ಇಂಡೋನೇಷಿಯ ಮಹಿಳೆಯರ ಸಿಂಗಲ್ಸ್ ಶಟ್ಲರ್ ಪಂದ್ಯದ ಬಿಡಬ್ಲ್ಯೂಎಸ್ ವರ್ಲ್ಡ್ ಟೂರ್ ಫೈನಲ್ಸ್ ನಲ್ಲಿ ಪಿ.ವಿ.ಸಿಂಧು ಬೆಳ್ಳಿ ಪದಕವನ್ನು ಗೆದ್ದುಕೊಂಡಿದ್ದಾರೆ. ಹಾಲಿ ವಿಶ್ವಚಾಂಪಿಯನ್ ಹಾಗೂ ಎರಡು ಬಾರಿ ಒಲಿಂಪಿಕ್ಸ್ ಪದಕ ವಿಜೇತ ಸಿಂಧು ಭಾನುವಾರ ನಡೆದ ಪ್ರಶಸ್ತಿ ಸುತ್ತಿನ ಸೆಣಸಾಟದಲ್ಲಿ ವಿಶ್ವದ ಆರನೇ ಶ್ರೇಯಾಂಕದ ದಕ್ಷಿಣ ಕೊರಿಯಾ ಆಟಗಾರ್ತಿ ಆನ್ ಸೀಯಂಗ್ ಎದುರು 16-21, 12-21 ನೇರ ಗೇಮ್ಗಳ ಸೋಲು ಕಂಡರು. ಇದರೊಂದಿಗೆ ಸೀಯಂಗ್ ವಿರುದ್ಧದ ವಿಶ್ವದ ಏಳನೇ ಶ್ರೇಣಿಯ ಸಿಂಧು ಸತತ ಮೂರು ಬಾರಿ ಸೋಲನ್ನು ಕಂಡಂತಾಗಿದೆ.
ಸಿಂಧು ಅವರ ಮುಂದಿನ ಗುರಿ ವಿಶ್ವಚಾಂಪಿಯನ್ ಕಳೆದ ಆವೃತ್ತಿಯಲ್ಲಿ ಚಾಂಪಿಯನ್ ಆಗಿರುವ ಅವರು ಈ ಬಾರಿ ಚಾಂಪಿಯನ್ ಪಟ್ಟ ರಕ್ಷಿಸಿಕೊಳ್ಳುವ ಅನಿವಾರ್ಯತೆಗೆ ಸಿಲುಕಿದ್ದಾರೆ. ಸ್ಪೇನ್ ನಲ್ಲಿ ಡಿಸೆಂಬರ್ 12ರಿಂದ ವಿಶ್ವ ಚಾಂಪಿಯನ್ಶಿಪ್ ನಡೆಯಲಿದೆ.
