Friday, November 20, 2026
Friday, November 20, 2026
Home Blog Page 1191

Sankara Eye Hospital Shimoga ಸಕಾಲದಲ್ಲಿ ಕಣ್ಣಿನ ಪರೀಕ್ಷೆ ಮಾಡಿಸಿ- ಡಾ.ವರ್ಷಾ

0

Sankara Eye Hospital Shimoga ಕಣ್ಣುಗಳು ಮನುಷ್ಯನ ದೇಹದ ಪ್ರಮುಖ ಅಂಗ ಆಗಿದ್ದು, ಸಕಾಲದಲ್ಲಿ ಕಣ್ಣುಗಳ ಪರೀಕ್ಷೆ ಮಾಡಿಸಿಕೊಳ್ಳಬೇಕು. ಕಣ್ಣಿನ ಆರೋಗ್ಯದ ಬಗ್ಗೆ ನಿರ್ಲಕ್ಷ್ಯ ಮಾಡಬಾರದು ಎಂದು ಶಂಕರ ಕಣ್ಣಿನ ಆಸ್ಪತ್ರೆಯ ವೈದ್ಯೆ ಡಾ. ವರ್ಷಾ ಅಭಿಪ್ರಾಯಪಟ್ಟರು.

ಕಸ್ತೂರ ಬಾ ಬಾಲಿಕಾ ಪದವಿಪೂರ್ವ ಕಾಲೇಜು ಹಾಗೂ ರೋಟರಿ ಶಿವಮೊಗ್ಗ ಪೂರ್ವ ಸಂಸ್ಥೆ ವತಿಯಿಂದ ಶಂಕರ ಕಣ್ಣಿನ ಆಸ್ಪತ್ರೆಯ ಸಹಯೋಗದಲ್ಲಿ ರಾಷ್ಟ್ರೀಯ ಸೇವಾ ಯೋಜನೆ ಶಿಬಿರದಲ್ಲಿ ವಿದ್ಯಾರ್ಥಿಗಳು ಹಾಗೂ ಸಾರ್ವಜನಿಕರಿಗೆ ಆಯೋಜಿಸಿದ್ದ ನೇತ್ರ ತಪಾಸಣಾ ಹಾಗೂ ಮಾಹಿತಿ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದರು.

ಕಣ್ಣಿನಲ್ಲಿ ಅನೇಕ ಸಮಸ್ಯೆಗಳು ಎದುರಾಗುತ್ತವೆ. ಕಣ್ಣು ಸೂಕ್ಷ್ಮ ಭಾಗ ಸಹ ಆಗಿರುವುದರಿಂದ ಎಚ್ಚರಿಕೆ ವಹಿಸಬೇಕು. ಮಕ್ಕಳು ಬಾಲ್ಯದಲ್ಲೇ ತಪಾಸಣೆ ನಡೆಸುವ ಜೊತೆಯಲ್ಲಿ ಕಾಲ ಕಾಲಕ್ಕೆ ಪರೀಕ್ಷೆ ನಡೆಸಬೇಕು. ಸಮಸ್ಯೆಗಳಿದ್ದಲ್ಲಿ ಕೂಡಲೇ ಸರಿಪಡಿಸಿಕೊಳ್ಳಬೇಕು ಎಂದು ತಿಳಿಸಿದರು.

ಆರ್ಥಿಕವಾಗಿ ಹಿಂದುಳಿದವರಿಗೆ ಶಂಕರ ಕಣ್ಣಿನ ಆಸ್ಪತ್ರೆ ವತಿಯಿಂದ ಉಚಿತ ಶಸ್ತ್ರ ಚಿಕಿತ್ಸೆ ಮಾಡಲಾಗುವುದು. ಇತ್ತೀಚೆಗೆ ಗ್ಲುಕೋಮಾ ಕಣ್ಣಿನ ಕಾಯಿಲೆ ಹೆಚ್ಚಾಗುತ್ತಿದ್ದು, ತುಂಬಾ ಆಘಾತಕಾರಿಯಾಗಿದೆ ಎಂದರು.

ರೋಟರಿ ಶಿವಮೊಗ್ಗ ಪೂರ್ವ ಸತೀಶ್ ಚಂದ್ರ ಮಾತನಾಡಿ, ಗ್ರಾಮೀಣ ಭಾಗದಲ್ಲಿ ಆರೋಗ್ಯದ ಬಗ್ಗೆ ಅರಿವು ಕಡಿಮೆ ಇದ್ದು, ಮಕ್ಕಳು ಮೊಬೈಲ್, ಕಂಪ್ಯೂಟರ್ ಹೆಚ್ಚು ಬಳಸುವುದರಿಂದ ಕಣ್ಣಿನ ಸಮಸ್ಯೆ ಹೆಚ್ಚಾಗುತ್ತದೆ. ಪೋಷಕರು ಗಮನ ವಹಿಸಬೇಕು ಎಂದು ಸಲಹೆ ನೀಡಿದರು.

ಇದೇ ಸಂದರ್ಭದಲ್ಲಿ ರೋಟರಿ ಮಾಜಿ ಸಹಾಯ ಗವರ್ನರ್ ಜಿ.ವಿಜಯ್‌ಕುಮಾರ್, ಕಣ್ಣಿನ ಆರೋಗ್ಯ ಕಾಪಾಡಿಕೊಳ್ಳಲು ವೈದ್ಯರ ಮಾರ್ಗದರ್ಶನ ಪಡೆದುಕೊಳ್ಳಬೇಕು. ಇಂತಹ ಶಿಬಿರಗಳನ್ನು ಸದುಪಯೋಗ ಪಡೆದುಕೊಳ್ಳಬೇಕು ಎಂದು ತಿಳಿಸಿದರು.

Sankara Eye Hospital Shimoga ಶಿಬಿರ ಅಧಿಕಾರಿ ರಾಘವೇಂದ್ರ ಡಿಎಚ್, ಸಹ ಶಿಬಿರಾಧಿಕಾರಿ ಪ್ರವೀಣ್, ಲಕ್ಷ್ಮೀ, ಹಾರೋಬೆನವಳ್ಳಿ ಗ್ರಾಮದ ಮುಖಂಡರಾದ ರಾಘವೇಂದ್ರ, ಸೀತಾರಾಮ ಆಂಜನೇಯ ದೇವಸ್ಥಾನದ ಅಧ್ಯಕ್ಷ ಸುರೇಶ್, ಎಲ್ಲ ಗ್ರಾಮಸ್ಥರು ಹಾಗೂ ಶಿಬಿರಾರ್ಥಿಗಳು ಮತ್ತಿತರರು ಉಪಸ್ಥಿತರಿದ್ದರು.

Sapna Book House ಪುಸ್ತಕ ಪ್ರಪಂಚದ ಶಹನ್ ಶಾ: ಸುರೇಶ್ ಶಾ

0

ಲೇ: ಕೆ .ರಾಜಕುಮಾರ್

Sapna Book House ಪುಸ್ತಕಗಳೊಂದಿಗೆ ಕಳೆದ ಐದು ದಶಕಗಳ ಕಾಲ ತಳಕು ಹಾಕಿಕೊಂಡ ಹೆಸರು; ಸುರೇಶ್ ಶಾ. ಪುಸ್ತಕಲೋಕದ ಮಹತ್ತ್ವಾಕಾಂಕ್ಷಿ . ಬೆಂಗಳೂರಿನ ಬೀದಿ ಬದಿಯಲ್ಲಿ ಪುಸ್ತಕ ಹರಡಿ ಮಾರುತ್ತಿದ್ದ ಸುರೇಶ್, ದುಡಿಮೆಯನ್ನೇ ಮಂತ್ರವಾಗಿಸಿಕೊಂಡು, ಬೆವರು ಬಸಿದು ಪುಸ್ತಕಗಳಿಗಾಗಿಯೇ ಭವ್ಯ ಸಪ್ನಸೌಧವೊಂದನ್ನು ಕಟ್ಟಿದವರು.

ಸಾಹಿತ್ಯವೆಂದರೆ ಪರಿಷತ್ತು, ಸಿನಿಮಾ ಎಂದರೆ ಡಾ. ರಾಜ್‌ಕುಮಾರ್ ಎಂಬ ಜನಪ್ರಿಯ ಸಮೀಕರಣಗಳಿದ್ದಾಗ, ಪುಸ್ತಕವೆಂದರೆ ಸಪ್ನ ಎಂಬ ಸಮೀಕರಣವೂ ಸಾಧ್ಯವಾಗುವಂತೆ ಮಾಡಿದವರು! ಇದಕ್ಕಾಗಿ ಅವರು ತಮ್ಮ ಇಡೀ ಬದುಕನ್ನು ತೇದರು. ತಮ್ಮ ಕನಸನ್ನು ಹಂತಹಂತವಾಗಿ ನನಸಾಗಿಸಿಕೊಂಡರು.

ಇದಕ್ಕಾಗಿ ಸುರೇಶ್ ಶಾ ಅವರು ಶ್ರಮಿಸಿದ್ದು ಸರಿಯಾಗಿ ಅರ್ಧ ಶತಮಾನ. ಇಡೀ ಭಾರತದಲ್ಲಿ ಸಪ್ನ ಬುಕ್ ಹೌಸನ್ನು ಸರಿಗಟ್ಟುವಂತಹ, ಕನಿಷ್ಠ ಅದರ ಹತ್ತಿರಕ್ಕೆ ಸರಿದು ನಿಲ್ಲುವಂತಹ ಇನ್ನೊಂದು ಮಳಿಗೆ ಇಲ್ಲ. ಪುಸ್ತಕಗಳ ಸಂಖ್ಯೆ, ವಿಷಯ ವೈವಿಧ್ಯ, ಬಗೆಬಗೆಯ ಗಾತ್ರ ಹೀಗೆ ಯಾವ ಸಂಗತಿಯಲ್ಲೂ ಸಪ್ನಾಗೆ ಸರಿಗಟ್ಟುವ ಪುಸ್ತಕ ಭಂಡಾರ ಇನ್ನೊಂದಿಲ್ಲ.

ಕನ್ನಡ ಪುಸ್ತಕ ಮಳಿಗೆಗಳಿಗೆ ಅಸ್ಮಿತೆ ತಂದುಕೊಟ್ಟವರು ಸುರೇಶ್ ಶಾ. ಕನ್ನಡ ಪುಸ್ತಕಗಳ ಸೀಮಿತ ಮಾರುಕಟ್ಟೆಯನ್ನು ಅಪಾರವಾಗಿ ವಿಸ್ತರಿಸಿದವರು. ಕನ್ನಡ ಪುಸ್ತಕವೊಂದರ ಸಾವಿರ ಪ್ರತಿಗಳ ಮಾರಾಟಕ್ಕೆ ಹತ್ತು ವರ್ಷ ಬೇಕಾಗುತ್ತದೆ ಎಂಬ ಸಾರಸ್ವತಲೋಕದ ರೂಢಿಗತ ನಂಬಿಕೆಯನ್ನು ತೊಡೆದು ಹಾಕಿದರು.

ಕನ್ನಡ ಕೃತಿಗಳ ಮಾರಾಟದ ಸಾಧ್ಯತೆಗಳನ್ನು ಪರಿಚಯಿಸಿದರು, ವಿಸ್ತರಿಸಿದರು. ಕನ್ನಡ ಪುಸ್ತಕೋದ್ಯಮ ಎಂಬುದು ದುಃಸ್ವಪ್ನವಲ್ಲ, ಇಲ್ಲಿಯೂ ಸಹ ‘ಕಮಾಯ್’ ಉಂಟು ಎಂಬುದನ್ನು ಸ್ವತಃ ಸಾಕಾರಗೊಳಿಸಿ ಇತರರಿಗೆ ಮನಗಾಣಿಸಿದವರು. ಇಲ್ಲಿ; ಸುರಿದ ಕಾಸನ್ನು ಬಾಚಿಕೊಳ್ಳಲೂ ಸಾಧ್ಯ ಎಂದು ತೋರಿಸಿಕೊಟ್ಟವರು. ಪುಸ್ತಕ ಎನ್ನುವುದು ಸಂಸ್ಕೃತಿ, ಅಷ್ಟೇ ಅಲ್ಲ; ಅದೊಂದು ಉದ್ಯಮವೂ ಹೌದು ಎಂದ ಸುರೇಶ್, ಅದನ್ನೇ ಸಾಧಿಸಿ ತೋರಿ ನೂರಾರು ಜನರಿಗೆ ಉದ್ಯೋಗಭಾಗ್ಯ ಕಟಾಕ್ಷಿಸಿದರು.

ನಾಡಿನ 19 ಕಡೆ ಸಪ್ನ ಬುಕ್ ಹೌಸ್‌ನ ಶಾಖೆಗಳು ಬಿಳಲು ಬಿಟ್ಟುಕೊಂಡವು.

ಕನ್ನಡ ಪುಸ್ತಕವೆಂದರೆ ಅರಣ್ಯರೋದನವಲ್ಲ, ಅದೊಂದು ಮಹಾಸಂಭ್ರಮವೆಂದು ಮನಗಾಣಿಸಿದವರೂ ಅವರೇ! ಇತರ ಪ್ರಕಾಶನ ಸಂಸ್ಥೆಗಳೂ, ತಮ್ಮ ಜಡತ್ವ ಕೊಡವಿಕೊಂಡು ಕ್ರಿಯಾಶೀಲತೆಯನ್ನು ಮೈಗೂಡಿಸಿಕೊಳ್ಳುವಂತಹ ಪ್ರೇರಣೆಯನ್ನು ಒದಗಿಸಿದರು.

ಕನ್ನಡಿಗರು ಕೊಂಡು ಓದುವುದಿಲ್ಲ ಎಂಬ ಆರೋಪವನ್ನು ಅಳಿಸಿ, ಅವರ ಹೆಸರಿಗೆ ಅಂಟಿಕೊಂಡಿದ್ದ ಕಳಂಕವನ್ನು ತೊಡೆದವರಲ್ಲಿ ಅವರು ಪ್ರಮುಖರು. ಸಪ್ನದಲ್ಲಿ ಕನ್ನಡ ಪುಸ್ತಕಗಳ ಜತೆಗೆ, ಇಂಗ್ಲಿಷ್ ಪುಸ್ತಕ, ಆಟಿಕೆ, ಭಿತ್ತಿಪಟ, ಬೋಧನೋಪಕರಣ, ಉಡುಗೊರೆ, ಪಠ್ಯಪುಸ್ತಕ, ಧ್ವನಿಸುರುಳಿ, ಸಿಡಿ ರಾಮ್ಸ್‌ಗಳಿಗೂ ಪ್ರತ್ಯೇಕ ವಿಭಾಗಗಳು ನಿಗದಿಗೊಂಡವು. ಸುರೇಶ್ ಶಾ; ತಾವು ಕ್ರಮಿಸುವ ಮಾರ್ಗಕ್ಕಿಂತ ಗೆಲುವು ಮತ್ತು ಯಶಸ್ಸಿಗೆ ಪ್ರಾಮುಖ್ಯ ನೀಡಿದರು.

Sapna Book House ಆರಂಭದ ದಿನಗಳಲ್ಲಿ ಹಣವಿಲ್ಲದೆ, ಬಂಧು, ಬಳಗದಿಂದಲೇ ಉಪೇಕ್ಷೆಗೆ ಒಳಗಾದ ಕಹಿಯನ್ನು ಅವರು ಮರೆತಿರಲಿಲ್ಲ. ಅದನ್ನು ಸವಾಲಾಗಿ ಸ್ವೀಕರಿಸಿದರು. ಸಪ್ನನೌಕೆ ಮುಳುಗದೆ, ದೂರ ತೀರ ಸೇರುವಂತೆ ಸದಾ ಕಟ್ಟೆಚ್ಚರ ವಹಿಸಿದರು. ರೂ. 250/- ಮೂಲ ಬಂಡವಾಳದೊಂದಿಗೆ ಪುಸ್ತಕಲೋಕವನ್ನು ಪ್ರವೇಶಿಸಿದವರು. ಸತತ ಶ್ರಮದಿಂದ ‘ರೋಡ್‌ಪತಿ’ಯೊಬ್ಬ ಕರೋಡ್‌ಪತಿಯಾದ ಸಾಹಸಗಾಥೆ ಅವರದು. ಹಾಗಾಗಿ ಸದಾ ಅವರೊಂದು ಬೆರಗು.

ಸುರೇಶ್, ಹೆಚ್ಚಾಗಿ ಓದಿಕೊಂಡವರಲ್ಲ. ಆದರೆ ಮಕ್ಕಳನ್ನು ಸುಶಿಕ್ಷಿತರನ್ನಾಗಿಸಿದರು. ಪುಸ್ತಕ ಸಾರುವ ಸಂಸ್ಕೃತಿಯನ್ನು ತಮ್ಮ ಮಕ್ಕಳ ವ್ಯಕ್ತಿತ್ತ್ವದ ಭಾಗವಾಗುವಂತೆ ಮಾಡಿದರು. ನಿತಿನ್ ಶಾ, ದೀಪಕ್ ಶಾ ಮತ್ತು ಪರೇಶ್ ಶಾ; ಈ ಮೂವರೂ ಕನ್ನಡ ಪುಸ್ತಕೋದ್ಯಮದ ವಾರಸುದಾರರಾಗುವಂತೆ ಮಾಡಿದರು. ಸಪ್ನದ ದಳಪತಿಗಳನ್ನಾಗಿಸಿದರು. ಕಾಯಕನಿಷ್ಠ ಸಿಬ್ಬಂದಿಯನ್ನು ಉಸ್ತುವಾರಿಗೆ ಬಿಟ್ಟರು.

ಶಾ, ಪುಸ್ತಕಲೋಕದ ಜಾದೂಗಾರ. ಸಪ್ನ ಎಂಬ ಹೆಸರಿನಲ್ಲೇ ಕಮಾಲ್ ಇದೆ ನೋಡಿ ಎಂದವರು. ಸಪ್ನದ ಈ ದಣಿಯಲ್ಲಿ ಕಡೆಯತನಕ ಕಾರ್ಮಿಕನೊಬ್ಬ ಜಾಗೃತನಾಗಿದ್ದ! ಕೋಟಿಗಳಿಗೆ ಹೆಡೆಯೆತ್ತಿದರೂ, ಪ್ರತಿದಿನ ಬೆಳಗ್ಗೆ ಕೆಲಸಗಾರರು ಬರುವ ಮುನ್ನ ತಾವೇ ಸ್ವತಃ ಕಸ ಗುಡಿಸಿ, ನೆಲ ಸಾರಿಸಿ ಧೂಳು ಒರೆಸಿ ಪುಸ್ತಕಗಳ ಮೈದಡವಿ ತಣಿಯುತ್ತಿದ್ದ ಅಪರೂಪದ ದಣಿ ಅವರು. ತಮ್ಮ ನಿತ್ಯದ ಈ ಕ್ರಮವನ್ನು ಸ್ವಂತೀ ಪಟಗಳನ್ನು ತೆಗೆದು ಹರಡಿ ಪ್ರಚಾರದ ಸರಕನ್ನಾಗಿಸಿಕೊಳ್ಳಲಿಲ್ಲ.

ಸಪ್ನ ಬುಕ್ ಹೌಸ್; ಸದ್ದಿಲ್ಲದೆ ಸ್ವಚ್ಛತಾ ಅಭಿಯಾನ ಕೈಗೊಂಡಿತು. ಇದು ಒಂದಲ್ಲ, ಎರಡಲ್ಲ, ಐವತ್ತು ವರ್ಷಗಳನ್ನು ಮೀರಿದ ಸುದೀರ್ಘ ಯಾನ. ಅವರು ಕನ್ನಡ ಪುಸ್ತಕಗಳಿಗೆ ಲಕಲಕಿಸುವ ಭಾಗ್ಯವನ್ನು ಪ್ರಸಾದಿಸಿದವರು. ಕನ್ನಡ ಪುಸ್ತಕಗಳೆಲ್ಲ ಒಂದೇ ಸೂರಿನಡಿಯಲ್ಲಿ ಮಾರಾಟಕ್ಕೆ ಲಭ್ಯವಾಗಬೇಕೆಂಬ ಕನ್ನಡಿಗರ ಶತಮಾನದ ನಿರೀಕ್ಷೆ ಕಾರ್ಯಗತವಾಗುವಂತೆ ಮಾಡಿದ ಕಾರ್ಯಕ್ಷಮತೆ ಅವರದು. ಎಂ.ಎಂ. ಕಲ್ಬುರ್ಗಿ, ಚಿದಾನಂದಮೂರ್ತಿ, ವೆಂಕಟಾಚಲ ಶಾಸ್ತ್ರೀ, ಹಂಪನಾ, ನಿಸಾರ್ ಅಹಮದ್, ಸುಮತೀಂದ್ರ ನಾಡಿಗ್ ಅಂತಹವರ ಸಮಗ್ರ ಸಾಹಿತ್ಯವನ್ನು ಹೊರತರುವ ಧೈರ್ಯ ತೋರಿದ್ದೇ ಸಪ್ನ‌‌. ನಮ್ಮ ಹಲವು ವಿಶ್ವವಿದ್ಯಾಲಯಗಳ ಕನ್ನಡ ಪ್ರಸಾರಾಂಗಗಳ ಒಟ್ಟು ಪ್ರಕಟಣೆಗಳ ಸಂಖ್ಯೆಯನ್ನು ಸಪ್ನ ಮೀರಿಸುತ್ತದೆ!

ಸಪ್ನದ ಕನ್ನಡ ವಿಭಾಗದ ಮೊದಲ ವಾರ್ಷಿಕೋತ್ಸವ 30-10-1989ರಂದು ನಡೆಯಿತು. ಇದರ ಉದ್ಘಾಟನೆಗೆ ಯಾರನ್ನು ಕರೆಯಬೇಕು ಎಂಬ ಪ್ರಶ್ನೆ ಎದುರಾಯಿತು. ಡಾ. ಶಿವರಾಮ ಕಾರಂತರನ್ನು ಕರೆಯಿರಿ ಎಂಬ ಸಲಹೆಯನ್ನು ನಾನು ನೀಡಿದೆ. ಸುರೇಶ್ ಶಾ ಸಮ್ಮತಿಸಿದರು. ಕಾರಂತರಂತಹ ಹಿರಿಯರು ಬರುತ್ತಾರೆಯೇ ಎಂದರು. ಎಲ್ಲ ವಿವರಗಳನ್ನೂ ಒಳಗೊಂಡ ಪತ್ರವನ್ನು ನಾನೇ ಬೆರಳಚ್ಚಿಸಿಕೊಟ್ಟೆ. ಕಾರಂತರು ಬರುತ್ತೇನೆಂದು ಉತ್ತರಿಸಿದರು! ನನ್ನ ನಿರೀಕ್ಷೆ ನಿಜವಾಯಿತು.

ಅವರು ಬಂದು ಮಳಿಗೆಯ ಅಂದ, ಚೆಂದ ಕಂಡು ಮರುಳಾದರು‌. ವಿಶ್ವದ ಅನೇಕ ಪುಸ್ತಕ ಮಳಿಗೆಗಳನ್ನು ತಾವು ನೋಡಿರುವು ದಾಗಿಯೂ, ಆದರೆ ಪುಸ್ತಕಗಳನ್ನು ಇಷ್ಟು ಆಕರ್ಷಕವಾಗಿ ಎಲ್ಲಿಯೂ ಪ್ರದರ್ಶಿಸಿಲ್ಲವೆಂದು ಅಂದಿನ ತಮ್ಮ ಭಾಷಣದಲ್ಲಿ ಸಾರಿದರು. ಶಿವರಾಮ ಕಾರಂತರು, ಸುರೇಶ್ ಶಾ ಅವರ ಕಾರ್ಯಕ್ಷಮತೆಯನ್ನು ಕೊಂಡಾಡಿದ ಘಟನೆಗೆ ಅಂದು ಮಾಧ್ಯಮಗಳು ಸಾಕ್ಷಿಯಾದವು. ಅಲ್ಲಿಂದ ಸಪ್ನ ನೆಗೆಯಿತು; ಜಿಗಿಯಿತು, ಚೆಂಗುಚೆಂಗೆಂದು ಹಾರಿತು.

ಸುರೇಶ್ ಶಾ ಈ ಅವಕಾಶವನ್ನು ಬಳಸಿಕೊಂಡರು. ಕಾರಂತರು ತಮ್ಮ ಎಲ್ಲ ಪ್ರಕಟಣೆಗಳನ್ನು ಹೊರತರಲು ಸಪ್ನಕ್ಕೆ ಆಣತಿಯನ್ನಿತ್ತರು. ಅಂದಿನ ಕನ್ನಡ ವಿಭಾಗದ ವ್ಯವಸ್ಥಾಪಕರಾದ ಎಚ್.ಕೆ. ಲಕ್ಷ್ಮೀನಾರಾಯಣ ಅಡಿಗರೊಂದಿಗೆ ಸಾಲಿಗ್ರಾಮದಲ್ಲಿದ್ದ ಕಾರಂತರ ನಿವಾಸಕ್ಕೆ ಭೇಟಿ ನೀಡಿದೆ. ಅವರು ತಮ್ಮ 400+ ಕೃತಿಗಳ ಪ್ರತಿಗಳನ್ನು ಪೆಟ್ಟಿಗೆಗಳಲ್ಲಿ ಜೋಡಿಸಿ ಕಾರಿನಲ್ಲಿ ಇರಿಸಿದರು. ಯಾವುದನ್ನು ಬೇಕಾದರೂ ಪ್ರಕಟಿಸಿ ಎಂದು ಮುಕ್ತ ಅನುಮತಿ ನೀಡಿದರು. ಕಾರಂತರನ್ನು ಸಪ್ನಕ್ಕೆ ಪರಿಚಯಿಸಿ, ಅವರು ಅದರ ಮೊದಲ ವಾರ್ಷಿಕೋತ್ಸವಕ್ಕೆ ಬರಲು ಕಾರಣನಾದ ನನ್ನ ಸಂತೋಷಕ್ಕೆ ಪಾರವೇ ಇರಲಿಲ್ಲ.

ಅನಂತರ ಪ್ರಸಿದ್ಧ ಸಾಹಿತಿಗಳು ತಮ್ಮ ಕೃತಿಗಳು ಸಪ್ನದಿಂದ ಪ್ರಕಟವಾಗಲು ಹಾತೊರೆದು ಸಾಲುಗಟ್ಟಿದರು. ಗುಜರಾತ್ ಮೂಲದ ಸುರೇಶರ ಸಾಧನೆಯಿದು. ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿಗೆ ಭಾಜನರಾದ ಶಾ ಅವರು ಕನ್ನಡಿಗರಿಂದ ಪಡೆದೂ ಹೋದವರು; ಕೊಟ್ಟೂ ಹೋದವರು. ಕೊಟ್ಟಿದ್ದು ಮೂರ್ತರೂಪದಲ್ಲಿ ಕಣ್ಣಮುಂದಿದೆ. ಅವರ ಕೊಡುಗೆಯಿಂದಾಗಿ ಕನ್ನಡ ಹೊತ್ತಗೆಗಳ ದಿಕ್ಕು-ದೆಸೆಯೇ ಬದಲಾಯಿತು. ಅವರು ಕನ್ನಡವನ್ನು ಏರಿಸಿ, ಹಾರಿಸಿ, ಬಗೆಬಗೆಯಲ್ಲಿ ಬಿತ್ತರಿಸಿದರು. ಅವರು ನಮ್ಮ ಕನ್ನಡ ಪುಸ್ತಕೋದ್ಯಮದ ಶಹನ್‌ಶಾ! ಹೌದು ಮೊದಲ ಚಕ್ರವರ್ತಿ.

S N Channabasappa  ಸುಬ್ಬಯ್ಯ ವೈದ್ಯಕೀಯ ಕಾಲೇಜಿನ ಆಶ್ರಯದಲ್ಲಿ ಉಚಿತ ಮಕ್ಕಳ ಬೃಹತ್ ಆರೋಗ್ಯ ಶಿಬಿರ

0

S N Channabasappa  ಶಿವಮೊಗ್ಗ ನಗರದ ಶಾಸಕರಾದ ಎಸ್ಎನ್ ಚನ್ನಬಸಪ್ಪ ಅವರು ಸುಬ್ಬಯ್ಯ ವೈದ್ಯಕೀಯ ಕಾಲೇಜು ಹಾಗೂ ಶಿಶು ಅಭಿವೃದ್ಧಿ ಯೋಜನೆ ಇವರ ಸಹಾಯದೊಂದಿಗೆ ಇಂದು ಶಿವಮೊಗ್ಗ ನಗರದ ಸೈನ್ಸ್ ಮೈದಾನದ ಆವರಣದಲ್ಲಿ ನಡೆದ ಉಚಿತ S N Channabasappa  ಬೃಹತ್ ಮಕ್ಕಳ ಆರೋಗ್ಯ ತಪಾಸಣೆ ಹಾಗೂ ಚಿಕಿತ್ಸಾ ಶಿಬಿರದ ಉದ್ಘಾಟನಾ ಸಮಾರಂಭದಲ್ಲಿ ಭಾಗವಹಿಸಿದ್ದರು.

D. K. Shivakumar ಹಳ್ಳಿಯಿಂದ ನಗರದವರೆಗೆ‌ ಆಂಬ್ಯುಲೆನ್ಸ್ ಸೇವೆ ಲಭ್ಯವಾಗಬೇಕು- ಡಿ.ಕೆ.ಶಿವಕುಮಾರ್

0

D. K. Shivakumar ವಿಧಾನಸೌಧದಲ್ಲಿ ಇಂದು 108 ಆರೋಗ್ಯ ಕವಚ ತುರ್ತು ಆಂಬ್ಯುಲೆನ್ಸ್‌ ಸೇವೆಗೆ ನೂತನ 262 ಆಂಬ್ಯುಲೆನ್ಸ್‌ಗಳನ್ನು ಉಪ ಮುಖ್ಯ ಮಂತ್ರಿಗಳಾದ ಡಿಕೆ ಶಿವಕುಮಾರ್ ಅವರು ಲೋಕಾರ್ಪಣೆ ಮಾಡಿ ಮಾತನಾಡಿದರು.

D. K. Shivakumar ಕರ್ನಾಟಕ ರಾಜ್ಯ ಉತ್ತಮ ಆರೋಗ್ಯ ವ್ಯವಸ್ಥೆ ನೀಡುವಲ್ಲಿ ಹಾಗೂ ವೈದ್ಯರನ್ನು ರೂಪಿಸುವಲ್ಲಿ ದೇಶಕ್ಕೆ ಮಾದರಿಯಾಗಿದೆ. ಈ ನಿಟ್ಟಿನಲ್ಲಿ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿದೆ. ಹಳ್ಳಿಯಿಂದ ನಗರದವರಿಗೆ ಆಂಬ್ಯುಲೆನ್ಸ್‌ ಸೇವೆ ಲಭ್ಯವಾಗಬೇಕೇಂಬುದು ನಮ್ಮ ಉದ್ದೇಶವಾಗಿದ್ದು, ಈ ಹಿನ್ನೆಲೆಯಲ್ಲಿ
ಇಂದು ನೂತನ 262 ಆಂಬ್ಯುಲೆನ್ಸ್‌ಗಳನ್ನು ಲೋಕಾರ್ಪಣೆಗೊಳಿಸಿದ್ದೇವೆ. ನಗರ ಮತ್ತು ಗ್ರಾಮೀಣ ಭಾಗದಲ್ಲಿ ಕರೆಮಾಡಿದ 15 ರಿಂದ 20 ನಿಮಿಷದಲ್ಲಿ ಆಂಬುಲೆನ್ಸ್ ಸೇವೆ ಸಿಗಲಿದ್ದು,ಆರೋಗ್ಯವಂತ ಸಮಾಜ ನಿರ್ಮಾಣ ಮಾಡಲು ನಮ್ಮ ಸರ್ಕಾರ ಬದ್ಧವಾಗಿದೆ ಎಂದು ಹೇಳಿದ್ದಾರೆ.

Klive Suddi Saalu ಸುದ್ದಿ ಸಾಲು

0
  1. Klive Suddi Saalu ಕೇಂದ್ರ ಸರ್ಕಾರದ ಗರೀಬ್ ಕಲ್ಯಾಣ್ ಯೋಜನೆಯಲ್ಲಿ ಬಡವರಿಗೆ ಉಚಿತ 5 ಕೆಜಿ ಅಕ್ಕಿ ವಿತರಣಾ ಯೋಜನೆಯನ್ನು ಮತ್ತೆ 5 ವರ್ಷಕ್ಕೆ ವಿಸ್ತರಿಸಲಾಗಿದೆ.
    81.3 ಕೋಟಿ ಜನಕ್ಕೆ ಇದರ ಪ್ರಯೋಜನವಾಗಲಿದೆ.
  2. ಭಾರತೀಯ ಕ್ರಿಕೆಟ್ ತಂಡಕ್ಕೆ ಕೋಚ್ ಆಗಿ ರಾಹುಲ್ ದ್ರಾವಿಡ್ ಅವರ ಸೇವೆಯನ್ನ ಮುಂದುವರೆಸಲಾಗಿದೆ.

3.ಶಿವಮೊಗ್ಗ ನಾರಾಯಣ ಹೃದಯಾಲಯ ಆಸ್ಪತ್ರೆಯಲ್ಲಿ ಮೂಲವ್ಯಾಧಿಗೆ ಲೇಸರ್ ಚಿಕಿತ್ಸೆ.
ಪ್ರಸ್ತುತ ಲೇಸರ್ ಚಿಕಿತ್ಸೆ ಹೊಸದಾಗಿ ಬಂದಿದೆ. ಈ ವಿಧಾನವು
ಪರಿಣಾಮಕಾರಿ ಎಂದು ತಜ್ಞ ವೈದ್ಯ ಡಾ. ಪ್ರವೀಣ್ ಕುಮಾರ್ ಅಭಿಪ್ರಾಯ.

  1. ಕುಡಿಯುವ ನೀರಿಗೆ ತೊಂದರೆಯಾಗದಂತೆ ನಿಗಾ ವಹಿಸಿ ಎಂದು ಶಿವಮೊಗ್ಗ ಜಿಲ್ಲಾ ಉಸ್ತುವಾರಿ ಸಚಿವ ಮಧು ಬಂಗಾರಪ್ಪ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ.
  2. Klive Suddi Saalu ವಿಜಯೇಂದ್ರ ಅವರು ರಾಷ್ಟ್ರನಾಯಕಾರಾಗುವ ವಿಚಾರಧಾರೆ ಹೊಂದಿದ್ದಾರೆ- ಮಾಜಿ ಉಪ ಮುಖ್ಯಮಂತ್ರಿ ಕೆ.ಎಸ್.ಈಶ್ವರಪ್ಪ
  3. ಜಾತಿ ಗಣತಿ ವರದಿಗೆ ವಿರೋಧವಿಲ್ಲ. ಎಲ್ಲಾ ಸಮುದಾಯಗಳಿಗೂ ನ್ಯಾಯ ಒದಗಿಸುವ ವರದಿ ನಮಗೆ ಬೇಕು- ಬಿ.ವೈ.ವಿಜಯೇಂದ್ರ.

Kanakadasa Jayanthi ನಾನೆಂಬುದಳಿದರೆ ಮೋಕ್ಷ-ಕನಕದಾಸರ ಸಂದೇಶ

0

Kanakadasa Jayanthi ಭಕ್ತಿ ಪಂಥದ ಹರಿದಾಸರಲ್ಲಿ
ಶ್ರೇಷ್ಠ ಹರಿದಾಸರು
ಶ್ರೀ ಕನಕದಾಸರು
ಹರಿದಾಸರ ಪಂಕ್ತಿಯಲ್ಲಿ ಶ್ರೇಷ್ಠ ಹರಿದಾಸರ ಸಾಲಿಗೆ ಸೇರಿದ ಶ್ರೀ
ಕನಕದಾಸರ ಜಯಂತಿ ಇದೇ ತಿಂಗಳ 30ರಂದು ಆಚರಿಸಲಾಗುತ್ತದೆ.

ಇವರು ಶ್ರೀ ವ್ಯಾಸರಾಯರ ಪರಮಾಪ್ತ ಶಿಷ್ಯರು. ಶ್ರೀ ವ್ಯಾಸರಾಯ
ಗುರುಗಳಿ೦ದ ಅ೦ಕಿತ ಪಡೆದ ಹರಿದಾಸರು ಕನಕದಾಸರು.
ಪ್ರಹ್ಲಾದರಾಜರು ಹೇಗೆ ತನ್ನ ತಂದೆಯಾದ ಹಿರಣ್ಯಕಶಿಪುವಿಗೆ ದೇವರು
ಎಲ್ಲ ಕಡೆಯೂ ಇದ್ದಾನೆಎಂಬುದನ್ನು ತೋರಿಸಿಕೊಟ್ಟರೋ ಹಾಗೆಯೇ
ಕನಕದಾಸರೂ ಕೂಡ ಲೋಕಕ್ಕೆ ದೇವರಿಲ್ಲದ ಜಾಗವೇ ಇಲ್ಲಎಂದು
ಮನವರಿಕೆ ಮಾಡಿಕೊಟ್ಟ ಮಹಾನುಭಾವರು.
ಅವರು ಕಡಲ ತಡಿಯಲ್ಲಿರುವ
ಉಡುಪಿ ಕ್ಷೇತ್ರಕ್ಕೆ ಬಂದಾಗ
ಕೃಷ್ಣದೇವರು ಅವರ ಭಕ್ತಿಗೆ
ಓಗೊಟ್ಟು ಕಿಂಡಿಯಲ್ಲಿ ದರ್ಶನ
ಕೊಡುತ್ತಾನರೆ. ಕನಕದಾಸರಿಗೆ
ಶ್ರೀಕೃಷ್ಣ ದರ್ಶನ ಕೊಟ್ಟ ಕಿಂಡಿಯು
`ಕನಕನ ಕಿ೦ಡಿ” ಎಂದೇ ಹೆಸರು
ಪಡೆದಿದೆ. ಇವರು ಆನೇಕ
ಕೀರ್ತನೆಗಳನ್ನು,
ಉಗಾಭೋಗಗಳನ್ನು
ಮುಂಡಿಗೆಗಳನ್ನು ರಚಿಸಿದ್ದಾರೆ.

ಇವರು ರಚಿಸಿರುವ ಐದು
ಮುಖ್ಯ ಕಾವ್ಯ ಕೃತಿಗಳೆಂದರೆ ಮೋಹನ ತರಂಗಿಣಿ, ನಳಚರಿತ್ರೆ, ರಾಮ
ಧಾನ್ಯ ಚರಿತೆ, ಹರಿಭಕ್ತಿಸಾರ, ಮೋಹನ ತರಂಗಿಣಿ ಮತ್ತು ನರಸಿಂಹಸ್ತವ.
ಕೇಶವನಾಮದ “ಈಶ ನಿನ್ನ ಚರಣ ಭಜನೆ ‘ಎಂಬ ಕೀರ್ತನೆಯೂ ಇವರ
ರಚನೆಯಾಗಿದೆ.
ಕನಕದಾಸರು ಸಂಗೀತ ಕ್ಷೇತ್ರಕ್ಕೆ ಕೊಟ್ಟಿರುವ ಕೊಡುಗೆ
ಅನನ್ಯವಾದುದು. ಶ್ರೀ ವ್ಯಾಸರಾಯರು, ಶ್ರೀ ವಾದಿರಾಜರು, ಶ್ರೀ
ಕೃಷ್ಣದೇವರಾಯ, ಶ್ರೀ ಪುರಂದರದಾಸರು, ಶ್ರೀ ವೈಕುಂಠದಾಸರ
ಸಮಕಾಲೀನರು ಶ್ರೀ ಕನಕದಾಸರು. ಇವರ ಜನ್ಮನಾಮ ತಿಮ್ಮಪ್ಪ
ನಾಯಕನೆಂದು. ತನ್ನ ಚಿಕ್ಕ ವಯಸ್ಸಿನಲ್ಲೇ ತಂದೆಯನ್ನು ಕಳೆದುಕೊಂಡು
ತಾಯಿಯಿಂದಲೇ ಪೋಷಿಸಲ್ಪಟ್ಟು ಕತ್ತಿವರಸೆ, ಬೇಟೆ, ಕಲಿತು
ಪಾಳೇಗಾರರಾಗಿದ್ದರು.

Kanakadasa Jayanthi ವಿಜಯನಗರ ರಾಜರ ಸಂಸ್ಥಾನದಲ್ಲಿ ಕಾರ್ಯ
ನಿರ್ವಹಿಸುತ್ತಿದ್ದರು. ಒಮ್ಮೆ ಇವರ ನೇತೃತ್ವದಲ್ಲಿ ಭೂಮಿಯನ್ನು
ಅಗೆಯುತ್ತಿದ್ದಾಗ ಅಲ್ಲಿ ಭಾರೀ ಬಂಗಾರದ ನಿಧ ಸಿಕ್ಕಿತು. ಆದ್ದರಿಂದ
ತಿಮ್ಮಪ್ಪ ಕನಕಪ್ಪನಾಗುತ್ತಾನೆ. ಕಾಗಿನೆಲೆಯಲ್ಲಿ ಶ್ರೀಆದಿಕೇಶವ ಸ್ವಾಮಿಯ
ದೇವಸ್ಥಾನ ಕಟ್ಟಿಸುತ್ತಾರೆ.

ಶ್ರೀ ಆದಿಕೇಶವನು ಅವರ ಕನಸಿನಲ್ಲಿ ಹಲವಾರು ಸಾರಿ ಬಂದು ನನ್ನ
ದಾಸನಾಗು ಎಂದರೂ ಇವರ ಮನಸ್ಸು ಒಪ್ಪಿರಲಿಲ್ಲ. ಅವರ ಹೆಂಡತಿ
ಮತ್ತು ತಾಯಿ ತೀರಿಕೊಂಡಾಗಲೂ ಅವರಿಗೆ ವೈರಾಗ್ಯ ಬಂದಿರಲಿಲ್ಲ.
ಒಮ್ಮೆ ತಿಮ್ಮಪ್ಪನಾಯಕರು ವಿಜಯನಗರ ಸಾಮ್ರಾಜ್ಯದ ಪರವಾಗಿ
ಯುದ್ಧ ಮಾಡುತ್ತಿದ್ದಾಗ, ಶತೃಪಡೆಯಿಂದ ಇವರಿಗೆ ಭಾರೀ
ಆಘಾತವಾಯಿತು. ಕೈಯಲ್ಲಿ ಹಿಡಿದ ಕತ್ತಿಯೂ ಕೆಳಗೆ ಬಿತ್ತು. ಬಹಳವಾಗಿ
ಏಟು ಬಿದ್ದದ್ದರಿಂದ ರಕ್ತಸ್ರಾವವಾಗುತ್ತಿತ್ತು. ಶತೃ ಪಡೆಯವರು ಇವರು
ಮೂರ್ಛ ಹೋಗಿದ್ದನ್ನು ನೋಡಿ ಸತ್ತೇ ಹೋಗಿರಬಹುದೆಂದು ಊಹಿಸಿ
ಹೊರಟು ಹೋಗುತ್ತಾರೆ. ಆಗ ಆದಿಕೇಶವ ಸ್ವಾಮಿಯು ಒಬ್ಬ ಸಾಮಾನ್ಯ
ಮನುಷ್ಯನ ವೇಷದಲ್ಲಿ ಬಂದು ಇವನ ಆರೈಕೆ ಮಾಡಿ ಹೋಗುತ್ತಾನೆ. ಆಗ
ಕನಕಪ್ಪನಿಗೆ ತಾನು ಉಳಿದದ್ದು ಆದಿಕೇಶವನ ಅನುಗ್ರಹದಿಂದ ಎಂದು
ತಿಳಿದು ಪೂರ್ಣ ವೈರಾಗ್ಯ ತಾಳುತ್ತಾನೆ. ಆದಿಕೇಶವನು ಇವನ ಕನಸಿನಲ್ಲಿ
ಶ್ರೀವ್ಯಾಸರಾಯರ ಬಳಿ ಹೋಗಿ ಹರಿದಾಸ ದೀಕ್ಷೆ ಪಡೆಯುವಂತೆ
ಸೂಚಿಸುತ್ತಾನೆ.

ಸ್ವಪ್ನಸೂಚನೆಯಂತೆ ಕನಕಪನು ಶ್ರೀವ್ಯಾಸರಾಯರನ್ನು
ಭೇಟಿಯಾಗಿ ಅವರಿಂದ ದಾಸ
ದೀಕ್ಷೆಯನ್ನು ಪಡೆದು, ಕನಕದಾಸರೆಂದಾಗುತ್ತಾರೆ. ಇವರ ಅಂಕಿತ
ಆದಿಕೇಶವ, ಕನಕದಾಸರು ಚಿನ್ನದ ಬದುಕಿಗೆ ದಾಸರಾಗದೆ ಎಲ್ಲ
ಮೋಹವನ್ನೂ ತ್ಯಾಗಮಾಡಿ ಶ್ರೀ ಕೃಷ್ಣ ಪರಮಾತ್ಮನನ್ನೇ ಒಲಿಸಿಕೊಂಡ
ಅಪ್ಪಟ ಚಿನ್ನವಾದವರು. ನುಡಿದಂತೆ ನಡೆ ಇದೇ ಜನ್ಮ ಕಡೆ ,ಬಾಗಿ ನಡೆದರೆ
ಬಾಳು ಬಂಗಾರ ನಾನು ನೀನು ಎನ್ನದಿರು ಹೀನಮಾನವ. “ನಾನು”
ಹೋದರೆ ಹೋದೇನು. ಎಂದರೆ ನಾನು ನನ್ನದು ಎಂಬ ಅಹಂಕಾರ
ಹೋಗಬೇಕು ಎಂಬುದು ದಾಸರ ಅಭಿಪ್ರಾಯ. ತಮ್ಮ ಜೀವನದ
ಅನುಭವ ಮತ್ತು ಅನುಭಾವಗಳ ಮೂಲಕ ನಡೆ-ನುಡಿಗಳೊಂದಿಗೆ
ಸಾಮಾಜಿಕ, ವೈಚಾರಿಕ, ಆಧ್ಯಾತ್ಮಿಕ, ಸಾಂಸ್ಕೃತಿಕ ನೆಲೆಗಟ್ಟಿನಲ್ಲಿ ಸಮಾಜ
ತಿದ್ದುವ ಕೈಂಕರ್ಯವನ್ನು ತಿದ್ದುವ ಕೆಲಸ ಮಾಡಿದವರು ಶ್ರೀ ಕನಕದಾಸರು.
ಶ್ರೀ ಕನಕದಾಸರ ಜಯಂತಿಯಂದು, ಶ್ರೀದಾಸರ ಸ್ಮರಣೆಮಾಡಿ, ಭಕ್ತಿಯ
ನಮನಗಳನ್ನು ಸಲ್ಲಿಸೋಣ.

ಲೇ: ಎನ್.ಜಯಭೀಮ್ ಜೋಯ್

B. Y. Vijayendra ಮತ್ತೆ ಮೋದೀಜಿ ಪ್ರಧಾನಿ: ರಾಜ್ಯದಲ್ಲಿ 28 ಕ್ಕೆ 28 ಲೋಕಸಭಾ ಸ್ಥಾನ ಗೆಲುವು ನಮ್ಮ ಗುರಿ- ಬಿ.ವೈ.ವಿಜಯೇಂದ್ರ

0

B. Y. Vijayendra “ಮತ್ತೆ ಮೋದಿ ಜೀ
ನಮ್ಮ ಸಂಕಲ್ಪ-28ಕ್ಕೆ 28 ಬಿಜೆಪಿ ಗುರಿ”
ಶಿವಮೊಗ್ಗದ ಪ್ರೇರಣಾ ಸಭಾಂಗಣದಲ್ಲಿ ಆಯೋಜಿಸಿದ್ದ ಅಭಿನಂದನಾ ಕಾರ್ಯಕ್ರಮದ ಬೃಹತ್ ಸಮಾರಂಭವನ್ನು ಬಿಜೆಪಿ ರಾಜ್ಯಾಧ್ಯಕ್ಷರಾದ ಬಿವೈ ವಿಜಯೇಂದ್ರ ಅವರು ಉದ್ಘಾಟಿಸಿ ಮಾತನಾಡಿದರು.

ರಾಷ್ಟ್ರದ ರಾಜಕೀಯ ಭೂಪಟದಲ್ಲಿ ತನ್ನ ವ್ಯಾಪ್ತಿಯನ್ನು ವಿಸ್ತರಿಸುವ ನಿಟ್ಟಿನಲ್ಲಿ ಭಾರತೀಯ ಜನತಾ ಪಾರ್ಟಿಗೆ ದಕ್ಷಿಣ ಭಾರತದಲ್ಲಿ ಹೆಬ್ಬಾಗಿಲು ತೆರೆದೆಕೊಡುವಲ್ಲಿ ಗಟ್ಟಿಅಡಿಪಾಯ ಹಾಕಿಕೊಟ್ಟಿದ್ದು ನಮ್ಮ ಶಿವಮೊಗ್ಗ ಜಿಲ್ಲೆ. ಶಿವಪ್ಪ ನಾಯಕರ ಇತಿಹಾಸ ಹಿನ್ನೆಲೆಯ ಈ ನೆಲದಲ್ಲಿ ನಿಂತು, ಇವತ್ತು ನನಗೆ ದೊರೆತಿರುವ ಈ ಜವಾಬ್ದಾರಿಯನ್ನು ನಾನು ಸಾಮಾನ್ಯ ಕಾರ್ಯಕರ್ತ ಎಂಬ ಭಾವನೆಯಿಂದ ಕಾರ್ಯಕರ್ತರ ಜೊತೆಗೂಡಿ ಯಶಸ್ವಿಯಾಗಿ ನಿರ್ವಹಿಸಬೇಕೆಂಬ ಸಂಕಲ್ಪ ತೊಟ್ಟಿದ್ದೇನೆ. ಸನ್ಮಾನ್ಯ ಪ್ರಧಾನಿ ಮೋದಿಯವರ ಸಮರ್ಥ ಆಡಳಿತ ಹಾಗೂ ದೇಶ ಕಟ್ಟುವ ಕಾರ್ಯ ಸಮರೋಪಾದಿಯಲ್ಲಿ ಸಾಗಿದೆ, ಅವರು ಮಗದೊಮ್ಮೆ ಈ ದೇಶದ ಪ್ರಧಾನಿಯಾಗಬೇಕಾಗಿರುವುದು ಈ ರಾಷ್ಟ್ರದ ಸುರಕ್ಷತೆಯಿಂದ ಅತ್ಯಂತ ಅನಿವಾರ್ಯವಾಗಿದೆ ಈ ನಿಟ್ಟಿನಲ್ಲಿ ಪ್ರತಿಯೊಬ್ಬ ಕಾರ್ಯಕರ್ತರೂ ವಿರಮಿಸದೇ ಶ್ರಮಿಸುವ ಸಂಕಲ್ಪ ತೊಡಬೇಕೆಂಬ ಕರೆ ನೀಡಲಾಯಿತು ಎಂದು ಹೇಳಿದರು.

ಈ ಸಂಧರ್ಭದಲ್ಲಿ ಮಾಜಿ ಮುಖ್ಯಮಂತ್ರಿಗಳಾದ ಶ್ರೀ. Bs ಯಡಿಯೂರಪ್ಪ
, ಮಾಜಿ ಸಚಿವರಾದ ಶ್ರೀ. ಕೆ.ಎಸ್ ಈಶ್ವರಪ್ಪ
, ಜಿಲ್ಲಾ ಬಿಜೆಪಿ ಅಧ್ಯಕ್ಷರಾದ ಟಿ ಡಿ ಮೇಘರಾಜ್, ಸಂಸದರಾದ ಶ್ರೀ. B.Y. ಯಡಿಯೂರಪ್ಪ, ತೀರ್ಥಹಳ್ಳಿ
ಶಾಸಕರುಗಳಾದ ಶ್ರೀ ಅರಗ ಜ್ಞಾನೇಂದ್ರ, ಶ್ರೀ ಚೆನ್ನಬಸಪ್ಪ, ವಿಧಾನ ಪರಿಷತ್ ಸದಸ್ಯರುಗಳಾದ ಶ್ರೀ ರುದ್ರೇಗೌಡ, ಶ್ರೀಮತಿ ಭಾರತಿ ಶೆಟ್ಟಿ, ಶ್ರೀ ಡಿ.ಎಸ್.ಅರುಣ್, ಮಾಜಿ ಶಾಸಕರುಗಳಾದ ಶ್ರೀ ಕೆ ಬಿ ಅಶೋಕ್ ನಾಯ್ಕ್, ಶ್ರೀ ಹರತಾಳು ಹಾಲಪ್ಪ, ಪ್ರಕೋಷ್ಠಗಳ ರಾಜ್ಯ ಸಂಯೋಜಕರಾದ ಶ್ರೀ ಭಾನುಪ್ರಕಾಶ್,
B. Y. Vijayendra ಪಕ್ಷದ ಹಿರಿಯ ಮುಖಂಡರು, ಪದಾಧಿಕಾರಿಗಳು ಹಾಗೂ ಕಾರ್ಯಕರ್ತರು ಉಪಸ್ಥಿತರಿದ್ದರು.

Sahyadri Commerce and Management College ಕೇಡು-ಸೇಡುಗಳಿಂದ ಮುಕ್ತವಾಗಿರುವುದೇ ಕಾವ್ಯ- ಸ‌ವಿತಾ ನಾಗಭೂಷಣ್

0

Sahyadri Commerce and Management College ಇಂದು ನಾವು ರಚಿಸುವ ಕಾವ್ಯ ಕೇವಲ ರಚನೆ ಮಾತ್ರ. ಆ ರಚನಾ ಕೌಶಲಗಳು ಪ್ರತಿಯೊಬ್ಬರಿಗೂ ಭಿನ್ನಭಿನ್ನವಾಗಿರುತ್ತದೆ. ಅಭಿವ್ಯಕ್ತಿಗೆ ಸ್ವಂತಿಕೆಯ ತಾಜಾತನವನ್ನು ಸೇರಿಸುವುದೇ ಕವಿತೆಯ ನಿಜವಾದ ಯಶಸ್ಸು. ಕನ್ನಡ ಕಾವ್ಯ ಪ್ರಪಂಚ ವಿಸ್ತಾರವಾದದು. ಹಳೆಗನ್ನಡದಿಂದ ಹೊಸಗನ್ನಡದವರೆಗೆ ಈ ಪಯಣ ಸುದೀರ್ಘ ಮತ್ತು ನಿರಂತರ. ಎಲ್ಲರಿಗೂ ಒಳಿತನ್ನೇ ಬಯಸುವುದು ಕಾವ್ಯದ ನಿಜವಾದ ಉದ್ದೇಶ. ಯಾವ ಕವಿಯಾಗಲಿ ಕಾವ್ಯವಾಗಲಿ ಹಿಂಸೆ, ಕೊಲೆಗಳಿಗೆ ಪ್ರೇರಣೆಯನ್ನು ನೀಡಲು ಸಾಧ್ಯವಿಲ್ಲ. ಯುದ್ಧ ರಕ್ತಪಾತಗಳಿಲ್ಲದೆ ಸಮಾಜವನ್ನು ಸಮಾನತೆಯ ಕಡೆಗೆ ಕೊಂಡೊಯ್ಯಲು ಕವಿತೆ ಬಯಸುತ್ತದೆ. ಹಾಗಾಗಿ ಕೇಡು ಸೇಡುಗಳಿಂದ ಮುಕ್ತವಾಗಿರುವುದೇ ಕಾವ್ಯ” ಎಂದು ಖ್ಯಾತ ಕವಯತ್ರಿ ಶ್ರೀಮತಿ ಸವಿತಾ ನಾಗಭೂಷಣ್ ಅವರು ಅಭಿಪ್ರಾಯಪಟ್ಟರು.

ಅವರು ಶಿವಮೊಗ್ಗ ನಗರದ ಸಹ್ಯಾದ್ರಿ ವಾಣಿಜ್ಯ ಮತ್ತು ನಿರ್ವಹಣಾ ಕಾಲೇಜಿನ ಕನ್ನಡ ವಿಭಾಗದ ನುಡಿಮಂಟಪ ವೇದಿಕೆಯ ಉದ್ಘಾಟನೆ ಮತ್ತು ಕನ್ನಡ ರಾಜ್ಯೋತ್ಸವ “ಕರ್ನಾಟಕ 50 ಹೆಸರು -ಉಸಿರು” ಎಂಬ ಕುವೆಂಪು ವಿಶ್ವವಿದ್ಯಾಲಯ ಮಟ್ಟದ ಅಂತರ್ ಕಾಲೇಜು ಕವಿಗೋಷ್ಠಿಯ ಅಧ್ಯಕ್ಷತೆ ವಹಿಸಿ ಮಾತನಾಡಿದರು.

ಅವರು ” ಕನ್ನಡ ನಮ್ಮ ಪ್ರೀತಿಯ ಭಾಷೆ. ಅದನ್ನು ಕಲಿಯಲು ನಾವು ಯಾವುದೇ ಶ್ರಮವನ್ನು ಪಡಬೇಕಾಗಿಲ್ಲ. ಯಾವುದು ಹುಟ್ಟಿನಿಂದ ಯಾವುದೇ ಪರಿಶ್ರಮವಿಲ್ಲದೆ ಕಲಿಯುತ್ತೇವೆಯೋ ಅದೆ ನಮ್ಮ ತಾಯಿ ಭಾಷೆಯಾಗಿದೆ. ಕರ್ನಾಟಕ – ಕನ್ನಡ ನಾಡು ನುಡಿಗೆ ನಾವು ಎಂದಿಗೂ ಕೃತಜ್ಞರಾಗಿರಬೇಕು. ” ಎಂದರು.

Sahyadri Commerce and Management College ಪ್ರಾಚಾರ್ಯರಾದ ಡಾ ಎಂ ಕೆ ವೀಣಾ ಅವರು ಸಮಾರಂಭದ ಅಧ್ಯಕ್ಷತೆಯನ್ನು ವಹಿಸಿ,” ಕಾವ್ಯ ಎನ್ನುವುದು ಭಾವ ಮತ್ತು ಭಾಷೆಗಳ ಒಂದು ಸುಂದರ ಅಭಿವ್ಯಕ್ತಿ. ಸತ್ವಪೂರ್ಣ ಮನಸ್ಸುಗಳಿಂದ ಮಾತ್ರ ತಮ್ಮ ಕಾವ್ಯ ಹುಟ್ಟಲು ಸಾಧ್ಯ. ಕನ್ನಡದ ಕಾವ್ಯ ಪರಂಪರೆಯ ಹಿರಿಯರನ್ನು ಅವರ ಸಾಧನೆಯ ಮೂಲಕ ಪರಿಚಯಿಸಿಕೊಳ್ಳಬೇಕು. ಪುಸ್ತಕಗಳನ್ನು ಓದುವ ಪ್ರೀತಿ ಯಾವಾಗಲೂ ನಮ್ಮ ಜೊತೆಯಾಗಿರಬೇಕು. ಸಾಹಿತ್ಯವು ನಮ್ಮ ದೈನಂದಿನ ಬದುಕಿನ ಭಾಗವಾದಾಗ ನಾವು ಹಲವು ಒತ್ತಡಗಳಿಂದ ಮುಕ್ತರಾಗಲು ಸಾಧ್ಯ. ಸಾಹಿತ್ಯವು ಚಿಂತನೆಯನ್ನು ಚುರುಕುಗೊಳಿಸುತ್ತದೆ. ಹೊಸ ಪದಗಳ ಪರಿಚಯವಾದಾಗ ಹೊಸ ಅರ್ಥ ಸಾಧ್ಯತೆಯು ಕವಿಗೆ ಒದಗಿ ಬರುತ್ತದೆ. ” ಎಂದರು.

ಕಾರ್ಯಕ್ರಮದಲ್ಲಿ ಬೇರೆ ಬೇರೆ ಕಾಲೇಜುಗಳಿಂದ ಬಂದ ಸುಮಾರು 25 ಕವಿಗಳು ಕಾವ್ಯವಾಚನ ಮಾಡಿದರು.

ಶ್ರೀಮತಿ ಪದ್ಮಾಕ್ಷಿ ಹಾಗೂ ಶ್ರೀಮತಿ ಮಮತಾ ನವೀನ್ ತೀರ್ಪುಗಾರರಾಗಿ ಆಗಮಿಸಿದ್ದರು. ಉಪನ್ಯಾಸಕರಾದ ಡಾ ದೊಡ್ಡ ನಾಯಕ್, ಡಾ.ರಾಜೀವ ನಾಯಕ್, ಸಂಶೋಧನಾ ವಿದ್ಯಾರ್ಥಿ ಶ್ರೀ ಗಿರೀಶ್ ನಾಯಕ್ ಕ್ರಮದಲ್ಲಿ ಉಪಸ್ಥಿತರಿದ್ದರು.

ವಿಭಾಗದ ಮುಖ್ಯಸ್ಥರಾದ ಡಾ.ಶುಭಾ ಮರವಂತೆಯವರು ಪ್ರಾಸ್ತಾವಿಕವಾಗಿ ಮಾತನಾಡಿ ಎಲ್ಲರನ್ನು ಸ್ವಾಗತಿಸಿದರು. ಕು. ಅರ್ಪಿತಾ ಕಾರ್ಯಕ್ರಮ ನಿರೂಪಿಸಿದರು. ಶ್ರೀ ಮನೋಜ್ ಎಲ ವಂದಿಸಿದರು.

B. Y. Vijayendra ಬಡವರಿಗೆ 5 ಕೆಜಿ ಅಕ್ಕಿ ಉಚಿತ ಹಂಚಿಕೆ ಯೋಜನೆಯನ್ನು ಮತ್ತೆ 5 ವರ್ಷ ವಿಸ್ತರಿಸಿದ ಕೇಂದ್ರ ಸರ್ಕಾರ

0

B. Y. Vijayendra 5 ಕೆಜಿ ಉಚಿತ ಅಕ್ಕಿ- 5 ವರ್ಷ ವಿಸ್ತರಣೆ
ಇದು ಮೋದಿಜೀಯವರ ಗ್ಯಾರಂಟಿ.ಗರೀಬ್ ಕಲ್ಯಾಣ್ ಯೋಜನೆಯನ್ನು ಮತ್ತೆ 5 ವರ್ಷ ವಿಸ್ತರಿಸಿರುವ ಕೇಂದ್ರ ಸಂಪುಟ ನಿರ್ಧಾರ ಪ್ರಧಾನಿ ಶ್ರೀ ನರೇಂದ್ರ ಮೋದಿ ಅವರ ಜನಪರ ನಾಯಕತ್ವವನ್ನು ಸಾಕ್ಷೀಕರಿಸಿದಂತಿದೆ. ಕೋವಿಡ್‌ ಸಾಂಕ್ರಾಮಿಕದ ಅವಧಿಯಲ್ಲಿ ಬಡವರಿಗೆ ಉಚಿತ ಆಹಾರ ಧಾನ್ಯ ಒದಗಿಸಲು ಜಾರಿಗೆ ತಂದಿದ್ದ ಈ ‘ಅನ್ನ ಯೋಜನೆ’, ಗಂಭೀರ ಬಡತನ ಪ್ರಮಾಣ ಏರಿಕೆ ನಿಯಂತ್ರಿಸುವಲ್ಲಿ ಯಶಸ್ವಿಯಾಗಿದೆ ಎಂದು ಬಿಜೆಪಿ ರಾಜ್ಯಧ್ಯಕ್ಷರಾದ ಬಿವೈ ವಿಜಯೇಂದ್ರ ಅವರು ಹೇಳಿದ್ದಾರೆ.

B. Y. Vijayendra ಮುಂದಿನ 5 ವರ್ಷಗಳ ಕಾಲವೂ ದೇಶದ 81.35 ಕೋಟಿ ಫಲಾನುಭವಿಗಳಿಗೆ ಪ್ರತಿ ತಿಂಗಳು 5 ಕೆ.ಜಿ ಆಹಾರ ಧಾನ್ಯ ವಿತರಣೆಯನ್ನು ವಿಸ್ತರಿಸಿ ದೇಶದ ಜನತೆಗೆ ‘ಬಹುದೊಡ್ಡ ಅನ್ನಭಾಗ್ಯ’ ನೀಡಿರುವ ನಮ್ಮ ಮೋದಿಜೀ ಅವರ ಸರ್ಕಾರಕ್ಕೆ ಧನ್ಯವಾದಗಳು ಎಂದು ಹೇಳಿದ್ದಾರೆ.

R. Ashoka ವಿಪಕ್ಷನಾಯಕ ಅಶೋಕ್ ಅವರಿಗೆ ಶಿವಮೊಗ್ಗದಲ್ಲಿ ಆತ್ಮೀಯ ಸ್ವಾಗತ

0

R. Ashoka ಕರ್ನಾಟಕ ವಿಧಾನಸಭಾ ಪ್ರತಿಪಕ್ಷ ನಾಯಕರಾಗಿ ಜವಾಬ್ದಾರಿ ವಹಿಸಿಕೊಂಡ ನಂತರ ಇದೇ ಮೊದಲ ಬಾರಿಗೆ ಶಿಕಾರಿಪುರದಲ್ಲಿ ನಡೆಯಲಿರುವ ಪಕ್ಷದ ಕಾರ್ಯಕ್ರಮ ನಿಮಿತ್ಯ ಶಿವಮೊಗ್ಗ ನಗರಕ್ಕೆ ಆಗಮಿಸಿದ ಆರ್. ಅಶೋಕ್ ಅವರನ್ನು ಶಿವಮೊಗ್ಗ ನಗರದ ಶಾಸಕರಾದ ಎಸ್ಎನ್ ಚನ್ನಬಸಪ್ಪ ಅವರು ಶಿವಮೊಗ್ಗ ವಿಮಾನದ ನಿಲ್ದಾಣದಲ್ಲಿ ಆತ್ಮೀಯವಾಗಿ ಸ್ವಾಗತಿಸಿದರು.

R. Ashoka ಈ ಸಂದರ್ಭದಲ್ಲಿ ಜಿಲ್ಲಾ ಪ್ರಧಾನ ಕಾರ್ಯದರ್ಶಿಗಳಾದ ಶಿವರಾಜ್,ವಿಧಾನಪರಿಷತ್ ಸದಸ್ಯರಾದ ಡಿಎಸ್ ಅರುಣ್, ಮಾಜಿ ಸೋಡಾ ಅಧ್ಯಕ್ಷರಾದ ಜ್ಯೋತಿ ಪ್ರಕಾಶ್, ಬಿಜೆಪಿ ಮುಖಂಡರಾದ ಎಸ್ ದತ್ತಾತ್ರಿ ಹಾಗೂ ಪಕ್ಷದ ಕಾರ್ಯಕರ್ತರು ಉಪಸ್ಥಿತರಿದ್ದರು.