ತೀವ್ರ ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿರುವ ಶ್ರೀಲಂಕಾ, ನೆರವಿಗಾಗಿ ಅಂತರರಾಷ್ಟ್ರೀಯ ಹಣಕಾಸು ನಿಧಿ (ಐಎಂಎಫ್‌) ಮೊರೆ ಹೋಗಲು ಮುಂದಾಗಿದೆ.
ಈ ವಿಷಯದಲ್ಲಿ ಐಎಂಎಫ್‌ನೊಂದಿಗೆ ಮಾತುಕತೆ ನಡೆಸಲು ನೆರವಾಗುವಂತೆ ಕೋರಲು ಶ್ರೀಲಂಕಾ ಸರ್ಕಾರದ ನಿಯೋಗವೊಂದು ಅಮೆರಿಕಕ್ಕೆ ತೆರಳಿದೆ.
ದೇಶದ ಆರ್ಥಿಕತೆಯನ್ನು ಹಳಿಗೆ ತರುವ ಸಲುವಾಗಿ 400 ಕೋಟಿ ಡಾಲರ್ ನೆರವು ನೀಡುವಂತೆ ಐಎಂಎಫ್‌ಗೆ ಕೋರಲು ಶ್ರೀಲಂಕಾ ನಿರ್ಧರಿಸಿದೆ.
ಐಎಂಎಫ್‌ನ ನೆರವು ಕೇಳಬೇಕು ಎಂಬ ಸಲಹೆಗಳನ್ನು ಈ ಮೊದಲು ನಾವು ತಿರಸ್ಕರಿಸಿದ್ದೆವು. ಈಗ ವಿದೇಶಿ ವಿನಿಮಯ ಕೊರತೆಯನ್ನು ನೀಗಿಸಿ, ಆ ಮೂಲಕ ದೇಶವನ್ನು ಆರ್ಥಿಕ ಸಂಕಷ್ಟದಿಂದ ಪಾರು ಮಾಡಬೇಕಿದೆ.
ಹೀಗಾಗಿ, ಐಎಂಎಫ್‌ನಿಂದ 400ಕೋಟಿ ಡಾಲರ್ ನೆರವು ಪಡೆಯಲು ನಿರ್ಧರಿಸಿದ್ದೇವೆ’ ಎಂದು ಸಬ್ರಿ ಹೇಳಿದ್ದಾರೆ.
ನೂತನ ಹಣಕಾಸು ಸಚಿವ ಅಲಿ ಸಬ್ರಿ ನೇತೃತ್ವದ ನಿಯೋಗವು ಏ. 19ರಿಂದ 24ರ ವರೆಗೆ ಐಎಂಎಫ್‌ ಜೊತೆ ಈ ಸಂಬಂಧ ಮಾತುಕತೆ ನಡೆಸಲಿದೆ.
ಪ್ರಸಕ್ತ ಹಣಕಾಸು ವರ್ಷದಲ್ಲಿ ದ್ವೀಪರಾಷ್ಟ್ರವು 700 ಕೋಟಿ ಸಾಲ ಮರುಪಾವತಿ ಮಾಡಬೇಕಿದೆ.
