Shivamogga Police ಶಿವಮೊಗ್ಗದ ಸೋಮಯ್ಯ ಲೇ ಔಟ್‌ನಲ್ಲಿ ಕಟ್ಟಡ ನಿರ್ಮಾಣದ ಕೆಲಸ ಮಾಡುತ್ತಿದ್ದ ಯುವ ಕಾರ್ಮಿಕ ವಿದ್ಯುತ್ ಶಾಕ್‌ನಿಂದ ಸಾವಿಗೀಡಾದ ಘಟನೆ ಸಂಭವಿಸಿದೆ.
ಹರೀಶ್ ಮೃತ ಕಾರ್ಮಿಕನಾಗಿದ್ದಾನೆ. ಆತನ ಸಾವಿಗೆ ಮೇಸ್ತ್ರಿಯ ಬೇಜವಾಬ್ದಾರಿ ಕಾರಣ ಎಂದು ಮೃತನ ಕುಟುಂಬ ಆರೋಪಿಸಿದೆ.
Shivamogga Police ಕಟ್ಟಡವೊಂದನ್ನು ನಿರ್ಮಿಸುತ್ತಿದ್ದ ವೇಳೆ ಮೇಸ್ತ್ರಿ ಸಿಮೆಂಟ್ ಮಿಕ್ಸಿಂಗ್ ನ ವೈಬ್ರೇಷನ್ ಮಿಷನ್ ಸ್ವಚ್ಛಗೊಳಿಸಲು ಸೂಚಿಸಿದ್ದರು. ಸ್ವಚ್ಛಗೊಳಿಸಲು ಮುಂದಾದ ಯುವಕ ದಿಢೀರ್ ಸಾವು ಕಂಡಿದ್ದಾನೆ. ಆದರೆ ಯುವಕನ ಸಾವಿಗೆ ವಿದ್ಯುತ್ ಶಾಕ್ ಕಾರಣ ಎನ್ನಲಾಗಿದೆ. ಮೇಸ್ತ್ರಿ ಸಹ ಮೃತನ ಕುಟುಂಬಕ್ಕೆ ಈ ವಿಷಯ ತಿಳಿಸಿದ್ದಾನೆ. ಜಯನಗರ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
