ಇಂದು ವಿಶ್ವ ಯೋಗ ದಿನವೂ ಹೌದು ಮತ್ತು ವಿಶ್ವ
ಸಂಗೀತ ದಿನವೂ ಹೌದು.
ಯೋಗ ದೇಹದ ಆರೋಗ್ಯಕ್ಕಾದರೆ ಸಂಗೀತ ಮನಸ್ಸಿನ ಆರೋಗ್ಯಕ್ಕೆ ಉತ್ತಮ ಸಹಕಾರಿಯಾಗಿದೆ.
ಯೋಗ ಮತ್ತು ಸಂಗೀತ ಎರಡೂ ಪೂರಕವಾಗಿದೆ.
ಮನುಷ್ಯನಿಗೆ ಎರಡೂ ಬೇಕು.ಇವೆರಡೂ ಇತ್ತೆಂದರೆ
ಅವನು ಕಾಯಾ,ವಾಚಾ ಮನಸಾ ಸದೃಢವಂತನಾಗುತ್ತಾನೆ.ಯೋಗ ದೇಹದ ಆರೋಗ್ಯವನ್ನು ಸುಧಾರಿಸಿದರೆ ಸಂಗೀತ ಮನಸ್ಸಿನ
ಆರೋಗ್ಯವನ್ನು ಸುಧಾರಿಸುತ್ತದೆ.
ಬದುಕಿನ ಪ್ರತಿ ಹಂತದಲ್ಲಿಯೂ ದೈಹಿಕ,ಮಾನಸಿಕ
ಆರೋಗ್ಯಕ್ಕಾಗಿ ಯೋಗದ ಮೊರೆ ಹೋಗುವುದು ಸೂಕ್ತ ಎನ್ನುವುದು ಸರ್ವವಿದಿತವಾಗಿದೆ.ಯೌವನದಲ್ಲಿ ಇದ್ದ ಶಕ್ತಿ ವಯಸ್ಸಾಗುತ್ತಾ ಹೋದಂತೆ ಕ್ರಮೇಣ ಕಡಿಮೆ
ಯಾಗುತ್ತಾ ಹೋಗುತ್ತದೆ.ದೇಹದ ಜೀವ ಕೋಶಗಳು,ಅಂಗಾಂಗಗಳು ಹಾಗೂ ದೈಹಿಕ-ಮಾನಸಿಕ ಕಾರ್ಯಕ್ಷಮತೆ ಕುಗ್ಗುತ್ತಾ ಹೋಗುತ್ತದೆ.ಈ ಹಂತದಲ್ಲಿ ಯೋಗ,ಧ್ಯಾನ,ಪ್ರಾಣಾಯಾಮಗಳು ದೊಡ್ಡ ಪ್ರಭಾವವನ್ನು ಬೀರುತ್ತವೆ.
ಸಂಗೀತ ಎನ್ನುವುದು ಕೇವಲ ಮನರಂಜನೆಯಲ್ಲ.ಅದು ಭಾಷೆಗಳ ಗಡಿಯನ್ನು ಮೀರಿ ಆತ್ಮವನ್ನು ಸ್ಪರ್ಶಿಸುವ ಒಂದು ಅದ್ಭುತ ಕಲೆ.
ಹಾಗಾಗಿಯೇ ಸಂಗೀತ ಬಹುತೇಕ ಎಲ್ಲರನ್ನೂ ಮುದಗೊಳಿಸುತ್ತದೆ,ಮಂತ್ರಮುಗ್ಧಗೊಳಿಸುತ್ತದೆ.ಸಂಗೀತವನ್ನು ಆಲಿಸುವ ಕಿವಿ ಮತ್ತು ಆಸ್ವಾದಿಸುವ ಮನಸ್ಸು
ಇರಬೇಕಷ್ಟೆ.
ಮನಸ್ಸಿಗೆ ಬೇಸರ ಮುಸುಕಿದಾಗ ಸಂಗೀತವನ್ನು ಎಂದರೆ ದೇವರನಾಮಗಳನ್ನು,ಒಳ್ಳೆಯ ಹಾಡುಗಳನ್ನು
ಕೇಳಿದರೆ ಮನಸ್ಸಿಗಾದ ಬೇಸರ ಮಂಜಿನಂತೆ ಕರಗಿ
ಮನಸ್ಸು ಪ್ರಫುಲ್ಲವಾಗುತ್ತದೆ.
ಕೆಲವರಿಗೆ ಹರಿದಾಸರ ಅಂಕಿತದ ಹಾಡುಗಳನ್ನು ಕೇಳುವುದು,ಕೆಲವರಿಗೆ ಚಲನಚಿತ್ರಗೀತೆಗಳನ್ನು ಕೇಳಿ
ಮನಸ್ಸನ್ನು ಹಗುರಮಾಡಿಕೊಳ್ಳುತ್ತಾರೆ.ಇದು ಅವರವರ ಅಭಿರುಚಿಗೆ ತಕ್ಕ ವಿಷಯವಾಗಿರುತ್ತೆ.
ಅಂತೂ ಯೋಗ ಮಾಡಿ ದೇಹದ ಆರೋಗ್ಯವನ್ನು
ರಕ್ಷಿಸಿಕೊಳ್ಳುವುದರ ಜೊತೆಗೆ ಸಂಗೀತವನ್ನು ಕೇಳಿ ಮನಸ್ಸಿನ ಆರೋಗ್ಯವನ್ನು ರಕ್ಷಿಸಿಕೊಳ್ಳಬಹುದು.
“ಯೋಗ ಮಾಡೋಣ,ಸಂಗೀತ ಕೇಳೋಣ
ದೈಹಿಕ ಮಾನಸಿಕ ಆರೋಗ್ಯ ಕಾಪಾಡಿಕೊಳ್ಳೋಣ”
