸ್ಥಿತರಿದ್ದರು.

Commission for Protection of Child Rights ಮಕ್ಕಳ ಹಕ್ಕು ಸಂರಕ್ಷಣೆ ನಿರ್ಲಕ್ಷ್ಯ ತೋರಿದರೆ ಅಧಿಕಾರಿಗಳ ವಿರುದ್ಧ ಕ್ರಮ-ಅಪರ್ಣಾ ಎ.ಕೊಳ್ಳ

0

Commission for Protection of Child Rights ಮಕ್ಕಳ ಹಕ್ಕುಗಳನ್ನು ರಕ್ಷಿಸುವಲ್ಲಿ ಎಲ್ಲ ಇಲಾಖೆಗಳು ಸಮನ್ವಯದಿಂದ ಕೆಲಸ ಮಾಡಬೇಕು. ಯಾವುದೇ ರೀತಿಯ ನಿರ್ಲಕ್ಷ್ಯ ತೋರಿದರೆ ಅಂತಹ ಅಧಿಕಾರಿಗಳ ವಿರುದ್ದ ಸೂಕ್ತ ಶಿಸ್ತಿನ ಕ್ರಮ ಜರುಗಿಸಲಾಗುವುದು ಎಂದು ಕರ್ನಾಟಕ ರಾಜ್ಯ ಮಕ್ಕಳ ಹಕ್ಕುಗಳ ರಕ್ಷಣಾ ಆಯೋಗ ದ ಸದಸ್ಯರಾದ ಅಪರ್ಣಾ ಎಂ ಕೊಳ್ಳ ಎಚ್ಚರಿಕೆ ನೀಡಿದರು.

ಮಕ್ಕಳ ರಕ್ಷಣಾ ನಿರ್ದೇಶನಾಲಯ, ಬೆಂಗಳೂರು, ಕರ್ನಾಟಕ ರಾಜ್ಯ ಮಕ್ಕಳ ಹಕ್ಕುಗಳ ರಕ್ಷಣಾ ಆಯೋಗ, ಬೆಂಗಳೂರು, ಜಿಲ್ಲಾಡಳಿರ, ಜಿಲ್ಲಾ ಪಂಚಾಯತ್, ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರ, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ಮತ್ತು ಜಿಲ್ಲಾ ಮಕ್ಕಳ ರಕ್ಷಣಾ ಘಟಕ, ಶಿವಮೊಗ್ಗ ಇವರುಗಳ ಸಂಯುಕ್ತಾಶ್ರಯದಲ್ಲಿ ಇಂದು ಆಲ್ಕೊಳದ ಚೈತನ್ಯದಲ್ಲಿ ಜಿಲ್ಲಾ ಮತ್ತು ತಾಲ್ಲೂಕು ಮಟ್ಟದ ಅಧಿಕಾರಿಗಳಿಗೆ ಏರ್ಪಡಿಸಿದ್ದ ಮಕ್ಕಳ ಹಕ್ಕುಗಳು-ಕಾಯ್ದೆಗಳ ಕುರಿತಾದ ಕಾರ್ಯಾಗಾರವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.

Commission for Protection of Child Rights ದಿನೇ ದಿನೇ ಮಕ್ಕಳ ವಿರುದ್ದ ಪ್ರಕರಣಗಳು ಹೆಚ್ಚುತ್ತಲೇ ಇವೆ. ಜಿಲ್ಲೆಯಲ್ಲಿ 2023-24 ನೇ ಸಾಲಿನ ಏಪ್ರಿಲ್ ನಿಂದ ಡಿಸೆಂಬರ್‍ವರೆಗೆ ಒಡಗಡು 102 ಬಾಲ್ಯ ವಿವಾಹ ಪ್ರಕರಣಗಳು, 156 ಪೋಕ್ಸೋ ಪ್ರಕರಣಗಳು, 247 ಹದಿಹರೆಯದವರ ಗರ್ಭಧಾರಣೆ ಪ್ರಕರಣಗಳು ದಾಖಲಾಗಿವೆ.

ಮಕ್ಕಳ ಹಕ್ಕುಗಳನ್ನು ರಕ್ಷಿಸಲು ಜೆಜೆ ಕಾಯ್ದೆ, ಬಾಲ್ಯ ವಿವಾಹ ನಿಷೇಧ ಕಾಯ್ದೆ, ಮಕ್ಕಳ ಮೇಲಿನ ಲೈಂಗಿಕ ದೌರ್ಜನ್ಯ ಕಾಯ್ದೆ, ಆರ್‍ಟಿಇ ಕಾಯ್ದೆ, ಸೇರಿದಂತೆ ಹಲವಾರು ಕಾಯ್ದೆ ಕಾನೂನುಗಳಿದ್ದರೂ ಮಕ್ಕಳ ಹಕ್ಕುಗಳಿಗೆ ಧಕ್ಕೆಯಾಗುತ್ತಿದೆ. ಅನೇಕ ಪ್ರಕರಣಗಳು ದಾಖಲಾಗುತ್ತಿವೆ. ಹಾಗಾದರೆ ಕಾಯ್ದೆ ಕಾನೂನು ಸಮರ್ಪಕವಾಗಿ ಅನುಷ್ಟಾನವಾಗುತ್ತಿಲ್ಲವಾ, ಪಾಲನೆಯಾಗುತ್ತಿಲ್ಲವಾ ಎಂಬ ಬಗ್ಗೆ ಗಂಭೀರವಾಗಿ ಚಿಂತಿಸಬೇಕಿದೆ.

ಕೆಲವು ಜಿಲ್ಲೆಗಳಲ್ಲಿ ಮಕ್ಕಳ ಜೀವ ಮತ್ತು ಅವರ ಹಕ್ಕುಗಳಿಗೆ ಸಂಬಂಧಿಸಿದ ಕೆಲವು ಪ್ರಕರಣಗಳು ಘಟಿಸಿದ್ದು ನೇರವಾಗಿ ಸಂಬಂಧಿಸಿದ ಇಲಾಖೆಗಳ ಅಧಿಕಾರಿಗಳ ವಿರುದ್ದ ಎಫ್‍ಐಆರ್ ದಾಖಲಿಸಲಾಗಿದೆ. ಆದ್ದರಿಂದ ಸಂಬಂಧಿಸಿದ ಎಲ್ಲ ಅಧಿಕಾರಿಗಳು ಅತಿ ಎಚ್ಚರಿಕೆಯಿಂದ ಕೆಲಸ ಮಾಡಬೇಕು. ಮಕ್ಕಳನ್ನು ಅವರ ಹಕ್ಕುಗಳನ್ನು ರಕ್ಷಿಸಬೇಕು. ಬಹಳ ಮುಖ್ಯವಾಗಿ ಅಧಿಕಾರಿ/ಸಿಬ್ಬಂದಿಗಳು ಕಾಯ್ದೆಗಳನ್ನು ತಿಳಿದುಕೊಳ್ಳಬೇಕು. ಈ ನಿಟ್ಟಿನಲ್ಲಿ ಇಂತಹ ಕಾರ್ಯಾಗಾರಗಳು ತುಂಬಾ ಉಪಯುಕ್ತವಾಗಿದ್ದು ಇದರ ಸದುಪಯೋಗ ಪಡೆಯಬೇಕು ಎಂದು ಕರೆ ನೀಡಿದರು.

12 ನೇ ಶತಮಾನದ ಶರಣೆ ಅಕ್ಕಮಹಾದೇವಿ ಜನಿಸಿದ ಈ ನೆಲದಲ್ಲಿ ಎಲ್ಲ ಅಧಿಕಾರಿಗಳು ನಾಳೆ ಮಾಡುವ ಕೆಲಸವನ್ನು ಇಂದೇ ಮಾಡು, ಇಂದು ಮಾಡುವ ಕೆಲಸವನ್ನು ಈಗಲೇ ಮಾಡು ಎನ್ನುವಂತೆ ಕಾರ್ಯ ಪ್ರವೃತ್ತರಾಗಬೇಕು. ತಾವು ಕಾಯ್ದೆಗಳ ಬಗ್ಗೆ ತಿಳಿದು ಮಕ್ಕಳಿಗೂ ತಿಳಿಸಬೇಕು. ಮಕ್ಕಳ ವಿರುದ್ದದ ಪ್ರಕರಣಗಳು ಕಡಿಮೆ ಆಗಬೇಕು ಎಂದರು.

ಮಕ್ಕಳ ಕಲ್ಯಾಣ ಸಮಿತಿ ಅಧ್ಯಕ್ಷೆ ರೇಖಾ ಮಾತನಾಡಿ, ಮಕ್ಕಳ ರಕ್ಷಣೆ ಕುರಿತಾಗಿ ಜಿಲ್ಲಾ ಮಕ್ಕಳ ರಕ್ಷಣಾ ಘಟಕದಿಂದ ಪ್ರತಿ ತಿಂಗಳು ಒಂದಿಲ್ಲೊಂದು ಜಾಗೃತಿ ಕಾರ್ಯಕ್ರಮ ಮಾಡಲಾಗುತ್ತಿದೆ. ಎಷ್ಟೋ ಬಾರಿ ಮಕ್ಕಳನ್ನು ಕಾನೂನಾತ್ಮಕವಾಗಿ ರಕ್ಷಿಸಲು ಸೋಲುವಂತಹ ಘಟನೆಗಳು ಘಟಿಸುತ್ತವೆ. ಆದ್ದರಿಂದ ಬಾಲ್ಯ ವಿವಾಹ, ಪೋಕ್ಸೋ ಇತರೆ ಮಕ್ಕಳ ವಿರುದ್ದ ದೌರ್ಜನ್ಯ ಕಂಡುಬಂದಲ್ಲಿ ಕೇವಲ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ ಮಾತ್ರವಲ್ಲ ಎಲ್ಲ ಇಲಾಖೆಗಳು ಸೇರಿದಂತೆ ಸಾರ್ವಜನಿಕರು ಮಕ್ಕಳನ್ನು, ಅವರ ಹಕ್ಕು ರಕ್ಷಣೆಗೆ ಮುಂದಾಗಬೇಕು. ಹಾಗೂ ತಾಲ್ಲೂಕುಗಳ ಪ್ರದೇಶಗಳಲ್ಲಿ ಈ ರೀತಿ ಘಟನೆಗಳು ಸಂಭವಿಸಿದಾಗ ಜಿಲ್ಲೆಯಿಂದ ಅಧಿಕಾರಿಗಳು ಬರಲಿ ಎಂದು ಕಾಯುವ ಬದಲು ಸ್ಥಳೀಯವಾಗೆ ಮಕ್ಕಳನ್ನು ರಕ್ಷಿಸಿ ಕ್ರಮ ವಹಿಸಲು ಮುಂದಾದಾಗ ಅನೇಕ ಪ್ರಕರಣಗಳು ಕಡಿಮೆಯಾಗುತ್ತವೆ ಎಂದರು.

ಎಸ್ ಎಂ ಎಸ್ ಎಸ್ ನಿರ್ದೇಶಕ ಫಾದರ್ ಕ್ಲಿಫರ್ಡ್ ರೋಶನ್ ಪಿಂಟೊ ಮಾತನಾಡಿ,ಪ್ರಸ್ತುತ ಹೆಚ್ಚುತ್ತಿರುವ ಮಕ್ಕಳ ವಿರುದ್ದದ ಪ್ರಕರಣಗಳನ್ನು ಗಂಭೀರವಾಗಿ ತೆಗೆದುಕೊಂಡು ಸರ್ಕಾರ ಇವರ ಕುರಿತು ರೂಪಿಸಿರುವ ಕಾಯ್ದೆ-ಕಾನೂನುಗಳಲ್ಲಿ ಪರಿಣಾಮಕಾರಿಯಾಗಿ ಅಳವಡಿಸಿಕೊಳ್ಳಬೇಕು.

ಬೆಳೆಯುತ್ತಿರುವ ಆಧುನಿಕತೆಯಿಂದಾಗಿ ಸಾಕಷ್ಟು ಸಮಸ್ಯೆಗಳೂ ಹೆಚ್ಚುತ್ತಿವೆ. ಮಕ್ಕಳಲ್ಲಿ ಮೊಬೈಲ್ ಬಳಕೆ ಹೆಚ್ಚುತ್ತಿದೆ. ಅದರಿಂದ ಅನೇಕ ಸಮಸ್ಯೆಗಳು ಎದುರಾಗುತ್ತಿವೆ. ಆದ್ದರಿಂದ ಈ ಎಲ್ಲದರ ಬಗ್ಗೆ ಗಮನ ಹರಿಸಬೇಕು. ಹಾಗೂ ನಾವೆಲ್ಲರೂ ನನ್ನ ಸಮಸ್ಯೆಯಂತೆಯೇ ಬೇರೆಯವರ ಸಮಸ್ಯೆ ಕೂಡ ಎಂದು ಭಾವಿಸಿ ನಡೆದುಕೊಂಡಾಗ ಎಷ್ಟೋ ಸಮಸ್ಯೆಗಳು ಉದ್ಭವಿಸುವುದೇ ಇಲ್ಲವೆಂದರು.
ಕಾರ್ಯಾಗಾರದಲ್ಲಿ ಜೆಜೆ ಕಾಯ್ದೆ 2015, ಬಾಲವಿವಾಹ ನಿμÉೀಧ ಕಾಯ್ದೆ 2006, ಮಕ್ಕಳ ಮೇಲಿನ ಲೈಂಗಿಕ ದೌರ್ಜನ್ಯ ತಡಡ ಕಾಯ್ದೆ 2012, ಆರ್ ಟಿಇ ಕಾಯ್ದೆ 2009, ಬಾಲಕಾರ್ಮಿಕತೆ, ಭಿಕ್ಷಾಟನೆ ನಿಷೇಧ, ಕೋರ್ಟ್ ವಿಚಾರಣೆ, ಸಾರ್ವಜನಿಕ ವಿಚಾರಣೆ ಕುರಿತು ಕಾರ್ಯಾಗಾರ ನಡೆಸಿ ಮಕ್ಕಳೊಂದಿಗೆ ಸಂವಾದ ನಡೆಸಿ ಅವರಿಂದ ಅಹವಾಲುಗಳನ್ನು ಸ್ವೀಕರಿಸಿ, ಸ್ಥಳದಲ್ಲೇ ಅಧಿಕಾರಿಗಳು ಪರಿಹಾರ ಸೂಚಿಸಿದರು.

ಸರ್ಕಾರಿ ಪ್ರೌಢಶಾಲಾ ವಿದ್ಯಾರ್ಥಿಗಳು ತಾವು ದಿನ ನಿತ್ಯ ಎದುರಿಸುವ ಬಾಲ ಕಾರ್ಮಿಕತೆ, ಪ್ರೇಮ ಪ್ರಕರಣಗಳ ವಿಷಯ, ಕಳ್ಳತನ, ಮಾದಕ ವ್ಯಸನ, ಮಕ್ಕಳು ವಾಹನ ಚಲಾವಣೆ ಮಾಡುವುದು ಸೇರಿದಂತೆ ಅನೇಕ ವಿಷಯ ಕುರಿತಾಗಿ ನೇರವಾಗಿ ಆಯೋಗದ ಸದಸ್ಯರು ಹಾಗೂ ಅಧಿಕಾರಿಗಳನ್ನು ಪ್ರಶ್ನಿಸಿದರು.

ಆಯೋಗದ ಸದಸ್ಯರು ಹಾಗೂ ಡಿಡಿಪಿಐ, ಬಿಇಓ, ಪೊಲೀಸ್ ಅಧಿಕಾರಿಗಳು, ವೈದ್ಯರು, ಕಾರ್ಮಿಕ ಇಲಾಖೆ ಅಧಿಕಾರಿಗಳು, ಮಕ್ಕಳ ರಕ್ಷಣಾ ಘಟಕದ ಅಧಿಕಾರಿಗಳು ಸೇರಿದಂತೆ ಇತರೆ ಸಂಬಂಧಿಸಿದ ಅಧಿಕಾರಿಗಳು ಸ್ಥಳದಲ್ಲಿಯೇ ಉತ್ತರಿಸಿದರು.

ಕಾರ್ಯದಲ್ಲಿ ಡಿಡಿಪಿಐ ಪರಮೇಶ್ವರಪ್ಪ.ಸಿ.ಆರ್, ಜಿಲ್ಲಾ ನಿರೂಪಣಾಧಿಕಾರಿ ಡಾ.ಸಂತೋಷ್ ಕುಮಾರ್, ಹಿರಿಯ ಮಕ್ಕಳ ವಿಶೇಷ ಪೊಲೀಸ್ ಅಧಿಕಾರಿ ಬಾಬು ಅಂಜನಪ್ಪ, ಸೋಮಶೇಖರಪ್ಪ ಜಿ.ಎಸ್, ಸಿಡಿಪಿಓ ಗಳು, ಜಿಲ್ಲಾ ಹಾಗೂ ತಾಲ್ಲೂಕು ಮಟ್ಟದ ಅಧಿಕಾರಿಗಳು, ಸಿಬ್ಬಂದಿಗಳು ಹಾಜರಿದ್ದರು.

Sports News ತನಿಶಿ ಕ್ರಿಕೆಟರ್ಸ್ ವಿನೋಬನಗರ ತಂಡಕ್ಕೆ ಟ್ಯಾಂಕ್ ಪ್ರಿಮೀಯರ್ ಲೀಗ್ಸೀಸನ್ 2 ಪ್ರಶಸ್ತಿ

0

Sports News ಶಿವಮೊಗ್ಗ, ವಿನೋಬನಗರದ ಸಿಹಿಮೊಗ್ಗೆ ಕನ್ನಡ ಯುವ ವೇದಿಕೆ ಹಾಗೂ ಡಾ. ಬಿ.ಆರ್ ಅಂಬೇಡ್ಕರ್ ಯುವಪಡೆ ವತಿಯಿಂದ ಫೆ.೩ ಮತ್ತು ೪ರಂದು ಎ.ಟಿ.ಎನ್.ಸಿ.ಸಿ ಮೈದಾನದಲ್ಲಿ ಆಯೋಜಿಸಿದ್ದ ‘ಟೆನ್ನಿಸ್ ಬಾಲ್ ಕ್ರಿಕೇಟ್’ ಪಂದ್ಯಾವಳಿಯ ಟ್ಯಾಂಕ್ ಪ್ರೀಮಿಯರ್ ಲೀಗ್ ಸೀಸನ್-2ರಲ್ಲಿ ತನಿಶಿ ಕ್ರಿಕೆಟರ್ಸ್ ವಿನೋಬನಗರ ತಂಡವು ಎ.ಜೆ. ಕ್ರಿಕೆಟರ್ಸ್ ವಿನೋಬನಗರ ತಂಡದ ವಿರುದ್ಧ 18ರನ್‌ಗಳಿಂದ ಭರ್ಜರಿ ಗೆಲುವು ಸಾಧಿಸುವ ಮುಖಾಂತರ ಟ್ಯಾಂಕ್ ಪ್ರೀಮಿಯರ್ ಲೀಗ್ ಕಪ್ ತನ್ನ ಮುಡಿಗೆರಿಸಿಕೊಂಡಿದೆ.
ಎರಡು ದಿನಗಳ ಕ್ರಿಕೆಟ್ ಟೂರ್ನಿಮೆಂಟ್‌ನಲ್ಲಿ ಒಟ್ಟು 16 ತಂಡಗಳು ಭಾಗವಹಿಸಿದೆ.

ವಿಶೇಷವಾಗಿ ವಿನೋಬನಗರ ಪೊಲೀಸ್ ಠಾಣೆಯ ಪಿಎಸ್‌ಐ ಸುನಿಲ್ ನೇತೃತ್ವದಲ್ಲಿ ಪೊಲೀಸ್ ತಂಡ ಎರಡು ಲೀಗ್ ಮ್ಯಾಚ್‌ಗಳಲ್ಲಿ ಹಾಗೂ ಶಿವಾಲಯ ಟ್ಯಾಂಕನ ಗುರುಪ್ರಸಾದ್ ಅವರ ನೇತೃತ್ವದ ಕಡ್ಡಿಪುಡಿ ತಂಡ ಅತಿ ಉತ್ಸಾಹಕತೆಯಿಂದ ಆಟವಾಡಿದರು.

ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಗಳಾಗಿ ಈ ಪಂದ್ಯಾವಳಿಯ ಮುಖ್ಯ ರೂವಾರಿಗಳಾಗಿ ಖ್ಯಾತ ಉದ್ಯಮಿ ಪರಮೇಶ್ವರ್, ಮಾಜಿ ಉಪ ಮೇಯರ್ ಹೆಚ್.ಪಾಲಾಕ್ಷಿ, ಕಾಂಗ್ರೆಸ್ ಪಕ್ಷದ ಯುವ ನಾಯಕ ಕೆ.ರಂಗನಾಥ್, ಜಿಲ್ಲಾ ಯುವ ಕಾಂಗ್ರೆಸ್ ಅಧ್ಯಕ್ಷ ಹೆಚ್.ಪಿ.ಗಿರೀಶ್, ಭಾಗವಹಿಸಿದ್ದರು.

Sports News ಈ ಸಂದರ್ಭದಲ್ಲಿ ಆಯೋಜಕರು ಹಾಗೂ ಸಿಹಿಮೊಗ್ಗೆ ಕನ್ನಡ ಯುವ ವೇದಿಕೆಯ ಅಧ್ಯಕ್ಷ ಟಿ.ಗುರುಪ್ರಸಾದ್, ಡಾಕ್ಟರ್ ಬಿ.ಆರ್.ಅಂಬೇಡ್ಕರ್ ಯುವ ಪಡೆಯ ಅಧ್ಯಕ್ಷ ಸಂದೀಪ್ ಸುಂದರ್‌ರಾಜ್ ಪ್ರಮುಖರಾದ ಶ್ರೀಕಾಂತ್, ರಮೇಶ್, ಜಶ್ವಂತ್, ರಾಯಲ್ಸ್ ಟೀಮ್‌ನ ಸಂತೋಷ್, ಲೋಹಿತ್, ಮನೋಜ್, ರವಿಕಿರಣ್, ರವಿ, ಜಿಮ್ ಶರತ್, ಹರೀಶ್, ಚಂದನ್, ಮಾಲತೇಶ್, ಚಂದನ್, ಕಾರ್ತಿಕ್ ಹಾಗೂ ಎಲ್ಲಾ ಪದಾಧಿಕಾರಿಗಳು ಉಪಸ್ಥಿತರಿದ್ದರು.

Maarikamba Jathre ಶಿವಮೊಗ್ಗ ಸನಿಹದ ಹಾಡೋನಹಳ್ಳಿಯಲ್ಲಿ ಶ್ರೀಮಾರಿಕಾಂಬ ಜಾತ್ರೆ

0

Maarikamba Jathre ಶಿವಮೊಗ್ಗ ತಾಲ್ಲೂಕಿನ ಹಾಡೋನಹಳ್ಳಿ ಗ್ರಾಮದಲ್ಲಿ ಪ್ರತಿ ಎರಡು ವರ್ಷಗಳಿಗೊಮ್ಮೆ ನಡೆಸುವ ಶ್ರೀ ಮಾರಿಕಾಂಭ ಜಾತ್ರಾ ಮಹೋತ್ಸವವನ್ನು ಫೆ.06 ಹಾಗೂ 07 ರ ಎರಡು ದಿನಗಳ ಕಾಲ ಅದ್ದೂರಿಯಾಗಿ ನಡೆಯಲಿದೆ.

Maarikamba Jathre ಭಕ್ತಾಧಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಿ ದೇವಿಯ ಕೃಪಾಶೀರ್ವಾದಕ್ಕೆ ಪಾತ್ರರಾಗಬೇಕೆಂದು ಸಮಸ್ತ ಗ್ರಾಮಸ್ಥರು ವಿನಂತಿಸಿದ್ದಾರೆ.

Mulugade Odalala Book ಮುಳುಗಡೆ ಒಡಲಾಳ’ ಪುಸ್ತಕ ಲೋಕಾರ್ಪಣೆ, ನಿರ್ವಸತಿಗರ ನೆನಪು ಕಣ್ಣಂಚಿನಲ್ಲಿ ನೀರು- ಡಾ.ಗಜಾನನ ಶರ್ಮ

0

Mulugade Odalala Book ದಿನಾಂಕ 28-1-2024ರಂದು ವಾರಾಹಿ ಹಿ‌ನ್ನೀರಿನ ಮೇಲುಸುಂಕದ ದುರ್ಗಾಪರಮೇಶ್ವರೀ ದೇಗುಲದ ಆವರಣದಲ್ಲಿ, ನೆರೆದಿದ್ದ ಸುಮಾರು ಐನೂರರಷ್ಟು ಮಂದಿ ಮುಳುಗಡೆಯ ಸಂತ್ರಸ್ಥರು ಮತ್ತು ನಡುಗುಡ್ಡೆ ನಿವಾಸಿಗಳ ನಿಟ್ಟುಸಿರ ನಡುವೆ, ವಾರಾಹಿ ಮುಳುಗಡೆ ಸಂತ್ರಸ್ಥರಲ್ಲೊಬ್ಬರಾದ ಹೊಸಕೊಪ್ಪದ ಪ್ರತ್ರಕರ್ತ, ಲೇಖಕ, ಮಿತ್ರ ಪ್ರಭಾಕರ ಕಾರಂತರ “ಮುಳುಗಡೆಯ ಒಡಲಾಳ” ಕೃತಿ ಲೋಕಾರ್ಪಣೆಗೊಂಡಿತು.

ಸೇರಿದ್ದ ಬಹುತೇಕ ಮಂದಿ ಮುಳುಗಡೆಯ ಸಂಕಟದಲ್ಲಿ ಬೆಂದು ಪರಿತಾಪಪಟ್ಟು ಊರು ತೊರೆದವರು ಮತ್ತು ತುತ್ತಿನ ಚೀಲ ತುಂಬಿಕೊಳ್ಳುವ ಅನಿವಾರ್ಯತೆಗೆ ಸಿಲುಕಿ ಹಿನ್ನೀರಿನ ನಡುಗುಡ್ಡೆಗಳ ನಡುವೆ ಬದುಕಿ, ಇಂದಿಗೂ ನಾಗರಿಕ ಪ್ರಪಂಚದ ಬಹುತೇಕ ಸೌಲಭ್ಯಗಳಿಂದ ವಂಚಿತರಾದ ಮುಳುಗಡೆ ನಿರ್ವಸತಿಗರು.

ವಾರಾಹಿ ಕರ್ನಾಟಕದ ಪ್ರಥಮ ಮತ್ತು ಇಂದಿಗೂ ಏಕಮಾತ್ರ ಭೂಗರ್ಭ ಜಲವಿದ್ಯುದಾಗರವೆಂದು ಖ್ಯಾತವಾದ ಜಲವಿದ್ಯುತ್ ಯೋಜನೆ. ಆಗುಂಬೆ ಬಳಿಯ ಹೆಬ್ಬಾಗಿಲು ಬಳಿಯ ಕಾಡಿನಲ್ಲಿ ಸಮುದ್ರ ಮಟ್ಟದಿಂದ 780 ಮೀಟರ್ ಎತ್ತರದಲ್ಲಿ ಹುಟ್ಟಿ, ಕುಂಚಿಕಲ್ ಬಳಿ 455 ಮೀಟರ್ ತಗ್ಗಿಗೆ ಧುಮಿಕಿ, ಒಟ್ಟು 72 ಕಿಲೋಮೀಟರ್ ದೂರ ಹರಿಯುವ ವಾರಾಹಿ ನದಿಯ ಒಟ್ಟು ಜಲಾನಯನ ಪ್ರದೇಶ 221.38 ಚದರ ಕಿಲೋಮೀಟರ್.

ವಾರಾಹಿ ನದಿಯ ವಾರ್ಷಿಕ ಹರಿವಿನ ಪ್ರಮಾಣ ಕನಿಷ್ಟ 1063ರಿಂದ ಗರಿಷ್ಟ 1513 ಮಿಲಿಯನ್ ಕ್ಯೂಬಿಕ್ ಮೀಟರ್ ಎಂದು ಅಳತೆ ಮಾಡಿ, ಎಪ್ಪತ್ತರ ದಶಕಾಂತ್ಯದಲ್ಲಿ ಒಟ್ಟು 959 ಮಿಲಿಯನ್ ಕ್ಯೂಬಿಕ್ ಮೀಟರ್ ( 33.6ಟಿ ಎಂ ಸಿ) ನೀರು ಸಂಗ್ರಹಿಸಬಲ್ಲ ಆಣೆಕಟ್ಟನ್ನು ಕಟ್ಟಲು ಕರ್ನಾಟಕ ಸರ್ಕಾರ ತೀರ್ಮಾನಿಸಿತು. ಇದಕ್ಕಾಗಿ ಹೊಸನಗರ ತಾಲ್ಲೋಕಿನ ಯಡೂರು ಗ್ರಾಮದ ಬಳಿ ಮಾಣಿ ಎಂಬಲ್ಲಿ 58 ಮೀಟರ್ ಎತ್ತರದ 580 ಮೀಟರ್ ಉದ್ದದ ಆಣೆಕಟ್ಟನ್ನೂ, ಹುಲಿಕಲ್ ಹೊಳೆಗೆ ಬ್ಯಾಲೆನ್ಸಿಂಗ್ ರಿಸರ್ವಯರನ್ನೂ ಕಟ್ಟಿ ಹೊಸಂಗಡಿ ಸಮೀಪದ ಭೂಗರ್ಭದಲ್ಲಿ ತಲಾ 115 ಮೆಗಾವಾಟ್ ಸಾಮರ್ಥ್ಯದ ನಾಲ್ಕು ವಿದ್ಯುತ್ ಘಟಕಗಳನ್ನು ಮತ್ತು ಮಾಣಿ ಆಣೆಕಟ್ಟಿನ ಬಳಿ ತಲಾ ನಾಲ್ಕೂವರೆ ಮೆಗಾವಾಟಿನ ಎರಡು ಘಟಕಗಳನ್ನು ಸ್ಥಾಪಿಸಲು ನಿಶ್ಚಯಿಸಿತು.

ಮಾಣಿ ಆಣೆಕಟ್ಟಿನ ನಿರ್ಮಾಣ 1979ರಲ್ಲಿ ಆರಂಭವಾಗಿ 1989ರಲ್ಲಿ ಸಂಪೂರ್ಣಗೊಂಡು, ವಿದ್ಯುದಾಗರದ ಮೊದಲ ಘಟಕ 12-8-1889ರಂದು‌ ಉದ್ಘಾಟನೆಗೊಂಡಿತು. ಕ್ರಮೇಣ ಒಂದಾದ ಮೇಲೆ ಒಂದರಂತೆ ಉಳಿದ ಘಟಕಗಳೂ ಚಾಲನೆಗೊಂಡವು.

Mulugade Odalala Book ಈ ಯೋಜನೆಯಿಂದ ಸರಾಸರಿ ವಾರ್ಷಿಕ 110 ಕೋಟಿ ಯೂನಿಟ್ ವಿದ್ಯುತ್ ಉತ್ಪಾದನೆ ಸಾಧ್ಯವಾಗಿದೆ.

ಯೋಜನೆಯಿಂದಾಗಿ 25 ಹಳ್ಳಿಗಳು ಮುಳುಗಡೆಯಾಗಿವೆ. 5707 ಹೆಕ್ಟೇರ್ ಸಮೃದ್ಧ ನಿತ್ಯ ಹರಿದ್ವರ್ಣದ ದಟ್ಟಡವಿ, 1849 ಹೆಕ್ಟೇರ್ ಕೃಷಿಭೂಮಿ ಮುಳುಗಡೆ ಆಯಿತೆಂದು ಸರ್ಕಾರದ ದಾಖಲೆಗಳು ಹೇಳುತ್ತವೆ. ಇದರಲ್ಲಿ ವಿದ್ಯುತ್ ಮಾರ್ಗ, ಪ್ರಸರಣ ಮಾರ್ಗ, ರಸ್ತೆ, ಕಾಲೋನಿ ಮತ್ತು ಮೂಲಸೌಲಭ್ಯಗಳ ಲೆಕ್ಕ ಸೇರಿದಂತಿಲ್ಲ. ಹೆಚ್ಚು ಭಾಗ ಹೊಸನಗರ ತಾಲ್ಲೋಕಿನ ಮತ್ತು ತೀರ್ಥಹಳ್ಳಿ ತಾಲ್ಲೋಕಿನ ಒಂದಷ್ಟು ಭಾಗದ 7200 ಮಂದಿ ನಿರ್ವಸತಿಗರಾದರೆ, 14 ಶಾಲಾ ಕಟ್ಟಡಗಳು, ಹಲವಾರು ದೇವಾಲಯಗಳು, ಪಾರಂಪರಿಕ ಕೇಂದ್ರಗಳು ಮುಳುಗಡೆಯಾದವು. ಒಟ್ಟು ಮೂರು ಸಾವಿರ ಮನೆಗಳು ಮುಳುಗಡೆಯಾದ ಲೆಕ್ಕವಿದೆ. ಎಲ್ಲಕ್ಕಿಂತ ಮುಖ್ಯವಾಗಿ ಮಲೆನಾಡು ಮತ್ತು ಕರಾವಳಿಯ ನಡುವೆ, ಎರಡೂ ಸಂಸ್ಕೃತಿಗಳ ಕಸುವನ್ನು ಉಂಡು ಸಶಕ್ತವಾಗಿ, ಸಮೃದ್ಧವಾಗಿ, ಬೆಳೆದು ಬಾಳಿ ಬಂದಿದ್ದ ಸಾವಯವ ಪರಂಪರೆಯೊಂದು ಹಿನ್ನೀರಿನ ಒಡಲಾಳದ ತಳ ಸೇರಿ ಇನ್ನಿಲ್ಲವಾಯಿತು.

ಸಾವಿರಾರು ವರ್ಷಗಳಿಂದ ದಟ್ಟ ಮಲೆನಾಡಿನ ನೆಲ ಜಲ ಕಾನು ಕಣಿವೆ ಗುಡ್ಡ ಬೆಟ್ಟಗಳ ನಡುವೆ, ಪ್ರಾಣಿ, ಪಕ್ಷಿ ಜೀವ ಜಂತುಗಳೊಡನೆ ವರ್ಷದ ಆರು ತಿಂಗಳುಗಳ ಕಾಲ ಕುಂಭದ್ರೋಣ ಎಂಬಂತೆ ಸುರಿಯುತ್ತಿದ್ದ ಮಳೆಗೆ ಮೈಯ್ಯೊಡ್ಡಿ, ಕಾಡುಪ್ರಾಣಿಗಳ ಕಾಟವನ್ನೂ, ಕ್ರಿಮಿಕೀಟಗಳ ಉಪಟಳವನ್ನೂ, ರೋಗರುಜಿನಗಳ ಬಾಧೆಯನ್ನೂ ಲೆಕ್ಕಿಸದೆ ಬಂದ ಬೆಳೆಯಲ್ಲಿ ಉಳಿದದ್ದಷ್ಟೇ ತಮ್ಮದೆಂದು ಸಂತೃಪ್ತಿಯ ಬದುಕು ನಡೆಸುತ್ತ ಸಾಗಿದ್ದ ಸಾತ್ವಿಕ ಸಮಾಜವೊಂದು ಮಾಣಿ ಜಲಾಶಯದ ಹಿನ್ನೀರಿಗೆ ಕಣ್ಣೀರು ಬೆರೆಸುತ್ತ ಮೌನವಾಗಿ ಹುಟ್ಟಿದೂರಿನಲ್ಲೇ ಅನಾಥವಾಗಿ, ಅನಿವಾರ್ಯವಾಗಿ ಬೇರಿನಿಂದ ಬೇರ್ಪಟ್ಟು ಊರು ತೊರೆಯಿತು. ಅದೂ ಸಾಧ್ಯವಾಗದ ಹಲವು ನಿರ್ಗತಿಕರು ಅತ್ತ ಊರು ತೊರೆಯಲಾಗದೆ, ಇತ್ತ ಸಾಗುವಳಿ ಮಾಡುತ್ತಿದ್ದ ನೆಲ ಜಲಾವೃತವಾದುದನ್ನು ಕಾಣುತ್ತ, ಅಂದಿನವರೆಗೂ ತಮ್ಮದಾಗಿದ್ದ ಮನೆ ಮಠಗಳು ಸರ್ಕಾರದ ಪೌರೋಹಿತ್ಯದಲ್ಲಿ ಜಲತರ್ಪಣಗೊಂಡದ್ದನ್ನು ಕಂಡು ಕಣ್ಣೀರಿಡುತ್ತ ಅಲ್ಲೇ ನಡುಗುಡ್ಡೆಗಳ ನಡುವೆ ಅಳಿದುಳಿದ ಅಂಗೈಯಗಲದ ಭೂಮಿಯಲ್ಲಿ, ತಮ್ಮಂತೆಯೇ ಊರು ತೊರೆಯದ ಕಾಡುಪ್ರಾಣಿಗಳ ಜೊತೆ ರಾಜಿ ಮಾಡಿಕೊಂಡು, ತಾವು ಬೆಳೆದಿದ್ದರಲ್ಲಿ ಹೆಚ್ಚು ಭಾಗ ಆ ಮೃಗಸಂತತಿಗೊಪ್ಪಿಸುತ್ತ ಉಳಿದಿದ್ದರಲ್ಲಿ ಬೆನ್ನಿಗೆ ತಾಕುತ್ತಿದ್ದ ಮಕ್ಕಳ ಬರಿಹೊಟ್ಟೆಗಿಕ್ಕುತ್ತ ಬದುಕಿದರು. ರಸ್ತೆ, ಶಾಲೆ, ಆಸ್ಪತ್ರೆ, ಕರೆಂಟು, ಮುಂತಾದ ನಾಗರಿಕ ಸೌಲಭ್ಯಗಳನ್ನು ಕೇಳಲು ಅವರೇನು ಕಾಲೋನಿಯ ಕೆ ಪಿ ಸಿ ನೌಕರರೇ? ಸರ್ಕಾರದ ಸಿಬ್ಬಂದಿಯೇ? ಅಥವಾ ನಗರದ ನಾಗರಿಕರೇ? ಸರ್ಕಾರದ ಲೆಕ್ಕದಲ್ಲಿ ಊರು ಬಿಡದೆ ಹಿನ್ನೀರಿನ ನಡುವೆ ಕದ್ದು ಉಳಿದ, ದಟ್ಟ ದರಿದ್ರರಲ್ಲವೇ? ಹುಟ್ಟಿದ‌ ಮಣ್ಣಿನಲ್ಲೇ ನಿರಾಶ್ರಿತರಾದ ಹತಭಾಗ್ಯರಲ್ಲವೇ? ಇನ್ನೂ ಆಲಂಕಾರಿಕ ಶಬ್ಧಗಳಲ್ಲಿ ಹೇಳುವುದಾದರೆ ದೇಶಕ್ಕಾಗಿ ನೆಲವನ್ನು ಕೊಡುಗೆ ನೀಡಿದ ತ್ಯಾಗಜೀವಿಗಳು. ತಮ್ಮ ಬದುಕನ್ನು ಮುಳುಗಿಸಿಕೊಂಡು ಹೆರವರ ಮನೆ ಬೆಳಗಿದ ಮಹಾನುಭಾವರು. ಹಾಗೆಂದು ಮುಳುಗಡೆಯ ಸಂದರ್ಭದಲ್ಲಿ ಭೂ ರಹಿತ ಕಾರ್ಮಿಕರನ್ನೂ ಸರ್ಕಾರ ಮರೆಯಲ್ಲಿಲ್ಲ ಎಂದು ಸರ್ಕಾರ ಮತ್ತು ಕೆ ಪಿ ಸಿ ಎಲ್ ದಾಖಲೆಗಳು ಹೆಮ್ಮೆಯಿಂದ ಹೇಳುತ್ತವೆ. ಭೂರಹಿತ ಕುಟುಂಬಗಳಿಗೂ ತಲಾ ಹತ್ತು ಸಾವಿರ ರೂಪಾಯಿಗಳಷ್ಟು‌ ( ತಲೆಮಾರುಗಳಿಂದ ಅಲ್ಲಿಯೇ ಬಾಳ ಬದುಕಿದ ಕುಟುಂಬಗಳಿಗೆ, ಅಬ್ಬಬ್ಬಾ, ಎಷ್ಟು ದೊಡ್ಡ ಮೊತ್ತ!?) ಉದಾರ ಪರಿಹಾರ ನೀಡಿತೆಂಬುದು ಕೆ ಪಿ ಸಿ ಎಲ್ ಪುನರ್ವಸತಿ ಕಛೇರಿಯ ದಾಖಲೆಗಳ ಹೇಳಿಕೆ. ಹಾಗೆ ಉದಾರವಾಗಿ ಕೊಟ್ಟ ಒಟ್ಟು ಹಣ ಹದಿನೆಂಟು‌ ಲಕ್ಷದ ಹತ್ತು ಸಾವಿರ ರೂಪಾಯಿಗಳೆಂದರೆ ಸರ್ಕಾರದ ಘನ ಔದಾರ್ಯವನ್ನು ಗಮನಿಸಿ!

ವಾರಾಹಿಯ ವಿದ್ಯುತ್ ಉತ್ಪಾದನೆಯ ಪ್ರಮಾಣ ವಾರ್ಷಿಕವಾಗಿ ಸುಮಾರು ಒಂದುನೂರಾ ಹತ್ತು ಕೋಟಿ ಯೂನಿಟ್ಟುಗಳು. ಆದರೆ ಇದರಲ್ಲಿ ನೂರರಲ್ಲಿ ಒಂದು ಪಾಲೂ ಹಿನ್ನೀರು ಪ್ರದೇಶದ ಅಭಿವೃದ್ಧಿಗಾಗಲೀ, ಕನಿಷ್ಟ ಮೂಲ ಸೌಕರ್ಯ ಒದಗಿಸುವುದಕ್ಕಾಗಲೀ ಬಳಕೆ ಆಗಿದ್ದರೆ ಅವರಿಂದ ಮಾಣಿ ಜಲಾಶಯದ ಹಿನ್ನೀರು ನಿರ್ವಸತಿಗರ ಕಣ್ಣೀರಿನಿಂದ ತುಂಬ ಬೇಕಿರಲಿಲ್ಲ. ಹಲವು ಹಳ್ಳಿಗಳಿಗೆ ಸರಿಯಾದ ರಸ್ತೆಗಳಿಲ್ಲ. ಮಕ್ಕಳಿಗೆ ಶಾಲೆಗಳಿಲ್ಲ. ಆಸ್ಪತ್ರೆಗಳಿಲ್ಲ. ವಿದ್ಯುತ್, ವಾಹನ ಸೌಲಭ್ಯಗಳಿಲ್ಲ. ಎಷ್ಟೋ‌ ಹಳ್ಳಿಗರು ಈಗಲೂ ತಮ್ಮದೇ ಹಳ್ಳಿಗೆ ಹೋಗಲು ಕೆಪಿಸಿಯವರ ಪರವಾನಗಿ ಪಡೆಯಬೇಕು.‌ಉದಾಹರಣೆಗೆ ಕಾರ್ಯಕ್ರಮ ನಡೆದ ಮೇಲುಸುಂಕದ ದುರ್ಗಾಪರಮೇಶ್ವರಿಯ ದರ್ಶನಕ್ಕೂ ಭದ್ರತಾ ಸಿಬ್ಬಂದಿಯ ಕೃಪಾಕಟಾಕ್ಷಬೇಕು.

ಇನ್ನು ಮುಳುಗಡೆಯಲ್ಲಿ ಭೂಮಿಯನ್ನು ಕಳೆದುಕೊಂಡವರಿಗೂ ಪರಿಹಾರ ನೀಡುವಲ್ಲಿ ನಡೆದ ಅಧ್ವಾನಗಳ ಕತೆ ಕೇಳುವುದೇ ಬೇಡ. ಮೊನ್ನೆ ಮೇಲುಸುಂಕಕ್ಕೆ ಬಂದಿದ್ದ ಹಲವು ಮುಳುಗಡೆ ಮಂದಿಯ ಬಾಯಲ್ಲಿ ಮುಳುಗಡೆಯ ವ್ಯಥೆಯ ಕಥೆಯನ್ನು ಕೇಳುತ್ತಿದ್ದರೆ ಕೇಳಿದವರ ಕಣ್ಣು ಒದ್ದೆಯಾಗುತ್ತಿತ್ತು. ಕಿರಿ ಕಿರಿಯಾದರೂ, ಕಿರುಕುಳದಿಂದ ತಪ್ಪಿಸಿಕೊಂಡು, ಕಿರು ಪರಿಹಾರ ಪಡೆದು ಪುನೀತರಾದೆವೆಂದು ಅವರು ತಮ್ಮ ತಮ್ಮ ದುರಂತ ಕತೆಗಳನ್ನು ಹೇಳುತ್ತಿದ್ದರೆ ನಮ್ಮ ಅಂತರಂಗಕ್ಕೆ ಬೆಂಕಿ ಬೀಳುತ್ತಿತ್ತು. ಮುಳುಗಿದ ಅರಣ್ಯ ಒಂದು ಪಟ್ಟಾದರೆ ಕಡಿದ ಅರಣ್ಯ ಎಷ್ಟು ಪಟ್ಟೋ ಅಧಿಕೃತವಾಗಿ ಹೇಳಲಾಗದು ಎಂಬ ಮಾತೂ ಅಲ್ಲಲ್ಲಿ ಕೇಳಿಬಂದದ್ದು ಸುಳ್ಳಲ್ಲ.

ಪತ್ರಕರ್ತ ಕೃಷಿಕ ಪ್ರಭಾಕರ ಕಾರಂತರು ಇಂತಹ ಅನೇಕ ವಿಕೃತಿಗಳನ್ನು ಕಣ್ಣಾರೆ ಕಂಡವರು ಮತ್ತು ಸಾಕಷ್ಟು ನೋವು ಉಂಡವರು. ಈ ಕೃತಿಯನ್ನು ಅವರು ಮೂವತ್ತು ವರ್ಷಗಳ ಹಿಂದೆಯೇ ಬರೆದಿದ್ದರೆ ಅದರಲ್ಲಿ ಸಂಪೂರ್ಣ ವ್ಯವಸ್ಥೆಯ ವಿರುದ್ಧದ ಆಕ್ರೋಶಗಳೇ ತುಂಬಿರುತ್ತಿತ್ತೇನೋ. ಈಗ ಅವರು ಮಾಗಿದ್ದಾರೆ. ಮನುಷ್ಯನ ಸ್ವಭಾವ ವೈಚಿತ್ರ್ಯ ಹಾಗೂ ಮಾನವ ಸಮಾಜದ ಗುಣಾವಗುಣಗಳ ಅರಿವು ಅವರಿಗಿದೆ. ಹಲವು ಅಧಿಕಾರಿಗಳ ಹೃದಯಹೀನ ವರ್ತನೆ ಮತ್ತು ಸ್ವಾರ್ಥಪರ ನಡೆವಳಿಕೆಗಳ ಕುರಿತು ತಿಳಿದಿದೆ. ಎಲ್ಲಕ್ಕಿಂತ ಮುಖ್ಯವಾಗಿ ಗ್ರಾಮೀಣ ಜನರ ಮುಗ್ಧತೆ ಮತ್ತು ಋಜು ಸ್ವಭಾವಗಳ ಪರಿಚಯವಿದೆ. ಅವರ ಕಷ್ಟ ಕಾರ್ಪಣ್ಯ, ಅವರ ಬದುಕಿನ ನೋವು ನಲಿವುಗಳು, ಅವರ ಹೃದಯ ವೈಶಾಲ್ಯಗಳ ಪರಿಚಯವಿದೆ. ಹಾಗಾಗಿಯೇ ಅವರು ತಮಗೆ ಸಂಪರ್ಕವಿದ್ದ, ತಾವು ಕಂಡ ಜನರ ಬದುಕಿನ ಮೇಲೆ ಮುಳುಗಡೆಯೆಂಬ ದುರ್ಘಟನೆ ಉಂಟುಮಾಡಿದ ಆಘಾತದ ಕಥನವನ್ನು ನೇರವಾಗಿ ಚಿತ್ರಿಸಿದ್ದಾರೆ. ಮೂಲಭೂತವಾಗಿ ಅವರ ಗುಣ ನೇರ ನಿಷ್ಠುರ ಮತ್ತು ಸತ್ಯದ ಪರ. ನಿರ್ಭಿಡೆಯಿಂದ ಬರೆಯುವುದು ಅವರ ಸಹಜ ಗುಣ. ಹಾಗಾಗಿ ತಾವು ಕಂಡುಂಡ ಸತ್ಯ ಸಂಗತಿಗಳನ್ನು ಸರಳವಾಗಿ, ನೇರವಾಗಿ ಬರೆದಿದ್ದಾರೆ. ಅವರು ಹಿನ್ನೀರು ಪ್ರದೇಶದ ಜನಾನುರಾಗಿಗಳಲ್ಲಿ ಒಬ್ಬರಾಗಿದ್ದರು ಎಂಬುದಕ್ಕೆ ಮೊನ್ನೆ ಸೇರಿದ್ದ ಜನಜಂಗುಳಿಯೇ ನಿದರ್ಶನ. ಶಿವಾನಂದ ಕಳವೆಯವರಿಂದ ಹಿಡಿದು ಶರತ್ ಕಲ್ಕೋಡರಂತಹ ಹಿರಿಯರವರೆಗೆ, ಸಾಹಿತಿ ಗಿರಿಜಾಶಂಕರ್ ರವರಿಂದ ಹಿಡಿದು ಕ್ಯಾಂಪ್ಕೋ ಆಧ್ಯಕ್ಷ ಕಿಶೋರ್ ಕುಮಾರ್ ಕೊಡ್ಗಿಯವರವರೆಗೆ, ಸಾಗರದ ಜಯಪ್ರಕಾಶ್ ಮಾವಿನಕುಳಿಯವರಿಂದ ಹಿಡಿದು ದೂರದ ಬಳ್ಳಾರಿಯ ಮುರುಳಿ ಕೃಷ್ಣರವರೆಗೆ, ಶಿರನಾಳಿ ಕುಟುಂಬದಿಂದ ಹಿಡಿದು ಇತರ ಅನೇಕ ಪ್ರತಿಷ್ಟಿತ ಕುಟುಂಬದ ಸದಸ್ಯರವರೆಗೆ, ಭೂರಹಿತ ಕಾರ್ಮಿಕರಿಂದ ಹಿಡಿದು ನಡುಗುಡ್ಡೆಗಳ ಕಡುಬಡ ಜನರವರೆಗೆ ಎಲ್ಲರೂ ಪ್ರೀತಿಯಿಂದ ನಮ್ಮ ಕಾರಂತರ ಪುಸ್ತಕ ಬಿಡುಗಡೆಯೆಂಬ ಅಭಿಮಾನದಿಂದ, ಅಕ್ಕರೆಯಿಂದ ,ಆತ್ಮೀಯತೆಯಿಂದ ಸೇರಿದ್ದರು. ಚಂಡಿ ಹೋಮ, ಊಟೋಪಚಾರ ಪ್ರತಿಯೊಂದೂ ಅಚ್ಚುಕಟ್ಟಾಗಿ ಸಂಪನ್ನಗೊಂಡಿತು.

ಬಿಡುಗಡೆಯ ಕಾರ್ಯಕ್ರಮವಂತೂ ಅತಿ ವಿಶಿಷ್ಟ ಮಾದರಿಯಲ್ಲಿ, ಆಪ್ತವಾಗಿ, ಸಹಜವಾಗಿ, ಸರಳವಾಗಿ ನಡೆಯಿತು. ಹಿನ್ನೀರಿನ ಹಸಿರು ವಾತಾವರಣದಲ್ಲಿ ಮುಳುಗಡೆಯ ಒಡಲಾಳ ಅಲ್ಲಿನ ಸಂತ್ರಸ್ಥರ ಒಡಲಾಳದ ಮುಳಗಡೆಯ ಸಂಕಥನವನ್ನು ತೆರೆದಿಟ್ಟಿತು. ಅತಿಥಿಗಳೆಲ್ಲರ ಮಾತುಗಳೂ ನೆರೆದವರ ಒಳಮನಸ್ಸಿನ ತಳದಲ್ಲಿ ಹುದುಗಿದ್ದ ಭಾವನೆಗಳಿಗೆ ಇಂಬುಕೊಟ್ಟವು. ಒಟ್ಟಿನಲ್ಲಿ ಕೃತಿ ಬೆಂಗಳೂರಿನಲ್ಲೋ, ಶೃಂಗೇರಿಯಲ್ಲೋ ಬಿಡುಗಡೆಗೊಂಡಿದ್ದರೆ ಒಂದಿಷ್ಟು ಹೆಚ್ಚು ಪ್ರಚಾರ ಪಡೆಯುತ್ತಿತ್ತೇನೋ…? ಆದರೆ ಈ ಸಾರ್ಥಕತೆ ಅದಕ್ಕೆ ದಕ್ಕುತ್ತಿರಲಿಲ್ಲ ಎಂಬುದು ಉತ್ಪ್ರೇಕ್ಷೆಯಲ್ಲ. ಆತ್ಮೀಯ ಆಹ್ವಾನ ಮತ್ತು ಅಪರೂಪದ ಅವಕಾಶಕ್ಕಾಗಿ ವಂದನೆಗಳು ಪ್ರಭಾಕರ ಕಾರಂತರೇ. ನಿಮ್ಮ ಕುಟುಂಬದ ಅಕ್ಕರೆ, ಆತಿಥ್ಯ, ಅನ್ಯಾದೃಶ. ಸ್ತುತ್ಯ ಕಾರ್ಯಕ್ಕಾಗಿ ಅಭಿನಂದನೆಗಳು ನಿಮಗೆ…

ಲೇ:ಡಾ.ಗಜಾನನ ಶರ್ಮ