ಕರ್ನಾಟಕ ರಾಜ್ಯದ ಮಾನ್ಯ ಮುಖ್ಯಮಂತ್ರಿಗಳಾದ ಸನ್ಮಾನ್ಯ ಶ್ರೀ ಬಸವರಾಜ್ ಬೊಮ್ಮಾಯಿ ರವರಿಗೆ ಕರ್ನಾಟಕ ರಾಜ್ಯ ಪತ್ರಿಕ ವಿತರಕರ ಒಕ್ಕೂಟದಿಂದ ಒಂದು ಬಹಿರಂಗ ಪತ್ರ ಬರೆಯಲಾಗಿದೆ.

ನಾಡಿನ ದೊರೆ ಎಂದು ಕರೆದರೆ ತಮಗೆ ಅತೀವ ಕಸಿವಿಸಿಯಾಗುತ್ತದೆ
ತಾವುಗಳು ತಮ್ಮನ್ನು
ಸಿ. ಎಂ ( ಕಾಮನ್ ಮ್ಯಾನ್) ಎಂದು ಸಂಬೋಧಿಸುವಂತೆ ಪ್ರಜೆಗಳಲ್ಲಿ ಮನವಿ ಮಾಡಿರುವುದು ಶ್ಲಾಘನೀಯ.

ಅದೇ ರೀತಿ ತಾವುಗಳು ಸಹ ರಾಜ್ಯದ ಎಲ್ಲಾ ಕಾಮನ್ ಮ್ಯಾನ್ಗಳಿಗೆ ( ಅಂದರೆ ಬಡವರು ನಿರ್ಗತಿಕರಿಗಾಗಿ) ಹಲವಾರು ಉತ್ತಮ ಯೋಜನೆಗಳನ್ನು ನೀಡುತ್ತಾ ಬಂದಿರುತ್ತೀರಿ ರಾಜ್ಯದ ಹಲವಾರು ವರ್ಗಗಳನ್ನು ಗುರುತಿಸಿ ಅವರವರಿಗಾಗಿ ಒಳ್ಳೆಯ ಕಾರ್ಯಕ್ರಮಗಳನ್ನು ನೀಡುತ್ತಿರುವುದು ಸಂತಸದ ವಿಷಯ.
ಆದರೆ

ತಮ್ಮನ್ನು ಸೇರಿದಂತೆ ಯಾವ ಮುಖ್ಯಮಂತ್ರಿಗಳು ಸಹ ಒಂದು ವರ್ಗವನ್ನು ಗಣನೆಗೆ ತೆಗೆದುಕೊಳ್ಳದೆ ಇರುವುದು ವಿಷಾದನೀಯ. ಯಾರ ಗಮನಕ್ಕೂ ಬರದೇ ಇರುವ ನಮ್ಮ ವರ್ಗ ಯಾವುದೆಂದರೆ ಮುಂಜಾನೆಯ ಸೂರ್ಯ ರಶ್ಮಿ ಭುವಿಗೆ ಅಪ್ಪಳಿಸುವುದಕ್ಕಿಂತ ಮುಂಚೆ ಕತ್ತಲ ಜೊತೆ ಗುದ್ದಾಡುವ ಸಂವಿಧಾನದ ನಾಲ್ಕನೇ ಅಂಗ ಎಂದು ಗುರುತಿಸಿಕೊಂಡಿರುವ ಪತ್ರಿಕಾರಂಗದ ಅವಿಭಾಜ್ಯ ಅಂಗವಾದ ದಿನಪತ್ರಿಕೆ
ವಿತರಕರು ನಾವು!!

ಜಗತ್ತು ಮಧ್ಯರಾತ್ರಿ ಕಳೆದು ಮುಂಜಾನೆಯ ಹದವಾದ ಚಳಿಗೆ ಬೆಚ್ಚಗೆ ಜಮಖಾನೆ ಹೊದ್ದು ಸುಖನಿದ್ರೆಗೆ ಜಾರುವ ಸಮಯದಲ್ಲಿ ನಾವುಗಳು ಅಂದ್ರೆ ದಿನಪತ್ರಿಕೆ ವಿತರಕರು ನಮ್ಮ ಕಾಯಕವನ್ನು
ಶುರು ಹಚ್ಚುತ್ತೇವೆ. ನಾಡಿನ ಜನರೆಲ್ಲ ಮುಂಜಾನೆ ಎದ್ದು ಚುಮುಚುಮು ಚಳಿಯಲ್ಲಿ ಬಿಸಿ ಕಾಫಿ ಇರುವ ಸಮಯಕ್ಕೆ ಸರಿಯಾಗಿ ಎಲ್ಲರ ಮನೆ ಬಾಗಿಲಿಗೆ ಪತ್ರಿಕೆಗಳನ್ನು ಹಂಚುವುದು ನಮ್ಮ ಕಾಯಕ
ವರ್ಷದಲ್ಲಿ 361 ದಿನಗಳ ಕಾಲ ಮಳೆ ಚಳಿ ಗಾಳಿ ಎನ್ನದೆ ಯಾವುದೇ ವ್ಯಕ್ತಿರಿಕ್ತ ಪರಿಸ್ಥಿತಿಯಳು ಸಹ ನಾವು ನಮ್ಮ ಕಾಯಕದಿಂದ ವಿಮುಕ್ತರಾದವರೆಲ್ಲ. ಉದಾಹರಣೆಗೆ ನಮ್ಮ ನಾಡಿನಲ್ಲಿ ನಡೆದ
ಕಾವೇರಿ ಗಲಭೆ ಉರ್ದು ವಾರ್ತೆಗಳ , ವರನಟ ಡಾಕ್ಟರ್ ರಾಜಕುಮಾರ್ ರವರ
ಆಪಹರಣ ಮತ್ತು ಹೀಗೆ ಸಮೀಪದಲ್ಲಿ ಇಡೀ ಜಗತ್ತು ಕಂಡ ಮಹಾಮಾರಿ ಕರೋನಾ ಸಾಂಕ್ರಾಮಿಕ ರೋಗ ದಂತ ಕ್ಲಿಷ್ಟಕರ ಪರಿಸ್ಥಿತಿಯಲ್ಲಿ ಸಹ ನಾವು ನಮ್ಮ ಕಾರ್ಯವನ್ನು ಅತಿ ಹೆಚ್ಚು ಉತ್ಸಾಹದಿಂದ ಮಾಡಿ ನಾಡಿನ ಜನರಿಗೆ ಜಗತ್ತಿನ ವಿದ್ಯಾಮಾನಗಳನ್ನು ತಲುಪಿಸುವ ಸಂವಹಕರಾಗಿ ದುಡಿದಿದ್ದು ದುಡಿಯುತ್ತಿದ್ದು ಇನ್ನು ದುಡಿಯತ್ತಿದ್ದೇವೆ.

ಆದರೆ ನಮ್ಮ ರಾಜ್ಯದಲ್ಲಿ 180 ವರ್ಷಗಳ ಇತಿಹಾಸ ಇರುವ ಈ ದಿನ ಪತ್ರಿಕೆ ವಿತರಕರನ್ನು ಸರ್ಕಾರ ಮತ್ತು ಯಾವುದೇ ಸಂಘ ಸಂಸ್ಥೆಗಳ ಗುರುತಿಸದಿರುವುದು
ವಿಷಾದನೀಯ. ಆದ್ದರಿಂದ ಈ ಬಾರಿ ನಮ್ಮ ನಾಡಿನ ದೊರೆಯಾದ ( ಕ್ಷಮೆ ಇರಲಿ ತಾವು ಕಾಮನ್ ಮ್ಯಾನ್ ಎಂದು ನಿರೂಪಿಸುತ್ತಿದ್ದರು ) ನಮ್ಮ ಪಾಲಿಗೆ ನೀವು ದೊರೆಯಾಗಿ ಕಾಣಿಸುತ್ತಿರುವುದು ಯಾಕಂದರೆ ತಾವುಗಳು ಮುಖ್ಯಮಂತ್ರಿಗಳಾದ ಬಳಿಕ ಎಲ್ಲಾ ವರ್ಗಗಳಿಗೂ ನ್ಯಾಯ ದೊರಕಿಸಿ ಕೊಟ್ಟಿರುವುದು ನಮ್ಮಗಳ ವಿವೇಚನೆಯಲ್ಲಿದೆ.

ಆದ್ದರಿಂದ ಈ ಬಾರಿ ತಾವು ಮಂಡಿಸುವ ಈ ಸಾಲಿನ ಕೊನೆಯ ಬಜೆಟ್ ನಲ್ಲಿ ನಮ್ಮ ದಿನಪತ್ರಿಕೆ ವರ್ಗದವರನ್ನು ಗುರುತಿಸಿ ನಮಗಾಗಿ ಒಂದಷ್ಟು ಸೌಲಭ್ಯಗಳನ್ನು ಕಲ್ಪಿಸುತ್ತೀರಿ ಎಂಬ ನಂಬಿಕೆ ನಮ್ಮದು ನಮ್ಮ ಬೇಡಿಕೆಗಳು ಬಹು ದೊಡ್ಡದೇನಿಲ್ಲ ಸ್ವಾಮಿ ರಾಜ್ಯದಲ್ಲಿ ಸುಮಾರು0
70,000 ದಷ್ಟಿರುವ ವಿತರಕರು ನಾವು ನಾವು ನಿಮ್ಮಲ್ಲಿ ಇಡುತ್ತಿರುವ ಕನಿಷ್ಠ ಬೇಡಿಕೆಗಳು ದಿನಪತ್ರಿಕೆ ಯಾವುದಾದರೂ ವಿಶೇಷ ವರ್ಗಕ್ಕೆ ತಂದು ನಮ್ಮ ಮಕ್ಕಳಿಗೆ ಉಚಿತ ವ್ಯಾಸಂಗಕ್ಕೆ ನೆರವು ನೀಡುವುದು ಮತ್ತು ವರ್ಷದ 361 ದಿನ ದುಡಿಯುವ ನಮ್ಮ ಆರೋಗ್ಯಕ್ಕಾಗಿ ಇಎಸ್‌ಐ ಸೌಲಭ್ಯವನ್ನು ಸರ್ಕಾರದಿಂದ ಕಲ್ಪಿಸಿ ಕೊಡುವುದು ಹಾಗೂ ಮಾಲಿನ್ಯ ರಹಿತ ರಾಜ್ಯಗಳು ನಮ್ಮ ದಿನಪತ್ರಿಕೆ ವಿತರಕರಿಗೆ ಉಚಿತವಾಗಿ ಎಲೆಕ್ಟ್ರಿಕ್ ಬೈಕ್ ಗಳನ್ನು ನೀಡುವುದು.

ಪ್ರತಿ ವರ್ಷ ಸೆಪ್ಟೆಂಬರ್ 04 ರಂದು ದಿನಪತ್ರಿಕೆ ವಿತರಕರ ದಿನಾಚರಣೆಯನ್ನು
ವಸತಿ ಯೋಜನೆಗಳಲ್ಲಿ ವಸತಿ ರಹಿತ ದಿನಪತ್ರಿಕೆ ವಿತರಕರಿಗೆ ಒಂದಷ್ಟು ಮೀಸಲಾತಿ ನೀಡುವುದು.

ಹಾಗೂ ಪ್ರಮುಖವಾಗಿ ಇಡೀ ಕನ್ನಡ ನಾಡು ಸಂಭ್ರಮ ಪಡುವಂತ ದಿನವಾದ ಕನ್ನಡ ರಾಜ್ಯೋತ್ಸವದಂದು ರಾಜ್ಯದ ಇಬ್ಬರು ದಿನ ಪತ್ರಿಕೆ ವಿತರಕರನ್ನು ಗುರುತಿಸಿ ರಾಜ್ಯೋತ್ಸವ ಪ್ರಶಸ್ತಿಗೆ ಆಯ್ಕೆ ಮಾಡುವುದು.

ಕೊನೆಯದಾಗಿ ತಮಗೆ ತೊಂದರೆ
ಆಗಬಹುದಾದರೂ ಸಹ ದಿನಪತ್ರಿಕೆ ಉತ್ತರಕ್ಕಾಗಿ ಒಂದು ಪ್ರಾಧಿಕಾರ ರಚನೆ ಮಾಡಿ ಜಿಲ್ಲೆಗೆ ಒಂದು ಕೋಟಿಯಂತೆ 31 ಕೋಟಿಯಷ್ಟು ಅನುದಾನ ಮೀಸಲಿಡುವುದು.

ಮೂರು ಲಕ್ಷ ಕೋಟಿಯಷ್ಟು ಬಜೆಟ್ ಮಂಡನೆ ಆಗುವ ನಮ್ಮ ರಾಜ್ಯದಲ್ಲಿ 70,000 ಕುಟುಂಬಗಳಿಗೆ ನಮ್ಮ ಎಲ್ಲಾ ಯೋಜನೆಯನ್ನು ಸೇರಿಸಿದರೆ ಸುಮಾರು 50 ರಿಂದ 60 ಕೋಟಿ ಯಾಗಬಹುದು ಎಂಬ ಅಂದಾಜು. ಇದು ನಮ್ಮ ಘನ ಕರ್ನಾಟಕ ರಾಜ್ಯಕ್ಕೆ ಅಷ್ಟೇನೂ ಹೊರೆಯಾಗದು ಎಂಬ ನಂಬಿಕೆಯಿಂದ ತಾವುಗಳು ನಮ್ಮೆಲ್ಲ ಬೇಡಿಕೆಗಳನ್ನು ಈಡೇರಿಸುವೆಂಬ ನಂಬಿಕೆಯೊಂದಿಗೆ
ನಮ್ಮ ಕಾಮನ್ ಮ್ಯಾನ್ ದೊರೆಯಾದ ತಮ್ಮಲ್ಲಿ ನಮ್ಮ ಹರಿಕೆಗಳನ್ನು ಮಂಡಿಸುತ್ತಿದ್ದೇವೆ ಎಂದು ಬಹಿರಂಗ ಪತ್ರದಲ್ಲಿ ವಿನಂತಿಸಿದ್ದಾರೆ

Book Your Advertisement Now.
Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

ಡೆಹರಾಡೂನ್‌ನಲ್ಲಿರುವ ರಾಷ್ಟ್ರೀಯ ಇಂಡಿಯನ್ ಮಿಲಿಟರಿ ಕಾಲೇಜ್‌ನಲ್ಲಿ 8ನೇ ತರಗತಿಗೆ ಪ್ರವೇಶ ಬಯಸುವ ಕರ್ನಾಟಕ ರಾಜ್ಯದ 11 ವರ್ಷದಿಂದ 13 ವರ್ಷದೊಳಗಿನ ಬಾಲಕ/ಬಾಲಕಿಯರಿಗೆ ಅರ್ಹತಾ ಪ್ರವೇಶ ಪರೀಕ್ಷೆಯನ್ನು ಬೆಂಗಳೂರು ಕೇಂದ್ರದಲ್ಲಿ ದಿ: 03/06/2023ರಂದು ನಡೆಸಲಾಗುತ್ತಿದ್ದು, ಆಸಕ್ತರು ಅರ್ಜಿಯನ್ನು ದಿ: 15/04/2023 ರೊಳಗಾಗಿ ಸಲ್ಲಿಸುವಂತೆ ಜಿಲ್ಲಾ ಸೈನಿಕ ಕಲ್ಯಾಣ ಮತ್ತು ಪುನರ್ವಸತಿ ಇಲಾಖೆಯ ಉಪನಿರ್ದೇಶಕರು ತಿಳಿಸಿದ್ದಾರೆ.

ಹೆಚ್ಚಿನ ಮಾಹಿತಿಗಾಗಿ ಬೆಂಗಳೂರು ನಿರ್ದೇಶನಾಲಯದ ದೂ.ಸಂ.: 080-25589459ಕ್ಕೆ ಸಂಪರ್ಕಿಸುವಂತೆ ಕೋರಲಾಗಿದೆ.

Book Your Advertisement Now.
Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

ಶಿವಮೊಗ್ಗ ನಗರ ಉಪವಿಭಾಗ-3ರ ಕಛೇರಿಯಲ್ಲಿ ದಿನಾಂಕ: ೧16.02..2023 ರಂದು ಬೆಳಿಗ್ಗೆ 11:00 ಗಂಟೆಯಿಂದ ಮಧ್ಯಾಹ್ನ 01:00 ಗಂಟೆಯವರೆಗೆ ಜನ ಸಂಪರ್ಕ ಸಭೆ ನಡೆಯಲ್ಲಿದ್ದು, ಮೆಸ್ಕಾಂನ ಅಧಿಕಾರಿಗಳು ಭಾಗವಹಿಸಲ್ಲಿದ್ದಾರೆ.

ಈ ಸಭೆಯಲ್ಲಿ ಸಂಬಂಧಪಟ್ಟ ಪ್ರದೇಶದ ಗ್ರಾಹಕರ ಅಹವಾಲುಗಳನ್ನು ಸ್ವೀಕರಿಸುವುದರಿಂದ ಈ ಅವಕಾಶವನ್ನು ಗ್ರಾಹಕರು ಸದುಪಯೋಗಪಡಿಸಿಕೊಳ್ಳುವಂತೆ ಮೆಸ್ಕಾಂ ಪ್ರಕಟಣೆ ತಿಳಿಸಿದೆ.

ಹೆಚ್ಚಿನ ಮಾಹಿತಿಗಾಗಿ ದೂರವಾಣ ಸಂಖ್ಯೆ: 9480841339ನ್ನು ಸಂಪರ್ಕಿಸುವುದು.

Book Your Advertisement Now.
Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

ನಾಗೇಶ್ವರಂ

ಗುಜರಾತ್ ರಾಜ್ಯದ ಸೌರಾಷ್ಟ್ರ ಪ್ರದೇಶದಲ್ಲಿನ ನಾಗನಾಥದಲ್ಲಿದೆ ಈ ಜ್ಯೋತಿರ್ಲಿಂಗ ದೇವಾಲಯವಿದೆ.

ಪೌರಾಣಿಕ ಹಿನ್ನೆಲೆ ಬಹಳ ಆಸಕ್ತಿಯುಳ್ಳದ್ದಾಗಿದೆ. ಅಲ್ಲಿನ ದಾರುಕವನ( ದೇವದಾರು ವೃಕ್ಷಗಳಿಂದ ಕೂಡಿದ) ದಲ್ಲಿ ಮುನಿಗಳು ತಮ್ಮ ಆಶ್ರಮವಾಸಿಗಳೊಂದಿಗೆ ವಾಸವಾಗಿದ್ದರು.ಅಲ್ಲಿನ ಮುನಿಗಣ ತಮ್ಮಲ್ಲಿನ
ತಪಶ್ಶಕ್ಕಿಯ ಮೇಲೆ ಅಪರಿಮಿತ ಮೋಹವುಳ್ಳವರಾದರು.ಪರಶಿವನನ್ನೂ ಮರೆತುಬಿಟ್ಟರು. ಅವರಂತೆ ಮುನಿಪತ್ನಿಯರೂ ಹಾಗೇ ತಮ್ಮಂತಹ ಪತವ್ರತಾಶಕ್ತಿ ಯಾರಿಗೂ ಇಲ್ಲ.ತಮಗೆ ಯಾವ ದೈವದ ಬಲವೂ ಅವಶ್ಯಕತೆಯಿಲ್ಲ ಎಂಬ ಅತೀವಿಶ್ವಾಸದ ಅಮಲಲ್ಲಿ ತೇಲಿಹೋದರು.
ಇವರಿಗೆ
ಇಂತಹ ಪರಿಸ್ಥಿತಿಯನ್ನ ಕಂಡ ಶಿವನು ಸ್ಫುರದ್ರೂಪಿಯಾಗಿ ಅವತರಿಸಿದ.

ಇಚ್ಛಾಶಕ್ತಿ,ಜ್ಞಾನ ಶಕ್ತಿ ಮತ್ತು ಕ್ರಿಯಾಶಕ್ತಿಗಳಿಂದ ಕೂಡಿದ ತ್ರಿಶೂಲಧಾರಿಯಾದ. ದಿಗಂಬರನಾಗಿ ಭಿಕ್ಷೆಗೆಂದು ಮುನಿಪತ್ನಿಯರಿದ್ದೆಡೆ ನಡೆದ.ಅವರಲ್ಲಿನ ಅಹಂಕಾರವನ್ನ ಅಡಗಿಸುವುದಕ್ಕೆ ಈ ವೇಷ ಶಿವ ಹೂಡಿದ ಆಟವಾಗಿತ್ತು.

ಮುನಿಪತ್ನಿಯರು ತಮ್ಮ ಪತಿವ್ರತಾ ಧರ್ಮವನ್ನ ಮರೆತು ಭಿಕ್ಷುಕನ ಹಿಂದೆ ಕಾಮವಿಕಾರದಿಂದ ಅಲೆದರು. ಮತ್ತೆ ಮುನಿಗಳನ್ನ ಪರೀಕ್ಷೆಗೊಡ್ಡಲು ಶಿವ ವಿಷ್ಣುವನ್ನ ಆಹ್ವಾನಿಸಿದನು. ಮೋಹಿನಿ ವೇಷತಾಳಿ ಬಂದ ವಿಷ್ಣುವನ್ನ ಕಂಡು ಆ ಮುನಿಗಳೆಲ್ಲ ಸ್ತ್ರೀ ಲಾವಣ್ಯಕ್ಕೆ ತಮ್ಮ ತಪಃಶ್ಶಕ್ತಿಯನ್ನೂ ಮರೆತು ವಿಚಲಿತರದರು. ಹೀಗೆ ಶಿವನು ಮುನಿಗಳ ಮತ್ತು ಅವರ ಪತ್ನಿಯರ ಗರ್ವಭಂಗ ಆಗುವಂತೆ ಇಡೀ ಪ್ರಸಂಗವನ್ನ ಸೃಷ್ಟಿಸಿದನು.

ಆದರೂ ಮುನಿಗಳು ವೇಷಧಾರಿಶಿವನನ್ನು ಅರ್ಥಮಾಡಿಕೊಳ್ಳಲಿಲ್ಲ.
ಭಿಕ್ಷುಕನು ತಮ್ಮ ಪತ್ನಿಯರ ಮನಾಪಹರಣ ಮಾಡಿದ್ದಾನೆಂದು ವ್ಯಗ್ರರಾದರು.
ಶಿವನೆಂದರಿಯದೇ ಅವನ ಮೇಲೆ ಅಭಿಚಾರ ಹೋಮಗೈದು ಅವನ ಮೇಲೆ ಹೋಮವನ್ನ ಎಸೆದರು. ಮಹಾದೇವನನ್ನ ಆ ಮಾಟ ಮಂತ್ರಗಳೇನು ಮಾಡಿಯಾವು? . ಏನೂ ಆಗಲಿಲ್ಲ.ಕೊನೆಗೆ ಬ್ರಹ್ಮನಿಗೆ ಮುನಿಗಳು ಮೊರೆಯಿಟ್ಟರು. ನೀವೆಲ್ಲರೂ ಶಿವಾಪರಾಧ ಮಾಡಿದ್ದೀರಿ ಎಂದು ಬ್ರಹ್ಮ ಅವರಿಗೆಲ್ಲ ಮನವರಿಕೆಮಾಡಿದನು.

ಶಿವನ ಇರವಿನ ಬಗ್ಗೆ ಕೇಳಿದಾಗ ಶಿವನೀಗ ದಾರುಕವನದಲ್ಲಿ ಹುತ್ತದಲ್ಲಿರುವನು ಎಂದು ಬ್ರಹ್ಮ ಹೇಳುತ್ತಾನೆ.
ಆಗ ಇಡಿ ಮುನಿಗಣ ಮತ್ತು ಪತ್ನಿಯರು ಆ ಸ್ಥಳಕ್ಕೆ ಹೋಗಿ ಬಿಲ್ವಾರ್ಚನೆಗೈಯುವರು.ಶಿವನಿಗೆ ಇಷ್ಟವಾದ ಪಂಚಾಕ್ಷರಿ ಮಂತ್ರವನ್ನ ಆಗ ಏಕಮನಸ್ಸಿನಿಂದ ಧ್ಯಾನಿಸುವರು.ಆಗ ಸಂತೋಷಗೊಂಡ ಶಿವನು ಹುತ್ತದಿಂದ ಪ್ರಕಾಶವಾದ ಜ್ಯೋತಿಯಾಗಿ ಉದ್ಭವನಾಗುತ್ತಾನೆ. ಹೀಗೆ ಅದು ಒಂದು ಜ್ಯೋತಿರ್ಲಿಂಗವಾಗಿ ಮಾರ್ಪಟ್ಟಿತು.
ಶಿವ ಪುರಾಣದಲ್ಲಿ ಇನ್ನೂ ಒಂದೆರಡು ಪ್ರಸಂಗಗಳಿವೆ.

ಈಗ ಅಲ್ಲಿ ಶಿವದೇವಾಲಯವಿದೆ. ಇಲ್ಲಿನ ಶಿವನಿಗೆ ನಾಗೇಶ್ವರರ್,ನಾಗನಾಥ,ನಾಗಲಿಂಗ ಎಂಬ ಹೆಸರುಗಳಿವೆ.ಈ ಲಿಂಗಕ್ಕೆ ಸರ್ಪದ ಐದು ಹೆಡೆ ಕೊಡೆಯ ರೀತಿ ನಿಂತಿದೆ.
ಆಲಯದ ಹೊರಗೆ ಎಂಭತೈದು ಅಡಿ ಎತ್ತರದ ಶಿವನ ಮೂರ್ತಿ ನೋಡಲು ಎರಡುಕಣ್ಣೂ ಸಾಲದು.
ಶ್ರೀ ಶಂಕರಾಚಾರ್ಯರು ರಚಿಸಿದ ಶ್ಲೋಕ

ಆಮರ್ಧಸಂಜ್ಞೇ ನಗರೇಚ ರಮ್ಯೇ
ವಿಭೂಷಿತಾಂಗಂ ವಿವಿಧೈಶ್ಚ ಭೋಗೈಃ |
ಸದ್ಭುಕ್ತಿ ಮುಕ್ತಿಪ್ರದ ಮೀಶನೇಕಂ
ಶ್ರೀನಾಗನಾಥಂ ಶರಣಂ ಪ್ರಪದ್ಯೆ ||

Book Your Advertisement Now.
Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

ಪ್ರೇಮಿಗಳ ದಿನದಂದು ಭಾವ ಬಯಲಾಗಿ ಬೆತ್ತಲಾಗುವ ಪರಿಯ ಕಂಡು ವಿಷಾದ ನಗುವೊಂದು ನಕ್ಕು ಮರೆಯಾಯಿತು……..

ವಿಶ್ವದೆಲ್ಲೆಡೆ ಫೆಬ್ರವರಿ 14 ರಂದು ವ್ಯಾಲೆಂಟೈನ್ ಎಂಬ ಮುಗ್ದ ಪ್ರೇಮಿಯ ನೆನಪಿನಲ್ಲಿ ಪ್ರೇಮ ನಿವೇದನೆಯ ದಿನವನ್ನಾಗಿ‌ ಒಂದಷ್ಟು ಪ್ರೇಮಿಗಳು ಸಂಭ್ರಮ ಪಡುತ್ತಾರೆ……

ಪಾಶ್ಚಾತ್ಯ ಸಂಸ್ಕೃತಿಯಲ್ಲಿ ಇದು ಸಹಜವಾಗಿಯೂ, ಮಧ್ಯಪ್ರಾಚ್ಯದ ಇಸ್ಲಾಮಿಕ್ ರಾಷ್ಟ್ರಗಳಲ್ಲಿ ಬಹುತೇಕ ಇದು ನಿಷೇಧವಾಗಿಯೂ, ಬೌದ್ದ ಧರ್ಮದ ರಾಷ್ಟ್ರಗಳಲ್ಲಿ ಸ್ವಲ್ಪ ಪ್ರಮಾಣದಲ್ಲಿಯೂ ಆಚರಿಸಲಾಗುತ್ತದೆ. ಭಾರತದಲ್ಲಿ ಇತ್ತೀಚಿನ ವರ್ಷಗಳಲ್ಲಿ ಮಾಧ್ಯಮ ಮತ್ತು ‌ಸಾಮಾಜಿಕ ಜಾಲತಾಣಗಳ ಪ್ರಭಾವದಿಂದ ಮೇಲ್ನೋಟಕ್ಕೆ ಹೆಚ್ಚು ವಿಜೃಂಭಣೆ ಇದೆ ಎನಿಸಿದರು ಮಧ್ಯಮ ಪ್ರಮಾಣದಲ್ಲಿ ಯುವಕ ಯುವತಿಯರು ಆಚರಿಸುತ್ತಾರೆ. ಮತ್ತೆ ಸಂಪ್ರದಾಯವಾದಿಗಳಿಂದ ನಿರಂತರ ಪ್ರತಿರೋಧ ಸಹ ಇದ್ದೇ ಇದೆ…..

ಪ್ರೇಮಿಗಳು ದಿನವನ್ನು ಭಾರತದಲ್ಲಿ ಆಚರಿಸಬೇಕೆ ಅಥವಾ ನಿಷೇಧಿಸಬೇಕೆ ಅಥವಾ ನಿರ್ಲಕ್ಷಿಸಬೇಕೆ ಅಥವಾ ಪರ್ಯಾಯವಾಗಿ ಬೇರೆ ರೀತಿಯಲ್ಲಿ ಆಚರಿಸಬೇಕೆ ಎಂಬ ಪ್ರಶ್ನೆ ಕೆಲವರಿಗೆ ಕಾಡಬಹುದು…

ಪ್ರೇಮವೆಂಬುದು ಗಂಡು ಹೆಣ್ಣಿನ ನಡುವಿನ ಭಾವ ಸೆಳೆತ ಅಥವಾ ಆಕರ್ಷಣೆ. ‌ಬಹುತೇಕ ಪ್ರಾಕೃತಿಕ ನಿರ್ಮಾಣ. ಸೃಷ್ಟಿಯ ನಿರಂತರ ಚಲನೆಗಾಗಿ ಅನಿವಾರ್ಯ ಕೂಡ…

ಸಾಮಾನ್ಯವಾಗಿ 18 ರಿಂದ 28 ರ ನಡುವಿನ ವಯೋಮಾನದ ಗಂಡು ಹೆಣ್ಣಿನ ದೈಹಿಕ ಮತ್ತು ಮಾನಸಿಕ ಬೆಳವಣಿಗೆಯ ಪರಿಣಾಮ ಈ ಪ್ರೇಮ ಭಾವದ ಉತ್ಕಟತೆ ಉಂಟಾಗುತ್ತದೆ. ( ಇದಕ್ಕೆ ವಯಸ್ಸಿನ ಮಿತಿ ಇರುವುದಿಲ್ಲ ಎಂಬುದು ನಿಜವಾದರೂ ಪ್ರೇಮದ ತೀವ್ರತೆಯ ದೃಷ್ಟಿಯಿಂದ ಈ ವಯಸ್ಸನ್ನು ಕೇಂದ್ರ ಬಿಂದುವಾಗಿ ಇಟ್ಟುಕೊಳ್ಳಲಾಗಿದೆ )

ನಾಗರಿಕ ಸಮಾಜ ಸೃಷ್ಟಿಯಾಗಿ, ಅನುಭವಗಳು ಸಂಪ್ರದಾಯಗಳಾಗಿ, ಧಾರ್ಮಿಕ ನೀತಿ ನಿಯಮಗಳು ಸಮಾಜವನ್ನು ನಿಯಂತ್ರಿಸಿ ಕಾನೂನುಗಳು ಜಾರಿಯಾದ ಮೇಲೆ ಪ್ರೇಮ ಮತ್ತು ಲೈಂಗಿಕತೆ ಕೌಟುಂಬ ಚೌಕಟ್ಟಿನಲ್ಲಿ ಬಂಧಿಯಾಯಿತು. ನೈತಿಕತೆ – ಜವಾಬ್ದಾರಿ ಮತ್ತು ವಯೋಮಾನದ ಮಿತಿ ಹೇರಲಾಯಿತು.

ಪಾಶ್ಚಾತ್ಯ ನಾಗರಿಕ ಸಮಾಜ ಇದನ್ನು ಹೆಚ್ಚು ಮುಕ್ತವಾಗಿ, ಇಸ್ಲಾಮಿಕ್ ರಾಷ್ಟ್ರಗಳು ನಿಷೇಧಾತ್ಮಕವಾಗಿ ಇದನ್ನು ಸ್ವೀಕರಿಸಿದವು. ಸಾಂಸ್ಕೃತಿಕ ಮೂಲದ ಸಾಮಾಜಿಕ ವ್ಯವಸ್ಥೆಯ ಭಾರತದಲ್ಲಿ ಗೊಂದಲ ಮುಂದುವರಿಯುತ್ತಲೇ ಇದೆ.

ಭಾರತೀಯ ಸಂಪ್ರದಾಯವಾದಿಗಳ ಮುಖ್ಯ ಆಕ್ಷೇಪಣೆ ಪ್ರೇಮ ಕಾಮ ಪ್ರಣಯ ಎಲ್ಲವೂ ಕೌಟುಂಬಿಕ ಚೌಕಟ್ಟಿನಲ್ಲಿ ಇರಬೇಕಾದ ಕ್ರಿಯೆಗಳು, ಮುಖ್ಯವಾಗಿ ಮಹಿಳೆ ಪೂಜನೀಯಳು ಮತ್ತು ಭೋಗದ ಸಂಪನ್ಮೂಲ, ಮಹಿಳೆಯರು ಅಬಲೆಯರು, ಈ ವಿಷಯದಲ್ಲಿ ಹೆಚ್ಚು ಮುಕ್ತವಾದರೆ ಪುರುಷರಿಂದ ವಂಚನೆಗೆ ಒಳಗಾಗುವ ಸಾಧ್ಯತೆಗಳೇ ಹೆಚ್ಚು. ಆದ್ದರಿಂದ ಮುಕ್ತ ಸ್ವಾತಂತ್ರ್ಯ ಬೇಡ ಮುಂತಾದ ಕಾರಣಗಳನ್ನು ಹೇಳುತ್ತಾರೆ. ಸಿನಿಮಾ – ಸಾಹಿತ್ಯ ಪ್ರಕಾರಗಳಲ್ಲೂ ಹೆಣ್ಣಿನ ಶೀಲ ರಕ್ಷಣೆಯೇ ಜೀವನದ ಪರಮೋದ್ದೇಶ ಎಂದು ಬಿಂಬಿಸಲಾಗುತ್ತದೆ.

ಹಾಗೆಯೇ ಪ್ರಗತಿಪರ ಚಿಂತಕರು ಪ್ರೇಮಿಗಳ ದಿನವನ್ನು ಇಷ್ಟಪಡುವವರು ಆಚರಿಕೊಳ್ಳಲಿ ಅದಕ್ಕೆ ನಿಷೇಧ ಬೇಡ. ಹೆಣ್ಣು ಕೂಡ ಈ ಪ್ರಕೃತಿಯ ಸಹಜ ಪ್ರಾಣಿ. ಗಂಡಿನಷ್ಟೇ ಸಮ ಪ್ರಮಾಣದ ಸ್ವಾತಂತ್ರ್ಯ ಸಮಾನತೆಗೆ ಹಕ್ಕುದಾರಳು. ಆಕೆಯನ್ನು ಅನಾವಶ್ಯಕವಾಗಿ ವಿಶೇಷ ದೈವಿಕ ಮಹತ್ವ ನೀಡಿ ವೈಭವೀಕರಿಸಿ ಆಕೆಯನ್ನು ನಿಯಂತ್ರಿಸುವ ಹುನ್ನಾರ ಬೇಡ. ಆಕೆ ಪೂಜನೀಯಳು ಅಲ್ಲ. ಭೋಗದ ವಸ್ತುವೂ ಅಲ್ಲ. ಒಂದು ಸಹಜ ಜೀವಿ ಮಾತ್ರ. ಜೊತೆಗೆ ಪ್ರೇಮವೆಂಬುದು ಪ್ರಕೃತಿಯ ಸಹಜ ನಿಯಮ. ಅದು ಕಾನೂನಿನ ವ್ಯಾಪ್ತಿಯಲ್ಲಿ ಸಂಭವಿಸಲಿ ಬಿಡಿ ಎನ್ನುವ ವಾದ ಮಂಡಿಸುತ್ತಾರೆ…

ಈ ವಿಷಯದಲ್ಲಿ ಸಾಮಾನ್ಯ ಜನರದು ಬಹುತೇಕ ದ್ವಂದ್ವ ನಿಲುವು ಕಂಡುಬರುತ್ತದೆ. ಪ್ರೀತಿ ಪ್ರೇಮ ಪ್ರಣಯದ ಬಗ್ಗೆ ಸಿನಿಮಾ, ಸಾಹಿತ್ಯ, ಧಾರವಾಹಿ, ಉದ್ಯಮಿಗಳು ಮುಂತಾದ ಜನಪ್ರಿಯರ ವಿಷಯದಲ್ಲಿ ಮುಕ್ತ ಸ್ವಾತಂತ್ರ್ಯವನ್ನು ಖುಷಿಯಿಂದ ಅನುಭವಿಸುತ್ತಾರೆ ಮತ್ತು ಒಪ್ಪಿಕೊಳ್ಳುತ್ತಾರೆ. ವಿಚ್ಚೇದನ ವಿಷಯದಲ್ಲೂ ಅವರ ಬಗ್ಗೆ ಸಹಾನುಭೂತಿ ಹೊಂದಿರುತ್ತಾರೆ. ಆದರೆ ತಮ್ಮ ಮನೆಯಲ್ಲಿ ಅಥವಾ ತಮ್ಮ ಪರಿಚಯದವರಲ್ಲಿ ಈ ರೀತಿಯ ಮುಕ್ತತೆಯನ್ನು ಅನೈತಿಕ ಎಂಬುದಾಗಿ ಭಾವಿಸುತ್ತಾರೆ ಮತ್ತು ತಿರಸ್ಕರಿಸುತ್ತಾರೆ ಹಾಗು ಕೆಲವೊಮ್ಮೆ ದ್ವೇಷಿಸುತ್ತಾರೆ ಸಾಧ್ಯವಾದರೆ ಬಹಿಷ್ಕಾರಿಸುತ್ತಾರೆ. ಎಷ್ಟೊಂದು ಆತ್ಮವಂಚನೆಯಲ್ಲವೇ.

ಯಾರೋ ಅಪರಿಚಿತ ನಾಯಕ ನಾಯಕಿಯರ ಮುತ್ತುಗಳು ಸಹನೀಯ. ನಮ್ಮ ಹತ್ತಿರದವರ ಈ ನಡವಳಿಕೆ ಅನೈತಿಕ…..

ಈ ಎಲ್ಲದರ ಸಮೀಕರಣದ ನಂತರ ಇಂದಿನ ಆಧುನಿಕ ಸಮಾಜದಲ್ಲಿ……..

ಎಂತೆಂತಹ ದಿನಗಳನ್ನೋ ಆಚರಿಸುವಾಗ ಮನುಷ್ಯ ಜೀವನೋತ್ಸಾಹದ ಕುರುಹಾದ, ಯುವಕ ಯುವತಿಯರ ಮನದಾಳದ ಭಾವನೋತ್ಸವ ಉಕ್ಕಿಸುವ ” ಪ್ರೇಮಿಗಳ ದಿನವನ್ನು ” ಆಚರಿಸಲಿ ಬಿಡಿ. ಇಂದಿನ ತೀವ್ರ ವೇಗ ಮತ್ತು ಸ್ಪರ್ಧಾತ್ಮಕ ವಾತಾವರಣದಲ್ಲಿ, ಒತ್ತಡದ ಬದುಕಿನಲ್ಲಿ ಕನಿಷ್ಠ ಒಂದು ದಿನ ಎಲ್ಲೋ ಕೆಲವರು ಈ ದಿನವನ್ನು ಸಂಭ್ರಮಿಸಿದರೆ ನಾವು ನೋಡಿ ಸಂತೋಷ ಪಡೋಣ.

ಹಿಂದಿನ ಕೆಲವು ದಶಕಗಳ ಹಿಂದೆ ಇದ್ದ ಗಂಡು ಹೆಣ್ಣಿನ ಭಾವ ತೀವ್ರತೆ ಈಗ ಉಳಿದಿಲ್ಲ. ಹೆಣ್ಣು ಗಂಡನಿಷ್ಟೇ ಉದ್ಯೋಗಸ್ಥೆಯಾದ ಬಳಿಕ ಎಲ್ಲಾ ಕಡೆ ಮುಕ್ತ ಓಡಾಟ ಇರುವುದರಿಂದ ಹೆಣ್ಣಿನ ಬಗ್ಗೆ ಇದ್ದ ಕುತೂಹಲ ಸಹ ಕಡಿಮೆಯಾಗಿದೆ. ಪ್ರೇಮ ನಿವೇದನೆ ಗಂಡಿನ ಜವಾಬ್ದಾರಿ ಎನ್ನುವ ಪರಿಕಲ್ಪನೆ ಈಗ ಉಳಿದಿಲ್ಲ. ಅದರಲ್ಲೂ ನಗರೀಕರಣದ ನಂತರ ಹೆಣ್ಣಿನ ಪ್ರಭಾವವೇ ಹೆಚ್ಚಾಗಿರುವ ಅನುಭವವಾಗುತ್ತಿದೆ. ಟಿವಿ ಮಾಧ್ಯಮಗಳ ಮನರಂಜನಾ ಉದ್ಯಮದಲ್ಲಿ ಹಾಸ್ಯ ಸನ್ನಿವೇಶಗಳಲ್ಲಿ ಬಹುತೇಕ ಹೆಣ್ಣು ಗಂಡಿನ ಮೇಲೆ ನಿಯಂತ್ರಣ ಸಾಧಿಸಿರುವುದೇ ವಿಷಯವಾಗಿರುವುದನ್ನು ಗಮನಿಸಬಹುದು.

ಆದ್ದರಿಂದ ಈಗ ಅಂತಹ ಭಯ ಪಡುವ ಅವಶ್ಯಕತೆ ಇಲ್ಲ. ಈ ದಿನದ ಬಗ್ಗೆ ಗಂಭೀರವಾಗಿ ಯೋಚಿಸುವ ಅವಶ್ಯಕತೆಯೂ ಇಲ್ಲ. ಇದು ಸಹಜವಾಗಿ ನಡೆಯುತ್ತದೆ. ಇಷ್ಟ ಇರುವವರು ಆಚರಿಕೊಳ್ಳಲಿ. ಇಷ್ಟ ಇಲ್ಲದವರು ತಮ್ಮ ಪಾಡಿಗೆ ತಾವಿರಲಿ.
ಎಂದಿನಂತೆ ಸಂಪ್ರದಾಯವಾದಿ ಪೋಷಕರು ತಮ್ಮ ಮಕ್ಕಳ ನಡವಳಿಕೆಯ ಬಗ್ಗೆ ತಿಳಿವಳಿಕೆ ಮೂಡಿಸಲಿ.

ಇಡೀ ಸಮಾಜ ಉತ್ತಮ ವಾತಾವರಣದಲ್ಲಿ ಒಳ್ಳೆಯ ನಂಬಿಕೆಯ ಪರಿಸ್ಥಿತಿಯಲ್ಲಿ ಇದ್ದರೆ ಯಾವ ಪ್ರೀತಿ ಪ್ರೇಮಗಳು ಸಮಸ್ಯೆಯಲ್ಲ. ಆದರೆ ವಂಚಕರು, ಮೋಸಗಾರರೇ ಹೆಚ್ಚಾದರೆ ಧಾರ್ಮಿಕ ಹಬ್ಬಗಳನ್ನು ಸಹ ಎಚ್ಚರಿಕೆಯಿಂದ ಆಚರಿಸಬೇಕಾದ ಸ್ಥಿತಿ ನಿರ್ಮಾಣವಾಗುತ್ತದೆ. ಆದ್ದರಿಂದ ಮೊದಲು ಒಳ್ಳೆಯ ವ್ಯಕ್ತಿತ್ವಗಳನ್ನು ರೂಪಿಸಿಕೊಳ್ಳುವ ನಿಟ್ಟಿನಲ್ಲಿ ನಾವು ಪ್ರಯತ್ನಿಸೋಣ. ಇಲ್ಲದಿದ್ದರೆ ಕಳ್ಳರ ಸಂತೆಯಲ್ಲಿ ಎಲ್ಲರೂ ಅನುಮಾನ ಅವಮಾನದಲ್ಲಿ ಬದುಕಬೇಕಾಗುತ್ತದೆ…….

ಪ್ರಬುದ್ಧ ಮನಸ್ಸು ಪ್ರಬುದ್ಧ ಸಮಾಜ,
ಜನರ ಜೀವನಮಟ್ಟ ಸುಧಾರಣೆಯ ಗುರಿಯೊಂದಿಗೆ,
ಮನಗಳಲ್ಲಿ – ಮನೆಗಳಲ್ಲಿ – ಮತಗಳಲ್ಲಿ – ಪರಿವರ್ತನೆಗಾಗಿ,
ಮನಸ್ಸುಗಳ ಅಂತರಂಗದ ಚಳವಳಿ,
ವಿವೇಕಾನಂದ ಎಚ್. ಕೆ.
9844013068…

Book Your Advertisement Now.
Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

ಕಾರಣಗಿರಿಯ ರಾಷ್ಟ್ರೋತ್ಥಾನ ಬಳಗ ಮತ್ತು ಗ್ರಾಮ ಭಾರತಿ ಟ್ರಸ್ಟಿನ ಆಶ್ರಯದಲ್ಲಿ ಹೊಸನಗರದಲ್ಲಿ ಪುರಂದರದಾಸರ ಹಾಗೂ ತ್ಯಾಗರಾಜರ ಆರಾಧನೆ ಪ್ರಯುಕ್ತ ಸಂಗೀತೋತ್ಸವ ನಡೆಸಲಾಯಿತು.

25 ವರ್ಷ ಪೂರೈಸಿದ ಗಾನಸುಧಾ ಸಂಗೀತ ಶಾಲೆಯ ಶಿಕ್ಷಕಿ ಶ್ರೀಮತಿ ಗಾಯತ್ರಿ ನಾಗರಾಜ್ ಇವರನ್ನು ಗೌರವಿಸಲಾಯಿತು.

ವಿದುಶಿ ಅನಿತಾ ವೆಂಕಟೇಶ್ ರ ಸಂಗೀತ ಕಛೇರಿ ಹಾಗೂ ಸ್ಥಳೀಯ ಸಂಗೀತ ಶಾಲೆಗಳವರಿಂದ ಗಾಯನ ,ತ್ಯಾಗರಾಜರ ಪಂಚರತ್ನ ಕೀರ್ತನೆಗಳ ಗೋಷ್ಠಿ ಗಾಯನ ನಡೆಯಿತು.

Book Your Advertisement Now.
Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

ಕರ್ನಾಟಕ ಮಹಾ ಶಿಲೆಯ ತಾಣಗಳಲ್ಲಿ ಒಂದಾದ ಕೊಪ್ಪಳ ಜಿಲ್ಲೆಯ ಗಂಗಾವತಿ ತಾಲೂಕಿನ ಹಿರೇಬೆಣಕಲ್ ಗುಡ್ಡಗಾಡಿನ ಬೆಟ್ಟದ ಮೇಲೆ ಇರುವ ಸುಮಾರು 2500 ವರ್ಷಗಳ ಹಿಂದಿನ ಪುರಾತನವಾದ ಶಿಲಾ ತಾಣ, ಹಾಗು ಗುಡ್ಡದ ದೂಡ್ಡದಾದ ಬಂಡೆಯ ಮೇಲೆ ಬಿಡಿಸಲಾದ ಬಣ್ಣದ ಚಿತ್ರಗಳನ್ನು ಮತ್ತು ಬೆಟ್ಟಪ್ರದೇಶದ ತುಟ್ಟ ತುದಿಯ ಮೇಲೆ ಇರುವ ಕೆರೆಯನ್ನು ಮತ್ತು ಹಿಂದಿನ ಕಾಲದ ಇತಿಹಾಸ, ಜನರ ಜೀವನ ಶೈಲಿ, ಇವುಗಳನ್ನು ಸಾಮಾನ್ಯವಾಗಿ ತಿಳಿಯಬೇಕಾದರೆ ಮತ್ತು ಆಗ ವಾಸವಾಗಿದ್ದ ಜನರ ಧೈರ್ಯ, ಸಾಹಸ, ಸಹಾಯ ,ಜಾಣ್ಮೆ, ಗುರಿಯನ್ನು ಕಾಣಬೇಕಾದರೆ ಈ ಪುರಾತನ ಸ್ಥಳಗಳ ವೀಕ್ಷಣೆ ಮತ್ತು ಇತಿಹಾಸದ ತಿಳುವಳಿಕೆಯಿಂದ ಮಾತ್ರ ಸಾಧ್ಯ.

ಕೊಪ್ಪಳ ಜಿಲ್ಲೆಯ ಗಂಗಾವತಿ ತಾಲೂಕಿನ ಹಿರೇಬೆಣಕಲ್ ಪುಟ್ಟ ಗ್ರಾಮದ ಬೆಟ್ಟದ ಮೇಲೆ ಇರುವ ಶಿಲಾ ತಾಣಗಳು ಸುಮಾರು 500 ಕ್ಕೂ ಹೆಚ್ಚು.

ಸುಮಾರು 2500 ವರ್ಷಗಳ ಹಿಂದೆ, ಈ ಸ್ಥಳದಲ್ಲಿ ಕುಬ್ಚ ಜಾನಂಗದ ಜನತೆ ವಾಸವಾಗಿದ್ದರು, ಅವರು ಹೆಚ್ಚಾಗಿ ಘರ್ಷಣೆ ಮತ್ತು ಯುದ್ದದಲ್ಲಿ ಕಾರ್ಯ ನಿರ್ವಹಣೆ ಮಾಡುತ್ತಿದ್ದರಂತೆ, ಸಾಮಾನ್ಯವಾಗಿ ಆ ಜನ ದನಕರುಗಳನ್ನು ಮತ್ತು ಕುರಿಗಳನ್ನು ಸಾಕುತ್ತಿದ್ದರು.

ಕಬ್ಬಿಣದ ಸಾಮಾಗ್ರಿಗಳನ್ನು ಅವರು ತಮ್ಮ ಕೈಯಿಂದ ಮಾಡುವುದನ್ನು ಅವರು ಅರೆತಿದ್ದರು. ಇಲ್ಲಿ ಒಂದು ವಿಶೇಷ ಎಂದರೆ ಈ ಜನ ಇವರ ಮರಣದ ನಂತರ ಶವಗಳನ್ನು ಹಿರೇಬೆಣಕಲ್ ಗುಡ್ಡದ ಮೇಲೆ ಟನ್ ಗಟ್ಟಲೆ ಭಾರವಾದ ಕಲ್ಲು ಚಪ್ಪಟೆಯನ್ನು ಜೋಡಿಸಿ ತಾಣಗಳಾಗಿ ಮಾಡಿ, ಆ ಸ್ಥಳದಲ್ಲಿ ಶವ ಸಂಸ್ಕಾರ ಮಾಡುತ್ತಿದ್ದರು.

ಇತಿಹಾಸ ತಜ್ಞರು ಹೇಳುವಂತೆ ಇಲ್ಲಿನ ಎಲ್ಲಾ ಶಿಲಾ ತಾಣಗಳು ವಯಸ್ಕ ಪುರುಷ ತಾಣವಾಗಿರುತ್ತವೆ ಆದರೆ ಮಕ್ಕಳು ಅಥವಾ ಮಹಿಳೆಯರ ಶವವನ್ನು ಅವರು ಏನುಮಾಡುತ್ತಿದ್ದರು ಎಂಬುದು ತಿಳಿದಿಲ್ಲ, ಮತ್ತು ದೂಡ್ಡ ದೂಡ್ಡ ಬಂಡೆಗಳನ್ನು ಯಾವರೀತಿ ಕತ್ತರಿಸಿ ಟನ್ ಗಟ್ಟಲೆ ಭಾರವಾದ ಬಂಡೆಗಳನ್ನು ಗುಡ್ಡದ ಮೇಲೆ ಯಾವರೀತಿ ಸಾಗಿಸುತ್ತಿದ್ದರು ಮತ್ತು ತಾಣವಾಗಿ ಮಾರ್ಪಾಡು ಮಾಡುತ್ತಿದ್ದರು ಎಂಬುದು ಇಂದಿಗೂ ನಿಗೂಢವಾಗಿದೆ.

ಸುಮಾರು 2500 ವರ್ಷಗಳ ಹಿಂದಿನ ಈ ಗುಡ್ಡ ಇಂದು ಪ್ರವಾಸಿ ತಾಣವಾಗಿದೆ. ಹೊಸಪೇಟೆ, ಕೊಪ್ಪಳ ಮತ್ತು ಗಂಗಾವತಿ ಭಾಗದ ಜನರು ಈ ಪ್ರವಾಸಿ ಐತಿಹಾಸಿಕ ಪುರಾತನ ಶಿಲಾತಾಣವನ್ನು ನೋಡಲು ಹೋಗಿ ಒಂದು ದಿನ ಇಲ್ಲಿಯೇ ಉಳಿದು ವಾಪಾಸು ಬರುತ್ತಾರೆ.
ಇಲ್ಲಿ ಇನ್ನೊಂದು ಮುಖ್ಯವಾಗಿ ನೋಡಬಹುದು, ಏನೆಂದರೆ ಈ ಗುಡ್ಡದ ಮೇಲ್ಭಾಗದಲ್ಲಿ ದೂಡ್ಡದಾದ ಬಂಡೆಗಳ ಮೇಲೆ ಬಿಡಿಸಲಾದ ಚಿತ್ರಗಳಿಗೆ ಆಗಿನ ಚಿತ್ರಗಾರರು ಬಣ್ಣವನ್ನು ಹಚ್ಚಿರುವ ಬಣ್ಣದ ಚಿತ್ರಗಳನ್ನು ಸಹ ಸ್ವಲ್ಪ ಮಟ್ಟಿಗೆ ನೋಡಬಹುದು ಸುಮಾರು 2500 ವರ್ಷಗಳ ಹಿಂದಿನ ಚಿತ್ರಕಲೆಗೆ ಬಣ್ಣ ಹಚ್ಚಿದ್ದು ಅದು ಇನ್ನೂ ಕಾಣುತ್ತಿದೆ.

ಈ ಜಾಗದಲ್ಲಿ ಕೆಲವೂಂದು ಜಾಗದಲ್ಲಿ ತಿಳಿಯಾದ ನೀರು ಶೇಖರಣೆ ಯಾಗಿ ನಿಂತಿರುವುದು, ಆದರೆ ಅದು ಸೇವಿಸಲು ಯೋಗ್ಯವಾಗಿಲ್ಲ,

ಹೊಸಪೇಟೆ ಯಿಂದ ಗಂಗಾವತಿಗೆ ಹೋಗುವ ದಾರಿಯಲ್ಲಿ ಈ ಶಿಲಾತಾಣ ಬರುತ್ತದೆ. ಈ ಜಾಗಕ್ಕೆ ಹೋಗುವವರು ಕುಡಿಯುವ ನೀರು, ಕಾಲಿಗೆ ಸುರಕ್ಷತಾ ಬೂಟು ಮತ್ತು ಹಸಿವಾದರೆ ತಿನ್ನುವುದಕ್ಕೆ ಉಪಹಾರ ಕಟ್ಟಿಕೊಂಡು ತಂಪಾದ ವೇಳೆಯಲ್ಲಿ ಹೋಗಿಬನ್ನಿ ,ವೀಕ್ಷಣೆ ಮಾಡಿದ ನಂತರ ನಿಮ್ಮ ಅನುಭವವನ್ನು ಹಂಚಿಕೊಳ್ಳಿ, ಇಲ್ಲವೆ ಈಗಾಗಲೆ ಹೋಗಿಬಂದಿದ್ದರೆ ಅಲ್ಲಿಯ ಬಗ್ಗೆ ಹೆಚ್ಚಿನ ಇತಿಹಾಸ ತಮಗೆ ತಿಳಿದಿದ್ದರೆ ಹಂಚಿಕೊಂಡರು ಬೇರೆಯವರಿಗೆ ಅನುಕೂಲವಾಗುತ್ತದೆ.

ಪುರಾತನ ಕಾಲದ ಗಂಗಾವತಿ ಹತ್ತಿರ ಇರುವ ಮಹಾ ಶಿಲಾ ತಾಣಕ್ಕೆ ಹೋಗುವವರಿಗೆ ಸೂಚನೆ ಗುಡ್ಡಗಾಡುಪ್ರದೇಶದ ಒಳಭಾಗದಲ್ಲಿ ಹೋಗುವಾಗ ದಾರಿತಪ್ಪುವ ಸಂಭವ ಇರುತ್ತದೆ. ಮತ್ತು ಕರಡಿ ಹಾವಳಿ ಇರುತ್ತದೆ ಹೋಗುವವರು ಒಬ್ಬರಾಗಿ ಹೋಗಬೇಡಿ, ಕಳೆದ ಎರಡು ವರ್ಷಗಳ ಹಿಂದೆ ಅಲ್ಲಿಗೆ ನಾವು ನಮ್ಮ ಕಿರ್ಲೋಸ್ಕರ್ ಕುಟುಂಬದ ಸದಸ್ಯರು ಸಹ ಈ ಶಿಲಾ ತಾಣವನ್ನು ವೀಕ್ಷಣೆ ಮಾಡಿ ಬಂದಿದ್ದೇವೆ.

ಮತ್ತೊಮ್ಮೆ ಕಳೆದ ತಿಂಗಳು ನಮ್ಮ ಕಾರ್ಖಾನೆಯ ಛೇರ್ಮನ್ ಶ್ರೀ ಅತುಲ್ ಕಿರ್ಲೋಸ್ಕರ್, ವ್ಯವಸ್ಥಾಪಕ ನಿರ್ದೇಶಕರು ಶ್ರೀ ಆರ್ ವಿ ಗುಮಾಸ್ತೆ ಮತ್ತು ಎಕ್ಸಿಕ್ಯೂಟಿವ್ ಡೈರೆಕ್ಟರ್ ಶ ಶ್ರೀವತ್ಸನ್ ಇವರು ಸಹ ಮತ್ತೊಮ್ಮೆ ಈ ಪುರಾತನ ಹಿರೇಬೆಣಕಲ್ ಗ್ರಾಮದ ಗುಡ್ಡಗಾಡು ಪ್ರದೇಶದಲ್ಲಿ ವೀಕ್ಷಣೆ ಮಾಡಿಬಂದಿರುತ್ತಾರೆ.

ಬಹಳ ಬದಲಾವಣೆ ಆಗಬೇಕಾಗಿದೆ. ಪುರತತ್ವ ಇಲಾಖೆ ಈ ಪ್ರದೇಶಕ್ಕೆ ಹೆಚ್ಚಿನ ಗಮನ ನೀಡಿ ಅಭಿವೃದ್ಧಿ ಮಾಡಬೇಕು. ಈಜಿಪ್ಟಿನ ಪಿರಮಿಡ್ ತರಹ ಇರುವ ಈ ಪ್ರದೇಶದ ಅಭಿವೃದ್ಧಿ ಆಗಬೇಕು. ಪುರಾತನ ಕಾಲದ ಶಿಲಾಯುಗ ಉಳಿಯಬೇಕು, ಮುಂದಿನ ಪೀಳಿಗೆ ಹೆಚ್ಚಾಗ ತಿಳಿಯಬೇಕು. ಸ್ಥಳೀಯ ಸಾರ್ವಜನಿಕರ ಸಂಪರ್ಕ ಪಡೆದು ಅವರ ಸಹಕಾರದಿಂದ ಮತ್ತು ಮಾರ್ಗದರ್ಶನದಿಂದ ನೋಡಿ ಸುರಕ್ಷವಾಗಿ ವಾಪಾಸು ಬರಬೇಕು. ತಾವು ಸಹ ಹೋದರೆ ಅಲ್ಲಿಯ ಗ್ರಾಮದ ಗ್ರಾಮಸ್ಥರು ಸಹಾಯ ಮಾಡಿರಿ ಮತ್ತು ವಿಚಾರ ತಿಳಿದು ಮುಂದುವರೆದರೆ ಉತ್ತಮ.

ಮುರಳೀಧರ್ ನಾಡಿಗೇರ್
ಹೊಸಪೇಟೆ
9008017727

Book Your Advertisement Now.
Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

ಸಹ್ಯಾದ್ರಿ ವಾಣಿಜ್ಯ ಮತ್ತು ನಿರ್ವಹಣಾ ಕಾಲೇಜಿನಲ್ಲಿ ಯುವ ರೆಡ್ ಕ್ರಾಸ್, ಎನ್ ಸಿ ಸಿ , ಎನ್ ಎಸ್ ಎಸ್ ರೋವರ್ಸ್ ಮತ್ತು ರೇಂಜರ್ಸ್ ಘಟಕ ಹಾಗೂ ಮೆಗ್ಗನ್ ಬೋಧನಾ ಕಾಲೇಜಿನ ವತಿಯಿಂದ ದಿನಾಂಕ 14/02/2023ರಂದು ರಕ್ತದಾನ ಶಿಬಿರವನ್ನು ಏರ್ಪಡಿಸಲಾಗಿದೆ.

ರಕ್ತದಾನ ಮಾಡಲು ಇಚ್ಚಿಸುವವರು ಕಾಲೇಜಿನ ಸಭಾಂಗಣಕ್ಕೆ ಬೆಳಿಗ್ಗೆ 10:00 ಗಂಟೆಯ ಸುಮಾರಿಗೆ ಆಗಮಿಸಬೇಕೆಂದು ಕೋರಲಾಗಿದೆ.
ರಕ್ತದಾನದೊಂದಿಗೆ ರಕ್ತ ಪರೀಕ್ಷೆಯನ್ನೂ ಹಮ್ಮಿಕೊಳ್ಳಲಾಗಿದೆ.

Book Your Advertisement Now.
Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

ಫೇಬ್ರವರಿ 13ರಂದು ಜಗತ್ತಿನಾದ್ಯಂತ ರೇಡಿಯೊದ ಮಹತ್ವದ ಬಗ್ಗೆ ಸಾರ್ವಜನಿಕರಲ್ಲಿ ಮತ್ತು ಮಾಧ್ಯಮಗಳಲ್ಲಿ ಅರಿವು ಮೂಡಿಸಲು ಮತ್ತು ರೇಡಿಯೊ ಮೂಲಕ ಮಾಹಿತಿಗೆ ಪ್ರವೇಶವನ್ನು ಉತ್ತೇಜಿಸುವ ಸಲುವಾಗಿ ವಿಶ್ವ ರೇಡಿಯೋ ದಿನವನ್ನು ಆಚರಿಸಲಾಗುತ್ತದೆ.

ಈ ವರ್ಷ ವಿಶ್ವ ರೇಡಿಯೋ ದಿನದ 12 ನೇ ಆವೃತ್ತಿಯಾಗಿದ್ದು, ‘ರೇಡಿಯೋ ಮತ್ತು ಶಾಂತಿ’ ಧ್ಯೇಯವನ್ನು ಹೊಂದಿದೆ.

ಇಂದಿನ ಆಧುನಿಕ ಯುಗದಲ್ಲಿ ಜನಪ್ರಿಯ ಸಂವಹನ ಮಾಧ್ಯಮ ಎಂದಾಕ್ಷಣ ನಮಗೆಲ್ಲಾ ಸೋಶಿಯಲ್ ಮೀಡಿಯಾ ಅಥವಾ ಸಾಮಾಜಿಕ ಜಾಲತಾಣ ನೆನಪಾಗತ್ತೆ. ಆದರೆ, ವಿಶ್ವಸಂಸ್ಥೆ ಪ್ರಕಟಿಸಿರುವ ಮಾಹಿತಿಯ ಪ್ರಕಾರ, ಜಾಗತಿಕ ಮಟ್ಟದಲ್ಲಿ ಅತ್ಯಂತ ವ್ಯಾಪಕವಾಗಿ ಬಳಕೆಯಾಗುವ ಮಾಧ್ಯಮವೆಂದರೆ ಅದು ರೇಡಿಯೋ.

ಪ್ರಾಚೀನ ಕಾಲದಲ್ಲಿ, ರೇಡಿಯೋ ಒಂದೇ ಸಂವಹನ ಸಾಧನವಾಗಿತ್ತು, ಇದನ್ನು ಜನರು ಬಹಳ ಉತ್ಸಾಹದಿಂದ ಕೇಳುತ್ತಿದ್ದರು. ಏಕೆಂದರೆ ಈ ಮೂಲಕ ದೇಶ ಮತ್ತು ಪ್ರಪಂಚದ ಸುದ್ದಿಯನ್ನು ಜನರಿಗೆ ತಲುಪಿಸಲಾಗುತ್ತಿತ್ತು.
ಇದು ಆ ಕಾಲದ ಜನರಿಗೆ ಮನರಂಜನೆಯ ಸಾಧನವೂ ಆಗಿ ರೇಡಿಯೋ ಜನಪ್ರಿಯವಾಗಿತ್ತು.

ಒಂದು ಕಾಲದಲ್ಲಿ ಜನರ ಜೀವನಾಡಿಯಾಗಿದ್ದ ರೇಡಿಯೋ, ಇಂದಿನ ಡಿಜಿಟಲ್ ಲೋಕದಲ್ಲಿ ಮರೆಯಾಗುತ್ತಿದ್ದರೂ, ಅದರ ಮಹತ್ವ ಮಾತ್ರ ಹಾಗೇ ಇದೆ. ಅಷ್ಟೇ ಅಲ್ಲ, ಇಂದಿಗೂ ವಿಶ್ವದಲ್ಲಿ ಅತೀ ಹೆಚ್ಚು ಬಳಕೆ ಮಾಡುತ್ತಿರುವ ಸಾಮೂಹಿಕ ಮಾಧ್ಯಮಗಳಲ್ಲಿ ರೇಡಿಯೋನೇ ಅಗ್ರಸ್ಥಾನದಲ್ಲಿದೆ.

2010ರಲ್ಲಿ ಸ್ಪೇನ್‌ನ ಸ್ಪ್ಯಾನಿಷ್ ರೇಡಿಯೋ ಅಕಾಡೆಮಿಯು ವಿಶ್ವ ರೇಡಿಯೋ ದಿನವನ್ನು ಆಚರಿಸುವ ಬೇಡಿಯಕೆಯನ್ನು ಯುನೆಸ್ಕೋದ ಮುಂದಿಟ್ಟಿತು.

2012 ರಲ್ಲಿ ನಡೆದ ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯಲ್ಲಿ ಇದನ್ನು ಅನುಮೋದಿಸಿತು. ಇದನ್ನು ಆಚರಿಸುವ ಸಂಪ್ರದಾಯ 2012ರ ಫೆಬ್ರವರಿ 13ರಿಂದ ಆರಂಭವಾಯಿತು. ಅಂದಿನಿಂದ ಇದು ಅಂತರರಾಷ್ಟ್ರೀಯ ದಿನದ ಸ್ಥಾನಮಾನವನ್ನು ಪಡೆದುಕೊಂಡಿದೆ.

ಆದಾಗ್ಯೂ UNESCO ಸದಸ್ಯ ರಾಷ್ಟ್ರಗಳು 2011 ರಲ್ಲಿ ವಿಶ್ವ ರೇಡಿಯೋ ದಿನವನ್ನು ಘೋಷಿಸಿದವು. ಈ ವಿಶೇಷ ದಿನವನ್ನು ಗುರುತಿಸಲು ಪ್ರಪಂಚದಾದ್ಯಂತ ವಿವಿಧ ಕಾರ್ಯಕ್ರಮಗಳನ್ನು ಆಯೋಜಿಸಿ, ರೇಡಿಯೊದ ಮಹತ್ವ ಮತ್ತು ಇತಿಹಾಸದ ತಿಳಿಸಲು ವಿಚಾರಗೋಷ್ಠಿಗಳು ಮತ್ತು ಚರ್ಚೆಗಳು ನಡೆಯುತ್ತವೆ.

ಟಿವಿ ಅಥವಾ ದೂರದರ್ಶನದ ಆವಿಷ್ಕಾರದ ಮೊದಲು, ರೇಡಿಯೋ ಪ್ರಪಂಚದಾದ್ಯಂತ ಹೆಚ್ಚಿನ ಜನರ ಕೇಂದ್ರ ಆಕರ್ಷಣೆಯಾಗಿತ್ತು. ಇದು ಪಟ್ಟಣದಿಂದ ಹಳ್ಳಿಗಳವರೆಗೆ, ದೇಶದಿಂದ ಜಾಗತಿಕ ಮಟ್ಟಕ್ಕೆ ಸಂಪರ್ಕವನ್ನು ಮಾಡುವಂತಹ ಸಾಧನವಾಗಿದೆ. ಇದು ಜನರಿಗೆ ಪ್ರಸ್ತುತ ಸನ್ನಿವೇಶಗಳು, ಸುದ್ದಿಗಳು, ಕಥೆಗಳು, ಹಾಡುಗಳು ಮತ್ತು ಇತರ ಮನರಂಜನೆಯ ವಿಷಯಗಳು, ಶೈಕ್ಷಣಿಕ ಕಾರ್ಯಕ್ರಮಗಳು, ವೈದ್ಯಕೀಯ ಅರಿವು ಮತ್ತು ಎಲ್ಲವನ್ನೂ ಒದಗಿಸುತ್ತದೆ.

ಇಷ್ಟು ಪ್ರಾಮುಖ್ಯತೆ ಪಡೆದಿರುವ ರೇಡಿಯೋ ಸದ್ಯ ತೆರೆಮರೆಗೆ ಸೇರುತ್ತಿದೆ ಎನ್ನುವುದು ದುರಾದೃಷ್ಟಕರ.

ಆದರೂ ಈಗಿನ
ಎಫ್. ಎಂ . ರೇಡಿಯೋ ಜಾಲ ಮತ್ತೆ ಮೈಕೊಡವಿಕೊಂಡು
ಫೀನಿಕ್ಸ್ ನಂತೆ ಎದ್ದಿದೆ.
ಜಾಲತಾಣ ರೇಡಿಯೊ , ಮೊಬೈಲ್ ಆಪ್ ರೇಡಿಯೋ ಜನಪ್ರಿಯತೆ ಗಳಿಸುತ್ತಿದೆ.
ಸಮುದಾಯ ರೇಡಿಯೋ ನಿಲಯಗಳು ,
ಕ್ಯಾಂಪಸ್ ಎಫ್.ಎಂ. ಸಾಮಾಜಿಕ ಬದಲಾವಣೆಗೆ ಮುನ್ನುಡಿ ಹಾಡಿವೆ.
ಇದರ ಬಳಕೆ ಕಡಿಮೆಯಾಗುತ್ತಿದ್ದರೂ, ಮಹತ್ವ ಇನ್ನೂ ಹಾಗೆಯೇ ಇದೆ.

ಇತ್ತೀಚೆಗೆ ಯುನೆಸ್ಕೋ ಪ್ರಪಂಚದಾದ್ಯಂತದ ವಿವಿಧ ಪ್ರಸಾರ ಮತ್ತು ಸಮುದಾಯಗಳ ಸಹಯೋಗದೊಂದಿಗೆ ವಿವಿಧ ರೀತಿಯ ಚಟುವಟಿಕೆಗಳನ್ನು ಆಯೋಜಿಸಿ, ರೇಡಿಯೊದ ಪ್ರಾಮುಖ್ಯತೆ ಮತ್ತು ಭವಿಷ್ಯದ ಅಭಿವೃದ್ಧಿಯ ಬಗ್ಗೆ ಚರ್ಚಿಸಲು ಮತ್ತು ಅನುಕೂಲಗಳ ಬಗ್ಗೆ ಅರಿವು ಮೂಡಿಸಲು ವ್ಯವಸ್ಥೆ ಮಾಡಿದೆ.

Book Your Advertisement Now.
Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.