ಇನ್ಸುಲಿನ್ ಶತಮಾನದ ಸ್ಮರಣೆ.

ಸಕ್ಕರೆ ಕಾಯಿಲೆ, ಡಯಾಬಿಟಿಸ್,ಮಧುಮೇಹ, ಸಕ್ಕರೆ ರೋಗ ಅಂತೆಲ್ಲಾ ಕರೆಸಿಕೊಳ್ಳುವ ಸಕ್ಕರೆ ಕಾಯಿಲೆ ಇರೋರಿಗೆ ಚೆನ್ನಾಗಿ ಗೊತ್ತಿರೋದು ಅವರು ತೆಗೆದುಕೊಳ್ಳುವ ಇನ್ಸುಲಿನ್. ಈ ಪರಿಣಾಮಕಾರಿ ಇನ್ಸುಲಿನ್ ಆವಿಷ್ಕಾರಗೊಂಡು ಇದೇ 2021ನೇ ಇಸವಿ ಗೆ ನೂರು ವರ್ಷ ಆಗುತ್ತದೆ. ಅಂದರೆ ವರದಾನ ಆಗಿರೋ ಇನ್ಸುಲಿನ್ ಇಡೀ ವಿಶ್ವದ ತುಂಬಾ ಪ್ರಚಾರವಾಗಿ ಶತಮಾನೋತ್ಸವ ಆಚರಿಸುತ್ತಿದೆ. 1921 ರಲ್ಲಿ ಟೊರಾಂಟೊ ವಿಶ್ವವಿದ್ಯಾಲಯದ ಸರ್ ಫೆಡರಿಕ್ ಜೆ ಬಾಂಟಿಂಗ್, ಚಾರ್ಲ್ಸ್ ಎಚ್. ಬೆಸ್ಟ್ ಮತ್ತು ಜೆಜೆಆರ್ ಮ್ಯಾಕ್ಲಿಯೋಡ್ ಇನ್ಸುಲಿನ್ ಅನ್ನು ಕಂಡುಹಿಡಿದರು. ಅದೇ ವರ್ಷವೇ ಜೇಮ್ಸ್ ಬಿ. ಕಾಲಿಪ್ ಅವರಿಂದ ಶುದ್ಧೀಕರಿಸಲಾಯಿತು. ಶಿವಮೊಗ್ಗದಲ್ಲಿ ಸಕ್ಕರೆ ರೋಗಕ್ಕೆ ಸೂಕ್ತ ಉಪಚಾರ ಹಾಗೂ ಸಲಹೆ ನೀಡುವ ತಜ್ಞರಿದ್ದಾರೆ. ಅವರೇ ಶಿವಮೊಗ್ಗದ ಡಾಕ್ಟರ್ ಬಿಸಿ ಪೃಥ್ವಿ. ಮೆಟ್ರೋ ಯೂನಿಟ್ ಹೆಲ್ತ್ ಕೇರ್ ಆಸ್ಪತ್ರೆಯ ವೈದ್ಯಕೀಯ ನಿರ್ದೇಶಕರು. ಸಲಹಾ ಪಿಜಿಷಿಯನ್. ಡಯಾಬಿಟಿಸ್ ಚಿಕಿತ್ಸಾ ತಜ್ಞರು. ಆತ್ಮೀಯರು ಅವರನ್ನ ಸಕ್ಕರೆ ರೋಗದ ಅಕ್ಕರೆಯ ಡಾಕ್ಟರ್ ಎಂದೇ ಕರೆಯುತ್ತಾರೆ. ಇನ್ಸುಲಿನ್ ಗೆ ನೂರು ತುಂಬಿದ ಆಚರಣೆ ಸಂಬಂಧ ಶಿವಮೊಗ್ಗದ ಮೆಟ್ರೋ ಯೂನಿಟ್ ಹೆಲ್ತ್ ಕೇರ್ ನಲ್ಲಿ ಅವರಿಂದ ಸರಳ ಸಮಾರಂಭ. ಸಾರ್ವಜನಿಕರಿಗೆ ಮಧುಮೇಹದ ಬಗ್ಗೆ ಸರಳ ಮಾಹಿತಿ ನೀಡಿದರು.