9ನೇ ಆವೃತ್ತಿಯ ಪ್ರೊ ಕಬಡ್ಡಿ ಟೂರ್ನಿಯ ಎರಡನೇ ಹಂತದ ಪಂದ್ಯಗಳ ವೇಳಾಪಟ್ಟಿ ಮಂಗಳವಾರ ಬಿಡುಗಡೆಯಾಗಿದೆ.
ಪಂದ್ಯಗಳು ಪುಣೆ ಮತ್ತು ಹೈದರಾಬಾದ್ನಲ್ಲಿ ನಡೆಯಲಿವೆ. ಪುಣೆಯಲ್ಲಿ ನವೆಂಬರ್ 9ರಿಂದ ಪಂದ್ಯಗಳು ಆರಂಭವಾಗಲಿದೆ. ನಂತರ ನವೆಂಬರ್ 18ರಿಂದ ನಡೆಯಲಿರುವ ಪಂದ್ಯಗಳಿಗೆ ಹೈದರಾಬಾದ್ ಆತಿಥ್ಯ ವಹಿಸಲಿದೆ.
ಎರಡನೇ ಹಂತದಲ್ಲಿ 70 ಪಂದ್ಯಗಳು ನಡೆಯಲಿವೆ. ಲೀಗ್ ಮುಕ್ತಾಯದ ನಂತರ ಪ್ಲೇ-ಆಫ್ ಆರಂಭವಾಗಲಿದೆ.
ಡಿಸೆಂಬರ್ 13ಕ್ಕೆ 2 ಎಲಿಮಿನೇಟರ್ ಪಂದ್ಯಗಳು ನಡೆಯಲಿವೆ. ಸೆಮಿಫೈನಲ್ ಪಂದ್ಯಗಳು ಡಿಸೆಂಬರ್ 15ಕ್ಕೆ, ಫೈನಲ್ ಡಿಸೆಂಬರ್ 17ಕ್ಕೆ ನಿಗದಿಯಾಗಿದೆ. ಪ್ಲೇ-ಆಫ್ಗೆ ಆತಿಥ್ಯ ವಹಿಸುವ ನಗರಗಳ ವಿವರ ಇನ್ನಷ್ಟು ಪ್ರಕಟಗೊಳ್ಳಬೇಕು.
