ದೇಶದ ಉನ್ನತ ತನಿಖಾ ಸಂಸ್ಥೆಯ ಮುಂದೆ ಹಾಜರಾಗದ ಮತ್ತು ಅಕ್ರಮ ಹಣಕಾಸು ಪ್ರಕರಣದಲ್ಲಿ ತನ್ನ ನೋಟಿಸ್ ಗೆ ಸ್ಪಂದಿಸದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪಾಕಿಸ್ತಾನದ ಮಾಜಿ ಪ್ರಧಾನಿ ಇಮ್ರಾನ್ ಖಾನ್ ಅವರನ್ನು ಬಂಧಿಸಬಹುದು.
ಪಾಕಿಸ್ತಾನದ ದೈನಿಕ ಪತ್ರಿಕೆ ದಿ ನ್ಯೂಸ್ ನ ವರದಿಯ ಪ್ರಕಾರ, ಫೆಡರಲ್ ಇನ್ವೆಸ್ಟಿಗೇಷನ್ ಏಜೆನ್ಸಿ ಶುಕ್ರವಾರ ಇಮ್ರಾನ್ ಖಾನ್ʼಗೆ ಈ ಬಗ್ಗೆ 2ನೇ ನೋಟಿಸ್ ನೀಡಿದೆ. ಕಳೆದ ಬುಧವಾರ ಮೊದಲ ನೋಟಿಸ್ ಕಳುಹಿಸಲಾಗಿದ್ದು, ಅವರು ಎಫ್‌ಐಎ ತಂಡದ ಮುಂದೆ ಹಾಜರಾಗಲು ನಿರಾಕರಿಸಿದ್ದಾರೆ ಎಂದು ದಿ ನ್ಯೂಸ್ ವರದಿ ಯಲ್ಲಿ ತಿಳಿಸಿದೆ.
ಇಮ್ರಾನ್ ಖಾನ್ ಬಂಧಿಸುವ ಬಗ್ಗೆ ಮೂರು ನೋಟಿಸ್‌ಗಳನ್ನ ನೀಡಿದ ಬಳಿಕ ಅಂತಿಮ ನಿರ್ಧಾರವನ್ನ ತೆಗೆದುಕೊಳ್ಳಬಹುದು ಎಂದು ಉನ್ನತ ಮಟ್ಟದ ಎಫ್‌ಐಎ ಅಧಿಕಾರಿಗಳನ್ನು ಉಲ್ಲೇಖಿಸಿ ದಿ ನ್ಯೂಸ್ ವರದಿ ತಿಳಿಸಿದೆ.
ಯುಎಸ್, ಆಸ್ಟ್ರೇಲಿಯಾ, ಕೆನಡಾ, ಯುಕೆ ಮತ್ತು ಬೆಲ್ಜಿಯಂನಲ್ಲಿ ಕಾರ್ಯನಿರ್ವಹಿಸುತ್ತಿರುವ ಮಾಜಿ ಪ್ರಧಾನಿಯ ಪಕ್ಷಕ್ಕೆ ಸೇರಿದ ಐದು ಕಂಪನಿಗಳನ್ನ ಎಫ್‌ಐಎ ಪತ್ತೆಹಚ್ಚಿದೆ ಎಂದು ಮೂಲಗಳನ್ನು ಉಲ್ಲೇಖಿಸಿ ವರದಿ ತಿಳಿಸಿದೆ. ಪಾಕಿಸ್ತಾನದ ಚುನಾವಣಾ ಆಯೋಗಕ್ಕೆ ಸಲ್ಲಿಸಿದ ವರದಿಯಲ್ಲಿ ಈ ಕಂಪನಿಗಳನ್ನು ಉಲ್ಲೇಖಿಸಲಾಗಿಲ್ಲ.
