Wednesday, November 18, 2026
Wednesday, November 18, 2026
Home Blog Page 973

Prajwal Revanna ಪ್ರಜ್ವಲ್ ಪೆನ್ ಡ್ರೈವ್ ಪ್ರಕರಣದ ಮೂಲ ವ್ಯಕ್ತಿ ವಿಡಿಯೋ ಮೂಲಕ ಹೇಳಿಕೆ ಜಾಲತಾಣದಲ್ಲಿ ದಾಖಲು

0

Prajwal Revanna ಪೆನ್ ಡ್ರೈವ್ ವಿಚಾರಕ್ಕೆ ಸಂಬಂಧಿಸಿದಂತೆ ದೊಡ್ಡ ಸುದ್ದಿಯೊಂದು ಹೊರಬಿದ್ದಿದೆ. ಪೆನ್‌ ಡ್ರೈವ್‌ನಿಂದ ಲೀಕ್‌ ಆದ ವಿಡಿಯೋಗಳ ಮೂಲ ಎನ್ನಲಾದ ಡ್ರೈವರ್‌ ಕಾರ್ತಿಕ್‌ ವಿಡಿಯೋ ಹೊರಬಿದ್ದಿದೆ.

ರೆಕಾರ್ಡ್‌ ಮಾಡಲಾದ ವಿಡಿಯೋ ಹೇಳಿಕೆಯಲ್ಲಿ ಅವರು ಹಲವು ವಿಚಾರಗಳನ್ನು ಹಂಚಿಕೊಂಡಿದ್ದಾರೆ.
ಇಡೀ ಪ್ರಕರಣದಲ್ಲಿ ವಿಡಿಯೋ ಲೀಕ್‌ ಹೇಗಾಯ್ತು ಎಂಬ ವಿಚಾರಕ್ಕೆ ಸಂಬಂಧಿಸದಿಂತೆ ಕಾರ್ತಿಕ್‌ ಮಾತನಾಡಿದ್ದಾರೆ.
ಯಾವುದೋ ಅಜ್ಞಾತ ಸ್ಥಳದಲ್ಲಿ ಸೆರೆ ಹಿಡಿಯಲಾದಂತಿರುವ ವಿಡಿಯೋದಲ್ಲಿ ಕಾರ್ತಿಕ್‌, ತಮಗೆ ನ್ಯಾಯ ಸಿಗುವ ಕಾರಣಕ್ಕೆ ಪೆನ್‌ ಡ್ರೈವ್‌ ವಿಡಿಯೋ ,ಫೋಟೋಗಳ ಕಾಪಿಯೊಂದನ್ನ ದೇವರಾಜ ಗೌಡರರಿಗೆ ನೀಡಿದ್ದೇನೆ. ಅವರು ವಕಾಲತ್ತು ವಹಿಸಿಕೊಂಡ ಕಾರಣಕ್ಕೆ ಅವರಿಗೆ ಕೊಟ್ಟಿದ್ದೆ ಹೊರತು ಮತ್ಯಾರಿಗೂ ಕೊಟ್ಟಿಲ್ಲ ಎಂದಿದ್ದಾರೆ.

ತಾವು ಕೊಟ್ಟ ವಿಡಿಯೋಗಳನ್ನು ಅವರು ಹೇಗೆ ಬಳಸಿಕೊಂಡರು? ಅಥವಾ ಅದನ್ಯಾರಿಗಾದರೂ ಹಂಚಿದರೇ ಎಂಬ ವಿಚಾರಗಳು ತಮಗೆ ಗೊತ್ತಿಲ್ಲ. ಇದರಲ್ಲಿ ಕಾಂಗ್ರೆಸ್‌ ನಾಯಕರ ಪಾತ್ರಗಳಿಲ್ಲ. ಕಾಂಗ್ರೆಸ್‌ನವರು ನನಗೆ ಅನ್ಯಾಯವಾದಾಗಲೂ ನನ್ನ ನೆರವಿಗೆ ಬಂದಿಲ್ಲ. ಅವರಿಗೆ ನಾನ್ಯಾಕೆ ವಿಡಿಯೋ ಕಾಪಿ ಕೊಡಲಿ ಎಂದು ಪ್ರಶ್ನಿಸಿದ್ದಾರೆ.

ಈ ಎಲ್ಲಾ ವಿಚಾರಗಳನ್ನು ಎಸ್‌ಐಟಿ ಮುಂದೆ ಹಾಜರಾಗಿ ವಿವರ ನೀಡುವುದಾಗಿ ಕಾರ್ತಿಕ್‌ ತಿಳಿಸಿದ್ದು, ಆನಂತರ ಮಾಧ್ಯಮಗಳ ಎದುರು ಬಂದು ಮಾತನಾಡುತ್ತೇನೆ ಎಂದಿದ್ದಾರೆ.

ಯಾರು ಈ ಕಾರ್ತಿಕ್?‌

Prajwal Revanna ಸದ್ಯ ಹೊರಬಿದ್ದಿರುವ ಹಾಸನ ಪೆನ್‌ ಡ್ರೈವ್‌ ವಿಡಿಯೋ ಲಿಂಕ್‌ ಕೇಸ್‌ನಲ್ಲಿ ಕಾರ್ತಿಕ್‌ ರಿಂದ ಎಲ್ಲಾ ದೃಶ್ಯಗಳು ಹೊರಬಿದ್ದಿರುವ ಬಗ್ಗೆ ಮಾಹಿತಿ ಹೊರಬಂದಿತ್ತು. ಪ್ರಜ್ವಲ್‌ ರೇವಣ್ಣರ ಜೊತೆಯಲ್ಲಿ ಕೆಲಸ ಮಾಡುತ್ತಿದ್ದ ಕಾರ್ತಿಕ್‌ ಕಳೆದ ವರ್ಷ ರೇವಣ್ಣರ ಕುಟುಂಬದ ಜೊತೆಗೆ ವೈಮನಸ್ಯ ಹೊಂದಿದ್ದರು.

ರೇವಣ್ಣರ ಕುಟುಂಬ ತಮ್ಮ ಭೂಮಿಯನ್ನು ಕಿತ್ತುಕೊಂಡು ಟಾರ್ಚರ್‌ ಕೊಟ್ಟಿದೆ ಅಂತಾ ಪೊಲೀಸ್‌ ಸ್ಟೇಷನ್‌ ಮೆಟ್ಟಿಲೇರಿದ್ದರು. ಆನಂತರ ಅದೇ ವಿಚಾರಕ್ಕೆ ಸಂಬಂಧಿಸಿದಂತೆ ಕೋರ್ಟ್‌ ಮೆಟ್ಟಿಲೇರಲು ಮುಂದಾಗಿದ್ದರು. ಇದೇ ಹೊತ್ತಿನಲ್ಲಿ ರೇವಣ್ಣರ ಕುಟುಂಬ ಕೋರ್ಟ್‌ನಿಂದ ವಿಡಿಯೋ ಹರಿದಾಡದಂತೆ ಸ್ಟೇ ತಂದಿತ್ತು. ಈ ಎಲ್ಲಾ ವಿಚಾರ ಹಂಚಿಕೊಂಡಿರುವ ಕಾರ್ತಿಕ್‌ ಇದೀಗ ಎಸ್‌ಐಟಿ ಮುಂದೆ ಹೋಗಲು ನಿರ್ಧರಿಸಿದೆ.

Bhadravati Police ಭದ್ರಾವತಿಯಲ್ಲಿ “ಹಿಟ್ & ರನ್” ಪ್ರಕರಣ. ಮಹಿಳೆ ಸಾವು

0

Bhadravati Police ಭದ್ರಾವತಿಯ ಚನ್ನಗಿರಿ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ವಾಹನವೊಂದು ಡಿಕ್ಕಿ ಹೊಡೆದಿದೆ. ಪರಿಣಾಮ ಮಹಿಳೆ ಸ್ಥಳದಲ್ಲಿಯೇ ಸಾವನ್ನಪ್ಪಿದ್ದಾಳೆ. ಈ ಸಂಬಂಧ ಭದ್ರಾವತಿ ಗ್ರಾಮಾಂತರ ಪೊಲೀಸ್‌ರು ಪ್ರಕರಣ ದಾಖಲಿಸಿದ್ದಾರೆ.
ಚನ್ನಗಿರಿ ಮುಖ್ಯ ರಸ್ತೆಯಲ್ಲಿ ಮಹಿಳೆ ನಡೆದುಕೊಂಡು ಹೋಗುತ್ತಿರುವಾಗ ವೇಗವಾಗಿ ಬಂದ ವಾಹನವೊಂದು ಮಹಿಳೆಗೆ ಗುದ್ದಿ ನಿಲ್ಲಿಸದೆ ಪರಾರಿ ಆಗಿದೆ. ಘಟನೆ ಹಿನ್ನೆಲೆ ಏನು ಎಂಬುದು ಸಹ ಅಲ್ಲಿದ್ದವರಿಗೆ ಗೊತ್ತಾಗಲಿಲ್ಲ. ಅಷ್ಟರಲ್ಲಿ ಘಟನೆ ನಡೆದು ಹೋಗಿತ್ತು. ಪ್ರಕರಣ ಸಂಬಂಧ ವಿಷಯ ತಿಳಿದು ಸ್ಥಳಕ್ಕೆ ಬಂದ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ.

Organization of Backward Castes ಹಿಂದುಳಿದ ವರ್ಗಗಳ ಆಯೋಗದ ವರದಿ ಅನುಷ್ಠಾನಕ್ಕೆ ಸರ್ಕಾರ ಆದ್ಯತೆ ನೀಡಬೇಕು-ಪ್ರೊ.ರವಿವರ್ಮ ಕುಮಾರ್

0

Organization of Backward Castes ಮುಖ್ಯಮಂತ್ರಿ ಸಿದ್ದರಾಮಯ್ಯನವರು ಹಿಂದುಳಿದ ವರ್ಗಗಳ ಶಾಶ್ವತ ಆಯೋಗದ ವರದಿಯನ್ನು ಆದಷ್ಟು ಶೀಘ್ರವೆ ಸಂಪುಟ ಸಭೆಯ ಮುಂದೆ ತಂದು ಸಾವ೯ಜನಿಕವಾಗಿ ಬಿಡುಗಡೆಗೊಳಿಸಿ ಮುಕ್ತ ಚಚೆ೯ಗೆ ಅವಕಾಶ ಮಾಡಿಕೊಡಬೇಕಾಗಿದೆ ಎಂದು ಮಾಜಿ ಅಡ್ವೊಕೇಟ್ ಜನರಲ್ ಹಾಗು ಹೈಕೋರ್ಟ್ ನ್ಯಾಯವಾದಿ ಪ್ರೊ. ರವಿವರ್ಮಕುಮಾರ್ ಅಭಿಪ್ರಾಯಪಟ್ಟರು.

ಈ ಹಿನ್ನೆಲೆಯಲ್ಲಿ ರಾಜ್ಯದ ಹಿಂದುಳಿದ ಜಾತಿ-ವಗ೯ಗಳ ಸಂಘಟನೆಗಳು ಹಾಗು ಮುಖಂಡರುಗಳು ವರದಿ ಹೊರತರುವ ಕಾಯ೯ದಲ್ಲಿ ನಿರಂತರವಾಗಿ ಸಕಾ೯ರದೊಂದಿಗೆ ಸಂಘಟಿತ ಪ್ರಯತ್ನ ನಡೆಸಬೇಕಾಗಿದೆ ಎಂಬ ಅಂಶವನ್ನು ಅವರು ಒತ್ತಿ ಹೇಳಿದರು.

ಹಿಂದುಳಿದ ಜನ ಜಾಗೃತಿ ವೇದಿಕೆ ನಿನ್ನೆ ಶ್ರೀ ಕಲಾ ಕೌಶಲ್ಯಾಭಿವೃದ್ಧಿ ಕೇಂದ್ರದಲ್ಲಿ ಏಪ೯ಡಿಸಿದ್ದ “ಕಾಂತರಾಜ ಆಯೋಗದ ವರದಿ” ಜಾರಿ ಸಂವಾದದಲ್ಲಿ ಭಾಗವಹಿಸಿ ಮಾತನಾಡಿದ ಅವರು ಕಾಂತರಾಜ ಅವರ ನೇತೃತ್ವದ ಸಮಿತಿ ವರದಿ ಸಿದ್ಧಪಡಿಸುವ ಹಂತದಲ್ಲಿ ಎಲ್ಲ ಮಾನದಂಡಗಳನ್ನು ಅಳವಡಿಸಿಕೊಂಡು ನಿಯಮಾನುಸಾರ ಕಾಯ೯ನಿವ೯ಹಿಸಿರುವುದನ್ನು ತಾವು ಗಮನಿಸಿರುವುದಾಗಿ ಹೇಳಿದರು.

ಪ್ರಸ್ತುತ ಸಕಾ೯ರಕ್ಕೆ ಸಲ್ಲಿಸಲ್ಪಟ್ಟಿರುವ ವರದಿ ಆಡಳಿತಾತ್ಮಕವಾಗಿ ಕಾಂತರಾಜ ಆಯೋಗದ ವರದಿಯೊ ಅಥವ ಜಯಪ್ರಕಾಶ್ ಹೆಗ್ಡೆ ಆಯೋಗದ ವರದಿಯೊ ಎಂಬ ಗೊಂದಲವಿದೆಯಾದರೂ ಈ ಬಗ್ಗೆ ಸಂಘಟನೆಗಳು ಮತ್ತು ಮುಖಂಡರುಗಳು ಧೃತಿಗೆಡದೆ ಅಂತಿಮವಾಗಿ ಸಕಾ೯ರದ ಕೈ ಸೇರಿರುವ “ಹಿಂದುಳಿದ ವಗ೯ಗಳ ಆಯೋಗದ ವರದಿ” ಅನುಷ್ಠಾನದತ್ತ ಗಮನ ನೀಡಬೇಕೆಂದು ಅವರು ಸಲಹೆ ನೀಡಿದರು.

Organization of Backward Castes ಸಂವಾದದಲ್ಲಿ ಕಾಂತರಾಜ ಆಯೋಗದ ಸಮಿತಿ ಸದಸ್ಯರಾಗಿದ್ದ ನ್ಯಾಯವಾದಿ ಎನ್.ಪಿ.ಧಮ೯ರಾಜ್ ವರದಿ ಸಿದ್ಧಪಡಿಸಲು ಕೈಗೊಂಡ ಮಾನದಂಡಗಳ ಕುರಿತು ವಿವರಣೆ ನೀಡಿದರು, ಹಿಂದುಳಿದ ಜನಜಾಗೃತಿ ವೇದಿಕೆ ಗೌರವ ಅಧ್ಯಕ್ಷ ಪ್ರೊ. ಹೆಚ್. ರಾಚಪ್ಪ ಅಧ್ಯಕ್ಷ ತೀ.ನ. ಶ್ರೀನಿವಾಸ್ ಬಿ. ಜನಮೇಜಿರಾವ್, ಚನ್ನವೀರಪ್ಪ ಗಾಮನಗಟ್ಟಿ, ಪ್ರೊ. ಕಲ್ಲನ ರೈತ ಸಂಘದ ಕುಗ್ವೆ ಶಿವಾನಂದ ಎನ್.ಡಿ. ವಸಂತಕುಮಾರ್ ಇತರರು ಉಪಸ್ಥಿತರಿದ್ದರು ಆರಂಭದಲ್ಲಿ ಸಂಚಾಲಕ ಆರ್.ಟಿ. ನಟರಾಜ್ ಸವ೯ರನ್ನೂ ಸ್ವಾಗತಿಸಿದರು.

Geeta Shivarajkumar ಗೀತಾ ಶಿವರಾಜ್ ಕುಮಾರ್ ಪರ ಪ್ರಚಾರ ಮಾಡಿದ ಸಿನಿಮಾ ನಟ-ಕಲಾವಿದರ ಸಮೂಹ

0

Geeta Shivarajkumar ಲೋಕಸಭಾ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ, ಗೀತಾ ಶಿವರಾಜ್ ಕುಮಾರ್ ಅವರ ಪರ ಸ್ಯಾಂಡಲ್ವುಡ್ನ ನಟ ದುನಿಯಾ ವಿಜಯ್, ಚಿಕ್ಕಣ್ಣ, ಆ್ಯಂಕರ್ ಅನುಶ್ರೀ, ಶಿವರಾಜ್ ಕುಮಾರ್ ಶಿಕಾರಿಪುರದ ಈಸೂರು, ಗಾಮ, ಕಲ್ಮನೆ ಸೇರಿದಂತೆ ಅನೇಕ ಕಡೆ ಪ್ರಚಾರ ನಡೆಸಿದ್ದಾರೆ.

ಶತ್ರುವಿನ ಕೊನೆ ಅಸ್ತ್ರ ಅಪಪ್ರಚಾರ – ದುನಿಯಾ ವಿಜಯ್: “ಶತ್ರುಗೆ ಕೊನೆಯ ಅಸ್ತ್ರ ಎಂದರೆ ಅಪಪ್ರಚಾರ ಮಾಡುವುದು. ಸ್ವಾತಂತ್ರ್ಯ ಬಂದಾಗಿನಿಂದ ಹಿಂದೂ – ಮುಸ್ಲಿಂ ಎನ್ನದೇ ಎಲ್ಲರೂ ಒಂದಾಗಿ ಅಣ್ಣ ತಮ್ಮನ ರೀತಿ ಇದ್ದೆವು. ಆದರೆ, ಬಿಜೆಪಿರವರು ಹಿಂದು ಮುಸ್ಲಿಮರ ಮಧ್ಯೆ ಒಡಕು ತರುತ್ತಿದ್ದಾರೆ ಎಂದು ವಿಜಿ ಆರೋಪಿಸಿದರು. ಅಲ್ಲದೇ, ರಾಮ ಮಂದಿರ ಕಟ್ಟಲು ಇಟ್ಟಿಗೆ ಕೊಟ್ಟವರು ನಾವು. ರಾಮಮಂದಿರ ನಿರ್ಮಾಣ ಕಾರ್ಯದಲ್ಲಿ ಮುಸಲ್ಮಾರು ಸಹ ಕೆಲಸ ಮಾಡಿದ್ದಾರೆ. ಎಲ್ಲ ಜನಾಂಗದಲ್ಲಿ ಒಳ್ಳೆಯವರು ಇದ್ದಾರೆ, ಕೆಟ್ಟವರು ಸಹ ಇದ್ದಾರೆ. ಬಂಗಾರಪ್ಪ ಕೇವಲ ಮುಖ್ಯಮಂತ್ರಿಯಲ್ಲದೇ, ಅವರು ದೊಡ್ಡ ಹೋರಾಟಗಾರರಾಗಿದ್ದರು, ಬಡವರ ಪರವಾಗಿದ್ದರು. ನೀವು ಅವರ ಮೇಲಿನ ಗೌರವಕ್ಕೆ ಬಂದು ಸೇರಿದ್ದಿರಿ. ಇಂದು ನಿಮ್ಮ ಮನೆ ಬಾಗಿಲಿಗೆ ಬಂಗಾರಪ್ಪನವರ ಮಗಳು ಬಂದಿದ್ದಾರೆ. ಆಶೀರ್ವಾದ ಮಾಡಬೇಕಾಗಿರುವುದು, ಸ್ವಾಭಿಮಾನ ಉಳಿಸಿಕೊಳ್ಳಬೇಕಾಗಿರುವುದು ನಿಮ್ಮ ಕೈಯಲ್ಲಿದೆ.

ಗೀತಕ್ಕನವರು ರಾಜಕೀಯಕ್ಕಾಗಿ ಅಲ್ಲ, ಬಡವರ, ಜನ ಪರ ಸೇವೆ ಮಾಡಬೇಕು ಎಂದು ಬಂದಿದ್ದಾರೆ” ಎಂದರು.

ನಟ ಚಿಕ್ಕಣ್ಣ ಪ್ರಚಾರ: “ಈಸೂರು ಗ್ರಾಮವು ಸ್ವಾತಂತ್ರಕ್ಕೂ ಮುಂಚೆಯೇ ಸ್ವಾತಂತ್ರವನ್ನು ಘೋಷಿಸಿಕೊಂಡು ಬಂದ ಗ್ರಾಮವಾಗಿದೆ. ಇಲ್ಲಿ ನೀವು ಇರಲು, ನಾವು ಬರಲು ಪುಣ್ಯ ಮಾಡಿದ್ದೇವೆ.‌ ಯಾವುದೇ ನದಿ, ಕೆರೆ ಶುದ್ಧವಾಗಿರಬೇಕು ಅಂದರೆ ಹಳೆ ನೀರು ಹೋಗಬೇಕು ಹೊಸ ನೀರು ಬರಬೇಕು. ಶಿವಮೊಗ್ಗ ಇನ್ನಷ್ಟು ಅಭಿವೃದ್ಧಿ ಆಗುವುದಕ್ಕೆ ನೀವೆಲ್ಲ ಗೀತಾಕ್ಕನವರಿಗೆ ಆರ್ಶಿವಾದ ಮಾಡಿ. ಗೀತಾರವರು ಯಾವುದೇ ಹೆಸರು, ಹಣಕ್ಕಾಗಿ ಬಂದಿಲ್ಲ, ನಿಮ್ಮ ಸೇವೆಗಾಗಿ ಬಂದಿದ್ದಾರೆ. ಇದಕ್ಕೆ ನಿಮ್ಮ ಆರ್ಶಿವಾದ ಇರಲಿ. ಅವರು ಜಾಸ್ತಿ ಮಾತನಾಡಲ್ಲ ಅಂತ ಸೋಷಿಯಲ್ ಮೀಡಿಯಾದಲ್ಲಿ ನೋಡಿದ್ದೆ. ನಮಗೆ ಅವರ ಕೆಲಸ ಮಾತನಾಡಿದರೆ ಸಾಕು” ಎಂದರು.

Geeta Shivarajkumar ಪುನೀತ್, ಶಿವಣ್ಣರವರ ಅಭಿಮಾನಿಯಾಗಿ ಬಂದಿದ್ದೇನೆ – ಆ್ಯಂಕರ್ ಅನುಶ್ರೀ: “ನನಗೆ ರಾಜಕೀಯ ಭಾಷೆಯಲ್ಲಿ ಮಾತನಾಡಲು ಬರಲ್ಲ, ನಾನು ಇಲ್ಲಿ ಪುನೀತ್, ಶಿವಣ್ಣ ಅವರ ಅಭಿಮಾನಿಯಾಗಿ ಬಂದಿದ್ದೇನೆ. ನಮ್ಮ ಕನ್ನಡ ಚಲನಚಿತ್ರದಲ್ಲಿ ಯಾವುದೇ ತೂಂದರೆಯಾದರೂ ಮೊದಲು ನಿಲ್ಲುತ್ತಿದ್ದದ್ದೇ ದೊಡ್ಮನೆ ಕುಟುಂಬ. ಈಗ ಶಿವಮೊಗ್ಗ ಜಿಲ್ಲೆಯ ಎಲ್ಲ ಸಮಸ್ಯೆಗಳಿಗೆ ಗೀತಾ ಅವರು ಸ್ಪಂದಿಸುತ್ತಾರೆ. ಕೆಲಸ ಮಾಡಲು ಒಂದು ಅವಕಾಶ ಕೊಟ್ಟು ನೋಡಲೇಬೇಕು. ಗೀತಕ್ಕ ಅವರನ್ನು ಗೆಲ್ಲಿಸಲು ಅವಕಾಶ ಸಿಕ್ಕಿದೆ. ಆ ಅವಕಾಶವನ್ನು ಆಕಾಶದ ಎತ್ತರಕ್ಕೆ ಬೆಳೆಸಬೇಕು ಎಂದು ಮನವಿ ಮಾಡಿದರು.

ಕೊನೆಯಲ್ಲಿ ಮಾತನಾಡಿದ ಶಿವಣ್ಣ, ಕಾಟಾಚಾರಕ್ಕೆ ಎಂಪಿ ಆಗಿರದೇ, ಕೆಲಸ ಮಾಡಿ ತೋರಿಸಬೇಕು. ಅಂತವರೇ ಗೀತಾರವರು. ಸರ್ಕಾರ ನಿಮಗೆ ಗ್ಯಾರಂಟಿ, ಗೀತಾರವರಿಗೆ ನಾನು ಗ್ಯಾರಂಟಿ ಎಂದು ಭರವಸೆ ನೀಡಿದರು‌. ಒಂದು ಸಲ ಅವರಿಗೆ ಕೆಲಸ ಮಾಡಲು ಅವಕಾಶ ನೀಡಿ. ನೀವು ಎಲ್ಲರಿಗೂ ಅವಕಾಶ ನೀಡಿದಂತೆ ನನ್ನ ಹೆಂಡತಿಗೂ ಅವಕಾಶ ನೀಡಿ. ನಿಮ್ಮ ಮನೆಗಳಿಗೆ ಬಂದು ಕೆಲಸ ಮಾಡುತ್ತೇವೆ ಎಂದರು.

Prajwal Revanna ಮಾಜಿ ಸಚಿವ ರೇವಣ್ಣ ಮತ್ತು ಸಂಸದ ಪ್ರಜ್ವಲ್ ಗೆ ಎಸ್ ಐ ಟಿ ಯಿಂದ ಸಮನ್ಸ್?

0

Prajwal Revanna ಹೊಳೆನರಸೀಪುರ ಜೆಡಿಎಸ್ ಶಾಸಕ ಎಚ್‌ಡಿ ರೇವಣ್ಣ ಹಾಗೂ ಅವರ ಪುತ್ರ ಹಾಸನ ಸಂಸದ ಪ್ರಜ್ವಲ್ ರೇವಣ್ಣ ಅವರ ಲೈಂಗಿಕ ಕಿರುಕುಳ ಪ್ರಕರಣದ ತನಿಖೆಯನ್ನು ತೀವ್ರಗೊಳಿಸಿರುವ ಎಸ್ಐಟಿ, ತಂದೆ-ಮಗನಿಂದ ಕಿರುಕುಳಕ್ಕೊಳಗಾದ ಐವರು ಮಹಿಳೆಯರಿಂದ ಮಾಹಿತಿ ಕಲೆಹಾಕಿದೆ. ಈಮಧ್ಯೆ, ಎಸ್‌ಐಟಿ ಆರೋಪಿಗಳಿಗೆ ನೋಟಿಸ್ ಜಾರಿ ಮಾಡಲು ಸಿದ್ಧತೆ ನಡೆಸಿದ್ದು, ವಿಚಾರಣೆಗೆ ಹಾಜರಾಗುವಂತೆ ಸೂಚಿಸುವ ಸಾಧ್ಯತೆಯಿದೆ.

ಸದ್ಯ ಸುತ್ತುತ್ತಿರುವ ವಿಡಿಯೋಗಳ ಆಧಾರದ ಮೇಲೆ ಗುರುತಿಸಲ್ಪಟ್ಟ ಐವರು ಮಹಿಳೆಯರನ್ನು ಎಸ್‌ಐಟಿಯ ಹಿರಿಯ ಅಧಿಕಾರಿಗಳು ವಿಚಾರಣೆಗೆ ಒಳಪಡಿಸಿದ್ದು, ಸಂತ್ರಸ್ತರು ಆರೋಪಿಗಳ ಸಂಪರ್ಕಕ್ಕೆ ಬಂದಿದ್ದು ಹೇಗೆ ಮತ್ತು ಅವರ ಜೊತೆ ಲೈಂಗಿಕ ಕ್ರಿಯೆ ನಡೆಸುವಂತೆ ಬಲವಂತಪಡಿಸಿದ ಬಗ್ಗೆ ಅಧಿಕಾರಿಗಳು ಮಾಹಿತಿ ಸಂಗ್ರಹಿಸಿದ್ದಾರೆ ಎಂದು ತಿಳಿದುಬಂದಿದೆ.
ಪೊಲೀಸ್ ಅಧಿಕಾರಿಗಳು ಕೂಡ ವಿಡಿಯೋಗಳನ್ನು ಯಾರು ರೆಕಾರ್ಡ್ ಮಾಡಿದ್ದಾರೆ ಮತ್ತು ವಿಡಿಯೋ ಬಳಸಿ ಅವರಲ್ಲಿ ಯಾರನ್ನಾದರೂ ಬ್ಲ್ಯಾಕ್‌ಮೇಲ್ ಮಾಡಲಾಗುತ್ತಿದೆಯೇ ಎಂಬ ಬಗ್ಗೆ ಸಂತ್ರಸ್ತರನ್ನು ಪ್ರಶ್ನಿಸಿದ್ದಾರೆ. ಸಂತ್ರಸ್ತರನ್ನು ಕೆಲವು ಗಂಟೆಗಳ ಕಾಲ ಪ್ರತ್ಯೇಕವಾಗಿ ವಿಚಾರಣೆ ನಡೆಸಲಾಯಿತು ಮತ್ತು ಅವರ ಹೇಳಿಕೆಗಳನ್ನು ಮಹಿಳಾ ಸಿಬ್ಬಂದಿ ದಾಖಲಿಸಿಕೊಂಡಿದ್ದಾರೆ.

Prajwal Revanna
ಈ ಮಧ್ಯೆ, ಪ್ರಜ್ವಲ್ ರೇವಣ್ಣ ದೇಶದಲ್ಲಿ ಇಲ್ಲದಿದ್ದರೂ, ತನಿಖೆಯ ಭಾಗವಾಗಿ ಆರೋಪಿಗಳಿಗೆ ನೋಟಿಸ್ ನೀಡಲು ಎಸ್‌ಐಟಿ ಸಿದ್ಧತೆ ನಡೆಸುತ್ತಿದೆ. ಶೀಘ್ರದಲ್ಲೇ ವಿಚಾರಣೆಗೆ ಹಾಜರಾಗುವಂತೆ ರೇವಣ್ಣ ಅವರಿಗೆ ನೋಟಿಸ್ ನೀಡುವ ಸಾಧ್ಯತೆ ಇದೆ. ಅಲ್ಲದೆ, ಎಸ್‌ಐಟಿ ತಂಡವು ಹಾಸನದಲ್ಲಿರುವ ರೇವಣ್ಣ ನಿವಾಸ ಸೇರಿದಂತೆ ಇತರೆ ಸ್ಥಳಗಳಿಗೆ ಭೇಟಿ ನೀಡಿ ಸಾಕ್ಷ್ಯಾಧಾರಗಳನ್ನು ಸಂಗ್ರಹಿಸುವ ಸಾಧ್ಯತೆಯಿದೆ. ತನಿಖಾ ಸಂಸ್ಥೆಯು ಸಂತ್ರಸ್ತರನ್ನು ಒಳಗೊಂಡಂತೆ ವ್ಯಕ್ತಿಗಳ ಸಹ ವಿಚಾರಣೆಗೆ ಕರೆಯಲು ಪಟ್ಟಿಯನ್ನು ಸಿದ್ಧಪಡಿಸುತ್ತಿದೆ.

Klive Special Article ವೋಟು.. ಗುಂಡುಗಳಿಗಿಂತ ಶಕ್ತಿಯುತ

0

ಲೇ; ಡಾ.ಕೆ.ಎಸ್.ಶುಭ್ರತಾ

Klive Special Article ನಮ್ಮೊಳಗೆ ಈ ಜಗತ್ತನ್ನು ಬದಲಿಸುವ ಶಕ್ತಿಯಿದೆ ಎಂದು ಹೇಳಿದರೆ ನಿಮ್ಮಲ್ಲಿ ಎಷ್ಟು ಜನ ನಂಬುವಿರಿ? ಖಂಡಿತ ಸಂಶಯ ಬೇಡ. ನಮ್ಮೆಲ್ಲರಿಗೂ ಇದ್ದೆ ಇದೆ. ಅದು ಹೇಗೆ ಎನ್ನುವಿರೇ? ನಮ್ಮ ಒಂದು ಮತಕ್ಕೆ ಆ ಶಕ್ತಿ ಇದೆ. ಮತ ಚಲಾಯಿಸಿದರೆ, ಆ ಶಕ್ತಿ ಉಪಯೋಗಿಸಿದಂತೆ.

ಕರ್ನಾಟಕದಲ್ಲಿ, ಎರದು ದಿನಗಳು ಲೋಕಸಭಾ ಚುನಾವಣೆಯ ಮತದಾನ ನಡೆಯಲಿದೆ. ಬರುವ ಏಪ್ರಿಲ್ 26, ಮತ್ತು ಮೇ 7ನೇ ತಾರೀಖುಗಳು, ಆ ಶಕ್ತಿ ಉಪಯೋಗಿಸಬೇಕಾದ ದಿನಗಳು

ಭಾರತಕ್ಕೆ ಸ್ವಾತಂತ್ರ ಬಂದಿದ್ದು 1947ರಲ್ಲಿ. ಆದರೆ, 1950ರಲ್ಲಿ ಸಂವಿಧಾನ ರಚಿತವಾದಾಗ, ಪ್ರಜೆಗಳಿಗೆಲ್ಲಾ ಮತ ಚಲಾಯಿಸುವ ಹಕ್ಕೂ ಸಿಕ್ಕಿತು. ಜಗತ್ತಿನಾದ್ಯಂತ, ಇನ್ನೂ ಹಲವಾರು ರಾಷ್ಟ್ರಗಳಲ್ಲಿ, ರಾಜರಿಂದ ನಡೆಯುವ, ಸರ್ವಾಧಿಕಾರಿ ನೇತೃತ್ವದ, ಕಮ್ಯೂನಿಸ್ಟ್ ಮಾದರಿಯ ಆಡಳಿತ ವ್ಯವಸ್ಥೆಯುಂಟು. ಅಲ್ಲಿ ಪ್ರಜೆಗಳಿಗೆ ಮತ ಹಾಕುವ ಹಕ್ಕು ಇಲ್ಲ, ಅದರಿಂದಾಗಿ, ದೇಶದಲ್ಲಿ ತೆಗೆದುಕೊಳ್ಳುವ ಮಹತ್ವದ ನಿರ್ಧಾರಗಳಲ್ಲಿ ಅವರ ಧ್ವನಿ ಕೂಡ ಇಲ್ಲ. ಅಂತದ್ದರಲ್ಲಿ, ವೋಟು ಹಾಕುವ, ಅದರ ಮೂಲಕ ದೇಶದ ಭವಿಷ್ಯದ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಹಕ್ಕು ನಮ್ಮದಿರುವಾಗ ನಾವೆಲ್ಲರೂ ಮತ ಚಲಾಯಿಸಲೇಬೇಕಲ್ಲವೆ?

Klive Special Article ಬೆಳಗಾಗೆದ್ದು, ನೂರಾರು ದೂರುಗಳನ್ನು ಹೇಳುತ್ತೇವೆ. ದೇಶದ ಅಭಿವೃದ್ಧಿಗಾಗಿ ಹಲವಾರು ಉಚಿತ ಸಲಹೆಗಳನ್ನು ಕೊಡುತ್ತೇವೆ. ಈ ರೀತಿ ಮಾಡಿದ್ದರೆ ಚೆನ್ನಾಗಿತ್ತು, ಹಾಗೆ ಮಾಡಿದ್ದು ತಪ್ಪು'' ಎಂದು ಟೀಕೆ ಮಾಡುತ್ತೇವೆ. ಆದರೆ, ಮತ ಹಾಕುವ ದಿನ, ಕೆಲಸದ ಸ್ಥಳದಲ್ಲಿ / ಕಾಲೇಜಿನಲ್ಲಿ ಚುನಾವಣೆಯ ನಿಮಿತ್ತ ರಜೆ ಕೊಟ್ಟಾಗ, ಮಜಾ ಮಾಡಲು, ಯಾವುದೋ ಪ್ರೇಕ್ಷಣೀಯ ಸ್ಥಳಕ್ಕೆ ಹೊರಟುಬಿಡುತ್ತೇವೆ.ನಾನೊಬ್ಬನು/ಳು ವೋಟು ಹಾಕದಿದ್ದರೇನು?” ಎಂಬ ಅಲಕ್ಷದ ಧೋರಣೆ ಹೆಚ್ಚಿನವರದು. ಶಿಕ್ಷಿತ ವರ್ಗ ಮತ್ತು ನಗರವಾಸಿ ಜನರೇ ವೋಟು ಹಾಕುವುದಿಲ್ಲ ಎಂಬ ಆರೋಪ ಬೇರೆ ಇದೆ. ಈ ಎಲ್ಲಾ ಆರೋಪಗಳನ್ನು ಸುಳ್ಳುಮಾಡಬೇಕು.
ತಮ್ಮ ಹೆಸರು ಮತದಾರರ ಪಟ್ಟಿಯಲ್ಲಿ ಇದೆಯೇ ಇಲ್ಲವೇ ಎಂದು ಮತದಾರರು, ವೋಟರ್ ಹೆಲ್ಪ್ ಲೈನ್ ಆಪ್ ಡೌನ್‍ಲೋಡ್ ಮಾಡಿ ಪರಿಶೀಲಿಸಬಹುದು. ಎಂಭತ್ತೈದು ವರ್ಷಕ್ಕೆ ಮೇಲ್ಪಟ್ಟ ಹಿರಿಯರಿಗೆ ಮತ್ತು ವಿಶೇಷ ಚೇತನರಿಗೆ ಮನೆಯಿಂದಲೇ ಮತ ಹಾಕುವ ಅವಕಾಶವಿದೆ.
“ಅಯ್ಯೋ.. ಈ ಚುನಾವಣಾ ಸಮಯದಲ್ಲಿ ಬಹಳ ಅಕ್ರಮ ನಡೆಯುತ್ತೆ ರೀ…” ಎಂದು ಬೇಸರಿಸುವವರಿಗೆ, ಇರುವುದೇ ಸಿ ವಿಜಿಲ್ ಆಪ್ . ಚುನಾವಣೆಗೆ ಸಂಬಂಧಿಸಿದ ಎಲ್ಲಾ ಅಕ್ರಮ ಚಟುವಟಿಕೆಗಳನ್ನು, ಚುನಾವಣಾ ನೀತಿ ಸಂಹಿತೆ ಉಲ್ಲಂಘನೆಯನ್ನು, ಈ ಆಪ್‍ನಲ್ಲಿ, ನಿಮ್ಮ ಹೆಸರು ಯಾರಿಗೂ ತಿಳಿಯದಂತೆ ವರದಿ ಮಾಡಬಹುದು. ಚುನಾವಣೆಗೆ ಸಂಬಂಧಿಸಿದ ಯಾವುದೇ ದೂರು ಇದ್ದರೂ, 1950 ಸಂಖ್ಯೆಗೆ ಕರೆ ಮಾಡಿ ತಿಳಿಸಬಹುದು.

ಈ ಬಾರಿಯ ಲೋಕಸಭಾ ಚುನಾವಣೆಯ ಘೋಷವಾಕ್ಯ, “ಚುನಾವಣಾ ಪರ್ವ, ದೇಶದ ಗರ್ವ” ಎನ್ನುವುದು. ಈ ಚುನಾವಣೆಯ ಪರ್ವ, ನಮಗೆ ಗರ್ವದ ವಿಷಯವಾಗಬೇಕೆಂದರೆ, ನಾವು ಈ ಸಮಯವನ್ನು ಹಬ್ಬದಂತೆ ಸಂಭ್ರಮಿಸಬೇಕು. ಒಟ್ಟಾಗಿ ಹೋಗಿ ಮತ ಚಲಾಯಿಸಬೇಕು. ನಾನೊಬ್ಬನೇ/ಳೇ ಹೋದರೆ ಸಾಲದು, ನನ್ನ ಅಕ್ಕಪಕ್ಕದ ಮನೆಯವರನ್ನು, ಬಂಧು-ಬಾಂಧವರನ್ನು, ಉದ್ಯೋಗಿಗಳನ್ನು, ಸ್ನೇಹಿತರನ್ನು ಮತ ಚಲಾಯಿಸಲು ಪ್ರೇರೇಪಿಸಬೇಕು.

ಜಗತ್ತಿನ ಬಹುದೊಡ್ಡ ಪ್ರಜಾಪ್ರಭುತ್ವ ವ್ಯವಸ್ಥೆಯಾದ ನಮ್ಮ ದೇಶದ ಸಾಮಾನ್ಯ ಪ್ರಜೆಗಳಾದ ನಮ್ಮಲ್ಲಿ ಇರುವುದು ಈ “ವೋಟು” ಎಂಬ ಪ್ರಭಾವಿ ಅಸ್ತ್ರ. ಅದನ್ನು ಅಮೆರಿಕಾದ ಮಾಜಿ ಪ್ರಧಾನಿ ಅಬ್ರಹಾಂ ಲಿಂಕನ್ “Ballot is stronger than Bullets” ಅಂದರೆ ಮತಚೀಟಿಗಳು ಗುಂಡುಗಳಿಗಿಂತ ಶಕ್ತಿಯುತ ಎಂದು ಹೇಳಿದ್ದಾರೆ.

ಆದರೆ ಈ ಅಸ್ತ್ರ ಸರಿಯಾದ ಸಮಯದಲ್ಲಿ ಉಪಯೋಗಿಸುವುದು ಅತ್ಯವಶ್ಯಕ.
ಯಾವುದೇ ಆಮಿಷಕ್ಕೆ ಒಳಗಾಗದೇ, ಧರ್ಮ-ಜಾತಿ-ಜನಾಂಗ-ಸಮುದಾಯದ ಭೇದವನ್ನು ಮಾಡದೇ ಅರ್ಹ ವ್ಯಕ್ತಿಗೆ ಮತ ಚಲಾಯಿಸುತ್ತೀರಿ ತಾನೆ? ಮರೆಯದಿರಿ. ಮೇ 10, 2024, ಮಂಗಳವಾರ, ಬೆಳಿಗ್ಗೆ 7 ರಿಂದ ಸಂಜೆ 6ರ ತನಕ. ಮತದಾನ ಮಾಡೋಣ, ದೇಶದ ಹೆಮ್ಮೆಯ ಪಾಲುದಾರರಾಗೋಣ.

ಡಾ|| ಕೆ.ಎಸ್. ಶುಭ್ರತಾ
ಮನೋವೈದ್ಯೆ ಮತ್ತು ಲೇಖಕಿ
ಜಿಲ್ಲಾ SVEEP ಐಕಾನ್, ಶಿವಮೊಗ್ಗ

Klive Special Article ದೀನರಕ್ಷಕನಿಗೆ ನನ್ನ ಮತ…ಅಶ್ವಿನಿ ದೇವತೆಗಳೇ ಅಸ್ತು ಎನ್ನಿ

0

ಲೇ; ಪ್ರವೀಣ ಜವಳಿ

Klive Special Article ಇಂದಿನ ಚುನಾವಣೆಯಲ್ಲಿ ಚಲಾವಣೆ ಆಗುವುದು ನನ್ನ ಮತ,
ಅಭ್ಯರ್ಥಿಗಳ ಆಮೀಶಕ್ಕೆ ಬಲಿಯಾಗದು ನನ್ನ ಮತ,
ಹುಸಿ ಭರವಸೆಗಳಿಗೆ ಬಗ್ಗದು ನನ್ನ ಮತ,
ಅಸ್ತು ಅನ್ನಿ… ಅಶ್ವಿನೀ ದೇವತೆಗಳೇ… ಅಸ್ತು ಅನ್ನಿ.

ಹೆಂಡಕೆ, ಪುಡಿಗಾಸಿಗೆ ಬಿಕರಿಯಾಗದು ನನ್ನ ಮತ,
ವಾಚಿಗೆ ಗೋಡೆ ಗಡಿಯಾರ ಗಳಿಗೆ ವಾಲದು ನನ್ನ ಮತ,
ಮಂಚಕೆ ಬೀರಿಗೆ ಸೀರೆ ಶಾಲು ಗಳ ಎಂಜಲಿಗೆ ಕೈ ಒಡ್ಡದು ನನ್ನ ಮತ,
ಅಸ್ತು ಅನ್ನಿ… ಅಶ್ವಿನೀ ದೇವತೆಗಳೇ… ಅಸ್ತು ಅನ್ನಿ.

ಕ್ಷಣಿಕ ಸುಖಗಳಿಗೆ ಈಡಾಗಿ ರಾಜ್ಯದ ಹಿತ ಹರಾಜಾಗಲು ಬಿಡದು ನನ್ನ ಮತ,
ಪುಂಡ ಪೋಕರಿಗಳ ಆರಿಸಿ ಅನರ್ಥಗಳಿಗೆ ರಹಾದಾರಿ ಕೊಡದು ನನ್ನ ಮತ,
ಸ್ನೇಹಿತರಿಗೆ, ಬಂಧು ಬಾಂಧವರಿಗೆ ಪ್ರೋತ್ಸಾಹಿಸಿ ಅವರ ಜೊತೆ ತಾನು ಚಲಾವಣೆ ಗೊಳ್ಳುವುದು ನನ್ನ ಮತ,
ಅಸ್ತು ಅನ್ನಿ… ಅಶ್ವಿನೀ ದೇವತೆಗಳೇ… ಅಸ್ತು ಅನ್ನಿ.

ನಿಸ್ಪೃಹ ನಿರಪೇಕ್ಷ ನಾಯಕನ ಆರಿಸುವುದು ನನ್ನ ಮತ,
ಜನಾನುರಾಗಿ ದೀನರಕ್ಷಕನ ಆಯ್ಕೆ ಮಾಡುವುದು ನನ್ನ ಮತ,
ನಮ್ಮ ರಾಜ್ಯ ವ ಸುಭೀಕ್ಷ ರಾಜ್ಯವಾಗಿಸುವುದು ನನ್ನ ಮತ,
ಅಸ್ತು ಅನ್ನಿ… ಅಶ್ವಿನೀ ದೇವತೆಗಳೇ… ಅಸ್ತು ಅನ್ನಿ.

ಬರಹ : ಪ್ರವೀಣ ಜವಳಿ
9880687985

ಪ್ರವೀಣ ಜವಳಿ
PraveenMJavali@gmail.com
98806 47945.

Klive Special Article (ಅಶ್ವಿನೀ ದೇವತೆಗಳು ದೇವತೆಗಳ ವೈದ್ಯರೆಂದೆನಿಸಿದ್ದಾರೆ. ಇವರಿಗೆ ಅಶ್ವಿನೀ ಕುಮಾರರೆಂದೂ, ಅಸ್ತು ದೇವತೆಗಳೆಂದೂ ಹೆಸರಿದೆ.

ಅಶ್ವಿನೀ ದೇವತೆಗಳು ಸದಾ ಎಲ್ಲ ಕಡೆಯು ನೆಲೆಸಿ ಜನರಾಡುವ ಒಳ್ಳೆಯ, ಕೆಟ್ಟ ಮಾತುಗಳಿಗೆಲ್ಲಾ ಅಸ್ತು ಎನ್ನುತ್ತಾರೆಂದು ನಂಬಲಾಗಿದೆ. ಹಾಗಾಗಿ ಮನುಷ್ಯ ತನ್ನ ಜೀವನದುದ್ದಕ್ಕೂ ಒಳ್ಳೆಯ ಮಾತುಗಳನ್ನಾಡುತ್ತಾ ಆರೋಗ್ಯಕರವಾಗಿ ಬದುಕಬೇಕೆನ್ನುತ್ತಾರೆ.)

MESCOM Shivamogga ಮೆಸ್ಕಾಂ ಬಗ್ಗೆ ಗ್ರಾಹಕರು ಸಾಗರ ತಾಲ್ಲೂಕು ವ್ಯಾಪ್ರಿಯಲ್ಲಿ ತಮ್ಮ ದೂರು ಸಲ್ಲಿಸಲು ಸಂಪರ್ಕಿಸಬೇಕಾದ ದೂರವಾಣಿ ಸಂಖ್ಯೆ ಮಾಹಿತಿ

0

MESCOM Shivamogga ಶಿವಮೊಗ್ಗ ಜಿಲ್ಲೆ ವ್ಯಾಪ್ತಿಯಲ್ಲಿ ವಿದ್ಯುತ್ ವ್ಯತ್ಯಯ/ಅಡಚಣೆಗೆ ಸಂಬಂಧಿಸಿದಂತೆ ದೂರುಗಳು ಅಥವಾ ಸಲಹೆಗಳಿದ್ದಲ್ಲಿ ಮೆಸ್ಕಾಂ ದೂರವಾಣಿ ಸಂಖ್ಯೆಗೆ ಕರೆ ಮಾಡಿ ತಿಳಿಸಬಹುದೆಂದು ಶಿವಮೊಗ್ಗ ಕಾ&;ಪಾ ವೃತ್ತ. ಮ.ವಿ.ಸ.ಕಂ., ಅಧೀಕ್ಷಕ ಇಂಜಿನಿಯರ್ ಎಸ್.ಜಿ. ಶಶಿಧರ್ ತಿಳಿಸಿದ್ದಾರೆ.

ಮೆಸ್ಕಾಂ ವ್ಯಾಪ್ತಿಯಲ್ಲಿನ ವಿದ್ಯುತ್ ಸರಬರಾಜಿಗೆ ಸಂಬಂಧಿಸಿದ ದೂರುಗಳಿದ್ದಲ್ಲಿ ಸಂಪರ್ಕಿಸಬೇಕಾದ ದೂರವಾಣಿ ಸಂಖ್ಯೆ : ೧೯೧೨ ಮತ್ತು ಮೆಸ್ಕಾಂ ಸಾಗರ ವಿಭಾಗ ವ್ಯಾಪ್ತಿಗೆ ಸಂಬಂಧಿಸಿದ ದೂರುಗಳಿದ್ದಲ್ಲಿ ದೂರವಾಣಿ ಸಂಖ್ಯೆ : ೦೮೧೮೩-೨೨೬೦೯೮/೮೨೭೭೮೮೦೭೪೨ ಗಳನ್ನು ಸಂಪರ್ಕಿಸಬಹುದಾಗಿದೆ.
ಸಾಗರ ನಗರ, ಸಾಗರ ತಾಲೂಕು, ಹೊಸನಗರ (ತಾ), ಸೊರಬ (ತಾ) ವ್ಯಾಪ್ತಿ ಪ್ರದೇಶಗಳಿಗೆ ಸಂಬಂಧಿಸಿದಂತೆ ವೆಂಕಟೇಶ್, ಕಾ.ನಿ.ಇಂ.-೯೪೪೮೨೮೯೪೫೭. ಸಾಗರ ನಗರ ವ್ಯಾಪ್ತಿ ಪ್ರದೇಶಕ್ಕೆ ಸಂಬಂಧಿಸಿದಂತೆ ಕಿರಣ್‌ಕುಮಾರ್ ಎನ್.ಎಸ್., ಸ.ಕಾ.ನಿ.ಇಂ.-೯೪೪೮೨೮೯೫೧೬. ಸಾಗರ ಟೌನ್, ಜೆಪಿನಗರ, ವಿವೇಕನಗರ, ಆರ್.ಎಂ.ಸಿ., ಸೊರಬ ರಸ್ತೆ- ಪ್ರಕಾಶ್ ಎಲ್.-ಸ.ಇಂ.-೯೪೪೮೨೮೯೪೬೧. ಸಾಗರ ಟೌನ್, ಮಂಗಳಬೀಸು, ಎಸ್.ಎಲ್.ನಗರ, ನೆಹರೂ ನಗರ, ರಾಮನಗರ, ವಿಜಯನಗರ, – ನವೀನ್ ಎಸ್. -ಸ.ಇಂ.-೯೪೪೮೨೮೯೪೬೨.
ಸಾಗರ ತಾಲೂಕು ಗ್ರಾಮೀಣ ವ್ಯಾಪ್ತಿ – ಮೋಹನ್ ಬಿ.- ಸ.ಕಾ.ನಿ.ಇಂ.-೯೪೪೮೨೮೯೫೧೬. ಲಿಂಗದಹಳ್ಳಿ, ಬಿಳಿಸಿರಿ, ಪಡವಗೋಡು, ಮೂಡಳ್ಳಿ, ಕಲ್ಯಾಣಪುರ, ಬೊಮ್ಮತ್ತಿ – ಬಂಗಾರಪ್ಪ ಎಸ್.-ಕಿ.ಇಂ.-೯೪೮೦೮೮೦೫೯೭. ಆನಂದಪುರ, ಗೌತಮಪುರ, ಹಿರೇಹರಕ, ಎಡೆಹಳ್ಳಿ ಗ್ರಾಮಗಳು – ಯೋಗೇಂದ್ರಪ್ಪ – ಕಿ.ಇಂ. – ೯೪೪೮೨೮೯೪೭೦. ಆವಿನಹಳ್ಳಿ ಸುತ್ತಮುತ್ತಲಿನ ಗ್ರಾಮಗಳು – ಬರ್ಕತ್ ಆಲಿ- ಕಿ.ಇಂ.- ೯೪೪೮೨೮೯೪೭೧. ಮಾಸೂರು, ಚಿಕ್ಕನಲ್ಲೂರು, ಮಾಳ್ವೆ, ಕೆಳದಿ – ಕಿರಣ್‌ಕುಮಾರ್ ಎನ್.ಡಿ.- ಕಿ.ಇಂ.- ೯೪೮೦೮೮೦೫೯೮. ತ್ಯಾಗರ್ಸಿ, ಕುಂದೂರು, ನೀಚಡಿ – ಇಂದೇಶ್ –ಕಿ.ಇಂ.- ೯೪೪೮೯೯೮೭೮೬.
ಸೊರಬ ತಾಲೂಕು ವ್ಯಾಪ್ತಿ, ಚಂದ್ರಗುತ್ತಿ ಹೋಬಳಿ- ಸತ್ಯಪ್ರಕಾಶ್- ಸ. ಕಾ.ನಿ.ಇಂ. – ೯೪೪೮೨೮೯೫೧೮. ಸೊರಬ ಟೌನ್ ಸುತ್ತಮುತ್ತಲಿನ ಗ್ರಾಮಗಳು – ಉಮೇಶ್ ಹೆಚ್.ಜೆ.- ಸ.ಇಂ.- ೯೪೪೮೨೮೯೪೬೩. ಉಳವಿ, ದೂಗೂರು, ನಿಸ್ರಾಣಿ, ಹೊಸಬಾಳೆ, ಮುಡುಗುಪ್ಪೆ ಸುತ್ತಮುತ್ತಲಿನ ಗ್ರಾಮಗಳು- ಪ್ರವೀಣ್‌ಕುಮಾರ್ ಕೆ.- ಕಿ.ಇಂ.-೯೪೪೮೯೯೮೭೮೭. ಚಂದ್ರಗುತ್ತಿ, ಹೆಂಚೆ, ಬೆನ್ನೂರು, ಹರಶಿ, ನ್ಯಾರ್ಶಿ ಸುತ್ತಮುತ್ತಲಿನ ಗ್ರಾಮಗಳು- ಪ್ರವೀಣ್‌ಕುಮಾರ್ ಕೆ.- ಕಿ.ಇಂ.-೯೪೪೮೯೯೮೭೮೫.
MESCOM Shivamogga ಹೊಸನಗರ ತಾಲೂಕು ಹಾಗೂ ಸುತ್ತಮುತ್ತಲಿನ ಗ್ರಾಮಗಳು- ಚಂದ್ರಶೇಖರ್ – ಸ.ಕಾ.ನಿ.ಇಂ.-೯೪೪೮೨೮೯೫೧೭. ಹೊಸನಗರ ಟೌನ್, ಜಯನಗರ, ರಾಮಚಂದ್ರಪುರ ಮಠ ಸುತ್ತಮುತ್ತಲಿನ ಗ್ರಾಮಗಳು- ಮಾಯಣ್ಣಗೌಡ ಎ.ಹೆಚ್.-ಸ.ಇಂ.-೯೪೪೮೨೮೯೪೬೮ ನಗರ, ನಿಟ್ಟೂರು, ಸಂಪಕಟ್ಟೆ ಸುತ್ತಮುತ್ತಲಿನ ಗ್ರಾಮಗಳು- ಪ್ರಕಾಶ್ ತಕ್ಕಣ್ಣನವರ್-ಕಿ.ಇಂ.-೯೪೪೮೯೯೮೭೯೦, ರಿಪ್ಪನ್‌ಪೇಟೆ, ಅರಸಾಳು, ಹುಂಚ, ಕೊಡೂರು, ಬಟ್ಟೆಮಲ್ಲಪ್ಪ ಸುತ್ತಮುತ್ತಲಿನ ಗ್ರಾಮಗಳು – ಅಶ್ವಲ್ ಬಿ.ಪಿ.- ಸ.ಇಂ.-೯೪೪೮೨೮೯೪೭೩.
ಜೋಗ ಸುತ್ತಮುತ್ತಲಿನ ಗ್ರಾಮಗಳು -ಪ್ರವೀಣ್ ಪಿ.- ಸ.ಕಾ.ನಿ.ಇಂ.-೯೪೪೮೨೮೯೫೧೭. ಜೋಗ-ಕಾರ್ಗಲ್, ಕೋಗಾರು, ಭೀಮೇಶ್ವರ ಸುತ್ತಮುತ್ತಲಿನ ಗ್ರಾಮಗಳು-ಸಂತೋಷ್‌ಕುಮಾರ್ ಗೌಡ-ಕಿ.ಇಂ.-೯೪೪೮೨೮೯೪೬೯. ಬ್ಯಾಕೋಡು, ಹರಿಗೆ, ಎಸ್.ಎಸ್.ಬೋಗ, ಸುಳ್ಳಳ್ಳಿ, ಸಿಗಂದೂರು – ನಾಗರಾಜ್ ಪಿ.ಎಸ್.-ಕಿ.ಇಂ.-೯೪೪೮೯೯೮೭೮೨. ತಾಳಗುಪ್ಪ, ಸೈಂದೂರು, ಕಾಲ್ಲೆ ಸುತ್ತಮುತ್ತಲಿನ ಗ್ರಾಮಗಳು – ಯಶವಂತ್ ಡಿ.- ಕಿ.ಇಂ.-೯೪೮೦೮೮೦೫೯೯.ಇವರುಗಳನ್ನು ಸಂಪರ್ಕಿಸಬಹುದಾಗಿದೆ.

H.D.Revanna ಪ್ರಜ್ವಲ್ ಪೆನ್ ಡ್ರೈವ್ ಪ್ರಕರಣ:‌ಎಸ್ ಐ ಟಿ ಯಿಂದ ಐವರು ಸಂತ್ರಸ್ತೆಯರ ವಿಚಾರಣೆ

0

H.D. Revanna ಹೊಳೆನರಸೀಪುರ ಜೆಡಿಎಸ್ ಶಾಸಕ ಎಚ್‌ಡಿ ರೇವಣ್ಣ ಹಾಗೂ ಅವರ ಪುತ್ರ ಹಾಸನ ಸಂಸದ ಪ್ರಜ್ವಲ್ ರೇವಣ್ಣ ಅವರ ಲೈಂಗಿಕ ಕಿರುಕುಳ ಪ್ರಕರಣದ ತನಿಖೆಯನ್ನು ತೀವ್ರಗೊಳಿಸಿರುವ ಎಸ್ಐಟಿ, ತಂದೆ-ಮಗನಿಂದ ಕಿರುಕುಳಕ್ಕೊಳಗಾದ ಐವರು ಮಹಿಳೆಯರಿಂದ ಮಾಹಿತಿ ಕಲೆಹಾಕಿದೆ.

ಈ ಮಧ್ಯೆ, ಎಸ್‌ಐಟಿ ಆರೋಪಿಗಳಿಗೆ ನೋಟಿಸ್ ಜಾರಿ ಮಾಡಲು ಸಿದ್ಧತೆ ನಡೆಸಿದ್ದು, ವಿಚಾರಣೆಗೆ ಹಾಜರಾಗುವಂತೆ ಸೂಚಿಸುವ ಸಾಧ್ಯತೆಯಿದೆ. ಸದ್ಯ ಸುತ್ತುತ್ತಿರುವ ವಿಡಿಯೋಗಳ ಆಧಾರದ ಮೇಲೆ ಗುರುತಿಸಲ್ಪಟ್ಟ ಐವರು ಮಹಿಳೆಯರನ್ನು ಎಸ್‌ಐಟಿಯ ಹಿರಿಯ ಅಧಿಕಾರಿಗಳು ವಿಚಾರಣೆಗೆ ಒಳಪಡಿಸಿದ್ದು, ಸಂತ್ರಸ್ತರು ಆರೋಪಿಗಳ ಸಂಪರ್ಕಕ್ಕೆ ಬಂದಿದ್ದು ಹೇಗೆ ಮತ್ತು ಅವರ ಜೊತೆ ಲೈಂಗಿಕ ಕ್ರಿಯೆ ನಡೆಸುವಂತೆ ಬಲವಂತಪಡಿಸಿದ ಬಗ್ಗೆ ಅಧಿಕಾರಿಗಳು ಮಾಹಿತಿ ಸಂಗ್ರಹಿಸಿದ್ದಾರೆ ಎಂದು ತಿಳಿದುಬಂದಿದೆ.

ಪೊಲೀಸ್ ಅಧಿಕಾರಿಗಳು ಕೂಡ ವಿಡಿಯೋಗಳನ್ನು ಯಾರು ರೆಕಾರ್ಡ್ ಮಾಡಿದ್ದಾರೆ ಮತ್ತು ವಿಡಿಯೋ ಬಳಸಿ ಅವರಲ್ಲಿ ಯಾರನ್ನಾದರೂ ಬ್ಲ್ಯಾಕ್‌ಮೇಲ್ ಮಾಡಲಾಗುತ್ತಿದೆಯೇ ಎಂಬ ಬಗ್ಗೆ ಸಂತ್ರಸ್ತರನ್ನು ಪ್ರಶ್ನಿಸಿದ್ದಾರೆ. ಸಂತ್ರಸ್ತರನ್ನು ಕೆಲವು ಗಂಟೆಗಳ ಕಾಲ ಪ್ರತ್ಯೇಕವಾಗಿ ವಿಚಾರಣೆ ನಡೆಸಲಾಯಿತು ಮತ್ತು ಅವರ ಹೇಳಿಕೆಗಳನ್ನು ಮಹಿಳಾ ಸಿಬ್ಬಂದಿ ದಾಖಲಿಸಿಕೊಂಡಿದ್ದಾರೆ.

H.D. Revanna ಎಚ್‌ಡಿ ರೇವಣ್ಣ – ಪ್ರಜ್ವಲ್ ರೇವಣ್ಣ
ಅಶ್ಲೀಲ ವಿಡಿಯೋ ಪ್ರಕರಣ: ಜೆಡಿಎಸ್ ಕೋರ್ ಕಮಿಟಿ ಸಭೆ ನಂತರ ಪ್ರಜ್ವಲ್ ರೇವಣ್ಣ ಉಚ್ಛಾಟನೆ ಸಾಧ್ಯತೆ!
ಈಮಧ್ಯೆ, ಪ್ರಜ್ವಲ್ ರೇವಣ್ಣ ದೇಶದಲ್ಲಿ ಇಲ್ಲದಿದ್ದರೂ, ತನಿಖೆಯ ಭಾಗವಾಗಿ ಆರೋಪಿಗಳಿಗೆ ನೋಟಿಸ್ ನೀಡಲು ಎಸ್‌ಐಟಿ ಸಿದ್ಧತೆ ನಡೆಸುತ್ತಿದೆ. ಶೀಘ್ರದಲ್ಲೇ ವಿಚಾರಣೆಗೆ ಹಾಜರಾಗುವಂತೆ ರೇವಣ್ಣ ಅವರಿಗೆ ನೋಟಿಸ್ ನೀಡುವ ಸಾಧ್ಯತೆ ಇದೆ. ಅಲ್ಲದೆ, ಎಸ್‌ಐಟಿ ತಂಡವು ಹಾಸನದಲ್ಲಿರುವ ರೇವಣ್ಣ ನಿವಾಸ ಸೇರಿದಂತೆ ಇತರೆ ಸ್ಥಳಗಳಿಗೆ ಭೇಟಿ ನೀಡಿ ಸಾಕ್ಷ್ಯಾಧಾರಗಳನ್ನು ಸಂಗ್ರಹಿಸುವ ಸಾಧ್ಯತೆಯಿದೆ.

ತನಿಖಾ ಸಂಸ್ಥೆಯು ಸಂತ್ರಸ್ತರನ್ನು ಒಳಗೊಂಡಂತೆ ವ್ಯಕ್ತಿಗಳ ಸಹ ವಿಚಾರಣೆಗೆ ಕರೆಯಲು ಪಟ್ಟಿಯನ್ನು ಸಿದ್ಧಪಡಿಸುತ್ತಿದೆ.

McGann Hospital ತರೀಕೆರೆ ರೈಲು ನಿಲ್ದಾಣದಲ್ಲಿ ಮೃತಪಟ್ಟ ವ್ಯಕ್ತಿಯ ಶವ ಶಿವಮೊಗ್ಗ ಮೆಗ್ಗಾನ್ ಆಸ್ಪತ್ರೆ ಶವಾಗಾರದಲ್ಲಿರಿಸಲಾಗಿದೆ

0

McGann Hospital ತರೀಕೆರೆ ರೈಲುನಿಲ್ದಾಣದಲ್ಲಿ ಸುಮಾರು ೩೦-೩೫ ವರ್ಷದ ಅಪರಿಚಿತ ವ್ಯಕ್ತಿಯು ಚಲಿಸುತ್ತಿರುವ ರೈಲುಗಾಡಿಯನ್ನು ಹತ್ತಲು ಹೋಗಿ ಕೆಳಗೆ ಬಿದ್ದು ಮೃತಪಟ್ಟಿರುತ್ತಾನೆ. ಈತನ ವಾರಸ್ಸುದಾರರು, ವಿಳಾಸ ಪತ್ತೆಯಾಗಿರುವುದಿಲ್ಲ.

ಶವವನ್ನು ಮೆಗ್ಗಾನ್ ಆಸ್ಪತ್ರೆಯ ಶವಾಗಾರದಲ್ಲಿರಿಸಲಾಗಿದೆ.
ಈತನ ಚಹರೆ ಸುಮಾರು ೫.೬ ಅಡಿ ಎತ್ತರ, ಸಾಧಾರಣ ಮೈಕಟ್ಟು, ಕಪ್ಪು ಮೈಬಣ್ಣ, ಕೋಲುಮುಖ, ದಪ್ಪಮೂಗು, ೨ ಇಂಚು ಉದ್ದದ ಕಪ್ಪು ತಲೆಕೂದಲು, ಗಡ್ಡ,ಮೀಸೆ ಬಿಟ್ಟಿರುತ್ತಾನೆ. ಬಲಗೈಯಲ್ಲಿ ಕನ್ನಡ ಅಕ್ಷರದಲ್ಲಿ ಅಮ್ಮ ಎಂದು ಹಾಗು ಎಡಗೈಯಲ್ಲಿ ರಾಕಿ ಮತ್ತು McGann Hospital ಇಂಗ್ಲೀಷ್‌ನಲ್ಲಿ ಆರ್ ಎಂದು ಹಚ್ಚೆ ಹಾಕಿಸಿಕೊಂಡಿರುತ್ತಾನೆ. ಮೈಮೇಲೆ ನಕ್ಷತ್ರಾಕಾರದ ಚುಕ್ಕೆಗಳುಳ್ಳ ಗುಲಾಬಿ ಬಣ್ಣದ ಉದ್ದತೋಳಿನ ಅಂಗಿ, ಕಡನೀಲಿ ಬಣ್ಣದ ಜೀನ್ಸ್ ಪ್ಯಾಂಟ್ ಧರಿಸಿದ್ದು, ಕೊರಳಲ್ಲಿ ಮತ್ತು ಎಡಗೈಯಲ್ಲಿ ಕೇಸರಿ ಬಣ್ಣದ ದಾರ ಕಟ್ಟಿಕೊಂಡಿರುತ್ತಾನೆ.
ಈ ಅಪರಿಚಿತ ವ್ಯಕ್ತಿಯ ವಾರಸ್ಸುದಾರರು ಪತ್ತೆಯಾದಲ್ಲಿ ಶಿವಮೊಗ್ಗ ರೈಲ್ವೆ ಪೊಲೀಸ್ ಸಬ್ ಇನ್ಸ್ಪೆಕ್ಟರ್, ದೂ.ಸಂ.-೦೮೧೮೨-೨೨೨೯೭೪/ ೯೪೮೦೮೦೨೧೨೪ ನ್ನು ಸಂಪರ್ಕಿಸಿ ಮಾಹಿತಿ ನೀಡುವಂತೆ ಪೊಲೀಸ್ ಇಲಾಖೆ ಕೋರಿದೆ.