ಭಾರತದಲ್ಲಿ ಸಾಮಾನ್ಯ ಜನರಿಗೆ ಹೆಚ್ಚು ಹೊರೆಯಾಗಿರುವ ವೆಚ್ಚದಲ್ಲಿ ಔಷಧ ಪ್ರಮುಖವಾದದ್ದು. ಆಹಾರದಂತೆ ಔಷಧವೂ ಅಗತ್ಯವಸ್ತುವಾಗಿದೆ. ಸುದೀರ್ಘ ಕಾಲ ಔಷಧ ಸೇವಿಸುವ ರೋಗಿಗಳಿಗೆ ಪ್ರತಿ ತಿಂಗಳು ಹೆಚ್ಚು ಹಣ ಔಷಧಿಗೆಂದು ನೀಡುವುದಕ್ಕೆ ಜನರಿಗೆ ಕಷ್ಟವಾಗುತ್ತಿದೆ.
ಈ ಕಾರಣದಿಂದ ಕೇಂದ್ರ ಸರ್ಕಾರ ಕೆಲವೊಂದು ಪ್ರಮುಖ ಔಷಧಗಳ ಬೆಲೆ ಇಳಿಸಲು ಕ್ರಮವನ್ನು ಕೈಗೊಳ್ಳುವುದಕ್ಕೆ ಮುಂದಾಗಿದೆ.
ಕ್ಯಾನ್ಸರ್, ಡಯಾಬಿಟಿಸ್, ಹೃದ್ರೋಗ ಇನ್ನು ಅನೇಕ ಕಾಯಿಲೆಗಳಿಂದ ಬಳಲುತ್ತಿರುವ ಜನರಿಗೆ ಔಷಧ ಬಿಟ್ಟರೆ ಬೇರೆ ವಿಧಿ ಇಲ್ಲ. ಅಂತಹ ಪ್ರಮುಖ ಔಷಧಗಳ ಬೆಲೆ ಇಳಿಸುವಂತೆ ಸರ್ಕಾರ ಅನೇಕ ಕ್ರಮಗಳನ್ನು ರೂಪಿಸಿದೆ. ಶೀಘ್ರದಲ್ಲೇ ಅಂತಿಮ ನಿರ್ಧಾರ ಕೈಗೊಳ್ಳುವ ಸಾಧ್ಯತೆ ಇದೆ.
