Rangdol Construction Company ಶಿವಮೊಗ್ಗ ನಗರದ ರಂಗದೋಳ್ ಕನ್ಸ್ಟ್ರಕ್ಷನ್ ಸಂಸ್ಥೆ ಮಾಲೀಕ, ಇಂಜಿನಿಯರ್ ಆತ್ಮಾರಂಗದೋಳ್ ಅವರು 70ನೇ ಬಾರಿ ರಕ್ತದಾನ ಮಾಡಿದ್ದಾರೆ. ಹೆಚ್ಚಿನ ಬಾರಿ ರಕ್ತದಾನ ಮಾಡಿದ ಆತ್ಮಾರಂಗದೋಳ್ ಅವರಿಗೆ ಶಿವಮೊಗ್ಗ ನಗರದ ನೆಹರು ಕ್ರೀಡಾಂಗಣದ ವಾಕಿಂಗ್ ಸ್ನೇಹಿತರು ಸನ್ಮಾನ ಮಾಡಿದರು.
ಎಲ್ಲ ಸ್ನೇಹಿತರು ಆತ್ಮಾರಂಗದೋಳ್ ಹೆಚ್ಚು ಬಾರಿ ರಕ್ತದಾನ ಮಾಡಿರುವ ಬಗ್ಗೆ ಮೆಚ್ಚಗೆಯ ಅನಿಸಿಕೆಗಳನ್ನು ವ್ಯಕ್ತಪಡಿಸಿದರು. ರಕ್ತದಾನ ಮಾಡುವುದರಿಂದ ಆಗುವ ಪ್ರಯೋಜನಗಳ ಬಗ್ಗೆ ವಿವರವಾದ ಮಾಹಿತಿ ನೀಡಿದರು.
ಪ್ರತಿಯೊಬ್ಬ ಆರೋಗ್ಯವಂತ ವ್ಯಕ್ತಿ ರಕ್ತದಾನ ಮಾಡಬಹುದು. ತುರ್ತು ಸಂದರ್ಭಗಳಲ್ಲಿ ಜೀವ ಉಳಿಸಲು ರಕ್ತದಾನ ತುಂಬಾ ಅವಶ್ಯಕವಾಗಿದೆ. ಮರನಾಲ್ಕು ತಿಂಗಳಿಗೊಮ್ಮೆ ಆರೋಗ್ಯವಂತ ಜನತೆ ರಕ್ತದಾನ ಮಾಡಬಹುದಾಗಿದೆ. ರಕ್ತದಾನ ಮಾಡುವುದರಿಂದ ಸದೃಢ ಆರೋಗ್ಯ ಕಾಪಾಡಿಕೊಳ್ಳಲು ಪೂರಕವಾಗಲಿದೆ ಎಂದು ತಿಳಿಸಿದರು.
Rangdol Construction Company ಸಮಾರಂಭದಲ್ಲಿ ನರಸೋಜಿರಾವ್, ಶ್ರೀನಿವಾಸ್, ಹಾಲಪ್ಪ, ಇಂಜಿನಿಯರ್ಗಳಾದ ಉಮೇಶ್, ಮಂಜಣ್ಣ, ಸಿ.ರವಿಕುಮಾರ್, ಜಯಣ್ಣ, ಮೋಹನರಾವ್, ಮಧುಕರ್, ರಾಜೇಂದ್ರ, ಸುಬ್ಬಣ್ಣ, ರಮೇಶ್, ರುದ್ರಮೂರ್ತಿ ಇತರರು ಉಪಸ್ಥಿತರಿದ್ದರು.
