New Year 2026 ಹೊಸ ವರುಷ
ಹೊಸ ವರುಷವು ಬಂದಿತು
ಎಲ್ಲೆಡೆ ಸಂಭ್ರಮ ತಂದಿತು
ನವ ಉಲ್ಲಾಸವ ಮೂಡಿಸಿತು
ಅರಿವು ಮೂಡಿಸಲು ಮುಂದಾಯಿತು
ತಿಳಿ ಆರೋಗ್ಯವೇ ಭಾಗ್ಯವು
ಇರಲಿ ನಿತ್ಯ ಯೋಗ ಧ್ಯಾನವು
ಪಂಚೇಂದ್ರಿಯಗಳ ನಿಗ್ರಹವು
ಸೇವಿಸುವ ಸಮತೋಲನ ಆಹಾರವು
ಅನುಭವಅಧ್ಯಯನದಿ ಸುಜ್ಞಾನಿಯಾಗು
ಸರ್ವರಿಗೂ ಸ್ಪೂರ್ತಿ ನೀನಾಗು
ಕಾಯಕದಲ್ಲೇ ಕೈಲಾಸ ಕಾಣುವಂತವನಾಗು
ಪರಿಸರದ ಸಂರಕ್ಷಕ ನಿನಾಗು
New Year 2026 ಮೂರು ದಿನದ ಬಾಳುನೋಡು
ಬಯಸಬೇಡ ಯಾರಿಗೂ ಕೇಡು
ದುಷ್ಟ ಗುಣಗಳ ಸುಟ್ಟು ಬಿಡು
ಗುರು ಹಿರಿಯರಿಗೆ ಗೌರವ ಕೊಡು
ಸ್ವಾರ್ಥವೇ ಗುರಿಯಾಗದಿರಲಿ
ಹಂಚಿ ತಿಂದು ಕೂಡಿ ಬಾಳುತ್ತಿರಲಿ
ಸುಜ್ಞಾನವ ಎಲ್ಲೆಡೆ ಹಂಚುತ್ತಿರಲಿ
ಅಹಂ ಎಂಬುದು ಎಂದಿಗೂ ಸುಳಿಯದಿರಲಿ
ಶೋಭಾ ಸತೀಶ್ ಶಿಕ್ಷಕಿ
ಸ ಹಿ ಪ್ರಾ ಶಾಲೆ ಚಿಲಕಾದ್ರಿಹಳ್ಳಿ
ಶಿವಮೊಗ್ಗ
ದೂ. ಸಂಖ್ಯೆ 8762603511
