ಮಂಕಿಪಾಕ್ಸ್‌ನ ಹೆಚ್ಚುತ್ತಿರುವ ಪ್ರಕರಣಗಳ ನಡುವೆ, ಆಕ್ಸ್ಫರ್ಡ್ ವಿಶ್ವವಿದ್ಯಾಲಯವು ಮಂಕಿಪಾಕ್ಸ್ ವಿರುದ್ಧ ಔಷಧದ ಪರಿಣಾಮಕಾರಿತ್ವವನ್ನ ಪರೀಕ್ಷಿಸಲು ಪ್ಲಾಟಿನಂ ಎಂಬ ಪ್ರಯೋಗವನ್ನು ಪ್ರಾರಂಭಿಸಿದೆ. ಸಿಗಾದ ಟೆಕೊವಿರಿಮ್ಯಾಟ್, ಟಿಪೊಕ್ಸ್ ಎಂಬ ಬ್ರಾಂಡ್ ನೇಮ್ ಆಗಿ ಮಾರಾಟವಾಗುತ್ತಿತ್ತು.
ಇದನ್ನು ಆರಂಭದಲ್ಲಿ ಯುರೋಪಿಯನ್ ಯೂನಿಯನ್ ಮತ್ತು ಯುನೈಟೆಡ್ ಕಿಂಗ್ ಡಮ್‌ನಿಂದ ಸಿಡುಬು, ಮಂಕಿಪಾಕ್ಸ್ ಹಾಗೂ ಕೌಪಾಕ್ಸ್ಗಳನ್ನು ಒಳಗೊಂಡಿರುವ ಆರ್ಥೋಪಾಕ್ಸ್ ವೈರಸ್ ಕುಟುಂಬದಿಂದ ಉಂಟಾಗುವ ರೋಗಗಳಿಗೆ ಚಿಕಿತ್ಸೆ ನೀಡಲು ಬಳಸಲಾಗುತ್ತಿತ್ತು.
ಹೀಗಿರುವಾಗ, ಈ ಔಷಧವನ್ನು ಮಂಕಿಪಾಕ್ಸ್‌ನ ತೀವ್ರ ಪ್ರಕರಣಗಳಿಗೆ ಬಳಸಲು ಔಷಧಿಗಳು ಮತ್ತು ಆರೋಗ್ಯ ಉತ್ಪನ್ನಗಳ ನಿಯಂತ್ರಣ ಏಜೆನ್ಸಿ ಅನುಮೋದಿಸಿದೆ. ಆದ್ರೆ, ಮಂಕಿಪಾಕ್ಸ್ ಚಿಕಿತ್ಸೆಯಲ್ಲಿ ಔಷಧದ ಪರಿಣಾಮಕಾರಿತ್ವವನ್ನ ಸಾಬೀತುಪಡಿಸಲು ಪ್ರಯೋಗವನ್ನು ನಡೆಸಲಾಗುತ್ತಿದೆ. ಈ ಪ್ರಯೋಗ ಯೋಜನೆಯನ್ನ ಕೈಗೆತ್ತಿಕೊಂಡಿರುವ ಆಕ್ಸ್ಫರ್ಡ್ ವಿಶ್ವವಿದ್ಯಾಲಯದ ತಂಡವು ಈ ಹಿಂದೆ ಕೊರೋನಾ ಚಿಕಿತ್ಸೆಗಳ ಪರಿಣಾಮಕಾರಿತ್ವವನ್ನ ಪರೀಕ್ಷಿಸುವ ಪ್ರಯೋಗ ಗಳಲ್ಲಿ ಭಾಗಿಯಾಗಿತ್ತು.
