ಕೇಂದ್ರಾಡಳಿತ ಪ್ರದೇಶ ಲಡಾಕ್ ಗಡಿಭಾಗದಲ್ಲಿ ಒತ್ತುವರಿ ಮಾಡುವ ಅಕ್ರಮ ಚಟುವಟಿಕೆಯನ್ನು ಚೀನಾ ಕಳೆದ ಆರು ದಶಕಗಳಿಂದ ನಡೆಸಿಕೊಂಡು ಬಂದಿದೆ.
ಇದುವರೆಗೂ ಸುಮಾರು 38 ಸಾವಿರ ಚದರ ಕಿಲೋಮೀಟರ್ ಭಾರತದ ಭೂಮಿಯನ್ನು ಅದು ಅಕ್ರಮಿಸಿದೆ ಎಂದು ಸರ್ಕಾರ ಲೋಕಸಭೆಗೆ ಮಾಹಿತಿ ನೀಡಿದೆ.
ಚೀನಾ ಮಾತ್ರವಲ್ಲ, ಪಾಕಿಸ್ತಾನವು ನಮ್ಮ ಪ್ರದೇಶವನ್ನು ಒತ್ತುವರಿ ಮಾಡಿದೆ. 1963 ರಲ್ಲಿ ಶೇಕ್ಸ್ ಗ್ರಾಮ್ ಕಣಿವೆಯಿಂದ ಚೀನಾ ಗಡಿವರೆಗಿನ ಭಾರತದ 5,180 ಚದರ ಕಿ. ಮೀ. ಭೂಭಾಗವನ್ನು ಪಾಕಿಸ್ತಾನ ಆಕ್ರಮಿಸಿಕೊಂಡಿತ್ತು. ಚೀನಾ ಕೂಡ ಆರು ದಶಕಗಳಿಂದ ಇದೆ ಅಕ್ರಮವನ್ನು ಮುಂದುವರಿಸಿಕೊಂಡು ಬಂದಿದೆ. 1963ರ ಚೀನಾ-ಪಾಕಿಸ್ತಾನ ಗಡಿ ಒಪ್ಪಂದದಲ್ಲಿ ಭೂ ರೇಖೆಗಳೇ ಇಲ್ಲ. ಆದ್ದರಿಂದ ಈ ಒಪ್ಪಂದವನ್ನು ಭಾರತ ಮಾನ್ಯತೆ ಮಾಡಿಲ್ಲ. ಈ ಭೂಪ್ರದೇಶವನ್ನು ಒತ್ತುವರಿಯ ಭಾಗ ಎಂದೇ ಪರಿಗಣಿಸಲಾಗಿದೆ ಎಂದು ವಿದೇಶಾಂಗ ಖಾತೆ ಸಹಾಯಕ ಸಚಿವ ವಿ. ಮುರಳಿಧರ ರಾವ್ ಅವರು ತಿಳಿಸಿದ್ದಾರೆ.