Rotary Club of Shivamogga ವೈದ್ಯರು ಉಚಿತವಾಗಿ ನೀಡುತ್ತಿರುವ ಸಲಹೆಗಳನ್ನು ಬಳಸಿಕೊಳ್ಳಿ ಎಂದು ರೋಟರಿ ಕ್ಲಬ್ ಶಿವಮೊಗ್ಗದ ಅಧ್ಯಕ್ಷರಾದ ಎನ್. ಗೋಪಿನಾಥ್ ನುಡಿದರು. ಅವರು ರೋಟರಿ ಕ್ಲಬ್ ಶಿವಮೊಗ್ಗ ನಿಸರ್ಗ ಮನೆ ಶಿರಸಿಯ ಸಹಯೋಗದಲ್ಲಿ ದಿನಾಂಕ 26.7.26 ರಂದು ನಗರದ ಮಥುರಾ ಪ್ಯಾರಡೈಸ್ ನಲ್ಲಿ ಹಮ್ಮಿಕೊಂಡಿದ್ದ ಉಜಿತ ಆರೋಗ್ಯ ತಪಾಸಣಾ ಶಿಬಿರವನ್ನು ಉದ್ಘಾಟಿಸಿ ಮಾತನಾಡಿದರು. ಮತ್ತೋರ್ವ ಉದ್ಘಾಟಕರಾದ ನಿಸರ್ಗ ಮನೆ ಶಿರಸಿಯ ವೈದ್ಯರಾದ ಡಾ. ವೆಂಕಟರಮಣ ಹೆಗ್ಡೆ ಮಾತನಾಡಿ ಆರೋಗ್ಯಕ್ಕೆ ಪೂರಕವಾದ ಸರಳ ಸೂತ್ರಗಳನ್ನು ತಿಳಿಸಿದರು. 150 ಮಂದಿ ಫಲಾನುಭವಿಗಳು ಉಚಿತ ಚಿಕಿತ್ಸೆ ಪಡೆದರು. ರೋಟರಿ ಕ್ಲಬ್ ಶಿವಮೊಗ್ಗದ ಕಾರ್ಯದರ್ಶಿ ಶ್ರೀ ಶೈಲಿನ್ ಬಾಬು, ಸಹಕಾರ್ಯದರ್ಶಿ ಶ್ರೀ ವಿಜಯಕುಮಾರ್, ಮಾಜಿ ಅಧ್ಯಕ್ಷರುಗಳಾದ ಡಾ. ಬಿ. ವಿ. ಲಕ್ಷ್ಮೀದೇವಿ ಗೋಪಿನಾಥ್ ಹಾಗೂ ಶ್ರೀ ವೀರಣ್ಣ ಹುಗ್ಗಿ ಮತ್ತು ನಿರ್ದೇಶಕರಾದ ಶ್ರೀ ಶ್ರೀನಿವಾಸ್ , ಶ್ರೀ ವಿ. ಜಿ. ಹೆಗ್ಡೆ ಮತ್ತು ನಿಸರ್ಗ ಮನೆ ಶಿರಸಿಯ ವೈದ್ಯರ ತಂಡ ಉಪಸ್ಥಿತರಿದ್ದರು.
ಇಂದಿನ ಮಕ್ಕಳಲ್ಲಿ ಭವಿಷ್ಯದ ಸವಾಲು ಸ್ವೀಕರಿಸಿ ಮುನ್ನುಗ್ಗುವ ಮನೋಭಾವ ಬೆಳೆಸುವ ನೈತಿಕ ಧೈರ್ಯ ತುಂಬ ಬೇಕಿದೆ- ಡಾ.ಅಶೋಕ ಕಾಮತ್
ಇಂದಿನ ಮಕ್ಕಳಲ್ಲಿ ಜೀವನ ಎದುರಿಸುವ, ಸವಾಲುಗಳನ್ನ ಸ್ವೀಕರಿಸಿ ಮುನ್ನುಗ್ಗುವ ಮನೋಭಾವ ಬೆಳಸಬೇಕಿದೆ. ಕೇವಲ ಮಕ್ಕಿಕಾಮಕ್ಕಿ ಬೋಧನೆಯೂ ಕೂಡ ಮಕ್ಕಳ ಸರ್ವತೋಮುಖ ಬೆಳವಣಿಗೆ ಮಾಡಲು ಸಾಧ್ಯವಿಲ್ಲ. ಮಾರ್ಕ್ಸುಗಳಿಂದ, ಶ್ರೇಣಿಗಳಿಂದ ಮಕ್ಕಳ ಬೌದ್ಧಿಕಮಟ್ಟ ಅಳೆಯುವ ಉಪಕ್ರಮ ಯಾವತ್ತಿಗೂ ನಮಗೆ ಒಳ್ಳೆಯ ಫಲ ನೀಡದು ಎಂದು ಉಡುಪಿ ಜಿಲ್ಲಾ ತರಬೇತಿ ಮತ್ತು ಶಿಕ್ಷಣ ಸಂಸ್ಥೆಯ ಪ್ರಾಂಶುಪಾಲ ಡಾ.ಅಶೋಕ ಕಾಮತ್ ಹೇಳಿದರು.
ಶಿವಮೊಗ್ಗದ ಸನ್ ಹಾಸ್ಪಿಟಲ್ ನ ಧನ್ವಂತರಿ ಸಭಾಂಗಣದಲ್ಲಿ “ಕಿಶೋರ ದೀಪಿಕಾ” ಪುಸ್ತಕ ಲೋಕಾರ್ಪಣೆಗೊಳಿಸಿ ಮಾತನಾಡುತ್ತಿದ್ದರು.
ಸಂಸ್ಕಾರ ಭಾರತಿ,ಮಂಥನ ಮತ್ತು ಅಖಿಲ ಭಾರತೀಯ ಸಾಹಿತ್ಯ ಪರಿಷತ್ತಿನ ಶಿವಮೊಗ್ಗ ಶಾಖೆಯ ಸಹಯೋಗದಲ್ಲಿ ಈ ಕಾರ್ಯಕ್ರಮವಮ್ನ ಏರ್ಪಡಿಸಲಾಗಿತ್ತು. ಜೀವನದಲ್ಲಿ ಒಳ್ಳೆಯದು ಮತ್ತು ಒಳ್ಳೆಯದಲ್ಲದ್ದನ್ನ
ಚಿಂತಿಸಿ ನಿರ್ಧರಿಸುವ ವಿವೇಚನೆಯನ್ನ ಮಕ್ಕಳಲ್ಲಿ ಬೆಳೆಸಬೇಕಿದೆ. ಹದಿಹರೆಯದ ಹಂತದಲ್ಲಿನ ಮಕ್ಕಳಿಗೆ ಪ್ರಸ್ತುತ ” ಕಿಶೋರ ದೀಪಿಕಾ” ಒಂದು ತೋರುದೀಪ ಆಗಲಿದೆ ಎಂಬ ವಿಶ್ವಾಸ ನನ್ನದು. ನೈತಿಕವಾಗಿ ಆಲೋಚಿಸಲು ನೆರವಾಗುವಂತೆ ವಿವೇಚನೆಯ ಬೀಜ ಬಿತ್ತಲು ನೈತಿಕ ಶಿಕ್ಷಣವೇ ಪರಿಹಾರ ಸೂತ್ರ. ಆದರೆ ನಮ್ಮ ಸಮಾಜ ಇದನ್ನ ಸ್ವಲ್ಪ ಅವಧಿ ಅನುಸರಿಸಿತ್ತು. ಆದರೆ ಮುಂದುವರೆಯಲಿಲ್ಲ. ಈಗ ಗಂಭೀರವಾಗಿ ಈ ಬಗ್ಗೆ ಎಲ್ಲರೂ ಆಲೋಚಿಸುವ ಸನ್ನಿವೇಶ ಅನಿವಾರ್ಯ ನಿರ್ಮಾಣವಾಗಿದೆ. “ಕಿಶೋರ ದೀಪಿಕಾ”
ಸದ್ಯ ಕಿಶೋರ ಪೀಳಿಗೆಗೆ ಕಿವಿಮಾತು ಹೇಳಲು ಸಾಕಷ್ಟು ಪೂರಕ ವಿಚಾರಗಳನ್ನ ತುಂಬಿಕೊಂಡಿದೆ ಎಂದು ಡಾ.ಅಶೋಕ್ ಕಾಮತ್ ನುಡಿದರು.
ನಿವೃತ್ತ ಅಧ್ಯಾಪಕಿ ಮತ್ತು ಬಾಲಗೋಕುಲ ನಿರ್ವಹಿಸಿದ ಹಿರಿಯ ಲೇಖಕಿ ಹಾಗೂ “ಕಿಶೋರ ದೀಪಿಕಾ” ಗ್ರಂಥದ ಸಂಪಾದಕಿ ರುಕ್ಮಿಣಿ ನಾಯಕ್ ಅವರು ” ಪ್ರಸ್ತುತ ನಮ್ಮ ಮಕ್ಕಳಿಗೆ ಬಾಲ್ಯದಲ್ಲಿ ಬೆಳೆಸಬೇಕಾದ ಗುಣ ನಡತೆಗಳ ಬೋಧನೆ ಬಗ್ಗೆ ಸಾಕಷ್ಟು ಮಾರ್ಗದರ್ಶಿ ಸಾಹಿತ್ಯ ರಚನೆಯಾಗುತ್ತಿದೆ. ಹದಿಹರೆಯದ ಹಂತದಲ್ಲಿ ಮಕ್ಕಳ ಮನೋಭೂಮಿಕೆಯನ್ನ ಧನಾತ್ಮಕ ರೂಪಿಸಲು ಎಷ್ಟೇ ಸಾಹಿತ್ಯ ಈಗ ಬಂದಿದ್ದರೂ ಬದಲಾಗುತ್ತಿರುವ ಸಾಮಾಜಿಕ ಪರಿಸರದಲ್ಲಿ ಸಾಲದಾಗಿದೆ. ಇಂತಹ ಸಂದರ್ಭದಲ್ಲಿ ಹಿರಿಯರ, ಮಾದರಿ ವ್ಯಕ್ತಿಗಳ ಜೀವನಾದರ್ಶಗಳು ಹಾಗೂ ವರ್ತಮಾನದ ಎಚ್ಚರದೊಂದಿಗೆ ಬರೆದ ಲೇಖನಗಳು ಇಲ್ಲಿವೆ. ವಿವಿಧ ಲೇಖಕರೊಂದಿಗೆ ಸಮಗ್ರವಾಗಿ ದೀರ್ಘಕಾಲ ಸಮಾಲೋಚಿಸಿ “ಕಿಶೋರ ದೀಪಿಕಾ” ಓದುಗರ ಕೈಸೇರಿದೆ.
ಎಂದು ಪುಸ್ತಕದ ಹಿನ್ನೆಲೆ ಬಗ್ಗೆ ಮಾತನಾಡಿದರು.
ಸಮಾರಂಭದ ಅಧ್ಯಕ್ಷತೆ ವಹಿಸಿದ್ದ ಡಾ.ಆಕಾಶ್ ಹೊಸತೋಟ ಅವರು” ಈಗ ಸಂದರ್ಭಕ್ಕೆ ಸರಿಯಾಗಿ ಸ್ಪಂದಿಸುವ ಸಾಮರ್ಥ್ಯವನ್ನ ನಮ್ಮ ಮಕ್ಕಳಲ್ಲಿ ಬೆಳೆಸುವ ಸಮಯ ಬಂದಿದೆ. “ಕಿಶೋರ ದೀಪಿಕಾ” ಈ ದಿಸೆಯಲ್ಲಿ ಒಂದು ಸೂಕ್ತ ದಿಕ್ಸೂಚಿಯಾಗಲಿದೆ ಎಂದು ಹೇಳಿದರು.
ಈ ಸಂದರ್ಭದಲ್ಲಿ ಶಿವಮೊಗ್ಗದ “ಬಾಲಗೋಕುಲ” ನಿರ್ಮಾತೃವಾಗಿ ಗಮನಾರ್ಹ ಸೇವೆ ಸಲ್ಲಿಸಿದ , ಸದ್ಯ ಬ್ರಹ್ಮಾವರದಲ್ಲಿರುವ ಹಿರಿಯ ವಕೀಲ ಕಾ.ಗು.ಶ್ರೀಪಾದರಾವ್ ಅವರನ್ನ ಆತ್ಮೀಯವಾಗಿ ಸನ್ಮಾನಿಸಲಾಯಿತು.
ಟಿ.ಜೆ .ನಾಗರತ್ನ ಪ್ರಾರ್ಥಿಸಿದರು. ಉಷಾ ನಟೇಶ್ ಕಾಸರವಳ್ಳಿ ಅವರು ಎಲ್ಲರಿಗೂ ಸ್ವಾಗತ ಕೋರಿದರು. ಡಾ.ರಂಜಿನಿ ಬಿದರಳ್ಳಿ ಅವರು ಆಕರ್ಷಕವಾಗಿ ಕಾರ್ಯಕ್ರಮ ನಿರೂಪಿಸಿದರು.
‘ಮಂಥನ’ ಕಾರ್ಯಕರ್ತ ನಿತಿನ್ ಅವರ ವಂದನಾರ್ಪಣೆಯೊಂದಿಗೆ ಕಾರ್ಯಕ್ರಮ ಮುಕ್ತಾಯವಾಯಿತು.
ವಿದ್ಯಾರ್ಥಿಗಳು ಮೊಬೈಲ್ ಪಕ್ಕಕ್ಕಿಟ್ಟು ವಾಸ್ತವಗಳನ್ನ ಅರ್ಥಮಾಡಿಕೊಂಡು ನಿಮ್ಮ ಸಾಧನೆಗೆ ಹೊಸ ವೇದಿಕೆ ಸೃಷ್ಟಿಸಿಕೊಳ್ಳಿ- ಮಾಜಿ ಸಚಿವ ಬಿ.ಸಿ.ಪಾಟೀಲ್
ಜೀವನದಲ್ಲಿ ಎದುರಾಗುವ ಕಷ್ಟದ ಪರಿಸ್ಥಿತಿಗಳನ್ನು ಸವಾಲಾಗಿ ಸ್ವೀಕರಿಸಿ ಎದುರಿಸಬೇಕು. ನಿರಂತರ ಪರಿಶ್ರಮ ವಹಿಸಿ ಮುನ್ನಡೆದಾಗ ಸಾಧನೆ ಸಾಧ್ಯ ಎಂದು ಮಾಜಿ ಸಚಿವ ಬಿ.ಸಿ.ಪಾಟೀಲ್ ಹೇಳಿದರು.
ಕುವೆಂಪು ರಂಗಮಂದಿರದಲ್ಲಿ ಆಯೋಜಿಸಿದ್ದ ದೇಶೀಯ ವಿದ್ಯಾಶಾಲಾ ಸಮಿತಿಯ ಡಿವಿಎಸ್ ಕಲಾ, ವಿಜ್ಞಾನ ಮತ್ತು ವಾಣಿಜ್ಯ ಕಾಲೇಜಿನ ಪ್ರತಿಭಾ ಪುರಸ್ಕಾರ ಮತ್ತು ಅಭಿವಿನ್ಯಾಸ ಕಾರ್ಯಕ್ರಮದಲ್ಲಿ ಮಾತನಾಡಿ, ನಾನು ಡಿವಿಎಸ್ ಕಾಲೇಜಿನ ವಿದ್ಯಾರ್ಥಿಯಾಗಿದ್ದು, ಮುಖ್ಯ ಅತಿಥಿಯಾಗಿ ಭಾಗವಹಿಸಿರುವುದು ಸಂತಸ ತಂದಿದೆ. ವಿದ್ಯಾರ್ಥಿಗಳು ಮೊಬೈಲ್‌ಗಳನ್ನು ಪಕ್ಕಕ್ಕಿಟ್ಟು ವಾಸ್ತವಗಳನ್ನು ಅರ್ಥ ಮಾಡಿಕೊಂಡು ನಿಮ್ಮ ಸಾಧನೆಗೆ ಹೊಸ ವೇದಿಕೆಗಳನ್ನು ಸೃಷ್ಟಿಸಿಕೊಳ್ಳಬೇಕು ಎಂದು ಅಭಿಪ್ರಾಯಪಟ್ಟರು.
ಬಹಳ ಮುಖ್ಯವಾಗಿ ಇಂದಿನ ವೇಗದ ಜಾಗತಿಕ ಸನ್ನಿವೇಶದಲ್ಲಿ ವಿದ್ಯಾರ್ಥಿಗಳು ಒಳ್ಳೆಯದು ಯಾವುದು ಮತ್ತು ಕೆಟ್ಟದ್ದು ಯಾವುದು ಎಂಬುದನ್ನು ತಿಳಿದುಕೊಳ್ಳುವುದು ಅಷ್ಟು ಸುಲಭದ ಮಾತಲ್ಲ. ಆದ್ದರಿಂದ ಅಂತರ್ಜಾಲ ಮತ್ತು ಸಾಮಾಜಿಕ ಮಾಧ್ಯಮಗಳ ಗೀಳಿಗೆ ಒಳಗಾಗದೆ ಎಲ್ಲರೂ ವಾಸ್ತವ ಜಗತ್ತನ್ನು ಅರಿತುಕೊಳ್ಳಬೇಕು ಎಂದರು.
ಪ್ರಥಮ ಪದವಿ ವಿದ್ಯಾರ್ಥಿಗಳಿಗೆ ವಿಶೇಷ ಉಪನ್ಯಾಸ ನೀಡಿದ ಕಾಲೇಜಿನ ಹಿರಿಯ ವಿದ್ಯಾರ್ಥಿ ರಾಜೇಂದ್ರ, ವಿದ್ಯಾರ್ಥಿಗಳಿಗೆ ಇಂದಿನ ಪರಿಸ್ಥಿತಿಯಲ್ಲಿ ಹೇಗೆ ತಮ್ಮ ವರ್ತನೆಗಳನ್ನು ನಿಯಂತ್ರಣದಲ್ಲಿ ಇಟ್ಟುಕೊಳ್ಳಬೇಕು ಮತ್ತು ಮಾದಕ ವಸ್ತುಗಳಿಗೆ ಬಲಿಯಾಗದೆ ತಮ್ಮ ಸಾಧ£ ಮಾಡಬೇಕು ಎಂಬುದರ ಬಗ್ಗೆ ವಿವರಿಸಿದರು.
ಚಾಂದಿನಿ ಅವರು ವಿದ್ಯಾರ್ಥಿಗಳಿಗೆ ತೃತೀಯ ಲಿಂಗಿಗಳ ಬಗ್ಗೆ ಇರುವ ಅನುಮಾನ ಮತ್ತು ಗೊಂದಲಗಳನ್ನು ಪರಿಹರಿಸಿದರು. ತೃತೀಯ ಲಿಂಗಿಗಳ ಸಮಸ್ಯೆಗಳು ಪರಿಹಾರ ಕಾಣುತ್ತಿವೆ. ಸರ್ಕಾರ ಅವರಿಗೂ ಸಹ ಉದ್ಯೋಗದಲ್ಲಿ ಮೀಸಲಾತಿ ಕಲ್ಪಿಸಿದೆ. ಆದರೆ ಅವರ ಬಗ್ಗೆ ಅನೇಕ ರೀತಿಯ ಅಪಪ್ರಚಾರಗಳು ನಡೆಯುತ್ತಿವೆ ಎಂದು ಅಭಿಪ್ರಾಯಪಟ್ಟರು.
ದೇಶೀಯ ವಿದ್ಯಾಶಾಲಾ ಸಮಿತಿ ಅಧ್ಯಕ್ಷ ಕೆ.ಬಸಪ್ಪ ಗೌಡ ಮಾತನಾಡಿ, ವಿದ್ಯಾರ್ಥಿಗಳು ಕಾಲೇಜಿನಲ್ಲಿ ಉತ್ತಮ ಅಧ್ಯಯನ ನಡೆಸಿ ಉನ್ನತ ಸಾಧನೆ ಮಾಡಬೇಕು. ಉನ್ನತ ಸ್ಥಾನ ಅಲಂಕರಿಸಿ ಸಮಾಜಮುಖಿ ಮನೋಭಾವದಿಂದ ಕೆಲಸ ಮಾಡಬೇಕು ಎಂದು ತಿಳಿಸಿದರು.
ದೇಶೀಯ ವಿದ್ಯಾಶಾಲಾ ಸಮಿತಿ ಕಾರ್ಯದರ್ಶಿ ಎಸ್.ಪಿ.ದಿನೇಶ್ ಮಾತನಾಡಿ, ತಂತ್ರಜ್ಞಾನ ಯುಗದಲ್ಲಿ ಅವಶ್ಯವಿರುವ ಕೌಶಲ್ಯಗಳನ್ನು ವಿದ್ಯಾರ್ಥಿಗಳು ರೂಢಿಸಿಕೊಳ್ಳಬೇಕು. ನಿರಂತರ ಪರಿಶ್ರಮ ವಹಿಸಿದರೆ ಯಶಸ್ಸು ಗಳಿಸಲು ಸಾಧ್ಯ ಎಂದು ಹೇಳಿದರು.
ಅಶೋಕ್ ಪಾಟೀಲ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ರಾಜೇಂದ್ರ, ದೇಶೀಯ ವಿದ್ಯಾಶಾಲಾ ಸಮಿತಿ ಉಪಾಧ್ಯಕ್ಷ ಜಿ.ಮಧುಸೂದನ್, ಸಹ ಕಾರ್ಯದರ್ಶಿ ಡಾ. ಎ.ಸತೀಶ್‌ಕುಮಾರ್ ಶೆಟ್ಟಿ, ನಿರ್ದೇಶಕ ಕೆ.ಎನ್.ರುದ್ರಪ್ಪ ಕೊಳಲೆ, ಡಿವಿಎಸ್ ಕಲಾ, ವಿಜ್ಞಾನ ಮತ್ತು ವಾಣಿಜ್ಯ ಕಾಲೇಜಿನ ಪ್ರಾಂಶುಪಾಲ ಡಾ. ಎಂ.ವೆಂಕಟೇಶ್, ಐಕ್ಯೂಎಸಿ ಸಂಯೋಜಕ ಪ್ರೊ. ಎನ್.ಕುಮಾರಸ್ವಾಮಿ ಮತ್ತಿತರರು ಉಪಸ್ಥಿತರಿದ್ದರು.
Chamber of commerce Shivamogga ಮಾಜಿ ಶಾಸಕ ‘ಹೆಚ್ಎಂಸಿ’ ನಿಧನಕ್ಕೆಜಿಲ್ಲಾ ಕೈಗಾರಿಕಾ ಮತ್ತು ವಾಣಿಜ್ಯ ಸಂಘದಿಂದ ಶ್ರದ್ಧಾಂಜಲಿ
Chamber of commerce Shivamogga ಶಿವಮೊಗ್ಗ ನಗರ ವಿಧಾನಸಭಾ ಕ್ಷೇತ್ರದ ಮಾಜಿ ಶಾಸಕ, ಮಾಜಿ ಶಾಸಕರ ವೇದಿಕೆಯ ಹಾಲಿ ರಾಜ್ಯಾಧ್ಯಕ್ಷ, ವೀರಶೈವ ಲಿಂಗಾಯತ ಸಮಾಜದ ಮುಖಂಡ ಎಚ್.ಎಂ.ಚಂದ್ರಶೇಖರಪ್ಪ ನಿಧನರಾಗಿದ್ದಕ್ಕೆ ಶಿವಮೊಗ್ಗ ಜಿಲ್ಲಾ ವಾಣಿಜ್ಯ ಮತ್ತು ಕೈಗಾರಿಕಾ ಸಂಘದ ಅಧ್ಯಕ್ಷ ಬಿ.ಗೋಪಿನಾಥ್ ಅವರು ಸಂತಾಪ ಸೂಚಿಸಿದ್ದಾರೆ.
ಪಾರ್ಥಿವ ಶರೀರಕ್ಕೆ ಹೂಗುಚ್ಚವನ್ನು ಅರ್ಪಿಸಿದರು. ಮೃತರ ಆತ್ಮಕ್ಕೆ ಶಾಂತಿ ಸಿಗಲಿ, ಅವರ ಕುಟುಂಬ ವರ್ಗಕ್ಕೆ ನೋವನ್ನು ಭರಿಸುವ ಶಕ್ತಿ ಭಗವಂತ ನೀಡಲಿ ಎಂದು ಪ್ರಾರ್ಥಿಸಿದರು.
ಶಿವಮೊಗ್ಗ ಜಿಲ್ಲಾ ವಾಣಿಜ್ಯ ಮತ್ತು ಕೈಗಾರಿಕಾ ಸಂಘದ ಉಪಾಧ್ಯಕ್ಷ ಜಿ.ವಿಜಯ್ ಕುಮಾರ್, ಕಾರ್ಯದರ್ಶಿ ಎ.ಎಂ.ಸುರೇಶ್, ಖಜಾಂಚಿ ಆರ್.ಮನೋಹರ, ನಿರ್ದೇಶಕರಾದ ಪ್ರದೀಪ್ ವಿ.ಎಲಿ, ವಸಂತ್ ಹೋಬಳಿದಾರ್, ಮಾಜಿ ಅಧ್ಯಕ್ಷ ಡಿ.ಎಂ.ಶಂಕರಪ್ಪ, ಜೆ.ಆರ್.ವಾಸುದೇವ್ ಹಾಜರಿದ್ದರು.
ಶಿವಮೊಗ್ಗದಲ್ಲಿ ನಾಗರಿಕ ಸೌಲಭ್ಯಗಳ ನಿರ್ಲಕ್ಷ್ಯ: ಹಿತರಕ್ಷಣಾ ವೇದಿಕೆಯಿಂದ ಶಾಸಕರಿಗೆ ಮನವಿ ಪತ್ರ
ಶಿವಮೊಗ್ಗ ನಗರದ ವಿವಿಧ ನಾಗರಿಕ ಸಮಸ್ಯೆಗಳ ಕುರಿತು ನಾಗರಿಕ ಹಿತರಕ್ಷಣಾ ವೇದಿಕೆಗಳ ಒಕ್ಕೂಟವು ಸರ್ಕಾರ ಮತ್ತು ಜಿಲ್ಲಾಡಳಿತದ ಗಮನವನ್ನು ಮತ್ತೊಮ್ಮೆ ಸೆಳೆದಿದೆ. ಸಂಬಂಧಪಟ್ಟ ಅಧಿಕಾರಿಗಳು ಸಮಸ್ಯೆಗಳ ಪರಿಹಾರಕ್ಕೆ ಸೂಕ್ತ ಕ್ರಮ ಕೈಗೊಳ್ಳುತ್ತಿಲ್ಲ ಎಂದು ಒಕ್ಕೂಟ ಆರೋಪಿಸಿದೆ.
ಈ ಹಿಂದೆ ಸಭೆ ನಡೆಸುವುದಾಗಿ ಭರವಸೆ ನೀಡಿದ್ದರೂ, ಇದುವರೆಗೆ ಯಾವುದೇ ಸಭೆ ನಿಗದಿಯಾಗಿಲ್ಲ ಎಂದು ಒಕ್ಕೂಟ ಅಸಮಾಧಾನ ವ್ಯಕ್ತಪಡಿಸಿದೆ. ಈ ಹಿನ್ನೆಲೆಯಲ್ಲಿ ಲಿಖಿತ ಮನವಿ ಸಲ್ಲಿಸಿ, ನಗರದ ಹಲವು ಪ್ರಮುಖ ಸಮಸ್ಯೆಗಳ ಪಟ್ಟಿಯನ್ನು ಜಿಲ್ಲಾಡಳಿತದ ಗಮನಕ್ಕೆ ತಂದಿದೆ.
ಒಕ್ಕೂಟವು ಪ್ರಸ್ತಾಪಿಸಿರುವ ಪ್ರಮುಖ ಸಮಸ್ಯೆಗಳೆಂದರೆ, ನಗರದ ಅಗತ್ಯಕ್ಕೆ ತಕ್ಕ ಹೆಚ್ಚಿನ ಸಾಮರ್ಥ್ಯದ ನೀರು ಶುದ್ಧೀಕರಣ ಘಟಕಕ್ಕೆ ಸರ್ಕಾರಕ್ಕೆ ಪ್ರಸ್ತಾವನೆ ಸಲ್ಲಿಸದಿರುವುದು, ₹300 ಕೋಟಿಗೂ ಅಧಿಕ ವೆಚ್ಚದಲ್ಲಿ ಕಾಮಗಾರಿ ನಡೆದಿದ್ದರೂ ಹಳೆಯ ವಿದ್ಯುತ್ ಕಂಬಗಳನ್ನು ತೆರವುಗೊಳಿಸದಿರುವುದು, ಸ್ಮಾರ್ಟ್ ಸಿಟಿ ಯೋಜನೆಯಡಿ ನಿರ್ಮಿಸಲಾದ ಸ್ಮಾರ್ಟ್ ಶೌಚಾಲಯಗಳು ಬಳಕೆಗೆ ಬಾರದಿರುವುದು, ಪಾಲಿಕೆಯಲ್ಲಿ ‘ಖಾತೆ ಬದಲಾವಣೆ ಶುಲ್ಕ’ ಹೆಸರಿನಲ್ಲಿ ನಾಗರಿಕರಿಂದ ಅನಗತ್ಯ ಶುಲ್ಕ ವಸೂಲಿ ನಡೆಯುತ್ತಿರುವುದು, ಸ್ಮಾರ್ಟ್ ಸಿಟಿ ಯೋಜನೆಯ ಕಾಮಗಾರಿಗಳ ಸಮರ್ಪಕ ನಿರ್ವಹಣೆ ಇಲ್ಲದಿರುವುದು ಹಾಗೂ ಶಿವಮೊಗ್ಗ ನಗರಾಭಿವೃದ್ಧಿ ಪ್ರಾಧಿಕಾರವು ರಸ್ತೆಯಲ್ಲಿ ನಿರ್ಮಿಸಿರುವ ಶೆಡ್‌ಗಳ ಕುರಿತು ಕ್ರಮ ಕೈಗೊಳ್ಳದಿರುವುದು ಸೇರಿವೆ.
ಈ ಎಲ್ಲ ವಿಚಾರಗಳ ಕುರಿತು ಸಂಬಂಧಪಟ್ಟ ಅಧಿಕಾರಿಗಳ ಸಭೆ ನಡೆಸಿ, ಸಮಸ್ಯೆಗಳ ಪರಿಹಾರಕ್ಕೆ ಕೈಗೊಳ್ಳುವ ಕ್ರಮಗಳು ಹಾಗೂ ಅವುಗಳಿಗೆ ನಿಗದಿಪಡಿಸುವ ಕಾಲಮಿತಿಯನ್ನು ಸಾರ್ವಜನಿಕವಾಗಿ ಪ್ರಕಟಿಸಬೇಕು ಎಂದು ಒಕ್ಕೂಟ ಆಗ್ರಹಿಸಿದೆ.
ಸಮಸ್ಯೆಗಳಿಗೆ ಶೀಘ್ರ ಪರಿಹಾರ ನೀಡಬೇಕು. ಇಲ್ಲವಾದರೆ ಸಂಬಂಧಪಟ್ಟ ಅಧಿಕಾರಿಗಳ ವೈಫಲ್ಯಕ್ಕೆ ಹೊಣೆಗಾರಿಕೆಯನ್ನು ನಿಗದಿಪಡಿಸಬೇಕು ಎಂದು ಒತ್ತಾಯಿಸಿರುವ ಒಕ್ಕೂಟ, ಒಂದು ವಾರದೊಳಗೆ ಸರ್ಕಾರದಿಂದ ಸ್ಪಷ್ಟ ಭರವಸೆ ಸಿಗದಿದ್ದರೆ ಹೋರಾಟವನ್ನು ತೀವ್ರಗೊಳಿಸಲಾಗುವುದು ಎಂದು ಎಚ್ಚರಿಕೆ ನೀಡಿದೆ.
ಈ ಮನವಿಗೆ ನಾಗರಿಕ ಹಿತರಕ್ಷಣಾ ವೇದಿಕೆಗಳ ಒಕ್ಕೂಟದ ಪ್ರಧಾನ ಕಾರ್ಯದರ್ಶಿ ವಸಂತಕುಮಾರ್ ಸಹಿ ಹಾಕಿದ್ದಾರೆ.
ಪತ್ರಿಕಾರಂಗವು ಸರ್ಕಾರದ ಯೋಜನೆಗಳ ಮಾಹಿತಿ ಜನಕ್ಕೆ ತಲುಪಿಸುವುದೇ ಅಲ್ಲದೆ ಸಮಾಜ ಅಂಕುಡೊಂಕುಗಳನ್ನ ತಿದ್ದುತ್ತಿದೆ- ಶಾಸಕ ಹೆಚ್.ಡಿ.ತಮ್ಮಯ್ಯ
ಸಂವಿಧಾನದ ನಾಲ್ಕನೇ ಅಂಗವಾಗಿರುವ ಪತ್ರಿಕೋದ್ಯಮ ಸಮಾಜದ ಧ್ವನಿಯಾಗಿ ಕಾರ್ಯನಿರ್ವಹಿಸುತ್ತಿದೆ ಎಂದು ಶಾಸಕ ಎಚ್.ಡಿ. ತಮ್ಮಯ್ಯ ಹೇಳಿದರು.
ಚಿಕ್ಕಮಗಳೂರು ನಗರದ ಕುವೆಂಪು ಕಲಾಮಂದಿರದಲ್ಲಿ ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘದಿಂದ ಆಯೋಜಿಸಿದ್ದ ಪತ್ರಿಕಾ ದಿನಾಚರಣೆ, 2025-26ರ ನೂತನ ಸಾಲಿನ ಪದಾಧಿಕಾರಿಗಳ ಪದಗ್ರಹಣ ಹಾಗೂ ಕೆಯುಡಬ್ಲ್ಯೂಜೆ ವಾರ್ಷಿಕ ದತ್ತಿ ಪ್ರಶಸ್ತಿ ಪ್ರದಾನ ಸಮಾರಂಭ ಉದ್ಘಾಟಿಸಿ ಮಾತನಾಡಿದ ಅವರು, ಸರ್ಕಾರದ ಯೋಜನೆಗಳನ್ನು ಜನತೆಗೆ ತಲುಪಿಸುವ ಜತೆಗೆ ಸಮಾಜದ ಅಂಕುಡೊಂಕುಗಳನ್ನು ತಿದ್ದುವ ಕೆಲಸ ಪತ್ರಿಕಾರಂಗ ಮಾಡುತ್ತಿದೆ. ಸರ್ಕಾರದ ಯೋಜನೆಗಳು ಜನರಿಗೆ ತಲುಪಿಸುವ ಪ್ರಬಲ ಮಾಧ್ಯಮವಾಗಿದೆ. ಪ್ರಸ್ತತ ದಿನಮಾನದಲ್ಲಿ ಸಾಮಾಜಿಕ ಜಾಲತಾಣಗಳ ಅಬ್ಬರದಲ್ಲಿ ಪತ್ರಿಕಾರಂಗ ಆನೇಕ ಸವಾಲುಗಳನ್ನು ಎದುರಿಸುತ್ತಿದೆ ಎಂದು ಹೇಳಿದರು. ವಿಧಾನ ಪರಿಷತ್ ಸದಸ್ಯ ಸಿ.ಟಿ ರವಿ ಮಾತನಾಡಿ, ಪತ್ರಿಕಾ ರಂಗದ ಸತ್ಯದ ಕೈಗನ್ನಡಿಯಾಗಿದೆ. ಆದರೆ ಇಂದು ಮಾದ್ಯಮಗಳು ಉದ್ಯಮದ ರೂಪ ಪಡೆದಿದ್ದು, ಲಾಭ- ನಷ್ಟ ಎದುರಿಸುತ್ತಿವೆ. ಜತೆಗೆ ತಾಂತ್ರಿಕತೆ ಬೆಳೆದಂತೆ ಮಾಧ್ಯಮಗಳಿಗೆ ಆನೆಣೆ ಸವಾಲುಗಳು ಎದುರಾಗುತ್ತಿವೆ ಎಂದರು.
ಸಮಾಜ ಗಟ್ಟಿಕೊಳ್ಳಬೇಕಾದರೆ ಮಾಧ್ಯಮಗಳ ಪಾತ್ರ ದೊಡ್ಡದಿದೆ ಎಂದ ಅವರು, ಸವಾಲುಗಳ ನಡುವೆ ಸಮಾಜವನ್ನು ಶಿಕ್ಷಣವಂತರನ್ನಾಗಿ ಮಾಡುವುದು ಕೂಡ ಮಾದ್ಯಮಗಳ ಹೊಣೆಗಾರಿಕೆಯಾಗಿದೆ ಎಂದು ಹೇಳಿದರು.
ನಿಕಟಪೂರ್ವ ಮುಖ್ಯಮಂತ್ರಿಗಳ ಮಾಧ್ಯಮ ಸಲಹೆಗಾರ ಕೆ.ವಿ.ಪ್ರಭಾಕರ್‌ಮಾತನಾಡಿ, ಹಿಂದೆ ಮಾದ್ಯಮದಲ್ಲಿ ಕೆಲಸ ಮಾಡುವ ಯುವ ಸಮುದಾಯ ಕಲಿಕೆ ಆಸಕ್ತಿ ಮತ್ತು ಗುರಿ ಇತ್ತು. ಆದರೆ. ಇಂದು ಆಸಕ್ತಿಯೂ ಇಲ್ಲ ಗುರಿಯೂ ಇಲ್ಲವಾಗಿದೆ. ಪತ್ರಕರ್ತರಲ್ಲಿ ಮತ್ತು ಸಮಾಧಾನವಿಲ್ಲದಿರುವುದರಿಂದ ಸತ್ಯದ ಸುದ್ದಿಗಳ ಜತೆ ಜತೆಗೆ ಸುಳ್ಳು ಸುದ್ದಿಗಳು ರಾರಾಜಿಸುತ್ತಿವೆ ಎಂದು ವಿಷಾದಿಸಿದರು.
ಶೃಂಗೇರಿ ಕ್ಷೇತ್ರದ ಶಾಸಕ ಟಿ.ಡಿ. ರಾಜೇಗೌಡ ಮಾತನಾಡಿ, ಪತ್ರಿಕೋದ್ಯಮ ಸಮಾಜದದ ಬಳಿಗೆಗೆ ಶ್ರಮಿಸುತ್ತಿದೆ. ಸ್ವಾತಂತ್ರ್ಯ ಹೋರಾಟದಲ್ಲಿ ಪತ್ರಿಕೆಗಳ ಪಾತ್ರ ಮಹತ್ವದಾಗಿದೆ. ಖಡ್ಗಕ್ಕಿಂತ ಲೇಖನಿ ಹರಿತವಾಗಿದ್ದು ಸಮಾಜದ ಅಂಕುಡೊಂಕುಗಳನ್ನು ಸರ್ಕಾರದ ಯೋಜನೆಗಳನ್ನು ಜನಸಾಮಾನ್ಯರಿಗೆ ತಲುಪಿಸುವ ಕೆಲಸ ಮಾಡುತ್ತಿದೆ ಎಂದು ಶ್ಲಾಘಿಸಿದರು.
ತರೀಕೆರೆ ಕ್ಷೇತ್ರದ ಶಾಸಕ ಜಿ.ಎಚ್.ಶ್ರೀನಿವಾಸ್ ಮಾತನಾಡಿದರು.
ರಾಜ್ಯಾಧ್ಯಕ್ಷ ಶಿವಾನಂದ ತಗಡೂರು ಮಾತನಾಡಿ, ಸಂಘದ ವತಿಯಿಂದ ಪತ್ರಿಕೋದ್ಯಮದಲ್ಲಿ ಗಣನೀಯ ಸೇವೆ ಸಲ್ಲಿಸಿದವರ ಹೆಸರಿನಲ್ಲಿ ದತ್ತಿ ಪ್ರಶಸ್ತಿ ಇತ್ತೀಚಿನ ವರ್ಷಗಳಿಂದ ನಿರಂತರವಾಗಿ ನೀಡುತ್ತಿದ್ದು ಇಂದು ಐದನೇ ದತ್ತಿ ಪ್ರಶಸ್ತಿ ಪ್ರಧಾನ ಮಾಡಲಾಗುತ್ತಿದೆ ಎಂದರು.
ಹಿರಿಯ ಪತ್ರಕರ್ತ ರವಿ ಹೆಗಡೆ ಮಾತನಾಡಿ, ಓದುಗರು ಪತ್ರಿಕೋ ದ್ಯಮದ ಮೇಲೆ ಅಪಾರ ವಿಶ್ವಾಸಾರ್ಹತೆ ಇಟ್ಟು ಕೊಂಡಿ ದ್ದಾರೆ. ವಿಶ್ವಾಸಾರ್ಹತೆ ಉಳಿಸಿಕೊಳ್ಳುವ ದೊಡ್ಡ ಜವಾಬ್ದಾರಿಯೂ ಪತ್ರಿಕೋದ್ಯಮದ ಮೇಲಿದೆ. ಈ ನಿಟ್ಟಿನಲ್ಲಿ ಆತ್ಮವಿಮರ್ಶೆ ಮಾಡಿ ಸಿದರು. ಆಧುನಿಕ ತಂತ್ರಜ್ಞಾನದಿಂದ ಮುದ್ರಣ ಮಾಧ್ಯಮ, ದೃಶ್ಯ ಮಾಧ್ಯಮ ಸಂಕಷ್ಟದ ಪರಿಸ್ಥಿತಿ ಎದುರಿಸುತ್ತಿದೆ. ಓದುಗರು ಗಟ್ಟಿಯಾಗಿದ್ದರೆ
ಸಂವಾದ ಗಟ್ಟಿಯಾಗಿರುತ್ತಾನೆ. ಹಿನ್ನೆಲೆಯಲ್ಲಿ ನಮ್ಮಲ್ಲಿರುವ ಸಣ್ಣಪುಟ್ಟ ಭಿನ್ನಾಭಿಪ್ರಾಯವನ್ನು ಬದಿಗಿಟ್ಟು ನಾವೆಲ್ಲರೂ ಒಗ್ಗಟ್ಟಾಗುವ ಅಗತ್ಯವಿದೆ. ಆತ್ಮವಿಮರ್ಶೆ ಮಾಡಿಕೊಳ್ಳಬೇಕಿದೆ ಹೊಸ ಸವಾಲುಗಳನ್ನು ಎದುರಿಸಲು ಸನ್ನದ್ದರಾಗಬೇಕಿದೆ ಎಂದು ಹೇಳಿದರು. ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘದ ಜಿಲ್ಲಾಧ್ಯಕ್ಷ ಅನಿಲ್ ಆನಂದ್ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು.
ಸಮಾರಂಭದಲ್ಲಿ ರಾಷ್ಟ್ರೀಯ ಕಾರ್ಯನಿರತ ಪತ್ರಕರ್ತರ ಒಕ್ಕೂಟ ಅಧ್ಯಕ್ಷ ಬಿ.ವಿ. ಮಲ್ಲಿಕಾರ್ಜುನಯ್ಯ ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘದ ಉಪಾಧ್ಯಕ್ಷ ಮದನ್ ಗೌಡ, ಕನ್ನಡಪ್ರಭ ಸುವರ್ಣ ನ್ಯೂಸ್ ಪ್ರಧಾನ ಸಂಪಾದಕ ರವಿ ಹೆಗಡೆ, ಸಂಪಾದಕ ಜೋಗಿ, ಜಿಲ್ಲಾಧಿಕಾರಿ ಭವರ್ ಸಿಂಗ್ ಮೀನಾ, ಜಿಪಂ ಸಿಇಒ ಎಚ್.ಎಸ್. ಕೀರ್ತನಾ ಇದ್ದರು.
ನೂತನ ಪದಾಧಿಕಾರಿಗಳ ಪದಗ್ರಹಣ ಇದೇ ವೇಳೆ ನಡೆಯಿತು.
ಹಿರಿಯ ಪತ್ರಕರ್ತ ಸ.ಗಿರಿಜಾ ಶಂಕರ್, ಬಿ.ಟಿ.ತಿಪ್ಪೇರುದ್ರಪ್ಪ, ಅಜ್ಜಂಪುರ ಅಪ್ಪಾಜಿ, ತರೀಕೆರೆ ಅನಂತ್ ನಾಡಿಗ್, ಕೊಪ್ಪ ಬಿ.ವಿ.ವಿಶ್ವನಾಥ್ ಶೆಟ್ಟಿ ಕಡೂರು ಎನ್.ಗಿರೀಶ್ ಬೀರೂರು, ಪ್ರಸನ್ನ ಗೌಡನಹಳ್ಳಿ ಮೂಡಿಗೆರೆ, ಯೂಸೂಪ್ ಪಾಟೀಲ್ ಅವರನ್ನು ಸನ್ಮಾನಿಸಲಾಯಿತು.
ವಿಜಯ ಕರ್ನಾಟಕದ ಕೆ.ಎಚ್. ರುದ್ರಯ್ಯ, ಸುವರ್ಣ ನ್ಯೂಸ್ ವಿಜಯವಾಣಿ ತರೀಕೆರೆ ವರದಿಗಾರ ಬಿ.ಉಮೇಶ್ ನಾಯಕ್, ಹಿರಿಯ ಫೋಟೋ ಜರ್ನಲಿಸ್ಟ್ ಅಕ್ರಮ್ ಅಬ್ದುಲ್ ಹಕ್, ಮಂಗಳೂರು ಇಬ್ರಾಹಿಂ ಅಡ್ಡಸ್ಥಳ, ಶಿವಕುಮಾರ್ ಪತ್ತಾರ ಎಚ್.ಪಿ.ರವಿಕುಮಾರ್ ಜನತಾಮಾಧ್ಯಮ ಹಾಸನ ಇವರಿಗೆ ಕೆಡಬ್ಯೂಜೆ ವಿಶೇಷ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.
Karnataka Public Service Commission ಪಶುವೈದ್ಯಾಧಿಕಾರಿಗಳ ನೇಮಕಾತಿ ಪ್ರಕ್ರಿಯೆ: ದೂರು ದಾಖಲೆಯ ಹಿನ್ನೆಲೆಯಲ್ಲಿ ಆಯೋಗದಿಂದ ಆಂತರಿಕ ತನಿಖಾ ಉಪಸಮಿತಿ ರಚನೆ- ಕೆ.ಜ್ಯೋತಿ
Karnataka Public Service Commission ಪಶುವೈದ್ಯಾಧಿಕಾರಿಗಳ ನೇಮಕಾತಿಗೆ ಸಂಬಂಧಿಸಿದಂತೆ 2026ರ ಜುಲೈ 24ರಂದು ವಿಧಾನಸೌಧ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿರುವ ದೂರಿನ ಹಿನ್ನೆಲೆಯಲ್ಲಿ ಹಾಗೂ ಸಾಮಾಜಿಕ ಜಾಲತಾಣಗಳು ಮತ್ತು ವಿವಿಧ ಮಾಧ್ಯಮಗಳಲ್ಲಿ ಪ್ರಸಾರವಾಗುತ್ತಿರುವ ವರದಿಗಳನ್ನು ಗಂಭೀರವಾಗಿ ಪರಿಗಣಿಸಿರುವ ಕರ್ನಾಟಕ ಲೋಕಸೇವಾ ಆಯೋಗವು 2026ರ ಜುಲೈ 26ರಂದು ತುರ್ತು ಸಭೆ ನಡೆಸಿದೆ.
ಪಶುವೈದ್ಯಾಧಿಕಾರಿಗಳ ನೇಮಕಾತಿಗೆ ಸಂಬಂಧಿಸಿದಂತೆ 2026ರ ಜುಲೈ 24ರಂದು ವಿಧಾನಸೌಧ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿರುವ ದೂರಿನ ಹಿನ್ನೆಲೆಯಲ್ಲಿ ಹಾಗೂ ಸಾಮಾಜಿಕ ಜಾಲತಾಣಗಳು ಮತ್ತು ವಿವಿಧ ಮಾಧ್ಯಮಗಳಲ್ಲಿ ಪ್ರಸಾರವಾಗುತ್ತಿರುವ ವರದಿಗಳನ್ನು ಗಂಭೀರವಾಗಿ ಪರಿಗಣಿಸಿರುವ ಕರ್ನಾಟಕ ಲೋಕಸೇವಾ ಆಯೋಗವು 2026ರ ಜುಲೈ 26ರಂದು ತುರ್ತು ಸಭೆ ನಡೆಸಿದೆ.
ಸಾರ್ವಜನಿಕರ ವಿಶ್ವಾಸವನ್ನು ಕಾಪಾಡುವ ಉದ್ದೇಶದಿಂದ ಹಾಗೂ ಆರೋಪಗಳ ಗಂಭೀರತೆಯನ್ನು ಮನಗಂಡು ಆಯೋಗವು ಕೆಳಕಂಡ ಮಹತ್ವದ ನಿರ್ಧಾರಗಳನ್ನು ಕೈಗೊಂಡಿದೆ ಎಂದು ಆಯೋಗದ ಕಾರ್ಯದರ್ಶಿ ಶ್ರೀಮತಿ ಕೆ. ಜ್ಯೋತಿ ಅವರು ತಿಳಿಸಿದ್ದಾರೆ.
ಪ್ರಾಥಮಿಕ ಮಾಹಿತಿಯ ಪರಿಶೀಲನೆ: 2026ರ ಜುಲೈ 24ರಂದು ವಿಧಾನಸೌಧ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿರುವ ದೂರು, ವಿವಿಧ ಮಾಧ್ಯಮಗಳಲ್ಲಿ ಪ್ರಕಟವಾಗಿರುವ ವರದಿಗಳು ಹಾಗೂ 2026ರ ಜುಲೈ 25ರಂದು ಪೊಲೀಸ್ ಇಲಾಖೆ ನೀಡಿರುವ ಪ್ರಾಥಮಿಕ ಮಾಹಿತಿ ವರದಿಯನ್ನು (FIR) ಆಯೋಗವು ಗಂಭೀರವಾಗಿ ಪರಿಗಣಿಸಿದೆ.
ಆಂತರಿಕ ತನಿಖಾ ಉಪಸಮಿತಿ ರಚನೆ: ಆರೋಪಗಳ ಗಂಭೀರತೆಯನ್ನು ಗಮನದಲ್ಲಿಟ್ಟುಕೊಂಡು ಆಯೋಗದ ಹಿರಿಯ ಸದಸ್ಯರ ಅಧ್ಯಕ್ಷತೆಯಲ್ಲಿ ಆಂತರಿಕ ತನಿಖಾ ಉಪಸಮಿತಿಯನ್ನು ರಚಿಸಲಾಗಿದೆ.
ಒಂದು ವಾರದಲ್ಲಿ ವರದಿ ಸಲ್ಲಿಕೆ: ಪರೀಕ್ಷಾ ಪ್ರಕ್ರಿಯೆಯ ಪ್ರತಿಯೊಂದು ಹಂತ ಹಾಗೂ ಸಂಬಂಧಿತ ದಾಖಲೆಗಳನ್ನು ಸಮಗ್ರವಾಗಿ ಪರಿಶೀಲಿಸಿ, ವಾಸ್ತವಾಂಶಗಳ ಕುರಿತ ವಿವರವಾದ ವರದಿಯನ್ನು ಒಂದು ವಾರದೊಳಗೆ ಆಯೋಗಕ್ಕೆ ಸಲ್ಲಿಸುವಂತೆ ಉಪಸಮಿತಿಗೆ ನಿರ್ದೇಶನ ನೀಡಲಾಗಿದೆ.
Karnataka Public Service Commission ತನಿಖೆಗೆ ನೋಡಲ್ ಅಧಿಕಾರಿಗಳ ನೇಮಕ: ತನಿಖಾ ಕಾರ್ಯಕ್ಕೆ ಅಗತ್ಯವಾದ ಆಡಳಿತಾತ್ಮಕ ಮಾಹಿತಿ ಮತ್ತು ದಾಖಲೆಗಳನ್ನು ಒದಗಿಸಲು ಕೆಪಿಎಸ್‌ಸಿ ಕಾರ್ಯದರ್ಶಿಯನ್ನು ಹಾಗೂ ಅಗತ್ಯ ಕಾನೂನು ಸಲಹೆ ನೀಡಲು ಕಾನೂನು ವಿಭಾಗದ ಮುಖ್ಯಸ್ಥರನ್ನು ನೋಡಲ್ ಅಧಿಕಾರಿಗಳಾಗಿ ನೇಮಿಸಲಾಗಿದೆ.
ಅಂತಿಮ ಆಯ್ಕೆ ಪಟ್ಟಿಗೆ ತಾತ್ಕಾಲಿಕ ತಡೆ: ಆಂತರಿಕ ತನಿಖಾ ಉಪಸಮಿತಿ ತನ್ನ ಅಂತಿಮ ವರದಿಯನ್ನು ಸಲ್ಲಿಸುವವರೆಗೆ, 2026ರ ಜುಲೈ 17ರಂದು ಪ್ರಕಟಿಸಲಾಗಿದ್ದ ಪಶುವೈದ್ಯಾಧಿಕಾರಿಗಳ ಅಂತಿಮ ಆಯ್ಕೆ ಪಟ್ಟಿಯ ಜಾರಿಯನ್ನು ತಾತ್ಕಾಲಿಕವಾಗಿ ತಡೆಹಿಡಿಯಲು ಆಯೋಗವು ನಿರ್ಧರಿಸಿದೆ.
ಆಯೋಗವು ನೇಮಕಾತಿ ಪ್ರಕ್ರಿಯೆಯಲ್ಲಿ ಪಾರದರ್ಶಕತೆ, ನ್ಯಾಯಸಮ್ಮತತೆ ಹಾಗೂ ಸಾರ್ವಜನಿಕರ ವಿಶ್ವಾಸವನ್ನು ಕಾಪಾಡಲು ಬದ್ಧವಾಗಿದ್ದು, ತನಿಖಾ ವರದಿಯ ಆಧಾರದ ಮೇಲೆ ಅಗತ್ಯ ಕ್ರಮ ಕೈಗೊಳ್ಳಲಾಗುವುದು ಎಂದು ಆಯೋಗದ ಕಾರ್ಯದರ್ಶಿಗಳು ತಿಳಿಸಿದ್ದಾರೆ.
Klive Special Article ತೆರಿಗೆಯು ಜೇನ್ನೊಣವು ಹೂವಿನಿಂದ ಜೇನು ಸಂಗ್ರಹಿಸುವಂತೆ ಇರಬೇಕು
ವಿಶೇಷ ಲೇಖನ: ಆರ್.ಮನೋಹರ್.
ತೆರಿಗೆ ಸಲಹೆಗಾರ. ಶಿವಮೊಗ್ಗ.
Klive Special Article ಆದಾಯ ತೆರಿಗೆ ದಿನ 2026 (ಆಯಕರ್ ದಿವಸ್) ಭಾರತದಲ್ಲಿ ಆದಾಯ ತೆರಿಗೆಗೆ 166 ವರ್ಷಗಳು ಒಂದು ಮುನ್ನೋಟ
ಅರ್ಥಶಾಸ್ತ್ರದಲ್ಲಿ ಆಚಾರ್ಯ ಚಾಣಕ್ಯನ ತೆರಿಗೆಯ ಬಗ್ಗೆ ಅತ್ಯಂತ ಪ್ರಸಿದ್ಧ ಬೋಧನೆಯೆಂದರೆ,… ಅವರ ಸುವರ್ಣ ನಿಯಮ “ತೆರಿಗೆಯು ಜೇನುನೊಣವು ಹೂವಿನಿಂದ ಜೇನುತುಪ್ಪವನ್ನು ಸಂಗ್ರಹಿಸುವಂತೆ ಇರಬೇಕು.” ಒಬ್ಬ ಆಡಳಿತಗಾರನು ಹೂವಿನಿಂದ ಮಕರಂದವನ್ನು ನೋವುಂಟು ಮಾಡದೆ ಸಂಗ್ರಹಿಸುವಂತೆ ತೆರಿಗೆಗಳನ್ನು ಸಂಗ್ರಹಿಸಬೇಕು. ಅತಿಯಾದ ತೆರಿಗೆಯು ಆರ್ಥಿಕ ಮೂಲವನ್ನು ನಾಶಪಡಿಸುತ್ತದೆ, ಹೆಚ್ಚು ಜೇನುತುಪ್ಪವನ್ನು ಎಳೆಯುವುದು ಅಥವಾ ಹೂವನ್ನು ಪುಡಿಮಾಡುವುದು ಸಸ್ಯವನ್ನು ನಾಶಪಡಿಸುವಂತೆಯೇ ಎಂದು ಹೇಳಿದ್ದಾರೆ
ಭಾರತದ ಆರ್ಥಿಕ ಇತಿಹಾಸದಲ್ಲಿ ಮಹತ್ವದ ಮೈಲಿಗಲ್ಲನ್ನು ಗುರುತಿಸಲು ಜುಲೈ 24 ರಂದು ಆದಾಯ ತೆರಿಗೆ ದಿನವನ್ನು ಆಚರಿಸಲಾಗುತ್ತದೆ. 1860 ರಲ್ಲಿ ಈ ದಿನದಂದು, ಸರ್ ಜೇಮ್ಸ್ ವಿಲ್ಸನ್ ಅವರು ಭಾರತದಲ್ಲಿ ಆದಾಯ ತೆರಿಗೆಯನ್ನು ಪರಿಚಯಿಸಿದರು. ಭಾರತದಲ್ಲಿ ಆದಾಯ ತೆರಿಗೆಯ ಪಿತಾಮಹ ಸರ್ ಜೇಮ್ಸ್ ವಿಲ್ಸನ್. ಬ್ರಿಟಿಷ್ ಭಾರತದ ಮೊದಲ ಹಣಕಾಸು ಸಚಿವರಾಗಿ, 1857 ರ ಭಾರತೀಯ ದಂಗೆಯ ನಂತರ ಬ್ರಿಟಿಷ್ ಸರ್ಕಾರಕ್ಕೆ ಉಂಟಾದ ಆರ್ಥಿಕ ನಷ್ಟವನ್ನು ಸರಿದೂಗಿಸಲು ಅವರು ಜುಲೈ 24, 1860 ರಂದು ಮೊದಲ ಔಪಚಾರಿಕ ಆದಾಯ ತೆರಿಗೆ ಕಾನೂನನ್ನು ಪರಿಚಯಿಸಿದರು. ಇದು 1922 ರ ಆದಾಯ ತೆರಿಗೆ ಕಾಯ್ದೆಗೆ ಅಡಿಪಾಯ ಹಾಕಿತು, ಇದು ನಿಜವಾದ ಅರ್ಥದಲ್ಲಿ ವಿವಿಧ ಆದಾಯ ತೆರಿಗೆ ಅಧಿಕಾರಿಗಳನ್ನು ಔಪಚಾರಿಕಗೊಳಿಸುವ ಮತ್ತು ವ್ಯವಸ್ಥಿತ ಆಡಳಿತ ಚೌಕಟ್ಟಿಗೆ ಅಡಿಪಾಯ ಹಾಕುವ ರಚನಾತ್ಮಕ ತೆರಿಗೆ ವ್ಯವಸ್ಥೆಯನ್ನು ಸ್ಥಾಪಿಸಿತು. ಈ ದಿನವು ಭಾರತದ ತೆರಿಗೆ ಆಡಳಿತದ ವಿಕಾಸವನ್ನು ಸ್ಮರಿಸುತ್ತದೆ ಮತ್ತು ಸುವ್ಯವಸ್ಥಿತ ಮತ್ತು ನಾಗರಿಕ ಕೇಂದ್ರಿತ ವ್ಯವಸ್ಥೆಯನ್ನು ನಿರ್ಮಿಸಲು ಸರ್ಕಾರದ ನಿರಂತರ ಪ್ರಯತ್ನಗಳನ್ನು ಪ್ರದರ್ಶಿಸುತ್ತದೆ. ಆದಾಯ ತೆರಿಗೆ ಹಣಕಾಸಿನ ಆಚೆಗೆ ಹೋಗುತ್ತದೆ – ಇದು ಸ್ಥಿರ, ಸಮಾನ ಮತ್ತು ಸ್ವಾವಲಂಬಿ ಸಮಾಜಗಳನ್ನು ನಿರ್ಮಿಸುವಲ್ಲಿ ಪ್ರಮುಖವಾಗಿದೆ. ಸಾಮಾಜಿಕ ಯೋಗಕ್ಷೇಮವನ್ನು ಬೆಂಬಲಿಸುವ ಆರೋಗ್ಯ ರಕ್ಷಣೆ, ಶಿಕ್ಷಣ, ಮೂಲಸೌಕರ್ಯ ಮತ್ತು ರಾಷ್ಟ್ರೀಯ ಭದ್ರತೆಯಂತಹ ನಿರ್ಣಾಯಕ ಸೇವೆಗಳಿಗೆ ಆದಾಯ ತೆರಿಗೆ ಹಣಕಾಸು ಒದಗಿಸುತ್ತದೆ. Klive Special Article ತೆರಿಗೆ ಆದಾಯವು ವಿವಿಧ ವಲಯಗಳಲ್ಲಿ ಸರ್ಕಾರಿ ಹೂಡಿಕೆಗಳನ್ನು ಸಕ್ರಿಯಗೊಳಿಸುತ್ತದೆ, ಬೆಳವಣಿಗೆಯನ್ನು ಉತ್ತೇಜಿಸುತ್ತದೆ ಮತ್ತು ಉದ್ಯೋಗಗಳನ್ನು ಸೃಷ್ಟಿಸುತ್ತದೆ.ತೆರಿಗೆಯು ಸಂಪತ್ತಿನ ಸಂಗ್ರಹಣೆ ಮತ್ತು ಪುನರ್ವಿತರಣೆಯನ್ನು ಸಮತೋಲನಗೊಳಿಸುತ್ತದೆ, ನ್ಯಾಯಯುತತೆ ಮತ್ತು ಸಾಮಾಜಿಕ ಒಗ್ಗಟ್ಟನ್ನು ಉತ್ತೇಜಿಸುತ್ತದೆ.ಇದು ರಾಜ್ಯದ ಸಾಮರ್ಥ್ಯವನ್ನು ನಿರ್ಮಿಸುತ್ತದೆ ಮತ್ತು ಸಾಮಾಜಿಕ ಒಪ್ಪಂದವನ್ನು ಬಲಪಡಿಸುತ್ತದೆ, ನಾಗರಿಕರು ಮತ್ತು ಸರ್ಕಾರದ ನಡುವಿನ ಹೊಣೆಗಾರಿಕೆಯನ್ನು ಹೆಚ್ಚಿಸುತ್ತದೆ.
ಆದಾಯ ತೆರಿಗೆ ದಿನದಂದು, ಭಾರತದ ಬೆಳವಣಿಗೆ ಮತ್ತು ಅಭಿವೃದ್ಧಿಯಲ್ಲಿ ಪ್ರಮುಖ ಪಾತ್ರ ವಹಿಸುವ ಲಕ್ಷಾಂತರ ತೆರಿಗೆದಾರರ ಕೊಡುಗೆಯನ್ನು ನಾವು ಗುರುತಿಸುತ್ತೇವೆ. ಅವರ ಕೊಡುಗೆಗಳು ಸಾರ್ವಜನಿಕ ಮೂಲಸೌಕರ್ಯ, ಆರೋಗ್ಯ ರಕ್ಷಣೆ, ಶಿಕ್ಷಣ ಮತ್ತು ಕಲ್ಯಾಣ ಉಪಕ್ರಮಗಳನ್ನು ಬಲಪಡಿಸಲು ಸಹಾಯ ಮಾಡುತ್ತದೆ, ರಾಷ್ಟ್ರವನ್ನು ಸಮಗ್ರ ಮತ್ತು ಸುಸ್ಥಿರ ಪ್ರಗತಿಯತ್ತ ಕೊಂಡೊಯ್ಯುತ್ತದೆ ಒಂದು ಹಣಕಾಸು ವರ್ಷದಲ್ಲಿ ವ್ಯಕ್ತಿಗಳು ಮತ್ತು ವ್ಯವಹಾರಗಳು ಗಳಿಸಿದ ಆದಾಯದ ಮೇಲೆ ಸರ್ಕಾರವು ವಿಧಿಸುವ ತೆರಿಗೆ, ಭಾರತದಲ್ಲಿ ಆದಾಯ ತೆರಿಗೆಯು 1961 ರ ಆದಾಯ ತೆರಿಗೆ ಕಾಯ್ದೆಯಿಂದ ನಿಯಂತ್ರಿಸಲ್ಪಡುತ್ತದೆ. ‘ಆದಾಯ’ ಎಂಬ ಪದವು ವಿವಿಧ ಮೂಲಗಳನ್ನು ಒಳಗೊಳ್ಳುತ್ತದೆ, ಇದನ್ನು ಆದಾಯ ತೆರಿಗೆ ಕಾಯ್ದೆಯ ಅಡಿಯಲ್ಲಿ ವಿಶಾಲವಾಗಿ ವ್ಯಾಖ್ಯಾನಿಸಲಾಗಿದೆ.
ಭಾರತೀಯ ತೆರಿಗೆ ರಚನೆಯನ್ನು ಸೆಂಟ್ರಲ್ ಬೋರ್ಡ್ ಆಫ್ ರೆವಿನ್ಯೂ ಆಕ್ಟ್ (1924) ಬಲಪಡಿಸಿತು, ಇದು ಆದಾಯ ತೆರಿಗೆ ಕಾಯ್ದೆಯನ್ನು ನಿರ್ವಹಿಸಲು ಶಾಸನಬದ್ಧ ಸಂಸ್ಥೆಯನ್ನು ಸ್ಥಾಪಿಸಿತು. ಕೇಂದ್ರೀಯ ನೇರ ತೆರಿಗೆ ಮಂಡಳಿ (CBDT) ಭಾರತದಲ್ಲಿ ಆದಾಯ ತೆರಿಗೆಯ 150 ವರ್ಷಗಳನ್ನು ಗುರುತಿಸಿದ 2010 ರಿಂದ ಅಧಿಕೃತವಾಗಿ ಈ ಸಂದರ್ಭವನ್ನು ಆಚರಿಸುತ್ತಿದೆ. ಇದು ಭಾರತದ ಅಭಿವೃದ್ಧಿಗೆ ತೆರಿಗೆದಾರರ ಕೊಡುಗೆಯನ್ನು ಗುರುತಿಸುತ್ತದೆ. ಅಂದಿನಿಂದ, ವಾರ್ಷಿಕ ಆಚರಣೆಯು ಈ ಕೆಳಗಿನ ಗುರಿಗಳನ್ನು ಹೊಂದಿದೆ: ರಾಷ್ಟ್ರ ನಿರ್ಮಾಣಕ್ಕೆ ತೆರಿಗೆದಾರರ ಕೊಡುಗೆಯನ್ನು ಗುರುತಿಸುವುದು ಆದಾಯ ತೆರಿಗೆ ಇಲಾಖೆಯ ಕೆಲಸವನ್ನು ಶ್ಲಾಘಿಸುವುದು ಸ್ವಯಂಪ್ರೇರಿತ ತೆರಿಗೆ ಅನುಸರಣೆಯನ್ನು ಉತ್ತೇಜಿಸುವುದು ತೆರಿಗೆದಾರರ ಹಕ್ಕುಗಳು ಮತ್ತು ಜವಾಬ್ದಾರಿಗಳ ಬಗ್ಗೆ ಜಾಗೃತಿ ಮೂಡಿಸುವುದು ತೆರಿಗೆ ಆಡಳಿತವನ್ನು ಸರಳೀಕರಿಸಿದ ಸುಧಾರಣೆಗಳನ್ನು ಎತ್ತಿ ತೋರಿಸುವುದು ಆದಾಯ ತೆರಿಗೆ ವ್ಯವಸ್ಥೆಯು ಕಳೆದ 167 ವರ್ಷಗಳಲ್ಲಿ ಗಮನಾರ್ಹವಾಗಿ ವಿಕಸನಗೊಂಡಿದೆ.
1981 ರಲ್ಲಿ ಗಣಕೀಕರಣದ ಪರಿಚಯವು ಪ್ರಮುಖ ತಾಂತ್ರಿಕ ಉನ್ನತೀಕರಣವನ್ನು ಗುರುತಿಸಿತು, ಇದು ತೆರಿಗೆ ಚಲನ್‌ಗಳ ಎಲೆಕ್ಟ್ರಾನಿಕ್ ಸಂಸ್ಕರಣೆಯೊಂದಿಗೆ ಪ್ರಾರಂಭವಾಯಿತು. .
ತೆರಿಗೆ ಸುಧಾರಣೆಗಳು ಸಾರ್ವಜನಿಕ ಅಗತ್ಯಗಳನ್ನು ಪ್ರತಿಬಿಂಬಿಸುವ ನೀತಿಗಳನ್ನು ರೂಪಿಸಲು ಸಹಾಯ ಮಾಡುತ್ತದೆ, ಸಂಸ್ಥೆಗಳಲ್ಲಿ ಕಾನೂನುಬದ್ಧತೆ ಮತ್ತು ನಂಬಿಕೆಯನ್ನು ಬಲಪಡಿಸುತ್ತದೆ. ಆದಾಯ ತೆರಿಗೆ ರಿಟರ್ನ್ (ಐಟಿಆರ್) ಎನ್ನುವುದು ಪ್ರಾಥಮಿಕವಾಗಿ ವ್ಯಕ್ತಿಯ ಆದಾಯ ಮತ್ತು ಅನ್ವಯವಾಗುವ ತೆರಿಗೆಯ ಬಗ್ಗೆ ವಿವರಗಳನ್ನು ಆದಾಯ ತೆರಿಗೆ ಇಲಾಖೆಗೆ ಸಲ್ಲಿಸಲು ಬಳಸುವ ಒಂದು ನಮೂನೆಯಾಗಿದೆ. ಪ್ರತಿ ಹಣಕಾಸು ವರ್ಷಕ್ಕೆ ಆದಾಯ ಗಳಿಸುವ ಪ್ರತಿಯೊಬ್ಬ ವ್ಯಕ್ತಿ ಮತ್ತು ವ್ಯವಹಾರವು ಇದನ್ನು ಸಲ್ಲಿಸಬೇಕು. ಇದು ತೆರಿಗೆ ವಿಧಿಸಬಹುದಾದ ಆದಾಯ, ತೆರಿಗೆ ಹೊಣೆಗಾರಿಕೆ ಮತ್ತು ತೆರಿಗೆ ಕಡಿತದ ಹಕ್ಕುಗಳನ್ನು ನಿರ್ಧರಿಸಲು ಸಹಾಯ ಮಾಡುತ್ತದೆ. ಭಾರತೀಯ ತೆರಿಗೆ ಪರಿಸರ ವ್ಯವಸ್ಥೆಯು ಹಂತ ಹಂತವಾಗಿ ವಿವಿಧ ತಂತ್ರಜ್ಞಾನ-ಚಾಲಿತ ಉಪಕ್ರಮಗಳ ಮೂಲಕ ಗಮನಾರ್ಹ ಬೆಳವಣಿಗೆಯನ್ನು ಕಂಡಿದೆ. ಇದು ತೆರಿಗೆ ಆಡಳಿತ ಮತ್ತು ತೆರಿಗೆದಾರರು ತಮ್ಮ ಕರ್ತವ್ಯಗಳನ್ನು ಪೂರೈಸಲು ಅನುವು ಮಾಡಿಕೊಟ್ಟಿದೆ. 1972 ರಲ್ಲಿ ಶಾಶ್ವತ ಖಾತೆ ಸಂಖ್ಯೆ ಪರಿಚಯದಿಂದ 1981 ರಲ್ಲಿ ಆದಾಯ ತೆರಿಗೆ-ವ್ಯವಸ್ಥೆಗಳ ನಿರ್ದೇಶನಾಲಯ ಸ್ಥಾಪನೆಯ ಮೂಲಕ ಆರಂಭಿಕ ಗಣಕೀಕರಣದವರೆಗೆ ಮಾಹಿತಿ ತಂತ್ರಜ್ಞಾನ ಚೌಕಟ್ಟಿನ ಅಡಿಪಾಯವನ್ನು ಹಾಕಲಾಯಿತು. ಪ್ರಸ್ತುತ PAN ಸರಣಿ (10 ಅಂಕಿಯ ಆಲ್ಫಾನ್ಯೂಮರಿಕ್) ಅನ್ನು 1995 ರಲ್ಲಿ ಪ್ರಾರಂಭಿಸಲಾಯಿತು, ಇದು ವಿಶಿಷ್ಟ ಗುರುತಿಸುವಿಕೆ, ಮಾಹಿತಿ ಹೊಂದಾಣಿಕೆಯಂತಹ ಅನುಕೂಲಗಳನ್ನು ನೀಡುತ್ತದೆ ಮತ್ತು ತೆರಿಗೆ ಆಧಾರವನ್ನು ವಿಸ್ತರಿಸುತ್ತದೆ. ಅನುಸರಣೆಯನ್ನು ಸುಧಾರಿಸಲು ಮತ್ತು ನಕಲು ಮಾಡುವುದನ್ನು ತೆಗೆದುಹಾಕಲು PAN ಅನ್ನು ಆಧಾರ್‌ನೊಂದಿಗೆ ಲಿಂಕ್ ಮಾಡುವುದನ್ನು 2017 ರಲ್ಲಿ ಕೈಗೊಳ್ಳಲಾಯಿತು. ಇದಲ್ಲದೆ, ಇತ್ತೀಚಿನ ವರ್ಷಗಳಲ್ಲಿ, 2009 ರಲ್ಲಿ ಕೇಂದ್ರೀಕೃತ ಸಂಸ್ಕರಣಾ ಕೇಂದ್ರ (CPC) ಸ್ಥಾಪನೆ ಮತ್ತು 2012 ರಲ್ಲಿ TDS ಸಮನ್ವಯ ವಿಶ್ಲೇಷಣೆ ಮತ್ತು ತಿದ್ದುಪಡಿ ಸಕ್ರಿಯಗೊಳಿಸುವ ವ್ಯವಸ್ಥೆ (TRACES) ನಂತಹ ಉಪಕ್ರಮಗಳು ಕ್ರಮವಾಗಿ ITR ಗಳ ಸ್ವಯಂಚಾಲಿತ ಸಂಸ್ಕರಣೆ ಮತ್ತು ಮರುಪಾವತಿ ವಿತರಣೆ ಮತ್ತು ಮೂಲದಲ್ಲಿ ಕಡಿತಗೊಳಿಸಲಾದ ತೆರಿಗೆ (TDS) ನ ಹೊಂದಾಣಿಕೆಯನ್ನು ಪರಿಹರಿಸಲು ಕಾರಣವಾಗಿವೆ. ನ್ಯಾಯವ್ಯಾಪ್ತಿ-ಮುಕ್ತ , ತಂತ್ರಜ್ಞಾನ-ಚಾಲಿತ ರೀತಿಯಲ್ಲಿ ಕಾರ್ಯನಿರ್ವಹಿಸುತ್ತದೆ, ಇದು ಪ್ರಮುಖ ಆಧುನೀಕರಣದ ಮೈಲಿಗಲ್ಲನ್ನು ಗುರುತಿಸುತ್ತದೆ
ತೆರಿಗೆ ಮಾಹಿತಿ ಜಾಲ (TIN) ದೊಂದಿಗೆ , ಆದಾಯ ತೆರಿಗೆ ಇಲಾಖೆ (ITD) ತೆರಿಗೆ ಪಾವತಿಗೆ ಬಂದಾಗ ತೆರಿಗೆದಾರರು ಹಲವಾರು ಆಯ್ಕೆಗಳನ್ನು ಹೊಂದಿದ್ದಾರೆ ಎಂದು ಖಚಿತಪಡಿಸಿಕೊಳ್ಳಲು ಕೇವಲ ಅನುಕೂಲತೆಯನ್ನು ಮೀರಿ ಮುಂದೆ ಬಂದಿದೆ. ಹೊಸ ತೆರಿಗೆ ಪಾವತಿ ವೇದಿಕೆಯಾದ TIN 2.0 ಪರಿಚಯವು ಒಂದು ಟ್ರೆಂಡ್‌ಸೆಟರ್ ಆಗಿದೆ. ಬಹು ಪಾವತಿ ವಿಧಾನಗಳು, ತೆರಿಗೆಗಳ ನೈಜ-ಸಮಯದ ಕ್ರೆಡಿಟ್ ಮತ್ತು ಮರುಪಾವತಿಗಳ ವೇಗದ ಪ್ರಕ್ರಿಯೆಯೊಂದಿಗೆ, ಇಲಾಖೆಯು ಪ್ರಕ್ರಿಯೆಯನ್ನು ಸುಗಮಗೊಳಿಸುವುದಲ್ಲದೆ, ಹೆಚ್ಚಿನ ನಮ್ಯತೆ ಮತ್ತು ಅನುಕೂಲತೆಯೊಂದಿಗೆ ತೆರಿಗೆದಾರರಿಗೆ ಅಧಿಕಾರ ನೀಡಿದೆ. Klive Special Article ಕಳೆದ ದಶಕದಲ್ಲಿ, ಜಾಗತಿಕ ತಾಂತ್ರಿಕ ಕ್ರಾಂತಿಗಳ ಮೇಲೆ ಕೇಂದ್ರೀಕರಿಸಿ, ಆದಾಯ ತೆರಿಗೆ ಇಲಾಖೆ (ITD) ಪ್ರತಿ ತೆರಿಗೆದಾರರ “360-ಡಿಗ್ರಿ ಪ್ರೊಫೈಲ್” ಅನ್ನು ರಚಿಸುವ ಸಮಗ್ರ ದತ್ತಾಂಶ ಭಂಡಾರವನ್ನು ನಿರ್ಮಿಸುವ ಯೋಜನೆಯ ಒಳನೋಟವನ್ನು ಪ್ರಾರಂಭಿಸಿತು. ಈ ದತ್ತಾಂಶ ಗೋದಾಮು ಮತ್ತು ವ್ಯವಹಾರ ಗುಪ್ತಚರ ವೇದಿಕೆಯು ಅನುಸರಣೆಯನ್ನು ಸುಧಾರಿಸಲು ಮತ್ತು ತೆರಿಗೆ ನೆಲೆಯನ್ನು ವಿಸ್ತರಿಸಲು ಇಲಾಖೆಯು ದತ್ತಾಂಶ ವಿಶ್ಲೇಷಣೆಯನ್ನು ಹೇಗೆ ಬಳಸಿಕೊಳ್ಳುತ್ತದೆ ಎಂಬುದರಲ್ಲಿ ಒಂದು ಮಾದರಿ ಬದಲಾವಣೆಯನ್ನು ಪ್ರತಿನಿಧಿಸುತ್ತದೆ. ವಿವಿಧ ಆಂತರಿಕ ಮತ್ತು ಬಾಹ್ಯ ಮೂಲಗಳಿಂದ (GSTN ನಂತಹ ದತ್ತಾಂಶ ವಿನಿಮಯ ಪಾಲುದಾರರು ಸೇರಿದಂತೆ) ಡೇಟಾವನ್ನು ಸಂಯೋಜಿಸುವ ಮೂಲಕ, ಇಲಾಖೆಯು ಸಂಭಾವ್ಯ ತೆರಿಗೆ ವಂಚನೆಯ ಪ್ರಕರಣಗಳನ್ನು ಗುರುತಿಸಲು ಮತ್ತು ತೆರಿಗೆದಾರರಲ್ಲಿ ಸ್ವಯಂಪ್ರೇರಿತ ಅನುಸರಣೆಯನ್ನು ಉತ್ತೇಜಿಸಲು ಸಾಧ್ಯವಾಗಿದೆ.
ಇದಲ್ಲದೆ, 2019 ರಲ್ಲಿ ಪ್ರಾರಂಭಿಸಲಾದ ಮುಖರಹಿತ ಮೌಲ್ಯಮಾಪನ ಯೋಜನೆಯು ಸ್ವಯಂಚಾಲಿತ ಯಾದೃಚ್ಛಿಕ ಹಂಚಿಕೆ ಮತ್ತು ಎಲೆಕ್ಟ್ರಾನಿಕ್ ಸಂವಹನದಂತಹ ವೈಶಿಷ್ಟ್ಯಗಳ ಮೂಲಕ ತೆರಿಗೆದಾರರು (ಮೌಲ್ಯಮಾಪನಕಾರರು) ಮತ್ತು ತೆರಿಗೆ ಅಧಿಕಾರಿ (ಮೌಲ್ಯಮಾಪನ ಅಧಿಕಾರಿ) ನಡುವಿನ ಭೌತಿಕ ಇಂಟರ್ಫೇಸ್ ಅನ್ನು ತೆಗೆದುಹಾಕುವ ಮೂಲಕ ಪಾರದರ್ಶಕತೆ, ದಕ್ಷತೆ ಮತ್ತು ಹೊಣೆಗಾರಿಕೆಯನ್ನು ಹೆಚ್ಚಿಸುವ ಗುರಿಯನ್ನು ಹೊಂದಿದೆ .ಆದಾಯ ತೆರಿಗೆ ವೆಬ್‌ಸೈಟ್‌ನ ಅನುಸರಣೆ ಪೋರ್ಟಲ್‌ನಲ್ಲಿ ವಾರ್ಷಿಕ ಮಾಹಿತಿ ಹೇಳಿಕೆ (AIS) ಅನ್ನು ನವೆಂಬರ್ 2021 ರಂದು ಅಳವಡಿಸಲಾಯಿತು, ಇದು ಮೂಲದಲ್ಲಿ ಕಡಿತಗೊಳಿಸಲಾದ ತೆರಿಗೆ (TDS), ಮೂಲದಲ್ಲಿ ಸಂಗ್ರಹಿಸಲಾದ ತೆರಿಗೆ (TCS), ಷೇರು ಮಾರುಕಟ್ಟೆ ವಹಿವಾಟುಗಳು, ಮ್ಯೂಚುಯಲ್ ಫಂಡ್ ಹೂಡಿಕೆಗಳು ಮತ್ತು ಇತರ ಸಂಬಂಧಿತ ಹಣಕಾಸು ಡೇಟಾಗೆ ಸಂಬಂಧಿಸಿದ ದಾಖಲೆಗಳನ್ನು ಒಳಗೊಂಡಂತೆ ಹಣಕಾಸು ವರ್ಷದುದ್ದಕ್ಕೂ ತೆರಿಗೆದಾರರ ಹಣಕಾಸು ಚಟುವಟಿಕೆಗಳನ್ನು ಒದಗಿಸುತ್ತದೆ. ಅನುಕೂಲತೆ ಮತ್ತು ಪಾರದರ್ಶಕತೆಯ ಮೇಲೆ ಕೇಂದ್ರೀಕರಿಸುವ ತನ್ನ ಒಳನುಗ್ಗದ ವೈಶಿಷ್ಟ್ಯದೊಂದಿಗೆ ವಾರ್ಷಿಕ ಮಾಹಿತಿ ವ್ಯವಸ್ಥೆ (AIS) ತೆರಿಗೆ ಆಡಳಿತವನ್ನು ಕ್ರಾಂತಿಗೊಳಿಸಿದೆ. ಇಲಾಖೆಯಲ್ಲಿ ಲಭ್ಯವಿರುವ ತೆರಿಗೆದಾರರಿಗೆ ಮಾಹಿತಿಯ ಸಮಗ್ರ ನೋಟವನ್ನು ವೇದಿಕೆ ಒದಗಿಸುತ್ತದೆ. ಬ್ಯಾಂಕುಗಳು, ಹಣಕಾಸು ಸಂಸ್ಥೆಗಳು, ಆಸ್ತಿ ನೋಂದಣಿಗಳು ಮತ್ತು ದಲ್ಲಾಳಿಗಳಂತಹ ಪರಿಶೀಲಿಸಿದ ಮೂರನೇ ವ್ಯಕ್ತಿಗಳಿಂದ ಡೇಟಾವನ್ನು ಬಳಸಿಕೊಳ್ಳುವ ಮೂಲಕ, AIS ತೆರಿಗೆ ರಿಟರ್ನ್‌ಗಳನ್ನು ಮೊದಲೇ ಭರ್ತಿ ಮಾಡುತ್ತದೆ, ಇದು ತೆರಿಗೆ ಪಾವತಿದಾರರು ತಮ್ಮ ರಿಟರ್ನ್‌ಗಳನ್ನು ಸಲ್ಲಿಸುವಲ್ಲಿ ಸುಗಮಗೊಳಿಸುತ್ತದೆ ಮತ್ತು ಅವರ ಸಮಯವನ್ನು ಉಳಿಸುತ್ತದೆ ಮತ್ತು ದೋಷಗಳನ್ನು ಕಡಿಮೆ ಮಾಡುತ್ತದೆ. ಘೋಷಿತ ಆದಾಯ ಮತ್ತು ಮೂರನೇ ವ್ಯಕ್ತಿಯ ಡೇಟಾದ ನಡುವಿನ ವ್ಯತ್ಯಾಸಗಳು ಸಮನ್ವಯವನ್ನು ಪ್ರೇರೇಪಿಸುವುದರಿಂದ ಈ ಮೊದಲೇ ಭರ್ತಿ ಮಾಡಿದ ಮಾಹಿತಿಯು ಸ್ವಯಂ-ಅನುಸರಣೆಯನ್ನು ಬೆಳೆಸುತ್ತದೆ. ಈ ಪಾರದರ್ಶಕತೆಯು ಆದಾಯವನ್ನು ಸಂಪೂರ್ಣವಾಗಿ ಮತ್ತು ನಿಖರವಾಗಿ ಘೋಷಿಸಲು ಸೌಮ್ಯವಾದ ಪ್ರಚೋದನೆಯಾಗಿಯೂ ಕಾರ್ಯನಿರ್ವಹಿಸುತ್ತದೆ.
ವಾರ್ಷಿಕ ಮಾಹಿತಿ ಹೇಳಿಕೆ (AIS) ಮತ್ತು ತೆರಿಗೆದಾರರ ಮಾಹಿತಿ ಸಾರಾಂಶಗಳು (TIS) ಮೂಲಕ ಸುಗಮಗೊಳಿಸಲಾದ ಪೂರ್ವ-ಭರ್ತಿ ಮಾಡಿದ ರಿಟರ್ನ್‌ಗಳ ಪರಿಚಯವು ತೆರಿಗೆದಾರರು ರಿಟರ್ನ್‌ಗಳನ್ನು ಸಲ್ಲಿಸಲು ಅನುಕೂಲವಾಗುತ್ತದೆ, ದೋಷಗಳನ್ನು ಗಮನಾರ್ಹವಾಗಿ ಕಡಿಮೆ ಮಾಡುತ್ತದೆ ಮತ್ತು ಅವರ ಸಮಯವನ್ನು ಉಳಿಸುತ್ತದೆ. ದತ್ತಾಂಶ ವಿಶ್ಲೇಷಣಾತ್ಮಕ ಮಾದರಿಗಳು ರಿಟರ್ನ್‌ಗಳನ್ನು ನಕಲು ಮಾಡುವುದನ್ನು, ಅಡ್ಡ-ಪರಿಶೀಲಿಸುವುದನ್ನು ಮತ್ತು ಪೂರ್ವ-ಜನಸಂಖ್ಯೆಗೊಳಿಸುವುದನ್ನು ಸುಲಭಗೊಳಿಸುತ್ತದೆ. ತೆರಿಗೆದಾರರು AIS ಮೂಲಕ ತಮ್ಮ ಹಣಕಾಸಿನ ಡೇಟಾವನ್ನು ವೀಕ್ಷಿಸಬಹುದು, ಪರಿಶೀಲಿಸಬಹುದು ಮತ್ತು ಪ್ರತಿಕ್ರಿಯೆ ಅಥವಾ ತಿದ್ದುಪಡಿಗಳನ್ನು ಒದಗಿಸಬಹುದು, ನಿಖರತೆಯನ್ನು ಸುಧಾರಿಸಬಹುದು ಮತ್ತು ಸ್ವಯಂಪ್ರೇರಿತ ಅನುಸರಣೆಯನ್ನು ಸಕ್ರಿಯಗೊಳಿಸಬಹುದು. ಇದಲ್ಲದೆ ಇ-ಪರಿಶೀಲನಾ ಯೋಜನೆಯು ಹೊಂದಾಣಿಕೆಗಳನ್ನು ಪರಿಹರಿಸಲು ಸಂಪೂರ್ಣವಾಗಿ ಡಿಜಿಟಲ್ ಕಾರ್ಯವಿಧಾನವನ್ನು ನೀಡುತ್ತದೆ, ತೆರಿಗೆದಾರರು ಎಲೆಕ್ಟ್ರಾನಿಕ್ ಆಗಿ ಪ್ರತಿಕ್ರಿಯಿಸಲು ಮತ್ತು ಭೌತಿಕ ಸಂವಹನಗಳನ್ನು ತೆಗೆದುಹಾಕಲು ಅನುವು ಮಾಡಿಕೊಡುತ್ತದೆ.
ಆದಾಯ ತೆರಿಗೆ ಇಲಾಖೆಯು ‘ಮೊದಲು ನಂಬಿ ನಂತರ ಪರಿಶೀಲಿಸಿ’ ಎಂಬ ತತ್ವವನ್ನು ಅಳವಡಿಸಿಕೊಂಡಿದೆ. ಈ ತತ್ತ್ವಶಾಸ್ತ್ರದ ಅಡಿಯಲ್ಲಿ ನಡ್ಜ್ ಸಿದ್ಧಾಂತವು ಹೆಚ್ಚು ಮುಖ್ಯ ಮತ್ತು ಪರಿಣಾಮಕಾರಿಯಾಗುತ್ತದೆ. ತೆರಿಗೆದಾರರು ಇಲಾಖೆಗೆ ಸಲ್ಲಿಸಿದ ರಿಟರ್ನ್‌ಗಳಲ್ಲಿರುವ ದತ್ತಾಂಶದ ಜೊತೆಗೆ ಆದಾಯ ತೆರಿಗೆ ಇಲಾಖೆಯು ಹಣಕಾಸಿನ ದತ್ತಾಂಶವನ್ನು ಪಡೆಯುತ್ತದೆ, ಇದನ್ನು ತಳಮಟ್ಟದ ಗುಪ್ತಚರ, ಶೋಧ ಮತ್ತು ವಶಪಡಿಸಿಕೊಳ್ಳುವ ಕ್ರಮಗಳ ಸಂಶೋಧನೆಗಳು, ದತ್ತಾಂಶ ವಿಶ್ಲೇಷಣೆಯ ಸಹಾಯದಿಂದ ಗುರುತಿಸಬೇಕಾದ ಮಾದರಿಗಳೊಂದಿಗೆ ಬಳಸಿಕೊಂಡು ತೆರಿಗೆ ವಂಚನೆ ಮಾದರಿಗಳನ್ನು ಅಥವಾ ಕಾಯ್ದೆಯ ನಿಬಂಧನೆಗಳ ದುರುಪಯೋಗವನ್ನು ಗುರುತಿಸಲು ಬಳಸಬಹುದು. ಹೆಚ್ಚಿನ ತೆರಿಗೆದಾರರು ಅಂತರ್ಗತವಾಗಿ ಪ್ರಾಮಾಣಿಕರಾಗಿದ್ದಾರೆ ಮತ್ತು ಅವರ ಪ್ರಾಮಾಣಿಕತೆ ಮತ್ತು ಪರಿಶೀಲನೆಗಾಗಿ ಅಥವಾ ಯಾವುದೇ ಆಕ್ರಮಣಕಾರಿ ಕ್ರಮಕ್ಕಾಗಿ ಅವರಿಗೆ ಪ್ರತಿಫಲ ನೀಡಬೇಕು, ಕೊನೆಯ ಉಪಾಯವಾಗಿ ಮಾತ್ರ ಕೈಗೊಳ್ಳಬೇಕು.
ಹಣಕಾಸು ಕಾಯ್ದೆ, 2022 ರಲ್ಲಿ ಸೇರಿಸಲಾದ ಸೆಕ್ಷನ್ 139(8A) ತೆರಿಗೆದಾರರು ಸಂಬಂಧಿತ ಮೌಲ್ಯಮಾಪನ ವರ್ಷದ ಅಂತ್ಯದಿಂದ ಏಪ್ರಿಲ್ 1, 2022 ರಿಂದ 24 ತಿಂಗಳೊಳಗೆ ನವೀಕರಿಸಿದ ಐಟಿ ರಿಟರ್ನ್ ಅನ್ನು ಸಲ್ಲಿಸಲು ಅನುಮತಿಸುತ್ತದೆ. ನವೀಕರಿಸಿದ ರಿಟರ್ನ್ ಅನ್ನು ಸಲ್ಲಿಸುವ ಸಮಯ ಮಿತಿಯನ್ನು ಸಂಬಂಧಿತ ಮೌಲ್ಯಮಾಪನ ವರ್ಷದ ಅಂತ್ಯದಿಂದ 24 ತಿಂಗಳುಗಳಿಂದ 48 ತಿಂಗಳುಗಳಿಗೆ ವಿಸ್ತರಿಸಲು ಹಣಕಾಸು ಕಾಯ್ದೆ, 2025 ರಲ್ಲಿ ಈ ನಿಬಂಧನೆಯನ್ನು ತಿದ್ದುಪಡಿ ಮಾಡಲಾಗಿದೆ. ಈ ತಿದ್ದುಪಡಿಯು ತೆರಿಗೆದಾರರಿಗೆ ಮೂಲತಃ ಸಲ್ಲಿಸಿದ ತಪ್ಪುಗಳನ್ನು ಸರಿಪಡಿಸಲು ಅವಕಾಶವನ್ನು ಒದಗಿಸುತ್ತದೆ. ಐಟಿ ಮೌಲ್ಯಮಾಪನ ಮತ್ತು ದಂಡದ ಪ್ರಕ್ರಿಯೆಗಳನ್ನು ಎರಡಕ್ಕೂ ಸಾಮಾನ್ಯ ಆದೇಶದ ಮೂಲಕ ಸಂಯೋಜಿಸಲು ಪ್ರಸ್ತಾಪಿಸಲಾಗಿದೆ. ಮರುಮೌಲ್ಯಮಾಪನ ಪ್ರಕ್ರಿಯೆಗಳನ್ನು ಪ್ರಾರಂಭಿಸಿದ ನಂತರವೂ ತೆರಿಗೆದಾರರು ತಮ್ಮ ರಿಟರ್ನ್‌ಗಳನ್ನು ನವೀಕರಿಸಲು ಅವಕಾಶವಿದೆ ಹೆಚ್ಚುವರಿ ತೆರಿಗೆ ಪಾವತಿಯೊಂದಿಗೆ ಆದರೆ ಯಾವುದೇ ದಂಡದ ಹೊಣೆಗಾರಿಕೆಯಿಲ್ಲದೆ ರಿಟರ್ನ್ಸ್. ಡಿಜಿಟಲ್ ಮೂಲಸೌಕರ್ಯದ ಬಳಕೆಯೊಂದಿಗೆ ಇಲಾಖೆಯು ತಮ್ಮ ರಿಟರ್ನ್ಸ್‌ಗಳಲ್ಲಿ ಕಡಿತಗಳು ಮತ್ತು ವಿನಾಯಿತಿಗಳ ಬಗ್ಗೆ ತಪ್ಪು ಹಕ್ಕುಗಳನ್ನು ಮಾಡಿರುವ ಶಂಕಿತ ತೆರಿಗೆದಾರರನ್ನು ತಳ್ಳುತ್ತದೆ ಮತ್ತು ಅವರ ರಿಟರ್ನ್‌ಗಳನ್ನು ನವೀಕರಿಸಲು ಮತ್ತು ಸರಿಯಾದ ತೆರಿಗೆ ಮೊತ್ತವನ್ನು ಪಾವತಿಸಲು ಪ್ರೋತ್ಸಾಹಿಸುತ್ತದೆ. 2025-26 ರ ಕೇಂದ್ರ ಬಜೆಟ್‌ನಲ್ಲಿ ತೆರಿಗೆ ಪಾವತಿದಾರರಿಗೆ ಹಲವಾರು ಪರಿಹಾರ ಕ್ರಮಗಳನ್ನು ಒದಗಿಸಲಾಗಿದೆ, ಇದು ಸರ್ಕಾರದ ಬೆಳವಣಿಗೆ ಆಧಾರಿತ ವಿಧಾನವನ್ನು ಪುನರುಚ್ಚರಿಸುತ್ತದೆ. ಹೊಸ ತೆರಿಗೆ ರಚನೆಯು ಹೊಸ ಆಡಳಿತದ ಪ್ರಕಾರ ರೂ. 12 ಲಕ್ಷದವರೆಗಿನ ಆದಾಯದವರೆಗೆ ಯಾವುದೇ ಆದಾಯ ತೆರಿಗೆಯನ್ನು ಒದಗಿಸುವುದಿಲ್ಲ. ಸಂಬಳ ಪಡೆಯುವ ತೆರಿಗೆ ಪಾವತಿದಾರರು ರೂ. 75,000 ಪ್ರಮಾಣಿತ ಕಡಿತದ ಪ್ರಯೋಜನವನ್ನು ಪಡೆದ ನಂತರ ರೂ. 12.75 ಲಕ್ಷ ಮೀರದ ಆದಾಯಕ್ಕೆ ಶೂನ್ಯ ತೆರಿಗೆಯನ್ನು ಪಾವತಿಸುತ್ತಾರೆ . ಸ್ಲ್ಯಾಬ್ ದರದಲ್ಲಿನ ಕಡಿತವು ಯಾವುದೇ ತೆರಿಗೆ ಹೊಣೆಗಾರಿಕೆಯನ್ನು ಹೊಂದಿರುವುದಿಲ್ಲ. ಈ ಉಪಕ್ರಮವು ಮನೆಯ ಬಳಕೆ, ಖರ್ಚು ಮತ್ತು ಹೂಡಿಕೆಗಳನ್ನು ವಿಶೇಷವಾಗಿ ಮಧ್ಯಮ ವರ್ಗದವರಿಗೆ ಹೆಚ್ಚಿಸುತ್ತದೆ.ತೆರಿಗೆ ರಿಯಾಯಿತಿಯನ್ನು ಈ ಕೆಳಗಿನ ಪ್ರಯೋಜನಗಳೊಂದಿಗೆ ಸಂಯೋಜಿಸಲಾಗಿದೆ: ತೆರಿಗೆ ಸಂಗ್ರಹವನ್ನು ಹೆಚ್ಚಿಸಲು ಮತ್ತು ತೆರಿಗೆ ವಂಚನೆಯನ್ನು ನಿಗ್ರಹಿಸಲು, ತೆರಿಗೆ ಅನುಸರಣೆಯನ್ನು ಬೆಳೆಸಲು ಕೇಂದ್ರ ಸರ್ಕಾರವು ವಿವಿಧ ಉಪಕ್ರಮಗಳನ್ನು ಕೈಗೊಂಡಿದೆ. ಟಿಡಿಎಸ್/ಟಿಸಿಎಸ್‌ನ ತರ್ಕಬದ್ಧಗೊಳಿಸುವಿಕೆ, ಸ್ವಯಂಪ್ರೇರಿತ ಅನುಸರಣೆಯನ್ನು ಉತ್ತೇಜಿಸುವುದು,ಅನುಸರಣೆಯನ್ನು ಸರಳಗೊಳಿಸುವುದು ಆದಾಯ ತೆರಿಗೆ ಮಸೂದೆ, 2025, ಅಸ್ತಿತ್ವದಲ್ಲಿರುವ ಆದಾಯ ತೆರಿಗೆ ಕಾಯ್ದೆ, 1961 ಅನ್ನು ಬದಲಿಸಲು ಪ್ರಯತ್ನಿಸುತ್ತದೆ, ಇದು ವರ್ಷಗಳಲ್ಲಿ ಹಲವಾರು ತಿದ್ದುಪಡಿಗಳನ್ನು ಕಂಡಿದೆ. ಇದು ಅಸ್ತಿತ್ವದಲ್ಲಿರುವ ಕಾಯ್ದೆಯ ಮೂಲ ತೆರಿಗೆ ನಿಬಂಧನೆಗಳನ್ನು ಉಳಿಸಿಕೊಂಡಿದೆ ಮತ್ತು ಪ್ರಾಥಮಿಕವಾಗಿ ಭಾಷೆಯನ್ನು ಸರಳೀಕರಿಸುವ ಮತ್ತು ಅನಗತ್ಯ ನಿಬಂಧನೆಗಳನ್ನು ತೆಗೆದುಹಾಕುವ ಗುರಿಯನ್ನು ಹೊಂದಿದೆ. ಇದು ಸ್ಪಷ್ಟತೆಯನ್ನು ಹೆಚ್ಚಿಸುವ ಮೂಲಕ ವಿಕ್ಷಿತ್ ಭಾರತ್ ಕಡೆಗೆ ಒಂದು ಪ್ರಮುಖ ಹೆಜ್ಜೆಯನ್ನು ಗುರುತಿಸುತ್ತದೆ, ಇದು ಅರ್ಥಮಾಡಿಕೊಳ್ಳಲು ಸುಲಭವಾಗುತ್ತದೆ ಮತ್ತು ಅಸ್ಪಷ್ಟತೆಗಳನ್ನು ತೆಗೆದುಹಾಕುತ್ತದೆ.
ಭಾರತದ ಆದಾಯ ತೆರಿಗೆ ಆಡಳಿತವು ವರ್ಷಗಳಲ್ಲಿ ಹಲವಾರು ಮಹತ್ವದ ಸುಧಾರಣೆಗಳಿಗೆ ಒಳಗಾಗಿದೆ. ಕೆಲವು ಪ್ರಮುಖ ಉಪಕ್ರಮಗಳು:
ರಿಟರ್ನ್ ಫೈಲಿಂಗ್ ಅನ್ನು ಸರಳಗೊಳಿಸಲು ಮೊದಲೇ ಭರ್ತಿ ಮಾಡಿದ ಆದಾಯ ತೆರಿಗೆ ರಿಟರ್ನ್ (ಐಟಿಆರ್) ಫಾರ್ಮ್‌ಗಳು
ಸಮಗ್ರ ಹಣಕಾಸು ವರದಿಗಾಗಿ ವಾರ್ಷಿಕ ಮಾಹಿತಿ ಹೇಳಿಕೆ (AIS).
ಪಾರದರ್ಶಕತೆಯನ್ನು ಸುಧಾರಿಸಲು ಮತ್ತು ದೈಹಿಕ ಸಂವಹನವನ್ನು ಕಡಿಮೆ ಮಾಡಲು ಮುಖರಹಿತ ಮೌಲ್ಯಮಾಪನಗಳು ಮತ್ತು ಮನವಿಗಳು.
ಆನ್‌ಲೈನ್ ಪರಿಶೀಲನೆ ಮತ್ತು ವೇಗವಾದ ಮರುಪಾವತಿ ಪ್ರಕ್ರಿಯೆ
ತೆರಿಗೆದಾರರ ಹಕ್ಕುಗಳನ್ನು ಬಲಪಡಿಸಲು ತೆರಿಗೆದಾರರ ಚಾರ್ಟರ್
ಆದಾಯ ತೆರಿಗೆ ಇಲಾಖೆಯ ಇ-ಫೈಲಿಂಗ್ ಪೋರ್ಟಲ್ ಮೂಲಕ ಡಿಜಿಟಲ್ ಸೇವೆಗಳ ವಿಸ್ತರಣೆ.
ಈ ಉಪಕ್ರಮಗಳು ತೆರಿಗೆ ಅನುಸರಣೆಯನ್ನು ಹೆಚ್ಚು ಅನುಕೂಲಕರವಾಗಿಸಲು ಮತ್ತು ಪಾರದರ್ಶಕತೆ ಮತ್ತು ದಕ್ಷತೆಯನ್ನು ಸುಧಾರಿಸಲು ಸಹಾಯ ಮಾಡಿವೆ.
ಭಾರತದ ತೆರಿಗೆ ಆಡಳಿತವು ಕೈಪಿಡಿ, ಕಾಗದ ಆಧಾರಿತ ವ್ಯವಸ್ಥೆಯಿಂದ ಆಧುನಿಕ ಡಿಜಿಟಲ್ ಪರಿಸರ ವ್ಯವಸ್ಥೆಯಾಗಿ ರೂಪಾಂತರಗೊಂಡಿದೆ. ಇಂದು, ತೆರಿಗೆದಾರರು ಆನ್‌ಲೈನ್‌ನಲ್ಲಿ ರಿಟರ್ನ್ಸ್ ಸಲ್ಲಿಸಬಹುದು, ಇ-ಪರಿಶೀಲನೆಯನ್ನು ಪೂರ್ಣಗೊಳಿಸಬಹುದು, ಮರುಪಾವತಿಗಳನ್ನು ಟ್ರ್ಯಾಕ್ ಮಾಡಬಹುದು ಮತ್ತು ಆದಾಯ ತೆರಿಗೆ ಇಲಾಖೆಯ ಇ-ಫೈಲಿಂಗ್ ಪೋರ್ಟಲ್ ಮೂಲಕ ತೆರಿಗೆಗೆ ಸಂಬಂಧಿಸಿದ ಸೇವೆಗಳನ್ನು ಪ್ರವೇಶಿಸಬಹುದು.
ತಂತ್ರಜ್ಞಾನ ಆಧಾರಿತ ಸುಧಾರಣೆಗಳು ಮತ್ತು ಅನುಸರಣೆಯನ್ನು ಸುಲಭಗೊಳಿಸುವ ಗುರಿಯನ್ನು ಹೊಂದಿರುವ ಕ್ರಮಗಳ ಮೂಲಕ ತೆರಿಗೆ ಆಡಳಿತವನ್ನು ಸರಳಗೊಳಿಸುವತ್ತ ಸರ್ಕಾರ ಗಮನಹರಿಸಿದೆ. ಪ್ರಸ್ತಾವಿತ ಆದಾಯ ತೆರಿಗೆ ಮಸೂದೆಯು ಭಾರತದ ನೇರ ತೆರಿಗೆ ವ್ಯವಸ್ಥೆಯ ವಿಶಾಲ ಚೌಕಟ್ಟನ್ನು ಉಳಿಸಿಕೊಂಡು ಅಸ್ತಿತ್ವದಲ್ಲಿರುವ ಆದಾಯ ತೆರಿಗೆ ಕಾಯ್ದೆ, 1961 ರ ಭಾಷೆ ಮತ್ತು ರಚನೆಯನ್ನು ಸರಳಗೊಳಿಸುವ ಉದ್ದೇಶವನ್ನು ಹೊಂದಿದೆ. ಡಿಜಿಟಲ್ ಸೇವೆಗಳು ವಿಸ್ತರಿಸುತ್ತಲೇ ಇರುವುದರಿಂದ, ಭಾರತದ ತೆರಿಗೆ ಆಡಳಿತವು ಹೆಚ್ಚು ಪರಿಣಾಮಕಾರಿ, ಪಾರದರ್ಶಕ ಮತ್ತು ತೆರಿಗೆದಾರರ ಕೇಂದ್ರಿತವಾಗುವ ನಿರೀಕ್ಷೆಯಿದೆ.
2000-01 ಮತ್ತು 2023-24 ರ ನಡುವೆ, ಕಾರ್ಪೊರೇಷನ್ ತೆರಿಗೆ ವಾರ್ಷಿಕ 15% ದರದಲ್ಲಿ ಮತ್ತು ವೈಯಕ್ತಿಕ ಆದಾಯ ತೆರಿಗೆ ವಾರ್ಷಿಕ 16% ದರದಲ್ಲಿ ಬೆಳೆದಿದೆ. ಈ ಅವಧಿಯಲ್ಲಿ ಒಟ್ಟು ನೇರ ತೆರಿಗೆಗೆ ಆದಾಯ ತೆರಿಗೆಯ ಕೊಡುಗೆ ಹೆಚ್ಚಾಗಿದೆ. 2023-24 ರಲ್ಲಿ, ಇದು ಒಟ್ಟು ನೇರ ತೆರಿಗೆಗಳಲ್ಲಿ 53% ರಷ್ಟಿತ್ತು, ಇದು 2000-01 ರಲ್ಲಿ 47% ರಷ್ಟಿತ್ತು.
2013-14 ಮತ್ತು 2023-24 ರ ನಡುವೆ, ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಸುವ ವ್ಯಕ್ತಿಗಳ ಸಂಖ್ಯೆ 10% ವಾರ್ಷಿಕ ದರದಲ್ಲಿ ಬೆಳೆದಿದೆ. 2013-14 ರಲ್ಲಿ ಜನಸಂಖ್ಯೆಯ ಸುಮಾರು 2% ರಷ್ಟಿದ್ದ ಅವರ ಪಾಲು 2023-24 ರಲ್ಲಿ ಸುಮಾರು 6% ಕ್ಕೆ ಏರಿದೆ. ಆದಾಗ್ಯೂ, ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಸುವ ಹೆಚ್ಚಿನ ವ್ಯಕ್ತಿಗಳು ಯಾವುದೇ ತೆರಿಗೆಗಳನ್ನು ಪರಿಣಾಮಕಾರಿಯಾಗಿ ಪಾವತಿಸುವುದಿಲ್ಲ. ಕಳೆದ 5 ವರ್ಷಗಳಲ್ಲಿ ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಸಿದವರ ಸಂಖ್ಯೆ ಶೇ. 36 ರಷ್ಟು ಏರಿಕೆಯಾಗಿದ್ದು, 2020-21 ರ ಹಣಕಾಸು ವರ್ಷದಲ್ಲಿ 6.72 ಕೋಟಿಗಳಿಗೆ ಹೋಲಿಸಿದರೆ 2024-25 ರ ಹಣಕಾಸು ವರ್ಷದಲ್ಲಿ ಸುಮಾರು 9.19 ಕೋಟಿ ಐಟಿಆರ್‌ಗಳು (ನವೀಕರಿಸಿದ ರಿಟರ್ನ್‌ಗಳು ಸೇರಿದಂತೆ) ಸಲ್ಲಿಕೆಯಾಗಿವೆ. ಈ ಸ್ಥಿರ ಬೆಳವಣಿಗೆಯು ವಿಸ್ತರಿಸುತ್ತಿರುವ ತೆರಿಗೆ ಪಾವತಿದಾರರ ನೆಲೆ ಮತ್ತು ಸ್ವಯಂಪ್ರೇರಿತ ಅನುಸರಣೆಯನ್ನು ಪ್ರತಿಬಿಂಬಿಸುತ್ತದೆ. 2020-21ನೇ ಹಣಕಾಸು ವರ್ಷದಲ್ಲಿ, ಕೋವಿಡ್ ಸಾಂಕ್ರಾಮಿಕ ರೋಗದಿಂದ ಪ್ರಭಾವಿತವಾಗಿದ್ದರೂ, ಒಟ್ಟು ಒಟ್ಟು ನೇರ ತೆರಿಗೆ ಸಂಗ್ರಹವು 12.31 ಲಕ್ಷ ಕೋಟಿ ರೂ.ಗಳಾಗಿದ್ದು, 2024-25ನೇ ಹಣಕಾಸು ವರ್ಷದ ವೇಳೆಗೆ, ಒಟ್ಟು ನೇರ ತೆರಿಗೆ ಸಂಗ್ರಹವು ಗಮನಾರ್ಹ ಅಂಕಿಅಂಶಗಳಾದ 27.02 ಲಕ್ಷ ಕೋಟಿ ರೂ.ಗಳಿಗೆ ಏರಿತು ಈ ಗಮನಾರ್ಹ ಏರಿಕೆಯು ಸುಧಾರಿತ ತೆರಿಗೆದಾರರ ಅನುಸರಣೆ ಮತ್ತು ತೆರಿಗೆ ನೆಲೆಯನ್ನು ವಿಸ್ತರಿಸಲು ಸರ್ಕಾರದ ಕ್ರಮಗಳೊಂದಿಗೆ ಭಾರತೀಯ ಆರ್ಥಿಕತೆಯ ಬಲವನ್ನು ಪ್ರತಿಬಿಂಬಿಸುತ್ತದೆ. 2022-23 ರ ಹಣಕಾಸು ವರ್ಷಕ್ಕೆ ರಿಟರ್ನ್ಸ್ ಸಲ್ಲಿಸಿದ 7.5 ಕೋಟಿ ವ್ಯಕ್ತಿಗಳಲ್ಲಿ, 63% (4.7 ಕೋಟಿ) ಜನರು ಶೂನ್ಯ ತೆರಿಗೆ ಹೊಣೆಗಾರಿಕೆಯನ್ನು ಹೊಂದಿದ್ದರು. 2019 ರಲ್ಲಿ, ಅಸ್ತಿತ್ವದಲ್ಲಿರುವ ಕಂಪನಿಗಳಿಗೆ ಮೂಲ ತೆರಿಗೆ ದರವನ್ನು 30% ರಿಂದ 25% ಕ್ಕೆ ಇಳಿಸಲಾಯಿತು. ಕಂಪನಿಗಳು ವಿನಾಯಿತಿಗಳನ್ನು ಪಡೆಯಬಹುದು ಮತ್ತು ಸರ್‌ಚಾರ್ಜ್‌ಗಳನ್ನು ಪಾವತಿಸಬಹುದು.2014-15 ಮತ್ತು 2024-25ರ ನಡುವೆ, ಸೆಸ್‌ಗಳು ಮತ್ತು ಸರ್‌ಚಾರ್ಜ್‌ಗಳಿಂದ ಬರುವ ಆದಾಯದ ಪ್ರಮಾಣವು ನೇರ ತೆರಿಗೆ ಆದಾಯದ 7% ರಿಂದ 10% ಕ್ಕೆ ಏರಿದೆ. ಈ ಸೆಸ್‌ಗಳು ಮತ್ತು ಸರ್‌ಚಾರ್ಜ್‌ಗಳಿಂದ ಬರುವ ಆದಾಯವು ಕೇಂದ್ರವು ರಾಜ್ಯಗಳೊಂದಿಗೆ ಹಂಚಿಕೊಳ್ಳುವ ಆದಾಯದ ಭಾಗಿಸಬಹುದಾದ ಗುಂಪಿನ ಅಡಿಯಲ್ಲಿ ಬರುವುದಿಲ್ಲ. ಆದ್ದರಿಂದ, ಕೇಂದ್ರವು ಒಟ್ಟು ನೇರ ತೆರಿಗೆ ಆದಾಯದ ಹೆಚ್ಚಿನ ಪ್ರಮಾಣವನ್ನು ಉಳಿಸಿಕೊಂಡಿದೆ. ತೆರಿಗೆದಾರರು ತಮ್ಮ ವಿದೇಶಿ ಆಸ್ತಿ ಮತ್ತು ಆದಾಯದ ಬಗ್ಗೆ ವಿದೇಶಗಳಿಂದ ತೆರಿಗೆ ಇಲಾಖೆಗೆ ಬಂದಿರುವ ಮಾಹಿತಿಯನ್ನು ನೋಡಲು ಕೇಂದ್ರೀಯ ನೇರ ತೆರಿಗೆ ಮಂಡಳಿ (ಸಿಬಿಡಿಟಿ) ಶೀಘ್ರದಲ್ಲೇ ಅವಕಾಶ ನೀಡಲಿದೆ ಎಂದು ಸಿಬಿಡಿಟಿ ಮೂಲಗಳು ತಿಳಿಸಿವೆ. ಭಾರತವು ಸ್ವಯಂಚಾಲಿತ ಮಾಹಿತಿ ವಿನಿಮಯ (AEOI) ಚೌಕಟ್ಟಿನಡಿಯಲ್ಲಿ 100 ಕ್ಕೂ ಹೆಚ್ಚು ದೇಶಗಳಿಂದ ಮಾಹಿತಿಯನ್ನು ಪಡೆಯುತ್ತದೆ. ಈ ಮಾಹಿತಿಯು ವಿದೇಶಿ ಬ್ಯಾಂಕ್ ಖಾತೆಗಳು, ಕಸ್ಟೋಡಿಯಲ್ ಖಾತೆಗಳು, ಕೆಲವು ಹಣಕಾಸು ಹೂಡಿಕೆಗಳು, ಬಡ್ಡಿ, ಲಾಭಾಂಶಗಳು ಮತ್ತು ಇತರ ನಿರ್ದಿಷ್ಟ ಹಣಕಾಸು ಆದಾಯಕ್ಕೆ ಸಂಬಂಧಿಸಿದ ವಿವರಗಳನ್ನು ಒಳಗೊಂಡಿರಬಹುದು. ತೆರಿಗೆದಾರರ ಸೇವೆಗಳನ್ನು ಹೆಚ್ಚಿಸಲು ಮತ್ತು ಸ್ವಯಂಪ್ರೇರಿತ ತೆರಿಗೆ ಅನುಸರಣೆಯನ್ನು ಉತ್ತೇಜಿಸಲು ಈ ಕ್ರಮ ಕೈಗೊಳ್ಳಲಾಗುತ್ತಿದೆ ವಾರ್ಷಿಕ ಮಾಹಿತಿ ಹೇಳಿಕೆ ಒಂದು ನಿರ್ದಿಷ್ಟ ಹಣಕಾಸು ವರ್ಷದ ತೆರಿಗೆದಾರರ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ಒದಗಿಸುವ ಹೇಳಿಕೆಯಾಗಿದೆ. ಇದು ತೆರಿಗೆದಾರರ ಆದಾಯ, ಹಣಕಾಸು ವಹಿವಾಟುಗಳು, ತೆರಿಗೆ ವಿವರಗಳು ಇತ್ಯಾದಿಗಳ ಮಾಹಿತಿಯನ್ನು ಒಳಗೊಂಡಿದೆ. ತೆರಿಗೆದಾರರು ತಮ್ಮ ಆದಾಯ ತೆರಿಗೆ ಇ-ಫೈಲಿಂಗ್ ಖಾತೆಗೆ ಲಾಗಿನ್ ಆಗುವ ಮೂಲಕ AIS ಮಾಹಿತಿಯನ್ನು ಪ್ರವೇಶಿಸಬಹುದು ಮತ್ತು (ಅಗತ್ಯವಿದ್ದರೆ) ತಮ್ಮ ಪ್ರತಿಕ್ರಿಯೆಯನ್ನು ಸಲ್ಲಿಸಬಹುದು ನೇರ ತೆರಿಗೆ ಸಂಗ್ರಹ ಕಾರ್ಪೊರೇಟ್ ಮತ್ತು ವೈಯಕ್ತಿಕ ಆದಾಯ ತೆರಿಗೆಗಳು ಬಲವಾದ ಆರ್ಥಿಕ ಚಟುವಟಿಕೆಯೊಂದಿಗೆ ಹೆಚ್ಚುತ್ತಿವೆ. ಒಟ್ಟು ಆದಾಯ ತೆರಿಗೆ ರಿಟರ್ನ್‌ಗಳು (ಐಟಿಆರ್‌ಗಳು) ಎರಡು ಪಟ್ಟು ಹೆಚ್ಚಾಗಿದೆ, ಇದು 2013-14ನೇ ಹಣಕಾಸು ವರ್ಷದಲ್ಲಿ 3.80 ಕೋಟಿಯಿಂದ ಇತ್ತೀಚಿನ ಮೌಲ್ಯಮಾಪನ ಚಕ್ರಗಳಲ್ಲಿ 8.09 ಕೋಟಿಗೆ ಹೆಚ್ಚಾಗಿದೆ. ಸ್ವಯಂಚಾಲಿತ ಸಂಸ್ಕರಣೆ ಮತ್ತು ಮುಖರಹಿತ ಮೌಲ್ಯಮಾಪನಗಳಿಂದಾಗಿ ಸರ್ಕಾರಕ್ಕೆ ಸಂಗ್ರಹ ವೆಚ್ಚವು ಒಟ್ಟು ಸಂಗ್ರಹದ 0.57% ರಿಂದ ಸುಮಾರು 0.51% ಕ್ಕೆ ಪರಿಣಾಮಕಾರಿಯಾಗಿ ಇಳಿದಿದೆ. ಆದಾಯ ತೆರಿಗೆ ಇಲಾಖೆಯ ಮೂಲಕ ನೇರ ತೆರಿಗೆ ಆಡಳಿತವನ್ನು ದಕ್ಷವಾಗಿ ಖಚಿತಪಡಿಸಿಕೊಳ್ಳುವ ಜವಾಬ್ದಾರಿಯನ್ನು ಕೇಂದ್ರೀಯ ನೇರ ತೆರಿಗೆ ಮಂಡಳಿ (CBDT) ಹೊಂದಿದೆ.ತೆರಿಗೆದಾರರು ತಮ್ಮ ತೆರಿಗೆ ಮೌಲ್ಯಮಾಪನದಿಂದ ತೃಪ್ತರಾಗದಿದ್ದರೆ, ಅವರು ಆದಾಯ ತೆರಿಗೆ ಆಯುಕ್ತರು (ಮೇಲ್ಮನವಿಗಳು) [CIT(A)] ರ ಮುಂದೆ ಮೇಲ್ಮನವಿ ಸಲ್ಲಿಸಬಹುದು . 2020 ರಲ್ಲಿ, ಕೇಂದ್ರೀಯ ನೇರ ತೆರಿಗೆ ಮಂಡಳಿಯು ಈ ಮೇಲ್ಮನವಿಗಳನ್ನು ಆನ್‌ಲೈನ್‌ನಲ್ಲಿ ಸಲ್ಲಿಸಲು ಮತ್ತು ನಿರ್ಣಯಿಸಲು ಮುಖರಹಿತ ಮೇಲ್ಮನವಿ ಯೋಜನೆಯನ್ನು ಪರಿಚಯಿಸಿತು. 2021-22 ರ ಅಂತ್ಯದ ವೇಳೆಗೆ, ಸುಮಾರು ಐದು ಲಕ್ಷ (ವರ್ಷದ ಕೊನೆಯಲ್ಲಿ 87% ಮೇಲ್ಮನವಿಗಳು) CIT(A) ಮುಂದೆ ಬಾಕಿ ಉಳಿದಿದ್ದು, ಅಂತಹ ಪ್ರಕರಣಗಳಲ್ಲಿ ಸುಮಾರು 14 ಲಕ್ಷ ಕೋಟಿ ರೂ.ಗಳು ಬಾಕಿ ಉಳಿದಿವೆ.ಇದಲ್ಲದೆ, ಒಬ್ಬರು ಆದಾಯ ತೆರಿಗೆ ಮೇಲ್ಮನವಿ ನ್ಯಾಯಮಂಡಳಿಯಲ್ಲಿ ಸಿಐಟಿ(ಎ) ಆದೇಶವನ್ನು ಪ್ರಶ್ನಿಸಬಹುದು . ನ್ಯಾಯಮಂಡಳಿಯ ಆದೇಶವನ್ನು ಹೈಕೋರ್ಟ್‌ನಲ್ಲಿ ಪ್ರಶ್ನಿಸಬಹುದು ಮತ್ತು ಹೈಕೋರ್ಟ್ ಆದೇಶವನ್ನು ಸುಪ್ರೀಂ ಕೋರ್ಟ್‌ನಲ್ಲಿ ಪ್ರಶ್ನಿಸಬಹುದು. 2021-22 ರ ಅಂತ್ಯದ ವೇಳೆಗೆ , ಈ ನ್ಯಾಯಮಂಡಳಿಗಳು ಮತ್ತು ನ್ಯಾಯಾಲಯಗಳ ಮುಂದೆ 51,567 ಮೇಲ್ಮನವಿಗಳು ಬಾಕಿ ಉಳಿದಿದ್ದು, ಸುಮಾರು 6.6 ಲಕ್ಷ ಕೋಟಿ ರೂ. ಬಾಕಿ ಉಳಿದಿವೆ . ತೆರಿಗೆದಾರರು ಸ್ವಯಂ ಮೌಲ್ಯಮಾಪನ ಮಾಡಿ ತಮ್ಮ ತೆರಿಗೆಗಳನ್ನು ಪಾವತಿಸಬೇಕೆಂದು ನಿರೀಕ್ಷಿಸಲಾಗಿದೆ. ಪಾವತಿಗಳನ್ನು ಮಾಡುವಾಗ ತೆರಿಗೆಯನ್ನು ಕಡಿತಗೊಳಿಸಲಾಗುತ್ತದೆ (TDS) ಮತ್ತು ಮೂಲದಲ್ಲಿ ಸಂಗ್ರಹಿಸಲಾಗುತ್ತದೆಕೇಂದ್ರ ಬಜೆಟ್ ಪ್ರಕಾರ, 2023-24 ರ ಹೊತ್ತಿಗೆ, ಕಾರ್ಪೊರೇಷನ್ ತೆರಿಗೆಗಳಲ್ಲಿ ಸುಮಾರು 14 ಲಕ್ಷ ಕೋಟಿ ರೂ. ಮತ್ತು ಆದಾಯ ತೆರಿಗೆಗಳಲ್ಲಿ 14.6 ಲಕ್ಷ ಕೋಟಿ ರೂ.ಗಳ ವಸೂಲಾಗದ ಆದಾಯ ಉಳಿದಿದೆ. ಇದು ಮೌಲ್ಯಮಾಪನ ಮಾಡಲಾದ ಆದರೆ ವಿವಾದ ಅಥವಾ ಇತರ ಕಾರಣಗಳಿಂದ ಸಂಗ್ರಹಿಸದ ತೆರಿಗೆಗಳನ್ನು ಸೂಚಿಸುತ್ತದೆ. ಕಾರ್ಪೊರೇಷನ್ ತೆರಿಗೆಗಳಲ್ಲಿ, ವಸೂಲಾಗದ ಆದಾಯದ 58% ವಿವಾದದಲ್ಲಿದೆ, ಆದರೆ ವಸೂಲಾಗದ ಆದಾಯ ತೆರಿಗೆ ಆದಾಯದ 36% ವಿವಾದದಲ್ಲಿದೆ. ವಿವಾದದಲ್ಲಿರುವ ವಸೂಲಾಗದ ನಿಗಮ ಮತ್ತು ಆದಾಯ ತೆರಿಗೆ ಆದಾಯದಲ್ಲಿ, ಸುಮಾರು 20% ಐದು ವರ್ಷಗಳಿಗೂ ಹೆಚ್ಚು ಕಾಲ ವಿವಾದದಲ್ಲಿದೆ. ವಸೂಲಾಗದ ನಿಗಮ ತೆರಿಗೆ ಆದಾಯದ ಸುಮಾರು 54% ಮತ್ತು ವಸೂಲಾಗದ ಆದಾಯ ತೆರಿಗೆ ಆದಾಯದ 48% ಎರಡರಿಂದ ಐದು ವರ್ಷಗಳಿಗೂ ಹೆಚ್ಚು ಕಾಲ ವಿವಾದದಲ್ಲಿದೆ. 2021-22 ರ ಹೊತ್ತಿಗೆ, ಬೇಡಿಕೆಯ ಬಾಕಿ ಮೊತ್ತದ ಸುಮಾರು 97% ಅನ್ನು ವಸೂಲಿ ಮಾಡುವುದು ಕಷ್ಟಕರವೆಂದು ವರ್ಗೀಕರಿಸಲಾಗಿದೆ ಎಂದು CAG ಗಮನಿಸಿದೆ. 2026-27ನೇ ಸಾಲಿನ ಈಗಾಗಲೇ 3 ಕೋಟಿ ಐಟಿಆರ್‌ಗಳನ್ನು ಸಲ್ಲಿಸಲಾಗಿದೆ,
ಬಲಿಷ್ಠ ಮತ್ತು ಎಲ್ಲರನ್ನೂ ಒಳಗೊಂಡ ತೆರಿಗೆ ವ್ಯವಸ್ಥೆಯನ್ನು ನಿರ್ಮಿಸುವ ಭಾರತದ ನಿರಂತರ ಬದ್ಧತೆಗೆ ಆದಾಯ ತೆರಿಗೆ ದಿನವು ಗೌರವವಾಗಿದೆ. 1924 ರಲ್ಲಿ ಕೇಂದ್ರ ಕಂದಾಯ ಮಂಡಳಿಯ ಸ್ಥಾಪನೆಯಿಂದ ಹಿಡಿದು ನಡೆಯುತ್ತಿರುವ ಡಿಜಿಟಲ್ ಆಡಳಿತ ಉಪಕ್ರಮಗಳಿಂದ ಗುರುತಿಸಲ್ಪಟ್ಟ ತಂತ್ರಜ್ಞಾನ-ಮುಂದುವರೆದ ರೂಪಾಂತರದವರೆಗೆ, ಈ ಪ್ರಯಾಣವು ಸುಧಾರಣೆ, ಸ್ಥಿತಿಸ್ಥಾಪಕತ್ವ ಮತ್ತು ಆಧುನೀಕರಣದ ಪರಂಪರೆಯನ್ನು ಪ್ರತಿಬಿಂಬಿಸುತ್ತದೆ. ಈ ದಿನವು ತೆರಿಗೆ ಸಂಗ್ರಹದ ಹಿಂದಿನ ಜನರನ್ನು ಮಾತ್ರವಲ್ಲದೆ ತೆರಿಗೆ ಪಾವತಿದಾರರನ್ನು ಮತ್ತು ಸಾರ್ವಜನಿಕ ಸೇವೆಗಳಿಗೆ ಹಣಕಾಸು ಒದಗಿಸುವಲ್ಲಿ, ಆರ್ಥಿಕ ಪ್ರಗತಿಯನ್ನು ಚಾಲನೆ ಮಾಡುವಲ್ಲಿ ಮತ್ತು ಸಾಮಾಜಿಕ ಸಮಾನತೆಯನ್ನು ಬಲಪಡಿಸುವಲ್ಲಿ ಆದಾಯ ತೆರಿಗೆ ವಹಿಸುವ ಮೂಲಭೂತ ಪಾತ್ರವನ್ನು ಗೌರವಿಸುತ್ತದೆ. ಬಲವಾದ ಮತ್ತು ಸ್ವಾವಲಂಬಿ ಪ್ರಜಾಪ್ರಭುತ್ವಕ್ಕೆ ಪಾರದರ್ಶಕ, ಪರಿಣಾಮಕಾರಿ ಮತ್ತು ನಾಗರಿಕ ಸ್ನೇಹಿ ತೆರಿಗೆ ಪರಿಸರ ವ್ಯವಸ್ಥೆ ಅತ್ಯಗತ್ಯ ಎಂದು ಇದು ನಮಗೆ ನೆನಪಿಸುತ್ತದೆ. ಮುಂದೆ ನೋಡುತ್ತಿರುವಾಗ, ಐತಿಹಾಸಿಕ ಪರಂಪರೆ ಮತ್ತು ಪ್ರಸ್ತುತ ಕ್ರಮಗಳು ಸಮೃದ್ಧಿಯತ್ತ ಸಾಗುವ ಸ್ಥಿರ ಮತ್ತು ಬಲವಾದ ಆರ್ಥಿಕ ರಚನೆಗೆ ಕೊಡುಗೆ ನೀಡುತ್ತವೆ. ಆದಾಯ ತೆರಿಗೆ ದಿನದಂದು, ತೆರಿಗೆದಾರರು ಸತ್ಯವಂತರಾಗಿರಬೇಕು, ಸಮಯಕ್ಕೆ ಸರಿಯಾಗಿ ತೆರಿಗೆ ಪಾವತಿಸಬೇಕು ಮತ್ತು ನಿಗದಿತ ದಿನಾಂಕದೊಳಗೆ ಸಂಪೂರ್ಣ ರಿಟರ್ನ್‌ಗಳನ್ನು ಸಲ್ಲಿಸುವಾಗ ಪ್ಯಾನ್ ಮತ್ತು ಆಧಾರ್‌ನಂತಹ ಕಾನೂನು ಗುರುತಿಸುವಿಕೆಗಳನ್ನು ನಿಖರವಾಗಿ ಉಲ್ಲೇಖಿಸಬೇಕು ಎಂದು ಸರ್ಕಾರ ನಿರೀಕ್ಷಿಸುತ್ತದೆ. ಸತ್ಯಗಳನ್ನು ಮರೆಮಾಡದೆ ಅಥವಾ ತಪ್ಪು ಹಕ್ಕುಗಳನ್ನು ನೀಡದೆ ಸಂಪೂರ್ಣ ಮತ್ತು ಸರಿಯಾದ ಆದಾಯ ವಿವರಗಳನ್ನು ಒದಗಿಸಿ. ಸಕಾಲಿಕ ಅನುಸರಣೆ: ಅಧಿಕೃತ ನಿಗದಿತ ದಿನಾಂಕದೊಳಗೆ ತೆರಿಗೆಗಳು, ಮುಂಗಡ ತೆರಿಗೆ ಕಂತುಗಳನ್ನು ಪಾವತಿಸಿ ಮತ್ತು ರಿಟರ್ನ್‌ಗಳನ್ನು ಸಲ್ಲಿಸಿ. ಪ್ಯಾನ್, ಟ್ಯಾನ್ ಮತ್ತು ಬ್ಯಾಂಕ್ ಖಾತೆ ವಿವರಗಳನ್ನು ಪಡೆದುಕೊಳ್ಳಿ ಮತ್ತು ಸರಿಯಾಗಿ ಉಲ್ಲೇಖಿಸಿ. ರಿಟರ್ನ್‌ಸಲ್ಲಿಸುವ ಮೊದಲು ಫಾರ್ಮ್ 26AS ಮತ್ತು ವಾರ್ಷಿಕ ಮಾಹಿತಿ ಹೇಳಿಕೆ ಬಳಸಿಕೊಂಡು ತೆರಿಗೆ ಕ್ರೆಡಿಟ್ಗಳು, TDS ಮತ್ತು ಹೆಚ್ಚಿನ ಮೌಲ್ಯದ ವಹಿವಾಟುಗಳನ್ನು ಕ್ರಾಸ್-ವೆರಿಫೈ ಮಾಡಿ. ನಿಖರವಾದ ದಾಖಲೆಗಳು: ಪ್ಯಾನ್, ಟ್ಯಾನ್ ಮತ್ತು ಬ್ಯಾಂಕ್ ಖಾತೆ ವಿವರಗಳನ್ನು (MICR/IFSC) ಪಡೆದುಕೊಳ್ಳಿ ಮತ್ತು ಸರಿಯಾಗಿ ಉಲ್ಲೇಖಿಸಿ ಸಲ್ಲಿಸುವ ಮೊದಲು ಫಾರ್ಮ್ 26AS ಮತ್ತು ವಾರ್ಷಿಕ ಮಾಹಿತಿ ಹೇಳಿಕೆ (AIS) ಬಳಸಿಕೊಂಡು ತೆರಿಗೆ ಕ್ರೆಡಿಟ್ಗಳು, TDS ಮತ್ತು ಹೆಚ್ಚಿನ ಮೌಲ್ಯದ ವಹಿವಾಟುಗಳನ್ನು ಕ್ರಾಸ್-ವೆರಿಫೈ ಮಾಡಿ.
ತೆರಿಗೆ ದಿನವು ಭಾರತದ ದೃಢವಾದ ಮತ್ತು ಎಲ್ಲರನ್ನೂ ಒಳಗೊಂಡ ತೆರಿಗೆ ವ್ಯವಸ್ಥೆಯನ್ನು ನಿರ್ಮಿಸುವ ನಿರಂತರ ಬದ್ಧತೆಗೆ ಗೌರವವಾಗಿದೆ. 1924 ರಲ್ಲಿ ಕೇಂದ್ರ ಕಂದಾಯ ಮಂಡಳಿಯ ಸ್ಥಾಪನೆಯಿಂದ ಹಿಡಿದು ನಡೆಯುತ್ತಿರುವ ಡಿಜಿಟಲ್ ಆಡಳಿತ ಉಪಕ್ರಮಗಳಿಂದ ಗುರುತಿಸಲ್ಪಟ್ಟ ತಂತ್ರಜ್ಞಾನ-ಮುಂದುವರೆದ ರೂಪಾಂತರದವರೆಗೆ, ಈ ಪ್ರಯಾಣವು ಸುಧಾರಣೆ, ಸ್ಥಿತಿಸ್ಥಾಪಕತ್ವ ಮತ್ತು ಆಧುನೀಕರಣದ ಪರಂಪರೆಯನ್ನು ಪ್ರತಿಬಿಂಬಿಸುತ್ತದೆ. ಈ ದಿನವು ತೆರಿಗೆ ಸಂಗ್ರಹದ ಹಿಂದಿನ ಜನರನ್ನು ಮಾತ್ರವಲ್ಲದೆ ತೆರಿಗೆ ಪಾವತಿದಾರರನ್ನು ಮತ್ತು ಸಾರ್ವಜನಿಕ ಸೇವೆಗಳಿಗೆ ಹಣಕಾಸು ಒದಗಿಸುವಲ್ಲಿ ಆದಾಯ ತೆರಿಗೆ ವಹಿಸುವ ಮೂಲಭೂತ ಪಾತ್ರವನ್ನು ಗೌರವಿಸುತ್ತದೆ. ಆದಾಯ ತೆರಿಗೆ ಕೇವಲ ಆದಾಯದ ಸಾಧನಕ್ಕಿಂತ ಹೆಚ್ಚಿನದು – ಇದು ಸಮೃದ್ಧ ಮತ್ತು ಸ್ಥಿರ ರಾಷ್ಟ್ರದ ಚೈತನ್ಯ ಮತ್ತು ಶಕ್ತಿಯನ್ನು ತುಂಬುತ್ತದೆ. ಎಲ್ಲರಿಗೂ ಸಮಾಜ ಮತ್ತು ಅವಕಾಶಗಳನ್ನು ಹೆಣೆಯುವ ಇದು, ಒಂದು ದೇಶದ ಸಾಮೂಹಿಕ ಮಹತ್ವಾಕಾಂಕ್ಷೆಗಳನ್ನು ಪ್ರತಿನಿಧಿಸುತ್ತದೆ. “ಸೂರ್ಯನು ಭೂಮಿಯಿಂದ ಸಾವಿರ ಪಟ್ಟು ತೇವಾಂಶವನ್ನು ಎಳೆದುಕೊಂಡು ಹಿಂದಿರುಗಿಸುವಂತೆ, ಅವನು ತನ್ನ ಪ್ರಜೆಗಳಿಂದ ತೆರಿಗೆಗಳನ್ನು ಸಂಗ್ರಹಿಸಿದ್ದು ಅವರ ಒಳಿತಿಗಾಗಿ ಮಾತ್ರ” – ಕಾಳಿದಾಸ
S.N. Channabasappa ನೀಟ್ ಹೆಸರಿನಲ್ಲಿನ ಕಾನೂನು ಭಂಜಕರನ್ನ ಜೈಲಿಗಟ್ಟುವ ಧೈರ್ಯವಿಲ್ಲದ ಗೃಹಸಚಿವ ಪ್ರಿಯಾಂಕ ಖರ್ಗೆ- ಶಾಸಕ ಚೆನ್ನಿ ಆಕ್ರೋಶ
S.N. Channabasappa “ರಾಜ್ಯದಲ್ಲಿ ಕಾನೂನು ಸುವ್ಯವಸ್ಥೆ ಸಂಪೂರ್ಣವಾಗಿ ಕುಸಿದುಬಿದ್ದಿದೆ. ನೀಟ್ ಪ್ರತಿಭಟನೆಯ ಹೆಸರಿನಲ್ಲಿ ಬಂದ ಗಲಭೆಕೋರರು ಬಹಿರಂಗವಾಗಿ ಗೃಹ ಇಲಾಖೆ ಹಾಗೂ ಪೊಲೀಸರಿಗೇ ಸವಾಲು ಹಾಕುತ್ತಿದ್ದರೂ, ಅಂತಹ ಕಾನೂನು ಭಂಜಕರನ್ನು ಬಂಧಿಸಿ ಜೈಲಿಗಟ್ಟುವ ಧೈರ್ಯವಿಲ್ಲದ ಗೃಹ ಸಚಿವ ಪ್ರಿಯಾಂಕ್ ಖರ್ಗೆ ಅವರು ತಮ್ಮ ಅಸಮರ್ಥತೆಯನ್ನು ಮುಚ್ಚಿಕೊಳ್ಳಲು ಬಿಜೆಪಿ ನಾಯಕರ ವಿರುದ್ಧ ದ್ವೇಷದ ರಾಜಕಾರಣಕ್ಕಿಳಿದಿದ್ದಾರೆ,” ಎಂದು ಶಿವಮೊಗ್ಗ ನಗರ ವಿಧಾನಸಭಾ ಕ್ಷೇತ್ರದ ಶಾಸಕರಾದ ಶ್ರೀ ಎಸ್.ಎನ್. ಚನ್ನಬಸಪ್ಪ (ಚೆನ್ನಿ) ಅವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಬಿಜೆಪಿಯ ನಾಯಕರು, ಮಾಜಿ ಸಚಿವರು ಹಾಗೂ ಹಾಲಿ ವಿಧಾನ ಪರಿಷತ್ ಸದಸ್ಯರಾದ ಶ್ರೀ ಸಿ.ಟಿ. ರವಿ ಅವರ ಧ್ವನಿಯನ್ನು ಅಡಗಿಸಲು ಕಾಂಗ್ರೆಸ್ ಸರ್ಕಾರ ಸಂಪೂರ್ಣವಾಗಿ ರಾಜಕೀಯ ಪ್ರೇರಿತವಾಗಿ ಸುಳ್ಳು ಎಫ್‌ಐಆರ್ (FIR) ದಾಖಲಿಸಿ, ಬಂಧಿಸಲು ಯತ್ನಿಸುತ್ತಿರುವುದು ಅತ್ಯಂತ ನಾಚಿಕೆಗೇಡಿನ ಸಂಗತಿ. ಇಂತಹ ಬೆದರಿಕೆ ಹಾಗೂ ಸೇಡಿನ ರಾಜಕಾರಣಕ್ಕೆ ಬಿಜೆಪಿ ಎಂದಿಗೂ ಬಗ್ಗುವುದಿಲ್ಲ.
“ನೈಜ ಅಪರಾಧಿಗಳು, ದೇಶದ್ರೋಹಿ ಶಕ್ತಿಗಳು ಹಾಗೂ ರಾಜಧಾನಿಯಲ್ಲಿ ಬಹಿರಂಗವಾಗಿ ಗೂಂಡಾಗಿರಿ ನಡೆಸಿದವರನ್ನು ಬಂಧಿಸಲು ಪೂರ್ಣ ವಿಫಲರಾಗಿರುವ ಪ್ರಿಯಾಂಕ್ ಖರ್ಗೆ ಅವರಿಗೆ ಸಚಿವರಾಗಿ ಅಧಿಕಾರದಲ್ಲಿ ಮುಂದುವರಿಯುವ ಯಾವುದೇ ನೈತಿಕ ಹಕ್ಕು ಉಳಿದಿಲ್ಲ.
S.N. Channabasappa ತಮ್ಮ ಕರ್ತವ್ಯ ನಿರ್ವಹಣೆಯಲ್ಲಿ ಸಂಪೂರ್ಣ ವಿಫಲರಾಗಿರುವ ಮತ್ತು ವಿಪಕ್ಷ ನಾಯಕರನ್ನು ಗುರಿಯಾಗಿಸಿಕೊಂಡು ಹಗೆತನ ಸಾಧಿಸುತ್ತಿರುವ ಅಸಮರ್ಥ ಸಚಿವ ಪ್ರಿಯಾಂಕ್ ಖರ್ಗೆ ಅವರನ್ನು ಮುಖ್ಯಮಂತ್ರಿಗಳು ತಕ್ಷಣವೇ ಸಂಪುಟದಿಂದ ವಜಾಗೊಳಿಸಬೇಕು,” ಎಂದು ಶ್ರೀ ಎಸ್.ಎನ್. ಚನ್ನಬಸಪ್ಪ ಅವರು ಆಗ್ರಹಿಸಿದ್ದಾರೆ.
H.M. Chandrashekharappa ಮಾಜಿ ಶಾಸಕ ಹೆಚ್.ಎಂ.ಸಿ .ನಿಧನ : ಇಂದು ಅಂತ್ಯಕ್ರಿಯೆ
H.M. Chandrashekharappa ಮಾಜಿ ಶಾಸಕ, ರಾಜ್ಯ ಮಾಜಿ ಶಾಸಕರ ವೇದಿಕೆ ಅಧ್ಯಕ್ಷ ಹೆಚ್.ಎಂ. ಚಂದ್ರಶೇಖರಪ್ಪ(78) ಅವರು ಅಲ್ಪ ಕಾಲದ ಅನಾರೋಗ್ಯದಿಂದ ಇಂದು ಸಂಜೆ ಬೆಂಗಳೂರಿನ ಮಣಿಪಾಲ್ ಆಸ್ಪತ್ರೆಯಲ್ಲಿ ನಿಧನರಾಗಿದ್ದಾರೆ.
ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷರಾಗಿ, ಶಿವಮೊಗ್ಗ ನಗರಸಭೆ ಅಧ್ಯಕ್ಷರಾಗಿ ಸೇವೆ.
1997/98 ರಲ್ಲಿ ಶಿವಮೊಗ್ಗ ಕ್ಷೇತ್ರದಿಂದ ಕಾಂಗ್ರೆಸ್ ನಿಂದ ಸ್ಪರ್ಧಿಸಿ ಕೆ.ಎಸ್.ಈಶ್ವರಪ್ಪ ವಿರುದ್ದ ಗೆದ್ದು ಶಾಸಕರಾದವರು.
ಬೊಮ್ಮನಕಟ್ಟೆ ಆಶ್ರಯ ಬಡಾವಣೆ, ಗಾಜನೂರು ಡ್ಯಾಂ ಹೊಸದಾಗಿ ನಿರ್ಮಾಣ ಇವರ ಅವಧಿಯಲ್ಲಿ ಆಗಿದ್ದು.
H.M. Chandrashekharappa ಅಖಿಲ ಭಾರತ ವೀರಶೈವ ಲಿಂಗಾಯತ ಮಹಾಸಭಾ ರಾಜ್ಯ ಮಾಜಿ ಉಪಾಧ್ಯಕ್ಷರಾಗಿ ಧೀರ್ಘವಧಿ ಸೇವೆ.
ಪತ್ನಿ ದಿ. ಶಾರದ, ಇಬ್ಬರು ಪುತ್ರರು, ಮಾಜಿ ಕಾರ್ಪೊರೇಟರ್ ಹೆಚ್.ಸಿ. ಯೋಗೀಶ್, ಉದ್ಯಮಿ ಶರಣ್.
ತಾ.27-7-26ಸಂಜೆ ಹೊಸಹಳ್ಳಿ ತೋಟದಲ್ಲಿ ಅಪರಾಹ್ನ 4 ಗಂಟೆಗೆ ಅಂತ್ಯ ಸಂಸ್ಕಾರ ನಡೆಯಲಿದೆ ಎಂದು‌ಕುಟುಂಬದ ಮೂಲಗಳು ತಿಳಿಸಿವೆ.
