Thursday, November 19, 2026
Thursday, November 19, 2026
Home Blog Page 1131

Indian Culture Conference ಸದಸ್ಯ ಸಾಧಕರಿಗೆ ಯುವ ಜನ ಚಾರಣ ಸಂಸ್ಥೆಯಿಂದ ಸನ್ಮಾನ

0

Indian Culture Conference ಯುವಜನ ಚಾರಣ ಸಂಸ್ಥೆಯ ತರುಣೋದಯ ಘಟಕದ ವತಿಯಿಂದ ಸದಸ್ಯ ಸಾಧಕರನ್ನು ಇತ್ತೀಚೆಗೆ ಸನ್ಮಾನಿಸಲಾಯಿತು.

ಕಾರ್ಯಕ್ರಮದಲ್ಲಿ ಭಾರತೀಯ ಸಂಸ್ಕೃತಿ ಸಮ್ಮೇಳನದ ಲೇಖನ ಸ್ಪರ್ಧೆಯ ಪ್ರಥಮ ಬಹುಮಾನ ವಿಜೇತರಾದ ಡಾ.ಶೇಖರ್ ಗೌಳೇರ್, ಭಾರತೀಯ ವೈದ್ಯಕೀಯ ಶಿವಮೊಗ್ಗ ಘಟಕ ರಾಷ್ಟ್ರೀಯ ಪ್ರಶಸ್ತಿ ವಿಜೇತ ಅಧ್ಯಕ್ಷ ಡಾ. ಎಂ. ಎಸ್. ಅರುಣ್, ಕೌಸ್ತುಭಾ ಅರುಣ್, ಕಾರ್ಯದರ್ಶಿ ಡಾ.ರಕ್ಷ ರಾವ್, ಮಹಿಳಾ ಘಟಕದ ಅಧ್ಯಕ್ಷೆ ಡಾ. ವಿನಯ ಶ್ರೀನಿವಾಸ್, ವಿಶ್ವೇಶ್ವರಾಯ ಕೋ-ಅಪರೇಟಿವ್ ಸೊಸೈಟಿ ಅಧ್ಯಕ್ಷರಾಗಿ ಆಯ್ಕೆಯಾದ ಡಾ. ಎಸ್. ಶ್ರೀಧರ್, ಡಾ. ಸಂಗೀತಾ, ಮತ್ತು ಬೆಂಗಳೂರು ಯುವಜನ ಚಾರಣ ಸಂಸ್ಥೆಯ ಸಮ್ಮೇಳನದಲ್ಲಿ ಯಕ್ಷಗಾನ ಪ್ರದರ್ಶನ ನೀಡಿದ ಡಾ.ಪ್ರಕೃತಿರವರನ್ನು ತರುಣೋದಯ ಘಟಕದ ವತಿಯಿಂದ ಸನ್ಮಾನಿಸಲಾಯಿತು.

Indian Culture Conference ಈ ಸಂದರ್ಭದಲ್ಲಿ ಆ. ನಾ. ವಿಜಯೇಂದ್ರ ರಾವ್, ಎನ್. ಗೋಪಿನಾಥ್, ಜಿ. ವಿಜಯಕುಮಾರ್, ಎಸ್. ಎಸ್. ವಾಗೀಶ್, ಸುರೇಶ್, ಉಮೇಶ್, ರಾಜು, ಮಲ್ಲಿಕಾರ್ಜುನ್, ಮಂಜುನಾಥ್, ನಟರಾಜ್, ಸುನಿಲ್, ಲಕ್ಷ್ಮೀ, ಮಮತ, ಭಾರತಿ, ಡಾ. ಶಾಂತ, ಸುಮಾರಾಣಿ, ಯಶೋಧ ಮೊದಲಾದವರು ಉಪಸ್ಥಿತರಿದ್ದರು.

Power Cut in Shivamogga ಜನವರಿ 13 ರಂದು ಹಾರ್ನಹಳ್ಳಿ ಸುತ್ತಮುತ್ತ ವಿದ್ಯುತ್ ಸರಬರಾಜು ವ್ಯತ್ಯಯ

0

Power Cut in Shivamogga ಹಾರ್ನಳ್ಳಿ ಮೆಸ್ಕಾಂ ಉಪವಿಭಾಗ ಕುಂಸಿ, ಆಯನೂರು ಮತ್ತು ಹಾರ್ನಳ್ಳಿ ವ್ಯಾಪ್ತಿಯಲ್ಲಿ ಮಧ್ಯಂತರ ಕಂಬಗಳನ್ನು ಅಳವಡಿಸುವ ಕಾಮಗಾರಿ ಇರುವುದರಿಂದ ಜ. 13 ರಂದು ಬೆ-9.00 ರಿಂದ ಸಂಜೆ 6.00 ರವರೆಗೆ ಹಾರ್ನಳ್ಳಿ, ನಾಗರಬಾವಿ, ವೀರಣ್ಣನಬೆನವಳ್ಳಿ, ಮೈಸವಳ್ಳಿ, ಸೇವಾಲಾಲ್‍ನಗರ, ಯರೇಕೊಪ್ಪ, ರಾಮನಗರ, ಮುದುವಾಲ, ಯಡವಾಲ, ದೇವಬಾಳ, ಹಿಟ್ಟೂರು, ನಾರಾಯಣಪುರ, ರಟ್ಟೇಹಳ್ಳಿ, ಸುತ್ತುಕೋಟೆ, ಮಲ್ಲಾಪುರ, ಕೊಂಡಜ್ಜಿ, ಜಾಮೇನಹಳ್ಳಿ ಹಾಗೂ Power Cut in Shivamogga ಸುತ್ತಮುತ್ತಲಿನ ಗ್ರಾಮಗಳಲ್ಲಿ ವಿದ್ಯುತ್ ವ್ಯತ್ಯವಾಗಲಿದ್ದು, ಈ ವ್ಯಾಪ್ತಿಯ ಗ್ರಾಹಕರು ಸಹಕರಿಸುವಂತೆ ಮೆಸ್ಕಾಂ ಪ್ರಕಟಣೆ ನೀಡಿದೆ.

Online Scholarship portal ಮೆಟ್ರಿಕ್ ನಂತರದ ವಿದ್ಯಾರ್ಥಿಗಳು ವಿದ್ಯಾರ್ಥಿವೇತನಕ್ಕೆ ಅರ್ಜಿ ಸಲ್ಲಿಕೆಗೆ ಅವಧಿ ವಿಸ್ತರಣೆ

Online Scholarship portal ಶಿವಮೊಗ್ಗ ಜಿಲ್ಲಾ ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆಯು ಮೆಟ್ರಿಕ್ ನಂತರದ ಕೋರ್ಸುಗಳಲ್ಲಿ ವ್ಯಾಸಂಗ ಮಾಡುತ್ತಿರುವ ಅರ್ಹ ಹಿಂದುಳಿದ ವರ್ಗಗಳ ವಿದ್ಯಾರ್ಥಿಗಳು ಹಾಗೂ ಪ್ರವರ್ಗ-1 ಅಲೆಮಾರಿ/ಅರೆ ಅಲೆಮಾರಿ ಸಮುದಾಯದ ವಿದ್ಯಾರ್ಥಿಗಳಿಂದ 2023-24ನೇ ಸಾಲಿಗೆ ವಿದ್ಯಾರ್ಥಿ ವೇತನ, ಶುಲ್ಕ ಮರುಪಾವತಿ, ಹಾಗೂ ವಿದ್ಯಾಸಿರಿ-ಊಟ ಮತ್ತು ವಸತಿ ಸಹಾಯ ಯೋಜನೆ ಸೌಲಭ್ಯಕ್ಕಾಗಿ ಆನ್‍ಲೈನ್ ಮೂಲಕ ಅರ್ಜಿ ಆಹ್ವಾನಿಸಲಾಗಿದೆ.ಅರ್ಜಿ ಸಲ್ಲಿಸುವ ಅವಧಿಯನ್ನು ಜ. 15ರವರೆಗೆ ವಿಸ್ತರಿಸಲಾಗಿದೆ.

ಅರ್ಜಿಯನ್ನು www.ssp.postmartic.karnataka.gov.in ವೆಬ್‍ಸೈಟ್ ಮೂಲಕ ದಿ:15/01/2024ರೊಳಗಾಗಿ ಸಲ್ಲಿಸುವುದು.

Online Scholarship portal ಕಾರ್ಯಕ್ರಮಗಳ ವಿವರ ಅರ್ಹತೆ ಸಲ್ಲಿಸಬೇಕಾದ ದಾಖಲೆಗಳು ಹಾಗೂ ವಿದ್ಯಾರ್ಥಿವೇತನಕ್ಕೆ ಸಂಬಂಧಿಸಿದ ಸರ್ಕಾರಿ ಆದೇಶಗಳ ಬಗ್ಗೆ ಮಾಹಿತಿಗಾಗಿ www.bcwd.karnataka.gov.in ವೆಬ್‍ಸೈಟ್, ರಾಜ್ಯ ವಿದ್ಯಾರ್ಥಿವೇತನ ತಂತ್ರಾಂಶದ ಸಹಾಯವಾಣಿ ಇಮೇಲ್ postmartichelp@karnataka.gov.in ನ್ನು ಸಂಪರ್ಕಿಸುವುದು.

ಹೆಚ್ಚಿನ ಮಾಹಿತಿಗಾಗಿ ಜಿಲ್ಲಾ ಹಿಂದುಳಿದ ವರ್ಗಗಳ ಕಲ್ಯಾಣಾಧಿಕಾರಿಗಳ ಕಚೇರಿ, ದೂ.ಸಂ.: 08182-222129/080-35254757 ಅಥವಾ ಸಹಾಯವಾಣಿ 8050770005 ಗಳನ್ನು ಸಂಪರ್ಕಿಸುವುದು.

Ayodhya Ram Mandir ಜನವರಿ 22, ನಮಗೆಲ್ಲ ಅಚ್ಛೇ ದಿನ್- ಡಾ.ಸಿ.ಜಿ.ರಾಘವೇಂದ್ರ ವೈಲಾಯ.

0

Ayodhya Ram Mandir ಆಡದಲೇ ಮಾಡುವನು ರೂಢಿಯೊಳ ಗುತ್ತಮನು ಎಂಬ ನಾಣ್ಣುಡಿಯಂತೆ ಅತ್ಯುನ್ನತ ಆದರ್ಶಗಳನ್ನು ತಾನು ಸ್ವತಃ ಬದುಕಿ ತೋರಿಸಿದವನು ಶ್ರೀರಾಮ. ತಾನು ಸ್ವಪೌರುಷದಿಂದ ಗೆದ್ದುಕೊಂಡ ಹಾಗೂ ಬಂಗಾರದ ತಟ್ಟೆಯಲ್ಲಿಟ್ಟು ತನಗೆ ಕೊಡಮಾಡಲ್ಪಟ್ಟ ಸ್ವರ್ಣಲಂಕೆಯನ್ನು ತಿರಸ್ಕರಿಸಿ “ಜನನೀ ಜನ್ಮಭೂಮಿಶ್ಚ ಸ್ವರ್ಗಾದಪಿ ಗರೀಯಸಿ” ಎಂದು ಉದ್ಘೋಷಿಸಿ ತನ್ನ ತಾಯ್ನಾಡಿಗೆ ಮರಳಲು ಹಪಹಪಿಸಿದವನು ಶ್ರೀರಾಮ.

ಅಸ್ತೇಯ & ಅಪರಿಗ್ರಹಗಳೆಂಬ ಸನಾತನ ಮೌಲ್ಯಗಳ ಸಾಕಾರ ಮೂರ್ತಿಯಾದ ಶ್ರೀರಾಮನನ್ನು ಯಃಕಶ್ಚಿತ್ ಮಾನವನೆನ್ನಲು ಸಾಧ್ಯವೇ? ಸ್ವಾರ್ಥ ಸಾಧನೆಗಾಗಿ ಸ್ವಜನರ ರಕ್ತಪಾತಕ್ಕೂ ಹೇಸದ ಕೌರವರಂಥ ಬಹುಜನರ ಮಧ್ಯೆ, ಕೇವಲ ಪಿತೃವಾಕ್ಯ ಪರಿಪಾಲನೆಗಾಗಿ ತನ್ನ ಸರ್ವಸ್ವವನ್ನೂ ಕ್ಷಣಮಾತ್ರದಲ್ಲಿ ಪರಿತ್ಯಜಿಸಿ ತಾನು ಏಕಾಂಗಿಯಾಗಿ ಕಾಡಿಗೆ ಹೊರಟು ನಿಂತ ಇಂಥ ಮಹಾ ತ್ಯಾಗಿಯೂ ಯೋಗಿಯೂ ಎಲ್ಲೇ ಇದ್ದರೂ ಆತ ದೇವರೇ ಸರಿ. “ರಾಮೋ ವಿಗ್ರಹವಾನ್ ಧರ್ಮ” ಎಂದು ಹೇಳಿದ ಮಹರ್ಷಿ ವಾಲ್ಮೀಕಿಗಳೇನು ಸಾಮಾನ್ಯರೇ? ಆತ ಗುಣವಾನ್, ವೀರ್ಯವಾನ್, ಧರ್ಮಜ್ಞ, ಕೃತಜ್ಞ, ಸತ್ಯವಾಕ್ಯ ಪರಿಪಾಲಕ, ದೃಢ, ವರ್ಚಸ್ವಿ, ಸರ್ವ ಭೂತೇಷು ಹಿತ, ವಿದ್ವಾನ್, ಸಮರ್ಥ, ಪ್ರಿಯದರ್ಶನ, ಆತ್ಮವಾಂಕ, ಜಿತಕಾಮ, ಜಿತಕ್ರೋಧ, ದ್ಯುತಿಮಾನ್, ಅನಸೂಯಕ, ಬಿಬ್ಯತಿ ದೇವಾ, ಭಕ್ತವತ್ಸಲ, ಅನಾಥರಕ್ಷಕ. ಇಂಥ ಶೋಡಷಗುಣ ಪರಿಪೂರ್ಣನಾದ ಶ್ರೀರಾಮಚಂದ್ರನು ಹಿಂದೊಮ್ಮೆ ನಮ್ಮೀ ಭರತಭೂಮಿಯಲ್ಲಿ ನಡೆದಾಡಿದ್ದ ನೆನ್ನುವುದೇ ಭಾರತೀಯರಾದ ನಮಗೆಲ್ಲಾ ಹೆಮ್ಮೆ. ನ ಭೂತೋ ನ ಭವಿಷ್ಯತಿ ಎಂಬಂತೆ ಇದಕ್ಕಿಂತ ಹೆಚ್ಚಿನ ಆದರ್ಶವನ್ನು ನಾವು ಇನ್ನೆಲ್ಲಿ ಕಂಡೇವು?

Ayodhya Ram Mandir ಹಿಂದುಗಳಿಗೆ ಸಪ್ತ ಮೋಕ್ಷದಾಯಕ ಪುಣ್ಯ ತೀರ್ಥಕ್ಷೇತ್ರಗಳ ಪೈಕಿ ಮೊತ್ತ ಮೊದಲನೆಯದಾದ ಈ ಅಯೋಧ್ಯಾ ನಗರವನ್ನು ಸರ್ವಜನಾನುರಾಗಿ ಧರ್ಮಪ್ರಭು ಶ್ರೀರಾಮನ ಕಾಲಾನಂತರದಲ್ಲಿ ಆತನ ಪುತ್ರ ಕುಶನು ಮರುನಿರ್ಮಿಸಿದನು. ತದನಂತರ ಕ‌ಲಿಯುಗದ ಮಹಾನ್ ಚಕ್ರವರ್ತಿಯಾದ ಶಕಪುರುಷ ವಿಕ್ರಮಾದಿತ್ಯನು ಸರಯೂ ನದಿ ತಟದಲ್ಲಿ ನಿರ್ಮಿಸಿದ ಅಯೋಧ್ಯೆಯಲ್ಲಿನ (ಅವಧ್) ಈ ಮೂಲ ರಾಮಮಂದಿರವನ್ನು ಮತ್ತೆ ಜೀರ್ಣೋದ್ಧಾರ ಮಾಡಿದ್ದು ಶುಂಗವಂಶದ ಮುಕುಟಮಣಿ ಪುಷ್ಯಮಿತ್ರಶುಂಗ. ತದನಂತರ ೫ನೇ ಶತಮಾನದಲ್ಲಿ ಅದು (ಸಾಕೇತ) ಬೌದ್ಧರ ಪ್ರಮುಖ ಕೇಂದ್ರವಾಗಿತ್ತು ಹಾಗೂ ಅಲ್ಲಿ ಆದಿನಾಥನೂ ಸೇರಿದಂತೆ ಐದು ಜನ ತೀರ್ಥಂಕರರು ಜನ್ಮತಾಳಿದ್ದರು. ಆ ನಂತರ ಕನೌಜಿನ ರಾಜ ಜಯಚಂದನು ಅದನ್ನು ನವೀಕರಿಸಿದನು. ಆತ ಪಾಣಿಪತ್‌ ಯುದ್ಧದಲ್ಲಿ ಮರಣಿಸಿದ ನಂತರ ಅನೇಕ ಆಕ್ರಮಣಕಾರರು ಕಾಶಿ, ಮಥುರಾಗಳ ಮೇಲೆ ದಾಳಿ ಮಾಡಿ ಅಲ್ಲಿದ್ದ ಹಲವು ಮೂಲ ದೇವಾಲಯವನ್ನು ನೆಲಸಮ ಮಾಡಿ ಅಲ್ಲಿನ ಅರ್ಚಕರನ್ನು ಹತ್ಯೆಗೈದರು. ಆದರೆ 14ನೇ ಶತಮಾನದವರೆಗೂ ಅವರಿಗೆ ಅಯೋಧ್ಯೆಯ ಮೂಲ ರಾಮ ದೇಗುಲವನ್ನು ಕೆಡವಲು ಸಾಧ್ಯವಾಗಿರಲಿಲ್ಲ. ಸಿಕಂದರ್ ಲೋದಿಯ ಆಳ್ವಿಕೆಯಲ್ಲೂ ಅಲ್ಲಿ ಭವ್ಯವಾದ ರಾಮ ದೇಗುಲವಿದ್ದ ಪುರಾವೆಗಳಿವೆ.

ಮೊಘಲರು 14ನೇ ಶತಮಾನದ ನಂತರ ಭಾರತದಲ್ಲಿ ಅಧಿಕಾರಕ್ಕೆ ಬಂದರು ಮತ್ತು 1527-28ರ ಅವಧಿಯಲ್ಲಿ ಬಾಬರನ ಸೇನಾ ದಂಡ ನಾಯಕನಾದ ಮೀರ್ ಬಾಕಿಯು ಅಲ್ಲಿನ ಮಂದಿರವನ್ನು ನೆಲಸಮಗೊಳಿಸಿ ಅದೇ ಭಗ್ನ ಅವಶೇಷಗಳಿಂದ ಅಲ್ಲಿ ಬಾಬರಿ ಮಸೀದಿಯನ್ನು ನಿರ್ಮಿಸಿದನು. ತದನಂತರದ ಐತಿಹಾಸಿಕ ವಿವರಗಳು ಈಗಿನವರಿಗೆ ತಿಳಿಯದ್ದೇನಿಲ್ಲ.

ಸಾಕೇತದ ರಾಮ ಮಂದಿರವನ್ನು ಭೌತಿಕವಾಗಿ ಕೆಡವಿದ ಮತಾಂಧರನ ಕಾಲದಿಂದ ತೊಡಗಿ, ರಾಮನ ಅಸ್ತಿತ್ವವನ್ನೇ ಪ್ರಶ್ನಿಸಿದ ಅಂದಿನ ಸೆಕ್ಯುಲರ್ ಸರ್ಕಾರ ಮತ್ತು ಕೊಟ್ಟ ಕೊನೆಗೆ ರಾಮಂದಿರದ ನಿರ್ಮಾಣಕ್ಕೆ ಒಪ್ಪಿಗೆ ನೀಡಿದ ಸರ್ವೋಚ್ಚ ನ್ಯಾಯಾಲಯದ ಸುದೀರ್ಘ ಕಾನೂನು ಹೋರಾಟದವರೆಗಿನ ಆಸ್ತಿಕ ಹಿಂದೂಗಳ ಈ ಅವಿರತ ಹೋರಾಟವು, “ಧರ್ಮೋ ರಕ್ಷತಿ ರಕ್ಷಿತ” ಎಂಬುದನ್ನು ಮತ್ತೆ ಸಾಬೀತುಪಡಿಸಿದೆ. ಭಗವಾನ್ ಕೇ ಘರ್ ಮೇ ದೇರ್ ಸಹೀ ಅಂಧೇರಾ ನಹಿ ಎಂದು ನಂಬಿದ್ದು ಇಂದು ಸಾರ್ಥಕವಾಯ್ತು. ನಮ್ಮ ದೇಶವು ವಸಾಹತುಶಾಹಿಗಳ ಕಪಿಮುಷ್ಟಿಯಿಂದ ಸ್ವಾತಂತ್ರ್ಯ ಪಡೆದು 75ವರ್ಷಗಳು ಕಳೆದ ಈ ಅಮೃತ ಕಾಲದಲ್ಲಿ ರಾಷ್ಟ್ರಪುರುಷ ಶ್ರೀರಾಮಚಂದ್ಭರನ ಭವ್ಯವೂ ದಿವ್ಯವೂ ಆದ ಮಂದಿರವು ಆತನ ಜನ್ಮಭೂಮಿಯೂ ಕರ್ಮ ಭೂಮಿಯೂ ಆದ ಅಯೋಧ್ಯೆಯಲ್ಲಿಯೇ ನಿರ್ಮಾಣ ಗೊಂಡು ಸದ್ಯದಲ್ಲೇ ಲೋಕಾರ್ಪಣೆಗೊಳ್ಳುತ್ತಿರುವುದು ಸನಾತನ ಭಾರತದ ಸಾಂಸ್ಕೃತಿಕ & ಆಧ್ಯಾತ್ಮಿಕ ಪುನರುಜ್ಜೀವನದ ಶುಭ ಸಂಕೇತವಲ್ಲದೇ ಇನ್ನೇನು? ಅಚ್ಛೇ ದಿನ್ ಬರುತ್ತಿದೆ ಎಂದು ನಂಬಿದ್ದು ಸಾರ್ಥಕವಾಯಿತು. ಭವಿಷ್ಯದಲ್ಲಿ ಭಾರತವು ಮತ್ತೆ ವಿಶ್ವಗುರುವಾಗುವ ಮುನ್ಸೂಚನೆ ಇದಲ್ಲವೇ? ಎಲ್ಲದಕ್ಕೂ ಕಾಲ ಕೂಡಿ ಬರಬೇಕು, ಅಷ್ಟೇ.ತಾಳಿದವನು ಬಾಳಿಯಾನು‌.

ಇರಾಕಿನ ಕುರ್ದಿಸ್ತಾನದ ಗವಿಗಳಲ್ಲಿ ದೊರೆತ ಶಿಲಾಯುಗದ ಪಳೆಯುಳಿಕೆಗಳಿಂದು ಹಿಡಿದು, ಸಿರಿಯಾ, ಟರ್ಕಿ, ಮೆಕ್ಸಿಕೋ, ಪೆರು (ಇಂಕಾಗಳು), ಈಜಿಪ್ಟ್, ರಷ್ಯಾ, ಜರ್ಮನಿ, ಶ್ರೀಲಂಕಾ ಹೀಗೆ ಎಲ್ಲೆಲ್ಲೂ ರಾಮನ ಅಸ್ತಿತ್ವದ ಕುರಿತು ಐತಿಹಾಸಿಕ ಪುರಾವೆಗಳು ದೊರೆತಿವೆ. ಜಗತ್ತಿನಲ್ಲಿ ಅತೀ ಹೆಚ್ಚು ಮುಸ್ಲಿಮರಿರುವ ಇಂಡೋನೇಷ್ಯಾದ ಜನರು ತಮ್ಮ ರಿಲಿಜನ್ ಬದಲಾದರೂ ತಾವು ತಮ್ಮ ಪೂರ್ವ ಸಂಸ್ಕೃತಿಯನ್ನು & ಪೂರ್ವಜನಾದ ರಾಮನ ಸ್ಮೃತಿಯನ್ನು ಇಂದಿಗೂ ಮರೆತಿಲ್ಲ‌. ಸಮಕಾಲೀನ ಭಾರತೀಯರಂತೆ ಅವರಿಗೆ ತಮ್ಮ ಪೂರ್ವೇತಿಹಾಸದ ಕುರಿತು ಗುಲಗಂಜಿ ಯಷ್ಟೂ ಉಪೇಕ್ಷೆ ಮತ್ತು ಕೀಳರಿಮೆಗಳಿಲ್ಲ. ಈ ಸಮಗ್ರ & ವಿಶಾಲ ಭಾವವೇ ಅವರ ರಾಷ್ಟ್ರೀಯತೆಗೆ ಭದ್ರ ಬುನಾದಿ. ಸಕಲ ಮಾನವ ಕುಲಕ್ಕೆ ಈತ ಮುಕುಟಮಣಿ. ದಲಿತ ಕವಿ ವಾಲ್ಮೀಕಿಯಿಂದ ರಚಿತವಾದ ಆ ಮಹಾನ್ ದೃಶ್ಯಕಾವ್ಯ ರಾಮಾಯಣವು ವಿದೇಶಗಳಲ್ಲಿ ಹಲವಾರು ಪ್ರಕ್ಷಿಪ್ತ ಹೆಸರುಗಳಿಂ ಪ್ರಸಿದ್ಧಿ ಪಡೆದಿದೆ. ಥೈಲ್ಯಾಂಡ್, ಬರ್ಮಾ (ಬ್ರಹ್ಮದೇಶ), ಜಾವಾ, ಮಲೇಶಿಯಾ, ಇಂಡೋನೇಷ್ಯಾ, ಕಾಂಬೋಡಿಯಾ, ಚೀನಾ, ಜಪಾನ್, ಫಿಲಿಪ್ಪೀನ್ಸ್, ಲಾವೋಸ್, ಮಂಗೋಲಿಯಾ ಮೊದಲಾದ ದೇಶಗಳಲ್ಲಿ ರಾಮನ ಕುರಿತು ವ್ಯಾಪಕವಾದ ಭಕ್ತಿ ಮತ್ತು ಶ್ರದ್ಧೆಗಳನ್ನು ಇಂದಿಗೂ ನಾವು ಕಾಣಬಹುದು.

ರಾಮ & ರಾಮಾಯಣ ಆ ದೇಶಗಳ ಸಾಂಸ್ಕೃತಿಕ ಪರಂಪರೆಯ ಅವಿಭಾಜ್ಯ ಅಂಗ. ಪ್ರಾಚೀನ ಈಜಿಪ್ಟ್, ಇರಾಕ್, ಸಿರಿಯಾ, ಟರ್ಕಿ, ಮಧ್ಯಪ್ರಾಚ್ಯ, ರಷ್ಯಾ, ಮೆಕ್ಸಿಕೋ, ಗ್ವಾಟೆಮಾಲಾ, ದಕ್ಷಿಣ ಅಮೆರಿಕಾ, ಪೆರು, ಮೊದಲಾದ ಹಲವು ಕಡೆಗಳಲ್ಲಿ ರಾಮನ ಶಿಲ್ಪಗಳು, ಚಿತ್ರಗಳು, ನಾಣ್ಯಗಳು ದೊರೆತಿವೆ. ಅಲ್ಲಿನ ಸಾಹಿತ್ಯ, ಭಾಷೆ, ನದಿ/ಜನ/ ಸ್ಥಳಗಳ ಹೆಸರುಗಳು, ಕಲೆ, ನೃತ್ಯ, ಧಾರ್ಮಿಕ ಆಚರಣೆಗಳಲ್ಲಿ ಸಂಸ್ಕೃತ, ರಾಮ & ರಾಮಾಯಣದ ಅಚ್ಚಳಿಯದ ಪ್ರಭಾವವಿರುವುದು ಕಂಡು ಬಂದಿದೆ. ಥೈಲ್ಯಾಂಡಿನ ರಾಜವಂಶಸ್ಥರು ತಮ್ಮನ್ನು ರಾಮನ ವಂಶಜರೆಂದೇ ಗುರುತಿಸಿಕೊಳ್ಳುತ್ತಾರೆ. ಹೀಗೆ ರಾಮನ ಆದರ್ಶವನ್ನು ಕೇವಲ ಭಾರತ ಮಾತ್ರವಲ್ಲ ಸಮಸ್ತ ವಿಶ್ವವೇ ಒಪ್ಪಿಕೊಂಡಿದೆ.

ರಾಮನ ಜೀವನಗಾಥೆಯು ಒಂದು ಅಮರ ಪ್ರೇಮಕಥೆ. ತನ್ನ ಜನಾನಾದ ಅಸಂಖ್ಯಾತ ಸ್ತ್ರೀಯರಲ್ಲಿ ಓರ್ವಳಾದ ಮತ್ತು ತನ್ನ 14 ಮಕ್ಕಳನ್ನು ಹೆತ್ತು ಕೊನೆಯ ಮಗುವಿನ ಪ್ರಸವ ಕಾಲದಲ್ಲಿ ಅಸುನೀಗಿದ ಮುಮ್ತಾಜಳ ನೆನಪಿಗೆ ಕಟ್ಟಿದ ತಾಜ್ಮಹಲನ್ನು ಪ್ರೇಮಸೌಧ ಎನ್ನುತ್ತಾರೆ. ಏಕಪತ್ನಿ ವೃತಸ್ಥನಾದ ರಾಮನು ತನ್ನ ಅಪಹೃತ ಪತ್ನಿ ಸೀತೆಯ ಶೋಧಕಾಲದಲ್ಲಿ ಕಪಿಸೇನೆಯ ಸಹಾಯದಿಂದ ನಿರ್ಮಿಸಿದ ರಾಮಸೇತುವು ಇಂದು ನಮ್ಮ ಕಣ್ಣ ಮುಂದೆ ಇರುವಾಗ ಅಮರ ಪ್ರೇಮಕ್ಕೆ ಇದಕ್ಕಿಂತ ಭವ್ಯ ಸ್ಮಾರಕವನ್ನು ಇನ್ನೆಲ್ಲಿ ಕಂಡೇವು? ಮುಮ್ತಾಜಳ ಸಾವಿನ ನಂತರ ತನ್ನ ಸ್ವಂತ ಮಗಳಾದ ಜಹಾನರಾಳನ್ನು ಪತ್ನಿಯಾಗಿಸಿಕೊಂಡ ಆ ಕಾಮುಕನನ್ನು ಪ್ರೇಮಿ ಎನ್ನುವುದು ಸೂಕ್ತವೇ? ರಾಮಸೇತುವು ಮಾನವ ನಿರ್ಮಿತ ಎಂದು ವಿಜ್ಞಾನಿಗಳು ಕೂಡಾ ಒಪ್ಪುವ ಈ ಕಾಲಕ್ಕೆ ರಾಮನಿಗಿಂತ ಮಿಗಿಲಾದ ಆದರ್ಶ ಪುರುಷ ನಮ್ಮ ದೇಶದ ಇತಿಹಾಸದಲ್ಲಿ ಇನ್ನು ಯಾರಿದ್ದಾರೆ?

ತ್ರೇತೆಯ ಶ್ರೀರಾಮನ ಆದರ್ಶಗಳು ದೇಶ ಕಾಲಾತೀತವಾಗಿ ಕಲಿಯುಗಕ್ಕೂ ಅಷ್ಟೇ ಪ್ರಸ್ತುತವಾಗಿವೆ. ದಲಿತೋದ್ಧಾರ, ಸ್ತ್ರೀಪರ ಹೋರಾಟ, ಪರಧರ್ಮ ಸಹಿಷ್ಣುತೆ, ವಚನ ಬದ್ಧತೆ, ದೀನದುರ್ಬಲರ ರಕ್ಷಣೆ, ಜನಾಭಿಪ್ರಾಯಕ್ಕೆ ಮನ್ನಣೆ, ಸಮಾಜವಾದ…

ಹೀಗೆ ಇಂದು ಆಧುನಿಕ ಎನ್ನಲಾಗುವ ಮಹಾ ಉದಾರವಾದಿ ಆದರ್ಶಗಳನ್ನೆಲ್ಲಾ ಸಹಸ್ರಾರು ವರ್ಷಗಳ ಹಿಂದೆಯೇ ಅಕ್ಷರಶಃ ಪಾಲಿಸಿದ ಮಹಾತ್ಮನೀತ. ಶಾಸ್ತ್ರವು “ಪಿತಾ ಹಿ ಸರ್ವಭೂತಾನಾಂ ರಾಜಾ ಭವತಿ ಧರ್ಮತಃ’. ಎಂದರೆ, ಧರ್ಮದ ದೃಷ್ಟಿಯಲ್ಲಿ ರಾಜನು ಪ್ರಜೆಗಳಿಗೆಲ್ಲರಿಗೂ ತಂದೆಯಾಗುತ್ತಾನೆ ಎನ್ನುತ್ತದೆ.

ಒಬ್ಬ ರಾಜನಾದವನು ಹೇಗಿರಬೇಕು ಎಂಬುದನ್ನೇ ನಾವು ಶ್ರೀರಾಮನ ಪ್ರತಿಯೊಂದು ನಡೆನುಡಿಗಳಲ್ಲೂ ಕಾಣುವೆವು. ರಾಜ ಮತ್ತು ಪ್ರಜೆಗಳ ಸಂಬಂಧವು ತಂದೆ ಮಕ್ಕಳ ಸಂಬಂಧದಂತಿರಬೇಕೆಂದ ರಾಮನವು ಆದರ್ಶವು ಪ್ರಜಾಪ್ರಭುತ್ವಕ್ಕೇ ಮೇರು ಉದಾಹರಣೆಯಲ್ಲವೇ?

ದಶರಥನ ಜೀವಿತ ಕಾಲದಲ್ಲಿ ಎಲ್ಲಾ ಪರಿಜನರು, ಅದರಲ್ಲೂ ವಿಶೇಷವಾಗಿ ಸ್ತ್ರೀಯರು ರಾಮನೇ ತಮಗೆ ರಾಜನಾಗಬೇಕೆಂದು ಬಯಸಿದ್ದರಂತೆ. ಆತ ಅಡವಿಯಿಂದ ಹಿಂತಿರುಗಿ ಬರಲೆಂದು 14 ವರ್ಷಗಳ ಕಾಲ ನಾನಾ ವೃತಗಳನ್ನೂ ಕೈಗೊಡಿದ್ದರಂತೆ. ಆದರೆ ಕೊನೆಗೆ ಸಾಕ್ಷಾತ್ ರಾಮನೇ ರಾಜನಾಗಿ ಒದಗಿದಾಗ ಸೀತಾ ಸಹಿತನಾಗಿ ಆತನನ್ನು ರಾಜ್ಯದಲ್ಲಿ ಉಳಿಸಿಕೊಳ್ಳಲು ಅದೇ ಪ್ರಜೆಗಳಿಗೆ ಆಗಲಿಲ್ಲ. ಇದರಿಂದ ನಾವು ಕಿಂಚಿತ್ತಾದರೂ ಪಾಠವನ್ನು ಕಲಿಯಬೇಡವೇ? ಹಿಂದೊಮ್ಮೆ ಕಾಡಿಗೆ ಹಿಂಬಾಲಿಸಿಕೊಂಡು ಹೊರಟ ಪುರಜನರೇ ಮುಂದೊಮ್ಮೆ ರಾಮನನ್ನು ಅಕಾರಣವಾಗಿ ನಿಂದಿಸಿ ಕೊನೆಗೆ ಸೀತೆ ಅಡವಿಪಾಲಾಗಲು ತಾವು ಕಾರಣರಾದರಲ್ಲವೇ? ಜನರ ನೆನಪು ಅಲ್ಪಾಯುಷಿ ಎನ್ನುತ್ತಾರೆ. ರಾಮರಾಜ್ಯವನ್ನು ಸದಾ ಬಯಸುವ ನಮಗೆ ಅದನ್ನು ಉಳಿಸಿಕೊಳ್ಳುವ ಯೋಗ್ಯತೆ ಇದೆಯೇ? ಆಳುವ ರಾಜ ತಾನು ಯೋಗಿಯಾದರೇ ಸಾಕೇ? ಪ್ರಜೆಗಳಿಗೆ ಯಾವುದೇ ಕರ್ತವ್ಯ & ಬಾಧ್ಯತೆಗಳಿಲ್ಲವೇ? ದೇಶವನ್ನು ಮುನ್ನಡೆಸುವ ನೇತಾರನಿಗೆ ರಾಜಕೀಯ, ಧಾರ್ಮಿಕ & ನೈತಿಕ ಬಲವನ್ನು ತುಂಬಬೇಕಾದರೆ ನಾವು ಕೂಡಾ ಅಷ್ಟೇ ಧರ್ಮಿಷ್ಠರಾಗಿರಬೇಡವೇ? ರಾಮಬಾಣದ ಅಗಣಿತ ಶಕ್ತಿಗೆ ಆತನ ತಪಸ್ಸು, ನೈತಿಕತೆ & ಧರ್ಮ ನಿಷ್ಠೆಯೇ ಮೂಲ ಕಾರಣ. ನಾವು ನಾಡಿಗಾಗಿ ಏನನ್ನೂ ಕೊಡುಗೆ ನೀಡದೇ, ಪ್ರಭುತ್ವದಿಂದಲೇ ಎಲ್ಲವನ್ನೂ ಉಚಿತವಾಗಿ ನಿರೀಕ್ಷಿಸುವ ಹೀನ ಮನಸ್ಥಿತಿಯವರಾಗಿದ್ದೇವೆ. ಇದು ಶ್ರಮಜೀವನದ ಬೋಧೆ ಮಾಡುವ ರಾಮರಾಜ್ಯದ ಕಲ್ಪನೆಗೆ ತದ್ವಿರುದ್ಧ ವಾದದ್ದು. ಜೆ.ಎಫ್.ಕೆನೆಡಿ ಹೇಳಿದ ಮಾತುಗಳು ಇಲ್ಲಿ ಪ್ರಸ್ತುತ ಎನಿಸುತ್ತವೆ, “ದೇಶ ನಮಗೇನು ಕೊಟ್ಟಿದೆ ಎಂದು ಕೇಳುವ ಮುನ್ನ ನಾವು ದೇಶಕ್ಕಾಗಿ ಏನು ನೀಡಿದ್ದೇವೆ ಎಂದು ಕೇಳಿಕೊಳ್ಳಿ”. ಯಥಾ ರಾಜ ತಥಾ ಪ್ರಜಾ.

ರಾಮರಾಜ್ಯವೇ ನಿಜವಾದ ಪ್ರಜಾರಾಜ್ಯ. ಪ್ರಜಾಪ್ರಭುತ್ವದ ನೈಜ ಪರಿಕಲ್ಪನೆಗೆ ಇದಕ್ಕಿಂತ ಉತ್ತಮ ನಿದರ್ಶನ ಇನ್ನೊಂದಿಲ್ಲ. ಸಂವಿಧಾನದ ಮೂಲಪ್ರತಿಯಲ್ಲಿ ಮೂಲಭೂತ ಹಕ್ಕುಗಳನ್ನು ವಿವರಿಸುವ ಪುಟದಲ್ಲಿ ರಾಮಪಟ್ಟಾಭಿಷೇಕದ ರೇಖಾಚಿತ್ರವು ಮುದ್ರಿತವಾಗಲು, ರಾಮನು ಸುದೀರ್ಘ ವನವಾಸದ ತರುವಾಯ ರಾಜನಾಗಿ ಅಧಿಕಾರ ವಹಿಸಿಕೊಂಡ ನಂತರ ಆತ ಜನಾಭಿಪ್ರಾಯಕ್ಕೆ ಕೊಟ್ಟ ಮನ್ನಣೆಯೇ ಮೂಲ ಪ್ರೇರಣೆ‌ಯಾಗಿದೆ. ರಾಮನ ನಡೆ, ನುಡಿ, ಬದುಕು ಅಷ್ಟೇ ಏಕೆ ಅಂತ್ಯವೂ ಕೂಡಾ ಸ್ಮರಣೀಯವೇ. ನಿರಪೇಕ್ಷತೆಗೆ, ನಿಸ್ವಾರ್ಥತೆಗೆ ಆತನ ಬದುಕೇ ಅನ್ವರ್ಥ. A man may die, nations may rise and fall, but the idea lives on.

ಹಾಗಾಗಿ ಈ ರಾಮರಾಜ್ಯವೆಂಬ ಆದರ್ಶದ ಪರಿಕಲ್ಪನೆಯು ದೇಶ ಕಾಲಾತೀತವಾದದ್ದು. ಇಂಥ ಕಲ್ಪನೆಯೊಂದನ್ನು ಹುಟ್ಟು ಹಾಕಬಲ್ಲ ಮತ್ತು ತನ್ನ ಬದುಕಿನಲ್ಲಿ ಬಾಳಿ ತೋರಿಸಬಲ್ಲ ರಾಮನಂಥವರು ಕೇವಲ ಈ ಪವಿತ್ರ ಮಣ್ಣಿನಲ್ಲಿ ಮಾತ್ರವೇ ಹುಟ್ಟಬಲ್ಲರು. ಭೂಮಿಯ ಮೇಲೆ ಅಂತಿಮ ಮಾನವನು ಇರುವತನಕ ಈ ಆದರ್ಶವು ಅಬಾಧಿತವಾಗಿ ಉಳಿಯಲಿದೆ.

ತಾನು ಜೀವ ಕಳೆದುಕೊಳ್ಳಬೇಕಾಗಿ ಬಂದರೂ ಕೆಟ್ಟದ್ದನ್ನು ಎಂದೂ ಮಾಡಬಾರದು. ಸ್ವಂತ ಜೀವನವನ್ನು ಪಣಕ್ಕಿಟ್ಟಾದರೂ ಒಳ್ಳೆಯ ಕೆಲಸವನ್ನು ಮಾಡಬೇಕೆನ್ನುವುದೇ ಸನಾತನ ಧರ್ಮದ ಬೋಧೆ. ಈ ಆದರ್ಶವನ್ನು ವ್ಯಕ್ತಿಯೋರ್ವನು ತನ್ನ ಜೀವನದಲ್ಲಿ ಬದುಕಿ ತೋರಿಸಿ, ಪ್ರತಿಯೊಬ್ಬ ಮಾನವನೂ ತಾನು ಮಾದರಿಯಾದ ನಡೆನುಡಿಗಳಿಂದ ದೇವರಾಗಬಲ್ಲನು ಎಂದು ಸಾಧಿಸಿದ ಈ ಮಹನೀಯನ ಚಿರಂತನ ನೆನಪಿಗಾಗಿ ಅಲ್ಲೊಂದು ಶಾಶ್ವತವಾದ ರಾಷ್ಟ್ರಮಂದಿರ ನಿರ್ಮಾಣದ ಕನಸು ಹೊತ್ತ ಅಸಂಖ್ಯಾತ ರಾಮಭಕ್ತರ ತ್ಯಾಗ ಬಲಿದಾನಗಳ ಪುಣ್ಯ ವಿಶೇಷವೆಂಬಂತೆ ಅಯೋಧ್ಯೆಯಲ್ಲಿ ಭವ್ಯ ದೇಗುಲವೊಂದು ತಲೆಯೆತ್ತಿ ನಿಲ್ಲುವ ಈ ಚಾರಿತ್ರಿಕ ಅಮೃತ ಘಳಿಗೆಗೆ ನಾವುಗಳು ಜೀವಂತ ಸಾಕ್ಷಿಯಾಗುವವರಿದ್ದೇವೆ.

ಭಾರತ ದೇಶವನ್ನು ಬಾಧಿಸುತ್ತಿರುವ ಸಕಲ ಕ್ಲೈಬ್ಯಕಗಳಿಗೂ ಮತ್ತು ಧರ್ಮಗ್ಲಾನಿಗೂ ಇದುವೇ ನಮಗೆ ರಾಮಬಾಣವಾಗಲಿ. ಅದು ರಾಷ್ಟ್ರೋದ್ದೀಪನದ ಅಮರ ಸಂಜೀವಿನಿಯಾಗಲಿ. ರಾಮನಾಮವೇ ಸಮಸ್ತ ಭಾರತೀಯರನ್ನು ಒಗ್ಗೂಡಿಸುವ ಬೀಜಮಂತ್ರವಾಗಲಿ. ರಾಮನೇ ಈ ನಾಡಿನ ರಾಷ್ಟ್ರಪುರುಷ. ಈ ಭವ್ಯ ದೇಗುಲವು ವಿಶ್ವದೆಲ್ಲೆಡೆಯಲ್ಲೂ ಹರಿದು ಹಂಚಿ ಹೋಗಿರುವ ಸಮಸ್ತ ಸನಾತನಿಗಳಿಗೆ ಪರಮ ಪವಿತ್ರವಾದ ರ್ತೀರ್ಥಕ್ಷೇತ್ರವಾಗಲಿದೆ. ಶ್ರೀ ಅಯೋಧ್ಯೆಯು ಮತ್ತೊಮ್ಮೆ ತನ್ನ ಗತ ವೈಭವವಕ್ಕೆ ಮರಳಿ ವಿಶ್ವವಿಖ್ಯಾತ ಸಾಂಸ್ಕೃತಿಕ & ಆಧ್ಯಾತ್ಮಿಕ ಕೇಂದ್ರವಾಗಿ ಅಜರಾಮರವಾಗಿ ವಿಜೃಂಭಿಸಲಿ ಎನ್ನುವುದೇ ಭಾರತೀಯರೆಲ್ಲರ ಆಶಯ. ಅಷ್ಟೇ ಅಲ್ಲದೆ ಮನೆಮನೆಯಲ್ಲೂ, ಮನಮನದಲ್ಲೂ ರಾಮ ಮಂದಿರದ ನಿರ್ಮಾಣವಾಗಬೇಕಿದೆ‌.

-ಡಾ. ಸಿ.ಜಿ. ರಾಘವೇಂದ್ರ ವೈಲಾಯ
ನವಜಾತ ಶಿಶು & ಮಕ್ಕಳ ತಜ್ಞರು
ಜನನಿ ನ್ಯೂಲೈಫ್ ಮಹಿಳಾ & ಮಕ್ಕಳ ಆಸ್ಪತ್ರೆ
ಶಿವಮೊಗ್ಗ

Swami Vivekananda Jayanti ಎನ್ ಎಸ್ ಯು‌ಐ ವತಿಯಿಂದ ಸ್ವಾಮಿ ವಿವೇಕಾನಂದ ಜಯಂತಿ ಆಚರಣೆ

0

Swami Vivekananda Jayanti ಇಂದು ಶಿವಮೊಗ್ಗ ಜಿಲ್ಲಾ N S U I ವತಿಯಿಂದ ಸ್ವಾಮಿ ವಿವೇಕಾನಂದರ 161 ನೇ ಜನ್ಮ ದಿನಾಚರಣೆಯ ಅಂಗವಾಗಿ ನೂರಾರು ವಿದ್ಯಾರ್ಥಿ ವಿದಾರ್ಥಿನಿಯರೊಂದಿಗೆ ವಿವೇಕಾನಂದರ ಭಾವ ಚಿತ್ರಕ್ಕೆ ಪುಷ್ಪಾರ್ಚನೆ ಮಾಡುವ Swami Vivekananda Jayanti ಮುಖಾಂತರ ಆಚರಿಸಲಾಯಿತು.

Marathon Running ಜನವರಿ 13 ಶಿವಮೊಗ್ಗದಲ್ಲಿ ಮ್ಯಾರಥಾನ್ ಓಟ

0

Marathon Running ಸ್ವಾಮಿ ವಿವೇಕಾನಂದರ ಜಯಂತಿ ಪ್ರಯುಕ್ತ ಇಲ್ಲಿನ ನ್ಯಾಶನಲ್ ಪಬ್ಲಿಕ್ ಶಾಲೆಯಿಂದ ಇದೇ ಜನವರಿ 13ರಂದು ‘ರನ್ ಫಾರ್ ಯೂತ್-ಯೂತ್ ಫಾರ್ ನೇಷನ್-ನೇಷನ್ ಫಾರ್ ಯೂತ್’ ಎಂಬ ಘೋಷಣೆಯೊಂದಿಗೆ ಮ್ಯಾರಥಾನ್ ಓಟ ಏರ್ಪಡಿಸಲಾಗಿದೆ ಎಂದು ನ್ಯಾಷನಲ್ ಪಬ್ಲಿಕ್ ಶಾಲೆಯ ಮುಖ್ಯ ಶಿಕ್ಷಕಿ ಬಿ.ಜಿ. ಧನಲಕ್ಷ್ಮೀ ತಿಳಿಸಿದರು.

ಶಾಲೆಯಲ್ಲಿ ಕರೆದಿದ್ದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ಶಿವಮೊಗ್ಗದ ಪ್ರತಿಷ್ಠಿತ ರಾಷ್ಟ್ರೀಯ ಶಿಕ್ಷಣ ಸಮಿತಿಯ ಘಟಕವಾದ ನ್ಯಾಷನಲ್ ಪಬ್ಲಿಕ್ ಶಾಲೆ ಮತ್ತು ಡೆಕಾಥ್ಲಾನ್, ಶಿವಮೊಗ್ಗ ಇವರ ಸಹಭಾಗಿತ್ವದಲ್ಲಿ ಈ ಮ್ಯಾರಥಾನ್ ಓಟ ಏರ್ಪಡಿಸಲಾಗಿದ್ದು, ಸುಮಾರು 1000 ವಿದ್ಯಾರ್ಥಿಗಳು ಮತ್ತು ಪೋಷಕರು ಭಾಗವಹಿಸಲಿದ್ದು ನಗರದ ಜನಮನ ಸೆಳೆಯುವುದರೊಂದಿಗೆ ಸ್ವಾಮಿ ವಿವೇಕಾನಂದರ ಸಂದೇಶವನ್ನು ಸಾರುವುದರಲ್ಲಿ ಸಾರ್ಥಕತೆಯನ್ನು ಮೆರೆಯಲಿದೆ ಎಂದರು.

ಅoದು ಬೆಳಗ್ಗೆ 6ಗಂಟೆಗೆ ಶಾಲಾ ಆವರಣ ದಿಂದ ಪ್ರಾರಂಭವಾಗುವ ಮ್ಯಾರಥಾನ್ ನಗರದ ಸಂಗೊಳ್ಳಿರಾಯಣ್ಣ ವೃತ್ತ, ಶಂಕರಮಠ ರಸ್ತೆ, ಎ.ಎ.ಸರ್ಕಲ್, ಸಿಟಿ ಸೆಂಟರ್ ಮಾಲ್, ಗೋಪಿ ಸರ್ಕಲ್, ಮಹಾವೀರ ವೃತ್ತ (ಕೋರ್ಟ್ ಸರ್ಕಲ್), ಕೆ.ಇ.ಬಿ ಸರ್ಕಲ್‌ನಿಂದ ಪುನಃ ಶಾಲಾ ಆವರಣ ಹೀಗೆ ಸುಮಾರು 5 ಕಿ.ಮೀ ದೂರವನ್ನು ಕ್ರಮಿಸಲಿದೆ ಎಂದ ಅವರು, ವಿದ್ಯಾರ್ಥಿಗಳು ಓಡಿ ದಣಿಯದೆ ನಡೆದು ಬಳಲದೆ ಉತ್ಸುಕರಾಗಿ ಭಾಗವಹಿಸಲಿದ್ದಾರೆ ಎಂದು ತಿಳಿಸಿದರು.

Marathon Running ರಾಷ್ಟ್ರೀಯ ಶಿಕ್ಷಣ ಸಮಿತಿಯ ಕಾರ್ಯದರ್ಶಿ ಎಸ್.ಎನ್.ನಾಗರಾಜ, ನ್ಯಾಷನಲ್ ಪಬ್ಲಿಕ್, ಶಾಲೆಯ ಪ್ರಾಂಶುಪಾಲೆ ಶ್ರೀಮತಿ ನವೀನ ಎಂ. ಪಾಯ್ಸ್ ಹಾಗೂ ಉಪಪ್ರಾಂಶುಪಾಲ ರಂಗನಾಥ ಮತ್ತು ಡೆಕಾಥ್ಲಾನ್ ವ್ಯವಸ್ಥಾಪಕ ಅಮೃತ್ ಇವರ ನಾಯಕತ್ವದಲ್ಲಿ ಮ್ಯಾರಥಾನ್ ಓಟ ನಡೆಯಲಿದ್ದು, ಈ ಮ್ಯಾರಥಾನ್‌ನಲ್ಲಿ ಸಾರ್ವಜನಿಕರು ಭಾಗವಹಿಸುವ ಮೂಲಕ ಯಶಸ್ವಿಗೊಳಿಸಬೇಕೆಂದು ಕೋರಿದರು.

ಪತ್ರಿಕಾಗೋಷ್ಠಿಯಲ್ಲಿ ಶಾಲೆಯ ಸಂಯೋಜಕರಾದ ಪದ್ಮಿನಿ, ಜಯಮಾಲಾ, ಸೌಮ್ಯ ಎಂ.ಡಿ., ಜಯಂತಿ, ಶಿಕ್ಷಕಿ ಗೀತಾ ಸಿ., ವಿದ್ಯಾರ್ಥಿಗಳಾದ ಕೃತಿಕಾ, ನಿಶ್ಚಯ್ ಎಂ.ಶೆಟ್ಟಿ ಉಪಸ್ಥಿತರಿದ್ದರು.

Open Minds World School Shivamogga ಐಡಿಯಾಥಾನ್ ಸ್ಪರ್ಧೆಯು ಯುವ ಮಕ್ಕಳಿಗೆ ಉತ್ತಮ ವೇದಿಕೆ- ಎನ್.ಗೋಪಿನಾಥ್

0

Open Minds World School ಇಂದಿನ ಮಕ್ಕಳು ಹಾಗೂ ಯುವಜನರಿಂದ ಭವಿಷ್ಯದ ಕ್ರೀಯಾತ್ಮಕ ಜಗತ್ತು ಸೃಷ್ಟಿ ಮಾಡಲು ಸಾಧ್ಯವಿದ್ದು, ಯುವಜನತೆ ಕಲ್ಪನೆಯ ಕನಸುಗಳನ್ನು ಕಾರ್ಯರೂಪಕ್ಕೆ ತರಬೇಕಿದೆ ಎಂದು ಶಿವಮೊಗ್ಗ ಜಿಲ್ಲಾ ವಾಣಿಜ್ಯ ಮತ್ತು ಕೈಗಾರಿಕಾ ಸಂಘದ ಅಧ್ಯಕ್ಷ ಎನ್.ಗೋಪಿನಾಥ್ ಹೇಳಿದರು.

ಶಿವಮೊಗ್ಗ ನಗರ ಸಮೀಪವಿರುವ ಜಾವಳ್ಳಿಯ ಓಪನ್ ಮೈಂಡ್ ವರ್ಲ್ಡ್ ಸ್ಕೂಲ್‌ನಲ್ಲಿ ಡಯಟ್ ಶಿವಮೊಗ್ಗ, ಓಪನ್ ಮೈಂಡ್ಸ್ ವರ್ಲ್ಡ್ ಸ್ಕೂಲ್ ಮತ್ತು ಶಿವಮೊಗ್ಗ ಜಿಲ್ಲಾ ವಾಣಿಜ್ಯ ಮತ್ತು ಕೈಗಾರಿಕಾ ಸಂಘದ ಸಹಯೋಗದಲ್ಲಿ ಆಯೋಜಿಸಿದ್ದ ಐಡಿಯಾಥಾನ್ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.

ವಿದ್ಯುತ್, ಮೊಬೈಲ್, ವಾಹನ ಹೀಗೆ ಪ್ರತಿಯೊಂದು ವಿಷಯವು ಯಾವುದೋ ಒಬ್ಬ ವ್ಯಕ್ತಿಯ ಕಲ್ಪನೆಗಳೇ ಆಗಿದ್ದು, ಇಂದಿನ ಯುವ ಮಕ್ಕಳಲ್ಲಿ ಇರುವ ವಿಶೇಷ ಆಲೋಚನೆಗಳ ಬಗ್ಗೆ ಸಮಾಲೋಚಿಸಿ ಭವಿಷ್ಯದಲ್ಲಿ ಕನಸು ಸಾಕಾರಗೊಳ್ಳಬೇಕು. ಐಡಿಯಾಥಾನ್ ಸ್ಪರ್ಧೆಯು ಯುವ ಮಕ್ಕಳಿಗೆ ಉತ್ತಮ ವೇದಿಕೆ ಎಂದು ತಿಳಿಸಿದರು.

ಡಯಟ್ ಪ್ರಾಚಾರ್ಯ ಬಿ.ಆರ್.ಬಸವರಾಜಪ್ಪ ಮಾತನಾಡಿ, ರಾಜ್ಯದಲ್ಲಿಯೇ ಮೊದಲ ಬಾರಿ ಐಡಿಯಾಥಾನ್ ಎನ್ನುವ ವಿಶೇಷ ಪ್ರಯತ್ನ ನಡೆಯುತ್ತಿದ್ದು, ನಗರ ಸೇರಿದಂತೆ ಗ್ರಾಮೀಣ ಪ್ರದೇಶದ ವಿದ್ಯಾರ್ಥಿಗಳು ಸ್ಪರ್ಧೆಯಲ್ಲಿ ಪಾಲ್ಗೊಂಡಿರುವುದು ಅತ್ಯಂತ ಅಭಿನಂದನೀಯ. ಎಲ್ಲರ ಆಲೋಚನೆಗಳನ್ನು ಒಟ್ಟುಗೂಡಿಸಿ ಮುಂದಿನ ಭವಿಷ್ಯದಲ್ಲಿ ಹೊಸ ಅನ್ವೇಷಣೆ ನಡೆಯುವಂತೆ ಆಗಬೇಕು ಎಂದು ಸಲಹೆ ನೀಡಿದರು.

ಶಿವಮೊಗ್ಗ ಜಿಲ್ಲಾ ವಾಣಿಜ್ಯ ಮತ್ತು ಕೈಗಾರಿಕಾ ಸಂಘದ ಸಹ ಕಾರ್ಯದರ್ಶಿ ಜಿ.ವಿಜಯಕುಮಾರ್ ಮಾತನಾಡಿ, ಆಧುನಿಕ ಯುಗದಲ್ಲಿ ತಂತ್ರಜ್ಞಾನ ಹಾಗೂ ಕೌಶಲ್ಯ ಅತ್ಯಂತ ಉಪಯುಕ್ತ ಆಗಿದ್ದು, ಯುವಜನರು ಹೊಸ ಹೊಸ ಅನ್ವೇಷಣೆಗಳನ್ನು ತಂತ್ರಜ್ಞಾನದ ಮುಖಾಂತರ ಮಾಡಬೇಕು. ಎಲ್ಲ ರೀತಿಯ ಸೌಕರ್ಯಗಳು ಯುವಸಮೂಹಕ್ಕೆ ಲಭ್ಯವಿದೆ ಎಂದು ಹೇಳಿದರು.

Open Minds World School ಶಿವಮೊಗ್ಗ ಜಿಲ್ಲಾ ವಾಣಿಜ್ಯ ಮತ್ತು ಕೈಗಾರಿಕಾ ಸಂಘವು ಯುವಜನರಲ್ಲಿ ಕೌಶಲ್ಯದ ಮಹತ್ವ ಅರಿವು ಮೂಡಿಸುವ ದಿಸೆಯಲ್ಲಿ ಹಾಗೂ ತರಬೇತಿಗಳನ್ನು ನೀಡುವ ಆಶಯದಿಂದ ಸ್ಕಿಲ್ ಅಕಾಡೆಮಿ ಸ್ಥಾಪಿಸುತ್ತಿದೆ. ಯುವಜನರು ಶಿಕ್ಷಣದ ಜತೆಯಲ್ಲಿ ಕೌಶಲ್ಯಕ್ಕೂ ವಿಶೇಷ ಪ್ರಾಮುಖ್ಯತೆ ನೀಡಬೇಕು ಎಂದು ತಿಳಿಸಿದರು.

ಅಡ್ವಾನ್ಸ್ ಸ್ಕಿಲ್ ಅಕಾಡೆಮಿ ಸಿಇಒ ಸವಿತಾ ಮಾಧವ, ಓಪನ್ ಮೈಂಡ್ಸ್ ಶಾಲೆಯ ಮ್ಯಾನೇಜಿಂಗ್ ಟ್ರಸ್ಟಿ ಕಿರಣ್ ಕುಮಾರ್ ಕೆ, ಡಾ. ಹರಿಪ್ರಸಾದ್, ವೆಂಕಟೇಶ್, ಸುಬ್ರಹ್ಮಣ್ಯ, ನವೀನ್ ಮತ್ತಿತರರು ಉಪಸ್ಥಿತರಿದ್ದರು.

Education Sector ಶಿವಮೊಗ್ಗದ ಶಾಲೆಯ ದೈಹಿಕ ಶಿಕ್ಷಣ ಶಿಕ್ಷಕ ರವಿಕುಮಾರ್ ಗೆ ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿ

0

Education Sector ಪ್ರಾಥಮಿಕ ಶಾಲಾ ದೈಹಿಕ ಶಿಕ್ಷಣ ಶಿಕ್ಷಕರ ರಾಜ್ಯ ಮಟ್ಟದ ಮಹಾ ಸಮ್ಮೇಳನವನ್ನು ಬೆಂಗಳೂರಲ್ಲಿ ಆಯೋಜಿಸಲಾಗಿತ್ತು.

ಈ ಸಂದರ್ಭದಲ್ಲಿ ಶಿವಮೊಗ್ಗ ಟಿಪ್ಪು ನಗರದ ಸರ್ಕಾರಿ ಪ್ರಾಥಮಿಕ ಶಾಲೆಯಲ್ಲಿ ದೈಹಿಕ ಶಿಕ್ಷಣ ಶಿಕ್ಷಕರಾಗಿ ಸೇವೆ ಸಲ್ಲಿಸುತ್ತಿರುವ ಡಿ.ಪಿ. ರವಿಕುಮಾರ್ ಅವರು ಕಳೆದ 33 ವರ್ಷಗಳಿಂದ ಶಿವಮೊಗ್ಗದ ವಿವಿಧ ಶಾಲೆಗಳಲ್ಲಿ ಕರ್ತವ್ಯ ನಿರ್ವಹಿಸುತ್ತಾ ಬಂದಿದ್ದು, ಅವರ ನಿಸ್ವಾರ್ಥ ಸೇವೆಯನ್ನು ಪರಿಗಣಿಸಿ, ರಾಜ್ಯಮಟ್ಟದ ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿ ಲಭಿಸಿರುವುದು ಸಂತೋಷದ ವಿಚಾರ.

Education Sector ಶಿಕ್ಷಣ ಕ್ಷೇತ್ರದಲ್ಲಿ ಉತ್ತಮ ಸಾಧನೆ ಮಾಡಲಿ ಎಂದು ಶಿವಮೊಗ್ಗದ ಅನುದಾನ ರಹಿತ ಶಾಲಾ ದೈಹಿಕ ಶಿಕ್ಷಣ ಶಿಕ್ಷಕರ ಸಂಘದ ವತಿಯಿಂದ ಗೌರವಿಸಲಾಯಿತು. ಸಂಘದ ಅಧ್ಯಕ್ಷರಾದ ರಾ. ಹ. ತಿಮ್ಮೇನಹಳ್ಳಿ, ಪ್ರೌಢಶಾಲಾ ದೈಹಿಕ ಶಿಕ್ಷಣ ಶಿಕ್ಷಕರ ಸಂಘದ ಅಧ್ಯಕ್ಷ ಕಾಳಾನಾಯ್ಕ್, ಹಾಗೂ ಇಲಾಖೆಯ ದೈಹಿಕ ಶಿಕ್ಷಣ ಅಧಿಕಾರಿಗಳಾದ ನಿರಂಜನ್ ಮೂರ್ತಿ, ಪ್ರಭು,ಗುರುರಾಜ್, ಬಾಲಚಂದ್ರ, ಲಿಂಗರಾಜ್ ಒಡೆಯರ್ , ನಾಗರಾಜ್ ಹಾಗೂ ಯೋಗೀಶ್ ಇನ್ನು ಮುಂತಾದವರು ಉಪಸ್ಥಿತರಿದ್ದರು.

Yuva Nidhi ಯುವಜನರೇ ಯುವನಿಧಿ ಗ್ಯಾರಂಟಿಯ ಲಾಭ ಪಡೆಯಿರಿ-ಚೇತನ್ ಗೌಡ

0

Yuva Nidhi ಯುವ ಜನರ ಶ್ರೇಯೋಭಿವೃದ್ಧಿಗೆ ರಾಜ್ಯ ಸರ್ಕಾರ ಜಾರಿಗೆ ತಂದಿರುವ ಯುವನಿಧಿ ಯೋಜನೆಗೆ ಅರ್ಹ ಫಲಾನುಭವಿಗಳು ಅರ್ಜಿ ಸಲ್ಲಿಸಿ, ಯೋಜನೆಯ ಲಾಭ ಪಡೆದುಕೊಳ್ಳುವಂತೆ ಯುವ ಕಾಂಗ್ರೆಸ್ ರಾಜ್ಯ ಪ್ರಧಾನ ಕಾರ್ಯದರ್ಶಿ ಚೇತನ್ ಗೌಡ ಕರೆ ನೀಡಿದ್ದಾರೆ.

ಈ ಕುರಿತು ಪತ್ರಿಕಾ ಹೇಳಿಕೆ ನೀಡಿರುವ ಅವರು, ‘ಕಾಂಗ್ರೆಸ್ ಪಕ್ಷ ಚುನಾವಣಾ ಪೂರ್ವದಲ್ಲಿ ಗ್ಯಾರಂಟಿ ಯೋಜನೆಗಳ ಭರವಸೆ ನೀಡಿತ್ತು. ಅದರಂತೆ ಯುವ ಜನತೆಗೆ ಅರ್ಥಿಕ ಸಹಕಾರ ನೀಡುವುದರೊಂದಿಗೆ ಅವರ ಉಜ್ವಲ ಭವಿಷ್ಯಕ್ಕಾಗಿ ಸರ್ಕಾರ ಈ ಯೋಜನೆ ಜಾರಿಗೆ ತಂದಿದ್ದು, ಯುವಕರು ಯೋಜನೆಯ ಲಾಭ ಪಡೆದುಕೊಳ್ಳುವಂತೆ ಸಲಹೆ ನೀಡಿದ್ದಾರೆ’.

ಕಾಂಗ್ರೆಸ್ ಪಕ್ಷ ಚುನಾವಣಾ ಪೂರ್ವದಲ್ಲಿ ಗ್ಯಾರಂಟಿ ಯೋಜನೆಗಳ ಭರವಸೆ ನೀಡಿದಾಗ, ಅದನ್ನು ಜಾರಿ ಮಾಡಲು ಆಗುವುದಿಲ್ಲ. ಜಾರಿಯಾದರೆ ಕರ್ನಾಟಕ ಸರ್ಕಾರ ದಿವಾಳಿಯಾಗುತ್ತದೆ ಎಂದು ಬಿಜೆಪಿ ಹೇಳಿದ್ದರು. ಆದರೆ, ರಾಜ್ಯ ದಿವಾಳಿ ಆಗಿಲ್ಲ, ಐದು ಗ್ಯಾರಂಟಿ ಗಳನ್ನು ಯಶಸ್ವಿಯಾಗಿ ಜಾರಿಗೊಳಿಸಿದೆ. ಗ್ಯಾರಂಟಿ ಜಾರಿ ಮಾಡಿದ ಮೇಲೂ ಕರ್ನಾಟಕ ಸರ್ಕಾರ ಸದೃಢವಾಗಿದೆ ಎಂದು ಚೇತನ್ ತಿಳಿಸಿದ್ದಾರೆ.

ಈಗಾಗಲೇ ನೋಂದಣಿ ಪ್ರಕ್ರಿಯೆ ಆರಂಭಿಸಲಾಗಿದೆ. ಸೇವಾಸಿಂಧು ಪೋರ್ಟಲ್ ಮೂಲಕ ಅರ್ಜಿ ಸಲ್ಲಿಸಬಹುದು. 2023ನೇ ಸಾಲಿನಲ್ಲಿ ಪದವಿ ಅಥವಾ ಡಿಪ್ಲೊಮಾದಲ್ಲಿ ಉತ್ತೀರ್ಣರಾದ ಸರ್ಕಾರಿ, ಖಾಸಗಿ ಹಾಗೂ ಸ್ವಯಂ ಉದ್ಯೋಗ ಲಭಿಸದೇ ಇರುವ ವಿದ್ಯಾರ್ಥಿಗಳು ಅರ್ಜಿ ಸಲ್ಲಿಸಬಹುದು ಎಂದಿದ್ದಾರೆ.

ಆಯ್ಕೆಯಾದ ಪದವಿ ಅಭ್ಯರ್ಥಿಗಳಿಗೆ ಪ್ರತಿ ತಿಂಗಳು 3,000 ರೂ., ಪದವೀಧರರಿಗೆ ಪ್ರತಿ ತಿಂಗಳು 1,500 ರೂ. ನೇರವಾಗಿ ಅವರ ಖಾತೆಗೆ ಜಮಾ ಆಗಲಿದೆ. ಅರ್ಜಿ ಸಲ್ಲಿಸಿದಾಗಿನಿಂದ ಉದ್ಯೋಗ ದೊರೆಯುವವರೆಗೆ ಅಥವಾ 2 ವರ್ಷ ಗರಿಷ್ಠ ಅವಧಿಗೆ ಮಾತ್ರ ಈ ಭತ್ಯೆ ನೀಡಲಾಗುವುದು. ಅರ್ಜಿ ಸಲ್ಲಿಸುವಾಗ ಮತದಾರರ ಗುರುತಿನ ಚೀಟಿ, ಪದವಿ ಅಥವಾ ಡಿಪ್ಲೊಮಾದ ಅಂಕಪಟ್ಟಿ ಮತ್ತು ಪ್ರಮಾಣ ಪತ್ರ, ಆಧಾರ್ ಕಾರ್ಡ್, ಬ್ಯಾಂಕ್ ಖಾತೆ ಸಹಿತ ಅಗತ್ಯ ದಾಖಲೆ ಒದಗಿಸಬೇಕು ಎಂದು ತಿಳಿಸಿದ್ದಾರೆ.

Yuva Nidhi ರಾಜ್ಯದ ಜನ ಇಟ್ಟ ಭರವಸೆಯನ್ನು ಈಡೇರಿಸುವ ಕೆಲಸ ಕಾಂಗ್ರೆಸ್ ಮಾಡಿದೆ. ಇದೇ ಜ.12 ರಂದು ವಿವೇಕಾನಂದ ಜಯಂತಿ ಕಾರ್ಯಕ್ರಮವಿದ್ದು, ಅದೇ ದಿನ ಶಿವಮೊಗ್ಗದಲ್ಲಿ ಯುವನಿಧಿ ಫಲಾನುಭವಿಗಳ ಖಾತೆಗೆ ಹಣ ಹಾಕುತ್ತಿರುವುದು ಹೆಚ್ಚು ಅರ್ಥಪೂರ್ಣ ಕಾರ್ಯಕ್ರಮ ಎಂದಿದ್ದಾರೆ.

ಇದಲ್ಲದೇ ರಾಜ್ಯ ಸರ್ಕಾರವು ವರ್ಚುವಲ್ ಉದ್ಯೋಗ ಮೇಳಗಳ ಮೂಲಕ ರಾಜ್ಯದ ಯುವ ಜನತೆಗೆ ಉದ್ಯೋಗಾವಕಾಶ ಒದಗಿಸಲು ಕ್ರಮ ಕೈಗೊಂಡಿದೆ. ಜೊತೆಗೆ ಒಂದು ದಿನ ಉದ್ಯಮಶೀಲತಾ ಪ್ರೇರಣಾ ಶಿಬಿರ, ಮೂರು ದಿನಗಳ ಉದ್ಯಮಶೀಲತಾ ತಿಳುವಳಿಕಾ ಕಾರ್ಯಕ್ರಮಗಳು, ವೃತ್ತಿ ಮಾರ್ಗದರ್ಶನ ಮತ್ತು ವೃತ್ತಿ ಸಮಾಲೋಚನೆ ಸೌಲಭ್ಯಗಳನ್ನು ನೀಡಲು ಕ್ರಮ ಕೈಗೊಂಡಿದೆ. ಇದರ ಪ್ರಯೋಜನವನ್ನು ಯುವಕರು ಪಡೆದುಕೊಳ್ಳಬೇಕು ಎಂದು ಸಲಹೆ ನೀಡಿದ್ದಾರೆ.

Delhi Republic Day parade ದೆಹಲಿ‌ ಗಣರಾಜ್ಯೋತ್ಸವ ಪರೇಡ್ ಗೆ ಜಿ.ಅಮೃತಾ ಆಯ್ಕೆ

0

Delhi Republic Day parade ಜನವರಿ 26ರಂದು ದೆಹಲಿಯಲ್ಲಿ ನಡೆಯುವ ಗಣರಾಜ್ಯೋತ್ಸವ ಪಥ ಸಂಚಲನದಲ್ಲಿ ಶಿವಮೊಗ್ಗದ ದೇಶಿಯ ವಿದ್ಯಾಶಾಲಾ ಸಮಿತಿಯ ಡಿವಿಎಸ್ ಕಲಾ, ವಿಜ್ಞಾನ ಮತ್ತು ವಾಣಿಜ್ಯ ಕಾಲೇಜಿನ ವಿದ್ಯಾರ್ಥಿನಿ ಅಮೃತಾ.ಜಿ ಆಯ್ಕೆಯಾಗಿದ್ದಾರೆ.

ಡಿವಿಎಸ್ ಕಲಾ, ವಿಜ್ಞಾನ ಮತ್ತು ವಾಣಿಜ್ಯ ಕಾಲೇಜಿನ ಎರಡನೇ ವರ್ಷದ ಬಿ.ಎ. ವಿದ್ಯಾರ್ಥಿನಿ ಅಮೃತಾ.ಜಿ. ಅವರು ಆಯ್ಕೆಯಾಗಿರುವುದು ಅತ್ಯಂತ ಹೆಮ್ಮೆಯ ಸಂಗತಿ. 2024ರ ಗಣರಾಜ್ಯೋತ್ಸವ ಪಥ ಸಂಚಲನದಲ್ಲಿ ಎನ್‌ಎಸ್‌ಎಸ್ ಸ್ವಯಂ ಸೇವಕಿ ಅಮೃತಾ.ಜಿ. ಅವರು ಆಯ್ಕೆಯಾಗಿದ್ದಾರೆ.

Delhi Republic Day parade ಡಿವಿಎಸ್ ಕಲಾ, ವಿಜ್ಞಾನ ಮತ್ತು ವಾಣಿಜ್ಯ ಕಾಲೇಜಿನ ವಿದ್ಯಾರ್ಥಿನಿ ಅಮೃತಾ.ಜಿ. ಅವರು ಗಣರಾಜ್ಯೋತ್ಸವ ಪಥ ಸಂಚಲನದಲ್ಲಿ ಭಾಗಹಿಸುತ್ತಿರುವುದಕ್ಕೆ ದೇಶಿಯ ವಿದ್ಯಾಶಾಲಾ ಸಮಿತಿಯ ಆಡಳಿತ ಮಂಡಳಿ, ಡಿವಿಎಸ್ ಕಲಾ, ವಿಜ್ಞಾನ ಮತ್ತು ವಾಣಿಜ್ಯ ಕಾಲೇಜಿನ ಪ್ರಾಚಾರ್ಯರು, ಸಿಬ್ಬಂದಿ ವರ್ಗ ಅಭಿನಂದನೆ ಸಲ್ಲಿಸಿದ್ದಾರೆ.