ತಪ್ಪುಗಳು ಮನುಷ್ಯನಿಂದ ಆಗದೆ ಮರದಿಂದ ಆಗಲು ಸಾಧ್ಯವೇ ಎನ್ನುವ ಮಾತನ್ನು ನೀವು ಕೇಳಿಯೇ ಇರುತ್ತೀರಿ.
ಹಾಗಾದ್ರೆ ತಪ್ಪು ಮಾಡುವುದು ಒಳ್ಳೆಯದ್ದೋ , ಕೆಟ್ಟದ್ದೋ ಅನ್ನೋ ಪ್ರಶ್ನೆ ಮನಸ್ಸಿನಲ್ಲಿ ಮೂಡುವುದು ಸಹಜ.
ಒಮ್ಮೊಮ್ಮೆ ನಾವು ಮಾಡುವ ತಪ್ಪುಗಳು ಸರಿದಾರಿಯನ್ನು ತೋರಿಸಿಕೊಡುತ್ತದೆ. ಮತ್ತೊಮ್ಮೆ ಒಂದು ಸಣ್ಣ ತಪ್ಪು ಕೂಡ ದೊಡ್ಡ ಅವಾಂತರವನ್ನೇ ಸೃಷ್ಟಿಮಾಡುತ್ತದೆ.
ಹಾಗಾದ್ರೆ ತಪ್ಪು ಮಾಡುವುದು ತಪ್ಪಾ? ನಮ್ಮಿಂದ ತಪ್ಪೇ ಆಗದಂತೆ ನೋಡಿಕೊಳ್ಳೋದು ಸರಿ ದಾರಿನಾ ಅನಿಸಬಹುದು.
ನಮ್ಮಿಂದ ತಪ್ಪಾಗುವುದು ಬೇರೆ. ನಾವು ತಪ್ಪು ಮಾಡುವುದು ಬೇರೆ, ತಪ್ಪು ಆಗುವುದಕ್ಕೂ ಮಾಡುವುದಕ್ಕೂ ವ್ಯತ್ಯಾಸವೇನು ಅಂತ ನಿಮ್ಮ ಮನಸ್ಸಲ್ಲಿ ಪ್ರಶ್ನೆ ಮೂಡಬಹುದು.?
ಗೊತ್ತಿದ್ದು ಗೊತ್ತಿದ್ದು ನಾವು ಅದನ್ನು ಮಾಡುತ್ತೇವೆ ಅಂದ್ರೆ ಅದು ಘನಘೋರ ತಪ್ಪು. ಗೊತ್ತಿಲ್ಲದೆ ಆಗುವುದು ಸಹಜ ತಪ್ಪು ಅನ್ನಬಹುದೇನೋ…
ಮನುಷ್ಯನ ಜೀವನವೆಂದರೆ ತಪ್ಪುಗಳ ಸರಮಾಲೆ. ಬಹುಶಃ ತಪ್ಪು ಮಾಡದ ವ್ಯಕ್ತಿ ಜಗತ್ತಿನಲ್ಲಿಯೇ ಯಾರೂ ಇರಲಿಕ್ಕಿಲ್ಲ. ತಪ್ಪು ಮಾಡಿಯೇ ಮನುಷ್ಯ ಅದರ ಅನುಭವದಿಂದ ಬೆಳೆಯುತ್ತಾನೆ. ಎಲ್ಲವೂ ಸರಿಯಾಗಿಯೇ, ಸಮಸ್ಯೆಯಿಲ್ಲದೆ ನಡೆದರೆ ಅಂತಹ ಅನುಭವ ಪಕ್ವತೆಯನ್ನು ಪಡೆದಿಲ್ಲವೆಂದರ್ಥ.
ತಪ್ಪು ಮಾಡದೇ ಇರುವುದು ಬಹಳ ಕಠಿಣ. ಆದ್ದರಿಂದ ತಪ್ಪಾಗಿರುವುದನ್ನು ಸರಿ ಮಾಡಿಕೊಳ್ಳುವುದು ಮನುಷ್ಯನ ದೊಡ್ಡಗುಣ ಎನ್ನಬಹುದು. Mistakes are the portals to discoveries ಎಂಬುದನ್ನು James jercee ಅವರು ಹೇಳಿದ್ದಾರೆ. ನಮ್ಮ ಸಾಧನೆಗೆ ತಪ್ಪುಗಳು ಕೂಡ ಒಂದು ಮೆಟ್ಟಿಲಾಗಬಹುದು. ನಾವು ಮಾಡುವ ಒಳ್ಳೆಯ ಕೆಲಸಕ್ಕೆ ಭಗವಂತ ತಕ್ಷಣ ಯಾಕೆ ಫಲ ಕೊಡುವುದಿಲ್ಲ ? ಎಂದು ಯಾರೋ ಒಬ್ಬರು ಮಹಾತ್ಮ ರೊಡನೆ ಕೇಳಿದರಂತೆ. ಅದಕ್ಕವರು -ನಾವು ಮಾಡಿದ ತಪ್ಪುಗಳಿಗೆ ಕೂಡ ಭಗವಂತ ತಕ್ಷಣ ಶಿಕ್ಷೆ ಕೊಡುವುದಿಲ್ಲ ಎಂದರಂತೆ. ಅದಕ್ಕಾಗಿಯೇ ತಿಳಿದವರು ಹೇಳುತ್ತಾರೆ , ತಪ್ಪು ಮಾಡುವುದು ಮನುಜ ಗುಣ. ಆದರೆ ಕ್ಷಮಿಸುವುದು ದೈವೀಗುಣ ಅಂತ.
ಜಪಾನಿಯರಲ್ಲಿ ಒಂದು ಗುಣವಿದೆಯಂತೆ.ಅವರು ತಪ್ಪುಗಳನ್ನು ತಮ್ಮ ಲಾಭಕ್ಕಾಗಿ ಬಳಸಿಕೊಳ್ಳುತ್ತಾರೆ. ಅದು ಹೇಗೆ? ತಪ್ಪುಗಳನ್ನು ಲಾಭಕ್ಕೆ ಬಳಸಿಕೊಳ್ಳುವುದು ಎನ್ನುವುದು ನಿಮ್ಮ ಪ್ರಶ್ನೆಯಾಗಿರಬಹುದು. ಯಾವುದಾದರೂ ಪ್ರಮಾದ ವಾದರೆ, ಆಕಸ್ಮಿಕವಾಗಿ ತಪ್ಪಾದರೆ, ಅದು ಅವರ ಗಮನಕ್ಕೆ ಬಂದರೆ ಅದನ್ನು ಒಂದು ವಿಧಿಯೆಂದೇ ಬಗೆಯುತ್ತಾರೆ. ಏಕೆ ಗೊತ್ತೇ? ಅವರ ಪ್ರಕಾರ, ನಮ್ಮ ಕೆಲಸವು ಇನ್ನಷ್ಟು ಉತ್ತಮಗೊಳಿಸಲು ತಪ್ಪುಗಳೇ ಕೀಲಿಕೈ ಇದ್ದಂತೆ ಎನ್ನುವುದು ಅವರ ಭಾವನೆ.
ತಿಳಿದೊ ತಿಳಿಯದೊ ಕೆಲವೊಮ್ಮೆ ನಮ್ಮಿಂದ ತಪ್ಪಾಗುವುದು ಸಹಜ. ಇದರಿಂದಾಗಿ ನಮ್ಮ ಪ್ರೀತಿ ಪಾತ್ರರು, ಸ್ನೇಹಿತರು, ಅಥವಾ ಬಂಧುಗಳ ನಡುವೆ ಮನಸ್ತಾಪ ಉಂಟಾಗುತ್ತದೆ.
ನಾವು ಮಾಡಿದ ತಪ್ಪು ನಮ್ಮ ಅಂತರಾತ್ಮಕ್ಕೆ ತಪ್ಪು ಎಂಬುದಾಗಿ ತಿಳಿದ ತಕ್ಷಣ ನಾವು ಅದನ್ನು ಒಪ್ಪಿಕೊಳ್ಳಬೇಕು. ಅದರೊಂದಿಗೆ ಹೃದಯಪೂರ್ವಕವಾಗಿ ಕ್ಷಮೆಯನ್ನೂ ಕೇಳಬೇಕು. ನಮ್ಮಿಂದ ಆದ ತಪ್ಪಿಗೆ ನೋವನ್ನು ಕಡಿಮೆ ಮಾಡಲು ಸಾಧ್ಯವಾಗದೇ ಇದ್ದರೂ, ಪಶ್ಚಾತಾಪದಿಂದ ಮುಕ್ತರಾಗಬಹುದು.
ಇನ್ನೊಬ್ಬರು ನಮ್ಮ ತಪ್ಪನ್ನು ಎತ್ತಿ ತೋರಿಸುವ ಮೊದಲೇ, ಅವರು ಅದನ್ನು ಎಲ್ಲೆಡೆ ಹರಡುವ ಮೊದಲೇ, ನಮ್ಮ ತಪ್ಪನ್ನು ನಾವು ಒಪ್ಪಿಕೊಂಡರೆ ಉತ್ತಮ ಅಲ್ಲವೇ?
ನಮ್ಮ ತಪ್ಪನ್ನು ಒಪ್ಪಿಕೊಳ್ಳುವುದುರಿಂದ ಅಸಮಾಧಾನದ ವಾತಾವರಣ ತಿಳಿಯಾಗುತ್ತದೆ. ನಮ್ಮ ತಪ್ಪನ್ನು ನಾವು ಒಪ್ಪಿಕೊಂಡರೆ ಇತರರೂ ನಮ್ಮ ಸಹಾಯಕ್ಕೆ ಬರುತ್ತಾರೆ. ನಮಗೆ ನಮ್ಮ ತಪ್ಪಿನ ಅರಿವಾದಲ್ಲಿ ಎದುರಿಗೆ ಇರುವವರು ಸಹ ಪರ್ವಾಗಿಲ್ಲ ಅಂಥದ್ದೇನು ಆಗಿಲ್ಲವಲ್ಲ ಎಂದು ನಮ್ಮ ರಕ್ಷಣೆಗೆ ಬರುತ್ತಾರೆ. ನಮ್ಮಿಂದ ಬೇರೆಯವರಿಗೆ ತೊಂದರೆ ಆದ ತಕ್ಷಣ ಕ್ಷಮಿಸಿ ಎಂದರೆ ಅವರು ಕ್ಷಮಿಸುತ್ತಾರೆ. ಒಂದು ವೇಳೆ ನಾವು ನಮ್ಮ ತಪ್ಪನ್ನು ಒಪ್ಪಿಕೊಳ್ಳದೆ ಇದಕ್ಕೆ ಇತರರನ್ನು ದೂರಿದರೆ ಸಮಾಜ ತಕ್ಷಣ ನನ್ನನ್ನು ದೂಷಿಸಲು ಪ್ರಾರಂಭಿಸುತ್ತದೆ.
ಮನೋವಿಜ್ಞಾನಿಗಳ ಪ್ರಕಾರ, ನಮ್ಮ ತಪ್ಪನ್ನು ದೇವರು ಬೇಕಾದರೂ ಮನ್ನಿಸಬಹುದು. ಆದರೆ ನಮ್ಮ ನರಮಂಡಲ ಮಾತ್ರ ಕ್ಷಮಿಸುವುದಿಲ್ಲ ಎಂಬುದಾಗಿ ಹೇಳುತ್ತಾರೆ. ಅಂದರೆ ನಾವು ಪ್ರಜ್ಞಾಪೂರ್ವಕವಾಗಿ ಪ್ರತಿ ಬಾರಿಯೂ ಮಾಡಿದ ತಪ್ಪನ್ನು ಪದೇ ಪದೇ ಮರುಕಳಿಸುತ್ತಿದ್ದರೆ, ನಮ್ಮ ಆರೋಗ್ಯವನ್ನೂ , ನೆಮ್ಮದಿಯನ್ನೂ ಹಾಳುಮಾಡುತ್ತದೆ.
ಆದ್ದರಿಂದ ನಮ್ಮ ಆರೋಗ್ಯವನ್ನೂ, ನೆಮ್ಮದಿಯನ್ನು ಕಾಪಾಡಿಕೊಳ್ಳಬೇಕಾದರೆ ಪ್ರಜ್ಞಾಪೂರ್ವಕವಾಗಿ ತಪ್ಪು ಮಾಡದಿರೋಣ. ತಪ್ಪು ನಡೆದಾಗ ಒಪ್ಪಿಕೊಳ್ಳೋಣ. ಆತ್ಮಸಾಕ್ಷಿಗೆ ಸರಿಯಾಗಿ ನಡೆದುಕೊಳ್ಳೋಣ. ಇತರರ ತಪ್ಪುಗಳನ್ನು ಕ್ಷಮಿಸೋಣ.
ನಮ್ಮಿಂದಾದ ತಪ್ಪುಗಳನ್ನು ಒಪ್ಪಿಕೊಳ್ಳೋಣ. ಆದರೆ ಅಪ್ಪಿಕೊಳ್ಳುವುದು ಬೇಡ…. ನಿಮಗೇನು ಅನ್ನಿಸುತ್ತದೆ….?
Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.
Latest News on WhatsApp
Why Keelambi Media Lab Pvt Ltd ?
Klive News has simplified and given a complete makeover to the whole process of booking ads for different media platforms. Now there is no need for you to travel all the way to the respective offices. Nor do you need to write messages manually on Email form. Klive.news lets you do all this and more from the comfort of your home, office or even when you’re travelling. We have created a niche for ourselves in the world of advertising and our work speaks volumes about our ability and integrity.
KLIVE at Google News App
KLIVE Android App on Google Play Store
Download the most loved Klive App for your Android phone or tablet.
