ಸ್ಟೇಫಿಟ್ ಹೆಲ್ತ್ ಮತ್ತು ವಲ್ರ್ಡ್ ಪ್ರೈ.ಲಿ ಇವರ ವಿರುದ್ದ ಅರ್ಜಿದಾರರಾದ ಯಶಸ್ವಿನಿ.ಜೆ ಇವರು ತಾವು ಖರೀದಿಸಿದ ಸರಕಿನ ಸೇವಾನ್ಯೂನ್ಯತೆಗಾಗಿ ಸೂಕ್ತ ಪರಿಹಾರ ಕೋರಿ ಶಿವಮೊಗ್ಗ ಜಿಲ್ಲಾ ಗ್ರಾಹಕರ ವ್ಯಾಜ್ಯಗಳ ಪರಿಹಾರ ಆಯೋಗದ ಮುಂದೆ ದಾಖಲಿಸಿದ್ದ ಪ್ರಕರಣದಲ್ಲಿ ಪೀಠವು ಎದುರುದಾರರು ಅರ್ಜಿದಾರರಿಗೆ ಸರಕಿನ ಹಣ, ನ್ಯಾಯಾಲಯದ ಮತ್ತು ಇತರೆ ಖರ್ಚುವೆಚ್ಚ ಪಾವತಿಸುವಂತೆ ಆದೇಶಿಸಿದೆ.
ಅರ್ಜಿದಾರರು ತಮ್ಮ ಸ್ವಂತ ಉಪಯೋಗಕ್ಕಾಗಿ ಎದುರದಾರ ಸ್ಟೇಫಿಟ್ ಹೆಲ್ತ್ ಮತ್ತು ವಲ್ರ್ಡ್ ಪ್ರೈ.ಲಿ ನಿಂದ ರೂ.25,000 ಕ್ಕೆ ಮ್ಯಾಗ್ನೆಟಿಕ್ ಎಲಿಪ್ಟಿಕಲ್ ಬೈಕನ್ನು ಖರೀದಿಸಿರುತ್ತಾರೆ. ಕೆಲ ದಿನಗಳ ನಂತರ ಬೈಕ್ ಕರ್ಕಶ ಶಬ್ದ ಮಾಡಿದಾಗ ಸರಿಪಡಿವಂತೆ ಕೋರಿದ್ದಾಗ್ಯೂ ಎದುರುದಾರರು ಸರಿಪಡಿಸುವಲ್ಲಿ ವಿಫಲರಾಗಿರುತ್ತಾರೆ. ಹಾಗೂ ಎದುರದಾರ ಸಂಸ್ಥೆಯ ವ್ಯವಸ್ಥಾಪಕರ ಸಲಹೆ ಮೇರೆಗೆ ಇನ್ನೂ ಹೆಚ್ಚಿನ ಸುಧಾರಿತ ಬೈಕನ್ನು ಹೆಚ್ಚುವರಿ ರೂ.20,000 ನೀಡಿ ಖರೀದಿಸುತ್ತಾರೆ. ಆದರೆ ಈ ಬೈಕ್ ಕೂಡ ಖರೀದಿಯ ಕೆಲವೇ ದಿನಗಳಲ್ಲಿ ಕರ್ಕಶ ಶಬ್ದ ಉಂಟು ಮಾಡಲಾರಂಭಿಸಿದ್ದು, ಎದುರುದಾರರು ಬೈಕ್ ಸರಿಪಡಿಸುವಲ್ಲಿ ನಿರ್ಲಕ್ಷ್ಯ ತೋರಿ, ತಮ್ಮ ಹೊಣೆಗಾರಿಕೆ ಇಲ್ಲವೆಂದು ತಿಳಿಸಿರುವನ್ವಯ ನೊಂದ ಅರ್ಜಿದಾರರು ಸೂಕ್ತ ಪರಿಹಾರ ಕೋರಿ ಪ್ರಕರಣ ದಾಖಲಿಸಿರುತ್ತಾರೆ.
ದಾಖಲೆಗಳು, ವಾಸ್ತವಾಂಶಗಳನ್ನು ಕೂಲಂಕುಷವಾಗಿ ಪರಿಶೀಲಿಸಿ. ಪೀಠವು ಎದುರುದಾರರಿಗೆ ಬೈಕಿನ ಖರೀದಿಯ ಮೊತ್ತ ರೂ.45,000 ಗಳು, ವಾರ್ಷಿಕ ನಷ್ಟ ಪರಿಹಾರ ಮೊತ್ತ ರೂ.5,000 ಹಾಗೂ ವ್ಯಾಜ್ಯ ಖರ್ಚು ರೂ.2000/- ಗಳನ್ನು ಶೇ.7 ಬಡ್ಡಿ ದರ ಸೇರಿಸಿ ಆದೇಶದ ದಿನಾಂಕದಿಂದ 45 ದಿನಗಳ ಒಳಗೆ ಹಿಂತಿರುಗಿಸಬೇಕೆಂದು ಆದೇಶಿಸಿದೆ.
