VISL Mine Society ಪಡಿತರದಾರರಿಗೆ ಸೇವಾನ್ಯೂನತೆ. ವಿಐ ಎಸ್ ಎಲ್ ಸೊಸೈಟಿ ಅಮಾನತು

VISL Mine Society ನ್ಯೂಟೌನ್ ಉಂಬ್ಳೇಬೈಲು ರಸ್ತೆಯಲ್ಲಿರುವ ವಿಐಎಸ್‌ಎಲ್ ಮೈನ್ ಸೊಸೈಟಿಯಲ್ಲಿ ಬಡವರಿಗೆ ನೀಡುವ ಪಡಿತರ26.47ಕ್ವಿಂಟಾಲ್ ಅಕ್ಕಿ ದಾಸ್ತಾನಿಲ್ಲದೆ ಕಡಿಮೆ ಇದ್ದುದ್ದನ್ನು ಆಹಾರ ಇಲಾಖಾಧಿಕಾರಿಗಳು ಪರಿಶೀಲಿಸಿ ಪತ್ತೆ ಹಚ್ಚಿ ಸೊಸೈಟಿಯನ್ನು ಅಮಾನತು ಮಾಡಿ ಕ್ರಮಕೈಗೊಂಡಿದ್ದಾರೆ.
ಆಹಾರ ಇಲಾಖೆಯ ನಿರೀಕ್ಷಕರು ಪರಿಶೀಲನೆ ಮಾಡಲಾಗಿ ಸೊಸೈಟಿಯಲ್ಲಿ ಇರಬೇಕಾಗಿದ್ದ 29.97 ಕ್ವಿಂಟಾಲ್ ಪಡಿತರ ಅಕ್ಕಿಯ ಬದಲು 3.50 ಕ್ವಿಂಟಾಲ್ ಮಾತ್ರ ಇದ್ದಿದ್ದನ್ನು ದಾಖಲಿಸಿಕೊಂಡು ಉಳಿಕೆ ೨೬.೪೭ ಕ್ವಿಂಟಾಲ್ ಇರಲಿಲ್ಲವೆಂದು ಮೇಲಾಧಿಕಾರಿಗಳಿಗೆ ಸಹಾಯಕ ನಿರ್ದೇಶಕರು ನೀಡಿದ ವರದಿ ಆಧರಿಸಿ ಜಿಲ್ಲಾ ಆಹಾರ ಇಲಾಖೆಯ ಉಪ ನಿರ್ದೇಶಕರು ತಕ್ಷಣದಿಂದ ಜಾರಿಗೆ ಬರುವಂತೆ ಸೊಸೈಟಿಯನ್ನು ಅಮಾನತು ಮಾಡಿದ್ದಾರೆ.
VISL Mine Society ಸೊಸೈಟಿಯಲ್ಲಿರುವ 250 ಪಡಿತರ ಚೀಟಿದಾರರ ಅನುಕೂಲಕ್ಕಾಗಿ ಟಿ.ಕೆ.ರಸ್ತೆಯ ಎಂ.ಎಂ.ಕಾಂಪೌಂಡ್ ಪಿಸಿಸಿಎಸ್ ಸೊಸೈಟಿಗೆ ಅಟ್ಯಾಚ್ ಮಾಡಿ ಆದೇಶಿಸಿದ್ದಾರೆ. ಪಿಸಿಸಿಎಸ್ ಸೊಸೈಟಿಯ ಕಾರ್ಯದರ್ಶಿ ಪಡಿತರ ಚೀಟಿದಾರರಿಗೆ ಅನುಕೂಲ ಕಲ್ಪಿಸಲು ಅಮಾನತ್ತುಗೊಂಡ ಸೊಸೈಟಿ ಸಮೀಪ ನ್ಯೂಟೌನ್ ಪೊಲೀಸ್ ಠಾಣೆ ಮುಂಭಾಗದ ಸಿದ್ದಲಿಂಗಯ್ಯ ಅವರ ಕಟ್ಟಡದಲ್ಲಿ ವಿಐಎಸ್‌ಎಲ್ ಮೈನ್ ಸೊಸೈಟಿಯ ಪಡಿತರ ಚೀಟಿದಾರರಿಗೆ ಅಕ್ಕಿ ಮತ್ತಿತರೆ ಪಡಿತರ ನೀಡಲಾಗುತ್ತಿದೆ. ಪಡಿತರ ಚೀಟಿದಾರರು ಇದರ ಸದುಪಯೋಗ ಪಡೆದುಕೊಳ್ಳಬೇಕೆಂದು ಸೊಸೈಟಿಯ ಕಾರ್ಯದರ್ಶಿ ತಿಳಿಸಿದ್ದಾರೆ.