ಸವಿತಾ ಪೂನಿಯಾ ಸಾರಥ್ಯದ ಭಾರತದ ಮಹಿಳೆಯರ ಹಾಕಿ ತಂಡ ಏಷ್ಯಾ ಕಪ್ ಉಳಿಸಿಕೊಳ್ಳುವಲ್ಲಿ ವಿಫಲವಾದರೂ ಚೀನಾ ತಂಡವನ್ನು ಮಣಿಸಿ ಕಂಚಿನ ಪದಕ ಜಯಿಸುವಲ್ಲಿ ಸಫಲವಾಗಿದೆ.
ಮೂರು ಮತ್ತು ನಾಲ್ಕನೇ ಸ್ಥಾನಕ್ಕಾಗಿ ಇಲ್ಲಿನ ಸುಲ್ತಾನ್ ಖಾಬೂಸ್ ಸ್ಪೋರ್ಟ್ಸ್ ಕಾಂಪ್ಲೆಕ್ಸ್ ನಲ್ಲಿ ಪ್ಲೇ ಆಫ್ ಪಂದ್ಯದಲ್ಲಿ ಭಾರತ ತಂಡ 2ರಿಂದ 0 ಗೋಲ್ ಗಳ ಅಂತರದಿಂದ ಮಾಜಿ ಚಾಂಪಿಯನ್ ಚೀನಾ ತಂಡವನ್ನು ಸೋಲಿಸಿ ಮೂರನೇ ಸ್ಥಾನ ಗಳಿಸಿತು.
ಭಾರತದ ಪರ ಶರ್ಮಿಳಾ ದೇವಿ ಹದಿಮೂರನೇ ನಿಮಿಷ ಮತ್ತು ಗುರ್ಜಿತ್ ಕೌರ್ 19 ನಿಮಿಷ ತಲಾ ಒಂದು ಗೋಲ್ ಬಾರಿಸಿದರು. ಮೊದಲ ಎರಡು ಕ್ವಾರ್ಟರ್ ಗಳಲ್ಲಿ ತಲಾ ಒಂದು ಗೋಲ್ ಬಾರಿಸಿದ ಭಾರತ, ಆ ನಂತರದ ಎರಡು ಕ್ವಾರ್ಟರ್ ಗಳಲ್ಲಿ ರಕ್ಷಣಾತ್ಮಕ ಆಟಕ್ಕೆ ಒತ್ತು ನೀಡಿತು. ಆದ್ದರಿಂದ ತಿರುಗೇಟು ನೀಡಲು ಚೀನಾ ತಂಡಕ್ಕೆ ಸಾಧ್ಯವಾಗಲಿಲ್ಲ.