Shivamogga Guddekal ಶಿವಮೊಗ್ಗದ ವಿಜು ವರ್ಗಿಸ್ ರವರು ಮೋಟಾರ್ ಬೈಕಿನಲ್ಲಿ ಇಡೀ ಭಾರತ, ನೇಪಾಳ, ಭೂತಾನ್ ಮುಂತಾದ ದೇಶಗಳಿಗೆ ಹಾಗೂ ಭಾರತದ 33 ರಾಜ್ಯಗಳಿಗೆ ಪ್ರವಾಸ ಮಾಡಿದ್ದಾರೆ. ಆಯಾ ರಾಜ್ಯಗಳಿಂದ ನೀರು ಹಾಗೂ ಮಣ್ಣನ್ನು ಶೇಖರಣೆ ಮಾಡಿದ್ದಾರೆ. ಅದರ ಒಂದು ಭಾಗವನ್ನು ಶಿವಮೊಗ್ಗದ ಗುಡ್ಡೇಕಲ್ ಶ್ರೀ ಬಾಲಸುಬ್ರಹ್ಮಣ್ಯ ಸ್ವಾಮಿ ದೇವಸ್ಥಾನದ ಟ್ರಸ್ಟ್ ಆಡಳಿತ ಮಂಡಳಿ ಗೆ ಹಸ್ತಾಂತರಿಸಿದರು.
Shivamogga Guddekal ಈಗಾಗಲೇ ತಿಳಿದಿರುವಂತೆ ಗುಡ್ಡೆಕಲ್ ದೇವಸ್ಥಾನದಲ್ಲಿ 151 ಅಡಿ ಎತ್ತರದ ಬಾಲಸುಬ್ರಮಣ್ಯ ಸ್ವಾಮಿಯ ಪ್ರತಿಮೆ ಸ್ಥಾಪಿಸುವ ಚಟುವಟಿಕೆ ಆರಂಭವಾಗಿದೆ. ವಿಜು ವರ್ಗಿಸ್ ಅವರನ್ನು ಶ್ರೀ ಬಾಲಸುಬ್ರಹ್ಮಣ್ಯ ಸ್ವಾಮಿ ದೇವಸ್ಥಾನದ ಆಡಳಿತ ಮಂಡಳಿ ಕಚೇರಿಯಲ್ಲಿ ಸನ್ಮಾನಿಸಲಾಯಿತು. ಈ ಸಂದರ್ಭದಲ್ಲಿ ಜಿಲ್ಲಾ ರಕ್ಷಣಾಧಿಕಾರಿ ಜಿಕೆ ಮಿಥುನ್ ಕುಮಾರ್, ವಿಜು ವರ್ಗಿಸ್ ಅವರ ತಂದೆ ಪಿ ಜೆ ವರ್ಗೀಸ್, ತಾಯಿ ಜಾಲಿ ವರ್ಗೀಸ್, ಇನ್ನು ಮುಂತಾದವರು ಉಪಸ್ಥಿತರಿದ್ದರು.
