ಸಚಿನ್ ಅಮೋಘ ಆಟದ ನೆರವಿನಿಂದ ಪಾಟ್ನಾ ಪೈರೇಟ್ಸ್ ತಂಡವು ನಡೆಯುತ್ತಿರುವ ಪ್ರೊ ಕಬಡ್ಡಿ ಟೂರ್ನಿಯಲ್ಲಿ ಜಯ ಗಳಿಸಿಕೊಂಡಿದ್ದಾರೆ.
ವೈಟ್ಫೀಲ್ಡ್ ನಲ್ಲಿರುವ ಗ್ರಾಂಡ್ ಹೋಟೆಲ್ ನಲ್ಲಿ ನಡೆಯುತ್ತಿರುವ ಟೂರ್ನಿಯಲ್ಲಿ ಪಾಟ್ನಾ ತಂಡವು 37 ರಿಂದ 35 ಯುಪಿ ಯೋಧ ತಂಡದ ವಿರುದ್ಧ ಜಯಗಳಿಸಿದೆ.
ಮೊದಲಾರ್ಧ ಮುಗಿದಾಗ ಪಾಟ್ನಾ ತಂಡವು 20ರಿಂದ 15 ಮುನ್ನಡೆ ಸಾಧಿಸಿತ್ತು. ಆದರೆ, ವಿರಾಮದ ಬಳಿಕ ಯುಪಿ ತಂಡವು ತಿರುಗೇಟು ನೀಡಿದೆ. ಕಠಿಣ ಪೈಪೋಟಿಯಿಂದ ಕೂಡಿತ್ತು. ತಂಡದ ಸುರಿಂದರ್ ಗಿರಲ್ 10, ಹಾಗೂ ಶ್ರೀಕಾಂತ್ ಜಾಧವ್ 9, ರೆಂಡಿಂಗ್ ನಲ್ಲಿ ಪಾಯಿಂಟ್ಸ್ ಹೆಕ್ಕಿ ತಂದರು. ತಂಡದ ಗೆಲುವಿಗೆ ಪ್ರಯತ್ನಿಸಿದರು. ಆದರೆ ಪಾಟ್ನಾ ತಂಡದ ನಾಯಕ ಪ್ರಶಾಂತ್ ಕುಮಾರ್ ಅವರ ಚಾಣಾಕ್ಷ ತಂತ್ರಗಳಿಂದಾಗಿ ಯೋಧ ತಂಡಕ್ಕೆ ಜಯಗಳಿಸಲಾಗಲಿಲ್ಲ.
ಸಚಿನ್ 12, ಟ್ರೆಂಡಿಂಗ್ ನಲ್ಲಿ ಮಿಂಚಿದರು. ಆಲ್-ರೌಂಡರ್ ಮೊಹಮ್ಮದ್ ದ್ರೆಜ್ ಚಿಹಾನೆ 5, ಕೂಡ ಮಿಂಚಿದರು. ಇದರಿಂದಾಗಿ ಪಾಟ್ನಾ ತಂಡವು ರೋಚಕ ಜಯ ಸಾಧಿಸಿತು.
ಇನ್ನೊಂದು ಪಂದ್ಯದಲ್ಲಿ ಪುಣೇರಿ ಪಲ್ಟನ್ ತಂಡವು 36 ರಿಂದ 34 ಯು ಮುಂಬಾ ಎದುರು ಜಯಭೇರಿ ಬಾರಿಸಿತು. ಪುಣೇರಿ ತಂಡದ ಅಸ್ಲಾಂ ಇನಾಮದಾರ್ 8, ಅಭಿಷೇಕ್ ಸಿಂಗ್ 8, ಮತ್ತು ವಿ.ಅಜಿತ್ 10, ಅವರು ರೇಡಿಂಗ್ ನಲ್ಲಿ ಮಿಂಚಿದರು.
