Covid Disease ರಾಜ್ಯದಲ್ಲಿ ಕೋವಿಡ್ ಸೋಂಕಿನ ಪ್ರಕರಣಗಳು ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿವೆ. ಈ
ಹಿನ್ನೆಲೆಯಲ್ಲಿ ರಾಜ್ಯದಲ್ಲಿ ದೈನಂದಿನ ಕೋವಿಡ್ ಪರೀಕ್ಷೆಗಳ ಸಂಖ್ಯೆಯನ್ನು 20 ಸಾವಿರಕ್ಕೆ ಹೆಚ್ಚಾಗುತ್ತಿವೆ ಎಂದು ಆರೋಗ್ಯ ಇಲಾಖೆ ಸೂಚನೆ ನೀಡಿದೆ.
Covid Disease ಸೋಂಕು ಹೆಚ್ಚಳ ಆಗಿರುವುದರಿಂದ ಮನೆ ಹಾಗೂ ಕಚೇರಿಗಳಲ್ಲಿ ಸೋಂಕಿತರ ಪ್ರಾಥಮಿಕ ಸಂಪರ್ಕಿತರಿಗೆ ಕಡ್ಡಾಯವಾಗಿ ಪರೀಕ್ಷೆ ನಡೆಸುವಂತೆ ಹಾಗೂ ಸಾರಿ (ತೀವ್ರ ಉಸಿರಾಟದ ತೊಂದರೆ) ಮತ್ತು ಐಎಲ್ಐ (ಶೀತಜ್ವರ ಸಮಸ್ಯೆಗಳು) ಪ್ರಕರಣಗಳನ್ನು, ರೋಗ ಲಕ್ಷಣ ಹೊಂದಿರುವ ಅಂತರರಾಜ್ಯ ಹಾಗೂ ಅಂತರರಾಷ್ಟ್ರೀಯ ಪ್ರಯಾಣಿಕರನ್ನು ಕಡ್ಡಾಯವಾಗಿ ಪರೀಕ್ಷೆಗೆ ಒಳಪಡಿಸಬೇಕು ಎಂದು ಸೂಚಿಸಲಾಗಿತ್ತು.
ಏ. 14ರಂದು 16, 496 ಪರೀಕ್ಷೆ ನಡೆಸಲಾಗಿದ್ದು, 498 (ಶೇ. 3.31) ಪ್ರಕರಣಗಳು ವರದಿಯಾಗಿವೆ. ಏ. 15ರಂದು 9,265 ಪರೀಕ್ಷೆ, 377 (ಶೇ. 4.06), ಏ. 16ರಂದು 11,693 ಪರೀಕ್ಷೆ 235 (ಶೇ. 2), ಏ. 17ರಂದು 4,012 ಪರೀಕ್ಷೆ 358 (ಶೇ. 8.92) ಹಾಗೂ ಏ. 18ರಂದು 16,634 ಪರೀಕ್ಷೆ ನಡೆಸಲಾಗಿದ್ದು, 379 (ಶೇ. 2.27) ಪ್ರಕರಣಗಳು ವರದಿಯಾಗಿವೆ.