ಮಹಾರಾಷ್ಟ್ರದಲ್ಲಿ ದಿನೇದಿನೇ ಓಮಿಕ್ರಾನ್ ರೂಪಾಂತರಿ ಸೋಂಕಿತರ ಸಂಖ್ಯೆ ಜಾಸ್ತಿಯಾಗುತ್ತಿದೆ. ಒಂದೇ ದಿನ ಎಂಟು ಮಂದಿಯಲ್ಲಿ ಹೊಸ ರೂಪಾಂತರಿ ವೈರಾಣು ಪತ್ತೆಯಾಗಿದೆ. ಇವರಾರೂ ವಿದೇಶದಿಂದ ಬಂದವರಲ್ಲ ಮತ್ತು ವಿದೇಶದಿಂದ ಆಗಮಿಸಿದವರ ಜೊತೆ ಸಂಪರ್ಕವನ್ನು ಹೊಂದಿಲ್ಲ ಎನ್ನುವುದು ತಿಳಿದುಬಂದಿದೆ.
ದೇಶದಲ್ಲಿ ಇದುವರೆಗೆ ಒಟ್ಟು 60 ಪ್ರಕರಣಗಳು ದಾಖಲಾಗಿವೆ. ಮಹಾರಾಷ್ಟ್ರದಲ್ಲಿ 28, ರಾಜಸ್ಥಾನ 17, ದಿಲ್ಲಿ 6, ಗುಜರಾತ್ 4, ಕರ್ನಾಟಕ 3, ಪ್ರದೇಶ ಹಾಗೂ ಕೇರಳದಲ್ಲಿ ತಲಾ ಒಂದು ಓಮಿಕ್ರಾನ್ ಪ್ರಕರಣ ದಾಖಲಾಗಿವೆ.
ಒಮಿಕ್ರಾನ್ ಸೋಂಕಿತರಲ್ಲಿನ ಅನಾರೋಗ್ಯದ ಲಕ್ಷಣಗಳ ಬಗ್ಗೆ ಸ್ಪಷ್ಟವಾದ ಚಿತ್ರಣ ಸಿಗುತ್ತಿಲ್ಲ. ಜ್ವರ, ಮೈಕೈ ನೋವಿಗೆ ತಕ್ಕಂತೆ ಔಷಧೋಪಚಾರ ಮಾಡಲಾಗುತ್ತಿದೆ. ದೇಹದ ಒಳಗೆ ಒಮಿಕ್ರಾನ್ ನಿಂದಾಗುತ್ತಿರುವ ಅಪಾಯದ ಸುಳಿವು ವಿಜ್ಞಾನಿಗಳಿಗೆ, ತಜ್ಞ ವೈದ್ಯರಿಗೆ ಸ್ಪಷ್ಟವಾಗುತ್ತಿಲ್ಲ. ಸದ್ಯಕ್ಕೆ ಲಸಿಕೆಯ ಎರಡುಡೋಸ್ ಗಳನ್ನು ಪಡೆದು, ಮಾಸ್ಕ್ ಧರಿಸಿಕೊಂಡು ಸಂಚರಿಸುವುದು ಸೂಕ್ತ ಎಂದು ವಿಶ್ವ ಆರೋಗ್ಯ ಸಂಸ್ಥೆಯು ತಿಳಿಸಿದೆ.
Our site will give you the option of the best Article available in the selected area along with their Analytics of advertisement. You can choose the Keelambi Media Lab Pvt Ltd according to your need/budget.
