ಬೆಂಗಳೂರಿನ ವೈಟ್ ಫೀಲ್ಡ್ ನಲ್ಲಿರುವ ಶೆರಟಾನ್ ಗ್ರ್ಯಾಂಡ್ ಹೋಟೆಲ್ ಮೈದಾನದಲ್ಲಿ ನಡೆಯುತ್ತಿರುವ ಪ್ರೊ ಕಬಡ್ಡಿ ಲೀಗ್ ಪಂದ್ಯಾವಳಿಯು ಶುಕ್ರವಾರ 4 ತಂಡಗಳ ನಡುವೆ ಪಂದ್ಯ ನಡೆಯಿತು.
ಸ್ಟೀಲರ್ಸ್ ವಿರುದ್ಧ ಡೆಲ್ಲಿ ಗೆ ಸತತ ಸೋಲು
ಹರಿಯಾಣ ಸ್ಟಿಲರ್ಸ್(36) ಮತ್ತು ದಬಾಂಗ್ ಡೆಲ್ಲಿ(33) ತಂಡಗಳ ನಡುವೆ ಪಂದ್ಯ ನಡೆಯಿತು. ಹರಿಯಾಣ ತಂಡವು ದಬಾಂಗ್ ವಿರುದ್ಧ ಭರ್ಜರಿ ಜಯ ಸಾಧಿಸಿತು.
ಮೊದಲಾರ್ಧದಲ್ಲೇ ಹರಿಯಾಣ 19-11 ರಿಂದ ಮುಂದಿತ್ತು ಅದೇ ಲಯವನ್ನು ಮುಂದುವರೆಸಿಕೊಂಡು ಪಂದ್ಯವನ್ನು ಮುನ್ನಡೆಸಿತು.
ಹರಿಯಾಣ ಪರ ವಿಕಾಸ್ 9 ಟಚ್ ಪಾಯಿಂಟ್ಸ್ ಮತ್ತು 4 ಬೋನಸ್ ಪಾಯಿಂಟ್ಸ್ ಸೇರಿ ಒಟ್ಟು 13 ರೇಡಿಂಗ್ ಪಾಯಿಂಟ್ಸ್ ತಂಡಕ್ಕೆ ಸೇರಿಸಿದರು.ಹಾಗೆಯೇ ವಿನಯ್ 7 ಪಾಯಿಂಟ್ಸ್ ಮತ್ತು ಆಶಿಶ್ 4 ಪಾಯಿಂಟ್ಸ್ ಗಳಿಸಿ ತಂಡಕ್ಕೆ ನೀಡಿದರು.
ಇದರಿಂದಾಗಿ ಹರಿಯಾಣ ಸ್ಟೀಲರ್ಸ್ ತಂಡವು ಸತತ 5 ನೇ ಬಾರಿ ಜಯ ಸಾಧಿಸಿದೆ.
ಯೋಧಾ ಗೆ ಮಣಿದ ವಾರಿಯರ್ಸ್
ಯು.ಪಿ ಯೋಧಾ(40) ಮತ್ತು ಬೆಂಗಾಲ್ ವಾರಿಯರ್ಸ್ (36) ತಂಡಗಳ ನಡುವೆ ಪಂದ್ಯ ನಡೆಯಿತು.ವಾರಿಯರ್ಸ್ ವಿರುದ್ಧ ಯೋಧಾ ರೋಚಕ ಜಯ ಸಾಧಿಸಿದೆ.
ಯೋಧಾ ತಂಡದ ರೇಡರ್ ಗಳಾದ ಪ್ರದೀಪ್ ನರ್ವಾಲ್ 9 ಪಾಯಿಂಟ್ಸ್ ಮತ್ತು ಸುರೇಂದರ್ ಗಿಲ್ 9 ಪಾಯಿಂಟ್ಸ್ ಗಳನ್ನ ಕಲೆಹಾಕಿ ಹರಿಯಾಣ ತಂಡವು 40-36 ರ 4 ಅಂಕಗಳ ಅಂತರದಿಂದ ಬೆಂಗಾಲ್ ವಾರಿಯರ್ಸ್ ತಂಡವನ್ನು ಸೋಲಿಸಿತು.
ಇಂದು ನಡೆಯಲಿರುವ ಪಂದ್ಯಗಳು:
೧. ಬೆಂಗಳೂರು ಬುಲ್ಸ್ ಮತ್ತು ಪುಣೇರಿ ಪಲ್ಟನ್
ಸಮಯ:7.30
೨. ಯು.ಮುಂಬಾ ಮತ್ತು ತೆಲುಗು ಟೈಟನ್ಸ್
ಸಮಯ:8.30
೩. ಜೈಪುರ್ ಪಿಂಕ್ ಪ್ಯಾಂಥರ್ಸ್ ಮತ್ತು ತಮಿಳ್ ತಲೈವಾಸ್
ಸಮಯ:9.30
