Thursday, November 19, 2026
Thursday, November 19, 2026
Home Blog Page 1109

Republic Day ಕ್ರೀಡಾ ಸಾಧಕರಿಗೆ ಜಿಲ್ಲಾಡಳಿತದಿಂದ ಸನ್ಮಾನ

0

Republic Day ಶಿವಮೊಗ್ಗ ನಗರದ ಪೊಲೀಸ್ ಮೈದಾನದಲ್ಲಿ ನಡೆದ 75ನೇ ಗಣರಾಜ್ಯೋತ್ಸವ ಕಾರ್ಯಕ್ರಮದಲ್ಲಿ
ಇತ್ತೀಚಿಗೆ ರಾಜಸ್ಥಾನದಲ್ಲಿ ನಡೆದ ರಾಷ್ಟ್ರ ಮಟ್ಟದ ಸ್ಕಯ್ ಪಂದ್ಯಾವಳಿಯಲ್ಲಿ ಭಾಗವಹಿಸಿ ತೃತೀಯ ಸ್ಥಾನ ಪಡೆದ ಜಿಲ್ಲೆಯ ಮದಿಯಾ ಇಬ್ರಾಹಿಂ ಮತ್ತು ಶಶಾಂಕ್ ಹಾಗೂ ಇತ್ತೀಚಿಗೆ ಶಿವಮೊಗ್ಗದಲ್ಲಿ ನಡೆದ ಶಾಲಾ ಶಿಕ್ಷಣ ಇಲಾಖೆಯ ರಾಜ್ಯಮಟ್ಟದ ಪಂದ್ಯಾವಳಿಯಲ್ಲಿ Republic Day ಪ್ರಥಮ ಸ್ಥಾನ ಪಡೆದ ಜಿಲ್ಲೆಯ ಕ್ರೀಡಾಪಟು ಮೊಹಮ್ಮದ್ ಬಿಲಾಲ್ ಗೆ ಜಿಲ್ಲಾಡಳಿತ ಜಿಲ್ಲಾ ಉಸ್ತುವಾರಿ ಸಚಿವರು ಹಾಗೂ ಗಣ್ಯರ ಸಮ್ಮುಖದಲ್ಲಿ ಸನ್ಮಾನಿಸಲಾಯಿತು.

Congress Karnataka ಬಸವಣ್ಣನವರನ್ನ ರಾಜ್ಯದ ಸಾಂಸ್ಕೃತಿಕ ನಾಯಕ ರನ್ನಾಗಿ ಘೋಷಿಸಿದ್ದಕ್ಕೆ ಅಭಿನಂದನೆ

0

Congress Karnataka ಈ ನಾಡು ಕಂಡ ಶ್ರೇಷ್ಠ ವಚನಕಾರರಾದ ಬಸವಣ್ಣ ಅವರನ್ನು “ಕರ್ನಾಟಕದ ಸಾಂಸ್ಕೃತಿಕ ನಾಯಕ” ಎಂದು ಮಹತ್ವದ ಘೋಷಣೆ ಮಾಡಿರುವ ಮುಖ್ಯಮಂತ್ರಿ ಸಿದ್ದರಾಮಯ್ಯ ಹಾಗೂ ಉಪಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್ ಅವರಿಗೆ ರಾಜ್ಯ ಯುವ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಕೆ.ಚೇತನ್ ಅಭಿನಂದನೆ ಸಲ್ಲಿಸಿದ್ದಾರೆ.

ಈ ಕುರಿತು ಪತ್ರಿಕಾ ಹೇಳಿಕೆ ನೀಡಿರುವ ಅವರು, ‘ಬಸವಣ್ಣ ಅವರು ಜಾತಿಭೇದವಿಲ್ಲದ, ವರ್ಗ ತಾರತಮ್ಯವಿಲ್ಲದ, ಲಿಂಗ ತಾರತಮ್ಯವಿಲ್ಲದ ಸಮಾಜವನ್ನು ರೂಪಿಸುವ ಕೆಲಸ ಮಾಡಿದ್ದರು. ಇಂತಹ ವ್ಯಕ್ತಿಯನ್ನು ಸಾಂಸ್ಕೃತಿಕ ನಾಯಕ ಎಂದು ಘೋಷಿಸುವ ಮೂಲಕ ಕಾಂಗ್ರೆಸ್ ಪಕ್ಷ ತಾನು ನಂಬಿರುವ ಸಾಮಾಜಿಕ ನ್ಯಾಯದ ಪರಿಕಲ್ಪನೆಯನ್ನು ಇನ್ನಷ್ಟು ಗಟ್ಟಿಗೊಳಿಸಿದೆ ಎಂದು ಚೇತನ್ ಅಭಿಪ್ರಾಯಪಟ್ಟಿದ್ದಾರೆ.

ಸಮಾಜದ ಕಟ್ಟಕಡೆಯ ಮನುಷ್ಯನಿಗೂ ಸಾಮಾಜಿಕ, ಆರ್ಥಿಕ ಮತ್ತು ರಾಜಕೀಯ ಅವಕಾಶಗಳು ಸಿಗಬೇಕು ಎಂದು ಬಸವಣ್ಣ ಬಯಸಿದ್ದರು. ಕಾಂಗ್ರೆಸ್ ಸರ್ಕಾರದ ಯೋಜನೆಗಳತ್ತ ಕಣ್ಣು ಹಾಯಿಸಿದರೆ ಬಸವಣ್ಣನ ಆಶಯಗಳ ಪ್ರಭಾವ ಪ್ರತಿ ಯೋಜನೆಯಲ್ಲಿಯೂ ಕಾಣಬಹುದು. ಬಡತನ ನಿವಾರಣೆ, ಕೃಷಿ, ನೀರಾವರಿ, ಗ್ರಾಮೀಣ ಅಭಿವೃದ್ಧಿ, ಮಹಿಳಾ ಸಬಲೀಕರಣ, ಉದ್ಯೋಗ ಸೃಷ್ಟಿಗೆ ನಮ್ಮ ಸರ್ಕಾರ ಆದ್ಯತೆ ನೀಡಿ ಅಭಿವೃದ್ಧಿಯ ಜೊತೆಯಲ್ಲಿ ಸಾಮಾಜಿಕ ನ್ಯಾಯವನ್ನು ಬೆಸೆಯುವ ಕೆಲಸ ಮಾಡುತ್ತಿದೆ ಎಂದು ಚೇತನ್ ತಿಳಿಸಿದ್ದಾರೆ.

Congress Karnataka ಅದರಂತೆ ಕನ್ನಡದ ನೆಲದಲ್ಲಿ ಅನುಭವ ಮಂಟಪದ ಮೂಲಕ ಆದ ವೈಚಾರಿಕ ಮತ್ತು ಸಾಮಾಜಿಕ ಕ್ರಾಂತಿ ಇವತ್ತಿಗೂ ಒಂದು ಆದರ್ಶದಂತೆ, ಸಾಧ್ಯತೆಯಂತೆ ಕಾಣಿಸುತ್ತದೆ. ಇದಕ್ಕೆ ಕಾರಣರಾದವರು ಅಲ್ಲಮಫ್ರಭು. ಇಂತಹ ವ್ಯಕ್ತಿಯ ಹೆಸರನ್ನು ಶಿವಮೊಗ್ಗ ಫ್ರೀಡಂ ಪಾರ್ಕ್ಗೆ ನಾಮಕರಣ ಮಾಡಲು ಶ್ರಮಿಸಿದ ಜಿಲ್ಲಾ ಉಸ್ತುವಾರಿ ಸಚಿವ ಮಧು ಬಂಗಾರಪ್ಪ ಅವರಿಗೂ ಚೇತನ್ ಅಭಿನಂದನೆ ಸಲ್ಲಿಸಿದ್ದಾರೆ.

12ನೇ ಶತಮಾನದಲ್ಲಿ ಅನುಭವ ಮಂಟಪದ ಅಧ್ಯಕ್ಷರಾಗಿ ಪ್ರಜಾಪ್ರಭುತ್ವದ ಪರಿಕಲ್ಪನೆಯನ್ನು ಮೊದಲಿಗೆ ಈ ನೆಲದಲ್ಲಿ ಸ್ಥಾಪಿಸಿದ ಅಲ್ಲಮಫ್ರಭು ಅವರ ಹೆಸರನ್ನು ಶಿವಮೊಗ್ಗ ಫ್ರೀಡಂ ಪಾರ್ಕ್ಗೆ ಇಡಬೇಕು ಎಂಬುದು ಜನತೆಯ ಒತ್ತಾಸೆಯಾಗಿತ್ತು. 46.32 ಎಕರೆ ವಿಸ್ತೀರ್ಣದ ಜೈಲು ಆವರಣದ ಈ ಮೈದಾನಕ್ಕೆ ಅಲ್ಲಮಪ್ರಭು ಹೆಸರು ಮಾಡುವ ದಶಕಗಳ ಕನಸು ಸಾಕಾರಗೊಂಡಿದೆ ಎಂದು ಹೇಳಿದ್ದಾರೆ.

Warahi Committee ಜನವರಿ 28ಕ್ಕೆ ಮುಳುಗಡೆ ಒಡಲಾಳ ಪುಸ್ತಕ ಬಿಡುಗಡೆ

0

Warahi Committee ನಾವುಗಳು ಮುಳುಗಡೆ ಸಂತ್ರಸ್ತರು ಊರು ಬೆಟ್ಟಿದ್ದು ಬರಿಗೈಯಲ್ಲಲ್ಲವಂತೆ. ನಮ್ಮ ಭೂಮಿ ಮನೆ ಗಳಿಗೆ ಪರಿಹಾರ ತಗೊಂಡೇ ಹೊರಟವರಂತೆ. ಕೇಳಿದಿರಲ್ಲಾ ಕೆ ಪಿ ಸಿ ಯವರ ಮಾತು.ಆ ಪರಿಹಾರದ್ದೇ ಒಂದು ಕಥೆ.ಅದು ಸಣ್ಣದಲ್ಲ.

ಮುಳುಗಡೆ ಜಮೀನು ಮನೆಗಳಿಗೆ ಪರಿಹಾರ ನೀಡುವ ಬಹು ಮೊದಲೇ ಅಣೆಕಟ್ಟು ಕಟ್ಟಲು ಆರಂಭಿಸಿದ್ದರು.!. ನೋಡನೋಡುತ್ತಲೇ ಮುಖ್ಯ ಕಟ್ಟಿನ ತಳಪಾಯದ ಕೆಲಸ ಮುಗಿದೇ ಹೋಯಿತು. ಆಗ ರಚನೆ ಆಗಿದ್ದು ವಾರಾಹಿ ಮುಳುಗಡೆ ಹೋರಾಟ ಸಮಿತಿ.
ಹೊಸನಗರ ತಾಲ್ಲೂಕಿನ ಐದು ಗ್ರಾಮ ಪಂಚಾಯಿತಿಯ ಪ್ರದೇಶದ ಮತ್ತು ತೀರ್ಥಹಳ್ಳಿಯ ಎರಡು ಪಂಚಾಯಿತಿಯ ಪ್ರದೇಶದ 18 ಗ್ರಾಮಗಳ 195 ಊರುಗಳು ಮುಳುಗಡೆ ಆಗಲಿದ್ದವು. ಎರಡು ಸಾವಿರಕ್ಕೂ ಹೆಚ್ಚು ಕುಟುಂಬದ ಇಪ್ಪತ್ತು ಸಾವಿರಕ್ಕೂ ಹೆಚ್ಚು ಜನ ನಿರಾಶ್ರಿತರಾಗಲಿದ್ದರು. 40 ದೇವಾಲಯಗಳು, 40 ಶಾಲೆ,ಒಂದು ಹಂಚಿನ ಕಾರ್ಖಾನೆ, ಮೂರು ಅಕ್ಕಿ ಗಿರಣೆ ಮುಳುಗಲಿದ್ದವು. 855 ಎಕ್ರೆ ಅಡಿಕೆ ತೋಟ, 4000 ಎಕ್ರೆ ಬತ್ತದ ಗದ್ದೆ,9890 ಎಕ್ರೆ ಖುಷ್ಕಿ ಜಮೀನು ಮುಳುಗಡೆ ಆಗಲಿತ್ತು. 38600 ಎಕ್ರೆ ಕಾಡು ಸಹ ಮುಳುಗುತ್ತಿತ್ತು .

ಇಷ್ಟೆಲ್ಲ ಮುಳುಗಿಸುವ ಯೋಜನೆಯೊಂದು ಸಂತ್ರಸ್ತರ ಕುರಿತು ಕುರುಡಾಗಿ ತಳಪಾಯ ಹಾಕಿಸಿಕೊಂಡಿತ್ತು. ಆಗ ಶಾಸಕರಾಗಿದ್ದವರು ತೀರ್ಥಹಳ್ಳಿಯಲ್ಲಿ ಕಡಿದಾಳ್ ದಿವಾಕರ್ ಮತ್ತು ಹೊಸನಗರದಲ್ಲಿ ಸ್ವತಃ ಇದೇ ಮುಳುಗಡೆಯ ಸಂತ್ರಸ್ತರಾಗಲಿದ್ದ ಶೀರ್ನಾಳಿ ಚಂದ್ರಶೇಖರ್. ಇವರುಗಳು ಮುಂದೆ ಬದಲಾಗಿ ಡಿ.ಬಿ.ಚಂದ್ರೇಗೌಡ ಮತ್ತು ಸೊನಲೆ ಸ್ವಾಮೀರಾವ್ ಆ ಜಾಗಕ್ಕೆ ಬಂದರು. ಒಂದೇ ಮಾತಿನಲ್ಲಿ ಇವರೆಲ್ಲರ ಕುರಿತು ಹೇಳಬೇಕು ಎಂದರೆ ಇವರುಗಳು ಸಂತ್ರಸ್ತರ ಜೊತೆಗಿದ್ದರು. ಅವರವರ ಕರ್ತವ್ಯ ಅವರವರು ಮಾಡಿದರು.ನಮ್ಮ ಶೋಷಣೆಯ ಪಾಲುದಾರರೂ ಇವರ್ಯಾರೂ ಆಗಿರಲಿಲ್ಲ. ವಿದಾನ ಸಭೆಯ ಅಧ್ಯಕ್ಷರಾಗಿದ್ದ ಚಂದ್ರೇಗೌಡರೂ ನಮ್ಮ ಎಲ್ಲಾ ಕೋರಿಕೆ ಪರ ನಿಂತವರು. ಸ್ವಾಮೀ ರಾವ್ ನಮಗಾಗಿ ಜೈಲಿಗೂ ಬಂದವರು. ಈಗಿನ ರಾಜಕಾರಣ ನೋಡಿದ ನನಗೆ ನಮ್ಮ ಈ ಪ್ರತಿನಿಧಿಗಳು ಸಾವಿರ ಪಾಲಿಗೆ ಬೇಕು ಅನಿಸಿದ್ದು ಸುಳ್ಳಲ್ಲ.

Warahi Committee ನಮ್ಮ ಹೋರಾಟ ಸಮಿತಿಯ ನಾಯಕತ್ವ ವಹಿಸಿದ್ದು ಕಾಳಮ್ಮನ ಗುಡಿ ಶ್ರೀನಿವಾಸ್. ನನ್ನ ಜೀವನದಲ್ಲಿ ಅಂತದೊಬ್ಬ ಹೋರಾಟಗಾರನನ್ನ ಮತ್ತೆ ಕಂಡಿಲ್ಲ.ಅವರು ಕಮ್ಯುನಿಷ್ಟರು. ಆದರೆ ಹೋರಾಟದಲ್ಲಿ ಪಕ್ಷ ರಾಜಕೀಯ ತರಲಿಲ್ಲ.ನಮ್ಮ ಹಣದಿಂದ ಅವರು ಹೋರಾಟ ಮಾಡಲಿಲ್ಲ.ಬಸ್ ಹತ್ತಿ ಯಡೂರಿಗೆ ಬರುತ್ತಿದ್ದರು.ನಮಗೆ ನ್ಯಾಯ ದೊರಕಿಸುವ ಹೊರತಾದ ಯಾವ ಬೇರೆ ಉದ್ದೇಶವೂ ಅವರಿಗೆ ಇರಲಿಲ್ಲ.ಮುಂದಿನ ನನ್ನ ಬದುಕಿನಲ್ಲಿ ಯಾವೆಲ್ಲಾ ಹೋರಾಟ ಅದರ ನಾಯಕರನ್ನು ಕಂಡಿರುವ ನನಗೆ ಕಾಳಮ್ಮನ ಗುಡಿಯಂತಹ ಮತ್ತೋರ್ವ ವ್ಯಕ್ತಿ ಕಾಣಿಸಿಲ್ಲ.ಇವರಿಗೆ ಸಾರಥಿಯಾದವರು ಯಡೂರು ಭಾಸ್ಕರ ಜೋಯ್ಸರು. ಇನ್ನೂ ಅನೇಕರಿದ್ದರು. ಆದರೂ ಸಂತ್ರಸ್ತರ ಹೋರಾಟದಲ್ಲಿ ಈ ಎರಡೂ ಹೆಸರು ನೆನಪಿಗೆ ಬರುವಂತಾದ್ದು.
ಇಷ್ಟೆಲ್ಲ ಇದ್ದೂ ನಮಗೆ ನ್ಯಾಯ ಸಿಕ್ಕಿತಾ, ನಮ್ಮ ಭೂಮಿ ಮನೆಗೆ ಗೌರವಯುತ ಪರಿಹಾರ ಕೊಟ್ಟರಾ, ಅಧಿಕಾರಿಗಳು ಸೌಜನ್ಯದಿಂದ ನಡೆದು ಕೊಂಡರಾ, ಜಮೀನು ಮನೆ ಮಾರು ಕಳಿದುಕೊಂಡ ನಮ್ಮ ಕುರಿತು ಕಿಂಚಿತ್ತಾದರೂ ಸಹಾನುಭೂತಿ ಎಲ್ಲಾದರೂ ಇತ್ತೇ ?..ಎಂಬೆಲ್ಲಾ ಪ್ರಶ್ನೆ ಕೇಳಿದರೆ…ಇಲ್ಲವೇ ಇಲ್ಲ ಎಂದು ಒಂದೇ ಉತ್ತರ ಹೇಳಲೇ ಬೇಕು.

ಮೊದಲನೆಯದಾಗಿ ನಮ್ಮ ಈ ಊರಿನ ಜನ ತುಂಬಾ ಮುಗ್ದರು. ಹೆಚ್ಚನ ಕೃಷಿಕರು ಅನಕ್ಷರಸ್ತರು. ಪ್ಯಾಂಟು ತೊಟ್ಟ ಬರುವ ಯಾರನ್ನೇ ಆದರೂ ಕೈ ಮುಗಿದು ಮಾತನಾಡಿಸಿದವರು.

ಐದೆಂಟು ವರ್ಷದ ಈ ಬವಣೆಯೂದ್ದಕ್ಕೂ ಯಾವುದೇ ಸರ್ಕಾರದ ವಾಹನಕ್ಕೆ ನಾವು ಕಲ್ಲು ತೂರಿದ್ದಿಲ್ಲ,ಒಂಟಿಯಾಗಿ ಸೈಟುಗಳಲ್ಲಿ ನಿಲ್ಲುತ್ತಿದ್ದ ಕೆಪಿಸಿ ಜೀಪುಗಳಿಗೆ ಗುಟ್ಟಲ್ಲಾದರೂ ಬೆಂಕಿ ಹಚ್ಚಿದವರಲ್ಲ.ಹಳ್ಳಿಗೆ ಬಂದ ಕಂದಾಯ ಅಥವಾ ಕೆಪಿಸಿ ಅಧಿಕಾರಿಗಳಿಗೆ ಒಂದು ಮಾತು ಬೈದವರಲ್ಲ.ಮನೆಗೆ ಬಂದವರಿಗೆ ಅವರು ನಮ್ಮನ್ನು ಮುಳುಗಿಸಲೇ ಬಂದವರಾದರೂ ನಾವು ಊಟದ ಸಮಯ ಊಟ ಕೊಟ್ಟಿದ್ದೇವೆ. ಮಜ್ಜಿಗೆ, ಕಾಫಿ,ಟೀ ಕೊಡದೇ ಯಾರನ್ನೂ ಹಾಗೇ ಕಳಿಸಿದವರೇ ಅಲ್ಲ.ಹೋಗುವವರಿಗೆ ಬೆಳೆದ ಬಾಳೆಹಣ್ಣೋ, ಹಲಸೋ ನಮ್ಮ ಹತ್ತಿರ ಇದ್ದದ್ದು ಕೊಟ್ಟು ಕಳಿಸಿದ್ದೇವೆ.
ಇಷ್ಟೆಲ್ಲ ಇದ್ದೂ ಯಾವ ಅಧಿಕಾರಿಯೂ ಅವರ ಕಛೇರಿಯಲ್ಲಿ ನಮ್ಮನ್ನು ಗೌರವದಿಂದ ಕಂಡಿದ್ದು ಇಲ್ಲವೇ ಇಲ್ಲ ಎಂಬಷ್ಟು ಕಡಿಮೆ. ಬಾಗಿಲಿಗೆ ಹೋದವರು ಚೀಟಿ ಕೊಟ್ಟು ಕಾದು ಒಳಹೋಗಬೇಕು, ಅಲ್ಲಿ ಬೇಕಾದಷ್ಟು ಖುರ್ಚಿಗಳಿದ್ದರೂ ಅದು ನಮ್ಮಂತಹವರಿಗಲ್ಲ!. ಕೂರಿಸಿ ನಮ್ಮ ಸಮಸ್ಯೆ ಕೇಳಲು ಅವರು ನಮ್ಮ ಸೇವಕರಲ್ಲ.

ನಮ್ಮದೇ ಭೂಮಿಗೆ ಪರಿಹಾರ ನೀಡುವುದಾದರೂ ಅವರು ದಾನ ನೀಡಿದಂತೆ ವರ್ತಿಸುತ್ತಿದ್ದರು. ಮನೆ ಬೆಲೆ ಕಟ್ಟುವ ಕಾರ್ಯ ಕೆಪಿಸಿಯವರದ್ದು. ಆಗ ಅವರು ನಡೆಸಿದ ಬಾನಗಡಿ ಹೇಳಿದರೆ ಅದೊಂದು ಕಾದಂಬರಿ ಆಗುತ್ತದೆ. ಮನುಷ್ಯ ಮಾತ್ರರಲ್ಲಿರಬಹುದಾದ ದುಷ್ಟತನದ ಪರಮಾವದಿಯ ದಿಗ್ದರ್ಷನ ಆಗಿತ್ತು ನಮಗೆ ಅಂದರೆ ಅದು ಬಹಳ ಸ್ವಲ್ಪ ಹೇಳಿದಂತೆ.

ನಾವಾಗ ಕೇಳಿದ ಪರಿಹಾರವೇ ಕಡಿಮೆ. ಅಡಿಕೆ ತೋಟಕ್ಕೆ ಎಂಬತ್ತು ಸಾವಿರ,ತರಿಗೆ ಹದಿನೈದು ಸಾವಿರ, ಖುಷ್ಕಿಗೆ ಐದು ಸಾವಿರ ಮತ್ತು ಮನೆಗೆ ನ್ಯಾಯವಾದ ಬೆಲೆ ಇಷ್ಟೇ ನಾವು ಕೇಳಿದ್ದು. ಆದರೆ ಇದರ ಅರ್ದವೂ ಸರ್ಕಾರ ಕೊಡಲಿಲ್ಲ. ಕಡೆಗೆ ಕೋರ್ಟಿಗೆ ಹೋದರೂ, ಅದೂ ಸರ್ವೋಚ್ಚ ನ್ಯಾಯಾಲಯಕ್ಕೆ ಹೋದರೂ ನಮಗೆ ತೋಟಕ್ಕೆ ಐವತ್ತು ಸಾವಿರ ಪಡೆಯಲೂ ಆಗಲಿಲ್ಲ. ಇದು ನಮ್ಮ ನೈಜ ಕಥೆ.
ಎಲ್ಲಾ ಸೇರಿ ಒಂದು ಇಪ್ಪತ್ತೈದು ಕೋಟಿ ಕೊಟ್ಟಿದ್ದರೆ ನಮಗೆ ಎರಡೂ ಕಾಲು ಸಹಸ್ರ ಕುಟುಂಬಕ್ಕೆ ತೃಪ್ತಿ ಆಗಿರುತ್ತಿತ್ತು. ಕಣ್ಣೀರು ಹಾಕಿ ನಮ್ಮನ್ನು ಬಲಾತ್ಕಾರವಾಗಿ ಕಳಿಸಿಕೊಡಬೇಕಿರಲಿಲ್ಲ. ಕಂಬ ಕಂಬ ಸುತ್ತಿಸಬೇಕಿರಲಿಲ್ಲ. ಪ್ರದಕ್ಷಿಣೆಗೆಲ್ಲಾ ದಕ್ಷಿಣೆ ಕೀಳಬೇಕಿರಲಿಲ್ಲ. ನಾವು ಜೀವಂತ ಇರುವಾಗಲೇ ಒಬ್ಬರು ಮಾಂಸ ಕಿತ್ತು ತಿನ್ನುತ್ತಿದ್ದಾಗ ಮತ್ತೊಬ್ಬರು ರಕ್ತ ಹೀರುತ್ತಿದ್ದರು ಎಂಬುದು ಬಹಳ ಕಡಿಮೆ ಹೇಳಿದಂತೆ. ಕೆಪಿಸಿ, ಮುಳುಗಡೆ ಆಫೀಸ್, ಕೋರ್ಟು ಎಲ್ಲೂ ಎಲ್ಲೆಲ್ಲೂ ನಮ್ಮನ್ನು ಮನುಷ್ಯರಾಗಿ ನೋಡಲೇ ಇಲ್ಲ.

ನಾನು ಉತ್ಪ್ರೇಕ್ಷೆ ಮಾಡುತ್ತಿಲ್ಲ. ನಾನು ಈ ಜನರನ್ನು ಕಟ್ಟಿಕೊಂಡು ಕಛೇರಿ ಹತ್ತಿಳಿದಿದ್ದೇನೆ. ಅಧಿಕಾರಿಗಳ ಹತ್ತಿರ ಜಗಳ ಕಾದಿದ್ದೇನೆ. ಕೇಸು ಹಾಕಿಸಿಕೊಂಡು ಜೈಲು ಸೇರೀದ್ದೇನೆ.ಆದರೆ ಎಲ್ಲೂ ಒಂದು ಪ್ರೀತಿ,ತ್ಯಾಗ ಮಾಡುತ್ತಿರುವವರು ಎಂಬ ಗೌರವ,ಮನೆಮಠ ಬಿಟ್ಟು ಹೋಗುವವರು ಎಂಬ ಕರುಣೆ ಕಂಡಿದ್ದೇ ಇಲ್ಲ.ರಣಹದ್ದುಗಳ ಪ್ರತ್ಯಕ್ಷ ದರ್ಶನ ನನಗೆ ಉದ್ದಕ್ಕೂ ಆಗಿದೆ.

ಕಲ್ಲು ಹೊಡೆಯಬೇಕಿತ್ತು. ಕಛೇರಿಗೆ ನುಗ್ಗಿ ಗರ್ವ ತೋರುವ ಅಧಿಕಾರಿ ರಟ್ಟೆ ಹಿಡಿದು ಹೊರಗೆಳೆದು ತಂದು ತಫರಾಕಿ ಕೊಡಬೇಕಿತ್ತು ,ಜೀಪಿಗೆ ಬೆಂಕಿ ಹಾಕಬೇಕಿತ್ತು, ಎಂದು ಇವತ್ತಿಗೂ ನಮಗೆ ಅನಿಸದಿರಲು ಕಾರಣ ನಾವು ಹುಟ್ಟಿ ಬೆಳೆದ ಪರಿಸರ. ಇಡೀ ಮುಳುಗಡೆ ನಮ್ಮ ಊರಿನಲ್ಲಿ ಇಪ್ಪತ್ತು ಸಾವಿರ ಜನರಲ್ಲಿ ಪೊಲೀಸ್ ಠಾಣೆ ಏರಿಬಂದವರು ನೂರಿನ್ನೂರೂ ಇರಲಿಕ್ಕಿಲ್ಲ. ಜೈಲಿಗೆ ಅಪರಾಧ ಮಾಡಿ ಹೋದವರೇ ಇರಲಿಲ್ಲ.ಒಂದೇ ಒಂದು ಕೊಲೆ ನಮ್ಮ 195 ಮುಳುಗಿದ ಊರಲ್ಲಿ ನಡೆದದ್ದು ನನಗೆ ಗೊತ್ತಿಲ್ಲ. ಹೌದು ನನಗೆ ನೆನಪಾಗುತ್ತಿದೆ. ಓರ್ವ ಡ್ಯಾಮಿನ ರಸ್ತೆಯಲ್ಲಿ ನಮ್ಮೂರ ಚಂದ್ರಶೇಖರ ಎಂಬ ಯುವಕನನ್ನು ಹಾಡುಹಗಲೇ ಮುಖ್ಯ ರಸ್ತೆಯ ಬದಿ ಬಡಿದು ತಲೆ ಒಡೆದು ಸಾಯಿಸಿದ್ದರು. ಅದೂ ಎಲ್ಲಿಂದಲೋ ಬಂದ ಅಪರಿಚಿತ ವ್ಯಕ್ತಿಗಳು. ನಮ್ಮ ಮುಳುಗಡೆಯ ಓರ್ವ ಯುವಕ ಅಕಾರಣ ಕೊಲೆ ಆಗಿದ್ದ. ಇದು ಬಿಟ್ಟರೆ ಮನುಷ್ಯ ಮನುಷ್ಯನನ್ನ ಕೊಲ್ಲುತ್ತಾರಂತೆ ಎಂದು ನಮ್ಮ ಊರವರಿಗೆ ಗೊತ್ತೇ ಇರಲಿಲ್ಲ.ನಮ್ಮ ಮುಗ್ದತೆಯೇ ನಮ್ಮ ಶತ್ರು ಆಗಿದ್ದು ಈಗ ನಮ್ಮ ಅರಿವಿಗೆ ಬರುತ್ತಿದೆ.

ಯಾರೋ ಹೌದು ದೇಶಕ್ಕೆ ಬೆಳಕು ನೀಡಲು ನಿಮ್ಮ ತ್ಯಾಗ ಅಗತ್ಯವಾಗಿತ್ತು ಎಂದಾಗ ನಮ್ಮ ಮೈ ಉರಿಯುತ್ತದೆ. ಸ್ವಾಮೀ ನಮಗೆ ದಯವಿಟ್ಟು ಬುದ್ದಿ ಹೇಳಬೇಡಿ. ನಾವು ನಮ್ಮ ಊರು ಮುಳುಗಿಸಬೇಡಿ ಎಂದು ಎಂದೂ ಕೇಳಲೇ ಇಲ್ಲ.ನಾವು ಕೇಳಿದ್ದು ಪುನಃ ನಮ್ಮ ಬದುಕನ್ನು ಕಟ್ಟಿಕೊಳ್ಳಲು ನ್ಯಾಯಯುತ ಪರಿಹಾರ. ಅದನ್ನು ಗೌರವದಿಂದ ಕೊಡಬಹುದಿತ್ತಲ್ಲ.ಈಗ ಬೆಲೆಯ ನಾಲ್ಕು ಪಟ್ಟು ಕೊಡಬೇಕು ಎಂಬ ಕಾಯ್ದೆ ಇದೆ. ನಾವು ಮತ್ತೆ ಇಷ್ಟೇ ಭೂಮಿ ಕೊಳ್ಳಲು ಎಷ್ಟು ಬೇಕೋ ಅಷ್ಟು ಕೇಳಿದ್ದು. ಅದರ ಅರ್ದವೂ ಕೊಡಲಿಲ್ಲ. ಅದನ್ನೂ ಗೌರವದಿಂದ ಕೊಡಲಿಲ್ಲ.ನ್ಯಾಯವಾಗಿ ಕೊಡದಿದ್ದರೂ ಕೊಟ್ಟ ಆರು ಮೂರು ಕಾಸಿನಲ್ಲೂ ನಿಮ್ಮ ಪಾಲು ಕೇಳಿದ್ದೀರಿ. ಕಿತ್ತಿದ್ದೀರಿ. ಆದರೂ ಏನೋ ಉಪಕಾರ ಮಾಡುತ್ತಿರುವವರಂತೆ ಉದ್ದಕ್ಕೂ ವರ್ತಿಸಿದ್ದೀರಿ. ಹೇಳಿದರೆ ನಿಮ್ಮ ಕಥೆ ಇಡೀ ಜೀವನಕ್ಕೆ ಸಾಕಾಗುವಷ್ಟಿದೆ. ನಾಚಿಕೆ ಆಗಬೇಕು ನಿಮ್ಮ ಬದುಕಿಗೆ.

ನಮ್ಮ ಬದುಕು ಕಿತ್ತು ನೀವು ಕಡಿದು ಕಟ್ಟೆ ಹಾಕಿದ್ದು ಅಷ್ಟರಲ್ಲೇ ಇದೆ. ನಿಮ್ಮ ಇಡೀ ಬಾನಗಡಿಯ ಇಂಚಿಂಚೂ ನನಗೆ ಗೊತ್ತು.ಸಂಕ್ಷಿಪ್ತವಾಗಿಯಾದರೂ ಒಂದೊಂದನ್ನೂ ಬಿಚ್ಚಿಡುವೆ. ನಮ್ಮ ತ್ಯಾಗದ ಸಮಾದಿ ಮೇಲೆ ಕಟ್ಟಿರುವ ಲೋಕೋಪಯೋಗೀ ಬೆಳಕಿನ ಪ್ರಕಾಶದ ಕಥೆ!. ಹೊಟ್ಟೆ ಒಳಗಿನ ಆಕ್ರೋಶ ಎಷ್ಟು ಕಾಲ ಒಳಗೇ ಇಟ್ಟುಕೊಳ್ಳುವುದು..ಒಮ್ಮೆ ಕಾರಿಕೊಂಡು ಬಿಡಬೇಕು. ಅಲ್ಲವೇ?

Norbert D’Souza ಪಂಪ ಪ್ರಶಸ್ತಿ ಪುರಸ್ಕೃತ ನಾ ಡಿಸೋಜಾ

0

ಅಭಿನಂದನಾ ಲೇಖನ:
ಎಂ.ತುಳಸೀರಾಂ.
ಮೈಸೂರು.

Norbert D’Souza ಶರಾವತಿ ಕಣಿವೆ ಪ್ರದೇಶದ ಪರಿಸರದ ಬಗ್ಗೆ ಮಹತ್ವದ ಮಾಹಿತಿ ನೀಡುವ, ತಮ್ಮೆಲ್ಲಾ ಕಥೆ ಕಾದಂಬರಿಗಳ ಮೂಲಕ ಪರಿಸರ ಸಂರಕ್ಷಣೆ ಮತ್ತು ಅಭಿವೃದ್ಧಿ ಯ ಬಗ್ಗೆ ಜಾಗೃತಿ ಮೂಡಿಸುವ ಕಾರ್ಯದಲ್ಲಿ ನಿರತರಾಗಿ, ಹಿಂದುಳಿದ, ಬುಡಕಟ್ಟು ಜನರ , ಕ್ರೈಸ್ತ ಸಮುದಾಯದ ಜನಜೀವನದ ಹಿನ್ನೆಲೆಯ ಚಿತ್ರಣದ ಮೇಲೆ, ಭ್ರಷ್ಟಾಚಾರದ ಮೇಲೆ ಬೆಳಕು ಚೆಲ್ಲುತ್ತಾ ಕನ್ನಡ ಸಾಹಿತ್ಯಲೋಕದಲ್ಲಿ ಸದ್ದು ಗದ್ದಲವಿಲ್ಲದೆ ಅಪಾರ ಕೃಷಿ ನಡೆಸುತ್ತಿರುವ ನಾರ್ಬರ್ಟ್ ಡಿಸೋಜ ( ನಾ ಡಿಸೋಜ ) ನಮ್ಮವರು, ಜೋ ಗ- ಕಾರ್ಗಲ್- ಸಾಗರದವರು ಎಂಬುದೇ ಹೆಚ್ಚುಗಾರಿಕೆ.
ತಂದೆ ಎಸ್ ಪಿ ಡಿಸೋಜ ಉಪಾಧ್ಯಾಯರು , ಅವರು ಮಕ್ಕಳಿಗೆ ಕಲಿಸಲು ಬರೆದುಕೊಳ್ಳುತ್ತಿದ್ದ ಪದ್ಯ ಗಳನ್ನು ಓದುವ, ಕಲಿಯುವ ಮೂಲಕ ಸಾಹಿತ್ಯಾಸಕ್ತಿ ಬೆಳೆಸಿಕೊಂಡ ನಾ ಡಿಸೋಜ ಗ್ರಂಥಾಲಯಗಳಲ್ಲಿ ಮಾಸ್ತಿ, ಕುವೆಂಪು, ಕಾರಂತ, ಗೊರೂರು, ಸಾಮರ್ಸೆಟ್, ಡಿಕನ್ಸ್ , ಸಾಹಿತ್ಯಕೃತಿಗಳನ್ನು ಹೆಚ್ಚೆಚ್ಚು ಅಧ್ಯಯನ ಮಾಡುತ್ತಾ, ಲೋಕೋಪಯೋಗಿ ಇಲಾಖೆಯ ಕಾರ್ಯ ನಿರ್ವಹಿಸುತ್ತಾ, ನಾಟಕ, ಕಥೆ, ಕವನ, ಕಾದಂಬರಿ ಗಳ ರಚನೆಯಲ್ಲಿ ಸುಮಾರು 60- 70 ವರ್ಷಗಳ ಅವರ ಸಾಧನೆ ಅವರಿಗೆ ಕೀರ್ತಿ, ಪ್ರೀತಿ, ಪ್ರಶಸ್ತಿ ಪುರಸ್ಕಾರಗಳನ್ನು ಹೇರಳವಾಗಿ ಪಡೆಯಲು ಸಹಾಯಕವಾಗಿದೆ. ಆದರೆ ಅವರೂ ಎಂದೂ ಪ್ರಶಸ್ತಿ ಪುರಸ್ಕಾರಗಳ ಅಧಿಕಾರದ ಹಿಂದೆ ಬಿದ್ದವರಲ್ಲ. ಮೆದುಭಾಷಿ, ಸದಾಮಂದಹಾಸದ ನಗುಮುಖ, ಸುಸಂಸ್ಕೃತ ಹಿನ್ನೆಲೆಯ ಗಾಂಭಿರ್ಯದ ನಡವಳಿಕೆ ಅಪಾರ ಅಭಿಮಾನಿ ಸ್ನೇಹಿತರ ಸಮೂಹ ಅವರ ಜೊತೆಗಿರುವುದೇ ಅವರು ಗಳಿಸಿದ ದೊಡ್ಡ ಆಸ್ತಿ.
ಅವರ ಕೆಲವು ಕಾದಂಬರಿಗಳು ಚಲನ ಚಿತ್ರಗಳಾಗಿ ಹೊರಹೊಮ್ಮಿ ರಾಷ್ಟ್ರೀಯ, ಅಂತರರಾಷ್ಟ್ರೀಯ ಪ್ರಶಸ್ತಿ ಪುರಸ್ಕಾರಗಳಿಗೆ ಭಾಜನವಾಗಿವೆ. ದೂರದರ್ಶನ ಮಾಧ್ಯಮದಲ್ಲಿ ಧಾರಾವಾಹಿ ಗಳಾಗಿ ಪ್ರಸಾರವಾಗಿ ಅಪಾರ ಜನಪ್ರಿಯತೆಗಳಿಸಿವೆ.
ಅವರ ಕಥೆ ಕಾದಂಬರಿಗಳು ಹಲವಾರು ವಿಶ್ವ ವಿದ್ಯಾನಿಲಯಗಳ ಪದವಿ ತರಗತಿಗಳ ಪಠ್ಯ ಪುಸ್ತಕಗಳಾ ಗಿ ಆಯ್ಕೆಆಗಿದ್ದವು.
ಅವರ ಕಥೆ ಕಾದಂಬರಿಗಳು ಹಲವಾರು ಭಾಷೆಗಳಿಗೆ ಅನುವಾದ ಗೊಂಡು ಬಹುಭಾಷಾ ಸಾಹಿತ್ಯಾಭಿಮಾನಿಗಳ ಗೌರವಕ್ಕೆ ಪಾತ್ರವಾಗಿವೆ. ಅಲ್ಲದೇ ಅವರ “ಸಾಹಿತ್ಯ , ಕಾದಂಬರಿ , ನಾ ಡಿಸೋಜ ಒಂದು ಸಾಂಸ್ಕೃತಿಕ ಅಧ್ಯಯನ ” ಗಳಿಗೆ ಅನೇಕರು ಅಧ್ಯಯನ, ಅಭ್ಯಯಸನ, ಸಂಶೋಧನ ಪ್ರಬಂ ಧಗಳನ್ನು ಮಂಡಿಸಿ ಹಲವರು ಡಾಕ್ಟರೇಟ್ ಪದವಿ ಪಡೆದಿದ್ದಾರೆ.
ಅವರ ಕ್ರಿಯಾಶೀಲ ಸಾಹಿತ್ಯ ಸೇವೆ, ಕೊಡುಗೆಗಳು , ಅಧ್ಯಯನಗಳಿಗೆ ದೊರೆತ ಪ್ರಶಸ್ತಿ ಪುರಸ್ಕಾರಗಳು ಅಪಾರ. ಅವುಗಳಲ್ಲಿ ಮುಖ್ಯವಾದದ್ದು – ರಾಜ್ಯೋತ್ಸವ ಪ್ರಶಸ್ತಿ, ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ, ಗೌರವ ಡಾಕ್ಟರೇಟ್, ಕರ್ನಾಟಕ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ, ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನ ಅಧ್ಯಕ್ಷತೆ ,ಆಳ್ವಾಸ್ ನುಡಿಸಿರಿ ಪ್ರಶಸ್ತಿ, ಅಖಿಲ ಭಾರತ ಸಂಸ್ಕೃತಿ ಸಮ್ಮೇಳನದ ಅಧ್ಯಕ್ಷತೆ, ಪ್ರಸ್ತುತ 2023- 24ನೇ ವರ್ಷದ ” ಪಂಪ ಪ್ರಶಸ್ತಿ ” ಯ ಗರಿ ಅವರ ರಚಿಸಿರುವ ನೂರಕ್ಕೂ ಅಧಿಕ ಕಾದಂಬರಿಗಳು,ನಾಟಕಗಳು, ಕಥಾಸಂಕಲನ, ಮಕ್ಕಳ ಸಾಹಿತ್ಯ,ಮತ್ತು ಅವರ ಸಮಗ್ರ ಸಾಹಿತ್ಯಕ್ಕೆ ದೊರೆತ ನಾಡಗೌರವ ಅಮೂಲ್ಯ . ಅವರು ಜೀವನದುದ್ದಕ್ಕೂ ಮಾನವೀಯ ಮೌಲ್ಯಗಳಿಗೆ ನೀಡಿರುವ , ನೀಡುತ್ತಾ ಬಂದಿರುವ ಅವರ ಸೃಜನಶೀಲ ಮನಸ್ಸಿಗೆ ಸಂದ ಅಪಾರ ಗೌರವ.
Norbert D’Souza ನಮಗೆ ಹೆಮ್ಮೆ ಬಮ್ಮೆಪಮ್ಮೆ , ಕಾರಣ ಅವರು ನಮ್ಮವರು, ನಮ್ಮೊಡನಿದ್ದವರು. ಶರಾವತಿ ಕಣಿವೆ ಪ್ರದೇಶದವರು, ಅಲ್ಲಿ ಸೇವೆಸಲ್ಲಿಸಿದವರು.
ಮಿತ್ರಮಂಡಳಿಯ ಆಜೀವ ಗೌರವ ಸದಸ್ಯರು , ಅವರ ಬಹಳಷ್ಟು ನಾಟಕಗಳನ್ನು, ಆಶು ನಾಟಕಗಳನ್ನು ನಾವು ರಂಗದ ಮೇಲೆ ತಂದಿದ್ದೇವೆ , ಅಭಿನಯಿಸಿದ್ದೇವೆ , ದೇವರಿಗೆ ದಿಕ್ಕು, ಭೂತದ ಎದುರು ಬೇತಾಳ ನಾಟಕಗಳು 1968ರಲ್ಲಿ ನಮ್ಮ ಮಿತ್ರಮಂಡಳಿಯ ನಾಟಕೋತ್ಸವದಲ್ಲಿ ಅಭಿನಯಿಸಲ್ಪ ಟ್ಟಿತ್ತು. ” ಗುರುಗಾಂಪ ವಿಜಯಂ ” ನಾಟಕ ಒಂದು ರೀತಿಯಲ್ಲಿ ಭ್ರಷ್ಟಾಚಾರ ಬಯಲುಗೆಳೆಯುವ ಅಥವ ಪತ್ತೇದಾರಿ ನಾಟಕ.
ಡಿಸೋಜ ಮತ್ತು ಮಿತ್ರಮಂಡಳಿಯ ನಂಟು ಹಾಲುಜೇನಿನಂತೆ- ಅವರು ನಮಗೆ ನಾಟಕ ರಚಿಸಿಕೊಟ್ಟಿದ್ದಾರೆ, ನಮ್ಮ ನಾಟಕ ಸ್ಪರ್ಧೆಗಳಲ್ಲಿ ತೀರ್ಪು ಗಾರರಾಗಿ ಅಮೂಲ್ಯಸೇವೆ , ಸಲಹೆ ನೀಡಿದ್ದಾರೆ. ಆಪತ್ಭಾಂದವರಾಗಿ ಆಶುನಾಟಕ ರಚಿಸಿ ದೀಡಿರನೆ ನಾಟ ಕಾಭಿನಯಕ್ಕೆ ಪ್ರೋತ್ಸಾಹನೀಡಿದ್ದಾರೆ.
ನಾವು 1981 ರಲ್ಲಿ ಬಿಡು ಗಡೆಗೊಳಿಸಿದ ಮಿತ್ರಮಂಡಳಿಯ ದ್ವಿದಶಕಗಳ ಕಲಾರಾಧನೆಯ ಸ್ಮರಣ ಸಂಚಿಕೆ ” ಕಲಾಕುಂಜ” ಕ್ಕೆ ಅತ್ಯಮೂಲ್ಯ ಸಲಹೆ ಸೂಚನೆ ಮತ್ತು ಲೇಖನ ನೀಡಿ ಹರಸಿ ಹಾರೈಸಿದ್ದು ನಮ್ಮ ಹೃನ್ಮನಗಳಲ್ಲಿ ಸದಾ ಹಸಿರು. ಇಂಥಹ ಮೇರು ಸಾಹಿತಿ, ದಾರ್ಶನಿಕ ನಮ್ಮೊಡನೆ ಇರುವುದೇ ನಮ್ಮ ಸುಕೃತ.
ಮತ್ತಷ್ಟು ಮಗದಷ್ಟು ಪದವಿ ಪುರಸ್ಕಾರಗಳು ಅವರನ್ನು ಅರಸಿ ಬರಲಿ , ಹರಸಿ ಹಾರೈಸಲಿ ಎಂಬುದೇ ನಮ್ಮೆಲ್ಲರ ಹೆಬ್ಬಯಕೆ.
ನಮ್ಮೆಲ್ಲರ ಪ್ರೀತಿಯಸಾಹಿತಿ ‘ನಾ ಡಿಸೋಜ’ ರಿಗೆ ಶುಭಾಶಯಗಳು. ಅಭಿಮಾನದ ವಂದನೆಗಳು .

Republic Day ಸರ್ಕಾರಿ ಶಾಲೆಗಳನ್ನ ಆಕರ್ಷಕವಾಗುವಂತೆಎಲ್ಲರೂ ಪ್ರಯತ್ನಿಸಬೇಕು

0

Republic Day ಸರ್ಕಾರಿ ಶಾಲೆಗಳಲ್ಲಿ ಗುಣಮಟ್ಟದ ಶಿಕ್ಷಣ ದೊರೆಯುತ್ತಿರುವ ಹಿನ್ನೆಲೆ ಯಲ್ಲಿ ಪಾಲಕರು ಖಾಸಗೀ ಶಾಲೆಗಳ ವ್ಯಾಮೋಹ ಬಿಟ್ಟು ಸರ್ಕಾರಿ ಶಾಲೆಗೆ ಮಕ್ಕಳನ್ನು ದಾಖಲಿಸಲು ಮುಂದಾ ಗಬೇಕು ಎಂದು ಸರ್ವಧರ್ಮ ಸೇವಾಸಂಸ್ಥೆ ಅಧ್ಯಕ್ಷ ಕೆ.ಭರತ್ ಹೇಳಿದರು.

ಚಿಕ್ಕಮಗಳೂರು ತಾಲ್ಲೂಕಿನ ಹೆಡದಾಳು ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ 75ನೇ ಗಣರಾಜ್ಯೋತ್ಸವ ಅಂಗವಾಗಿ ವಿದ್ಯಾರ್ಥಿಗಳಿಗೆ ಉಚಿತ ನೋಟ್‌ಪುಸ್ತಕ ವಿತರಣೆ ಹಾಗೂ ನಿವೃತ್ತ ಶಿಕ್ಷಕರ ಸನ್ಮಾನ ಕಾರ್ಯಕ್ರಮದಲ್ಲಿ ಶುಕ್ರವಾರ ಪಾಲ್ಗೊಂಡು ಅವರು ಮಾತನಾಡಿದರು.

ಸರ್ಕಾರಿ ಶಾಲೆಗಳನ್ನು ಆಕರ್ಷಿತವನ್ನಾಗಿ ಮಾಡುವ ಹಾಗೂ ಭೌತಿಕವಾಗಿ ಶ್ರೀಮಂತಗೊಳಿಸಲು ಶಾಲೆಯ ಎಸ್‌ಡಿಎಂಸಿ ಸದಸ್ಯರು, ಶಿಕ್ಷಕರು ಕಾರ್ಯೋನ್ಮುಖರಾಗಬೇಕು. ಸುತ್ತಮುತ್ತಲ ಗ್ರಾಮಗಳಿಗೆ ತೆರಳಿ ಮಕ್ಕಳನ್ನು ಸರ್ಕಾರಿ ಶಾಲೆಗೆ ದಾಖಲಿಸಲು ಪಾಲಕರಿಗೆ ಪ್ರೇರೇಪಿಸಬೇಕು ಎಂದು ಸಲಹೆ ಮಾಡಿದರು.
ಶಾಲೆಯ ಆರಂಭದ ವೇಳೆಯ ಮೊದಲೇ ವಾರ್ತಾಪತ್ರಿಕೆಗಳನ್ನು ಓದಿಸುವುದು. ಶಿಸ್ತುಬದ್ಧ ಜೀವನ ರೂಪಿಸಲು ಯಾವ ರೀತಿಯಲ್ಲಿ ತಯಾರಾಗಬೇಕೆಂಬ ಶಿಕ್ಷಣವನ್ನು ಬೋಧಿಸಿದಾಗ ತಾನಾಗಿಯೇ ಮಕ್ಕಳು ಚುರುಕು ಹೊಂದಲು ಸಾಧ್ಯ. ಹೀಗಾಗಿ ಭವಿಷ್ಯದ ಮಕ್ಕಳನ್ನು ರೂಪಿಸುವ ಜವಾಬ್ದಾರಿ ಶಿಕ್ಷಕರ ಮೇಲಿದೆ ಎಂದು ತಿಳಿಸಿದರು.

ಗಣರಾಜ್ಯೋತ್ಸವವನ್ನು ಪ್ರತಿ ವಿದ್ಯಾರ್ಥಿಗಳು ಶಿಸ್ತಿನಿಂದ ಆಚರಿಸಬೇಕು. ಪ್ರಜಾಪ್ರಭುತ್ವದಲ್ಲಿ ಪ್ರಜೆಗಳು ಪ್ರಭು ಗಳು ಎಂದು ಸಾರಿದ ಅಂಬೇಡ್ಕರ್‌ರವರ ಆಶಯಕ್ಕೆ ತಕ್ಕಂತೆ ಬದುಕಬೇಕು. ಭವಿಷ್ಯದಲ್ಲಿ ನೀವುಗಳು ಕೂಡಾ ಒಂ ದಲ್ಲೊಂದು ಸಮಾಜಮುಖಿ ಕಾರ್ಯದಲ್ಲಿ ತೊಡಗಿ ದೇಶಕ್ಕೆ ಮಾದರಿಯಾಗಿರಬೇಕು ಎಂದು ತಿಳಿಸಿದರು.

Republic Day ಶಾಲೆಯ ಎಸ್.ಡಿ.ಎಂ.ಸಿ ಅಧ್ಯಕ್ಷ ಕೆ.ಪುಟ್ಟಸ್ವಾಮಿ ಮಾತನಾಡಿ ಗಣರಾಜ್ಯೋತ್ಸವ ಸಂದರ್ಭದಲ್ಲಿ ಸರ್ವ ಧರ್ಮ ಸಂಸ್ಥೆಯಿಂದ ಮಕ್ಕಳಿಗೆ ಉಚಿತ ನೋಟ್‌ಪುಸ್ತಕ ವಿತರಿಸುವುದು ಖುಷಿ ತಂದಿದೆ. ಮುಂಬರುವ ದಿನಗಳಲ್ಲಿ ಇನ್ನಷ್ಟು ಆರ್ಥಿಕ ಹಾಗೂ ಸಾಮಾಜಿಕವಾಗಿ ಹಿಂದುಳಿದಿರುವ ಮಕ್ಕಳಿಗೆ ಸಹಾಯಹಸ್ತ ಚಾಚಲಿ ಎಂದು ಶುಭ ಕೋರಿದರು.

ಇದೇ ವೇಳೆ ಈಚೆಗೆ ನಿವೃತ್ತಗೊಂಡ ಮುಖ್ಯೋಪಾಧ್ಯಾಯ ಚಂದ್ರಣ್ಣ ಅವರಿಗೆ ಸಂಸ್ಥೆಯಿಂದ ಬೀಳ್ಕೊಡುಗೆ ನೀಡಲಾಯಿತು. ಈ ಸಂದರ್ಭದಲ್ಲಿ ಗ್ರಾಮದ ಮುಖಂಡ ಮಂಜುನಾಥ್, ಮುಖ್ಯೋಪಾಧ್ಯಾಯ ಎಂ.ಸಿ.ಗಂಗಾಧರ್, ಸಹ ಶಿಕ್ಷಕಿ ವಿಮಲಾಕ್ಷಿ ಮತ್ತು ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.

Republic Day ಸಂವಿಧಾನ ಪವಿತ್ರಗ್ರಂಥವೆಂದು ಎಲ್ಲರೂ ಗೌರವಿಸಿದರೆ ಸಾಮರಸ್ಯ ಮೂಡುತ್ತದೆ

0

ಸಂವಿಧಾನದ ಜಾಗೃತಿಯ ಅಗತ್ಯತೆ ಇಂದಿನ ಪೀಳಿಗೆಗೆ ಅತ್ಯಗತ್ಯವಾಗಿದೆ ಎಂದು ಕನ್ನಡ ಸಾಹಿತ್ಯ ಪರಿಷತ್ ಜಿಲ್ಲಾ ಗೌರವ ಕಾರ್ಯದರ್ಶಿ ಜಿ.ಬಿ.ಪವನ್ ತಿಳಿಸಿದರು.

ಚಿಕ್ಕಮಗಳೂರು ನಗರದ ಜಿಲ್ಲಾ ಕನ್ನಡ ಭವನದಲ್ಲಿ 75ನೇ ಗಣರಾಜ್ಯೋತ್ಸವದ ದ್ವಜಾರೋಹಣ ನೆರವೇರಿಸಿ ಮಾತನಾಡಿದ ಅವರು ಭಾರತದ ಸಂವಿಧಾನ ಸರ್ವ ಶ್ರೇಷ್ಠ ಸಂವಿಧಾನವಾಗಿದ್ದು ಇದನ್ನು ದೇಶದ ಎಲ್ಲಾ ಧರ್ಮೀಯರು ತಮ್ಮ ಮೊದಲ ಪವಿತ್ರ ಗ್ರಂಥವೆಂದು ಭಾವಿಸಿ ನೆಡೆದರೆ ಉತ್ತಮ ಮತ್ತು ಸಾಮರಸ್ಯದ ಭಾರತ ನಮ್ಮದಾಗಲಿದೆ ಎಂದು ಆಶಯ ವ್ಯಕ್ತಪಡಿಸಿದರು.

ಬುದ್ದ ಬಸವ ಅಂಬೇಡ್ಕರ್ ಮತ್ತು ಕುವೆಂಪುರವರ ಆಶಯಗಳು ಮತ್ತು ವಿಚಾರಧಾರೆಗಳೇ ಸಂವಿಧಾನವಾಗಿದ್ದು ಇವುಗಳನ್ನು ತಮ್ಮ ಮಕ್ಕಳಿಗೆ ಹೇಳಿಕೊಡವ ಗುರುತರವಾದ ಜವಾಬ್ದಾರಿ ಪೋಷಕರು ಮತ್ತು ಎಲ್ಲಾ ರಾಜಕೀಯ ಮತ್ತು ರಾಜಕೀಯೇತರ ಸಂಘಟನೆಗಳ ಮೇಲಿದೆ ಎಂದರು.

Republic Day 1947 ರಲ್ಲಿ ಸ್ವಾತಂತ್ರ‍್ಯ ಬಂದು 1950ರಲ್ಲಿ ನಮ್ಮದೇ ಆದ ವಿಶ್ವದಲ್ಲೇ ಅತೀ ಅದ್ಬುತವಾದ ಸಂವಿಧಾನವನ್ನು ಸ್ವೀಕರಿಸಿಕೊಂಡಿದ್ದರೂ ಕೂಡ ನಮ್ಮಗಳ ಸ್ವಾರ್ಥದಿಂದ ರಾಷ್ಟçದಲ್ಲಿ ಅದರ ಅನುಸರಿಸದಿರುವುದು ಶೋಚನೀಯ ಮುಂದಿನ ಪೀಳಿಗೆಗಳನ್ನು ಈ ಬಗ್ಗೆ ಎಚ್ಚರಿಸುವ ಕರ್ತವ್ಯ ಪ್ರತಿಯೊಬ್ಬ ಪ್ರಜೆಯ ಮೇಲಿದೆ ಎಂದರು.

ಕಸಾಪ ತಾಲ್ಲೂಕು ಅಧ್ಯಕ್ಷ ಬಿ.ಹೆಚ್. ಸೋಮಶೇಖರ್ ಮಾತನಾಡಿ ಸಂವಿಧಾನದ ಅನುಸರಣೆಯೇ ನಮ್ಮ ಜೀವನದ ಆದ್ಯತೆ ಆಗಬೇಕೆಂದರು. ಈ ಸಂದರ್ಭದಲ್ಲಿ ನಗರ ಕ.ಸಾ.ಪ.ನಗರ ಅಧ್ಯಕ್ಷ ಸಚಿನ್ ಸಿಂಗ್, ಮೇಕನಗದ್ದೆ ಲಕ್ಷ್ಮಣ್‌ಗೌಡ, ಈಶ್ವರಪ್ಪ ಹೊಸಳ್ಳಿ, ನಂದಕುಮಾರ್, ಪ್ರತಿಬಾ ವೀರೇಶ್ ಕೌಲಗಿ, ರವಿ, ವೀಣಾ ಅರವಿಂದ್, ಜಯಂತಿ ಉಪಸ್ಥಿತರಿದ್ದರು.

Bekkina Kalmata ಬೆಕ್ಕಿನಕಲ್ಮಠದಲ್ಲಿ ಇಷ್ಟಲಿಂಗ ಪೂಜಾ ಮಹೋತ್ಸವ

0

Bekkina Kalmata ಶಿವಮೊಗ್ಗ ನಗರದ ಬೆಕ್ಕಿನ ಕಲ್ಮಠದಲ್ಲಿ ನಡೆಯುತ್ತಿರುವ ಪರಮ ತಪಸ್ವಿ ಜಗದ್ಗುರು ಶ್ರೀ ಗುರುಬಸವ ಮಹಾಸ್ವಾಮಿಗಳವರ 112ನೇ ಪುಣ್ಯ ಸ್ಮರಣೋತ್ಸವ ಕಾರ್ಯಕ್ರಮದಲ್ಲಿ ಬೆಕ್ಕಿನ ಕಲ್ಮಠದ ಶ್ರೀ ಮಲ್ಲಿಕಾರ್ಜುನ ಮುರುಘರಾಜೇಂದ್ರ ಸ್ವಾಮೀಜಿ ನೇತೃತ್ವದಲ್ಲಿ ಸಾಮೂಹಿಕ ಇಷ್ಟಲಿಂಗ ಪೂಜೆ ನಡೆಯಿತು.

Bekkina Kalmata ವಿವಿಧ ಮಠದ ಸ್ವಾಮೀಜಿಗಳು ಪಾಲ್ಗೊಂಡಿದ್ದರು. ಪುಣ್ಯ ಸ್ಮರಣೋತ್ಸವ ಸಮಿತಿ ಅಧ್ಯಕ್ಷ ಎಚ್.ಸಿ.ಯೋಗೀಶ್, ಪ್ರಧಾನ ಕಾರ್ಯದರ್ಶಿ ಎಸ್.ಎನ್.ಮಹಾಲಿಂಗಯ್ಯ ಶಾಸ್ತ್ರಿ, ಕೋಶಾಧ್ಯಕ್ಷ ಇ.ವಿಶ್ವಾಸ್, ಹಣಕಾಸು ಸಮಿತಿ ಅಧ್ಯಕ್ಷ ಎಸ್.ಎಸ್.ಜ್ಯೋತಿಪ್ರಕಾಶ್, ಪ್ರಚಾರ ಸಮಿತಿ ಅಧ್ಯಕ್ಷ ಸೋಮನಾಥ್.ಕೆ.ಆರ್., ರುದ್ರಯ್ಯ ಶಾಸ್ತ್ರಿ, ಮತ್ತಿತರರು ಉಪಸ್ಥಿತರಿದ್ದರು

Madhu Bangarappa ನಾನು ಜೀವನದಲ್ಲಿ ವಚನ ಸಾಹಿತ್ಯದ ಮೌಲ್ಯಗಳನ್ನು ಅನುಷ್ಠಾನಕ್ಕೆ ಪ್ರಯತ್ನಿಸುತ್ತೇನೆ- ಮಧು ಬಂಗಾರಪ್ಪ

0

Madhu Bangarappa 12ನೇ ಶತಮಾನದ ಶಿವಶರಣ ಅಲ್ಲಮ ಪ್ರಭುಗಳ ತತ್ವ ಆದರ್ಶ, ವಚನ ಸಾಹಿತ್ಯವು ಪ್ರತಿಯೊಬ್ಬ ವ್ಯಕ್ತಿಯ ಜೀವನಕ್ಕೂ ಮಾರ್ಗದರ್ಶನ ನೀಡುತ್ತದೆ ಎಂದು ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಇಲಾಖೆ ಸಚಿವ, ಶಿವಮೊಗ್ಗ ಜಿಲ್ಲಾ ಉಸ್ತುವಾರಿ ಸಚಿವ ಮಧು ಬಂಗಾರಪ್ಪ ಹೇಳಿದರು.

ಬೆಕ್ಕಿನ ಕಲ್ಮಠದಲ್ಲಿ ಪರಮ ತಪಸ್ವಿ ಜಗದ್ಗುರು ಶ್ರೀ ಗುರುಬಸವ ಮಹಾಸ್ವಾಮಿಗಳ 112ನೇ ಪುಣ್ಯ ಸ್ಮರಣೋತ್ಸವ ಪ್ರಯುಕ್ತ ಆಯೋಜಿಸಿದ್ದ ಶರಣ ಸಾಹಿತ್ಯ ಸಮ್ಮೇಳನ, 532ನೇ ಮಾಸಿಕ ಶಿವಾನುಭವಗೋಷ್ಠಿ, ಅಲ್ಲಮ ಪ್ರಭು, ಅಕ್ಕಮಹಾದೇವಿ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಮಾತನಾಡಿದರು.

ಬಸವಣ್ಣ, ಅಲ್ಲಮ ಪ್ರಭು, ಅಕ್ಕಮಹಾದೇವಿ ಸೇರಿದಂತೆ ಎಲ್ಲ ಶಿವಶರಣರ ವಚನ ಸಾಹಿತ್ಯದ ಮೌಲ್ಯಗಳನ್ನು ಜೀವನದಲ್ಲಿ ಅಳವಡಿಸಿಕೊಳ್ಳಬೇಕು. ನಾನು ಸಹ ನನ್ನ ಜೀವನದಲ್ಲಿ ವಚನ ಸಾಹಿತ್ಯ ಮೌಲ್ಯಗಳನ್ನು ಅನುಷ್ಠಾನ ಮಾಡಲು ಪ್ರಯತ್ನ ನಡೆಸುತ್ತೇನೆ ಎಂದು ತಿಳಿಸಿದರು.

Madhu Bangarappa ಧಾರ್ಮಿಕ ಕಾರ್ಯಗಳಿಗೆ ರಾಜ್ಯ ಸರ್ಕಾರದ ವತಿಯಿಂದ ಸಂಪೂರ್ಣ ಸಹಕಾರ ನೀಡುತ್ತೇನೆ. ಅಲ್ಲಮಪ್ರಭು ಜನ್ಮ ಸ್ಥಳ ಸೇರಿದಂತೆ ಶಿವಮೊಗ್ಗ ಜಿಲ್ಲೆಗೆ ಸಂಬಂಧಿಸಿದ ಶಿವಶರಣರ ಕ್ಷೇತ್ರಗಳನ್ನು ಪ್ರವಾಸೋದ್ಯಮ ದೃಷ್ಟಿಯಿಂದ ಅಭಿವೃದ್ಧಿ ಪಡಿಸಲು ಸರ್ಕಾರದ ಹಂತದಲ್ಲಿ ಪ್ರಯತ್ನ ನಡೆಸುತ್ತೇನೆ. ಎಲ್ಲ ಗುರುಗಳ ಮಾರ್ಗದರ್ಶನದಿಂದ ಉತ್ತಮ ಕೆಲಸ ಮಾಡುತ್ತೇನೆ ಎಂದು ಅನಿಸಿಕೆ ವ್ಯಕ್ತಪಡಿಸಿದರು.

ಕವಿ, ಚಿಂತಕ ಡಾ. ಕುಮಾರ ಚಲ್ಯ ಮಾತನಾಡಿ, ವಚನ ಸಾಹಿತ್ಯ ಹಾಗೂ ಶರಣ ತತ್ವ ಸಂದೇಶಗಳ ಪ್ರಸಾರ ಕಾರ್ಯದಲ್ಲಿ ಜೀವನ ನಡೆಸಿದ, ಸದ್ಗುಣಗಳನ್ನು ಹೊಂದಿರುವ ಸಾಧಕರಿಗೆ ಪ್ರಶಸ್ತಿ ನೀಡಿ ಸನ್ಮಾನಿಸುತ್ತಿರುವುದು ಶ್ರೇಷ್ಠ ಸಂಗತಿ. ಇದೊಂದು ಗುಣ ಗೌರವ ಸಮಾರಂಭ ಆಗಿದೆ ಎಂದು ಹೇಳಿದರು.

365 ವಚನಗಳನ್ನು ವ್ಯಾಖ್ಯಾನಿಸಿ ಎಲ್ಲ ವಚನಗಳನ್ನು ಸಂಗ್ರಹಿಸಿ “ವಚನ ವರ್ಷ” ಕೃತಿ ಹೊರತಂದಿರುವ ಬಸವರಾಜ ಸಾದರ ಹಾಗೂ ಅಕ್ಕಮಹಾದೇವಿ ವಚನ, ಕಾಲಘಟ್ಟ ಕುರಿತು ಸಂಶೋಧನಾ ನಡೆಸಿರುವ ಶಾಂತಕುಮಾರಿ ಇಮ್ರಾಪುರ ಅವರಿಗೆ ಪ್ರಶಸ್ತಿ ನೀಡುತ್ತಿರುವುದು ಅಭಿನಂದನೀಯ. ಶರಣ ಸಾಹಿತ್ಯ ಕ್ಷೇತ್ರಕ್ಕೆ ಸನ್ಮಾನಿತ ವ್ಯಕ್ತಿಗಳು ನೀಡಿರುವ ಕೊಡುಗೆ ಅಪಾರ ಎಂದು ಬಣ್ಣಿಸಿದರು.

ಬೆಂಗಳೂರು ಆಕಾಶವಾಣಿ ನಿವೃತ್ತ ನಿರ್ದೇಶಕ ಡಾ. ಬಸವರಾಜ ಸಾದರ ಅವರಿಗೆ “ಅಲ್ಲಮ ಪ್ರಭು ಪ್ರಶಸ್ತಿ” ಹಾಗೂ ಧಾರವಾಡ ಕರ್ನಾಟಕ ವಿಶ್ವವಿದ್ಯಾಲಯ ವಿಶ್ರಾಂತ ಪ್ರಾಧ್ಯಾಪಕಿ ಡಾ. ಶಾಂತಕುಮಾರಿ ಇಮ್ರಾಪುರ ಅವರಿಗೆ “ಅಕ್ಕಮಹಾದೇವಿ ಪ್ರಶಸ್ತಿ” ಪ್ರದಾನ ಮಾಡಿ ಗೌರವಿಸಲಾಯಿತು.

ಕ್ಷೇತ್ರ ಶಿಕ್ಷಣಾಧಿಕಾರಿ ಪಿ.ನಾಗರಾಜ್, ಯುಎಇ ಬಸವ ಸಮಿತಿ ಸ್ಥಾಪಕ ಚಂದ್ರಶೇಖರ ಲಿಂಗದಹಳ್ಳಿ ಅವರನ್ನು ಸನ್ಮಾನಿಸಲಾಯಿತು. ಸಂಗೀತ ಶಿಕ್ಷಕಿ ಸುಮಾ ಹೆಗಡೆ, ಆಕಾಶವಾಣಿ ಕಲಾವಿದೆ ನಾಗರತ್ನಮ್ಮ ಚಂದ್ರಶೇಖರಯ್ಯ ಅವರು ವಚನ ಸಂಗೀತ ಕಾರ್ಯಕ್ರಮ ನಡೆಸಿಕೊಟ್ಟರು. 112 ಜನರು ಸಮೂಹ ವಚನ ಗಾಯನ ನಡೆಸಿಕೊಟ್ಟರು. ಶ್ರೀ ವಿಜಯ ಕಲಾನಿಕೇತನ ವೃಂದವು ವಚನ ನೃತ್ಯ ನಡೆಸಿಕೊಟ್ಟಿತು.

ಬೆಕ್ಕಿನ ಕಲ್ಮಠದ ಶ್ರೀ ಮಲ್ಲಿಕಾರ್ಜುನ ಮುರುಘರಾಜೇಂದ್ರ ಸ್ವಾಮೀಜಿ ಕಾರ್ಯಕ್ರಮದ ದಿವ್ಯ ಸಾನ್ನಿಧ್ಯ ವಹಿಸಿದ್ದರು. ಬ್ರಹ್ಮಶ್ರೀ ನಾರಾಯಣ ಗುರು ಮಹಾಸಂಸ್ಥಾನ ಪೀಠದ ಶ್ರೀ ರೇಣುಕಾನಂದ ಸ್ವಾಮೀಜಿ, ಉಪಸ್ಥಿತರಿದ್ದರು.

ಶಾಸಕ‌ ಎಸ್.ಎನ್.ಚನ್ನಬಸಪ್ಪ, ವಿಧಾನ ಪರಿಷತ್ ಸದಸ್ಯ ‌ಡಿ.ಎಸ್.ಅರುಣ್, ವಿಧಾನ ಪರಿಷತ್ ಮಾಜಿ ಸದಸ್ಯ ಆಯನೂರು ಮಂಜುನಾಥ್, ಕೆಳದಿ ಶಿವಪ್ಪನಾಯಕ ಕೃಷಿ ಮತ್ತು ತೋಟಗಾರಿಕೆ ವಿವಿ ಕುಲಪತಿ ಡಾ. ಆರ್.ಸಿ.ಜಗದೀಶ್, ಡಾ. ವಿಜಯಾದೇವಿ, ಪರಮ ತಪಸ್ವಿ ಜಗದ್ಗುರು ಶ್ರೀ ಗುರುಬಸವ ಮಹಾಸ್ವಾಮಿಗಳ 112ನೇ ಪುಣ್ಯ ಸ್ಮರಣೋತ್ಸವ ಸಮಿತಿ ಅಧ್ಯಕ್ಷ ಎಚ್.ಸಿ.ಯೋಗೀಶ್, ಪ್ರಧಾನ ಕಾರ್ಯದರ್ಶಿ ಎಸ್.ಎನ್.ಮಹಾಲಿಂಗಯ್ಯ ಶಾಸ್ತ್ರಿ, ಕೋಶಾಧ್ಯಕ್ಷ ಇ.ವಿಶ್ವಾಸ್, ಹಣಕಾಸು ಸಮಿತಿ ಅಧ್ಯಕ್ಷ ಎಸ್.ಎಸ್.ಜ್ಯೋತಿಪ್ರಕಾಶ್, ಪ್ರಚಾರ ಸಮಿತಿ ಅಧ್ಯಕ್ಷ ಸೋಮನಾಥ್.ಕೆ.ಆರ್., ಶೀಲಾ ಸುರೇಶ್, ಸಂತೋಷ್ ಬಳ್ಳೇಕೆರೆ, ರುದ್ರಯ್ಯ ಶಾಸ್ತ್ರಿ, ಶಾಂತಾ ಆನಂದ್ ಮತ್ತಿತರರು ಹಾಜರಿದ್ದರು.

DVS Polytechnic College ಸಂವಿಧಾನವು ಪ್ರತಿಯೊಬ್ಬ ಪ್ರಜೆಗೂಮೂಲಹಕ್ಕು & ಕರ್ತವ್ಯಗಳನ್ನು ಒದಗಿಸುತ್ತದೆ- ಎಸ್.ರಾಜಶೇಖರ್

0

DVS Polytechnic College ದೇಶದ ಪ್ರತಿಯೊಬ್ಬ ವ್ಯಕ್ತಿಯೂ ತಮಗೆ ದೊರೆತಿರುವ ಜವಬ್ದಾರಿ ಹಾಗೂ ಕರ್ತವ್ಯ ನಿರ್ವಹಿಸುವ ಮೂಲಕ ಸದೃಢ ರಾಷ್ಟ್ರದ ನಿರ್ಮಾಣದಲ್ಲಿ ಪಾತ್ರ ವಹಿಸಬೇಕು ಎಂದು ದೇಶಿಯ ವಿದ್ಯಾಶಾಲಾ ಸಮಿತಿ ಕಾರ್ಯದರ್ಶಿ ಎಸ್.ರಾಜಶೇಖರ್ ಹೇಳಿದರು.

ದೇಶಿಯ ವಿದ್ಯಾಶಾಲಾ ಸಮಿತಿ ಹಾಗೂ ಡಿವಿಎಸ್ ಸಮೂಹ ಸಂಸ್ಥೆಗಳ ವತಿಯಿಂದ ಆಯೋಜಿಸಿದ್ದ ಗಣರಾಜ್ಯೋತ್ಸವ ಕಾರ್ಯಕ್ರಮದಲ್ಲಿ ಮಾತನಾಡಿ, ದೇಶದ ಪ್ರತಿಯೊಬ್ಬ ಪ್ರಜೆಗಳಿಗೂ ಸಂವಿಧಾನ ಮೂಲ ಹಕ್ಕುಗಳು ಹಾಗೂ ಕರ್ತವ್ಯಗಳನ್ನು ಒದಗಿಸುತ್ತದೆ ಎಂದು ತಿಳಿಸಿದರು.

ಡಿವಿಎಸ್ ಪಾಲಿಟೆಕ್ನಿಕ್ ಕಾಲೇಜಿನ ಪ್ರಾಚಾರ್ಯೆ ಪೂರ್ಣಿಮಾ.ಡಿ. ಮಾತನಾಡಿ, ಸಂವಿಧಾನದ ಅಂಗೀಕಾರ ಪ್ರತಿಯು ಲಿಖಿತ ರೂಪದಲ್ಲಿ ದಾಖಲಾಗಿರುವುದು ವಿಶೇಷ. ಸಂವಿಧಾನದ ಪ್ರತಿಯೊಂದು ಪುಟಗಳನ್ನು ಕಲಾವಿದರು ಅಲಂಕಾರಗೊಳಿಸಿದ್ದಾರೆ. ಸಂವಿಧಾನದ ಮೂಲ ಪ್ರತಿ ಸಂಸತ್ ಭವನದ ಗ್ರಂಥಾಲಯದಲ್ಲಿ‌ ಇರಿಸಲಾಗಿದೆ.

ಸಂವಿಧಾನ ಅಂಗೀಕಾರದ ಪ್ರಯುಕ್ತ ಪ್ರತಿ ವರ್ಷ ದೇಶಾದ್ಯಂತ ಜನವರಿ 26 ರಂದು ಗಣರಾಜ್ಯೋತ್ಸವ ಆಚರಿಸಲಾಗುತ್ತದೆ ಎಂದರು.

ದೇಶಿಯ ವಿದ್ಯಾಶಾಲಾ ಸಮಿತಿಯ ಅಧ್ಯಕ್ಷ ಕೆ.ಎನ್.ರುದ್ರಪ್ಪ ಕೊಳಲೆ ಗಣರಾಜ್ಯೋತ್ಸವ ನೆರವೇರಿಸಿ ಸಂದೇಶ ನೀಡಿದರು. ಡಿವಿಎಸ್ ಕಾಲೇಜಿನ ಎನ್ ಎಸ್ ಎಸ್ ವಿದ್ಯಾರ್ಥಿಗಳು ಪಥ ಸಂಚಲನ ನಡೆಸಿಕೊಟ್ಟರು. ಡಿವಿಎಸ್ ಸಂಯುಕ್ತ ಪದವಿಪೂರ್ವ ಕಾಲೇಜಿನ ಪ್ರೌಢಶಾಲಾ ವಿಭಾಗದ ವಿದ್ಯಾರ್ಥಿಗಳು ಸ್ವಾತಂತ್ರ್ಯ ಹೋರಾಟಗಾರರ ವೇಷಭೂಷಣಗಳನ್ನು ಧರಿಸಿ ಗಮನ‌ ಸೆಳೆದರು. ದೇಶಭಕ್ತಿಗೆ ಸಂಬಂಧಿಸಿ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯಿತು.

ಭಾರತೀಯ ಸೇನೆಯಲ್ಲಿ ಸೇವೆ ಸಲ್ಲಿಸಿ‌ ನಿವೃತ್ತರಾಗಿರುವ ಸೈನಿಕರಾದ ರಘುನಾಥ್.ಎಸ್., ವಿಜಯಕುಮಾರ್.ಡಿ. ಹಾಗೂ ರಘುಪತಿ.ಎಂ ಅವರನ್ನು ದೇಶಿಯ ವಿದ್ಯಾಶಾಲಾ ಸಮಿತಿ ಹಾಗೂ ಸಮೂಹ ಸಂಸ್ಥೆಗಳ ವತಿಯಿಂದ ಸನ್ಮಾನಿಸಲಾಯಿತು.

DVS Polytechnic College ದೇಶಿಯ ವಿದ್ಯಾಶಾಲಾ ಸಮಿತಿಯ ಸಹ ಕಾರ್ಯದರ್ಶಿ ಡಾ. ಸತೀಶ್ ಕುಮಾರ್ ಶೆಟ್ಟಿ, ಖಜಾಂಚಿ ಬಿ.ಗೋಪಿನಾಥ್, ಶಿಕ್ಷಕ ಪ್ರತಿನಿಧಿ ಉಮೇಶ್ ಎಚ್.ಸಿ., ಡಿವಿಎಸ್ ‌ಕಲಾ, ವಿಜ್ಞಾನ ಮತ್ತು ವಾಣಿಜ್ಯ ಕಾಲೇಜಿನ ಪ್ರಾಚಾರ್ಯ ಡಾ. ಎಂ.ವೆಂಕಟೇಶ್, ಸ್ವತಂತ್ರ ಪಿಯು ಕಾಲೇಜಿನ ಪ್ರಾಚಾರ್ಯ ಎ.ಇ.ರಾಜಶೇಖರ್, ಸಂಯುಕ್ತ ಪದವಿ ಪೂರ್ವ ಕಾಲೇಜಿನ ಪ್ರಾಚಾರ್ಯೆ ಲಕ್ಷ್ಮೀದೇವಿ, ಉಪ ಪ್ರಾಚಾರ್ಯ ಶ್ರೀಧರ್.ಸಿ.ಕೆ., ವಿನೋಬನಗರ ಡಿವಿಎಸ್ ಶಾಲೆ ಮುಖ್ಯ ಶಿಕ್ಷಕ ಲಕ್ಷ್ಮಣ.ಪಿ, ಡಿವಿಎಸ್ ಸಂಜೆ ಕಾಲೇಜಿನ ಪ್ರಾಚಾರ್ಯ ಪದ್ಮೇಗೌಡ, ಡಿವಿಎಸ್ ಹಿರಿಯ ಪ್ರಾಥಮಿಕ ಶಾಲೆ ಮುಖ್ಯ ಶಿಕ್ಷಕ ಬಸವರಾಜ್, ಸುರೇಶ್, ಉಪನ್ಯಾಸಕರು, ಬೋಧಕೇತರ ಸಿಬ್ಬಂದಿ, ವಿದ್ಯಾರ್ಥಿಗಳು, ಮತ್ತಿತರರು ಉಪಸ್ಥಿತರಿದ್ದರು.

Sringeri Sharada Peetha ಶೃಂಗೇರಿ ಪೀಠದ ನೂತನ ಸಿಇಓ ಆಗಿ ಶ್ರೀ.ಪಿ.ಎ.ಮುರಳಿ ನೇಮಕ

0

Sringeri Sharada Peetha ಶೃಂಗೇರಿ ಶ್ರೀ ಶಾರದಾ ಪೀಠದ ಆಡಳಿತಾಧಿಕಾರಿಯಾಗಿ ಶ್ರೀ ಪಿ.ಎ.ಮುರಳಿ ಅವರನ್ನು ನೇಮಕ ಮಾಡಿ ಶೃಂಗೇರಿ ಪೀಠದ ಕಾರ್ಯಾಲಯದಿಂದ ಮಹತ್ವದ ಆದೇಶ ಹೊರಡಿಸಲಾಗಿದೆ.

Sringeri Sharada Peetha ಶೃಂಗೇರಿ ಮಠದ ಆಡಳಿತಾಧಿಕಾರಿಗಳಾಗಿ ಶ್ರೀ ಪಿ.ಎ. ಮುರಳಿ ಅವರನ್ನ ನೇಮಕ ಮಾಡಲಾಗಿದೆ. ಶ್ರೀ ಗೌರಿಶಂಕರ್ ಅವರು
ಇದುವರೆಗೂ 35 ವರ್ಷಗಳ ಅವಧಿ ಆಡಳಿತಾಧಿಕಾರಿಗಳಾಗಿ ಸೇವೆ ಸಲ್ಲಿಸಿದ್ದರು.
ಇನ್ನುಮುಂದೆ ಗೌರಿಶಂಕರ್ ಅವರು
ಮುಖ್ಯ ಸಲಹೆಗಾರರಾಗಿ
ಸೇವೆ ಸಲ್ಲಿಸುತ್ತಾರೆ ಎಂದು ಶ್ರೀಮಠದ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.