Shivamogga District Police ದಿನಾಂಕ: 07-04-2023 ರಂದು ಮೊಹಮ್ಮದ್ ಬೇಗ್ ಎಂಬ ವ್ಯಕ್ತಿಯು ಓಮಿನಿ ವಾಹನದಲ್ಲಿ ಮಾದಕ ವಸ್ತು ಗಾಂಜಾವನ್ನು ಇಟ್ಟುಕೊಂಡು ಸಾಗರದ ಕಡೆಯಿಂದ ಆನಂದಪುರದ ಕಡೆಗೆ ಅಕ್ರಮವಾಗಿ ಸಾಗಾಟ ಮಾಡುತ್ತಿರುವ ಬಗ್ಗೆ ಬಂದ ಖಚಿತ ಮಾಹಿತಿಯ ಮೇರೆಗೆ, ಶ್ರೀ ಮಹೇಶ್ ಕುಮಾರ್ ಪೋಲಿಸ್ ಉಪನಿರೀಕ್ಷಕರು ಆನಂದಪುರ ಪೊಲೀಸ್ ಠಾಣೆ ಮತ್ತು ಸಿಬ್ಬಂದಿಗಳ ತಂಡವು ಠಾಣಾ ವ್ಯಾಪ್ತಿಯ *ಆನಂದಪುರ ಗ್ರಾಮದ ಅರಣ್ಯ ಇಲಾಖಾ ವಸತಿ ಗೃಹದ ಹತ್ತಿರ, ರಸ್ತೆಯಲ್ಲಿ ಬ್ಯಾರಿಕೇಡ್ ಹಾಕಿಕೊಂಡು, ವಾಹನಗಳನ್ನು ಪರಿಶೀಲನೆ ಮಾಡಿದ್ದಾರೆ.
Shivamogga District Police ಸಾಗರದ ಕಡೆಯಿಂದ ಬರುತ್ತಿದ್ದ ಸಿಲ್ವರ್ ಬಣ್ಣದ ಓಮಿನಿ ವಾಹನವನ್ನು ತಡೆದು ಪರಿಶೀಲನೆ ಮಾಡಿದಾಗ ಓಮಿನಿಯ ಒಳಗೆ ಗಾಂಜಾ ಪದಾರ್ಥವು ದೊರಕಿರುತ್ತದೆ. ನಂತರ ಓಮಿನಿ ವಾಹನದ ಚಾಲಕನಾದ ಆರೋಪಿ ಮೊಹಮ್ಮದ್ ಬೇಗ್ 42 ವರ್ಷ ಆಚಾಪುರ ಗ್ರಾಮ ಸಾಗರ ಈತನನ್ನು ವಶಕ್ಕೆ ಪಡೆದು, ಆರೋಪಿಯಿಂದ ಅಂದಾಜು ಮೌಲ್ಯ 13,000/- ರೂ ಗಳ ಒಟ್ಟು 960 ಗ್ರಾಂ ತೂಕದ ಒಣ ಗಾಂಜಾ, ಒಂದು ಮೊಬೈಲ್ ಫೋನ್ ಮತ್ತು ಕೃತ್ಯಕ್ಕೆ ಉಪಯೋಗಿಸಿದ ಓಮಿನಿ ವಾಹನವನ್ನು ಅಮಾನತ್ತು ಪಡಿಸಿಕೊಂಡು, ಗುನ್ನೆ ಸಂಖ್ಯೆ 07/2023 NDPS ಕಾಯ್ದೆ ರೀತ್ಯಾ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದೆ.
