ವೈದ್ಯನಾಥೇಶ್ವರ ಜಾರ್ಖಂಡ್ ರಾಜ್ಯದ ದಿಯೋಘರ್ ನಲ್ಲಿದೆ. ಶಿವ ,ಸ್ಮಶಾನ ವಾಸಿ.
ಆದ್ದರಿಂದ ಇಲ್ಲಿ ಶಿವನಿರುವ ಸ್ಥಳ ರುದ್ರಭೂಮಿಯಾಗಿದೆ. ಅಲ್ಲದೇ ಈ ಜಾಗದಲ್ಲಿ ವಿಷ್ಣು ದೇವತೆಗಳಿಗೆ ಅಮೃತ ನೀಡಿದ ತೀರ್ಥಸ್ಥಳವೆಂದು ಕರೆಯುತ್ತಾರೆ. ಗೋಕರ್ಣದ ಪ್ರಸಂಗದಂತೆಯೇ ರಾವಣನು ತಂದ ಶಿವನ ಆತ್ಮಲಿಂಗವನ್ನ ಭೂಸ್ಪರ್ಶಮಾಡಿದಾಗ ಅದು ಪಾತಾಳಕ್ಕೆ ಹೋಗಿಬಿಡುತ್ತದೆ.
ಹೀಗಾಗಿ ಭೂಮಿಯ ಒಳಗಡೆ ಈ ಜ್ಯೋತಿರ್ಲಿಂಗವಿದೆ ಎಂದು ಪ್ರತೀತಿ.
Dwadasha Jyotirlinga ಇಲ್ಲಿನ ಶಿವನನ್ನು ಮಹೇಶ್ವರ, ಅಮೃತೇಶ್ವರ,ಧನ್ವಂತರಿ, ವೈದ್ಯನಾಥ ಎಂದು ಪೂಜಿಸಲಾಗುತ್ತದೆ.
ಇದು ರುದ್ರಭೂಮಿ ಎಂಬ ಬಗ್ಗೆ ಸ್ಥಳಪುರಾಣದ ಉಲ್ಲೇಖವಿದೆ.
ದಾಕ್ಷಾಯಣಿಯ ದೇಹದ ಐವತ್ತೊಂದು ಭಾಗಗಳಲ್ಲಿ ಹೃದಯದ ಭಾಗ ಇಲ್ಲ ಬಿತ್ತಂತೆ. ಇಲ್ಲಿಯೇ ಶಿವನು ಆ ಹೃದಯದ ಭಾಗವನ್ನ ಚಿತೆಯಲ್ಲಿರಿಸಿ ದಹನಮಾಡಿ ಅಲ್ಲಿಯೆ ತನ್ನ ಗಣಗಳೊಂದಿಗೆ ನಿರಂತರವಿದ್ದ ಎಂದು ಹೇಳಲಾಗಿದೆ.
ಹೃದಯಭಾಗ ಬಿದ್ದ ಜಾಗದಲ್ಲಿ ಜಯದುರ್ಗಾ ಎಂಬ ಹೆಸರಿನ ಪೀಠವಿದೆ.
ಪಾತಾಳಕ್ಕೆ ಹೋದ ಲಿಂಗವನ್ನ ನೋಡಲು ರಾವಣ ಬಂದಾಗ ಅಲ್ಲಿ ವನ್ಯಪ್ರದೇಶ.
ಪ್ರಯಾಸದಿಂದ ಆತ್ಮಲಿಂಗದ ಸ್ಥಳ ಗುರುತಿಸುತ್ತಾನೆ. ಅದನ್ನ ಕಾಡಿನಲ್ಲಿನ ಬೇಡರು ಅರ್ಚನೆ ಮಾಡುತ್ತಿದ್ದರು.
ಇಲ್ಲಿ ಶಿವನ ಅಭಿಷೇಕಕ್ಕೆಂದು ರಾವಣ ದೊಡ್ಡ ಬಾವಿಯನ್ನ ಕಟ್ಟಿಸಿದ್ದಾನೆ.
ಅದಕ್ಕೆ ಚಂದ್ರಕೂಪ್ ಎಂದು ಕರೆಯುವರು. ಈ ಜ್ಯೋತಿರ್ಲಿಂಗಕ್ಕೆ
ಆಲಯ ನಿರ್ಮಿಸಿ ಬೈಜೂನಾಥ್ಎಂದು ಹೆಸರಿಟ್ಟಿದ್ದಾರೆ.
ನಂತರ ವೈದ್ಯನಾಥ ಆಗಿದೆ.
ಇಲ್ಲಿ ಇಪ್ಪತ್ತೊಂದು ದೇವರ ಸನ್ನಿಧಿಗಳಿವೆ. ವೈದ್ಯನಾಥ ಲಿಂಗವು ಹನ್ನೊಂದು ಅಂಗುಲ ಎತ್ತರವಿದೆ. ಆಲಯಕ್ಕೆ ಮೂರು ಪ್ರದಕ್ಷಿಣೆ ಬಂದು ಭೂಸ್ಪರ್ಶಮಾಡಿ ನಮಸ್ಕರಿಸಿದರೆ ಮನಃಕ್ಲೇಶಗಳು ಮರೆಯಾಗುತ್ತವಂತೆ.
ಆದಿ ಶಂಕರರ ವೈದ್ಯನಾಥ ಸ್ತುತಿ.
ಪೂರ್ವೋತ್ತರೇ ಪಾರಲಿಕಾಭಿದಾನೇ
ಸದಾಶಿವಂ ತಂ ಗಿರಿಜಾಸಮೇತಂ|
ಸುರಾಸುರಾರಾಧಾತಿತ ಪಾದಪದ್ಮಂ
ಶ್ರೀ ವೈದ್ಯನಾಥಂ ಸತತಂ ನಮಾಮಿ||
Book Your Advertisement Now.
Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.
