ಆಸ್ಟ್ರೇಲಿಯನ್ ಓಪನ್ ಟೆನ್ನಿಸ್:ಮೆಡ್ವಡೆವ್ ಉಪಾಂತ್ಯಕ್ಕೆ

ಆಸ್ಟ್ರೇಲಿಯನ್ ಓಪನ್ ಟೆನಿಸ್ ಟೂರ್ನಿಯಲ್ಲಿ ರಷ್ಯಾದ ಆಟಗಾರ ಡ್ಯಾನಿಲ್ ಮೆಡ್ವೆಡೆವ್ ಮತ್ತು ಸ್ಟೆಫಾನೋಸ್ ಸಿಸಿಪಾನ್ ಸೆಮಿಫೈನಲ್ ಗೆ ಲಗ್ಗೆ ಇಟ್ಟಿದ್ದಾರೆ.
ರಾಡ್ ಲೇವರ್ ಅರೆನಾ ಕ್ರೀಡಾಂಗಣದಲ್ಲಿ ನಡೆದ 5 ಸೆಟ್ ಗಳ ಹಣಾಹಣಿಯಲ್ಲಿ 25 ವರ್ಷದ ಬಲಗೈ ಆಟಗಾರ ಮೆಡ್ವೆಡೆವ್ 6-7(4/7),3-6,7-6(7/2),7-5,6-4, ಸೆಟ್ ಗಳಿಂದ ಕೆನಡಾದ 21 ರ ತರುಣ ಫೆಲಿಕ್ಸ್ ಆಗಾರ್ ಅಲಿಯಾಸಿಮ್ ಅವರ ಸವಾಲನ್ನು ಬಗ್ಗುಬಡಿದರು.
2021 ರ ಆವೃತ್ತಿಯ U.S ಓಪನ್ ಚಾಂಪಿಯನ್ ಗೆ ಕೆನಡಾದ 21ರ ತರುಣ ಮೊದಲ ಸೆಟ್ ನಲ್ಲೇ ಸೋಲುಣಿಸಿದರು. 2 ನೇ ಸೆಟ್ ನಲ್ಲಿ ಮೆಡ್ವೆಡೆವ್ ಹೆಚ್ಚಿನ ಯಾವುದೇ ಪ್ರತಿರೋಧವಿಲ್ಲದೆ ಶರಣಾದರು.
ಅಲಿಯಾಸಮ್ 3 ನೇ ಸೆಟ್ ನಲ್ಲು ಮೆಡ್ವೆಡೆವ್ ಎದುರಾಗಿ ಆಡಿದರೆ,ರಷ್ಯಾದ ಆಟಗಾರನ ಹೋರಾಟ 8 ರ ಘಟ್ಟದಲ್ಲೇ ಮುಗಿದುಹೋಗುತ್ತಿತ್ತು.
ಆದರೆ, ತಾನು ಕಲಿತ ಆಟದ ವರಸೆಗಳೆಲ್ಲವನ್ನೂ ಕೆನಡಾದ ಆಗರ್ ಅಲಿಯಾಸಿಮ್ ಮೇಲೆ ಪ್ರಯೋಗಿಸಿ ಮೆಡ್ವೆಡೆವ್ ಕೊನೆಯ ಮೂರೂ ಸೆಟ್ ಗಳಲ್ಲಿ ಜಯಮಾಲೆ ಹಾಕಿಕೊಂಡರು. “2022 ರ ಸಾಲಿನ ಮೊದಲ ಗ್ರ್ಯಾನ್ ಸ್ಲಾಮ್ ಟೆನಿಸ್ ಪ್ರಶಸ್ತಿ” ತಮ್ಮ ಮುಡಿಗೇರಿಸಿಕೊಳ್ಳುವ ನಿಟ್ಟಿನಲ್ಲಿ ಹೆಜ್ಜೆ ಹಾಕುತ್ತಿದ್ದಾರೆ