ಸಹೋದರರ ಸಮಾಗಮಕ್ಕೆ ನೆರವಾದ ಯು ಟ್ಯೂಬ್

ಕೆಲವು ದಿನಗಳ ಹಿಂದಷ್ಟೇ ಕರ್ತಾರ್ ಪುರ ಗುರುದ್ವಾರದಲ್ಲಿ ಬರೋಬ್ಬರಿ 74 ವರ್ಷದ ಬಳಿಕ ಇಬ್ಬರು ಸಹೋದರರು ಭೇಟಿಯಾದ ಬೆನ್ನಲ್ಲೇ ತಮ್ಮ ಸಂಬಂಧಿಗಳನ್ನು ಭೇಟಿಯಾಗಲು ಭಾರತದ ವ್ಯಕ್ತಿಗೆ ಪಾಕಿಸ್ತಾನ ಶುಕ್ರವಾರ ವೀಸಾ ನೀಡಿದೆ.
1947ರಲ್ಲಿ ಭಾರತ-ಪಾಕಿಸ್ತಾನ ಇಬ್ಭಾಗವಾದಾಗ ಸಹೋದರರಾದ ಸಿಕಾ ಖಾನ್ ಹಾಗೂ ಮೊಹಮ್ಮದ್ ಸಿದ್ಧಿಕಿ ಬೇರೆ ಬೇರೆಯಾಗಿದ್ದರು. ಸಿದ್ದಿಕಿ ಪಾಕ್ ಸೇರಿದರೆ,ಖಾನ್ ಭಾರತದಲ್ಲೇ ಉಳಿದಿದ್ದರು.
ಇದಾದ ಬಳಿಕ ಇಬ್ಬರಿಗೂ ಸಂಪರ್ಕವೇ ಇರಲಿಲ್ಲ. ಪಾಕಿಸ್ತಾನ ಮೂಲದ ಪಂಜಾಬಿ ಲೆಹರ್ ಎಂಬ ಯುಟ್ಯೂಬ್ ಚಾನೆಲ್ ನೆರವಿನಿಂದ ಖಾನ್ -ಸಿದ್ದಿಕಿ 74 ವರ್ಷದ ಬಳಿಕ ಇದೇ ತಿಂಗಳ ಆರಂಭದಲ್ಲಿ ಕರ್ತಾರ್ ಪುರ ಗುರುದ್ವಾರದಲ್ಲಿ ಭೇಟಿಯಾಗಿದ್ದರು