Assembly Election ಶಿವಮೊಗ್ಗದ ಚುನಾವಣೆ ದಿಕ್ಕಿನ ದಿಕ್ಸೂಚಿ ಕ್ಚಣಕ್ಷಕ್ಕೆ ಬದಲಾಗುತ್ತಿದೆ. ಐದು ಬಾರಿ ಗೆದ್ದ ಈಶ್ವರಪ್ಪನವರೀಗ ಕಣದಲ್ಲಿಲ್ಲ. ಸೂಚ್ಯವಾಗಿ ಹರಕು ಬಾಯಿಗೆ ಹೊಲಿಗೆ ಹಾಕಲಿ,ಶಾಂತಿ ನೆಲೆಸಲಿ ಎಂದು ಸೈಲೆಂಟಾಗಿ ಫ್ಲೆಕ್ಸಿ ನಿಲ್ಲಿಸಿದವರೀಗ ನಿಟ್ಟುಸಿರು ಬಿಟ್ಟಿದ್ದಾರೆ.

ಕಾಂಗ್ರೆಸ್, ಬಹಳಷ್ಟು ಅಳೆದು ತೂಗಿ ಯೋಗೀಶ್ ಅವರಿಗೆ ಟಿಕೆಟ್ ನೀಡಿದೆ. ಆ ಪಕ್ಷದಲ್ಲಿ ಘಟಾನುಘಟಿಗಳಿಗೇನೂ ಕಮ್ಮಿಯಿಲ್ಲ.
ಜಿಲ್ಲಾಧ್ಯಕ್ಷ ಸುಂದರೇಶ್, ಮಾಜಿ ಶಾಸಕ ಪ್ರಸನ್ನ ಕುಮಾರ್, ಪಿ.ಓ.ಶಿವಕುಮಾರ್ …ಹೀಗೆ ಪಟ್ಟಿ ಬೆಳೆದಿತ್ತು. ಕೊನೆಗೆ ಯುವಕನೆಂಬ ಕಾರಣದಿಂದ ಯೋಗೀಶ್ ಗೆ‌ ಟಿಕೆಟ್ ಸಿಕ್ಕಿತು. ನಂತರ ಅಸಮಾಧಾನದಿಂದ ಮಾಜಿ ಶಾಸಕ ಪ್ರಸನ್ನ ಕುಮಾರ್ ಜೆಡಿಎಸ್ ಗೆ ಸೇರಿದರು.

ಬಿಜೆಪಿಯಲ್ಲಿ ಈಶ್ವರಪ್ಪನವರ ನಂತರ ಆಯ್ಕೆಯ ಅವಕಾಶ ಸಹಜವಾಗಿ ಆಯನೂರು ಮಂಜುನಾಥರಿಗೆ ಇರಬೇಕಿತ್ತು. ಏಕೆಂದರೆ ಅನುಭವಿ ರಾಜಕಾರಣಿ. ಶಾಸಕರಾಗಿ,ಲೋಕಸಭೆ ,ರಾಜ್ಯಸಭೆ ಸಂಸದರಾಗಿ ಸೇವೆ ಸಲ್ಲಿಸಿದ್ದರು.
ಬಹುಷಃ ಬಿಜೆಪಿ ಈ ಬಾರಿ ಅವರನ್ನ ಪರಿಗಣಿಸದಿರಲು ಅವಕಾಶಗಳನ್ನ ಅವರಿಗೆ ಸಾಕಷ್ಟು ನೀಡಲಾಗಿದೆ ಎಂಬ ಹಿನ್ನೆಲೆಯಿರಬಹುದು.

Assembly Election ಈ ಅವಗಣನೆಯನ್ನ ಮಂಜುನಾಥರಿಗೆ ಸೂಕ್ತವಾಗಿ ತಿಳಿಸಲಿಲ್ಲವೇನೊ?
ನಿರ್ಲಕ್ಷದ ಫಲಿತಾಂಶ
ಬಿಜೆಪಿಗೆ ಗುಡ್ ಬೈ ಹೇಳಿದ್ದಾರೆ.
ಇದೇ ನಿರ್ಲಕ್ಷ್ಯ ಶೆಟ್ಟರ್ ಅವರಿಗೂ ಕಾಡಿದೆ. ಎಸ ವರ ಹೇಳಿಕೆಯ ಪ್ರಕಾರ ಮುಂಚೆ ಅವರಿಗೆ ಟಿಕೆಟ್ ನಿರಾಕರಣೆ ಬಗ್ಗೆ ತಿಳಿಸಿರಲಿಲ್ಲವಂತೆ.
ಶಿಸ್ತಿನ ಪಕ್ಷ ಬಿಜೆಪಿ ಎಡವಿರುವುದು ಇಲ್ಲಿಯೆ. ನಂತರ ಹೈಕಮಾಂಡ್,ರಾಜ್ಯ ನಾಯಕರು ಏನೆಲ್ಲಾ ಮಾತಿನ ಕಸರತ್ತು ತೋರಿದರೂ ಶೆಟ್ಟರ್ ಅವಕ್ಕೆ ಸೊಪ್ಪು ಹಾಕಲಿಲ್ಲ.

ಹೋಗಲಿ ಬಿಜೆಪಿ ಅನುಭವಸ್ಥ ರಾಜಕಾರಣಿಯನ್ನಾದರೂ ಆರಿಸಿತೆ?
ದತ್ತಾತ್ರಿ ಅಂತಹಹೊರಜಗತ್ತಿಗೆ ಎಕ್ಸ್ ಪೋಸ್ ಆಗಿರುವ ಅಭ್ಯರ್ಥಿತನವನ್ನೂ ಪರಿಶೀಲಿಸಲಿಲ್ಲ.
ಕಾರ್ಪೋರೇಟರ್ ಮತ್ತು ಸಂಘಪರಿವಾರದ ನಿಕಟತೆ ಎರಡೇ ಅರ್ಹತೆಗಳುಳ್ಳ ಚನ್ನಬಸಪ್ಪ ಅವರಿಗೆ ಅನಿರೀಕ್ಷಿತ ಟಿಕೆಟ್ ಒಲಿದುಬಂತು.

ಚುನಾವಣೆ ಹತ್ತಿರವಾದಂತೆ ಜಾತಿ ಲೆಕ್ಕಾಚಾರಗಳು ಎಲ್ಲರನ್ನೂ ಕಂಗೆಡಿಸುವಂತೆಮಾಡಿವೆ. ಇದು ಸಹಜವೆ.
ಆದರೆ ಮಂಜುನಾಥ್ ಜೊತೆ ಕೈಜೋಡಿಸಿರುವ ಪ್ರಸನ್ನಕುಮಾರ್ ಜೆಡಿಎಸ್ ಗೆ ಬಲ ತಂದಿರುವುದಂತೂ ವಾಸ್ತವ ಸಂಗತಿ.
ಅವರಿಂದ ಸದ್ಯ ಕಾಂಗ್ರೆಸ್ ಗೆ ಆಗುವ ಘಾತವೇನು?

ಈ ಬಗ್ಗೆ ವಿವೇಚಿಸಿದರೆ ಪ್ರಸನ್ನ ಕುಮಾರ್ ಅವರ ಸಂಗಡ ಒಂದಿಷ್ಟು ಸಾವಿರ ಮತಗಳಿವೆ. ಅವು ಕಾಂಗ್ರೆಸ್ ಕಣಜದಿಂದ ಹೊರಬರುತ್ತವೆಯೆ?
ಇದು ಯಕ್ಷಪ್ರಶ್ನೆ. ಏಕೆಂದರೆ ಜೆಡಿಎಸ್ ಸುಪ್ರಿಮೊ ಕುಮಾರಸ್ವಾಮಿ ಅವರು ಶಿವಮೊಗ್ಗ ಪ್ರದೇಶದಲ್ಲಿ ಫೇವರ್ ಆಗಿರುವ ವ್ಯಕ್ತಿತ್ವ ಹೊಂದಿಲ್ಲ. ಅವರು ತೋರಿದ ಸೂಕ್ಷ್ಮ ನಿರ್ಲಕ್ಷ್ಯ ಎಂದರೆ
ಬೆವರುಹರಿಸಿ ಪಕ್ಷಕಟ್ಟಿದ ಶ್ರೀಕಾಂತ್
ಗೆ ತಮ್ಮ ಸಿಎಂ ಅವಧಿಯಲ್ಲಿ ಎಮ್ ಎಲ್ ಸಿ ಸ್ಥಾನ ಕೊಟ್ಟಿದ್ದರೆ ಪಕ್ಷಕ್ಕೊಂದು ಇಮೇಜು ಬೆಳೆಯುತ್ತಿತ್ತು. ಈಗ ಮತ್ತೆ ಶ್ರೀಕಾಂತ ಅವರಿಂದಲೇ ಆಯನೂರು ಮಂಜುನಾಥ್, ಪ್ರಸನ್ನ ಕುಮಾರ್ ಜೆಡಿಎಸ್ ತೆಕ್ಕೆಗೆ ಬಂದಿದ್ದಾರೆ. ಒಂದಿಷ್ಟು ಎನ್ಟಿಟಿ ಸಿಕ್ಕಿದೆ.
ಸದ್ಯ ಈಗ ಮೂರೂ ಅಭ್ಯರ್ಥಿಗಳು ಒಂದೇ ಕೋಮಿನವರು. ಇಲ್ಲಿ‌
ಪಕ್ಷಗಳ ಆರ್ಥಿಕ ಧೃಢತೆ, ಸಂಘಟನೆ, ಪ್ರಚಾರದ ತಂತ್ರ ಇವುಗಳ ಮೇಲೆ ಗೆಲುವು ನಿಂತಿದೆ.
ವೀರಶೈವ ಲಿಂಗಾಯತ ಮತಗಳು ಚದುರುವುದಂತೂ ಖಂಡಿತ. ಯೋಗೀಶ್ ಯುವಕ. ತಂದೆ ಮತ್ತು ಅಜ್ಜ ರಾಜಕಾರಣದಲ್ಲಿ ಇದ್ದವರು. ಈಗ ಸ್ವತಃ ಯೋಗೀಶ್ ಗೆ ಕಾರ್ಪೋರೇಟರ್ ಆಗಿ ಜನಸ್ಪಂದನವಿದೆ. ಚನ್ನಿ ,ಮೇಯರ್,ಉಪ ಮೇಯರ್ ಆಗಿ ಅನುಭವಸ್ಥರು. ಇವೆಲ್ಲಕ್ಕೂ ಭಿನ್ನರಾಗಿ ಕಾಣುವವರು ಆಯನೂರು ಮಂಜುನಾಥ್.
ಮಾತುಗಾರ,ಕೆಲಸಗಾರ. ಆದರೆ ಅವರಲ್ಲಿ ಎದುರಾಳಿಗಳು ಹೇಳುವ ಮೈನಸ್ ಅಂಶವೆಂದರೆ. ಬಿಜೆಪಿ, ಕಾಂಗ್ರೆಸ್, ಮಲ್ಯ ಜನತಾ ಪಾರ್ಟಿ, ಈಗ ಜೆಡಿಎಸ್. ಎಷ್ಟು ಪಕ್ಷಾಂತರಗಳಿವೆ!.

ಮತದಾರರು ವಿವೇಚನಾಶೀಲರಿದ್ದಾರೆ. ಶಿವಮೊಗ್ಗ ಅಕ್ಷರವಂತರು ಮತಗತು ಸಾಕ್ಷರರ ನೆಲ.
ಸಂಘ ಪರಿವಾರದ ಕೆಲಸ ಯಾವುದೇ ಚವಕಾಶಿ, ಹಿಂದೇಟು ಇಲ್ಲದೆಯೇ ನಡೆದರೆ
ಚನ್ನಿ ಅವರಿಗೆ ಗೆಲುವು. ಈಗ ಇಲ್ಲಿ‌
ಕಾಂಗ್ರೆಸ್ ಮತ್ತು ಜೆಡಿಎಸ್ ಪಕ್ಷಗಳು ಮತಗಳನ್ನ ಒಡೆದು ಹಂಚಿಕೊಳ್ಳುವ ಸಂದರ್ಭ ಬರಬಹುದು. ಮಂಜುನಾಥರು ಹೇಗೆ ಪ್ರಸನ್ನ ಕುಮಾರ್ ಅವರ ಸಾಥ್ ಬಳಸಿಕೊಳ್ಳುತ್ತಾರೆ ಎಂಬುದರ ಮೇಲೆ ಅವರ ಗೆಲುವು ಅವಲಂಬಿಸಿದೆ.

ಯೋಗೀಶ್ ಅವರಿಗೆ ಗೆಲುವು ಅಸಾಧ್ಯ ಅನ್ನುವಂತಿಲ್ಲ. ಯುವಕ ಎನ್ನುವ ಒಂದೇ ಅಂಶ ಮಿಕ್ಕವರಿಗೆ ಟಕ್ಕರ್ ಕೊಟ್ಟರೂ ಕೊಡಬಹುದು. ಅವರಿಗೆ ಎಲ್ಲ ತಂತ್ರಗಳು ತಿಳಿದಿವೆ.
ಎಷ್ಟರ ಮಟ್ಟಿಗೆ ಅವರು ಈ ಸೀನಿಯರ್ ಗಳ ಎದುರು ಬುಗುರಿ ಆಡಿಸುವರು? ಯೋಗೇಶ್ ಮೇಲೆ ಯಾವುದೇ ರಾಜಕೀಯ ಕಪ್ಪು ಚುಕ್ಕೆಗಳಿಲ್ಲ. ಎದುರಾಳಿಗಳ ಅನುಭವದ ಸುಳಿಯಲ್ಲಿ ಸಿಕ್ಕು ಹೇಗೆ ಹೊರಬರುತ್ತಾರೆ? ಎನ್ನುವುದೇ ಅವರು ಗೆದ್ದೇಗೆಲ್ಲಲಿ ಎಂದು ಇಷ್ಟಪಡುವವರ ಒಳ ಪ್ರಶ್ನೆಯಾಗಿದೆ.

Assembly Election ರಾಷ್ಟ್ರೀಯ ಪಕ್ಷಗಳ ಕಪಿಮುಷ್ಠಿಯಲ್ಲಿ ಕರ್ನಾಟಕ ಸಿಲುಕಿದ್ದು ಕನ್ನಡಿಗರು ಇದರಿಂದ ಹೊರ ಬರಬೇಕಾಗಿದೆ ಎಂದು ಶಿಕಾರಿಪುರ ಕ್ಷೇತ್ರದ ಪಕ್ಷೇತರ ಅಭ್ಯರ್ಥಿ ಅನಿಲ್ ಎಂ ಆರ್ ಹೇಳಿದರು.

ಅವರು ಶಿಕಾರಿಪುರದ ಸುದ್ದಿ ಮನೆಯಲ್ಲಿ ಪತ್ರಿಕಾಗೋಷ್ಠಿಯನ್ನು ಉದ್ದೇಶಿಸಿ ಮಾತನಾಡುತ್ತಾ ನಾನು ಕರ್ನಾಟಕ ರಾಜ್ಯ ಕನ್ನಡ ಗೆಳೆಯರ ಬಳಗದ ಬೆಂಬಲದೊಂದಿಗೆ ಈ ಚುನಾವಣೆಯಲ್ಲಿ ಸ್ಪರ್ಧೆ ಮಾಡಿದ್ದು ಅವರಿಗೆ ಹೃತ್ಪೂರ್ವಕವಾಗಿ ಅಭಿನಂದಿಸುತ್ತೇನೆ ಎಂದರು.

ನಾನು ಮೂಲತಃ ಶಿಕಾರಿಪುರದ ನಿವಾಸಿಯಾಗಿದ್ದು ಇಲ್ಲಿನ ಜನರಿಗೆ ಸ್ಪಂದನೆ ಮಾಡುವುದು ನನ್ನ ಕರ್ತವ್ಯ ನಾನು ಕಳೆದ ಎರಡು ಬಾರಿ ಚುನಾವಣೆಯಲ್ಲಿ ಸ್ಪರ್ಧೆ ಮಾಡಿದ್ದರು ಹಣ ಹೆಂಡ ಜಾತಿಯನ್ನು ಮಾಡದೆ ಚುನಾವಣೆಯನ್ನು ಎದುರಿಸಿದ್ದು ನೈತಿಕತೆಯಿಂದ ಚುನಾವಣೆಯನ್ನು ಎದುರಿಸುತ್ತಿದ್ದೇವೆ ನಾಯಕತ್ವವನ್ನು ಬೆಳೆಸುವುದು ಎರಡನೇ ಹಂತದ ಯುವ ಪೀಳಿಗೆಯನ್ನು ಮುಖ್ಯ ದಾರಿಗೆ ತರುವುದು ನಮ್ಮ ಸ್ಪರ್ಧೆಯ ಉದ್ದೇಶವಾಗಿದೆ ತಾಲೂಕಿನಲ್ಲಿ ತಂಡವನ್ನು ಕಟ್ಟಿಕೊಂಡು ಸುತ್ತಾಡುತ್ತಿದ್ದು ನಾಯಕತ್ವವನ್ನು ಉಳಿಸುವುದು ನಮ್ಮ ಉದ್ದೇಶವಾಗಿದೆ.

Assembly Election 2014ರಿಂದ ಉಪಚುನಾವಣೆ ಸೇರಿದ ಸ್ಪರ್ಧೆಯನ್ನು ಮಾಡುತ್ತಿದ್ದು ಕುಟುಂಬ ರಾಜಕಾರಣವನ್ನು ಹೊರತುಪಡಿಸಿ ಯುವ ಪೀಳಿಗೆಯನ್ನು ಮುಖ್ಯ ವಾಣಿಗೆ ತರುವುದಾಗಿದೆ ಸಾವಿರ ಕಿಲೋಮೀಟರ್ ದಾರಿಯನ್ನು ಕ್ರಮಿಸಿ ಪ್ರಚಾರವನ್ನು ಮಾಡುವುದು ನನ್ನ ಉದ್ದೇಶವಾಗಿದೆ.

ಗೆಳೆಯರ ಬಳಗದ ವತಿಯಿಂದ ಮುಂಬರುವ ಚುನಾವಣೆಯಲ್ಲಿ ಜಿಲ್ಲಾ ಪಂಚಾಯತ್ ತಾಲೂಕ್ ಪಂಚಾಯತ್ ಗ್ರಾಮ ಪಂಚಾಯತ್ ಹಾಗು ನಗರಸಭೆ ಪುರಸಭೆಗಳಲ್ಲಿ ಚುನಾವಣೆಗೆ ಸ್ಪರ್ಧೆ ಮಾಡಲಿದ್ದಾರೆ ಈ ಮೂಲಕ ಸ್ಥಳೀಯವಾಗಿ ಪ್ರತಿಭೆಗಳನ್ನು ಹೊರ ತರುವ ಪ್ರಯತ್ನ ನಮ್ಮದಾಗಿದೆ ಎಂದರು.

ಕೇಂದ್ರ ಸರ್ಕಾರ ಓದಿದ ಬ್ಯಾಂಕ್‌ಗಳನ್ನು ತನ್ನ ತೆಕ್ಕೆಗೆ ತೆಗೆದುಕೊಳ್ಳುತ್ತಾ ರಾಜ್ಯದ್ಯಂತ ಇರುವ ಎಲ್ಲ ಬ್ಯಾಂಕಿಂಗ್ ಸಿಸ್ಟಮ್ ಅನ್ನು ಹಾಳು ಮಾಡುತ್ತಿದ್ದು ರಾಜ್ಯದ ಬ್ಯಾಂಕುಗಳು ಕಾಣೆಯಾಗುತ್ತಿವೆ ರೈತರ ಸಂಸ್ಥೆಯನ್ನು ಅಮೂಲ್ನಂತಹ ಸಂಸ್ಥೆಯೊಂದು ನುಂಗಿ ಹಾಕಲಿದೆ ಎಂದರು.

ಭ್ರಷ್ಟಾಚಾರದ ವಿರುದ್ಧ ಧ್ವನಿ ಎತ್ತಿ ಕರ್ನಾಟಕ ರಾಜ್ಯದ ಮೂರು ಲಕ್ಷ ರೂಪಾಯಿಗಳ ಬಜೆಟ್ ಜನತೆಗೆ ಮುಟ್ಟಿಸುವುದು ಹಾಗೂ ಕರ್ನಾಟಕ ರಾಜ್ಯ ನೀರಾವರಿ ಸೇರಿದಂತೆ ಸಮೃದ್ಧವಾದ ರಾಜ್ಯವಾಗಿದ್ದು ಇಲ್ಲಿನ ತೆರಿಗೆಯನ್ನು ರಾಜ್ಯ ಸರ್ಕಾರವು ಕೇಂದ್ರ ಸರ್ಕಾರ ವಸೂಲು ಮಾಡಿ ಬೇರೆ ರಾಜ್ಯಗಳಿಗೆ ಹಂಚಿಕೆ ಮಾಡುತ್ತದೆ ಇದು ನಮ್ಮ ಕನ್ನಡಿಗರ ಮೇಲಿನ ಹಲ್ಲೆಯಾಗಿದೆ ತೆರಿಗೆ ದ್ವಿಮುಖ ನೀತಿಯನ್ನು ನಾವು ಖಂಡಿಸಿ ಪ್ರತಿಪಟಿಸುತ್ತೇವೆ ಈ ಬರೆಯಲು ವಿರೋಧಿಸಿ ನಾವು ರಾಷ್ಟ್ರೀಯ ಪಕ್ಷಗಳಿಂದ ದೂರ ಉಳಿದು ಕಾಂಗ್ರೆಸ್ ಮತ್ತು ಬಿಜೆಪಿ ಎರಡು ರಾಷ್ಟ್ರೀಯ ಪಕ್ಷಗಳು ಒಂದೇ ಮುಖದ ಎರಡು ನಾಣ್ಯಗಳಾಗಿವೆ ಎಂದರು.

ಈ ಕಾರಣಗಳಿಗಾಗಿ ತಳಿಯ ಪ್ರತಿಭೆಯನ್ನು ತಾವು ಬೆಂಬಲಿಸಿ ಮತ ನೀಡುವಂತೆ ಮನವಿ ಮಾಡಿದರು.
ಈ ಸಂದರ್ಭದಲ್ಲಿ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಶಿವಣ್ಣ ಜಿಲ್ಲಾ ಸಂಘಟನಾ ಕಾರ್ಯದರ್ಶಿ ಲೋಕಯ್ಯ ಉಪಸ್ಥಿತರಿದ್ದರು.