ಭೂತಾನ್ ಸರ್ಕಾರದ ಅತ್ಯುನ್ನತ ಪ್ರಶಸ್ತಿ ‘ನಗ್ ದಗ್ ಪೇಲ್ ಜಿ ಖೋರ್ಲೋ’ ಗೆ ಭಾರತದ ಮಾನ್ಯ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರು ಭಾಜನರಾಗಿದ್ದಾರೆ.
ಭೂತಾನ್ ದೇಶದ 114ನೇ ರಾಷ್ಟ್ರೀಯ ದಿನಾಚರಣೆ ವೇಳೆ ಮೋದಿಯವರಿಗೆ ಅತ್ಯುನ್ನತ ನಾಗರಿಕ ಪ್ರಶಸ್ತಿ ಘೋಷಿಸಲಾಗಿದೆ. ಈ ಕುರಿತಂತೆ ಭೂತಾನ್ ಪ್ರಧಾನಿ ಲೋಟೆ ತ್ಸೆರಿಂಗ್ ಟ್ವಿಟ್ಟರ್ ನಲ್ಲಿ ಟ್ವೀಟ್ ಮಾಡುವ ಮೂಲಕ “ಭಾರತದ ಪ್ರಧಾನಿಯವರಿಗೆ ನಮ್ಮ ದೇಶದ ಅತ್ಯುನ್ನತ ನಾಗರಿಕ ಪ್ರಶಸ್ತಿ ನೀಡುತ್ತಿರುವುದು ಖುಷಿಯಾ ಸಂಗತಿಯಾಗಿದೆ. ಖಂಡಿತವಾಗಿಯೂ ನೀವು ಪ್ರಶಸ್ತಿಗೆ ಅರ್ಹರಾಗಿದ್ದೀರಿ. ಇತ್ತೀಚಿನ ಹಲವು ವರ್ಷಗಳಲ್ಲಿ ನೀವು ಭೂತಾನ್ ಗೆ ನೀಡಿದ ಸಹಕಾರ, ಅದರಲ್ಲೂ ಕೊರೋನಾ ಬಿಕ್ಕಟ್ಟಿನ ಸಂದರ್ಭದಲ್ಲಿ ಒದಗಿಸಿದವು ಅತ್ಯಮೂಲ್ಯವಾದದ್ದು” ಎಂದು ಹೇಳಿದ್ದಾರೆ.
” ಭೂತಾನ್ ನ ಸಮಸ್ತ ನಾಗರಿಕರ ಪರವಾಗಿ ನಿಮಗೆ ಅಭಿನಂದನೆಗಳು. ಪ್ರತಿ ಬಾರಿ ನಿಮ್ಮ ಜೊತೆ ಮಾತನಾಡುವಾಗ ನೀವು ತೋರುವ ಔದಾರ್ಯ, ನಿಮ್ಮಲ್ಲಿರುವ ಮಾನವೀಯತೆಯು ನಮ್ಮ ಮನ ಮುಟ್ಟಿದೆ. ನಿಮ್ಮನ್ನು ಗೌರವಿಸಲು ನಾವು ಕಾತುರರಾಗಿದ್ದೇವೆ” ಎಂದು ತಿಳಿಸಿದ್ದಾರೆ.
ಭೂತಾನ್ ಸರ್ಕಾರ ನೀಡಿರುವ ಅಲ್ಲಿನ ಅತ್ಯುನ್ನತ ನಾಗರಿಕ ಪ್ರಶಸ್ತಿ ಕುರಿತಂತೆ ಪ್ರತಿಕ್ರಿಯಿಸಿರುವ ಪ್ರಧಾನಿ ಮೋದಿಯವರು ತ್ಸೆರಿಂಗ್ ಅವರಿಗೆ ಟ್ವೀಟ್ ಮಾಡುವ ಮೂಲಕ ಧನ್ಯವಾದ ತಿಳಿಸಿದ್ದು, “ನಿಮ್ಮ ಪ್ರೀತಿ, ಮಮಕಾರಕ್ಕೆ ನನ್ನ ಹೃದಯ ತುಂಬಿ ಬಂದಿದೆ” ಎಂದು ಹೇಳಿದ್ದಾರೆ.
Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.