ಕಾಶ್ಮೀರದ ಹುಡುಗ ಉಮ್ರಾನ್ ಮಲಿಕ್ ನಿನ್ನೆ ಸಂಜೆ ಡಿವೈ ಪಾಟೀಲ್ ಕ್ರೀಡಾಂಗಣದಲ್ಲಿ ಸಂಚಲನ ಸೃಷ್ಟಿಸಿದರು. ಇನ್ನಿಂಗ್ಸ ನ ಕೊನೆಯ ಓವರ್ ನಲ್ಲಿ 3 ವಿಕೆಟ್ ಹಾಗೂ ಮೇಡನ್ ಸಾಧನೆ ಮಾಡಿದರು. ಅವರ ಅಮೋಘ ಬೌಲಿಂಗ್ ಬಲದಿಂದ ಸನ್ರೈಸರ್ಸ್ ಹೈದರಾಬಾದ್ ತಂಡವು 7 ವಿಕೆಟ್ ಗಳಿಂದ ಪಂಜಾಬ್ ಕಿಂಗ್ಸ್ ವಿರುದ್ಧ ಜಯಗಳಿಸಿ ಕೊಂಡಿತು.
ಟಾಸ್ ಗೆದ್ದ ಸನ್ರೈಸರ್ಸ್ ತಂಡವು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. 22 ವರ್ಷದ ಉಮ್ರಾನ್ ಮತ್ತು ಅನುಭವಿ ಭುವನೇಶ್ವರ್ ಕುಮಾರ್ ದಾಳಿಯ ಮುಂದೆ ಪಂಜಾಬ್ ತಂಡವು 20 ಓವರ್ ಗಳಲ್ಲಿ 151 ರನ್ ಗಳ ಸಾಧಾರಣ ಮೊತ್ತ ಗಳಿಸಿತು. ಕಿಂಗ್ಸ್ ಬಳಗದ ಲಿಯಾಮ್ ಲಿವಿಂಗ್ಸ್ಟೋನ್ ಅವರ ಏಕಾಂಗಿ ಹೋರಾಟದಿಂದಾಗಿ ತಂಡವು ಗೌರವಯುತ ಮೊತ್ತ ಗಳಿಸಿತು. ಸನ್ರೈಸರ್ಸ್ ತಂಡವು 18. 5 ಓವರ್ ಗಳಲ್ಲಿ ಮೂರು ವಿಕೆಟ್ ಗಳಿಗೆ 152 ರನ್ ಗಳಿಸಿ ಜಯಗಳಿಸಿತು.
ಸತತ ನಾಲ್ಕನೆ ಜಯಸಾಧಿಸಿದ ಕೇನ್ ವಿಲಿಯಮ್ಸನ್ ಬಳಗ ವು ಒಟ್ಟು 8 ಪಾಯಿಂಟ್ಸ್ ತನ್ನ ಬುಟ್ಟಿಗೆ ಹಾಕಿಕೊಂಡಿತು. ನಾಲ್ಕನೆ ಸ್ಥಾನಕ್ಕೆ ಜಿಗಿಯಿತು.
