ಬೆಂಗಳೂರಿನ ವೈಟ್ ಫೀಲ್ಡ್ ನಲ್ಲಿರುವ ಶೆರಟಾನ್ ಗ್ರ್ಯಾಂಡ್ ಹೋಟೆಲ್ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಪ್ರೊ ಕಬಡ್ಡಿ ಲೀಗ್ ಪಂದ್ಯಾವಳಿಯು ಮಂಗಳವಾರ 4 ತಂಡಗಳ ನಡುವೆ ನಡೆಯಿತು.

ಪೈರೇಟ್ಸ್ ವಿರುದ್ಧ ಡೆಲ್ಲಿಗೆ ಜಯ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನ
ದಬಾಂಗ್ ಡೆಲ್ಲಿ (32) ಮತ್ತು ಪಟ್ನಾ ಪೈರೇಟ್ಸ್ (29) ತಂಡಗಳ ನಡುವೆ ಪಂದ್ಯ ನಡೆಯಿತು. ದಬಾಂಗ್ ಡೆಲ್ಲಿ ವಿರುದ್ಧ ಪಟ್ನಾ ಹೀನಾಯ ಸೋಲು ಅನುಭವಿಸಿತು.
ಆರ್ಧವಿರಾಮದ ಹೊತ್ತಿಗೆ ಡೆಲ್ಲಿ 19-10 ರಿಂದ ಮುನ್ನಡೆಯಲ್ಲಿತ್ತು.ಆಲ್ ರೌಂಡರ್ ವಿಜಯ್ ಮತ್ತು ಸಂದೀಪ್ ನರ್ವಾಲ್ ಅವರ ಮಿಂಚಿನ ದಾಳಿಯ ಆಟದಿಂದ ದಬಾಂಗ್ ಡೆಲ್ಲಿ ಭರ್ಜರಿ ಜಯ ಸಾಧಿಸಿ ಅಂಕಪಟ್ಟಿಯಲ್ಲಿ 42 ಅಂಕಗಳನ್ನು ಪಡೆದು ಅಗ್ರಸ್ಥಾನದಲ್ಲಿದೆ.

ಜಯಂಟ್ಸ್ ಮತ್ತು ಮುಂಬಾ ತಂಡಗಳ ನಡುವೆ ಪಂದ್ಯ ಡ್ರಾ
ಗುಜರಾತ್ ಜಯಂಟ್ಸ್ (24) ಮತ್ತು ಯು.ಮುಂಬಾ(24) ತಂಡಗಳ ನಡುವೆ ಪಂದ್ಯ ನಡೆಯಿತು. ಎರಡು ತಂಡಗಳ ಜಿದ್ದಾಜಿದ್ದಿಯ ಹೋರಾಟ ನಡೆಸಿ ಸಮಬಲದೊಂದಿಗೆ ಟೈ ಮಾಡಿಕೊಂಡಿವೆ.
ಮೊದಲಾರ್ಧದಲ್ಲಿಯೇ ಗುಜರಾತ್ ತಂಡವು 13-10 ರಿಂದ ಮುನ್ನಡೆಯಲ್ಲಿತ್ತು.ಆದರೆ, ಅರ್ಧವಿರಾಮದ ನಂತರ ತಕ್ಕ ಆಟದ ಪ್ರದರ್ಶನ ನೀಡಿದ ಮುಂಬಾ ತಂಡವು 24-24 ರಿಂದ ಪಂದ್ಯ ಟೈ ಮಾಡಿಕೊಂಡಿತು.
ಡಿಸೆಂಬರ್ 22 ರಿಂದ ಜನವರಿ 19 ದಿನಾಂಕದ ವರೆಗೆ ಮೊದಲ ಹಂತದಲ್ಲಿ ಒಟ್ಟು 65 ಪಂದ್ಯಗಳು ನಡೆದಿದ್ದು. ಎಲ್ಲಾ ತಂಡಗಳ ಆಟಗಾರರು ತಮ್ಮ ತಮ್ಮ ಪ್ರತಿಭೆ ಹಾಗೂ ಚಾಣಾಕ್ಷ ತನದ ಆಟದ ಪ್ರದರ್ಶನ ತೋರಿ ನಡೆದ ಪಂದ್ಯಗಳಲ್ಲಿ ಗೆಲುವಿಗೆ ಕಾರಣರಾಗಿರುತ್ತಾರೆ.ಮೊದಲ ಹಂತದ ಪಂದ್ಯಾವಳಿಯು ಇಂದು ಮುಕ್ತಾಯಗೊಳ್ಳಲಿದೆ.
ಎರಡನೇ ಹಂತದ ಪಂದ್ಯಗಳು ಜನವರಿ 20 ರಿಂದ ಆರಂಭವಾಗಲಿದೆ.ಮೊದಲ ಹಣಾಹಣಿಯಲ್ಲಿ ತಮಿಳ್ ತಲೈವಾಸ್ ಮತ್ತು ಗುಜರಾತ್ ಜಯಂಟ್ಸ್ ಮುಖಾಮುಖಿಯಾಗಲಿವೆ.ಹಾಗೆಯೇ ಎರಡನೇ ಪಂದ್ಯವು ಬೆಂಗಳೂರು ಬುಲ್ಸ್ ಮತ್ತು ಪಟ್ನಾ ಪೈರೇಟ್ಸ್ ತಂಡಗಳು ಕಣಕ್ಕಿಳಿಯಲಿವೆ.ಎಂದು ಪ್ರೊ ಕಬಡ್ಡಿ ಲೀಗ್ ನ ಆಯೋಜಕರಾದ ಮಶಾಲ್ ಸ್ಪೋರ್ಟ್ಸ್ ಸಂಸ್ಥೆಯವರು ತಿಳಿಸಿದ್ದಾರೆ.
ಈ ಹಂತದಲ್ಲಿ ಒಟ್ಟು 33 ಪಂದ್ಯಗಳು ನಡೆಯಲಿದ್ದು.ಒಟ್ಟಿಗೆ ರೌಂಡ್ ರಾಬಿನ್ ಹಂತದ ಎಲ್ಲ 132 ಪಂದ್ಯಗಳು ಮುಕ್ತಾಯಗೊಳ್ಳಲಿದೆ ನಂತರದಲ್ಲಿ ಫ್ಲೇ ಆಫ್ ಹಾಗೂ ಫೈನಲ್ ನಡೆಯುತ್ತವೆ.ಎಂದು ಪ್ರೊ ಕಬಡ್ಡಿ ಮಂಡಳಿಯು ತಿಳಿಸಿದೆ.

ಇಂದು ಮೊದಲ ಹಂತದಲ್ಲಿ ನಡೆಯಲಿರುವ ಕೊನೆಯ ಪಂದ್ಯಗಳು:
೧. ಹರಿಯಾಣ ಸ್ಟೀಲರ್ಸ್ ಮತ್ತು ಪುಣೇರಿ ಪಲ್ಟನ್
ಸಮಯ:7.30
೨. ಜೈಪುರ್ ಪಿಂಕ್ ಪ್ಯಾಂಥರ್ಸ್ ಮತ್ತು ತೆಲುಗು ಟೈಟನ್ಸ್
ಸಮಯ:8.30

Book Your Advertisement Now.

Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

Latest News on WhatsApp

Why Keelambi Media Lab Pvt Ltd ?

Klive News has simplified and given a complete makeover to the whole process of booking ads for different media platforms. Now there is no need for you to travel all the way to the respective offices. Nor do you need to write messages manually on Email form. Klive.news lets you do all this and more from the comfort of your home, office or even when you’re travelling. We have created a niche for ourselves in the world of advertising and our work speaks volumes about our ability and integrity.

KLIVE at Google News App

KLIVE Android App on Google Play Store

Download the most loved Klive App for your Android phone or tablet.

ಸ್ಮಾರ್ಟ್ ಕಾರ್ಡ್ ಪಡೆಯುವ ಉದ್ದೇಶದಲ್ಲಿ ವಿಶೇಷ ಚೇತನರಿಗೆ ತಾಲೂಕು ಕ್ಷೇತ್ರದಲ್ಲೇ ಪ್ರಮಾಣಪತ್ರ ಸಿಗುವಂತೆ ವ್ಯವಸ್ಥೆ ಕಲ್ಪಿಸಬೇಕು ಎಂದು ಸಂಬಂಧಪಟ್ಟ ಅಧಿಕಾರಿಗಳಿಗೆ ಗೃಹ ಸಚಿವ ಆರಗ ಜ್ಞಾನೇಂದ್ರ ಅವರು ಸೂಚನೆ ನೀಡಿದ್ದಾರೆ.

ಜಿಲ್ಲಾ ಆರೋಗ್ಯಾಧಿಕಾರಿ, ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ ಉಪನಿರ್ದೇಶಕರಿಗೆ ದೂರವಾಣಿಯಲ್ಲಿ ಸಮಸ್ಯೆ ಬಗೆಹರಿಸುವಂತೆ ಆದೇಶ ನೀಡಿದ್ದಾರೆ.

ಸ್ಮಾರ್ಟ್ ಕಾರ್ಡ್ ಪಡೆಯುವ ಮೊದಲು ಶಿವಮೊಗ್ಗ ಮೆಗ್ಗಾನ್ ಆಸ್ಪತ್ರೆಯಲ್ಲಿ ವಿಶೇಷಚೇತನರು ಪ್ರಮಾಣಪತ್ರ ಪಡೆಯಬೇಕಿದೆ ಎಂದು ಅಧಿಕಾರಿಗಳು ಹೇಳಿದ್ದಕ್ಕೆ ಜ್ಞಾನೇಂದ್ರ ಅವರು ಕೋಪಗೊಂಡರು.

ವಿಶೇಷ ಚೇತನರನ್ನು ಗೋಳಾಡಿಸುವ ವಿಕೃತ ಮನಸ್ಸಿನಿಂದ ಹೊರಬನ್ನಿ. ತಾಲೂಕು ಕೇಂದ್ರದಲ್ಲಿ ಪ್ರತಿ ವಾರ ಅಥವಾ ಹದಿನೈದು ದಿನಕ್ಕೊಮ್ಮೆ ಶಿಬಿರ ನಡೆಸಿ ಪ್ರಮಾಣ ಪತ್ರ ವಿತರಿಸಿ ಎಂದು ಆರಗ ಜ್ಞಾನೇಂದ್ರ ಅವರು ಹೇಳಿದ್ದಾರೆ.

ಶಿಬಿರದ ಕುರಿತು ಸಾರ್ವಜನಿಕವಾಗಿ ವ್ಯಾಪಕ ಪ್ರಚಾರ ಮಾಡಬೇಕು ಈ ವಿಷಯವಾಗಿ ಆಶಾ, ಅಂಗನವಾಡಿ ಕಾರ್ಯಕರ್ತೆಯರು, ವಿಶೇಷ ಚೇತನರ ಯೋಜನೆ ಪುನರ್ವಸತಿ ಕಾರ್ಯಕರ್ತರನ್ನು ಬಳಸಿಕೊಳ್ಳಬೇಕು ಎಂದು ಡಿಎಚ್ಒ, ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ ಉಪನಿರ್ದೇಶಕರಿಗೆ ಸೂಚನೆ ನೀಡಿದ್ದಾರೆ.

Book Your Advertisement Now.

Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

Latest News on WhatsApp

Why Keelambi Media Lab Pvt Ltd ?

Klive News has simplified and given a complete makeover to the whole process of booking ads for different media platforms. Now there is no need for you to travel all the way to the respective offices. Nor do you need to write messages manually on Email form. Klive.news lets you do all this and more from the comfort of your home, office or even when you’re travelling. We have created a niche for ourselves in the world of advertising and our work speaks volumes about our ability and integrity.

KLIVE at Google News App

KLIVE Android App on Google Play Store

Download the most loved Klive App for your Android phone or tablet.

ಕಥಕ್ ನೃತ್ಯದ ಬಗ್ಗೆ ಕಂಡು ಕೇಳದ ಭಾರತೀಯನಿಲ್ಲ. ಶಾಸ್ತ್ರೀಯ ನೃತ್ಯದ ಆಳವಾದ ಜ್ಞಾನವಿರದಿದ್ದರೂ,
ಕಿಂಚಿತ್ ಅರಿವಿನಿಂದಲಾದರೂ ಆತ ಭರತನಾಟ್ಯವನ್ನು ನೋಡಿಯೂ ಕೂಡ ಇದು ಕಥಕ್ ಅಲ್ಲವೇ ?
ಎಂಬ ಉದ್ಗಾರ ತೆಗೆಯದೇ ಇರಲಾರ. ಕಥಕ್ ನೃತ್ಯ ಇಷ್ಟು ಜನಮಾನ್ಯವಾಗಲು ಕಾರಣರಾದ
ಮೂಲಕೊಂಡಿಯೇ ಇತ್ತೀಚೆಗೆ ನಮ್ಮನ್ನಗಲಿದ ಪಂಡಿತ್ ಬಿರ್ಜು ಮಹಾರಾಜ್ ಅವರು.
ಅವರ ಕಥಕ್ ನೃತ್ಯದ ಬಗೆಗಿನ ಮೋಹ ಅವರನ್ನು ದಿಗ್ಗಜರ ಸಾಲಿನಲ್ಲಿ ನಿಲ್ಲುವ ಘನತೆಯನ್ನು ಕೊಟ್ಟಿತು.
ತಬಲಾ, ಹಾರ್ಮೋನಿಯಂ, ಗೆಜ್ಜೆಯ ಝೇಂಕಾರಗಳ ನಡುವಿನಲ್ಲೇ ಬೆಳೆದ ಬಿರ್ಜು ಮಹಾರಾಜರು
ತಮ್ಮ ಅಂತಿಮಯ ಯಾತ್ರೆಯನ್ನೂ ಕೂಡ ತಮ್ಮ ನೆಚ್ಚಿನ ಹಳೆಯ ಹಿಂದಿ ಗೀತೆಗಳನ್ನು ಹಾಡುತ್ತಲೇ
ಮುಗಿಸಿದರು. ಅವರು ಕಥಕ್ ನೃತ್ಯವನ್ನು ಕೇವಲ ವಿಶ್ವದರ್ಜೆಗೇರಿಸಿದ್ದಷ್ಟೇ ಅಲ್ಲದೆ ಮುಂಬರುವ ಹಲವು
ಪೀಳಿಗೆಗೆ ಅದರ ಸರ್ವಸಾರವನ್ನೂ ಎರೆದು ಹೋದರು. ಅವರೊಬ್ಬ ಉತ್ಕೃಷ್ಟ ನೃತ್ಯಗಾರರಷ್ಟೆ ಅಲ್ಲದೆ
ಅಪ್ರತಿಮ ಕವಿಗಳೂ ಆಗಿದ್ದರು. ‘ಬ್ರಿಜ್‌ಶ್ಯಾಮ್’ ಎಂಬ ಅಂಕಿತದಡಿಯಲ್ಲಿ ಹಲವು ಕವಿತೆಗಳನ್ನೂ
ಬರೆದಿದ್ದರು. ಗಾಯಕರಾಗಿ ಗಾಯನದ ಹಲವು ಆಯಾಮಗಳಲ್ಲಿ ಸಿದ್ದಹಸ್ತರಾಗಿದ್ದರು. ಹಲವು ಪ್ರಕಾರಗಳ
ವಾದ್ಯಗಳನ್ನೂ ನುಡಿಸುತ್ತಿದ್ದರು. ಆದರೆ ಕಥಕ್ ಅವರ ಜೀವನದ ಧ್ಯೇಯವಾಗಿತ್ತು. ಈ ನೃತ್ಯವನ್ನು
ದೇಶ-ವಿದೇಶಗಳಾಚೆ ಪರಿಚಯಿಸುವ ಹೊಣೆಯನ್ನು ಅವರು ಅತ್ಯಂತ ಶ್ರದ್ದೆಯಿಂದ ಸ್ವೀಕರಿಸಿದ್ದರು. ತಮ್ಮ
ಮನಸೆಳೆಯುವ ಪಾದಚಲನೆಗಳು ಹಾಗೂ ಭಾವಾಭಿನಯದಿಂದ ನೋಡುಗರನ್ನು ಕ್ಷಣಾರ್ಧದಲ್ಲಿ
ಮೂಕವಿಸ್ಮಿತಗೊಳಿಸುತ್ತಿದ್ದ ಬಿರ್ಜುರವರು, ತಮ್ಮ ಮೂರನೆಯ ವಯಸ್ಸಿಗೇ ನೃತ್ಯದ ತಾಲೀಮಿನ ಅಂಗಳಕ್ಕೆ
ಹೋಗಿ ಅಲ್ಲಿ ಅಭ್ಯಸಿಸುತ್ತಿದ್ದ ಇತರ ವಿದ್ಯಾರ್ಥಿಗಳೊಂದಿಗೆ ಅಭ್ಯಾಸಕ್ಕೆ ನಿಲ್ಲುತ್ತಿದ್ದರಂತೆ.
ಲಕ್ನೋದಲ್ಲಿ ತಮ್ಮ ಪೂರ್ವಜರ ಮನೆಯಲ್ಲಿ ಬೃಜ್ ಮೋಹನ್‌ನಾಥ್ ಮಿಶ್ರಾ ಹೆಸರಿನಿಂದ ಜನ್ಮತಳೆದ
ಇವರು ಯಾವಾಗ ಬಿರ್ಜು ಆದರೆಂಬುದು ಅವರಿಗೇ ತಿಳಿಯದ ಸಂಗತಿ. ಒಂದು ಸಂದರ್ಶನದಲ್ಲಿ
ಅವರು ಹೇಳಿದ್ದರು “ನಮ್ಮ ಮನೆ ಶೃತಿ, ಸ್ವರ, ಲಯ ತಾಳಗಳ ಸಮುದ್ರದಂತಿತ್ತು. ಏಳು ಪೀಳಿಗೆಯಿಂದ
ಅಲ್ಲಿ ಸಂಗೀತದ ವಿಚಾರವನ್ನು ಹೊರತುಪಡಿಸಿ ಮತ್ಯಾವುದೇ ಮಾತುಕತೆಗಳು ನಡೆದದ್ದೇ ಇಲ್ಲ.
ಸೌಂದರ್ಯೋಪಾಸನೆ, ಸಂಗೀತೋಪಾಸನೆ, ಭಗವಂತನ ಆರಾಧನೆ ಇವಿಷ್ಟೇ ಅಲ್ಲಿಯ
ಜೀವಾಳವಾಗಿದ್ದವು”. ಪ್ರಖ್ಯಾತ ನೃತ್ಯ ಕಲಾವಿದ ಅಚ್ಛನ್ ಮಹಾರಾಜ್‌ರ ಮನೆತನದಲ್ಲಿ ಜನಿಸಿದ ಬಿರ್ಜು
ಮಹಾರಾಜರು ತಮ್ಮ ಏಳನೇಯ ವಯಸ್ಸಿನಲ್ಲಿಯೇ ವೇದಿಕೆಯನ್ನೇರಿ ನೃತ್ಯ ಪ್ರಸ್ತುತಿ ನೀಡಿದ್ದರು. ತಮ್ಮ
ತಂದೆ ಅಚ್ಚನ್ ಮಹಾರಾಜ್, ಚಿಕ್ಕಪ್ಪ ಶಂಭು ಮಹಾರಾಜ್ ಹಾಗೂ ಲಚ್ಛು ಮಹಾರಾಜ್‌ರ ಗರಡಿಯಲ್ಲಿ
ಕಥಕ್ ನೃತ್ಯದ ಸೂಕ್ಷ್ಮತೆಗಳನ್ನು ಅರಿತುಕೊಂಡರು.
ತಮ್ಮ ತಂದೆಯೊಂದಿಗೆ ಹಲವು ವೇದಿಕೆಗಳಲ್ಲಿ ನೃತ್ಯವನ್ನು ಪ್ರದರ್ಶಿಸಿದ ಇವರು, ತಮ್ಮ ಅತ್ಯಂತ ಕಿರಿಯ
ವಯಸ್ಸಿನಲ್ಲಿಯೇ ಅಂದರೆ 13ರ ವಯಸ್ಸಿಗೇ ಅವರನ್ನು ಕಳೆದುಕೊಂಡು ಜೀವನೋಪಾಯಕ್ಕಾಗಿ ದೆಹಲಿಗೆ
ಪ್ರಯಾಣ ಬೆಳೆಸಿದರು. ಅಲ್ಲಿ ಸಂಗೀತ ಭಾರತಿಯಲ್ಲಿ, ಕಥಕ್ ಕೇಂದ್ರದಲ್ಲಿ ಹಾಗೂ ಭಾರತೀಯ ಕಲಾ
ಕೇಂದ್ರಗಳಲ್ಲಿ ನರ್ತನವನ್ನು ಕಲಿಸಲಾರಂಭಿಸಿದರು. ಅವರ ಕಥಕ್ ನೃತ್ಯದ ಬಗೆಗಿನ ಅಪೂರ್ವ ಜ್ಞಾನ
ಹಾಗೂ ಕಲಾತ್ಮಕತೆಗೆ ಮನಸೋತು ಕೇಂದ್ರ ಸರ್ಕಾರ 1998ರಲ್ಲಿ ಮುಖ್ಯ ಉಪನ್ಯಾಸಕರು, ನಂತರದಲ್ಲಿ
ನಿರ್ದೇಶಕರಾಗಿ ನೇಮಕಗೊಂಡರು.
ತದನಂತರ ನಿವೃತ್ತರಾದರು. ಇದರ ನಂತರವೇ ತಮ್ಮ ಸ್ವಂತ ನೃತ್ಯಶಾಲೆ
‘ಕಲಾಶ್ರಮ’ವನ್ನು ತೆರೆದರು.
ಯಾವುದೇ ಹಮ್ಮುಬಿಮ್ಮಗಳಿಲ್ಲದ ಸಹನಾರೂಪಿ ಬಿರ್ಜುಮಹಾರಾಜರು ಹಲವಾರು ಪ್ರಸಿದ್ದ ನಾಟಕ
ಹಾಗೂ ಚಲನಚಿತ್ರಗಳಿಗೆ ನೃತ್ಯ ನಿರ್ದೇಶನ ಮಾಡಿದ್ದರು. ಇವರ ನೃತ್ಯದ ಅಭೂತಪೂರ್ವ ಕೊಡುಗೆಗಾಗಿ
ಕೇಂದ್ರ ಸರ್ಕಾರ ಇವರನ್ನು ಪದ್ಮವಿಭೂಷಣ, ಕೇಂದ್ರ ಸಂಗೀತ ನೃತ್ಯ ಅಕಾಡೆಮಿ ಪುರಸ್ಕಾರ, ಕಾಳಿದಾಸ
ಸಮ್ಮಾನ್, ನೃತ್ಯ ವಿಲಾಸ, ರಾಜೀವ ಗಾಂಧಿ ಸಮ್ಮಾನ ಮುಂತಾದ ಪ್ರಶಸ್ತಿಗಳಿಂದ ಪುರಸ್ಕೃತರನ್ನಾಗಿಸಿತ್ತು.
ಇದೇ ಫೆಬ್ರವರಿ 8ಕ್ಕೆ ತಮ್ಮ84ನೇ ಸಂವತ್ಸರಕ್ಕೆ ಕಾಲಿರಿಸಬೇಕಾಗಿದ್ದ ಬಿರ್ಜುಮಹಾರಾಜರು ಇಹಲೋಕ
ತ್ಯಜಿಸಿದರೂ ತಮ್ಮ ನೃತ್ಯದ ಅವಿಚ್ಛಿನ್ನ ಪರಂಪರೆಯ ಮುಖಾಂತರ ನಮ್ಮೆಲ್ಲರ ಮನದಲ್ಲಿ ಶಾಶ್ವತವಾಗಿ
ನೆಲೆಸಿದ್ದಾರೆ.

ಲೇಖಕರ ಪರಿಚಯ:

ನೃತ್ಯಗುರು ಸಹನಾ ಚೇತನ್ ಅವರು ಪರ್ಫಾರ್ಮರ್ ಮತ್ತು ಕಲಾತ್ಮಕ ನಿರ್ದೇಶಕರು, ನೃತ್ಯ ಸಂಯೋಜಕರು ಹಾಗೂ ಲೇಖಕರು. ಇವರು ಕಲಾಕ್ಷೇತ್ರದಲ್ಲಿ ಕಲಾವಿದೆಯಾಗಿ, ಕಲಾ ಶಿಕ್ಷಕಿಯಾಗಿ, ಸಾಂಸ್ಕೃತಿಕ ಉತ್ಸವಗಳ ರೂವಾರಿಯಾಗಿ ರೂಪುಗೊಂಡಿದ್ದಾರೆ.
ಇವರು ಸಹಚೇತನ ನಾಟ್ಯಾಲಯ (ರಿ) ದಲ್ಲಿ ಮುಖ್ಯಸ್ಥರಾಗಿಯೂ ಕಾರ್ಯ ನಿರ್ವಹಿಸುತ್ತಿದ್ದಾರೆ.

Book Your Advertisement Now.

Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

Latest News on WhatsApp

Why Keelambi Media Lab Pvt Ltd ?

Klive News has simplified and given a complete makeover to the whole process of booking ads for different media platforms. Now there is no need for you to travel all the way to the respective offices. Nor do you need to write messages manually on Email form. Klive.news lets you do all this and more from the comfort of your home, office or even when you’re travelling. We have created a niche for ourselves in the world of advertising and our work speaks volumes about our ability and integrity.

KLIVE at Google News App

KLIVE Android App on Google Play Store

Download the most loved Klive App for your Android phone or tablet.

ವರ್ಷಗಳು ಉರುಳಿದಂತೆ ಸಂಬಂಧಗಳು ಮತ್ತಷ್ಟು ಸಡಿಲಗೊಳ್ಳುತ್ತಿವೆ.
ಜನಸಾಮಾನ್ಯರು ಸೇರಿದಂತೆ ಸಿನಿಮಾ ಮತ್ತು ಕ್ರಿಕೆಟ್ ಲೋಕದಲ್ಲಿ ಏಣಿಕೆಗೆ ಮೀರಿದ ವಿಚ್ಛೇದನಗಳು ಆಗುತ್ತಿವೆ. ಹತ್ತು ಹಲವಾರು ವರ್ಷಗಳ ಕಾಲ ಜೊತೆಗೆ ಜೀವನ ನಡೆಸಿ ಯಾವುದೋ ಕ್ಷುಲಕ ಕಾರಣಕ್ಕೆ ದೂರವಾಗುವ ದಂಪತಿಗಳು ಸಾವಿರಾರು.
ಭಾರತೀಯ ಸಂಸ್ಕೃತಿಯಲ್ಲಿ ಮದುವೆಗೆ ಮಹತ್ವವಿದೆ. ಮದುವೆಯ ಬಂಧನದಲ್ಲಿ ಬಂದಿಯಾದ ಎರಡು ಜೀವಗಳು ಸಾಮಾಜಿಕ, ಕಾನೂನಾತ್ಮಕ, ಭಾವನಾತ್ಮಕವಾಗಿ ಜೊತೆಗೂಡಿ ಸುಖ ದುಃಖದಲ್ಲಿ ಭಾಗಿಯಾಗಿ ಜೀವನವನ್ನು ಸಾಗಿಸುತ್ತಾರೆ.
ಆದರೆ ಇಂದಿನ ದಿನಗಳಲ್ಲಿ ಗಂಡ ಹೆಂಡತಿ ಜೊತೆಯಾಗಿ ಜೀವನ ಸಾಗಿಸುವವರಿಗಿಂತ ವಿವಾಹಗಳು ವಿಚ್ಛೇದನದ ಮೂಲಕವೇ ಕೊನೆಗೊಳ್ಳುತ್ತಿರುವುದು ವಿಪರ್ಯಾಸ.
ಅಂತೆಯೇ, ವಿವಾಹ ವಿಚ್ಛೇದನ ಮತ್ತು ಬ್ರೇಕಪ್ ವಿಚಾರಕ್ಕೆ ಬಂದರೆ ಸಿನಿಮಾ ಮತ್ತು ಕ್ರಿಕೆಟ್ ರಂಗಕ್ಕೆ ಇದೇನು ಹೊಸತೇನಲ್ಲ. ಪ್ರತಿವರ್ಷ ಸಿನಿಮಾ ತಾರೆಯರ ಹಲವಾರು ವಿಚ್ಛೇದನ ಪ್ರಕರಣ ಗಳನ್ನು ನಾವು ನೋಡುತ್ತೇವೆ.
ಜನಪ್ರಿಯತೆಯ ಉತ್ತುಂಗದಲ್ಲಿದ್ದಾಗ ಪರಸ್ಪರ ಮೆಚ್ಚಿ ಮದುವೆಯಾಗುತ್ತಾರೆ. ಅವರಲ್ಲಿ ಗಂಡ ಅಥವಾ ಹೆಂಡತಿಯ ಜನಪ್ರಿಯತೆಯೇ ಮುಳುವಾಗಿ ಅವರನ್ನ ಬೇರ್ಪಡಿಸಬಹುದು. ಅವರ ಆರ್ಥಿಕ ಪರಿಸ್ಥಿತಿ, ಸಾಮಾಜಿಕ, ಕೌಟುಂಬಿಕ, ಆರೋಗ್ಯ, ಮಾನಸಿಕ ಹಾಗೂ ಶೈಕ್ಷಣಿಕ ಪರಿಸ್ಥಿತಿ ಸೇರಿ ಇನ್ನೂ ಹತ್ತು ಹಲವಾರು ಕಾರಣಗಳಿಂದ ವಿಚ್ಛೇದನ ಆಗಬಹುದು.
ಆದರೆ ವಿಚ್ಛೇದನ ಪಡೆದ ಜೋಡಿಗಳನ್ನು ನೋಡಿದಾಗ ಕೊಂಚ ಅಚ್ಚರಿಯಾಗುವುದು ಸಹಜ. ಹಲವಾರು ವರ್ಷಗಳ ಕಾಲ ಪ್ರೀತಿಸಿ, ಮನೆಯವರ ವಿರೋಧದ ನಡುವೆ, ಜಾತಿ ಧರ್ಮ ಮತಗಳನ್ನು ಮೀರಿ ಮದುವೆಯೆಂಬ ಸುಂದರ ಬಂಧದಲ್ಲಿ ಬಂಧಿಯಾಗಿ ಜೊತೆಯಾಗುತ್ತಾರೆ. ಹಾಗೇಯೇ ಕೆಲವೇ ವರ್ಷಗಳಲ್ಲಿ ದಾಂಪತ್ಯ ಜೀವನದಿಂದ ಅಥವಾ ಬಾಳಸಂಗಾತಿಯಿಂದ ಬೇಸತ್ತು ವಿಚ್ಛೇದನ ಪಡೆಯುತ್ತಾರೆ.
ಇತ್ತೀಚೆಗೆ ನಟ ಧನುಷ್
-ಐಶ್ವರ್ಯ ಅವರು ಕೂಡ ವಿಚ್ಛೇದನ ಪಡೆದಿದ್ದಾರೆ. 18 ವರ್ಷಗಳ ಕಾಲ ಸಂಸಾರ ಮಾಡಿದ ಈ ಜೋಡಿ ದೂರವಾಗಿರುವುದು ಅನೇಕರಲ್ಲಿ ಆಶ್ಚರ್ಯ ಮೂಡಿಸಿದೆ.
ಈ ಹಿಂದೆ ಬಾಲಿವುಡ್ ನ ಖ್ಯಾತ ನಟ ಅಮೀರ್ ಖಾನ್ ಹಾಗೂ ಕಿರಣ್ ರಾವ್ 2021ರಲ್ಲಿ ತಮ್ಮ 15ವರ್ಷದ ದಾಂಪತ್ಯಕ್ಕೆ ಅಂತ್ಯ ಹಾಡಿದರು. ಈ ವಿಚಾರ ಅಭಿಮಾನಿಗಳಲ್ಲಿ ಅಚ್ಚರಿ ಮೂಡಿಸಿತು. ಕಾರಣ ಇದು ಅಮೀರ್ ಖಾನ್ ಅವರ ಎರಡನೇ ಮದುವೆಯಾಗಿತ್ತು.
ಇದಲ್ಲದೆ, ಟಾಲಿವುಡ್ ನಟ ನಾಗಚೈತನ್ಯ ಮತ್ತು ಸಮಂತಾ ಇಬ್ಬರು ಹತ್ತು ವರ್ಷಗಳ ಕಾಲ ಪ್ರೀತಿಸಿ ಮದುವೆಯಾದವರು. ಆದರೆ ತಮ್ಮ 4 ವರ್ಷದ ದಾಂಪತ್ಯಕ್ಕೆ 2021 ಅಕ್ಟೋಬರ್ 2ರಂದು ವಿಚ್ಛೇದನ ಪಡೆದರು.
ಇವರ ವಿಚ್ಛೇದನದ ಕಾರಣ ಏನೇ ಇರಲಿ, ಅತ್ಯಂತ ಅನ್ಯೋನ್ಯವಾಗಿದ್ದ ಜೋಡಿ ಹೀಗೆ ದೂರವಾಗಿರುವುದು ಅಭಿಮಾನಿಗಳಲ್ಲಿ ಅಚ್ಚರಿಯೊಂದಿಗೆ ಬೇಸರವನ್ನೂ ಮೂಡಿಸಿತು.
ಇವರೊಂದಿಗೆ ಹೆಸರಾಂತ ರಾಪರ್ ಹನಿಸಿಂಗ್ ಮತ್ತು ಪತ್ನಿ ಶಾಲಿನಿ ಸಿಂಗ್ ಕೂಡ ಹತ್ತು ವರ್ಷದ ದಾಂಪತ್ಯವನ್ನು ವಿಚ್ಛೇದನದಲ್ಲಿ ಮುಗಿಸಿದ್ದಾರೆ.
ಇವರ ಸಾಲಿಗೆ ಇನ್ನೂ ಹತ್ತು ಹಲವಾರು ಕಿರುತೆರೆ, ಕ್ರಿಕೆಟಿಗರು ಕೂಡ ಸೇರಿಕೊಳ್ಳುತ್ತಾರೆ. ಇಲ್ಲಿ ಗಮನಿಸಬೇಕಾದ ವಿಷಯವೆಂದರೆ, ಇವರಂತೆ ಜನಸಾಮಾನ್ಯರಲ್ಲೂ ಲೆಕ್ಕಕ್ಕೆ ಸಿಗದ ಹಲವಾರು ದಂಪತಿಗಳು ತಮ್ಮ ಸಾಂಸಾರಿಕ ಜೀವನವನ್ನು ವಿಚ್ಛೇದನದಲ್ಲಿಯೇ ಮುಗಿಸುತ್ತಾರೆ. ಇವೆಲ್ಲವೂ ಬೆಳಕಿಗೆ ಬರುವುದೇ ಇಲ್ಲ. ಆದರೆ ಸಿನಿಮಾ ಜಗತ್ತಿನ ಪ್ರಖ್ಯಾತ ಕಲಾವಿದರ ವೈಯಕ್ತಿಕ ಬದುಕಿನ ಪ್ರತಿ ಎಳೆಯನ್ನೂ ನಾವು ಮಾಧ್ಯಮಗಳ ಮೂಲಕ ತಿಳಿದುಕೊಳ್ಳುತ್ತೇವೆ. ಪ್ರತಿಯೊಬ್ಬ ಮನುಷ್ಯನಿಗೂ ತನ್ನದೇ ಆದ ವೈಯಕ್ತಿಕ ಜೀವನ ಮುಖ್ಯ. ಆದರೆ ಇಂದು ಸಾಮಾಜಿಕ ಜಾಲತಾಣಗಳು, ಮತ್ತು ಮಾಧ್ಯಮಗಳು ಸಿನಿಮಾರಂಗದವರ ಜೀವನದ ಪ್ರತಿ ಭಾಗಗಳನ್ನು ಸುಲಭವಾಗಿ ಬಿತ್ತರಿಸುತ್ತವೆ.
ಇದು ಒಮ್ಮೊಮ್ಮೆ ಒಳ್ಳೆಯದು ಎನಿಸಿದರೂ, ಒಮ್ಮೊಮ್ಮೆ ಯಾವುದೋ ಒಬ್ಬ ವ್ಯಕ್ತಿಯ ಭಾವನೆಗಳಿಗೆ ಧಕ್ಕೆ ಉಂಟು ಮಾಡುತ್ತದೆ.

ಸೆಲೆಬ್ರಿಟಿಗಳ ಬಗ್ಗೆ ಏನಿದ್ದರೂ ಜನ ಓದುತ್ತಾರೆ,ನೋಡುತ್ತಾರೆ ಎಂಬುದು ಖಾತ್ರಿ.
ಅದನ್ನೇ ಬಂಡವಾಳ ಮಾಡಿಕೊಂಡು ಮಾಧ್ಯಮಗಳಲ್ಲಿ ಕೆಲವರು ಅದನ್ನೇ
ಎಪಿಸೋಡಿನ ಮೇಲೆ ಎಪಿಸೋಡು..ಹೀಗೆ ಸರಣಿಯಂತೆ ನಾವು ಇಷ್ಟಪಡಲಿ ಬಿಡಲಿ ನಮ್ಮ ಮುಂದೆ ಸುಮ್ಮನೆ ಸಂತೆ ಸರಕಿನಂತೆ ಚೆಲ್ಲಿ ಬಿಡುತ್ತಾರೆ.
ಆಯ್ಕೆ ಮಾಡಿಕೊಳ್ಳುವುದು
ಮತ್ತೆ ನಮ್ಮ ಪಾಲಿಗೇ ಬಿಟ್ಟ ಸಂಗತಿ.
ಈ ಬ್ರೇಕ್ ಅಪ್ ಗಳು ಧಾರಾವಾಹಿಯಾಗಿ
ಬರುತ್ತಲೇ ಇರುತ್ತವೆ.
ಬ್ರೇಕ್ ಅಪ್ ಗಳಿಗೆ ಬ್ರೇಕು ಬೀಳಬೇಕೆನ್ನುವುದೇ
ನಮ್ಮ ಆಶಯ.

Book Your Advertisement Now.

Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

Latest News on WhatsApp

Why Keelambi Media Lab Pvt Ltd ?

Klive News has simplified and given a complete makeover to the whole process of booking ads for different media platforms. Now there is no need for you to travel all the way to the respective offices. Nor do you need to write messages manually on Email form. Klive.news lets you do all this and more from the comfort of your home, office or even when you’re travelling. We have created a niche for ourselves in the world of advertising and our work speaks volumes about our ability and integrity.

KLIVE at Google News App

KLIVE Android App on Google Play Store

Download the most loved Klive App for your Android phone or tablet.

ಕೊರೊನಾ ಸೋಂಕು ಉಲ್ಬಣಗೊಂಡ ಹಿನ್ನೆಲೆಯಲ್ಲಿ ಪ್ರಸ್ತುತ ಶೈಕ್ಷಣಿಕ ವರ್ಷಕ್ಕೆ ಅನ್ವಯವಾಗುವಂತೆ ದ್ವಿತೀಯ ಪಿಯುಸಿ ವಾರ್ಷಿಕ ಪರೀಕ್ಷೆ ಗೆ ಭಾಷಾ ವಿಷಯಗಳಲ್ಲಿ ಶೇ. 30 ರಷ್ಟು ಪಠ್ಯಕ್ರಮಗಳನ್ನು ಕಡಿತಗೊಳಿಸದ ಕಾರಣ ಪದವಿ ಪೂರ್ವ ಶಿಕ್ಷಣ ಇಲಾಖೆ ಆದೇಶ ಹೊರಡಿಸಿದೆ.

ಭಾಷಾ ವಿಷಯಗಳಿಗೆ ಶೇ. 70ರಷ್ಟು ಪಠ್ಯಕ್ಕೆ ಮಾತ್ರ ಪರೀಕ್ಷೆ ನಡೆಸುವುದಾಗಿ ಇಲಾಖೆ ತಿಳಿಸಿದೆ. ಆದರೆ, ಕೇಂದ್ರ ಶಿಕ್ಷಣ ಸಚಿವಾಲಯ ಅಥವಾ ಸಿಬಿಎಸ್ಇ ಮಂಡಳಿ 12ನೇ ತರಗತಿ ವಿದ್ಯಾರ್ಥಿಗಳಿಗೆ ಯಾವುದೇ ಪಠ್ಯಗಳನ್ನು ಕಡಿತಗೊಳಿಸಿದ ಕಾರಣ, ರಾಜ್ಯದಲ್ಲೂ ದ್ವಿತೀಯ ಪಿಯುಸಿ ವಿದ್ಯಾರ್ಥಿಗಳಿಗೆ ಐಚ್ಛಿಕ ವಿಷಯಗಳಿಗೆ ಯಾವುದೇ ಪಠ್ಯಕ್ರಮ ಕಡಿತಗೊಳಿಸಿಲ್ಲ. ಬದಲಿಗೆ, ಶೇ.100ರಷ್ಟು ಪಠ್ಯಕ್ರಮಕ್ಕೆ ಪರೀಕ್ಷೆ ನಡೆಸಲು ನಿರ್ಧರಿಸಿದೆ.

ಈ ಬಾರಿ ವಿದ್ಯಾರ್ಥಿಗಳಿಗೆ ಪರೀಕ್ಷೆ ಸುಲಭವಾಗಿಸಲು ಪದವಿ ಪೂರ್ವ ಶಿಕ್ಷಣ ಇಲಾಖೆ ದ್ವಿತೀಯ ಪಿಯು ವಾರ್ಷಿಕ ಪರೀಕ್ಷೆಯ ಐಚ್ಛಿಕ ವಿಷಯಗಳಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಆಯ್ಕೆ ಪ್ರಶ್ನೆಗಳನ್ನು ಕೇಳಲು ತೀರ್ಮಾನಿಸಲಾಗಿದೆ. ಒಂದು ಅಂಕಕ್ಕೆ ನಿರ್ದಿಷ್ಟ ಪ್ರಶ್ನೆಗಳನ್ನು ಕೇಳುತ್ತಿದ್ದ ಇಲಾಖೆ, ಯಾವುದೇ ಆಯ್ಕೆ ಪ್ರಶ್ನೆಗಳನ್ನು ಕೇಳುತ್ತಿರಲಿಲ್ಲ. ಆದರೆ, ಈ ವರ್ಷ ಒಂದು ಅಂಕಕ್ಕೂ ಆಯ್ಕೆ ಪ್ರಶ್ನೆಗಳನ್ನು ಕೇಳಲು ನಿರ್ಧರಿಸಿದೆ. 2 ಅಂಕ, ಐದು ಅಥವಾ ಹತ್ತು ಅಂಕದ ಪ್ರಶ್ನೆ ಗಳಲ್ಲೂ ಹೆಚ್ಚಿನ ಸಂಖ್ಯೆಯಲ್ಲಿ ಆಯ್ಕೆಯ ಪ್ರಶ್ನೆಗಳಿಗೆ ಒತ್ತು ನೀಡಲು ಕ್ರಮ ಕೈಗೊಂಡಿದೆ

Book Your Advertisement Now.

Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

Latest News on WhatsApp

Why Keelambi Media Lab Pvt Ltd ?

Klive News has simplified and given a complete makeover to the whole process of booking ads for different media platforms. Now there is no need for you to travel all the way to the respective offices. Nor do you need to write messages manually on Email form. Klive.news lets you do all this and more from the comfort of your home, office or even when you’re travelling. We have created a niche for ourselves in the world of advertising and our work speaks volumes about our ability and integrity.

KLIVE at Google News App

KLIVE Android App on Google Play Store

Download the most loved Klive App for your Android phone or tablet.

ಭಾರತೀಯ ಸಂಸ್ಕೃತಿಯಲ್ಲಿ ಸಾಂಸ್ಕೃತಿಕ ಕಲೆಗಳಾದ ನೃತ್ಯ, ಹಾಡು ಮತ್ತು ಇತರ ಕಲೆಗಳಿಗೆ ಎಷ್ಟು ಪ್ರಾಮುಖ್ಯತೆ ಇದೆಯೋ , ಅಷ್ಟೇ ಪ್ರಾಮುಖ್ಯತೆ ನಾಟಕಕ್ಕೂ ಕೂಡ ಇದೆ.

ನಾಟಕವು ಎಲ್ಲವನ್ನು ಒಳಗೊಂಡ ಒಂದು ಸಮಗ್ರ ಕಲೆಯಾಗಿದೆ. ಸಮಾಜದ ಹುಳುಕುಗಳನ್ನು ಎತ್ತಿ ತೋರಿಸುವ ಸಮಾಜದ ಸಂಬಂಧಗಳನ್ನು ಗಟ್ಟಿಗೊಳಿಸುವ ಸಾಮರ್ಥ್ಯ ನಾಟಕಕ್ಕೆ ಇದೆ. ನಾಟಕ ಪುರಾತನ ಕಲೆಯಾಗಿದೆ. ನಾಟಕಕ್ಕೆ ಪ್ರೇಕ್ಷಕರು ಜೀವಾಳ.

ಇಂದಿನ ಜಾಗತೀಕರಣ ಮತ್ತು ಆಧುನಿಕತೆಯ ಭರಾಟೆಯಲ್ಲಿ ನಮ್ಮ ಸಂಸ್ಕೃತಿಯ ಪ್ರತಿಬಿಂಬ ಗಳಾಗಿರುವ ನಾಟಕಗಳು ಜನರನ್ನು ತಲುಪುತ್ತಿಲ್ಲ. ಸಿನಿಮಾ, ಟಿವಿ ಕಡೆಗೆ ಜನರು ಹೆಚ್ಚು ಆಕರ್ಷಿತರಾಗಿ ನಾಟಕಗಳನ್ನು ಪ್ರೇಕ್ಷಕರ ಸಂಖ್ಯೆ ಕಡಿಮೆ ಆಗಿದೆ.

ಸಿನಿಮಾ ಜನರಿಗೆ ಎಷ್ಟು ಪ್ರಭಾವ ಬೀರುತ್ತದೆಯೋ ನಾಟಕವು ಸಹ ತನ್ನದೇ ಆದಂತಹ ಪರಿಣಾಮ ಬೀರುತ್ತದೆ.

ಶಿವಮೊಗ್ಗ ಜಿಲ್ಲಾ ಕಾಲೇಜು ರಂಗೋತ್ಸವ 2021-22 ನೇ ಸಾಲಿನ ಶಿವಮೊಗ್ಗ ರಂಗಾಯಣ ಆಯೋಜಿಸಿರುವ ಯುವಜನತೆಯೆಡೆಗೆ, ರಂಗಾಯಣದ ಹೆಜ್ಜೆ ಎಂಬ ಶೀರ್ಷಿಕೆ ಅಡಿಯಲ್ಲಿ ನಾಟಕ ಪ್ರದರ್ಶನಗೊಳ್ಳಲಿದೆ.

ಯುವಕರಲ್ಲಿ ನಾಟಕದ ಅರಿವು ಮೂಡಲಿ ಎಂಬ ಉದ್ದೇಶದಿಂದ ಈ ರಂಗೋತ್ಸವವನ್ನು ಆಯೋಜಿಸಲಾಗಿದೆ.

” ತುರುಬು ಕಟ್ಟುವ ಹದನ” ಎಂಬ ನಾಟಕವನ್ನು ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ಮತ್ತು ಸ್ನಾತಕೋತ್ತರ ಅಧ್ಯಯನ ಕೇಂದ್ರ ತೀರ್ಥಹಳ್ಳಿ ವಿದ್ಯಾರ್ಥಿಗಳು ನಾಟಕ ಪ್ರದರ್ಶನ ಮಾಡಲಿದ್ದಾರೆ. ನಿರ್ದೇಶನ: ಶ್ರೀಕಾಂತ್ ಕುಮಟಾ.
ಸಮಯ: ಇಂದು ಸಂಜೆ 6 ಗಂಟೆಗೆ

ಸ್ಥಳ :ಶಾಂತವೇರಿ ಗೋಪಾಲಗೌಡ ರಂಗಮಂದಿರ ತೀರ್ಥಹಳ್ಳಿ.

ನಾಟಕಕ್ಕೆ ಕೇವಲ 100 ಜನರಿಗೆ ಅವಕಾಶ ಕಲ್ಪಿಸಿಕೊಡಲಾಗಿದೆ. ನೆನಪಿಡಿ ಪ್ರೇಕ್ಷಕರು ಕೊರೋನಾ ನಿಯಮಾವಳಿಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಬೇಕು.

ನಮ್ಮ ಶಿವಮೊಗ್ಗ ಪರಿಸರಾಸಕ್ತರ ತಂಡವು ಮಲ್ಲಿಗೇನಹಳ್ಳಿ ವಾಜಪೇಯಿ ಬಡಾವಣೆಯ ಕ್ಯಾದಿಗೆ ಕಟ್ಟೆ ಕೆರೆಯಾ ಜೀರ್ಣೋದ್ಧಾರವನ್ನು ಕೈಗೊಂಡು, ಕೆರೆಯ ಆವರಣದಲ್ಲಿ ವೃಕ್ಷಮಾತೆ ಶ್ರೀಮತಿ ತುಳಸಿ ಗೌಡ ಹೆಸರಿನ ಉದ್ಯಾನವನದ ಉದ್ಘಾಟನೆಯನ್ನು ಪದ್ಮಶ್ರೀ ಪುರಸ್ಕೃತ ತುಳಸಿ ಗೌಡ ಅವರು ಕೆರೆಗೆ ಮೀನುಗಳನ್ನು ಬಿಡುವ ಮೂಲಕ ಹಾಗೂ ಕೆರೆಯ ಆವರಣದಲ್ಲಿ ಗಿಡ ನೆಡುವ ಮೂಲಕ ಲೋಕಾರ್ಪಣೆ ಮಾಡಿದರು.

ಬೆಳಿಗ್ಗೆಯ ಅರುಣರಾಗ ಕಾರ್ಯಕ್ರಮದಲ್ಲಿ ಸಂಸದ ಬಿ.ವೈ.ರಾಘವೇಂದ್ರ ಅವರು ಭಾಗವಹಿಸಿದ್ದರು. ಜಿಲ್ಲಾ ಪ್ರವಾಸೋದ್ಯಮ ವೇದಿಕೆಯ ಅಧ್ಯಕ್ಷ ಶ್ರೀ ಲಕ್ಷ್ಮೀನಾರಾಯಣ ಕಾಶಿ ಅವರು ಸಂಸದ ಬಿ.ವೈ.ರಾಘವೇಂದ್ರ ಅವರು ಕೊಡಮಾಡಿದ್ದ 2 ಲಕ್ಷ ರೂಪಾಯಿ ಕೆರೆಯ ಪುನರುಜ್ಜೀವನ ಕಾರ್ಯಕ್ಕೆ ದೇಣಿಗೆಯನ್ನು ಘೋಷಿಸಿದರು.

ಸುಮಾರು ಐದೂವರೆ ಎಕರೆ ವಿಸ್ತೀರ್ಣವಿರುವ ಜಾಗದಲ್ಲಿ ಮೂರುವರೆ ಎಕರೆಯಲ್ಲಿ ಪುನರುಜ್ಜೀವನ ಕೈಗೊಂಡ ಪರಿಸರಾಸಕ್ತ ತಂಡವು ಸ್ಥಳೀಯರು ಜಿಲ್ಲಾಡಳಿತ ಹಾಗೂ ಗ್ರಾಮೀಣಾಭಿವೃದ್ಧಿ ಇಲಾಖೆ ಹಾಗೂ ಅನೇಕ ದಾನಿಗಳ ಸಹಾಯ ಹಸ್ತದಿಂದ ಕೆರೆಯನ್ನು ನಿರ್ಮಾಣ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ.

ಕೆರೆಹಬ್ಬ ಹಾಗೂ ಉದ್ಯಾನವನವನ್ನು ವೃಕ್ಷಮಾತೆ ತುಳಸಿ ಗೌಡ ಅವರು ಉದ್ಘಾಟಿಸುವ ಮೂಲಕ ಲೋಕಾರ್ಪಣೆ ಮಾಡಿದರು. ವೃಕ್ಷಮಾತೆ ಅವರದೇ ಶೈಲಿಯಲ್ಲಿ ಕೆರೆ ಪುನರುಜ್ಜೀವನ ಕಾರ್ಯದ ಬಗ್ಗೆ ಕೆ-ಲೈವ್ ಮೀಡಿಯಾ ದೊಂದಿಗೆ ಹಂಚಿಕೊಂಡರು.

ಪರಿಸರ ಚಿಂತಕರೂ ಆದ ಪ್ರೊ.ಎ.ಎಸ್. ಚಂದ್ರಶೇಖರ್ ಅವರು 2021 ರಿಂದ 2030 ರವರೆಗಿನ ಈ ಹತ್ತು ವರ್ಷಗಳ ಕಾಲ ವಿಶ್ವಸಂಸ್ಥೆ ಏಕೋ ಸಿಸ್ಟಮ್ ರೆಸ್ಟೋರೇಷನ್ ಬಗ್ಗೆ ಮಾತನಾಡಿದರು.

eco-system ಹೇಗೆ ಆಗಿದೆ. ಪರಿಸರದಲ್ಲಿರುವ ನೆಲ, ಜಲ, ಕಾಡು, ಪ್ರಾಣಿ, ಸಸ್ಯಗಳು ನಗರೀಕರಣದಿಂದ ಹಾಳಾಗಿದೆ. ಪರಿಸರವನ್ನು ಸರಿಪಡಿಸಲು ಈ ಹತ್ತು ವರ್ಷಗಳ ಕಾಲ ವಿಶ್ವಸಂಸ್ಥೆ ಪಣತೊಟ್ಟಿದೆ. ವಿಶ್ವಸಂಸ್ಥೆಯ ಜೊತೆ ಪರಿಸರವನ್ನು ರಕ್ಷಿಸುವ ಹೊಣೆ ಎಲ್ಲರದ್ದು ಎಂದು ಪ್ರೊ.ಎ.ಎಸ್. ಚಂದ್ರಶೇಖರ್ ಹೇಳಿದರು.

ಅರ್ಥಶಾಸ್ತ್ರಜ್ಞರು,ಪರಿಸರ ಚಿಂತಕರು ಹಾಗೂ ಹೋರಾಟಗಾರರಾದ ಪ್ರೊ.ಬಿ.ಎಂ. ಕುಮಾರಸ್ವಾಮಿ ಅವರು ಮಾತನಾಡಿ 1984 ರಲ್ಲಿ ಪಶ್ಚಿಮಘಟ್ಟದ ಉಳಿವಿಗಾಗಿ ಪಶ್ಚಿಮ ಘಟ್ಟಗಳ ರಾಜ್ಯಗಳು ಕನ್ಯಾಕುಮಾರಿಯಿಂದ ಗೋವಾದ ವರೆಗೆ ಹಾಗೂ ಗುಜರಾತ್ ನಿಂದ ಗೋವಾದವರಿಗೆ ಆಯೋಜಿಸಿದ್ದ ನೂರು ದಿನಗಳ ಪಾದಯಾತ್ರೆಯಲ್ಲಿ ಭಾಗವಹಿಸಿದ್ದರ ಬಗ್ಗೆ ಮೆಲುಕು ಹಾಕುವುದರ ಜೊತೆಗೆ ಪ್ರಕೃತಿಯ ಉಳಿವಿಗಾಗಿ ಪ್ರತಿಯೊಬ್ಬರು ತಮ್ಮ ಕರ್ತವ್ಯಗಳನ್ನು ಪಾಲಿಸಬೇಕು ಎಂದು ಪ್ರೊ.ಬಿ.ಎಂ.ಕುಮಾರಸ್ವಾಮಿ ಅವರು ತಿಳಿಸಿದರು.

ಕೆರೆ ಹಬ್ಬದ ಎರಡನೇ ಭಾಗ ಸಂಧ್ಯಾರಾಗ ಸಂಜೆಯ ಗೋಧೂಳಿ ಸಮಯಕ್ಕೆ ಸರಿಯಾಗಿ ಕೆರೆಯ ಸುತ್ತಲೂ ದೀಪಗಳನ್ನು ಬೆಳಗಿಸುವ ಮೂಲಕ ದೀಪೋತ್ಸವ ಹಾಗೂ ಆರತಿ ಕಾರ್ಯಕ್ರಮ ನೆರವೇರಿತು.

ಕೆರೆಯ ಸುತ್ತಲೂ ಹಚ್ಚಿದ ಸಾಲು ಹಣತೆಯ ಬೆಳಕು ನೋಡುತ್ತಿದ್ದಂತೆ ನೆರೆದವರು ಮಂತ್ರಮುಗ್ಧರಾದರು. ಜೊತೆಗೆ ಕೆರೆಯ ನೀರಿನಲ್ಲಿ ದೀಪಗಳ ಪ್ರತಿಬಿಂಬ ನೆರೆದವರನ್ನು ಕಲ್ಪನಾ ಲೋಕಕ್ಕೆ ಕರೆದೊಯ್ಯಿತು.

ಸಂಜೆಯ ಇನ್ನೊಂದು ಆಕರ್ಷಣೆ ಕೆರೆಯ ಆರತಿ. ಕೆರೆ ಆರತಿಗೆ ಗ್ರಾಮೀಣಾಭಿವೃದ್ಧಿ ಸಚಿವ ಕೆ ಎಸ್ ಈಶ್ವರಪ್ಪ ಅವರು, ವೃಕ್ಷಮಾತೆ ಶ್ರೀಮತಿ ತುಳಸಿ ಗೌಡ ಅವರು, ಶಿವಮೊಗ್ಗ ಮಹಾನಗರ ಪಾಲಿಕೆಯ ಮೇಯರ್ ಶ್ರೀಮತಿ ಸುನೀತಾ ಅಣ್ಣಪ್ಪ ಅವರು ಕಿರಿಕೆ ಆರತಿ ಮಾಡಿ ಕೆರೆಯಲ್ಲಿ ದೀಪಗಳನ್ನು ತೇಲಿ ಬಿಟ್ಟರು. ದೀಪೋತ್ಸವದಲ್ಲಿ ಪರಿಸರಸ್ನೇಹಿ ಗೋಮಯ ದೀಪಗಳನ್ನ ಬಳಸಿದ್ದು ವಿಶೇಷವಾಗಿತ್ತು.

ಸಂಜೆಯ ಸಂಧ್ಯಾವಂದನೆ ಕಾರ್ಯಕ್ರಮದಲ್ಲಿ ಪದ್ಮಶ್ರೀ ಪುರಸ್ಕೃತ ವೃಕ್ಷಮಾತೆ ತುಳಸಿ ಗೌಡ ಅವರಿಗೆ ಸನ್ಮಾನವನ್ನು ಮಾಡಲಾಯಿತು.

ಈ ಕಾರ್ಯಕ್ರಮದಲ್ಲಿ ಶಿವಮೊಗ್ಗದ ಬಸವಕೇಂದ್ರದ ಡಾ. ಶ್ರೀ ಬಸವಮರುಳ ಸಿದ್ಧ ಸ್ವಾಮೀಜಿ, ಹೊಸನಗರ ತಾಲೂಕಿನ ಮೂಲೆಗದ್ದೆಯ ಶ್ರೀ ಅಭಿನವ ಚನ್ನಬಸವ ಸ್ವಾಮೀಜಿ, ಜಿಲ್ಲಾ ಪ್ರವಾಸೋದ್ಯಮ ಅಭಿವೃದ್ಧಿ ವೇದಿಕೆಯ ಅಧ್ಯಕ್ಷರಾದ ಲಕ್ಷ್ಮೀನಾರಾಯಣ ಕಾಶಿ ಅವರು, ವಾಜಪೇಯಿ ಬಡಾವಣೆಯ ಸಾರ್ವಜನಿಕರು ಮತ್ತು ಪುನರುಜ್ಜೀವನ ಕಾರ್ಯದಲ್ಲಿ ಭಾಗಿಯಾಗಿದ್ದವರು, ಇನ್ನೂ ಮುಂತಾದವರು ಉಪಸ್ಥಿತರಿದ್ದರು.

Book Your Advertisement Now.

Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

Latest News on WhatsApp

Why Keelambi Media Lab Pvt Ltd ?

Klive News has simplified and given a complete makeover to the whole process of booking ads for different media platforms. Now there is no need for you to travel all the way to the respective offices. Nor do you need to write messages manually on Email form. Klive.news lets you do all this and more from the comfort of your home, office or even when you’re travelling. We have created a niche for ourselves in the world of advertising and our work speaks volumes about our ability and integrity.

KLIVE at Google News App

KLIVE Android App on Google Play Store

Download the most loved Klive App for your Android phone or tablet.

ಅಂತರ್‌ರಾಜ್ಯ ನದಿ ನೀರು ವಿವಾದಗಳ ಕಾಯ್ದೆಯನ್ನು ಮರುಪರಿಶೀಲಿಸುವಂತೆ ಕೇಂದ್ರವನ್ನು ಒತ್ತಾಯಿಸಿದ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ, ಕಾನೂನು ಅವುಗಳನ್ನು ಪರಿಹರಿಸುವ ಬದಲು ಹೆಚ್ಚಿನ ವಿವಾದಗಳನ್ನು ಸೃಷ್ಟಿಸುತ್ತಿದೆ ಎಂದು ಹೇಳಿದರು. ಕಾರ್ಯವಿಧಾನದ ಮತ್ತು ಕಾನೂನು ಮಧ್ಯಸ್ಥಿಕೆಗಳಿಂದ ಕರ್ನಾಟಕದ ಹಲವಾರು ಯೋಜನೆಗಳು ಕುಂಠಿತಗೊಂಡಿವೆ. ಕೇಂದ್ರ ಸಚಿವ ನಿತಿನ್ ಗಡ್ಕರಿ ಅಧ್ಯಕ್ಷತೆಯಲ್ಲಿ ನಡೆದ ಪ್ರಧಾನಮಂತ್ರಿ ಗತಿ ಶಕ್ತಿ ದಕ್ಷಿಣ ವಲಯ ಸಮ್ಮೇಳನದ ಉದ್ಘಾಟನಾ ಸಮಾರಂಭದಲ್ಲಿ ಬೊಮ್ಮಾಯಿ ನದಿ ಜಲಾನಯನ ಪ್ರದೇಶದಲ್ಲಿ ನದಿ ತೀರದ ರಾಜ್ಯಗಳಿಗೆ ಗರಿಷ್ಠ ನೀರಿನ ಬಳಕೆಯನ್ನು ಅನುಮತಿಸುವ ವೈಜ್ಞಾನಿಕ ಮಾರ್ಗಗಳ ಮೇಲೆ ಕಾಯಿದೆಗೆ ತಿದ್ದುಪಡಿ ಮಾಡುವ ಅಗತ್ಯವಿದೆ ಎಂದರು.
ತಮಿಳುನಾಡು ತೀವ್ರ ವಿರೋಧ ವ್ಯಕ್ತಪಡಿಸುತ್ತಿರುವ ಮೇಕೆದಾಟು ಯೋಜನೆಗೆ ಪರಿಸರ ಮತ್ತು ಇತರ ಅನುಮತಿಗಳಿಗೆ ಕರ್ನಾಟಕ ಒತ್ತಾಯಿಸುತ್ತಿರುವುದರಿಂದ ಮುಖ್ಯಮಂತ್ರಿಗಳ ಹೇಳಿಕೆ ಮಹತ್ವ ಪಡೆದುಕೊಂಡಿದೆ.
ಮಹಾರಾಷ್ಟ್ರ, ಗೋವಾ ಮತ್ತು ಆಂಧ್ರಪ್ರದೇಶದೊಂದಿಗಿನ ಅನೇಕ ನೀರಾವರಿ ರಾಜ್ಯ ನದಿ ನೀರಿನ ವಿವಾದಗಳ ಬಗ್ಗೆ ತಿಳಿಸಿದರು.
ಚಾಲ್ತಿಯಲ್ಲಿರುವ ಸಮಸ್ಯೆಗಳನ್ನು ಪರಿಹರಿಸಲು ಕೆಲವು ಕಾನೂನು ಮಧ್ಯಸ್ಥಿಕೆಗಳು ಅಗತ್ಯವಾಗಿವೆ. ವಿಳಂಬವು ರಾಜ್ಯಗಳಿಗೆ ಭಾರಿ ನಷ್ಟವನ್ನುಂಟು ಮಾಡುತ್ತಿದೆ. ಕೇಂದ್ರವು ವಿವಿಧ ಯೋಜನೆಗಳನ್ನು ನಿಯಂತ್ರಿಸುವ ಕಾನೂನನ್ನು ಮರುಪರಿಶೀಲಿಸುವ ಸಮಯ ಬಂದಿದೆ ಎಂದರು.

Book Your Advertisement Now.

Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

Latest News on WhatsApp

Why Keelambi Media Lab Pvt Ltd ?

Klive News has simplified and given a complete makeover to the whole process of booking ads for different media platforms. Now there is no need for you to travel all the way to the respective offices. Nor do you need to write messages manually on Email form. Klive.news lets you do all this and more from the comfort of your home, office or even when you’re travelling. We have created a niche for ourselves in the world of advertising and our work speaks volumes about our ability and integrity.

KLIVE at Google News App

KLIVE Android App on Google Play Store

Download the most loved Klive App for your Android phone or tablet.

ದೇಶಾದ್ಯಂತ ಕೋವಿಡ್ ಮೂರನೆಯ ಅಬ್ಬರದ ನಡುವೆಯೇ 12ರಿಂದ 14 ವರ್ಷ ವಯೋಮಾನದ ಮಕ್ಕಳಿಗೂ ಶೀಘ್ರ ಕೋವಿಡ್ ಲಸಿಕೆ ನೀಡಲು ಕೇಂದ್ರ ಸರ್ಕಾರ ಸಿದ್ಧತೆ ನಡೆಸಿದೆ.
ಮಾರ್ಚ್ 1ರಿಂದ 12-14 ವಯೋಮಾನದ ಮಕ್ಕಳಿಗೆ ಲಸಿಕಾ ಅಭಿಯಾನ ಆರಂಭವಾಗಲಿದೆ ಎಂದು ನೀತಿ ಆಯೋಗದ ಕೋವಿಡ್-19 ಕಾರ್ಯಪಡೆ ಮುಖ್ಯಸ್ಥ ಡಾ.ಎನ್.ಕೆ.ಅರೋರಾ ಅವರು ತಿಳಿಸಿದ್ದಾರೆ.
ರಾಜ್ಯದಲ್ಲಿ ದೈನಂದಿನ ಸೋಂಕು ಗಣನೀಯವಾಗಿ ಹೆಚ್ಚುತ್ತಿದ್ದರೂ, ಹೆಚ್ಚಿನ ನಿರ್ಬಂಧ ಕ್ರಮಗಳಿಗೆ ಮುಂದಾಗಿದೆ ಹಾಲಿ ಸ್ಥಿತಿಯನ್ನೇ ಸದ್ಯಕ್ಕೆ ಮುಂದುವರಿಸಲು ಸರ್ಕಾರ ತೀರ್ಮಾನಿಸಿದೆ. ರಾಜ್ಯದಲ್ಲಿ ಕೋವಿಡ್ ಲಾಕ್ ಡೌನ್ ಕರ್ಫ್ಯೂ ಮುಂದುವರಿಸಬೇಕೆ ಅಥವಾ ಸಡಿಲಗೊಳಿಸಬೇಕೇ ಎಂಬ ಬಗ್ಗೆ ಮುಂದಿನ ಸಭೆಯಲ್ಲಿ ತೀರ್ಮಾನಿಸಲಾಗುವುದು ಎಂದು ಸಿಎಂ ಬಸವರಾಜ್ ಬೊಮ್ಮಾಯಿ ಅಧ್ಯಕ್ಷತೆಯಲ್ಲಿ ನಡೆದ ಕೋವಿಡ್ ಕುರಿತ ವರ್ಚ್ಯುವಲ್ ಸಭೆಯ ಬಳಿಕ ಕಂದಾಯ ಸಚಿವ ಆರ್ ಅಶೋಕ್ ಅವರು ತಿಳಿಸಿದ್ದಾರೆ.
ದೇಶದಲ್ಲಿ 12 ವರ್ಷ ಅಥವಾ ಅದಕ್ಕಿಂತ ಕಿರಿಯ ಮಕ್ಕಳಿಗೆ ಲಸಿಕೆ ನೀಡುವ ಕುರಿತು ನೀಲನಕ್ಷೆ ಒದಗಿಸುವಂತೆ ಸರ್ಕಾರಕ್ಕೆ ನಿರ್ದೇಶನ ನೀಡಬೇಕು ಎಂದು ದಿಲ್ಲಿ ಹೈಕೋರ್ಟ್ ಗೆ ಅರ್ಜಿ ಸಲ್ಲಿಸಲಾಗಿದೆ. ಸೋಮವಾರ ಅರ್ಜುನ್ ಸ್ವೀಕರಿಸಿರುವ ಮುಖ್ಯ ನ್ಯಾಯಮೂರ್ತಿ ಡಿ.ಎನ್. ಪಟೇಲ್ ನೇತೃತ್ವದ ಪೀಠ ಮಾ.22ಕ್ಕೆ ಇದರ ವಿಚಾರಣೆ ನಡೆಸುವುದಾಗಿ ತಿಳಿಸಿದೆ.

Book Your Advertisement Now.

Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

Latest News on WhatsApp

Why Keelambi Media Lab Pvt Ltd ?

Klive News has simplified and given a complete makeover to the whole process of booking ads for different media platforms. Now there is no need for you to travel all the way to the respective offices. Nor do you need to write messages manually on Email form. Klive.news lets you do all this and more from the comfort of your home, office or even when you’re travelling. We have created a niche for ourselves in the world of advertising and our work speaks volumes about our ability and integrity.

KLIVE at Google News App

KLIVE Android App on Google Play Store

Download the most loved Klive App for your Android phone or tablet.

ಕೇಂದ್ರ ಸರ್ಕಾರದ ಇ- ಸಂಜೀವಿನಿ ಆಪ್ ಮೂಲಕ ವೈದ್ಯರನ್ನು ಸಂಪರ್ಕಿಸಿ ಚಿಕಿತ್ಸೆ ಪಡೆಯುತ್ತಿರುವವರ ಸಂಖ್ಯೆ ರಾಜ್ಯದಲ್ಲಿ ಹೆಚ್ಚುತ್ತಿದೆ. ಈ ಮೂಲಕ ಆಸ್ಪತ್ರೆಗಳ ಮೇಲಿನ ಒತ್ತಡ ಕಡಿಮೆಯಾಗುತ್ತಿದೆ. ಈ ಆಪ್ ಬಳಕೆಯಲ್ಲಿ ದೇಶದಲ್ಲಿಯೇ ಕರ್ನಾಟಕ ಎರಡನೇ ಸ್ಥಾನದಲ್ಲಿದೆ.
ಕೋವಿಡ್ ಹಿನ್ನೆಲೆಯಲ್ಲಿ ಆಸ್ಪತ್ರೆಗಳು ರೋಗಿಗಳಿಂದ ತುಂಬಿ ತುಳುಕುತ್ತಿವೆ. ಬಿಳಿ ಕಾಯಿಲೆಯಿಂದ ಆಸ್ಪತ್ರೆಗೆ ಹೋದರೂ ಸಕಾಲದಲ್ಲಿ ವೈದ್ಯರು ಸಿಗುವುದು ಕಷ್ಟ. ಹೀಗಾಗಿ ಕೋವಿಡ್ ಪೀಡಿತರು ಮತ್ತು ಇತರೆ ರೋಗಿಗಳು ಇ- ಸಂಜೀವಿನಿಗೆ ಮೊರೆ ಹೋಗಿದ್ದಾರೆ.
ರಾಜ್ಯದಲ್ಲಿ ಇದುವರೆಗೆ 35.19 ಲಕ್ಷ ಜನರು ಇ-ಸಂಜೀವಿನಿ ಆಪ್ ಮೂಲಕ ವೈದ್ಯರನ್ನು ಸಂಪರ್ಕಿಸಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ರಾಜ್ಯದಲ್ಲಿ 2021ರ ಅಕ್ಟೋಬರ್ 24 ಲಕ್ಷ ಜನರು ಇ-ಸಂಜೀವಿನಿ ಮೂಲಕ ಚಿಕಿತ್ಸೆ ಪಡೆದಿದ್ದರು ಎಂದು ತಿಳಿದುಬಂದಿದೆ.
ಸಾಮಾನ್ಯ ಕೆಮ್ಮು, ನೆಗಡಿ ಜ್ವರ ಮತ್ತು ಇತರ ಆರೋಗ್ಯ ಸಮಸ್ಯೆಗಳಿಗೆ ಮನೆಯಲ್ಲಿಯೇ ಕುಳಿತು ವೈದ್ಯರಿಂದ ಚಿಕಿತ್ಸೆ ಪಡೆಯಲು ಇ-ಸಂಜೀವಿನಿ ಆಪ್ ಬಳಸಬಹುದಾಗಿದೆ.
ಇ-ಸಂಜೀವಿನಿ ಬಳಕೆಯಲ್ಲಿ ರಾಜ್ಯದಲ್ಲಿ ಬೆಳಗಾವಿ ಜಿಲ್ಲೆ ಮೊದಲ ಸ್ಥಾನದಲ್ಲಿದೆ.
ಕುಂದಾನಗರಿಯಲ್ಲಿ ಇದುವರೆಗೆ 2.21 ಲಕ್ಷ ಜನರು ಟೆಲಿ ಸಂದರ್ಶನದ ಮೂಲಕ ಚಿಕಿತ್ಸೆ ಪಡೆದಿದ್ದಾರೆ. ಬಳ್ಳಾರಿಯಲ್ಲಿ 2.16 ಲಕ್ಷ, ಚಿಕ್ಕಮಗಳೂರು 2.09 ಲಕ್ಷ ಹಾಗೂ ಬೆಂಗಳೂರು ನಗರದಲ್ಲಿ 1.27 ಲಕ್ಷ ಜನರು ಇ- ಸಂಜೀವಿನಿ ಮೂಲಕ ಚಿಕಿತ್ಸೆ ಪಡೆದಿದ್ದಾರೆ ತಿಳಿದುಬಂದಿದೆ.

Book Your Advertisement Now.

Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.

Latest News on WhatsApp

Why Keelambi Media Lab Pvt Ltd ?

Klive News has simplified and given a complete makeover to the whole process of booking ads for different media platforms. Now there is no need for you to travel all the way to the respective offices. Nor do you need to write messages manually on Email form. Klive.news lets you do all this and more from the comfort of your home, office or even when you’re travelling. We have created a niche for ourselves in the world of advertising and our work speaks volumes about our ability and integrity.

KLIVE at Google News App

KLIVE Android App on Google Play Store

Download the most loved Klive App for your Android phone or tablet.