Chikkamagalu ಚಿಕ್ಕಮಗಳೂರಿನಲ್ಲಿ ಹಳ್ಳಿಕಾರ ಜನಾಂಗದವರಿಗೆ ಸಮುದಾಯ ಭವನ ಹಾಗೂ ಶ್ರೀಕೃಷ್ಣ ದೇವಾಲಯ ನಿರ್ಮಾಣಕ್ಕೆ ನಗರ ಸಮೀಪದ ಎರಡು ಎಕರೆ ಸರ್ಕಾರಿ ಜಮೀನು ಮಂಜೂರು ಮಾಡಿ ಕೊಡಬೇಕು ಎಂದು ಜಿಲ್ಲಾ ಹಳ್ಳಿಕಾರ ಯುವಕರ ಸಂಘ ಜಿಲ್ಲಾಡಳಿತವನ್ನು ಒತ್ತಾಯಿಸಿದೆ.
ಈ ಸಂಬಂಧ ಅಪರ ಜಿಲ್ಲಾಧಿಕಾರಿ ಬಿ.ಆರ್.ರೂಪ ಅವರಿಗೆ ಗುರುವಾರ ಮನವಿ ಸಲ್ಲಿಸಿದ ಸಮುದಾಯದ ಪದಾಧಿಕಾರಿಗಳು ಭೂಮಿ ಮಂಜೂರು ಮಾಡಿ ಜನಾಂಗ ಬೆಳವಣ ಗೆಗೆ ಸಹಕರಿಸಬೇಕು ಎಂದು ಆಗ್ರಹಿಸಿದರು.
ಈ ವೇಳೆ ಮಾತನಾಡಿದ ಸಂಘದ ಜಿಲ್ಲಾಧ್ಯಕ್ಷ ಕೋಟೆ ಸೋಮಣ್ಣ ತಾಲ್ಲೂಕಿನಲ್ಲಿ ನೂರಾರು ವರ್ಷಗಳಿಂದ ಸಾವಿರಾರು ಹಳ್ಳಿಕಾರ ಜನಾಂಗದವರು ವಾಸಿಸುತ್ತಿದ್ದಾರೆ. ಹೆಚ್ಚಾಗಿ ನಗರ ಸಮೀಪದ ಕೋಟೆ, ಹೊಸಮನೆ, ಹಿರೇ ಮಗಳೂರು, ದೋಣ ಖಣದಲ್ಲಿ ಸುಮಾರು ಎರಡು ಸಾವಿರಕ್ಕೂ ಹೆಚ್ಚು ಮಂದಿ ನಿವಾಸಿಗಳಾಗಿದ್ದಾರೆ ಎಂದರು.
Chikkamagalu ಹಳ್ಳಿಕಾರ ಸಮುದಾಯಕ್ಕೆ ಯಾವುದೇ ಒಂದೇ ಸರ್ಕಾರದ ಜಾಗ ಅಥವಾ ಸಮುದಾಯ ಭವನವಿರುವು ದಿಲ್ಲ. ಜನಾಂಗದ ಮದುವೆ ಹಾಗೂ ಶುಭ ಸಮಾರಂಭಗಳಿಗೆ ಇತರರ ಸಮುದಾಯ ಭವನಕ್ಕೆ ತೆರಳಿ ಸಾವಿರಾರು ವ್ಯಯಿಸಿ ಕಾರ್ಯಕ್ರಮವನ್ನು ಮಾಡಬೇಕಾಗಿರುವ ಪರಿಸ್ಥಿತಿ ಬಂದಿದೆ ಎಂದು ಹೇಳಿದರು.
ಆ ನಿಟ್ಟಿನಲ್ಲಿ ಜನಾಂಗದವರಿಗೆ ಸ್ವಂತ ಸಮುದಾಯ ಭವನ ವ್ಯವಸ್ಥೆ ಇದ್ದರೆ ತುಂಬಾ ಅನುಕೂಲವಾಗು ವ ಹಿನ್ನೆಲೆಯಲ್ಲಿ ನಗರ ಸಮೀಪವಿರುವ ಎರಡು ಎಕರೆ ಸರ್ಕಾರಿ ಜಮೀನು ಮಂಜೂರು ಮಾಡಿಕೊಟ್ಟಲ್ಲಿ ಸಮುದಾಯ ಹಾಗೂ ಶ್ರೀಕೃಷ್ಣ ದೇವಾಲಯ ನಿರ್ಮಾಣ ಮಾಡಲು ಅನುಕೂಲವಾಗಲಿದೆ ಎಂದು ಒತ್ತಾಯಿಸಿದರು.
ಈ ಸಂದರ್ಭದಲ್ಲಿ ಸಂಘದ ನಿರ್ದೇಶಕ ಬೆಟ್ಟೇಗೌಡ, ರಾಜ್ಯ ಹಳ್ಳಿಕಾರ ಸಂಘದ ನಿರ್ದೇಶಕ ಸಿ.ಹೆಚ್. ಶ್ರೀನಿವಾಸ್, ಕರ್ತಿಕೆರೆ ಗ್ರಾ.ಪಂ. ಅಧ್ಯಕ್ಷ ಯತೀಶ್, ಸಗನೀಪುರ ಗ್ರಾಮ ಘಟಕದ ಅಧ್ಯಕ್ಷ ಚಂದ್ರಶೇಖರ್, ಹಳ್ಳಿಕಾರ ಮಠದ ಟ್ರಸ್ಟಿಗಳಾದ ಬಿ.ಎನ್. ವೆಂಕಟೇಶ್, ಸಿ.ಎನ್.ಕುಮಾರ್, ಬೆನಕ ಮಂಜುನಾಥ್, ಜನಾಂಗ ದವರ ಕೋಟೆ ಕುಮಾರ್, ಮಹೇಶ್, ಗುರುಮೂರ್ತಿ, ರಾಜಣ್ಣ, ಪಾಂಡಣ್ಣ, ಪಾಂಡುರಂಗ, ಉದಯ ಕುಮಾರ್, ನಾಗೇಶ್, ರಂಗಸ್ವಾಮಿ, ಲೋಕೇಶ್, ಸತೀಶ್ ಮತ್ತಿತರರು ಹಾಜರಿದ್ದರು.
Book Your Advertisement Now.
Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.
