Department of School Education ಶಿವಮೊಗ್ಗ ಜಿಲ್ಲಾಡಳಿತ, ಜಿಲ್ಲಾ ಪಂಚಾಯತ್ ಶಿವಮೊಗ್ಗ, ಉಪನಿರ್ದೇಶಕರ ಕಚೇರಿ, ಶಾಲಾ ಶಿಕ್ಷಣ ಇಲಾಖೆ, ದೇಶೀಯ ವಿದ್ಯಾಶಾಲಾ ಸಮಿತಿ, ಬಸವೇಶ್ವರ ವೃತ್ತ ಶಿವಮೊಗ್ಗ ಇವರ ಸಂಯುಕ್ತಾಶ್ರಯದಲ್ಲಿ ಡಿ.27 ರಂದು ಬೆಳಗ್ಗೆ 10 ಗಂಟೆಗೆ ಡಿ.ವಿ.ಎಸ್ ಪ್ರೌಢಶಾಲಾ ಆವರಣದಲ್ಲಿ 2023-24ರ ಜಿಲ್ಲಾ ಮಟ್ಟದ ಪ್ರತಿಭಾ ಕಾರಂಜಿ ಮತ್ತು ಕಲೋತ್ಸವ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ.
ಕಾರ್ಯಕ್ರಮದ ಉದ್ಘಾಟನೆಯನ್ನು ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಇಲಾಖೆ ಸಚಿವರು ಹಾಗೂ ಜಿಲ್ಲಾ ಉಸ್ತುವಾರಿ ಸಚಿವ ಎಸ್. ಮಧು ಬಂಗಾರಪ್ಪರವರು ನೆರೆವೇರಿಸಲಿದ್ದಾರೆ.
ವಿಶೇಷ ಆಹ್ವಾನಿತರಾಗಿ ಯೋಜನೆ ಮತ್ತು ಸಾಂಖ್ಯಿಕ ಇಲಾಖೆ ಸಚಿವರು ಹಾಗೂ ಮಲೆನಾಡು ಪ್ರದೇಶ ಅಭಿವೃದ್ಧಿ ಮಂಡಳಿಯ ಅಧ್ಯಕ್ಷ ಡಿ. ಸುಧಾಕರ್ರವರು ಆಗಮಿಸಲಿದ್ದಾರೆ.
ಕಾರ್ಯಕ್ರಮದಲ್ಲಿ ವಿಧಾನ ಸಭೆ ಹಾಗೂ ವಿಧಾನ ಪರಿಷತ್ ಸಂಸದರು, ಶಾಸಕರು, ಜಿಲ್ಲಾ ಉಸ್ತುವಾರಿ ಕಾರ್ಯದರ್ಶಿಗಳು, ದೇಶೀಯ ವಿದ್ಯಾಶಾಲಾ ಸಮಿತಿಯ ಅಧ್ಯಕ್ಷರು, ಉಪಾಧ್ಯಕ್ಷರು, ಕಾರ್ಯದರ್ಶಿಗಳು, ಜಿಲ್ಲಾಧಿಕಾರಿಗಳು, ಜಿ.ಪಂ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಗಳು, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳು, ಮಹಾನಗರ ಪಾಲಿಕೆ ಆಯುಕ್ತರು ಭಾಗವಹಿಸಲಿದ್ದಾರೆ.
Power Outage ಶಿವಮೊಗ್ಗ 11 ಕೆ.ವಿ ವಿದ್ಯುತ್ ವಿತರಣಾ ಕೇಂದ್ರ ತುರ್ತು ಕಾಮಗಾರಿ ಹಮ್ಮಿಕೊಂಡಿರುವುದರಿಂದ ಡಿ. 27 ರಂದು ಬೆಳಗ್ಗೆ 10.00 ರಿಂದ ಮಧ್ಯಾಹ್ನ 2.00 ರವರೆಗೆ ಬೊಮ್ಮನಕಟ್ಟೆ ಎ ಇಂದ ಎಫ್ ಬ್ಲಾಕ್ವರೆಗೆ, ಹಳೆ ಬೊಮ್ಮನಕಟ್ಟೆ,, ದೇವಂಗಿ 2ನೇ ಹಂತದ ಬಡಾವಣೆ, ಮಹಾರಾಣಿ ಸ್ಕೂಲ್ ಹತ್ತಿರ ನಿಗಡೆ ಲೇಔಟ್ ಹಾಗೂ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ವಿದ್ಯುತ್ ವ್ಯತ್ಯಯವಾಗಲಿದ್ದು, ಗ್ರಾಹಕರು ಸಹಕರಿಸುವಂತೆ ಮೆಸ್ಕಾಂ ತಿಳಿಸಿದೆ. ಶಿವಮೊಗ್ಗ 11 ಕೆ.ವಿ ವಿದ್ಯುತ್ ವಿತರಣಾ ಕೇಂದ್ರ ತುರ್ತು Power Outage ಕಾಮಗಾರಿ ಹಮ್ಮಿಕೊಂಡಿರುವುದರಿಂದ ಡಿ. 27 ರಂದು ಬೆಳಗ್ಗೆ 10.00 ರಿಂದ ಮಧ್ಯಾಹ್ನ 2.00 ರವರೆಗೆ ಬೊಮ್ಮನಕಟ್ಟೆ ಎ ಇಂದ ಎಫ್ ಬ್ಲಾಕ್ವರೆಗೆ, ಹಳೆ ಬೊಮ್ಮನಕಟ್ಟೆ,, ದೇವಂಗಿ 2ನೇ ಹಂತದ ಬಡಾವಣೆ, ಮಹಾರಾಣಿ ಸ್ಕೂಲ್ ಹತ್ತಿರ ನಿಗಡೆ ಲೇಔಟ್ ಹಾಗೂ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ವಿದ್ಯುತ್ ವ್ಯತ್ಯಯವಾಗಲಿದ್ದು, ಗ್ರಾಹಕರು ಸಹಕರಿಸುವಂತೆ ಮೆಸ್ಕಾಂ ತಿಳಿಸಿದೆ.
Shivamogga Home Guard ಶಿವಮೊಗ್ಗ ಜಿಲ್ಲೆಯ ವಿವಿಧ ಗೃಹರಕ್ಷಕ ದಳದ ಘಟಕಗಳಲ್ಲಿ ಸೇವೆ ಸಲ್ಲಿಸಲು ಅರ್ಜಿ ಸಲ್ಲಿಸಿರುವ ಅಭ್ಯರ್ಥಿಗಳನ್ನು ಗೃಹರಕ್ಷಕ ಸದಸ್ಯರನ್ನಾಗಿ ನೋಂದಾಯಿಸುವ ಆಯ್ಕೆ ಪ್ರಕ್ರಿಯೆಯು ಡಿ.28 ರಂದು ಬೆಳಗ್ಗೆ 09.30 ರಿಂದ ಮಧ್ಯಾಹ್ನ 01 ಗಂಟೆಯವರೆಗೆ ನಗರದ ಡಿ.ಎ.ಆರ್ ಕವಾಯತ್ತು ಮೈದಾನದಲ್ಲಿ ನಡೆಯಲಿದೆ.
ಜಿಲ್ಲಾ ರಕ್ಷಣಾಧಿಕಾರಿ, ಅಪಾರ ಜಿಲ್ಲಾಧಿಕಾರಿ ಹಾಗೂ ಡಿ.ಡಿ.ಪಿ.ಐ ಮತ್ತು ಸಮಾದೇಷ್ಟರ ಸಮ್ಮುಖದಲ್ಲಿ ಸಂದರ್ಶನ ನಡೆಯಲಿದ್ದು, ಅಭ್ಯರ್ಥಿಗಳು ಆ ದಿನ ಮೂಲ ದಾಖಲೆಯೊಂದಿಗೆ ಹಾಜರಾಗಲು ಸೂಚಿಸಿದೆ.
Shivamogga Home Guard ಹೆಚ್ಚಿನ ಮಾಹಿತಿಗಾಗಿ ಜಿಲ್ಲಾ ಗೃಹರಕ್ಷಕದಳ ಕಚೇರಿ ದೂ.ಸಂ.08182-222630ನ್ನು ಸಂಪರ್ಕಿಸುವಂತೆ ಜಿಲ್ಲಾ ಗೃಹರಕ್ಷಕದಳದ ಗೌರವ ಸಮಾದೇಷ್ಟರು ತಿಳಿಸಿದ್ದಾರೆ.
Davanagere Dosa ಬೆಣ್ಣೆ ದೋಸೋತ್ಸವ ಸಂದರ್ಭವಾಗಿ ದಾವಣಗೆರೆ ಬೆಣ್ಣೆ ದೋಸೆಯ ಜನಕರಾದ ಶಂಕರಪ್ಪ ಬಸವಂತಪ್ಪ ಶಾಂತಪ್ಪ ಮಹಾದೇವಪ್ಪ ಹಾಗೂ ಬೆಣ್ಣೆ ದೋಸೆ ಇತಿಹಾಸ ಕುರಿ ಕುರಿತಾದ ಸಂಕ್ಷಿಪ್ತ ಲೇಖನ- ಎಚ್ ಬಿ ಮಂಜುನಾಥ ಹಿರಿಯ ಪತ್ರಕರ್ತ-
ದಾವಣಗೆರೆ ಬೆಣ್ಣೆ ದೋಸೆ ಅಗಾಧವಾದ ಜನಪ್ರಿಯತೆ ಗಳಿಸಿದೆ, ‘ಜಿಹ್ವಾ ಚಾಪಲ್ಯ’ ಅಂದರೆ ನಾಲಿಗೆ ರುಚಿ ಉಳ್ಳವರೆಲ್ಲ ಇದನ್ನು ಸವಿಯಲು ಹಾತೊರೆಯುತ್ತಾರೆ. ಇಂತಹ ಸುಪ್ರಸಿದ್ಧ ದಾವಣಗೆರೆ ಬೆಣ್ಣೆ ದೋಸೆಯ ಮೂಲಪುರುಷರು ಶಂಕರಪ್ಪ, ಬಸವಂತಪ್ಪ, ಶಾಂತಪ್ಪ, ಮಹಾದೇವಪ್ಪ ಸಹೋದರ ಚತುಷ್ಟಯರು.
ಇವರಿಗೆ ಪ್ರೇರಣೆ ಇವರ ತಾಯಿ ಕೀರ್ತಿಶೇಷ ಚನ್ನಮ್ಮನವರು. -ಬೆಣ್ಣೆ ದೋಸೆ ಸೃಷ್ಟಿಯಾದ ಬಗೆ: ಬೆಳಗಾವಿ ಜಿಲ್ಲೆಯ ರಾಮದುರ್ಗ ತಾಲೂಕಿನ ಬೀಡ್ಕಿ ಗ್ರಾಮದ ವಿಠ್ಠಪ್ಪನವರ ಧರ್ಮಪತ್ನಿ ಚನ್ನಮ್ಮ ಮಕ್ಕಳೊಂದಿಗೆ ಬದುಕನ್ನು ಅರಸಿಕೊಂಡು ದಾವಣಗೆರೆಗೆ ಬಂದಾಗ 1928ರ ವೇಳೆಯಲ್ಲಿ ನೆಲೆ ಕೊಟ್ಟವರು ಸುಪ್ರಸಿದ್ಧ ಕಲಾಪೋಷಕರೂ ಸಮಾಜ ಸೇವಾಸಕ್ತ ಸಾವಳಗಿ ಮನೆತನದ ಗುರುಶಾಂತಪ್ಪ ನಾಗಪ್ಪನವರು.
ಜೀವನ ರಥ ಸಾಗಿಸಲು ಚನ್ನಮ್ಮನವರು ತನ್ನ ನಾಲ್ಕು ಮಕ್ಕಳಾದ ಶಂಕ್ರಪ್ಪ ಬಸವಂತಪ್ಪ ಶಾಂತಪ್ಪ ಮಹಾದೇವಪ್ಪರೊಂದಿಗೆ ‘ವಡ್ಡ ರಾಗಿ ಹಿಟ್ಟಿ’ನ ಅಂದರೆ ರಾಗಿ ಹಿಟ್ಟನ್ನು ಬಟ್ಟೆಯ ಚರಡಿಯಲ್ಲಿ ಸೋಸಿದ ‘ನುಣ್ಣನೆ ರಾಗಿ ಹಿಟ್ಟಿನ ತುಪ್ಪದ ದೋಸೆ’ ಮಾಡಿ ಮಾರಲು ಆರಂಭಿಸಿದರು.
ಚನ್ನಮ್ಮನ ಮಕ್ಕಳು 1938 ರ ಹೊತ್ತಿಗೆ ಅಕ್ಕಿ ಉದ್ದಿನ ಬೇಳೆ ಮಂಡಕ್ಕಿಯನ್ನು ಬಳಸಿ ಬೆಣ್ಣೆ ದೋಸೆಯನ್ನು ಹುಟ್ಟು ಹಾಕಿದರು. ಆಕಾಲದಲ್ಲಿ ರಾಗಿ ಬಡವರ ಆಹಾರವಾದರೆ ಅಕ್ಕಿ ಶ್ರೀಮಂತರ ಆಹಾರ ಅಷ್ಟೇ ಅಲ್ಲ ಅಕ್ಕಿಯು ಅಷ್ಟು ಸುಲಭವಾಗಿ ಸಿಗುತ್ತಿರಲೂ ಇಲ್ಲ. ಚೆನ್ನಮ್ಮನ ಮಕ್ಕಳು ಹುಟ್ಟು ಹಾಕಿದ ಈ ಬೆಣ್ಣೆದೋಸೆ ಅತ್ಯಂತ ಜನಪ್ರಿಯವಾಗಿ ಬೆಳಗಿನಜಾವ 5 ಗಂಟೆಯಿಂದ ರಾತ್ರಿ 10 ಗಂಟೆಗೆವರೆಗೂ ಜನ ಬಂದು ಸವಿಯುತ್ತಿದ್ದರು.
1944ರ ವೇಳೆಗೆ ಚನ್ನಮ್ಮನವರು ಕಾಲ ವಾದ ನಂತರ ಶಂಕ್ರಪ್ಪ ಮತ್ತು ಬಸವಂತಪ್ಪನವರು ತಮ್ಮ ಮೂಲ ಸ್ಥಳವಾದ ಬೀಡ್ಕಿಗೆ ವಾಪಸಾದರು, ಮಹಾದೇವಪ್ಪನವರು ಜೈಲ್ ರೋಡ ಈಗಿನ ವಸಂತ ಟಾಕೀಸ್ ಎದುರಿಗಿದ್ದ ಸಾವಳಗಿ ಥಿಯೇಟರ್ ಬಳಿಯಲ್ಲಿಯೇ ಬೆಣ್ಣೆ ದೋಸೆ ಹೋಟೆಲನ್ನು ಮುಂದುವರಿಸಿದರೆ ಶಾಂತಪ್ಪನವರು ಕಾಯಿಪೇಟೆ ಮತ್ತು ಒಕ್ಕಲಿಗರ ಪೇಟೆಯ ಮಧ್ಯದ ಗಲ್ಲಿಯ ಮುಂಭಾಗದಲ್ಲಿ ತಮ್ಮ ಹೋಟೆಲನ್ನು 1944ರ ಜನವರಿ 24ರಂದು ಆರಂಭಿಸಿದರು.
ಇದನ್ನು ಶಾಂತಪ್ಪನವರ ಪುತ್ರರಾದ ಗಣೇಶ ರವರು ಈಗಲೂ ಅದೇ ರೀತಿಯಲ್ಲಿ ಮುಂದುವರಿಸಿಕೊಂಡು ಬರುತ್ತಿದ್ದಾರೆ. ಮಹಾದೇವಪ್ಪನವರ ಪುತ್ರರಾದ ರವಿಕುಮಾರ್ ರವರು ಪಿ ಜೆ ಬಡಾವಣೆಯ ಹರಳೆಣ್ಣೆ ಕೊಟ್ರಬಸಪ್ಪ ವೃತ್ತದ ಸಮೀಪ ಅಂದರೆ ಚರ್ಚ್ ರಸ್ತೆಯಲ್ಲಿ ತಮ್ಮ ಬೆಣ್ಣೆ ದೋಸೆ ಹೋಟೆಲ್ ಅನ್ನು ವ್ಯವಸ್ಥಿತವಾಗಿ ನಡೆಸುತ್ತಿದ್ದಾರೆ.
ನಮ್ಮ ಬಾಲ್ಯದಲ್ಲಿ ಕಂಡ ಹಾಗೆ ಮಹಾದೇವಪ್ಪನವರ ಬೆಣ್ಣೆ ದೋಸೆ ಹೋಟೆಲಿಗೆ ಹೆಚ್ಚಾಗಿ ಶ್ರೀಮಂತರು ಹೋಗುತ್ತಿದ್ದರೆ ಶಾಂತಪ್ಪನವರ ಬೆಣ್ಣೆ ದೋಸೆ ಹೋಟೆಲಿಗೆ ಬಹುತೇಕ ಮಧ್ಯಮ ವರ್ಗದವರು ಹಾಗೂ ಬಡವರು ಬರುತ್ತಿದ್ದರು, ಆದರೆ ಶ್ರೀಮಂತರಿಗಾಗಲಿ ಬಡವರಿಗಾಗಲಿ ದೋಸೆಯ ಗುಣಮಟ್ಟ ರುಚಿ ದರ ಯಾವುದರಲ್ಲೂ ಭೇದವಿಲ್ಲದ ಹಾಗೆ ಶಾಂತಪ್ಪ ಮಹಾದೇವಪ್ಪ ಸಹೋದರರು ಕಾಯಕ ಕಾಪಾಡಿಕೊಂಡಿದ್ದರು.
ಶುದ್ಧ ಬೆಣ್ಣೆಯ ಲಭ್ಯತೆ: ಆಗ ಶಾಂತಪ್ಪ ಮಹದೇವಪ್ಪನವರು ಕೆಲವು ಹಳ್ಳಿಯವರಿಗೆ ಎಮ್ಮೆಗಳನ್ನು ಕೊಡಿಸಿ ಅದರ ಹಾಲು ಅವರಿಗೆ ಬೆಣ್ಣೆ ಮಾತ್ರ ಇವರಿಗೆ ಎನ್ನುವ ಕರಾರಿನಂತೆ ಶುದ್ಧ ಬೆಣ್ಣೆಯನ್ನು ಪಡೆಯುತ್ತಿದ್ದರು, ನಂತರದಲ್ಲಿ ತಂಬಾಕು ಪೇಟೆ ಅಂದರೆ ಈಗಿನ ವಿಜಯಲಕ್ಷ್ಮಿ ರಸ್ತೆ ಹಾಗೂ ಬೆಳ್ಳುಳ್ಳಿ ಗಲ್ಲಿ ಮೂಲೆಯಲ್ಲಿರುವ ಬೆಳ್ಳುಳ್ಳಿ ಷಣ್ಮುಖಪ್ಪನವರ ಅಂಗಡಿ ಮುಂಭಾಗದಲ್ಲಿ ಹಾಗೂ ರೈಲ್ವೇ ಸ್ಟೇಷನ್ ರಸ್ತೆ ಮತ್ತು ತಂಬಾಕು ಪೇಟೆ ಕೂಡುವ ಕಾಯಿಪೇಟೆಯ ಮುಂಭಾಗದ ಮೂಲೆಯ ಅಂಬರ್ಕರ್ ಯಲ್ಲಪ್ಪ ಸ್ವಾಮಿ ರಾವ್ ಬಣ್ಣದ ಅಂಗಡಿಯ ಪಕ್ಕದಲ್ಲಿ ಬೆಣ್ಣೆ ವ್ಯಾಪಾರ ಏರ್ಪಾಡು ಮಾಡಿಸಿ ಶುದ್ಧ ಬೆಣ್ಣೆ ಖರೀದಿಸುತ್ತಿದ್ದರು.
ಕೊಂಡಜ್ಜಿ ಕಡೆಯಿಂದ ಬರುತ್ತಿದ್ದ ಗಂಗಮ್ಮ ಮತ್ತು ದೇವೀರಮ್ಮ ಮುಂತಾದವರು ಇಲ್ಲಿಗೇ ಬಂದು ಬೆಣ್ಣೆ ಕೊಡುತ್ತಿದ್ದರು, ಇವರಿಂದಲೂ ಶುದ್ಧ ಬೆಣ್ಣೆಯನ್ನು ಶಾಂತಪ್ಪ ಮಹಾದೇವಪ್ಪರು ಖರೀದಿಸುತ್ತಿದ್ದರು.
ನಂತರ ಚನ್ನಗಿರಿ ತಾಲೂಕಿನಿಂದಲೂ ಇವರಿಗೆ ಬೆಣ್ಣೆ ಬರುತ್ತಿತ್ತು. ಈಗ ಗಣೇಶರ ಪತ್ನಿ ಪುಷ್ಪಾ ಹಾಗೂ ರವಿಕುಮಾರ್ ಪತ್ನಿ ಜಯಶ್ರೀ ಜಗಳೂರು ಹರಪನಹಳ್ಳಿ ತಾಲೂಕಿನ ಗ್ರಾಮಗಳಿಗೂ ಹೋಗಿ ಶುದ್ಧ ಬೆಣ್ಣೆಯನ್ನು ತಾವೇ ಖರೀದಿಸಿ ತರುತ್ತಿದ್ದಾರೆ, ಬಸ್ ಮೂಲಕವೂ ಅಲ್ಲಿಂದ ಬರುತ್ತಿದೆ.
Davanagere Dosa ಬೆಲೆ ಕಾಸಿನಿಂದ ರೂಪಾಯಿಗೆ: ನಮ್ಮ ಬಾಲ್ಯದಲ್ಲಿ ಅರ್ಧಾಣೆ ಅಂದರೆ ಆರು ಕಾಸಿಗೆ ಬೆಣ್ಣೆ ದೋಸೆ, ಕಾಲಾಣೆ ಅಂದರೆ ಮೂರು ಕಾಸಿಗೆ ಖಾಲಿ ದೋಸೆ! ನಂತರ 40 ನಯಾ ಪೈಸೆಗೆ ಬೆಣ್ಣೆ ದೋಸೆ, 10 ನಯಾ ಪೈಸೆಗೆ ಖಾಲಿ ದೋಸೆ ಅಂತ ಆಗಿದ್ದು ಈಗ ಬೆಣ್ಣೆ ದೋಸೆಗೆ 65 ರೂಪಾಯಿ ವರೆಗೂ ಇದೆ. ವಿಶೇಷವೆಂದರೆ ದಾವಣಗೆರೆ ಬೆಣ್ಣೆ ದೋಸೆಗೆ ಕಟ್ಟಿಗೆ ಒಲೆಯೇ ಬೇಕು, ಇದೂ ಸಹಾ ವಿಶೇಷ ಸ್ವಾದವನ್ನು ದೋಸೆಗೆ ಕೊಡುತ್ತದೆ ಎನ್ನಲಾಗುತ್ತದೆ.
ಅದೂ ಸಹಾ ದಿಂಡದ ಮರದ ಕಟ್ಟಿಗೆ ತುಂಬಾ ಒಳ್ಳೆಯದು, ಅದು ಲಭ್ಯವಾಗದಿದ್ದರಿಂದ ಈಗ ಕರಿ ಮತ್ತೆ, ಬಿಳಿ ಮತ್ತಿ ಕಟ್ಟಿಗೆಯನ್ನು ಉಪಯೋಗಿಸಲಾಗುತ್ತಿದೆ. ಶಾಂತಪ್ಪ ಮಹಾದೇವಪ್ಪರ ಸಂಬಂಧಿಗಳಾದ ಮಹಾರುದ್ರಪ್ಪ ಕಾಡಪ್ಪ ಮರಿಯಪ್ಪರು ದಾವಣಗೆರೆಯಲ್ಲಿ ಬೆಣ್ಣೆ ದೋಸೆ ಹೋಟೆಲ್ ಗಳನ್ನು ಆರಂಭಿಸಿದರು, ಈಗ ದಾವಣಗೆರೆಯಾದ್ಯಂತ ಹಾಗೂ ರಾಜ್ಯ, ಹೊರ ರಾಜ್ಯ ಮುಂತಾದಡೆಗಳಲ್ಲೆಲ್ಲ ದಾವಣಗೆರೆ ಬೆಣ್ಣೆ ದೋಸೆ ಹೋಟೆಲ್ ಗಳು ಆಗಿದ್ದು ಒಂದು ಉದ್ಯಮವಾಗಿಯೇ ಬೆಳೆದು ಅನೇಕರಿಗೆ ಬದುಕು ನೀಡುತ್ತಿದೆ.
ಇದಕ್ಕೆಲ್ಲಾ ಮೂಲಪುರುಷರಾದ ಶಂಕರಪ್ಪ ಬಸ್ವಂತಪ್ಪ ಶಾಂತಪ್ಪ ಮಹಾದೇವಪ್ಪರನ್ನು ಮರೆಯುವಂತಿಲ್ಲ ಹಾಗೂ ಮೂಲ ಪ್ರೇರಣೆಯಾದ ಚನ್ನಮ್ಮನವರನ್ನೂ ಮರಿಯುವಂತೆಯೇ ಇಲ್ಲ. ಶಾಂತಪ್ಪನವರು ಸ್ಥಾಪಿಸಿದ ಗಣೇಶ್ ಮುಂದುವರಿಸಿಕೊಂಡು ಬರುತ್ತಿರುವ ಹಳೆಯ ನಗರದ ಒಕ್ಕಲಿಗರ ಪೇಟೆಯ ಬಳಿಯ ಶಾಂತಪ್ಪ ಬೆಣ್ಣೆ ದೋಸೆ ಹೋಟೆಲ್ ಲ್ಲಿ ಈಗಲೂ ಸುಪ್ರಸಿದ್ಧ ಸಾವಳಗಿ ಥಿಯೇಟರಿನ ಹಳೆಯ ಕಬ್ಬಿಣದ ಕುರ್ಚಿಗಳನ್ನು ನೋಡಬಹುದು!, ನಮ್ಮ ಬಾಲ್ಯದಲ್ಲಿ ಈ ಕುರ್ಚಿಗಳ ಮೇಲೆ ಕುಳಿತು ನಾವು ನಾಟಕಗಳನ್ನು ಸಾವಳಗಿ ಥಿಯೇಟರ್ ನಲ್ಲಿ ನೋಡಿದ ನೆನಪು ಇಂದಿಗೂ ಮಾಸಿಲ್ಲ, ದಪ್ಪ ಕಬ್ಬಿಣದಲ್ಲಿ ಮಾಡಿದ, ಬಾಂಬೆಯಿಂದ ತರಿಸಿದ ಸದೃಢವಾದ ಈ ಕುರ್ಚಿಗಳನ್ನು ಥಿಯೇಟರ್ ಮುಚ್ಚಿದ ನಂತರ ಸಾವಳಗಿಯವರು ಕುರ್ಚಿಗಳನ್ನು ಕೇವಲ ಎರಡು ರೂಪಾಯಿ ಒಂದರಂತೆ ಶಾಂತಪ್ಪನವರಿಗೆ ಕೊಟ್ಟಿದ್ದಾರೆ.
ಗಣೇಶ್ ಈಗಲೂ ಸಾವಳಗಿ ಮನೆತನದವರ ಔದಾರ್ಯವನ್ನು ಮನಸಾ ಸ್ಮರಿಸುತ್ತಾರೆ. -ಎಚ್.ಬಿ.ಮಂಜುನಾಥ,ಹಿರಿಯ ಪತ್ರಕರ್ತ-
B.Y.Vijayendra ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷರಾದ ಶ್ರೀ ಜೆ ಪಿ ನಡ್ಡಾ ಅವರ ಸೂಚನೆಯ ಮೇರೆಗೆ ರಾಜ್ಯಾಧ್ಯಕ್ಷರಾದ ಶ್ರೀ ವಿಜಯೇಂದ್ರ ಅವರು ವಿಧಾನಸಭೆ ಮತ್ತು ವಿಧಾನ ಪರಿಷತ್ತಿನ ವಿವಿಧ ಜವಾಬ್ದಾರಿಗಳಿಗೆ ನಾಯಕರನ್ನು ನೇಮಿಸಿ ಆದೇಶ ಹೊರಡಿಸಿದ್ದಾರೆ.
B.Y.Vijayendra ನೂತನವಾಗಿ ನೇಮಕಗೊಂಡ ಎಲ್ಲರಿಗೂ ಅಭಿನಂದನೆಗಳು. ನಿಮ್ಮ ನೇತೃತ್ವದಲ್ಲಿ ಪಕ್ಷವು ಶಾಸಕಾಂಗ ಜವಾಬ್ದಾರಿಯನ್ನು ಸಮರ್ಥವಾಗಿ ನಿಭಾಯಿಸಲಿದೆ. ರಾಜ್ಯ ಕಾಂಗ್ರೆಸ್ ಸರ್ಕಾರದ ದಮನಕಾರಿ ಜನವಿರೋಧಿ ಧೋರಣೆಗಳ ವಿರುದ್ಧ ಪ್ರಬಲ ಧ್ವನಿಯಾಗಲಿದೆ.
Karnataka Handball Association ಶಿವಮೊಗ್ಗದ ಬಾಪೂಜಿನಗರ ಪ್ರಥಮ ದರ್ಜೆ ಮತ್ತು ಕರ್ನಾಟಕ ಹ್ಯಾಂಡ್ ಬಾಲ್ ಸಂಸ್ಥೆ ಸಹಯೋಗದಲ್ಲಿ 46ನೇ ರಾಷ್ಟ್ರಮಟ್ಟದ ಜೂನಿಯರ್ ಪುರುಷರ ಹ್ಯಾಂಡ್ ಬಾಲ್ ಕೂಟಕ್ಕೆ ಕರ್ನಾಟಕ ರಾಜ್ಯ ತಂಡದ ಆಯ್ಕೆ ಮತ್ತು ತರಬೇತಿ ಶಿಬಿರವನ್ನು ಈಚೆಗೆ ಕಾಲೇಜಿನ ಆವರಣದಲ್ಲಿ ಸಂಘಟಿಸಲಾಗಿತ್ತು.
Karnataka Handball Association ವಾಣಿಜ್ಯಶಾಸ್ತ್ರ ಸಹಾಯಕ ಪ್ರಾಧ್ಯಾಪಕ ಡಾ.ಎಚ್.ಎಸ್ ಪ್ರಸನ್ನ ಉದ್ಘಾಟಿಸಿದರು. ಕರ್ನಾಟಕ ಹ್ಯಾಂಡ್ ಬಾಲ್ ಸಂಸ್ಥೆಯ ಅಧ್ಯಕ್ಷ ಡಾ.ಮನೋಜ್ ಸವಕಾರ್, ಕಾರ್ಯದರ್ಶಿ ಬಿ.ಎಲ್.ಲೋಕೇಶ್, ತರಬೇತುದಾರ ಯೋಗೇಶ್ ಹಾಗೂ ಕರ್ನಾಟಕ ಹ್ಯಾಂಡ್ ಬಾಲ್ನ ಎಲ್ಲಾ ಪದಾಧಿಕಾರಿಗಳು ಉಪಸ್ಥಿತರಿದ್ದರು.
ಕಾರ್ಯಕ್ರಮವನ್ನು ಕಾಲೇಜಿನ ದೈಹಿಕ ನಿರ್ದೇಶಕರಾದ ಜಯಕೀರ್ತಿ ಸಂಘಟಿಸಿದರು.
Visvesvaraya Jala Nigam ವಿಶ್ವೇಶ್ವರಯ್ಯ ಜಲ ನಿಗಮದ ಅಡಿಯಲ್ಲಿ ಬರುವ ಭದ್ರಾ ಮೇಲ್ದಂಡೆ ಯೋಜನೆಯ ಮುಖ್ಯ ಕಾಲುವೆಯು ಭದ್ರಾ ಜಲಾಶಯದಿಂದ ಪ್ರಾರಂಭವಾಗಿ ಚಿಕ್ಕಮಗಳೂರು ಜಿಲ್ಲೆಯ ತರೀಕೆರೆ ತಾಲೂಕಿನ ಲಕ್ಕವಳ್ಳಿ ಲಿಂಗದಹಳ್ಳಿ ತರೀಕೆರೆ ಕಸಬಾ ಅಮೃತಾಪುರ ಅಜ್ಜಂಪುರ ಗ್ರಾಮ ಪಂಚಾಯಿತಿಗಳ ವ್ಯಾಪ್ತಿಯಲ್ಲಿ ಹಾದು ಹೋಗಿದ್ದು ಸರ್ಕಾರದ ನಿರ್ದೇಶನದಂತೆ ಡಿ. 29 ರಂದು ಶಾಂತಿಪುರ ಪಂಪ್ಹೌಸ್-1, ಜಂಭದಹಳ್ಳ ಅಕ್ಬೆಡಕ್ಸ್ ತರೀಕೆರೆ ರೈಲು ಸೇತುವೆ ಬೆಟ್ಟತಾವರೆಕೆರೆ ಪಂಪ್ಹೌಸ್-2 ಅಜ್ಜಂಪುರ ಸುರಂಗದ ಮೂಲಕ ಹೆಬ್ಬೂರು ಗ್ರಾಮದ ಹತ್ತಿರದ ವೈ-ಜಂಕ್ಷನ್ ಮುಖಾಂತರ ನೀರನ್ನು ಹರಿಸಲಾಗುವುದು.
ಈ ವ್ಯಾಪ್ತಿಯಲ್ಲಿ ಬರುವ ಸಾರ್ವಜನಿಕರು ಕಾಲುವೆ ಹಾಗೂ ಹಳ್ಳದ ಪಾತ್ರಗಳಲ್ಲಿ ತಿರುಗಾಡುವುದು ಜನ ಜಾನುವಾರುಗಳನ್ನು ಕಾಲುವೆ ಒಳಗಡೆ ಬಿಡುವುದು ಹಾಗೂ ಇತರೆ ಚಟುವಟಿಕೆಗಳನ್ನು ಮಾಡುವುದನ್ನು ನಿಷೇಧಿಸಲಾಗಿದೆ.
Visvesvaraya Jala Nigam ಈ ಸೂಚನೆಗಳನ್ನು ಉಲ್ಲಂಘಿಸುವುದು ನಿಗಮದ ಆಸ್ತಿಯಾದ ನೀರಾವರಿ ಕಾಲುವೆ ಕಟ್ಟಡಗಳನ್ನು ಜಖಂಗೊಳಿಸುವುದು, ಅನಧಿಕೃತವಾಗಿ ಪಂಪ್ಸೆಟ್ಗಳನ್ನು ಅಳವಡಿಸಿ ನೀರನ್ನು ಎತ್ತುವುದು ನೀರಾವರಿ ಕಾಯ್ದೆಯ ವಿವಿಧ ನಿಯಮಗಳ ಪ್ರಕಾರ ಕಾನೂರು ಬಾಹಿರವಾಗಿದ್ದು, ಇದನ್ನು ಉಲ್ಲಂಘಿಸುವವರನ್ನು ಕಾನೂನು ರೀತ್ಯಾ ಕ್ರಮ ಜರುಗಿಸಲಾಗುವುದು ಎಂದು ವಿಜನಿನಿಯ ಸೂಪರಿಂಟೆಂಡಿಂಗ್ ಇಂಜಿನಿಯರ್ ತಿಳಿಸಿದ್ದಾರೆ.
B.Y.Raghavendra ಶಿವಮೊಗ್ಗದಲ್ಲಿ ಸಂಸದ ಬಿ.ವೈ. ರಾಘವೇಂದ್ರ ಸುದ್ದಿಗಾರರೊಂದಿಗೆ ಮಾತನಾಡಿ ಶಿವಮೊಗ್ಗ ಜಿಲ್ಲೆಯಲ್ಲಿ ಇತ್ತೀಚೆಗೆ ತುಂಗಾಭದ್ರಾ ಸಕ್ಕರೆ ಕಾರ್ಖಾನೆ ವಿವಾದ ಎದ್ದಿದೆ.ಸಕ್ಕರೆ ಕಾರ್ಖಾನೆ ಜಾಗದಲ್ಲಿ ರೈತರು ಉಳುಮೆ ಮಾಡುತ್ತಿದ್ದು ಇದೀಗ ಆತಂಕದಲ್ಲಿದ್ದಾರೆ ಎಂದರು.
ರೈತರನ್ನು ಅಲ್ಲಿಂದ ಎತ್ತಂಗಡಿ ಮಾಡಿಸುವ ಹುನ್ನಾರ ನಡೆಯುತ್ತಿದೆ.ರೈತರ ಪರವಾಗಿ ನಿಲ್ಲುವುದು ಬಿಜೆಪಿ ಪಕ್ಷದ ನಿಲುವಾಗಿದೆ.ಈ ಕಾರ್ಖಾನೆ ಮದ್ರಾಸ್ ನ ದೇವಿ ಶುಗರ್ಸ್ ನವರು ಖರೀದಿ ಮಾಡಿದ ಬಳಿಕ ಈ ವಿವಾದ ನ್ಯಾಯಾಲಯದಲ್ಲಿದೆ ಎಂದು ಮಾಹಿತಿ ನೀಡಿದರು.
ಅನೇಕ ವರ್ಷಗಳಿಂದ ಈ ವಿವಾದ ನಡೆಯುತ್ತಿದೆ.ಕಂದಾಯ ಬಾಕಿ ಉಳಿಸಿಕೊಂಡು ಕಾರ್ಖಾನೆ ನಷ್ಟದ ಹಾದಿಯಲ್ಲಿದ್ದು ಲಾಕ್ ಔಟ್ ಆಗಿದೆ.1700 ಎಕರೆ ಇರುವ ಯರಗನಾಳ್ ಗ್ರಾಮದ ಜಾಗದಲ್ಲಿ ಸುಮಾರು 25 ವರ್ಷಗಳಿಂದ ರೈತರು ಸಾಗುವಳಿ ಮಾಡಿಕೊಂಡು ಬರುತ್ತಿದ್ದಾರೆ.ಹರಿಗೆ ಬಳಿ 123 ಎಕರೆ ಪ್ರದೇಶದಲ್ಲಿ 398 ವಾಸದ ಮನೆಗಳಿವೆ ಎಂದು ತಿಳಿಸಿದರು.
B.Y.Raghavendra ಮಲವಗೊಪ್ಪ ಗ್ರಾಮದಲ್ಲಿ 23 ಎಕರೆ ಜಾಗದಲ್ಲಿ ಮನೆಗಳಿವೆ. ಕಾರ್ಖಾನೆ ಜಾಗವಾದ 35 ಎಕರೆ ಜಾಗದಲ್ಲಿ ಮನೆಗಳಿವೆ.25 ವರ್ಷಗಳಿಂದ ಸಾಗುವಳಿ ಮಾಡುತ್ತಿರುವ ಹಾಗೂ ವಾಸವಿರುವರನ್ನು ಅಲ್ಲಿಂದ ಎತ್ತಂಗಡಿ ಮಾಡುವ ಹುನ್ನಾರ ನಡೆದಿದೆ ಎಂದು ಹೇಳಿದರು.
ಸಕ್ಕರೆ ಕಾರ್ಖಾನೆಯ 35 ಎಕರೆ ಜಾಗದ 19 ಎಕರೆ ಜಾಗದಲ್ಲಿ ಲೇ ಔಟ್ ಆಗುತ್ತಿದೆ.ಸರ್ಕಾರದ ಕೆಟ್ಟ ಕಣ್ಣು ಈ ಜಾಗದ ಮೇಲೆ ಬಿದ್ದಿದೆ.ರಾಜ್ಯ ಸರ್ಕಾರ ಆತಂಕಗೊಂಡಿರುವ ರೈತರ ಹಿತ ಕಾಪಾಡಬೇಕು.ಇಲ್ಲಿ ವಾಸಿಸುವ ಹಾಗೂ ಸಾಗುವಳಿ ಮಾಡಿಕೊಂಡು ಬರುತ್ತಿರುವ ರೈತರಿಗೆ ಅವರ ಜಾಗಕ್ಕೆ ಹಕ್ಕುಪತ್ರ ನೀಡಬೇಕು.ರಾಜ್ಯ ಸರ್ಕಾರಕ್ಕೆ ರೈತರ ಪರವಾಗಿ ಮನವಿ ಮಾಡುತ್ತೇನೆ ಎಂದರು.
National Human Rights Commission ಮಾನವ ಹಕ್ಕುಗಳ ಬಗ್ಗೆ ಪ್ರತಿಯೊಬ್ಬರು ತಿಳಿದುಕೊಳ್ಳುವುದು ಅವಶ್ಯ. ಇಲ್ಲದಿದ್ದರೆ ಸಮಾಜದಲ್ಲಿ ಮೋಸ ಹೋಗುವ ಸಂಭವ ಇರುವುದರಿಂದ ಹಕ್ಕುಗಳ ಬಗ್ಗೆ ಹೆಚ್ಚು ಗಮನ ಹರಿ ಸುವುದು ಒಳಿತು ಎಂದು ರಾಷ್ಟ್ರಿಯ ಮಾನವ ಹಕ್ಕುಗಳ ಸಮಿತಿಯ ರಾಜ್ಯ ಉಸ್ತುವಾರಿ ನಿಂಗರಾಜು ಹೇಳಿದರು.
ಚಿಕ್ಕಮಗಳೂರು ನಗರದ ಮಲ್ಲಂದೂರು ರಸ್ತೆಯಲ್ಲಿ ಜಿಲ್ಲಾ ಮಾನವ ಹಕ್ಕುಗಳ ಮಾಹಿತಿ ಸಮಿತಿ ವತಿಯಿಂದ ಏರ್ಪಡಿಸಿದ್ದ ವಿಶ್ವ ಮಾನವ ಹಕ್ಕುಗಳ ದಿನಾಚರಣೆ ಹಾಗೂ ಜಿಲ್ಲಾ ಘಟಕದ ಮೂರನೇ ವರ್ಷದ ಸಂಭ್ರಮದ ಕಾರ್ಯಕ್ರಮವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.
ಮಾನವ ಹಕ್ಕುಗಳೆಲ್ಲವೂ ನಮ್ಮ ಸಂವಿಧಾನದಲ್ಲಿ ಅಡಕವಾಗಿವೆ. ಹಾಗಾಗಿ ಈ ಹಕ್ಕುಗಳ ಬಗ್ಗೆ ಸಮರ್ಪ ಕವಾಗಿ ತಿಳಿದುಕೊಳ್ಳುವುದು ಎಲ್ಲರ ಕರ್ತವ್ಯ. ಮೂಲಭೂತ ಹಕ್ಕುಗಳಿಗೆ ವಿರುದ್ಧವಾಗಿ ಸರಕಾರಗಳು ಶಾಸನ ರಚಿಸುವಂತಿಲ್ಲ, ರಚಿಸಿದರೇ ಅದು ಶೂನ್ಯವಾಗುತ್ತದೆ ಎಂದು ಸಂವಿಧಾನದಲ್ಲಿಯೇ ಸ್ಪಷ್ಟಪಡಿಸಲಾಗಿದೆ ಎಂದರು.
National Human Rights Commission ಸಮಿತಿಯ ಜಿಲ್ಲಾಧ್ಯಕ್ಷ ಎಂ.ರಾಜೇಶ್ ಮಾತನಾಡಿ ವ್ಯಕ್ತಿಯ ಸ್ವತಂತ್ರ್ಯವನ್ನು ಗೌರವಿಸಿ ಬದುಕುವುದೇ ಮಾನವ ಹಕ್ಕುಗಳನ್ನು ಪಾಲನೆ ಮಾಡಿದಂತೆ ಆ ನಿಟ್ಟಿನಲ್ಲಿ ಪ್ರತಿಯೊಬ್ಬ ಪ್ರಜೆಯೂ ಸ್ವತಂತ್ರ್ಯವಾಗಿ ಜೀವಿಸುವ ಹಕ್ಕ ನ್ನು ಪಡೆದಿದ್ದು ಅವುಗಳ ರಕ್ಷಣೆ ಮಾಡುವ ಕಾರಣಕ್ಕಾಗಿ ವಿಶ್ವ ಮಾನವ ಹಕ್ಕುಗಳ ದಿನಾಚರಣೆ ಮಾಡಲಾಗುವುದು ಎಂದು ತಿಳಿಸಿದರು.
ಮಾನವ ಮೊದಲು ಗುಣವಂತನಾಗುವ ಮುನ್ನ ಮಾನವ ಹಕ್ಕುಗಳ ಅರಿವು ಹೊಂದಿರಬೇಕು. ಆಗ ಮಾತ್ರ ಸಮಾಜದಲ್ಲಿ ನಡೆಯುವ ಅನ್ಯಾಯದ ವಿರುದ್ಧ ಹೋರಾಡಲು ಶಕ್ತನಾಗುತ್ತೇನೆ ಎಂದರು.
ಇದೇ ವೇಳೆ ರಾಷ್ಟ್ರೀಯ ಮಾನವ ಹಕ್ಕುಗಳ ಮಾಹಿತಿ ಸಮಿತಿಯ ಜಿಲ್ಲಾ ಘಟಕವು ಜಿಲ್ಲೆಯಲ್ಲಿ ಉತ್ತಮ ಸೇವೆ ಸಲ್ಲಿಸಿರುವ ಹಿನ್ನೆಲೆಯಲ್ಲಿ ರಾಷ್ಟçಮಟ್ಟದಲ್ಲಿ ಪ್ರಶಸ್ತಿ ಬಂದ ಹಿನ್ನೆಲೆಯಲ್ಲಿ ಇಂದು ರಾಜ್ಯ ಸಮಿತಿಯವರು ಪದಾಧಿಕಾರಿಗಳನ್ನು ಗೌರವಿಸಿದರು.
ಈ ಸಂದರ್ಭದಲ್ಲಿ ಸಿವಿಲ್ ಕಂಟ್ರಾಕ್ಟರ್ ಮಣಿವೇಲು, ಕರವೇ ಉಪಾಧ್ಯಕ್ಷ ದಶರಥರಾಜ್ಅರಸ್, ಯುವ ಘಟಕದ ಅಧ್ಯಕ್ಷ ಕುಮಾರ್, ನಗರಸಭಾ ಮಾಜಿ ಸದಸ್ಯೆ ಸುರೇಖಾ, ಸಮಿತಿ ರಾಜ್ಯ ಮಹಿಳಾ ಘಟಕದ ಅಧ್ಯಕ್ಷೆ ವಿನುತಾ, ತಾಲ್ಲೂಕು ಅಧ್ಯಕ್ಷರಾದ ಬಿ.ಎಂ.ರಾಜೇಶ್, ಪೂರ್ಣಿಮಾ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಶಾಂತಿ, ಸಂಘ ಟನಾ ಕಾರ್ಯದರ್ಶಿಗಳಾದ ಡೀವನ್ ಲೋಬೋ, ಚೈತ್ರ ಮತ್ತಿತರರು ಹಾಜರಿದ್ದರು.
Atal Bihari Vajpayee ಇಂದು ಭಾರತ ರತ್ನ ಅಟಲ್ ಬಿಹಾರಿ ವಾಜಪೇಯಿ ಅವರ ಜನ್ಮದಿನ .ಈ ದಿನವನ್ನು ಸುಶಾಸನ ದಿನವನ್ನಾಗಿ ಆಚರಿಸಲಾಗುತ್ತದೆ . ವಾಜಪೇಯಿ ಅವರ ಜನ್ಮದಿನದ ಹಿನ್ನೆಲೆ ರಾಷ್ಟ್ರಪತಿಗಳು, ಉಪ ರಾಷ್ಟ್ರಪತಿ, ಪ್ರಧಾನಿ ಮ ಹಾಗೂ ಗಣ್ಯರು ಅವರಿಗೆ ಸಮಾಧಿಯ ಬಳಿ ತೆರಳಿ ಪುಷ್ಪ ನಮನ ಸಲ್ಲಿಸಿದರು.
ಕೋಟಿ ಕೋಟಿ ಕಾರ್ಯಕರ್ತರ ಮಾರ್ಗದರ್ಶಕರು, ಅಜಾತ ಶತ್ರು, ಭಾರತ ರತ್ನ ಶ್ರದ್ಧೇಯ ಅಟಲ್ ಬಿಹಾರಿ ವಾಜಪೇಯಿ ಅವರ ಜನ್ಮದಿನದಂದು ಶತ ಶತ ನಮನಗಳು ಎಂದರು.
Atal Bihari Vajpayee ಅವರ ಜನ್ಮದಿನವಾದ ಡಿಸೆಂಬರ್ 25 ನ್ನು 2014 ರಿಂದ ‘ಸುಶಾಸನ ದಿನ’ (ಉತ್ತಮ ಆಡಳಿತ ದಿನ)ವನ್ನಾಗಿ ಆಚರಣೆ ಮಾಡಲಾಗುತ್ತಿದೆ. ಆಡಳಿತವನ್ನು ಪಾರದರ್ಶಕವಾಗಿಸುವುದು ಹಾಗೂ ಪರಿಣಾಮಕಾರಿಯಾಗಿಸುವುದು ಇದರ ಉದ್ದೇಶವಾಗಿದೆ