ಹರಾರೆಯ ಸ್ಪೋರ್ಟ್ಸ್ ಕ್ಲಬ್ ಮೈದಾನದಲ್ಲಿ ನಡೆದ ಭಾರತ-ಜಿಂಬಾಬ್ವೆ ನಡುವಣ 3ನೇ ಏಕದಿನ ಪಂದ್ಯದಲ್ಲಿ ಭಾರತ ಜಯಗಳಿಸಿದ್ದು, ಸರಣಿ 3-0 ಯಿಂದ ಜಯಿಸಿದೆ.
ಮೊದಲು ಬ್ಯಾಟಿಂಗ್ ಮಾಡಿದ ಭಾರತ ನಿಗದಿತ ಐವತ್ತು ಓವರ್ ಗಳಲ್ಲಿ ಎಂಟು ವಿಕೆಟ್ ಕಳೆದುಕೊಂಡು 289 ರನ್ ಗಳಿಸಿತ್ತು. ವನ್ ಡೌನ್ ಬ್ಯಾಟಿಂಗ್ ಮಾಡಲಿಳಿದ ಶುಭ್ಮನ್ ಗಿಲ್ ಆಕರ್ಷಕ ಶತಕದಾಟವಾಡಿದರು.
290 ರನ್ ಗಳ ಗುರಿಯೊಂದಿಗೆ ಬ್ಯಾಟಿಂಗ್ ಆರಂಭಿಸಿದ ಜಿಂಬಾಬ್ವೆ ಆರಂಭಿಕ ಕುಸಿತ ಕಂಡಿತು. ಬಳಿಕ ಸಿಕಂದರ್ ರಾಜಾ ಭರ್ಜರಿ ಶತಕ ಗಳಿಸುವ ಮೂಲಕ ಗೆಲುವಿನಾಸೆ ಮೂಡಿಸಿದ್ದರು.
ಆದರೆ 19 ನೇ ಓವರ್ ನಲ್ಲಿ ಶಾರ್ದೂಲ್‌ ಠಾಕೂರ್ ಬೌಲಿಂಗ್ ನಲ್ಲಿ ಸಿಕಂದರ್ ರಾಜಾ ಔಟ್ ಆಗುತ್ತಲೇ ಜಿಂಬಾಬ್ವೆ ಸೋಲು ಖಚಿತವಾಗಿತ್ತು. ಕೊನೆಯ ಓವರ್ ನಲ್ಲಿ 276 ರನ್ ಗಳಿಗೆ ಆಲೌಟ್ ಆದ ಜಿಂಬಾಬ್ವೆ ಸೋಲೊಪ್ಪಿಕೊಂಡಿತು.
