ದರ ಏರಿಕೆ ಕಂಡ ಕಾಳು ಮೆಣಸು

ಕಾಳು ಮೆಣಸು ದರ ಒಂದೇ ತಿಂಗಳಲ್ಲಿ ಕೆಜಿಗೆ 100 ರೂಪಾಯಿ ಹೆಚ್ಚಳವಾಗುವ ಮೂಲಕ ಕೃಷಿಕರ ಮೊಗದಲ್ಲಿ ಮಂದಹಾಸ ಮೂಡಿದೆ.
2013 14 ನಲ್ಲಿ ಇನ್ನೂರು ರೂಪಾಯಿ ಗಡಿದಾಟಿದ ಕಾಳುಮೆಣಸು ಧಾರಣೆ ದಿಢೀರ್ ಕುಸಿದು 270 ರೂಪಾಯಿವರೆಗೂ ಇಳಿದಿತ್ತು. ಆದರೆ ಈಗ ದಿಢೀರ್ 500ರ ಗಡಿ ದಾಟಿದ ಕಾಳುಮೆಣಸು ದರ ಕೃಷಿಕರಲ್ಲಿ ಸಂತಸ ಮೂಡಿಸಿದೆ.
ಕರಿಮೆಣಸು ಮಾರುಕಟ್ಟೆಯಲ್ಲಿ ಧಾರಣೆ ಏರುಗತಿಯಲ್ಲಿದ್ದು, ಇದು ಕೃಷಿಕರಲ್ಲಿ ಮಂದಹಾಸ ಮೂಡುವಂತೆ ಮಾಡಿದೆ. ಆದರೆ ಅಕಾಲಿಕ ಮಳೆಯಿಂದಾಗಿ ಈ ಬಾರಿ ಭಾರಿ ಪ್ರಮಾಣದಲ್ಲಿ ಬೆಳೆ ನಷ್ಟ ಆಗಿರುವ ಕಾರಣ ಬೆಲೆ ಏರಿಕೆಯಾಗಿದ್ದರೂ ಕೃಷಿಕರಿಗೆ ಇದರಿಂದ ದೊಡ್ಡಮಟ್ಟದ ಲಾಭವಾಗುವುದಿಲ್ಲ. ಮಾರುಕಟ್ಟೆ ಧಾರಣೆ ಇನ್ನಷ್ಟು ಏರಿಕೆ ಕಾಣುವ ಮುನ್ಸೂಚನೆ ಕಂಡುಬರುತ್ತಿದೆ ಎಂದು ಕೊಡಗು ಮುಖಂಡ, ಕರಿಮೆಣಸು ಬಳಕೆದಾರರ ಸಮನ್ವಯ ಸಮಿತಿಯ ವಿಶ್ವನಾಥ್ ಅವರು ತಿಳಿಸಿದ್ದಾರೆ.